📅 2022-yil 28-iyun · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 28 июнь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 28 июня 2022 г. · Указы Президента
Официальный текст. Официальный документ. Редакционные примечания не включены.
📅 28 June 2022 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Солиқ маъмуриятчилигини ислоҳ қилиш даврида бизнес учун қулай шарт-шароитлар яратиш чора-тадбирлари тўғрисида
Солиқ қонунчилиги талабларини енгиллаштириш ҳамда солиқ маъмуриятчилигининг янги воситаларини самарали жорий этиш учун қулай шарт-шароитлар яратиш орқали тадбиркорлик субъектларининг солиқ юкини камайтириш ва бизнес юритишни соддалаштириш мақсадида:
1. 2022 йил 1 июлдан бўш турган бинолар, фойдаланилмаётган ишлаб чиқариш майдонлари, яшаш учун мўлжалланмаган иншоотлар, шунингдек, тугалланмаган қурилиш объектларига (фойдаланилмаётган объектлар) ҳамда ушбу объектлар билан банд бўлган ер участкаларига нисбатан мол-мулк ва ер солиқларининг оширилган ставкаларини қўллаш, солиқ имтиёзлари ва преференцияларнинг амал қилишини тўхтатиш тартиби (таъсирчан солиқ механизми) бекор қилинсин.
2. Белгилансинки, 2023 йил 1 мартга қадар:
ҳисобварақ-фактураларда ёки назорат-касса техникаси чекларида олинган товарлар (хизматлар) номенклатурасига ёхуд фаолиятнинг ўзига хос хусусиятларига ва амалга ошириладиган турларига мувофиқ бўлмаган идентификация кодларини акс эттирганлик учун молиявий жарима солинмайди;
хўжалик юритувчи субъектлар томонидан асосий воситалар, номоддий активлар ва товар-моддий ресурсларни ҳисобга олиш (сотиб олиш (қуриш), ишга тушириш, қайта баҳолаш, тасарруф этиш) ҳамда ўз устав фондини (устав капиталини) шакллантириш ва камайтириш билан боғлиқ барча операцияларни солиқ органларининг «Е-актив» ахборот тизимида акс эттириш ихтиёрий ҳисобланади.
3. 2022 йил 1 июлдан шундай тартиб ўрнатилсинки, унга мувофиқ:
мажбурий равишда қўшилган қиймат солиғи тўловчиси сифатида эътироф этиладиган тадбиркорлик субъектларига қўшилган қиймат солиғи бўйича махсус рўйхатдан ўтказилганлиги тўғрисида гувоҳнома солиқ хавфи даражасига аниқлик киритилмасдан туриб автоматик равишда берилади. Бунда тадбиркорлик субъектларининг фаолияти солиқ органлари томонидан мониторинг қилиб борилади ва мониторинг давомида солиқ хавфи ҳолатларининг аниқланиши қўшилган қиймат солиғи бўйича махсус рўйхатдан ўтказилганлиги тўғрисида гувоҳноманинг амал қилишини тўхтатиб қўйишга асос бўлади;
солиқ хавфининг юқори даражасига эга солиқ тўловчиларнинг қўшилган қиймат солиғи бўйича махсус рўйхатдан ўтказилганлиги тўғрисида гувоҳноманинг амал қилиши бу ҳақида солиқ органлари томонидан беш иш куни олдин хабарнома юборилгандан сўнг ҳамда мазкур муддатда камчиликлар бартараф этилмаган тақдирда тўхтатиб турилади (бундан амалга оширилаётган битимлар (операциялар) харид қилинаётган ва реализация қилинаётган товарлар (хизматлар) номенклатурасига мувофиқ келмаслиги ёки солиқ тўловчи давлат рўйхатидан ўтказилган манзилда мавжуд бўлмаганлиги ҳолатлари мустасно).
4. Давлат солиқ қўмитаси Молия вазирлиги ҳамда бошқа манфаатдор вазирлик ва идоралар билан биргаликда:
мазкур Фармоннинг мазмун-моҳияти, шунингдек, солиқ маъмуриятчилигида жорий этилган сўнгги ўзгаришлар тўғрисида аҳоли ва тадбиркорлик субъектларига кенг тушунтириш ишларини, шу жумладан оммавий ахборот воситалари ва Интернет тармоғи орқали тизимли равишда ташкил этсин;
икки ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
5. Мазкур Фармоннинг ижросини самарали ташкил қилишга масъул ва шахсий жавобгар этиб Давлат солиқ қўмитаси раиси Ш.Д. Кудбиев белгилансин.
Фармон ижросини ҳар чоракда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазир ўринбосари Ж.А. Қўчқоров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 28 июнь,
ПФ-162-сон
Oʻzbekiston Respublikasi Prezidentining
Farmoni
Soliq maʼmuriyatchiligini isloh qilish davrida biznes uchun qulay shart-sharoitlar yaratish chora-tadbirlari toʻgʻrisida
Soliq qonunchiligi talablarini yengillashtirish hamda soliq maʼmuriyatchiligining yangi vositalarini samarali joriy etish uchun qulay shart-sharoitlar yaratish orqali tadbirkorlik subyektlarining soliq yukini kamaytirish va biznes yuritishni soddalashtirish maqsadida:
1. 2022-yil 1-iyuldan boʻsh turgan binolar, foydalanilmayotgan ishlab chiqarish maydonlari, yashash uchun moʻljallanmagan inshootlar, shuningdek, tugallanmagan qurilish obyektlariga (foydalanilmayotgan obyektlar) hamda ushbu obyektlar bilan band boʻlgan yer uchastkalariga nisbatan mol-mulk va yer soliqlarining oshirilgan stavkalarini qoʻllash, soliq imtiyozlari va preferensiyalarning amal qilishini toʻxtatish tartibi (taʼsirchan soliq mexanizmi) bekor qilinsin.
2. Belgilansinki, 2023-yil 1-martga qadar:
hisobvaraq-fakturalarda yoki nazorat-kassa texnikasi cheklarida olingan tovarlar (xizmatlar) nomenklaturasiga yoxud faoliyatning oʻziga xos xususiyatlariga va amalga oshiriladigan turlariga muvofiq boʻlmagan identifikatsiya kodlarini aks ettirganlik uchun moliyaviy jarima solinmaydi;
xoʻjalik yurituvchi subyektlar tomonidan asosiy vositalar, nomoddiy aktivlar va tovar-moddiy resurslarni hisobga olish (sotib olish (qurish), ishga tushirish, qayta baholash, tasarruf etish) hamda oʻz ustav fondini (ustav kapitalini) shakllantirish va kamaytirish bilan bogʻliq barcha operatsiyalarni soliq organlarining “E-aktiv” axborot tizimida aks ettirish ixtiyoriy hisoblanadi.
3. 2022-yil 1-iyuldan shunday tartib oʻrnatilsinki, unga muvofiq:
majburiy ravishda qoʻshilgan qiymat soligʻi toʻlovchisi sifatida eʼtirof etiladigan tadbirkorlik subyektlariga qoʻshilgan qiymat soligʻi boʻyicha maxsus roʻyxatdan oʻtkazilganligi toʻgʻrisida guvohnoma soliq xavfi darajasiga aniqlik kiritilmasdan turib avtomatik ravishda beriladi. Bunda tadbirkorlik subyektlarining faoliyati soliq organlari tomonidan monitoring qilib boriladi va monitoring davomida soliq xavfi holatlarining aniqlanishi qoʻshilgan qiymat soligʻi boʻyicha maxsus roʻyxatdan oʻtkazilganligi toʻgʻrisida guvohnomaning amal qilishini toʻxtatib qoʻyishga asos boʻladi;
soliq xavfining yuqori darajasiga ega soliq toʻlovchilarning qoʻshilgan qiymat soligʻi boʻyicha maxsus roʻyxatdan oʻtkazilganligi toʻgʻrisida guvohnomaning amal qilishi bu haqida soliq organlari tomonidan besh ish kuni oldin xabarnoma yuborilgandan soʻng hamda mazkur muddatda kamchiliklar bartaraf etilmagan taqdirda toʻxtatib turiladi (bundan amalga oshirilayotgan bitimlar (operatsiyalar) xarid qilinayotgan va realizatsiya qilinayotgan tovarlar (xizmatlar) nomenklaturasiga muvofiq kelmasligi yoki soliq toʻlovchi davlat roʻyxatidan oʻtkazilgan manzilda mavjud boʻlmaganligi holatlari mustasno).
4. Davlat soliq qoʻmitasi Moliya vazirligi hamda boshqa manfaatdor vazirlik va idoralar bilan birgalikda:
mazkur Farmonning mazmun-mohiyati, shuningdek, soliq maʼmuriyatchiligida joriy etilgan soʻnggi oʻzgarishlar toʻgʻrisida aholi va tadbirkorlik subyektlariga keng tushuntirish ishlarini, shu jumladan ommaviy axborot vositalari va Internet tarmogʻi orqali tizimli ravishda tashkil etsin;
ikki oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
5. Mazkur Farmonning ijrosini samarali tashkil qilishga masʼul va shaxsiy javobgar etib Davlat soliq qoʻmitasi raisi Sh.D. Kudbiyev belgilansin.
Farmon ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazir oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 28-iyun,
PF-162-son
Президента Республики Узбекистан
Указ
О мерах по созданию благоприятных условий для бизнеса в период реформирования налогового администрирования
В целях снижения налоговой нагрузки субъектов предпринимательства и упрощения ведения бизнеса путем облегчения требований налогового законодательства и создания благоприятных условий для эффективного внедрения новых инструментов налогового администрирования:
1. Отменить с 1 июля 2022 года порядок применения повышенных ставок налога на имущество и земельного налога, приостановления действия налоговых льгот и преференций (действенного налогового механизма) в отношении пустующих зданий, неиспользуемых производственных площадей, сооружений нежилого назначения, объектов незавершенного строительства (неиспользуемых объектов), а также земельных участков, занятых данными объектами.
2. Установить, что в период до 1 марта 2023 года:
не применяются финансовые санкции за отражение в счетах-фактурах или чеках контрольно-кассовой техники идентификационных кодов, не соответствующих номенклатуре приобретенных товаров (услуг) либо особенностям и осуществляемым видам деятельности;
отражение всех операций, связанных с учетом (приобретением (строительством), запуском, переоценкой, распоряжением) хозяйствующими субъектами основных средств, нематериальных активов и товарно-материальных ресурсов, а также формированием и уменьшением своего уставного фонда (уставного капитала), в информационной системе налоговых органов «Е-актив» является добровольным.
3. Установить порядок, в соответствии с которым с 1 июля 2022 года:
субъектам предпринимательства, которые в обязательном порядке признаются плательщиками налога на добавленную стоимость, свидетельство о прохождении специальной регистрации по налогу на добавленную стоимость выдается автоматически без внесения уточнения в уровень налогового риска. При этом налоговыми органами ведется мониторинг деятельности субъектов предпринимательства и выявление в ходе мониторинга случаев налогового риска является основанием для приостановления действия свидетельства о прохождении специальной регистрации по налогу на добавленную стоимость;
действие свидетельства о прохождении специальной регистрации по налогу на добавленную стоимость налогоплательщиков с высоким уровнем налогового риска приостанавливается после направления налоговыми органами уведомления об этом за пять рабочих дней, а также в случае не устранения недостатков в указанный срок (за исключением случаев несоответствия реализуемых соглашений (операций) номенклатуре приобретаемых и реализуемых товаров (услуг) или отсутствия налогоплательщика по адресу государственной регистрации).
4. Государственному налоговому комитету совместно с Министерством финансов, а также другими заинтересованными министерствами и ведомствами:
организовать на системной основе работу по широкому разъяснению населению и субъектам предпринимательства сути и содержания настоящего Указа, а также последних изменений, введенных в налоговое администрирование, в том числе посредством средств массовой информации и сети Интернет;
в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.
5. Возложить на председателя Государственного налогового комитета Ш.Д. Кудбиева персональную ответственность за эффективную организацию исполнения настоящего Указа.
Ежеквартальное обсуждение хода исполнения настоящего Указа, осуществление координации и контроля за деятельностью ведомств, ответственных за его исполнение, возложить на заместителя Премьер-министра Д.А. Кучкарова.
Президент Республики Узбекистан Ш. МИРЗИЁЕВ
г. Ташкент,
28 июня 2022 г.,
№ УП-162