📅 2022-yil 21-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 21 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 21 июня 2022 г. · Постановления Президента
Официальный текст. Официальный документ. Редакционные примечания не включены.
📅 21 June 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Гуманитар ёрдам кўрсатиш бўйича Халқаро кўп функцияли транспорт-логистика хабини ташкил этиш чоралари тўғрисида
Бугунги кунда зудлик билан ечимини кутаётган ва жаҳон ҳамжамияти томонидан ўзаро мувофиқлашган ҳаракатларни талаб этаётган ўта муҳим халқаро масалалардан бири Афғонистон ва бошқа давлатлардаги гуманитар муаммоларни ҳал этишдир.
Бирлашган Миллатлар Ташкилоти, бошқа халқаро ташкилотлар ва хорижий давлатлар томонидан Афғонистон ва бошқа давлатларга гуманитар ёрдамнинг тизимли асосда, марказлаштирилган ва мақсадли етказилишини таъминлаш ҳамда бунинг учун энг қулай шарт-шароитларни яратиш мақсадида:
1. Қуйидагилар:
Сурхондарё вилоятида халқаро юк ташишларда кенг кўламли транспорт-логистика хизматларини кўрсатиш учун зарур замонавий инфратузилмага эга бўлган «Termez Cargo Centre» МЧЖ фаолият юритаётганлиги;
Бирлашган Миллатлар Ташкилоти тузилмалари, бошқа халқаро ташкилотлар ва хорижий давлатлар бугунги кунда «Termez Cargo Centre» МЧЖнинг инфратузилма имкониятларидан Афғонистон ва бошқа давлатларга белгиланган тартибда гуманитар ёрдам кўрсатишда фаол фойдаланаётгани маълумот учун қабул қилинсин.
2. «Termez Cargo Centre» МЧЖнинг ушбу жамиятга Афғонистон ва бошқа давлатларга гуманитар ёрдам кўрсатиш бўйича халқаро кўп функцияли транспорт-логистика хаби (кейинги ўринларда — Халқаро хаб) мақомини бериш ҳамда қуйидаги қўшимча вазифаларни юклаш тўғрисидаги таклифига розилик берилсин:
гуманитар ёрдам кўрсатиш мақсадида Халқаро хабдан фойдаланаётган манфаатдор халқаро ташкилотлар ва хорижий давлатлар вакиллари учун зарур шарт-шароитлар яратиш;
халқаро ташкилотлар ва хорижий давлатлардан Афғонистон ва бошқа давлатларга юборилаётган гуманитар ёрдамни ҳаво, темир йўл ва автомобиль транспортидан фойдаланган ҳолда белгиланган тартибда қабул қилиш, сақлаш ва жўнатишни таъминлаш;
юклаш-тушириш ишлари, юкларни ташиш ва сақлашни ўз ичига олган комплекс транспорт-логистика хизматларини кўрсатиш, шунингдек, санитария қоидалари, нормалари ва гигиена нормативлари талабларига риоя этиш.
3. Белгилансинки, «Termez Cargo Centre» МЧЖнинг Термиз халқаро савдо маркази иштирокчилари реестрига киритилганлигини ҳисобга олиб ҳамда Ўзбекистон Республикаси Президентининг 2020 йил 12 ноябрдаги «Сурхондарё вилояти ва Тошкент шаҳрида махсус иқтисодий ва кичик саноат зоналари фаолиятини янада ривожлантириш чора-тадбирлари тўғрисида»ги ПФ-6109-сон Фармонига мувофиқ Халқаро хаб ҳудудида:
божхона, солиқ, сертификатлаштириш, фитосанитария, ветеринария, транспорт, банк хизматлари, валюта айирбошлаш ва мобил алоқа хизматлари, шунингдек, тиббий ва меҳмонхона хизматлари, автотранспорт воситаларига техник хизмат кўрсатиш ва бошқа хизматлар «ягона дарча» тамойили бўйича ва интерактив шаклда йўлга қўйилади;
Афғонистон ва бошқа давлатларга гуманитар ёрдам сифатида юборилаётган товарларни божхона чегараси орқали олиб ўтаётганда ушбу товарларнинг божхона расмийлаштируви устувор ва соддалаштирилган тартибда амалга оширилади;
Бирлашган Миллатлар Ташкилоти агентларининг Афғонистон ва бошқа давлатларга гуманитар ёрдам сифатида юборилаётган товарлари божхона чегараси орқали олиб ўтишда, заруратга кўра Ташқи ишлар вазирлигининг тасдиғи асосида, божхона йиғимларини тўлашдан озод этилади;
гуманитар юкларнинг хусусияти божхона органлари томонидан товар йўл юк ҳужжатлари ҳамда Бирлашган Миллатлар Ташкилотининг Ўзбекистондаги ваколатхонаси томонидан тақдим этилган хат асосида тасдиқланади.
4. Ташқи ишлар вазирлиги:
халқаро ҳамжамиятни Ўзбекистон Республикасида Халқаро хаб ташкил этилганлиги тўғрисида белгиланган тартибда хабардор қилсин;
Халқаро хабдан фойдаланаётган халқаро тузилмалар ва хорижий давлатлар вакилларининг Ўзбекистон Республикасига кириш бўйича аризалари ва мурожаатларига оид ҳужжатлар ўз вақтида ва тезкор кўриб чиқилишини таъминласин.
5. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 21 июнь,
ПҚ-288-сон
Oʻzbekiston Respublikasi Prezidentining
Qarori
Gumanitar yordam koʻrsatish boʻyicha Xalqaro koʻp funksiyali transport-logistika xabini tashkil etish choralari toʻgʻrisida
Bugungi kunda zudlik bilan yechimini kutayotgan va jahon hamjamiyati tomonidan oʻzaro muvofiqlashgan harakatlarni talab etayotgan oʻta muhim xalqaro masalalardan biri Afgʻoniston va boshqa davlatlardagi gumanitar muammolarni hal etishdir.
Birlashgan Millatlar Tashkiloti, boshqa xalqaro tashkilotlar va xorijiy davlatlar tomonidan Afgʻoniston va boshqa davlatlarga gumanitar yordamning tizimli asosda, markazlashtirilgan va maqsadli yetkazilishini taʼminlash hamda buning uchun eng qulay shart-sharoitlarni yaratish maqsadida:
1. Quyidagilar:
Surxondaryo viloyatida xalqaro yuk tashishlarda keng koʻlamli transport-logistika xizmatlarini koʻrsatish uchun zarur zamonaviy infratuzilmaga ega boʻlgan “Termez Cargo Centre” MCHJ faoliyat yuritayotganligi;
Birlashgan Millatlar Tashkiloti tuzilmalari, boshqa xalqaro tashkilotlar va xorijiy davlatlar bugungi kunda “Termez Cargo Centre” MCHJning infratuzilma imkoniyatlaridan Afgʻoniston va boshqa davlatlarga belgilangan tartibda gumanitar yordam koʻrsatishda faol foydalanayotgani maʼlumot uchun qabul qilinsin.
2. “Termez Cargo Centre” MCHJning ushbu jamiyatga Afgʻoniston va boshqa davlatlarga gumanitar yordam koʻrsatish boʻyicha xalqaro koʻp funksiyali transport-logistika xabi (keyingi oʻrinlarda — Xalqaro xab) maqomini berish hamda quyidagi qoʻshimcha vazifalarni yuklash toʻgʻrisidagi taklifiga rozilik berilsin:
gumanitar yordam koʻrsatish maqsadida Xalqaro xabdan foydalanayotgan manfaatdor xalqaro tashkilotlar va xorijiy davlatlar vakillari uchun zarur shart-sharoitlar yaratish;
xalqaro tashkilotlar va xorijiy davlatlardan Afgʻoniston va boshqa davlatlarga yuborilayotgan gumanitar yordamni havo, temir yoʻl va avtomobil transportidan foydalangan holda belgilangan tartibda qabul qilish, saqlash va joʻnatishni taʼminlash;
yuklash-tushirish ishlari, yuklarni tashish va saqlashni oʻz ichiga olgan kompleks transport-logistika xizmatlarini koʻrsatish, shuningdek, sanitariya qoidalari, normalari va gigiyena normativlari talablariga rioya etish.
3. Belgilansinki, “Termez Cargo Centre” MCHJning Termiz xalqaro savdo markazi ishtirokchilari reyestriga kiritilganligini hisobga olib hamda Oʻzbekiston Respublikasi Prezidentining 2020-yil 12-noyabrdagi “Surxondaryo viloyati va Toshkent shahrida maxsus iqtisodiy va kichik sanoat zonalari faoliyatini yanada rivojlantirish chora-tadbirlari toʻgʻrisida”gi PF-6109-son Farmoniga muvofiq Xalqaro xab hududida:
bojxona, soliq, sertifikatlashtirish, fitosanitariya, veterinariya, transport, bank xizmatlari, valyuta ayirboshlash va mobil aloqa xizmatlari, shuningdek, tibbiy va mehmonxona xizmatlari, avtotransport vositalariga texnik xizmat koʻrsatish va boshqa xizmatlar “yagona darcha” tamoyili boʻyicha va interaktiv shaklda yoʻlga qoʻyiladi;
Afgʻoniston va boshqa davlatlarga gumanitar yordam sifatida yuborilayotgan tovarlarni bojxona chegarasi orqali olib oʻtayotganda ushbu tovarlarning bojxona rasmiylashtiruvi ustuvor va soddalashtirilgan tartibda amalga oshiriladi;
Birlashgan Millatlar Tashkiloti agentlarining Afgʻoniston va boshqa davlatlarga gumanitar yordam sifatida yuborilayotgan tovarlari bojxona chegarasi orqali olib oʻtishda, zaruratga koʻra Tashqi ishlar vazirligining tasdigʻi asosida, bojxona yigʻimlarini toʻlashdan ozod etiladi;
gumanitar yuklarning xususiyati bojxona organlari tomonidan tovar yoʻl yuk hujjatlari hamda Birlashgan Millatlar Tashkilotining Oʻzbekistondagi vakolatxonasi tomonidan taqdim etilgan xat asosida tasdiqlanadi.
4. Tashqi ishlar vazirligi:
xalqaro hamjamiyatni Oʻzbekiston Respublikasida Xalqaro xab tashkil etilganligi toʻgʻrisida belgilangan tartibda xabardor qilsin;
Xalqaro xabdan foydalanayotgan xalqaro tuzilmalar va xorijiy davlatlar vakillarining Oʻzbekiston Respublikasiga kirish boʻyicha arizalari va murojaatlariga oid hujjatlar oʻz vaqtida va tezkor koʻrib chiqilishini taʼminlasin.
5. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 21-iyun,
PQ-288-son
Президента Республики Узбекистан
Постановление
О мерах по созданию Международного многофункционального транспортно-логистического хаба по оказанию гуманитарной помощи
На сегодняшний день одним из наиболее актуальных международных вопросов, требующим незамедлительного решения и взаимосогласованных действий мирового сообщества, является решение гуманитарных проблем в Афганистане и иных государствах.
В целях обеспечения централизованной и целевой поставки Организацией Объединенных Наций, другими международными организациями и зарубежными государствами гуманитарной помощи в Афганистан и иные государства на системной основе, а также создания для этого максимально благоприятных условий:
1. Принять к сведению, что:
в Сурхандарьинской области осуществляет деятельность ООО «Tеrmеz Cargo Centre», обладающее современной инфраструктурой, необходимой для оказания широкого спектра транспортно-логистических услуг в сфере международных перевозок;
структуры Организации Объединенных Наций, другие международные организации и зарубежные государства активно используют инфраструктурные возможности ООО «Tеrmеz Cargo Centre» для оказания гуманитарной помощи Афганистану и иным государствам в установленном порядке.
2. Согласиться с предложением ООО «Tеrmеz Cargo Centre» о присвоении данному обществу статуса Международного многофункционального транспортно-логистического хаба по оказанию гуманитарной помощи Афганистану и иным государствам (далее — Международный хаб) и возложении на него следующих дополнительных задач:
создание условий, необходимых для представителей заинтересованных международных организаций и зарубежных государств, использующих Международный хаб в целях оказания гуманитарной помощи;
обеспечение в установленном порядке приема, хранения и отправки гуманитарной помощи, направляемой международными организациями и зарубежными государствами в Афганистан и иные государства, с использованием воздушного, железнодорожного и автомобильного транспорта;
оказание комплексных транспортно-логистических услуг, включающих погрузочно-разгрузочные работы, транспортировку и хранение грузов, а также соблюдение требований санитарных правил, норм и гигиенических нормативов.
3. Установить, что, учитывая включение ООО «Tеrmеz Cargo Centre» в Реестр участников Термезского международного торгового центра, а также в соответствии с Указом Президента Республики Узбекистан от 12 ноября 2020 года № УП-6109 «О мерах по дальнейшему развитию деятельности специальных экономических и малых промышленных зон в Сурхандарьинской области и городе Ташкенте» на территории Международного хаба:
внедряется оказание таможенных, налоговых, фитосанитарных, ветеринарных, транспортных, банковских услуг, услуг сертификации, обмена валюты, мобильной связи, медицинских и гостиничных услуг, техническое обслуживание автотранспортных средств и иных услуг по принципу «одно окно», а также в интерактивной форме;
при перемещении через таможенную границу товаров, направляемых в Афганистан и иные государства в качестве гуманитарной помощи, их таможенное оформление осуществляется в приоритетном и упрощенном порядке;
товары агентов Организации Объединенных Наций, отправляемые в Афганистан и другие государства в качестве гуманитарной помощи, при перевозке через таможенную границу по мере необходимости на основании подтверждения Министерства иностранных дел освобождаются от уплаты таможенных сборов;
характеристика гуманитарных грузов утверждается таможенными органами на основе товаросопроводительных документов и письма, представленного представительством Организации Объединенных Наций в Узбекистане.
4. Министерству иностранных дел:
проинформировать международное сообщество о создании в Республике Узбекистан Международного хаба в установленном порядке;
обеспечить своевременное и оперативное рассмотрение документов по заявлениям и обращениям для въезда в Республику Узбекистан представителей международных организаций и зарубежных государств, использующих Международный хаб.
5. Контроль за исполнением настоящего постановления возложить на Премьер-министра Республики Узбекистан А.Н. Арипова и секретаря Совета безопасности при Президенте Республики Узбекистан В.В. Махмудова.
Президент Республики Узбекистан Ш. МИРЗИЁЕВ
г. Ташкент,
21 июня 2022 г.,
№ ПП-288