📅 2022-yil 15-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 15 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 15 июня 2022 г. · Постановления Президента
Официальный текст. Официальный документ. Редакционные примечания не включены.
📅 15 June 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Табиий газ бозорини ислоҳ қилишнинг қўшимча чора-тадбирлари тўғрисида
Ўзбекистон Республикаси Президентининг 2022 йил 8 апрелдаги «Тадбиркорлик муҳитини яхшилаш ва хусусий секторни ривожлантириш орқали барқарор иқтисодий ўсиш учун шарт-шароитлар яратиш борасидаги навбатдаги ислоҳотлар тўғрисида»ги ПФ-101-сон Фармонига мувофиқ республика иқтисодиёти тармоқлари ва аҳолисининг табиий газга бўлган талабини ишончли ва узлуксиз таъминлаш, газ узатиш тизимини ривожлантириш ва модернизация қилиш, энг яхши халқаро тажриба асосида тармоқда соғлом рақобат муҳитини шакллантириш мақсадида:
1. Иқтисодий тараққиёт ва камбағалликни қисқартириш вазирлиги, Молия вазирлиги ҳамда Энергетика вазирлигининг:
«UzGasTrade» акциядорлик жамиятини (кейинги ўринларда — «UzGasTrade» АЖ) ташкил этиш;
«Ўзтрансгаз» АЖни табиий газни ташиш, сақлаш ва транзит қилишга ихтисослашган ягона магистрал газ узатиш тизими оператори этиб белгилаш тўғрисидаги таклифларига розилик берилсин.
2. Белгилансинки, 2022 йил 1 августдан бошлаб «UzGasTrade» АЖ:
табиий газни республикадаги ишлаб чиқарувчилардан Идоралараро тариф комиссияси томонидан тасдиқланадиган нархларда ва импорт орқали ташқи манбалардан харид қилиш;
«Ҳудудгазтаъминот» АЖга ва магистрал газ узатиш тизимига уланган истеъмолчиларга табиий газни тўғридан-тўғри шартномалар асосида сотиш функцияларини бажаради.
Бунда, маҳсулот тақсимотига оид битимларни ҳамда маҳаллий ишлаб чиқарувчилар, қўшма корхоналар ва «UzGasTrade» АЖ ўртасидаги табиий газни харид қилиш тўғрисидаги шартномаларни расмийлаштириш ишлари 2022 йил 1 августга қадар «Ўзтрансгаз» АЖ томонидан бажарилади.
3. Молия вазирлиги Иқтисодий тараққиёт ва камбағалликни қисқартириш вазирлиги билан биргаликда халқаро молия институтларини ва консультантларни жалб қилган ҳолда бир ой муддатда:
«Ўзтрансгаз» АЖнинг мавжуд кредитор қарздорлигини тўлаш ва дебитор қарздорлигини ундириш, молиявий ҳолатини соғломлаштириш, бошқарув ва ташкилий тузилмасини қайта кўриб чиқиш, замонавий молиявий ҳисобдорлик ва бошқарув ҳамда харид тамойилларини татбиқ этиш ва «Ўзтрансгаз» АЖ томонидан 2024 йил якунига қадар халқаро кредит рейтинги қўлга киритилиши бўйича чора-тадбирлар режасини;
«Ўзтрансгаз» АЖ ва «Ҳудудгазтаъминот» АЖ билан биргаликда республика бўйича газ тақсимлаш станциялари ва саноат тугунларини хатловдан ўтказсин ва ушбу объектлар орқали хизмат кўрсатиладиган истеъмолчиларга боғлиқ ҳолда уларни қайта тақсимлаш бўйича таклифларни;
республика газ узатиш тизимини, шу жумладан ер ости газ сақлаш омборлари инфратузилмасини 2040 йилгача ривожлантириш ва модернизация қилиш стратегиясини ишлаб чиқиш бўйича техник топшириқномани Вазирлар Маҳкамасига киритсин.
4. Вазирлар Маҳкамаси Энергетика вазирлиги, Саноат хавфсизлиги давлат қўмитаси ва Давлат солиқ қўмитаси билан биргаликда икки ой муддатда «Ўзтрансгаз» АЖ магистрал газ узатиш тизимидаги барча кириш ва чиқиш нуқталарида ўрнатилган газ ҳисоблагичларни хатловдан ўтказган ҳолда уларнинг устидан онлайн назорат ўрнатиш тартибини тасдиқласин.
5. Белгилаб қўйилсинки:
«UzGasTrade» АЖ устав капиталидаги давлат акциялари пакетлари бўйича акциядор ҳуқуқи Иқтисодий тараққиёт ва камбағалликни қисқартириш вазирлиги томонидан амалга оширилади;
«UzGasTrade» АЖнинг устав капитали Давлат бюджетидан ажратиладиган субсидия маблағларининг бир қисми ҳисобидан шакллантирилади;
табиий газни сотиб олиш ва ички бозорда уни сотиш билан боғлиқ 2022 йил 1 август ҳолатига мавжуд дебитор ва кредитор қарздорликлар бўйича барча ҳуқуқ ва мажбуриятлар «Ўзтрансгаз» АЖ зиммасида қолади;
«Ўзтрансгаз» АЖнинг табиий газни харид қилиш ва сотиш шартномалари ҳамда битимлари, шу жумладан маҳсулот тақсимотига оид битимлар бўйича ҳуқуқ ва мажбуриятлари 2022 йил 1 августдан бошлаб «UzGasTrade» АЖга ўтади;
мазкур қарорга мувофиқ хўжалик жамиятларининг бир ташкилотдан бошқа бир ташкилотга ўтказилаётган мулки, мулкий ҳуқуқлари, шунингдек, устав капиталидаги акциялари ва улушлари қиймати, шу жумладан уларни қайта ташкил этиш ва тугатиш чоғида солиққа тортишнинг барча турлари бўйича солиқ солиш объекти ҳисобланмайди;
«UzGasTrade» АЖнинг устав капиталини шакллантиришда баҳоловчи ташкилот томонидан мол-мулкларни баҳолаш талаб этилмайди;
Иқтисодий тараққиёт ва камбағалликни қисқартириш вазирлиги ҳар йили табиий газ ресурслари ва истеъмоли балансидан келиб чиққан ҳолда табиий газнинг кейинги йилдаги экспорт ҳажми юзасидан таклифларни 1 октябрга қадар (2022 йил учун — жорий йил 1 августга қадар) Вазирлар Маҳкамасига тасдиқлаш учун киритади;
Молия вазирлиги «Ўзтрансгаз» АЖнинг мажбуриятлари бўйича илгари берилган давлат кафолатларига мазкур қарордан келиб чиқиб ўзгартиришлар киритсин.
Вазирлар Маҳкамаси ҳузуридаги Идоралараро тариф комиссияси (Ж. Қўчқоров) «Ўзтрансгаз» АЖнинг табиий газни ташиш хизмати учун тарифларни белгилашда унинг зиммасида қоладиган кредитор қарздорликлар тўлаб берилиши таъминланишини инобатга олсин.
6. Иқтисодий тараққиёт ва камбағалликни қисқартириш вазирлиги Молия вазирлиги, Давлат активларини бошқариш агентлиги билан биргаликда:
а) икки ҳафта муддатда «UzGasTrade» АЖ таъсис ҳужжатлари тасдиқланишини;
б) бир ой муддатда «Ўзтрансгаз» АЖ ва «UzGasTrade» АЖ ташкилий тузилмаларини ҳамда «UzGasTrade» АЖ Кузатув кенгашининг таркиби унга камида иккита мустақил аъзо сифатида хорижий мутахассислар жалб қилинишини инобатга олган ҳолда тасдиқланишини;
в) икки ой муддатда:
«Ўзтрансгаз» АЖ ва «UzGasTrade» АЖ раҳбарлик лавозимларига зарур тажриба ва амалий кўникмаларга эга бўлган юқори малакали мутахассислар, шу жумладан хорижий мутахассислар жалб этилишини;
ички бозорда сотиладиган энергия ресурсларини солиққа тортиш тартибини такомиллаштириш бўйича таклифлар Вазирлар Маҳкамасига киритилишини таъминласин.
8. Молия вазирлиги Иқтисодий тараққиёт ва камбағалликни қисқартириш вазирлиги билан биргаликда «UzGasTrade» АЖнинг табиий газни сотиб олиш ва сотиш нархларидаги тафовут сабабли юзага келадиган зарарларини қоплаш ва операцион фаолиятини молиялаштириш мақсадида:
икки ҳафта муддатда «UzGasTrade» АЖнинг фаолиятини молиялаштириш учун зарур бўладиган маблағлар ҳисоб-китоби ва манбаи бўйича аниқ таклифларни Вазирлар Маҳкамасига киритсин;
бир ой муддатда Ўзбекистон Республикасининг «2022 йил учун Ўзбекистон Республикасининг Давлат бюджети тўғрисида»ги Қонунига ўзгартиш ва қўшимчалар киритиш бўйича қонун лойиҳасини Вазирлар Маҳкамасига киритсин;
кейинги йилларда ушбу мақсадлар учун субсидияларни «Ўзбекистон Республикасининг Давлат бюджети тўғрисида»ги қонун лойиҳаларида назарда тутсин.
9. Иқтисодий тараққиёт ва камбағалликни қисқартириш вазирлиги уч ой муддатда, истисно тариқасида, «Ўзтрансгаз» АЖ ва «UzGasTrade» АЖ томонидан уларни ажратиш ва фаолиятларини алоҳида ташкил этиш, уларнинг операцион, иқтисодий ва молиявий моделларини ишлаб чиқиш, табиий газни етказиб берувчилар ва харид қилувчилар билан шартномалар базасини ажратиш ва бошқа трансформация жараёнларини йўлга қўйиш ва қўллаб-қувватлаш бўйича халқаро консалтинг компанияси билан тўғридан-тўғри шартнома тузилишини таъминласин.
10. Энергетика вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
11. Мазкур қарорнинг ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президентининг маслаҳатчиси Р.А. Гулямов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 15 июнь,
ПҚ-280-сон
Oʻzbekiston Respublikasi Prezidentining
Qarori
Tabiiy gaz bozorini isloh qilishning qoʻshimcha chora-tadbirlari toʻgʻrisida
Oʻzbekiston Respublikasi Prezidentining 2022-yil 8-apreldagi “Tadbirkorlik muhitini yaxshilash va xususiy sektorni rivojlantirish orqali barqaror iqtisodiy oʻsish uchun shart-sharoitlar yaratish borasidagi navbatdagi islohotlar toʻgʻrisida”gi PF-101-son Farmoniga muvofiq respublika iqtisodiyoti tarmoqlari va aholisining tabiiy gazga boʻlgan talabini ishonchli va uzluksiz taʼminlash, gaz uzatish tizimini rivojlantirish va modernizatsiya qilish, eng yaxshi xalqaro tajriba asosida tarmoqda sogʻlom raqobat muhitini shakllantirish maqsadida:
1. Iqtisodiy taraqqiyot va kambagʻallikni qisqartirish vazirligi, Moliya vazirligi hamda Energetika vazirligining:
“UzGasTrade” aksiyadorlik jamiyatini (keyingi oʻrinlarda — “UzGasTrade” AJ) tashkil etish;
“Oʻztransgaz” AJni tabiiy gazni tashish, saqlash va tranzit qilishga ixtisoslashgan yagona magistral gaz uzatish tizimi operatori etib belgilash toʻgʻrisidagi takliflariga rozilik berilsin.
2. Belgilansinki, 2022-yil 1-avgustdan boshlab “UzGasTrade” AJ:
tabiiy gazni respublikadagi ishlab chiqaruvchilardan Idoralararo tarif komissiyasi tomonidan tasdiqlanadigan narxlarda va import orqali tashqi manbalardan xarid qilish;
“Hududgaztaʼminot” AJga va magistral gaz uzatish tizimiga ulangan isteʼmolchilarga tabiiy gazni toʻgʻridan-toʻgʻri shartnomalar asosida sotish funksiyalarini bajaradi.
Bunda, mahsulot taqsimotiga oid bitimlarni hamda mahalliy ishlab chiqaruvchilar, qoʻshma korxonalar va “UzGasTrade” AJ oʻrtasidagi tabiiy gazni xarid qilish toʻgʻrisidagi shartnomalarni rasmiylashtirish ishlari 2022-yil 1-avgustga qadar “Oʻztransgaz” AJ tomonidan bajariladi.
3. Moliya vazirligi Iqtisodiy taraqqiyot va kambagʻallikni qisqartirish vazirligi bilan birgalikda xalqaro moliya institutlarini va konsultantlarni jalb qilgan holda bir oy muddatda:
“Oʻztransgaz” AJning mavjud kreditor qarzdorligini toʻlash va debitor qarzdorligini undirish, moliyaviy holatini sogʻlomlashtirish, boshqaruv va tashkiliy tuzilmasini qayta koʻrib chiqish, zamonaviy moliyaviy hisobdorlik va boshqaruv hamda xarid tamoyillarini tatbiq etish va “Oʻztransgaz” AJ tomonidan 2024-yil yakuniga qadar xalqaro kredit reytingi qoʻlga kiritilishi boʻyicha chora-tadbirlar rejasini;
“Oʻztransgaz” AJ va “Hududgaztaʼminot” AJ bilan birgalikda respublika boʻyicha gaz taqsimlash stansiyalari va sanoat tugunlarini xatlovdan oʻtkazsin va ushbu obyektlar orqali xizmat koʻrsatiladigan isteʼmolchilarga bogʻliq holda ularni qayta taqsimlash boʻyicha takliflarni;
respublika gaz uzatish tizimini, shu jumladan yer osti gaz saqlash omborlari infratuzilmasini 2040-yilgacha rivojlantirish va modernizatsiya qilish strategiyasini ishlab chiqish boʻyicha texnik topshiriqnomani Vazirlar Mahkamasiga kiritsin.
4. Vazirlar Mahkamasi Energetika vazirligi, Sanoat xavfsizligi davlat qoʻmitasi va Davlat soliq qoʻmitasi bilan birgalikda ikki oy muddatda “Oʻztransgaz” AJ magistral gaz uzatish tizimidagi barcha kirish va chiqish nuqtalarida oʻrnatilgan gaz hisoblagichlarni xatlovdan oʻtkazgan holda ularning ustidan onlayn nazorat oʻrnatish tartibini tasdiqlasin.
5. Belgilab qoʻyilsinki:
“UzGasTrade” AJ ustav kapitalidagi davlat aksiyalari paketlari boʻyicha aksiyador huquqi Iqtisodiy taraqqiyot va kambagʻallikni qisqartirish vazirligi tomonidan amalga oshiriladi;
“UzGasTrade” AJning ustav kapitali Davlat budjetidan ajratiladigan subsidiya mablagʻlarining bir qismi hisobidan shakllantiriladi;
tabiiy gazni sotib olish va ichki bozorda uni sotish bilan bogʻliq 2022-yil 1-avgust holatiga mavjud debitor va kreditor qarzdorliklar boʻyicha barcha huquq va majburiyatlar “Oʻztransgaz” AJ zimmasida qoladi;
“Oʻztransgaz” AJning tabiiy gazni xarid qilish va sotish shartnomalari hamda bitimlari, shu jumladan mahsulot taqsimotiga oid bitimlar boʻyicha huquq va majburiyatlari 2022-yil 1-avgustdan boshlab “UzGasTrade” AJga oʻtadi;
mazkur qarorga muvofiq xoʻjalik jamiyatlarining bir tashkilotdan boshqa bir tashkilotga oʻtkazilayotgan mulki, mulkiy huquqlari, shuningdek, ustav kapitalidagi aksiyalari va ulushlari qiymati, shu jumladan ularni qayta tashkil etish va tugatish chogʻida soliqqa tortishning barcha turlari boʻyicha soliq solish obyekti hisoblanmaydi;
“UzGasTrade” AJning ustav kapitalini shakllantirishda baholovchi tashkilot tomonidan mol-mulklarni baholash talab etilmaydi;
Iqtisodiy taraqqiyot va kambagʻallikni qisqartirish vazirligi har yili tabiiy gaz resurslari va isteʼmoli balansidan kelib chiqqan holda tabiiy gazning keyingi yildagi eksport hajmi yuzasidan takliflarni 1-oktabrga qadar (2022-yil uchun — joriy yil 1-avgustga qadar) Vazirlar Mahkamasiga tasdiqlash uchun kiritadi;
Moliya vazirligi “Oʻztransgaz” AJning majburiyatlari boʻyicha ilgari berilgan davlat kafolatlariga mazkur qarordan kelib chiqib oʻzgartirishlar kiritsin.
Vazirlar Mahkamasi huzuridagi Idoralararo tarif komissiyasi (J. Qoʻchqorov) “Oʻztransgaz” AJning tabiiy gazni tashish xizmati uchun tariflarni belgilashda uning zimmasida qoladigan kreditor qarzdorliklar toʻlab berilishi taʼminlanishini inobatga olsin.
6. Iqtisodiy taraqqiyot va kambagʻallikni qisqartirish vazirligi Moliya vazirligi, Davlat aktivlarini boshqarish agentligi bilan birgalikda:
a) ikki hafta muddatda “UzGasTrade” AJ taʼsis hujjatlari tasdiqlanishini;
b) bir oy muddatda “Oʻztransgaz” AJ va “UzGasTrade” AJ tashkiliy tuzilmalarini hamda “UzGasTrade” AJ Kuzatuv kengashining tarkibi unga kamida ikkita mustaqil aʼzo sifatida xorijiy mutaxassislar jalb qilinishini inobatga olgan holda tasdiqlanishini;
v) ikki oy muddatda:
“Oʻztransgaz” AJ va “UzGasTrade” AJ rahbarlik lavozimlariga zarur tajriba va amaliy koʻnikmalarga ega boʻlgan yuqori malakali mutaxassislar, shu jumladan xorijiy mutaxassislar jalb etilishini;
ichki bozorda sotiladigan energiya resurslarini soliqqa tortish tartibini takomillashtirish boʻyicha takliflar Vazirlar Mahkamasiga kiritilishini taʼminlasin.
8. Moliya vazirligi Iqtisodiy taraqqiyot va kambagʻallikni qisqartirish vazirligi bilan birgalikda “UzGasTrade” AJning tabiiy gazni sotib olish va sotish narxlaridagi tafovut sababli yuzaga keladigan zararlarini qoplash va operatsion faoliyatini moliyalashtirish maqsadida:
ikki hafta muddatda “UzGasTrade” AJning faoliyatini moliyalashtirish uchun zarur boʻladigan mablagʻlar hisob-kitobi va manbai boʻyicha aniq takliflarni Vazirlar Mahkamasiga kiritsin;
bir oy muddatda Oʻzbekiston Respublikasining “2022-yil uchun Oʻzbekiston Respublikasining Davlat budjeti toʻgʻrisida”gi Qonuniga oʻzgartish va qoʻshimchalar kiritish boʻyicha qonun loyihasini Vazirlar Mahkamasiga kiritsin;
keyingi yillarda ushbu maqsadlar uchun subsidiyalarni “Oʻzbekiston Respublikasining Davlat budjeti toʻgʻrisida”gi qonun loyihalarida nazarda tutsin.
9. Iqtisodiy taraqqiyot va kambagʻallikni qisqartirish vazirligi uch oy muddatda, istisno tariqasida, “Oʻztransgaz” AJ va “UzGasTrade” AJ tomonidan ularni ajratish va faoliyatlarini alohida tashkil etish, ularning operatsion, iqtisodiy va moliyaviy modellarini ishlab chiqish, tabiiy gazni yetkazib beruvchilar va xarid qiluvchilar bilan shartnomalar bazasini ajratish va boshqa transformatsiya jarayonlarini yoʻlga qoʻyish va qoʻllab-quvvatlash boʻyicha xalqaro konsalting kompaniyasi bilan toʻgʻridan-toʻgʻri shartnoma tuzilishini taʼminlasin.
10. Energetika vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
11. Mazkur qarorning ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidentining maslahatchisi R.A. Gulyamov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 15-iyun,
PQ-280-son
Президента Республики Узбекистан
Постановление
О дополнительных мерах по реформированию рынка природного газа
В соответствии с Указом Президента Республики Узбекистан от 8 апреля 2022 года № УП-101 «Об очередных реформах по созданию условий для стабильного экономического роста путем улучшения предпринимательской среды и развития частного сектора» в целях надежного и бесперебойного обеспечения потребности отраслей экономики и населения республики в природном газе, развития и модернизации газотранспортной системы, формирования здоровой конкурентной среды в отрасли на основе передового международного опыта:
1. Согласиться с предложениями Министерства экономического развития и сокращения бедности, Министерства финансов и Министерства энергетики:
о создании Акционерного общества «UzGasTrade» (далее — АО «UzGasTrade»);
об определении АО «Узтрансгаз» единым оператором магистральной газотранспортной системы, специализированным на транспортировке, хранении и транзите природного газа.
2. Установить, что с 1 августа 2022 года АО «UzGasTrade» осуществляет функции:
закупки природного газа у производителей республики по ценам, утверждаемым Межведомственной тарифной комиссией, и посредством импорта из внешних источников;
реализации природного газа АО «Худудгазтаъминот» и потребителям, подключенным к магистральной газотранспортной системе, на основе прямых договоров.
При этом работа по оформлению соглашений о разделе продукции и договоров между отечественными производителями, совместными предприятиями и АО «UzGasTrade» о закупке природного газа будет осуществляться АО «Узтрансгаз» в срок до 1 августа 2022 года.
3. Министерству финансов совместно с Министерством экономического развития и сокращения бедности с привлечением международных финансовых институтов и консультантов в месячный срок внести в Кабинет Министров:
план мероприятий по выплате имеющейся кредиторской задолженности и взысканию дебиторской задолженности АО «Узтрансгаз», оздоровлению финансового состояния, пересмотру управленческой и организационной структуры, внедрению системы современной финансовой отчетности, принципов управления и закупок, а также получению АО «Узтрансгаз» до конца 2024 года международного кредитного рейтинга;
предложения по перераспределению газораспределительных станций и промышленных коллекторов с учетом потребителей, обслуживаемых через данные объекты, с проведением по республике их инвентаризации совместно с АО «Узтрансгаз» и АО «Худудгазтаъминот»;
техническое задание на разработку Стратегии развития и модернизации газотранспортной системы республики, в том числе инфраструктуры подземных хранилищ газа до 2040 года.
4. Кабинету Министров совместно с Министерством энергетики, Государственным комитетом промышленной безопасности и Государственным налоговым комитетом в двухмесячный срок утвердить порядок онлайн-контроля за газовыми счетчиками, установленными во всех точках входа и выхода магистральной газотранспортной системы АО «Узтрансгаз», с проведением их инвентаризации.
5. Установить, что:
право акционера на пакеты государственных акций в уставном капитале АО «UzGasTrade» осуществляется Министерством экономического развития и сокращения бедности;
уставный капитал АО «UzGasTrade» формируется за счет части средств субсидий, выделяемых из Государственного бюджета;
все права и обязательства по существующим дебиторским и кредиторским задолженностям, связанным с покупкой природного газа и его реализацией на внутреннем рынке, по состоянию на 1 августа 2022 года остаются за АО «Узтрансгаз»;
с 1 августа 2022 года права и обязательства АО «Узтрансгаз» по договорам и соглашениям о закупке и реализации природного газа, в том числе о разделе продукции, переходят к АО «UzGasTrade»;
имущество, имущественные права, а также стоимость акций и долей в уставных капиталах хозяйственных обществ, передаваемые из одной организации в другую в соответствии с настоящим постановлением, в том числе при их реорганизации и ликвидации, не являются объектами налогообложения по всем видам налогов;
при формировании уставного капитала АО «UzGasTrade» оценка имущества оценочной организацией не требуется;
Министерство экономического развития и сокращения бедности ежегодно до 1 октября (в 2022 году — до 1 августа текущего года) исходя из баланса ресурсов и потребления природного газа вносит на утверждение в Кабинет Министров предложения по объемам экспорта природного газа на следующий год;
Министерству финансов внести изменения в ранее предоставленные государственные гарантии по обязательствам АО «Узтрансгаз» исходя из настоящего постановления.
Межведомственной тарифной комиссии при Кабинете Министров (Д. Кучкаров) при установлении тарифов на услуги АО «Узтрансгаз» по транспортировке природного газа предусмотреть обеспечение погашения остающейся у него кредиторской задолженности.
6. Министерству экономического развития и сокращения бедности совместно с Министерством финансов и Агентством по управлению государственными активами обеспечить:
а) в двухнедельный срок утверждение учредительных документов АО «UzGasTrade»;
б) в месячный срок утверждение организационных структур АО «Узтрансгаз» и АО «UzGasTrade», а также состав Наблюдательного совета АО «UzGasTrade» с привлечением как минимум двух зарубежных специалистов в качестве независимых членов;
в) в двухмесячный срок:
привлечение на руководящие должности в АО «Узтрансгаз» и АО «UzGasTrade» высококвалифицированных, в том числе зарубежных, специалистов, имеющих необходимый опыт и практические навыки;
внесение в Кабинет Министров предложений по совершенствованию порядка налогообложения энергоресурсов, реализуемых на внутреннем рынке.
8. Министерству финансов совместно с Министерством экономического развития и сокращения бедности в целях возмещения убытков, возникающих вследствие расхождения цен закупки и реализации природного газа, а также финансирования операционной деятельности АО «UzGasTrade»:
в двухнедельный срок внести в Кабинет Министров конкретные предложения по расчету и источнику средств, необходимых для финансирования деятельности АО «UzGasTrade»;
в месячный срок внести в Кабинет Министров проект закона о внесении изменений и дополнений в Закон Республики Узбекистан «О Государственном бюджете Республики Узбекистан на 2022 год»;
предусмотреть в последующие годы в проектах законов «О Государственном бюджете Республики Узбекистан» субсидии на эти цели.
9. Министерству экономического развития и сокращения бедности в трехмесячный срок обеспечить в порядке исключения заключение прямого договора с международной консалтинговой компанией по налаживанию и поддержке работ по разделению АО «Узтрансгаз» и АО «UzGasTrade», организации их обособленной деятельности, разработке их операционных, экономических и финансовых моделей, разделению базы договоров с поставщиками и покупателями природного газа, а также других процессов трансформации.
10. Министерству энергетики совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
11. Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова и советника Президента Республики Узбекистан Р.А. Гулямова.
Президент Республики Узбекистан Ш. МИРЗИЁЕВ
г. Ташкент,
15 июня 2022 г.,
№ ПП-280