📅 2022-yil 30-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 30 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 30 июня 2022 г. · Постановления Президента
Официальный текст. Официальный документ. Редакционные примечания не включены.
📅 30 June 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
Янги Ўзбекистон кўчаси йўл бўйи инфратузилмасини ривожлантириш чора-тадбирлари тўғрисида
Тошкент шаҳрини Тошкент вилояти билан боғловчи Мирзо Улуғбек ва Яшнобод туманлари ҳудудидан ўтувчи янгидан қуриб битказилган Янги Ўзбекистон кўчасида илғор хорижий архитектурадан фойдаланган ҳолда, миллий дизайнга уйғун ва ҳамнафас бўлган замонавий хизмат кўрсатиш, савдо ва кўнгилочар объектлар ҳамда янги кўп қаватли тураржой массивларини барпо этиш орқали аҳолининг яшаш шароитларини яхшилашга қаратилган бунёдкорлик ишларини жадаллаштириш муҳим аҳамиятга эгадир.
Ўзбекистон Республикаси Президентининг 2018 йил 2 августдаги «Республика ҳудудларида «Business city» замонавий ишбилармонлик марказларини ташкил этиш чора-тадбирлари тўғрисида»ги ПҚ-3895-сон қарорига мувофиқ ҳамда Янги Ўзбекистоннинг замонавий қиёфасини ўзида акс эттирувчи мамлакатимиз пойтахтига кириб келишда янги архитектура ечимларини яратиш, аҳоли учун сайр қилиш ва ҳордиқ чиқаришга мўлжалланган барча хизматларни ўзида мужассам этувчи янги тураржой массивлари қурилишини жадаллаштириш мақсадида:
1. Қуйидагилар:
Тошкент шаҳар ҳокимлиги, Тошкент вилояти ҳокимлиги, Қурилиш вазирлиги ва Транспорт вазирлигининг Янги Ўзбекистон кўчаси бўйлаб инфратузилмани ривожлантириш бўйича ишлаб чиқилган бош режага мувофиқ «Yangi Oʻzbekiston koʻchasi» ишбилармонлик марказини ташкил этиш ҳамда унинг ҳудудида хизмат кўрсатиш ва сервис объектлари, савдо ва кўнгилочар мажмуалар, сайилгоҳлар ҳамда кўп қаватли тураржойларни (кейинги ўринларда — лойиҳа объектлари) барпо этиш;
Вазирлар Маҳкамаси, Қишлоқ хўжалиги вазирлиги, Сув хўжалиги вазирлигининг «Yangi Oʻzbekiston koʻchasi» ишбилармонлик марказини ташкил этиш учун Тошкент шаҳрининг Мирзо Улуғбек ва Яшнобод туманлари ҳамда Тошкент вилоятининг Юқори Чирчиқ тумани ҳудудидан иловага мувофиқ танланган жами 241,93 гектар, шундан 198,12 гектар суғориладиган ер майдонининг ер фонди тоифаси қишлоқ хўжалигига мўлжалланган ерлар тоифасидан аҳоли пунктларининг шаҳар ва посёлкалар қурилиши ерлари тоифасига ўтказиш тўғрисидаги таклифлари маъқуллансин.
Давлат солиқ қўмитаси ҳузуридаги Кадастр агентлиги мазкур қарорга асосан давлат ер кадастри маълумотларига тегишли ўзгартиришлар киритилишини таъминласин.
2. Тошкент шаҳар ҳокимлиги ҳузурида давлат унитар корхонаси шаклида ташкил этилган «Автомобиль йўли бўйи инфратузилмасини ривожлантириш дирекцияси» «Yangi Oʻzbekiston koʻchasi» ишбилармонлик марказини қуриш ва эксплуатация қилиш дирекцияси» (кейинги ўринларда — Дирекция) деб қайта номлансин.
3. Белгилансинки:
Дирекция ўз фаолиятини Ўзбекистон Республикаси Президентининг 2018 йил 2 августдаги «Республика ҳудудларида «Business city» замонавий ишбилармонлик марказларини ташкил этиш чора-тадбирлари тўғрисида»ги ПҚ-3895-сон қарори ва Вазирлар Маҳкамасининг 2019 йил 5 июндаги «Ўзбекистон Республикаси Президентининг «Республика ҳудудларида «Business city» замонавий ишбилармонлик марказларини ташкил этиш чора-тадбирлари тўғрисида» 2018 йил 2 августдаги ПҚ-3895-сон қарорини амалга ошириш чора-тадбирлари ҳақида»ги 461-сон қарорига мувофиқ амалга оширади ҳамда унга мазкур қарорларда назарда тутилган барча имтиёзлар татбиқ этилади;
«Yangi Oʻzbekiston koʻchasi» ишбилармонлик маркази ҳудудидаги ер участкаларини электрон онлайн-аукцион орқали сотишдан тушган тушумлар (Вазирлар Маҳкамасининг 2022 йил 14 февралдаги 71-сон қарорига 2-илованинг 39-банди «а» — «д» кичик бандларида назарда тутилган харажатлар чегириб қолинган ҳолда) Тошкент шаҳрининг шаҳар бюджетида очилган алоҳида даромад ҳисобварағига ўтказилгандан сўнг, тўлиқлигича Тошкент шаҳар ҳокимлиги ҳузуридаги Тошкент шаҳрини ривожлантириш жамғармасига ўтказилади. Бунда:
мазкур тартиб аукцион орқали олдин сотилган ва сотилишидан тушган маблағлар Дирекцияга ўтказилиши белгиланган ер участкаларига ҳам татбиқ этилади;
ушбу Жамғармага ўтказилган маблағлар Дирекциянинг асослантирилган ҳисоб-китобларига кўра, муҳандислик-коммуникация инфратузилмасини қуриш ва яхшилаш, Дирекцияни сақлаш ва компенсация тўловлари учун Дирекцияга ҳамда қонунчиликда белгиланган харажатларни амалга ошириш учун Жамғармага йўналтирилади;
қишлоқ хўжалигига мўлжалланган ерларнинг ушбу қарорга мувофиқ олиниши сабабли қишлоқ хўжалиги ва ўрмон хўжалиги ишлаб чиқариши нобудгарчиликларининг ўрнини қоплаш бўйича компенсация тўловлари мазкур ер участкалари сотилгандан сўнг 2025 йилдан бошлаб икки йил давомида тенг улушларда Дирекция томонидан тўланади;
Молия вазирлиги томонидан Дирекциянинг асослантирилган ҳисоб-китобларига кўра, унга лойиҳа объектлари ҳудудигача ташқи муҳандислик-коммуникация тармоқларини етказиб бериш ҳамда зарур инфратузилмани яратиш ишлари учун маблағлар ажратилади.
4. Лойиҳа объектлари ҳудудигача ташқи муҳандислик-коммуникация тармоқларини етказиб бериш, кўчириш ҳамда зарур инфратузилмани яратиш мақсадида:
а) қуйидагилар тасдиқланган лойиҳа-смета ҳужжатларига мувофиқ Дирекция маблағлари ҳисобидан:
электр энергияси, табиий газ тармоқлари, ичимлик ва оқова сув тизимини қуриш ва кўчириш ишлари — тегишлича «Ўзбекистон миллий электр тармоқлари» АЖ, «Ҳудудий электр тармоқлари» АЖ, «Ҳудудгазтаъминот» АЖ ва «Ўзсувтаъминот» АЖ таркибидаги ташкилотлар буюртмачилигида;
ирригация ва очиқ коллекторларни ёпиқ тармоққа ўтказиш ёки кўчириш ишлари — Сув хўжалиги вазирлиги тизимидаги ташкилотлар буюртмачилигида амалга оширилади;
б) алоқа тармоқларини қуриш ва кўчириш ишлари — «Ўзбектелеком» АК буюртмачилигида ўз маблағлари ҳисобига амалга оширилади;
в) электр ва табиий газ тармоқлари, ичимлик ва оқова сув тизими, алоқа тармоқларини қуриш ҳамда ирригация ва очиқ коллекторларни ёпиқ тармоққа ўтказиш ёки кўчириш ишлари бўйича (қурилиши амалга оширилаётган объектлар бундан мустасно) бош лойиҳа ва бош пудрат ташкилотлари буюртмачилар томонидан харид қилиш тартиб-таомилларига мувофиқ белгиланади.
5. Тошкент шаҳар ҳокимлиги Давлат солиқ қўмитаси ҳузуридаги Кадастр агентлиги билан биргаликда икки ой муддатда «Yangi Oʻzbekiston koʻchasi» ишбилармонлик маркази ҳудудида барпо этиладиган лойиҳа объектларини электр энергияси билан таъминлаш мақсадида янги подстанция қуриш учун «Тошкент шаҳар электр тармоқлари» АЖга (кўпайтирувчи коэффициентларни қўлламаган ҳолда ижара тўловининг энг кам ставкасида) ижарага бериш шарти билан Давлат активларини бошқариш агентлигига доимий фойдаланиш ҳуқуқи асосида зарур ер участкасини ажратиш масаласини Қишлоқ хўжалигига мўлжалланган ва ўрмон фонди ерларининг ер фонди тоифаларини ўзгартириш масалаларини кўриб чиқиш бўйича Ҳукумат комиссияси муҳокамасига киритсин.
6. Дирекция:
буюртмачи — «Тошкент шаҳар электр тармоқлари» АЖга янги подстанция қуриш ишларини молиялаштириш учун асослантирилган ҳисоб-китобларга мувофиқ икки йил муддатда қайтариш шарти билан фоизсиз қарз ажратсин;
Янги Ўзбекистон кўчаси бўйидаги аэропортга туташ ва унинг муҳофаза ҳудудида жойлашган ер участкаларида лойиҳа объектларини барпо этишда авиация соҳасида халқаро белгиланган талаблар ва нормаларнинг инобатга олинишини таъминласин.
7. Тошкент шаҳар ҳокимлиги Экология ва атроф-муҳитни муҳофаза қилиш давлат қўмитаси ва Ўрмон хўжалиги давлат қўмитаси билан биргаликда лойиҳа объектлари қурилиши мўлжалланган ҳудуддаги мавжуд кўп йиллик дарахтларга шикаст етказмасдан бошқа жойга кўчириб ўтказсин ҳамда уларни келгусида сақлаб қолиш учун зарур агротехник тадбирларни амалга оширсин ва парваришлаш чораларини кўрсин.
8. Қурилиш вазирлиги лойиҳа объектларининг лойиҳа-смета ҳужжатлари қурилиш нормалари ва қоидаларига мослаштирилиши, соҳага оид талаблар асосида белгиланган тартибда экспертизадан ўтказилиши ҳамда қурилиш-монтаж ишларини амалга оширишда техник жиҳатдан тартибга солиш соҳасидаги норматив ҳужжатларга риоя этилиши юзасидан назорат ўрнатсин.
9. Бош прокуратура «Yangi Oʻzbekiston koʻchasi» ишбилармонлик маркази ҳудудидаги ер участкаларини электрон онлайн-аукцион орқали инвесторларга ошкора ва шаффоф тарзда сотиш, йўналтириладиган маблағлардан оқилона, тежамкор ва самарали фойдаланишда қонун устуворлигини таъминлаш бўйича назорат ўрнатсин.
10. Ушбу қарор ижросини самарали ташкил қилишга масъул ва шахсий жавобгар этиб Тошкент шаҳар ҳокими Ж.А. Артикходжаев белгилансин.
Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2022 йил 30 июндаги ПҚ-301-сон қарорига ИЛОВА
Тошкент шаҳрининг Мирзо Улуғбек ва Яшнобод туманлари ҳамда Тошкент вилоятининг Юқори Чирчиқ тумани ҳудудидан танланган ер фонди тоифаси ўзгартирилаётган ер участкалари
Т/р Ҳудуд номи Ер участкалари эгалари ва ердан фойдаланувчилар номи Контур рақами Жами ер участкаси (гектар) шундан: Тупроқ балл бонитети Ердан фойдаланиш ҳуқуқи тури суғориладиган ерлар бошқа ерлар 1. Мирзо Улуғбек тумани «Tuzel Zaxidov Anvar Fayz» ФХ 5366, 5367 4,2 4 0,2 72,0 Ижара «Suvonqulova Gulnoza» МЧЖ 5333,5334к 1,65 1,65 72,0 Ижара «Indigo Jonibek» ХК 5327 1,66 1,66 72,0 Ижара «Нolis Agro» МЧЖ 5279к, 5279к 2,56 2 0,56 72,0 Ижара «Kamol Xamza» МЧЖ 5279к 2,48 2,4 0,08 72,0 Ижара «Shoh Sultonxon» ФХ 5301к, 5301к 2,6 2,53 0,07 68,8 Ижара «Mirzajalil Jaxon Bogi» ФХ 5126 10,71 10,28 0,43 68,8 Ижара «Visit Central Asia» МЧЖ 5056, 5057 11,49 9,63 1,86 68,8 Ижара «Qibray-Agro Goodwill» МЧЖ 5276к 8,21 7,08 1,13 68,8 Ижара «Tuzel-Gulzor Agro» ФХ 5331к 2,59 1,04 1,55 68,8 Ижара «Ziyo Samar Baraka» МЧЖ 5276к, 5278 5,46 4,41 1,05 68,8 Ижара «Ansor Invest» МЧЖ 5276к 2,09 1,7 0,39 68,8 Ижара Фуқаро Aliyeva Azad Rixsiyevna 5179, 5182к 6,09 5,4 0,69 Ижара Захира ерлари 5197, 5303, 5266, 5302, 5059, 5286к, 5182к, 5181, 5362 28,95 22,89 6,06 68,8 ЖАМИ 29 90,74 76,67 14,07 х 2. Яшнобод тумани «Musamuhammedov-Fayzullayev Agro» ФХ 5236 8,7 8,7 68,8 Ижара «Jamol Ziyoviddin» ФХ 5248к 7 7 68,8 Ижара «Jamol Ziyoviddin» ФХ 5249к 4,78 4,6 0,18 68,8 Ижара «Saidali Oʼgʼli Turgʼunxoji» ФХ 5249к 4,2 4,2 68,8 Ижара «Tuzel-Anvarxon Ota» ФХ 5373, 5375 9,26 8,6 0,66 72,0 Ижара «Vaxobov Bobur Alisherovich» ФХ 5374 1,54 1 0,54 72,0 Ижара «O'tkir» ФХ 5200к 7,06 7,06 68,8 Ижара Захира ерлари 5369, 5295к, 5199к, 5200к, 5200к 23,98 23,98 68,8 Ижара ЖАМИ 13 66,52 41,16 25,36 х 3 . Юқори Чирчиқ тумани «Tursunmurotova Odina Mevasi» ФХ 597к 6,91 6,8 0,11 62,0 Ижара «Future Gardener» МЧЖ 591к 9,63 9,11 0,52 64,1 Ижара «Toshkent bogʼrogʼlari» МЧЖ 592к, 591к, 632т 38,09 36,57 1,52 52,5 Ижара «Marka Agro Invest» МЧЖ 597к, 625к 8,36 7,99 0,37 62,0 Ижара «Serfayz-Eco-Agro» ФХ 627к, 625к, 597к 13,84 12,72 1,12 41,0 Ижара «Mirzajalil Chorva» ФХ 606к 7,84 7,1 0,74 54,0 Ижара ЖАМИ 11 84,67 80,29 4,38 х ҲАММАСИ 53 241,93 198,12 43,81 х
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 30 июнь,
ПҚ-301-сон
Oʻzbekiston Respublikasi Prezidentining
Qarori
ROʻYXATI
Yangi Oʻzbekiston koʻchasi yoʻl boʻyi infratuzilmasini rivojlantirish chora-tadbirlari toʻgʻrisida
Toshkent shahrini Toshkent viloyati bilan bogʻlovchi Mirzo Ulugʻbek va Yashnobod tumanlari hududidan oʻtuvchi yangidan qurib bitkazilgan Yangi Oʻzbekiston koʻchasida ilgʻor xorijiy arxitekturadan foydalangan holda, milliy dizaynga uygʻun va hamnafas boʻlgan zamonaviy xizmat koʻrsatish, savdo va koʻngilochar obyektlar hamda yangi koʻp qavatli turarjoy massivlarini barpo etish orqali aholining yashash sharoitlarini yaxshilashga qaratilgan bunyodkorlik ishlarini jadallashtirish muhim ahamiyatga egadir.
Oʻzbekiston Respublikasi Prezidentining 2018-yil 2-avgustdagi “Respublika hududlarida “Business city” zamonaviy ishbilarmonlik markazlarini tashkil etish chora-tadbirlari toʻgʻrisida”gi PQ-3895-son qaroriga muvofiq hamda Yangi Oʻzbekistonning zamonaviy qiyofasini oʻzida aks ettiruvchi mamlakatimiz poytaxtiga kirib kelishda yangi arxitektura yechimlarini yaratish, aholi uchun sayr qilish va hordiq chiqarishga moʻljallangan barcha xizmatlarni oʻzida mujassam etuvchi yangi turarjoy massivlari qurilishini jadallashtirish maqsadida:
1. Quyidagilar:
Toshkent shahar hokimligi, Toshkent viloyati hokimligi, Qurilish vazirligi va Transport vazirligining Yangi Oʻzbekiston koʻchasi boʻylab infratuzilmani rivojlantirish boʻyicha ishlab chiqilgan bosh rejaga muvofiq “Yangi Oʻzbekiston koʻchasi” ishbilarmonlik markazini tashkil etish hamda uning hududida xizmat koʻrsatish va servis obyektlari, savdo va koʻngilochar majmualar, sayilgohlar hamda koʻp qavatli turarjoylarni (keyingi oʻrinlarda — loyiha obyektlari) barpo etish;
Vazirlar Mahkamasi, Qishloq xoʻjaligi vazirligi, Suv xoʻjaligi vazirligining “Yangi Oʻzbekiston koʻchasi” ishbilarmonlik markazini tashkil etish uchun Toshkent shahrining Mirzo Ulugʻbek va Yashnobod tumanlari hamda Toshkent viloyatining Yuqori Chirchiq tumani hududidan ilovaga muvofiq tanlangan jami 241,93 gektar, shundan 198,12 gektar sugʻoriladigan yer maydonining yer fondi toifasi qishloq xoʻjaligiga moʻljallangan yerlar toifasidan aholi punktlarining shahar va posyolkalar qurilishi yerlari toifasiga oʻtkazish toʻgʻrisidagi takliflari maʼqullansin.
Davlat soliq qoʻmitasi huzuridagi Kadastr agentligi mazkur qarorga asosan davlat yer kadastri maʼlumotlariga tegishli oʻzgartirishlar kiritilishini taʼminlasin.
2. Toshkent shahar hokimligi huzurida davlat unitar korxonasi shaklida tashkil etilgan “Avtomobil yoʻli boʻyi infratuzilmasini rivojlantirish direksiyasi” “Yangi Oʻzbekiston koʻchasi” ishbilarmonlik markazini qurish va ekspluatatsiya qilish direksiyasi” (keyingi oʻrinlarda — Direksiya) deb qayta nomlansin.
3. Belgilansinki:
Direksiya oʻz faoliyatini Oʻzbekiston Respublikasi Prezidentining 2018-yil 2-avgustdagi “Respublika hududlarida “Business city” zamonaviy ishbilarmonlik markazlarini tashkil etish chora-tadbirlari toʻgʻrisida”gi PQ-3895-son qarori va Vazirlar Mahkamasining 2019-yil 5-iyundagi “Oʻzbekiston Respublikasi Prezidentining “Respublika hududlarida “Business city” zamonaviy ishbilarmonlik markazlarini tashkil etish chora-tadbirlari toʻgʻrisida” 2018-yil 2-avgustdagi PQ-3895-son qarorini amalga oshirish chora-tadbirlari haqida”gi 461-son qaroriga muvofiq amalga oshiradi hamda unga mazkur qarorlarda nazarda tutilgan barcha imtiyozlar tatbiq etiladi;
“Yangi Oʻzbekiston koʻchasi” ishbilarmonlik markazi hududidagi yer uchastkalarini elektron onlayn-auksion orqali sotishdan tushgan tushumlar (Vazirlar Mahkamasining 2022-yil 14-fevraldagi 71-son qaroriga 2-ilovaning 39-bandi “a” — “d” kichik bandlarida nazarda tutilgan xarajatlar chegirib qolingan holda) Toshkent shahrining shahar budjetida ochilgan alohida daromad hisobvaragʻiga oʻtkazilgandan soʻng, toʻliqligicha Toshkent shahar hokimligi huzuridagi Toshkent shahrini rivojlantirish jamgʻarmasiga oʻtkaziladi. Bunda:
mazkur tartib auksion orqali oldin sotilgan va sotilishidan tushgan mablagʻlar Direksiyaga oʻtkazilishi belgilangan yer uchastkalariga ham tatbiq etiladi;
ushbu Jamgʻarmaga oʻtkazilgan mablagʻlar Direksiyaning asoslantirilgan hisob-kitoblariga koʻra, muhandislik-kommunikatsiya infratuzilmasini qurish va yaxshilash, Direksiyani saqlash va kompensatsiya toʻlovlari uchun Direksiyaga hamda qonunchilikda belgilangan xarajatlarni amalga oshirish uchun Jamgʻarmaga yoʻnaltiriladi;
qishloq xoʻjaligiga moʻljallangan yerlarning ushbu qarorga muvofiq olinishi sababli qishloq xoʻjaligi va oʻrmon xoʻjaligi ishlab chiqarishi nobudgarchiliklarining oʻrnini qoplash boʻyicha kompensatsiya toʻlovlari mazkur yer uchastkalari sotilgandan soʻng 2025-yildan boshlab ikki yil davomida teng ulushlarda Direksiya tomonidan toʻlanadi;
Moliya vazirligi tomonidan Direksiyaning asoslantirilgan hisob-kitoblariga koʻra, unga loyiha obyektlari hududigacha tashqi muhandislik-kommunikatsiya tarmoqlarini yetkazib berish hamda zarur infratuzilmani yaratish ishlari uchun mablagʻlar ajratiladi.
4. Loyiha obyektlari hududigacha tashqi muhandislik-kommunikatsiya tarmoqlarini yetkazib berish, koʻchirish hamda zarur infratuzilmani yaratish maqsadida:
a) quyidagilar tasdiqlangan loyiha-smeta hujjatlariga muvofiq Direksiya mablagʻlari hisobidan:
elektr energiyasi, tabiiy gaz tarmoqlari, ichimlik va oqova suv tizimini qurish va koʻchirish ishlari — tegishlicha “Oʻzbekiston milliy elektr tarmoqlari” AJ, “Hududiy elektr tarmoqlari” AJ, “Hududgaztaʼminot” AJ va “Oʻzsuvtaʼminot” AJ tarkibidagi tashkilotlar buyurtmachiligida;
irrigatsiya va ochiq kollektorlarni yopiq tarmoqqa oʻtkazish yoki koʻchirish ishlari — Suv xoʻjaligi vazirligi tizimidagi tashkilotlar buyurtmachiligida amalga oshiriladi;
b) aloqa tarmoqlarini qurish va koʻchirish ishlari — “Oʻzbektelekom” AK buyurtmachiligida oʻz mablagʻlari hisobiga amalga oshiriladi;
v) elektr va tabiiy gaz tarmoqlari, ichimlik va oqova suv tizimi, aloqa tarmoqlarini qurish hamda irrigatsiya va ochiq kollektorlarni yopiq tarmoqqa oʻtkazish yoki koʻchirish ishlari boʻyicha (qurilishi amalga oshirilayotgan obyektlar bundan mustasno) bosh loyiha va bosh pudrat tashkilotlari buyurtmachilar tomonidan xarid qilish tartib-taomillariga muvofiq belgilanadi.
5. Toshkent shahar hokimligi Davlat soliq qoʻmitasi huzuridagi Kadastr agentligi bilan birgalikda ikki oy muddatda “Yangi Oʻzbekiston koʻchasi” ishbilarmonlik markazi hududida barpo etiladigan loyiha obyektlarini elektr energiyasi bilan taʼminlash maqsadida yangi podstansiya qurish uchun “Toshkent shahar elektr tarmoqlari” AJga (koʻpaytiruvchi koeffitsiyentlarni qoʻllamagan holda ijara toʻlovining eng kam stavkasida) ijaraga berish sharti bilan Davlat aktivlarini boshqarish agentligiga doimiy foydalanish huquqi asosida zarur yer uchastkasini ajratish masalasini Qishloq xoʻjaligiga moʻljallangan va oʻrmon fondi yerlarining yer fondi toifalarini oʻzgartirish masalalarini koʻrib chiqish boʻyicha Hukumat komissiyasi muhokamasiga kiritsin.
6. Direksiya:
buyurtmachi — “Toshkent shahar elektr tarmoqlari” AJga yangi podstansiya qurish ishlarini moliyalashtirish uchun asoslantirilgan hisob-kitoblarga muvofiq ikki yil muddatda qaytarish sharti bilan foizsiz qarz ajratsin;
Yangi Oʻzbekiston koʻchasi boʻyidagi aeroportga tutash va uning muhofaza hududida joylashgan yer uchastkalarida loyiha obyektlarini barpo etishda aviatsiya sohasida xalqaro belgilangan talablar va normalarning inobatga olinishini taʼminlasin.
7. Toshkent shahar hokimligi Ekologiya va atrof-muhitni muhofaza qilish davlat qoʻmitasi va Oʻrmon xoʻjaligi davlat qoʻmitasi bilan birgalikda loyiha obyektlari qurilishi moʻljallangan hududdagi mavjud koʻp yillik daraxtlarga shikast yetkazmasdan boshqa joyga koʻchirib oʻtkazsin hamda ularni kelgusida saqlab qolish uchun zarur agrotexnik tadbirlarni amalga oshirsin va parvarishlash choralarini koʻrsin.
8. Qurilish vazirligi loyiha obyektlarining loyiha-smeta hujjatlari qurilish normalari va qoidalariga moslashtirilishi, sohaga oid talablar asosida belgilangan tartibda ekspertizadan oʻtkazilishi hamda qurilish-montaj ishlarini amalga oshirishda texnik jihatdan tartibga solish sohasidagi normativ hujjatlarga rioya etilishi yuzasidan nazorat oʻrnatsin.
9. Bosh prokuratura “Yangi Oʻzbekiston koʻchasi” ishbilarmonlik markazi hududidagi yer uchastkalarini elektron onlayn-auksion orqali investorlarga oshkora va shaffof tarzda sotish, yoʻnaltiriladigan mablagʻlardan oqilona, tejamkor va samarali foydalanishda qonun ustuvorligini taʼminlash boʻyicha nazorat oʻrnatsin.
10. Ushbu qaror ijrosini samarali tashkil qilishga masʼul va shaxsiy javobgar etib Toshkent shahar hokimi J.A. Artikxodjayev belgilansin.
Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2022-yil 30-iyundagi PQ-301-son qaroriga ILOVA
Toshkent shahrining Mirzo Ulugʻbek va Yashnobod tumanlari hamda Toshkent viloyatining Yuqori Chirchiq tumani hududidan tanlangan yer fondi toifasi oʻzgartirilayotgan yer uchastkalari
T/r Hudud nomi Yer uchastkalari egalari va yerdan foydalanuvchilar nomi Kontur raqami Jami yer uchastkasi (gektar) shundan: Tuproq ball boniteti Yerdan foydalanish huquqi turi sugʻoriladigan yerlar boshqa yerlar 1. Mirzo Ulugʻbek tumani “Tuzel Zaxidov Anvar Fayz” FX 5366, 5367 4,2 4 0,2 72,0 Ijara “Suvonqulova Gulnoza” MCHJ 5333,5334k 1,65 1,65 72,0 Ijara “Indigo Jonibek” XK 5327 1,66 1,66 72,0 Ijara “Nolis Agro” MCHJ 5279k, 5279k 2,56 2 0,56 72,0 Ijara “Kamol Xamza” MCHJ 5279k 2,48 2,4 0,08 72,0 Ijara “Shoh Sultonxon” FX 5301k, 5301k 2,6 2,53 0,07 68,8 Ijara “Mirzajalil Jaxon Bogi” FX 5126 10,71 10,28 0,43 68,8 Ijara “Visit Central Asia” MCHJ 5056, 5057 11,49 9,63 1,86 68,8 Ijara “Qibray-Agro Goodwill” MCHJ 5276k 8,21 7,08 1,13 68,8 Ijara “Tuzel-Gulzor Agro” FX 5331k 2,59 1,04 1,55 68,8 Ijara “Ziyo Samar Baraka” MCHJ 5276k, 5278 5,46 4,41 1,05 68,8 Ijara “Ansor Invest” MCHJ 5276k 2,09 1,7 0,39 68,8 Ijara Fuqaro Aliyeva Azad Rixsiyevna 5179, 5182k 6,09 5,4 0,69 Ijara Zaxira yerlari 5197, 5303, 5266, 5302, 5059, 5286k, 5182k, 5181, 5362 28,95 22,89 6,06 68,8 JAMI 29 90,74 76,67 14,07 x 2. Yashnobod tumani “Musamuhammedov-Fayzullayev Agro” FX 5236 8,7 8,7 68,8 Ijara “Jamol Ziyoviddin” FX 5248k 7 7 68,8 Ijara “Jamol Ziyoviddin” FX 5249k 4,78 4,6 0,18 68,8 Ijara “Saidali Oʼgʼli Turgʼunxoji” FX 5249k 4,2 4,2 68,8 Ijara “Tuzel-Anvarxon Ota” FX 5373, 5375 9,26 8,6 0,66 72,0 Ijara “Vaxobov Bobur Alisherovich” FX 5374 1,54 1 0,54 72,0 Ijara “O'tkir” FX 5200k 7,06 7,06 68,8 Ijara Zaxira yerlari 5369, 5295k, 5199k, 5200k, 5200k 23,98 23,98 68,8 Ijara JAMI 13 66,52 41,16 25,36 x 3 . Yuqori Chirchiq tumani “Tursunmurotova Odina Mevasi” FX 597k 6,91 6,8 0,11 62,0 Ijara “Future Gardener” MCHJ 591k 9,63 9,11 0,52 64,1 Ijara “Toshkent bogʼrogʼlari” MCHJ 592k, 591k, 632t 38,09 36,57 1,52 52,5 Ijara “Marka Agro Invest” MCHJ 597k, 625k 8,36 7,99 0,37 62,0 Ijara “Serfayz-Eco-Agro” FX 627k, 625k, 597k 13,84 12,72 1,12 41,0 Ijara “Mirzajalil Chorva” FX 606k 7,84 7,1 0,74 54,0 Ijara JAMI 11 84,67 80,29 4,38 x HAMMASI 53 241,93 198,12 43,81 x
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 30-iyun,
PQ-301-son
Президента Республики Узбекистан
Постановление
ПЕРЕЧЕНЬ
О мерах по развитию придорожной инфраструктуры улицы Янги Узбекистон
Ускорение созидательной работы, направленной на улучшение условий жизни населения посредством строительства с торгово-развлекательных объектов и точек оказания услуг, новых многоэтажных жилых массивов с использованием передовой зарубежной архитектуры в гармонии и созвучии с национальным дизайном на построенной новой улице Янги Узбекистон, проходящей по территории Мирзо-Улугбекского и Яшнабадского районов, соединяющей город Ташкент с Ташкентской областью, имеет важное значение.
В соответствии с постановлением Президента Республики Узбекистан от 2 августа 2018 года № ПП-3895 «О мерах по созданию современных деловых центров «Business city» на территориях республики» и в целях создания новых архитектурных решений на въезде в столицу нашей страны, воплощающих в себе современный облик Нового Узбекистана, а также ускорения строительства новых жилых массивов, инфраструктура которых включает все услуги для прогулок и досуга населения:
1. Одобрить предложения:
хокимията города Ташкента, хокимията Ташкентской области, Министерства строительства и Министерства транспорта — о создании бизнес-центра «Yangi Oʻzbekiston koʻchasi» и строительстве на его территории объектов оказания услуг и сервиса, торгово-развлекательных комплексов, парков и многоэтажных жилых домов (далее — объекты Проекта) в соответствии с разработанным генеральным планом развития придорожной инфраструктуры улицы Янги Узбекистон;
Кабинета Министров, Министерства сельского хозяйства и Министерства водного хозяйства — об изменении категории земельного фонда в общей сложности 241,93 гектара, включая 198,12 гектара орошаемой земельной площади, отобранной для создания бизнес-центра «Yangi Oʻzbekiston koʻchasi» на территории Мирзо-Улугбекского и Яшнабадского районов города Ташкента и Юкоричирчикского района Ташкентской области согласно приложению, из категории земель сельскохозяйственного назначения в категорию земель населенных пунктов городской и поселковой застройки.
Агентству по кадастру при Государственном налоговом комитете обеспечить внесение соответствующих изменений в данные государственного земельного кадастра в соответствии с настоящим постановлением.
2. Переименовать Дирекцию по развитию инфраструктуры придорожной полосы автомобильных дорог, созданную при хокимияте города Ташкента в форме государственного унитарного предприятия, в Дирекцию по строительству и эксплуатации бизнес-центра «Yangi Oʻzbekiston koʻchasi» (далее — Дирекция).
3. Установить, что:
Дирекция осуществляет свою деятельность в соответствии с постановлением Президента Республики Узбекистан от 2 августа 2018 года № ПП-3895 «О мерах по созданию современных деловых центров «Business city» на территориях республики» и постановлением Кабинета Министров от 5 июня 2019 года № 461 «О мерах по реализации постановления Президента Республики Узбекистан от 2 августа 2018 года № ПП-3895 «О мерах по созданию современных деловых центров «Business city» на территориях республики» и на нее распространяются все льготы, предусмотренные указанными постановлениями;
поступления от продажи земельных участков на территории бизнес-центра «Yangi Oʻzbekiston koʻchasi» посредством электронного онлайн-аукциона (за вычетом расходов, предусмотренных подпунктами «а» — «д» пункта 39 приложения № 2 к постановлению Кабинета Министров от 14 февраля 2022 года № 71) будут переданы в Фонд развития города Ташкента при мэрии города Ташкента. В этом:
эта процедура также применяется к земельным участкам, которые были проданы до аукциона и выручка от продажи которых была определена для передачи Дирекции;
средства, перечисленные в этот фонд, будут направлены Дирекции на строительство и усовершенствование инженерно-коммуникационной инфраструктуры, содержание Дирекции и компенсационные выплаты, а также в фонд для осуществления установленных законодательством расходов;
компенсационные выплаты по возмещению потерь сельскохозяйственного и лесохозяйственного производства в результате изъятия земель сельскохозяйственного назначения на основании настоящего постановления выплачиваются Дирекцией после реализации данных земельных участков в течение двух лет начиная с 2025 года в равных долях;
Министерство финансов выделяет средства на работы по подведению внешних инженерно-коммуникационных сетей до территории и созданию необходимой инфраструктуры объектов Проекта по обоснованным расчетам Дирекции.
4. В целях подведения до территории, переноса внешних инженерно-коммуникационных сетей и создания необходимой инфраструктуры объектов Проекта:
а) в соответствии с утвержденной проектно-сметной документацией за счет средств Дирекции:
работы по строительству и переносу сетей электроэнергии, природного газа, систем питьевой воды и канализации выполняются по заказам организаций соответственно в составе АО «Национальные электрические сети Узбекистана», АО «Региональные электрические сети», АО «Худудгазтаъминот» и АО «Узсувтаъминот»;
работы по переносу или переводу на закрытые сети ирригационных и открытых коллекторов выполняются по заказам организаций системы Министерства водного хозяйства;
б) работы по строительству и переносу сетей связи выполняются по заказам и за счет собственных средств АК «Узбектелеком»;
в) генеральные проектные и генеральные подрядные организации по проведению работ по строительству сетей электроэнергии и природного газа, систем питьевой воды и канализации, сетей связи, а также переносу или переводу на закрытые сети ирригационных и открытых коллекторов (за исключением строящихся объектов) определяются заказчиками в соответствии с процедурами закупок.
5. Хокимияту города Ташкента совместно с Агентством по кадастру при Государственном налоговом комитете в двухмесячный срок внести на обсуждение Правительственной комиссии по рассмотрению вопросов изменения категорий земельного фонда земель сельскохозяйственного назначения и лесного фонда вопрос выделения Агентству по управлению государственными активами необходимого земельного участка на основе права постоянного пользования с условием передачи в аренду АО «Ташкентское городское предприятие электрических сетей» (по минимальной ставке арендной платы без применения повышающих коэффициентов) для строительства новой подстанции в целях обеспечения электроэнергией объектов Проекта, строящихся на территории бизнес-центра «Yangi Oʻzbekiston koʻchasi».
6. Дирекции обеспечить:
выделение по обоснованным расчетам беспроцентного займа заказчику — АО «Ташкентское городское предприятие электрических сетей» для финансирования работ по строительству новой подстанции с условием возврата в течение двух лет;
соблюдение установленных международных требований и норм в сфере авиации при строительстве объектов Проекта на земельных участках, прилегающих к аэропорту и расположенных вдоль и в охранной зоне улицы Янги Узбекистон.
7. Хокимияту города Ташкента совместно с Государственным комитетом по экологии и охране окружающей среды и Государственным комитетом по лесному хозяйству произвести пересадку в другие места и провести необходимые агротехнические мероприятия для последующего сохранения многолетних деревьев, произрастающих на территории строительства объектов Проекта, без причинения им вреда, а также принять меры по уходу за этими деревьями.
8. Министерству строительства установить контроль за приведением в соответствие со строительными нормами и правилами и проведением экспертизы на предмет соответствия проектно-сметной документации объектов Проекта требованиям в данной сфере, а также соблюдением нормативных актов в области технического регулирования при выполнении строительно-монтажных работ.
9. Генеральной прокуратуре установить контроль за обеспечением верховенства закона в процессе открытой и прозрачной реализации инвесторам земельных участков на территории бизнес-центра «Yangi Oʻzbekiston koʻchasi» посредством электронного онлайн-аукциона, а также рационального, экономного и эффективного использования направляемых средств.
10. Возложить на хокима города Ташкента Ж.А. Артыкходжаева персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова.
ПРИЛОЖЕНИЕ к постановлению Президента Республики Узбекистан от 30 июня 2022 года № ПП-301
отобранных земельных участков на территории Мирзо-Улугбекского и Яшнабадского районов города Ташкента и Юкоричирчикского района Ташкентской области, категория земельного фонда которых изменяется
№ Наименование районов Наименование владельцев земельных участков и землепользователей Номер контура Земельные участки, всего (гектаров) Из них: Балл- бонитет почвы Виды права на пользование землей орошаемые земли иные земли 1. Мирзо-Улугбекский район ФХ « Tuzel Zaxidov Anvar Fayz » 5366, 5367 4,2 4 0,2 72,0 Аренда ООО « Suvonqulova Gulnoza » 5333,5334к 1,65 1,65 72,0 Аренда ЧП « Indigo Jonibek » 5327 1,66 1,66 72,0 Аренда ООО « Нolis Agro » 5279к, 5279к 2,56 2 0,56 72,0 Аренда ООО « Kamol Xamza » 5279к 2,48 2,4 0,08 72,0 Аренда ФХ « Shoh Sultonxon » 5301к, 5301к 2,6 2,53 0,07 68,8 Аренда ФХ « Mirzajalil Jaxon Bogi » 5126 10,71 10,28 0,43 68,8 Аренда ООО « Visit Central Asia » 5056, 5057 11,49 9,63 1,86 68,8 Аренда ООО « Qibray-Agro Goodwill » 5276к 8,21 7,08 1,13 68,8 Аренда ФХ « Tuzel-Gulzor Agro » 5331к 2,59 1,04 1,55 68,8 Аренда ООО « Ziyo Samar Baraka » 5276к, 5278 5,46 4,41 1,05 68,8 Аренда ООО « Ansor Invest » 5276к 2,09 1,7 0,39 68,8 Аренда гр. Aliyeva Azad Rixsiyevna 5179, 5182к 6,09 5,4 0,69 Аренда Земли запаса 5197, 5303, 5266, 5302, 5059, 5286к, 5182к, 5181, 5362 28,95 22,89 6,06 68,8 Всего: 29 90,74 76,67 14,07 х 2. Яшнабадский район ФХ « Musamuhammedov-Fayzullayev Agro » 5236 8,7 8,7 68,8 Аренда ФХ « Jamol Ziyoviddin » 5248к 7 7 68,8 Аренда ФХ « Jamol Ziyoviddin » 5249к 4,78 4,6 0,18 68,8 Аренда ФХ « Saidali Oʼgʼli Turgʼunxoji » 5249к 4,2 4,2 68,8 Аренда ФХ « Tuzel-Anvarxon Ota » 5373, 5375 9,26 8,6 0,66 72,0 Аренда ФХ « Vaxobov Bobur Alisherovich » 5374 1,54 1 0,54 72,0 Аренда ФХ « O'tkir » 5200к 7,06 7,06 68,8 Аренда Земли запаса 5369, 5295к, 5199к, 5200к, 5200к 23,98 23,98 68,8 Аренда Всего: 13 66,52 41,16 25,36 х 3. Юкоричирчикский район ФХ « Tursunmurotova Odina Mevasi » 597к 6,91 6,8 0,11 62,0 Аренда ООО « Future Gardener » 591к 9,63 9,11 0,52 64,1 Аренда ООО « Toshkent bogʼrogʼlari » 592к, 591к, 632т 38,09 36,57 1,52 52,5 Аренда ООО « Marka Agro Invest » 597к, 625к 8,36 7,99 0,37 62,0 Аренда ФХ « Serfayz-Eco-Agro » 627к, 625к, 597к 13,84 12,72 1,12 41,0 Аренда ФХ « Mirzajalil Chorva » 606к 7,84 7,1 0,74 54,0 Аренда Всего: 11 84,67 80,29 4,38 х ИТОГО 53 241,93 198,12 43,81 х
Президент Республики Узбекистан Ш. МИРЗИЁЕВ
г. Ташкент,
30 июня 2022 г.,
№ ПП-301