📅 2022-yil 23-iyun · Vazirlik va idoralar hujjatlari · Ichki ishlar vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 23 июнь · Вазирлик ва идоралар ҳужжатлари · Ички ишлар вазири
Расмий матн. Расмий ҳужжат. Таҳририй изоҳлар киритилмаган.
📅 23 июня 2022 г. · Документы министерств и ведомств · Министр внутренних дел
Официальный текст. Официальный документ. Редакционные примечания не включены.
📅 23 June 2022 · Ministry and agency documents · Ichki ishlar vaziri
Official text. Official document. Editorial notes are not included.
Ўзбекистон Республикаси Ички ишлар вазирининг
буйруғи
НИЗОМ
ТАРКИБИ
ЖУРНАЛИ
ҚАЙДНОМА
ЖАДВАЛИ
ҚАЙДНОМА
Ўзбекистон Республикаси Ички ишлар вазирлиги ҳарбий тузилмаларига контракт бўйича ҳарбий хизматга номзодларни саралаш тартиби тўғрисидаги низомни тасдиқлаш ҳақида
Ўзбекистон Республикаси Президентининг 2019 йил 12 сентябрдаги ПҚ-4447-сон «Ўзбекистон Республикаси фуқароларининг ҳарбий хизматни ўташ тартиби тўғрисидаги низомни тасдиқлаш ҳақида»ги қарорига мувофиқ буюраман:
1. Ўзбекистон Республикаси Ички ишлар вазирлиги ҳарбий тузилмаларига контракт бўйича ҳарбий хизматга номзодларни саралаш тартиби тўғрисидаги низом иловага мувофиқ тасдиқлансин.
2. Мазкур буйруқ расмий эълон қилинган кундан эътиборан кучга киради.
Ўзбекистон Республикаси Ички ишлар вазирининг 2022 йил 23 июндаги 200-сон буйруғига ИЛОВА
Ўзбекистон Республикаси Ички ишлар вазирлиги ҳарбий тузилмаларига контракт бўйича ҳарбий хизматга номзодларни саралаш тартиби тўғрисидаги
Мазкур Низом Ўзбекистон Республикаси Ички ишлар вазирлиги ҳарбий тузилмаларига (бундан буён матнда Ички ишлар вазирлиги ҳарбий тузилмалари деб юритилади) контракт бўйича ҳарбий хизматга номзодларни саралаш тартибини белгилайди.
1-боб. Умумий қоидалар
1. Ушбу Низомда қуйидаги асосий тушунчалар қўлланилади:
контракт бўйича ҳарбий хизмат — Қуролли Кучлар сафидаги ҳақиқий ҳарбий хизматга ихтиёрийлик асосида Ички ишлар вазирлиги орқали давлат билан тузиладиган контрактга биноан кирган фуқаролар бажарадиган ҳарбий хизмат ;
ҳарбий-касбий саралаш (бундан буён матнда саралаш деб юритилади) — фуқароларни (номзодларни) контракт бўйича ҳарбий хизматга қўйилган талабларга мос келишини аниқлашга қаратилган тадбирлар комплекси (жисмоний имкониятларни баҳолаш, интеллектуал ривожланганлик ва психоэмоционал барқарорлик даражасини психологик ўрганиш, тиббий кўрикдан ўтказиш, шунингдек ҳарбий хизмат учун касбий жиҳатдан муҳим бўлган бошқа сифатлар);
номзод — контракт бўйича ҳарбий хизматга кириш ҳақидаги аризаси кўриб чиқиш учун қабул қилинган Ўзбекистон Республикаси фуқароси.
2. Номзодларни контракт бўйича ҳарбий хизматга қабул қилиш учун саралаш тадбирлари ташкил қилинади.
3. Номзодларни контракт бўйича ҳарбий хизматга саралаш тадбирлари қуйидаги босқичларни ўз ичига олади :
а) номзодни дастлабки ўрганиш (ҳужжатларни йиғиш ва ўрганиш);
б) жисмоний тайёргарлик даражасини баҳолаш;
в) психологик ўрганиш (номзоднинг интеллектуал ривожланганлик даражаси ва психоэмоционал барқарорлигини баҳолаш);
г) якуний суҳбат;
д) тиббий кўрик;
е) махсус текширув.
4. Ички ишлар вазирлиги ҳарбий тузилмалари учун зарур ҳолларда илмий даража ёки илмий унвонга эга бўлган фан арбоблари, шунингдек маданият вакиллари, сўнгги беш йил давомида республика миқёсидаги спорт мусобақасининг ғолиби бўлган ёки халқаро миқёсдаги спорт мусобақасининг 1 — 3-ўринларидан бирини эгаллаган спортчилар истисно тариқасида саралашнинг фақатгина психологик ўрганиш, тиббий кўрик ва махсус текширув босқичларидан ўтадилар.
5. Ўзбекистон Республикаси Вазирлар Маҳкамасининг 2022 йил 15 январдаги 23-сон қарори билан тасдиқланган Аҳолининг жисмоний тайёргарлик даражасини баҳолаш бўйича спорт синовларини ташкил этиш ва ўтказиш тартиби тўғрисидаги низомга асосан ёш гуруҳларидан келиб чиқиб, аҳолининг жисмоний тайёргарлик даражасини баҳолаш бўйича спорт синовларининг махсус талабларини муваффақиятли бажарган (1, 2 ва 3-ўрин ғолиблари) фуқаролар бир йил мобайнида саралашнинг жисмоний тайёргарлик даражасини баҳолаш босқичидан озод қилинади ҳамда уларга ушбу босқич бўйича максимал балл берилади.
2-боб. Номзодларга қўйиладиган умумий талаблар
6. Саралашда Ўзбекистон Республикасининг умумий ўрта, ўрта махсус, профессионал ёки олий маълумотга эга бўлган қуйидаги фуқаролари иштирок этишлари мумкин:
ўн саккиз ёшдан ўттиз ёшгача бўлган шахслар;
муқаддам контракт бўйича ҳарбий хизматни ўтаган қирқ ёшгача бўлган шахслар;
резервдаги ва захирадаги қирқ ёшгача бўлган офицерлар.
Бунда, эркак жинсидаги номзод Ўзбекистон Республикаси Қуролли Кучлари сафида муддатли ҳарбий хизматни ўтаган (ўтаётган) ёки сафарбарлик чақируви резервида ҳарбий хизматни ўтаган ёхуд олий таълим муассасалари ҳарбий тайёргарлик курсларида ўқишни тугатган бўлиши, шунингдек ҳарбий рўйхатда турган бўлиши керак.
7. Контракт бўйича ҳарбий хизматга қабул қилишда номзод бўйи қуйидаги махсус антропометрик параметрларга жавоб бериши талаб этилади:
эркак жинсидаги номзоднинг бўйи — 170 сантиметрдан паст бўлмаслиги керак;
аёл жинсидаги номзоднинг бўйи — 165 сантиметрдан паст бўлмаслиги керак.
Ушбу бандда белгиланган талаблар мазкур Низомнинг 4-бандида кўрсатилган шахсларга нисбатан татбиқ этилмайди.
3-боб. Саралаш тадбирларини ташкил этиш
9. Номзодни саралаш тадбирларини ташкил этиш ва ўтказиш учун Ички ишлар вазирлиги ҳарбий тузилмаларининг Қоровул қўшинлари, Халқаро аэропортларда хавфсизликни таъминлаш бўйича қўшинлари қўмондонлари ва Ҳарбий тузилмаларнинг фаолиятини таъминлаш базаси бошлиғининг буйруғи билан тегишли ҳарбий тузилмаларда мазкур Низомнинг 1-иловасида кўрсатилган таркибда доимий фаолият юритадиган саралаш комиссиялари (бундан буён матнда саралаш комиссиялари деб юритилади) ташкил этилади.
10. Ички ишлар вазирлиги ҳарбий тузилмаларидаги мавжуд бўш лавозимлардан келиб чиққан ҳолда саралаш комиссиялари раислари томонидан номзодлар учун қабул кунлари белгиланади (масалан, ҳафтанинг муайян кунлари ёки ойнинг муайян саналари).
11. Номзодларни Ички ишлар вазирлиги ҳарбий тузилмаларига жалб қилиш мақсадида кадр органлари томонидан саралаш ўтказилишидан камида бир ой олдин ички ишлар органларининг расмий нашрларида, ички ишлар органларининг расмий веб-сайтида бўш лавозимлар бўйича маълумотлар, саралаш ўтказиш жойи ва кунлари, шунингдек хизматга қабул қилиш тартиби ва белгиланган имтиёзлар тўғрисидаги эълонлар жойлаштирилади.
12. Номзодларга қулайлик яратиш мақсадида ҳарбий қисмлар ҳудудига кириш жойларида номзодларни саралаш тартиби, уларга қўйиладиган талаблар ҳақидаги маълумотлар қайд этилган ахборот стендлари мажбурий тартибда жойлаштирилиши лозим.
13. Саралаш тадбирлари давомида фахрийлар кенгаши аъзолари, жамоат ташкилотлари вакиллари ва номзодларнинг яқин қариндошлари (бундан буён матнда жамоатчилик вакиллари деб юритилади) иштирок этишлари мумкин.
Бунда, жамоатчилик вакиллари саралаш тадбирларини ўтказиш жараёни ва унинг натижаларидан норози бўлган тақдирда саралашнинг тегишли комиссияси раисига ёзма равишда мурожаат қилишлари ва ўз таклиф ҳамда эътирозларини билдиришлари мумкин. Жамоатчилик вакилларининг мурожаатлари Ўзбекистон Республикасининг «Жисмоний ва юридик шахсларнинг мурожаатлари тўғрисида»ги Қонунида белгиланган тартибда кўриб чиқилади.
4-боб. Номзодларни дастлабки ўрганиш
14. Контракт бўйича ҳарбий хизматга кириш истагини билдирган Ўзбекистон Республикаси фуқароси яшаш жойи ёки турган жойидаги Ички ишлар вазирлиги ҳарбий тузилмаларига мазкур Низомнинг 2-иловасига мувофиқ шаклдаги ариза билан мурожаат қилади. Бунда, аризада номзоднинг паспорти ёки идентификация ID-картаси маълумотлари кўрсатилиши лозим.
Саралаш тадбирлари бошланганидан кейин мурожаат қилган номзодлар ушбу саралашда эмас, балки кейинги саралашда иштирок этишлари мумкин бўлади.
15. Номзод муқаддам контракт бўйича ҳарбий хизматни ўтаган бўлса, аризада контракт бўйича ҳарбий хизматдан бўшатилиш сабабини кўрсатиши лозим.
16. Навбатдаги саралаш тадбирлари бошланишидан ўн кун олдин Ички ишлар вазирлиги ҳарбий тузилмалари томонидан саралашда қатнашиш тўғрисидаги ариза билан мурожаат қилган номзодларга саралаш тадбирларининг бошланиш вақти ва жойи ҳақида хабар берилади.
17. Саралаш комиссиясининг навбатдаги қабул куни давомида номзодларни дастлабки ўрганиш ишлари амалга оширилади.
18. Номзод дастлабки ўрганиш вақтида саралаш комиссиясига ўзини таништиради ва шахсини тасдиқловчи ҳужжатни комиссия котибига кўрсатади.
19. Саралаш комиссияси котиби саралаш учун ҳозир бўлган номзод ҳақидаги маълумотларни мазкур Низомнинг 3-иловасига мувофиқ шаклдаги Номзодларни рўйхатга олиш ва дастлабки ўрганиш натижасини қайд этиш журналига киритади.
20. Номзод мазкур Низомнинг 7-бандида назарда тутилган талабга жавоб беришини аниқлаш мақсадида саралаш комиссиясининг тегишли аъзоси томонидан унинг бўйи ўлчанади. Номзоднинг бўйи талабга жавоб бермаган ҳолларда, унга саралашнинг кейинги босқичида иштирок этишга рухсат берилмайди.
21. Дастлабки ўрганиш давомида саралаш комиссиясининг суҳбат ўтказилишига масъул бўлган аъзоси (аъзолари) томонидан номзодга мазкур Низом талаблари, ҳарбий хизматчининг ҳуқуқ ва мажбуриятлари, ҳарбий хизматни ўташ билан боғлиқ шартлар ва имтиёзлар тушунтирилиши ҳамда номзоднинг контракт бўйича ҳарбий хизматга кириш истаги бор ёки йўқлиги аниқланиши лозим.
22. Саралаш комиссияси аъзолари томонидан номзодни дастлабки ўрганиш натижаларига кўра, шу куннинг ўзида номзодни саралашнинг кейинги босқичига ўтказиш ёки ўтказишни рад этиш ҳақида қарор қабул қилинади.
Бунда, номзоднинг бўйи талабга жавоб берганда ҳамда номзод контракт бўйича ҳарбий хизматга кириш истагини билдирган ҳолларда саралаш комиссияси томонидан номзодни кейинги босқичга ўтказиш тўғрисида қарор қабул қилинади.
23. Муддатли ҳарбий хизматни ўтаётган ҳарбий хизматчилар орасидан контракт бўйича хизматга номзодларни кўриб чиқиш Ўзбекистон Республикаси Президентининг 2019 йил 12 сентябрдаги ПҚ-4447-сон қарори билан тасдиқланган Ўзбекистон Республикаси фуқароларининг ҳарбий хизматни ўташ тартиби тўғрисидаги низомда белгиланган тартибда амалга оширилади.
5-боб. Жисмоний тайёргарлик даражасини баҳолаш
24. Саралашнинг дастлабки ўрганиш босқичидан муваффақиятли ўтган номзодлар жисмоний тайёргарлик даражасини баҳолаш босқичига ўтказилади.
25. Жисмоний тайёргарлик синови номзоднинг жисмоний тайёргарлик даражасини аниқлаш мақсадида ўтказилади.
26. Кадр органи бошлиғи дастлабки ўрганиш натижалари эълон қилинган куни жисмоний тайёргарлик синови ўтказиладиган вақт ва жой ҳақида номзодларни хабардор қилади.
27. Номзодларнинг жисмоний тайёргарлик даражасини аниқлаш мазкур Низомнинг 4-иловасига мувофиқ Номзодларнинг жисмоний тайёргарлик даражасини баҳолаш бўйича тадбирларни ўтказиш методикаси асосида амалга оширилади.
Бунда, номзодга ҳар бир машқни бажарганлик учун балл берилади. Умумий тўпланиши мумкин бўлган максимал балл — 30 баллни ташкил этади.
28. Номзодлар томонидан машқларни бажариш бошланишидан олдин уларга машқларни бажаришга қўйиладиган талаблар, машқларни бажариш тартиби ҳамда баҳолаш мезонлари саралаш комиссияси аъзолари томонидан тушунтирилади.
29. Номзодлар томонидан бажарилиши лозим бўлган жисмоний тайёргарлик машқлари ва уларни бажаришга қўйиладиган талаблар эркак ва аёл жинсидаги номзодлар учун алоҳида белгиланади.
30. Жисмоний тайёргарлик машқларини бажарган номзодлар шу вақтнинг ўзида саралаш комиссия аъзолари томонидан баҳоланади.
31. Жисмоний тайёргарлик даражасини баҳолаш тадбирлари натижалари бўйича шу куннинг ўзида мазкур Низомнинг 5-иловасига мувофиқ шаклда қайднома расмийлаштирилади ва натижалар шу заҳоти номзодларга эълон қилинади.
Қайднома саралаш комиссиясининг жисмоний тайёргарлик даражасини баҳолаш бўйича синовда иштирок этган аъзолари томонидан имзоланади ҳамда шу куннинг ўзида комиссия котибига топширилади.
32. Жисмоний тайёргарлик даражасини баҳолаш машқларидан жами тўпланган балли 15 баллдан паст бўлган номзодлар саралашнинг кейинги босқичига ўтказилмайди.
Саралашнинг якуний натижаларини ҳисоблашда жисмоний тайёргарлик даражасини баҳолаш машқларидан тўпланган баллар якуний суҳбат давомида тўпланган баллар билан биргаликда қўшиб ҳисобланади.
33. Қониқарсиз баҳоланган номзод жисмоний тайёргарлик даражасини баҳолаш машқларини у баҳоланган кундан бошлаб 1 йил давомида 2 маротаба навбатдаги саралаш тадбирлари давомида қайта топшириши мумкин, бироқ шу куннинг ўзида қайта топширишга йўл қўйилмайди.
6-боб. Номзодларни психологик ўрганиш
34. Жисмоний тайёргарлик даражаси қониқарли баҳоланган номзодларнинг интеллектуал ривожланганлик даражаси ва психоэмоционал барқарорлигини аниқлаш мақсадида психологик ўрганиш ўтказилади.
35. Номзодларни психологик ўрганиш мазкур Низомнинг 6-иловасига мувофиқ психологик ўрганиш методикаси асосида тест шаклида амалга оширилади.
36. Саралаш комиссияси аъзоси бўлган психолог психологик тест саволлари ва уларнинг жавоблари сақланиши ҳамда ошкор қилинмаслиги учун жавобгар ҳисобланади.
37. Тест синовининг натижалари бўйича саралаш комиссиясининг психологик ўрганиш тадбирларида иштирок этган аъзолари томонидан шу куннинг ўзида психологик тест синовлари натижалари бўйича қайднома расмийлаштирилади ва имзоланади ҳамда комиссия котибига топширилади.
Психологик ўрганиш натижалари қайднома расмийлаштирилган куннинг ўзида номзодларга эълон қилиниши лозим.
38. Саралаш комиссияси томонидан психологик ўрганиш натижаларига асосан қуйидаги хулосалардан бири чиқарилади:
номзоднинг контракт бўйича ҳарбий хизмат талабларига мувофиқлиги ҳақида;
номзоднинг контракт бўйича ҳарбий хизмат талабларига номувофиқлиги ҳақида.
39. Психологик ўрганиш натижалари қониқарсиз бўлган номзод тест синовини у баҳоланган кундан бошлаб 1 йил давомида 2 маротаба навбатдаги саралаш тадбирлари давомида қайта топшириши мумкин, бироқ шу куннинг ўзида қайта топширишга йўл қўйилмайди.
40. Психологик тадбирлардан муваффақиятли ўтган номзодларга мазкур Низомнинг 7-иловасига мувофиқ шаклда ҳарбий-касбий саралаш картаси тўлдирилади. Ҳарбий-касбий саралаш картаси комиссия раиси ва котиби томонидан имзоланади.
7-боб. Якуний суҳбат ўтказиш
41. Якуний суҳбатга саралашнинг дастлабки ўрганиш, жисмоний тайёргарлик синови ва психологик ўрганиш тадбирларидан муваффақиятли ўтган номзодлар киритилади.
Якуний суҳбат саралаш комиссияси томонидан мазкур Низомнинг 8-иловасига мувофиқ якуний суҳбатни ўтказиш методикаси асосида ўтказилади.
42. Жамоатчилик вакиллари саралаш тадбирларини реал вақт режимида (онлайн) кузатиб боришлари учун якуний суҳбат видеокузатув (онлайн трансляция) остида ўтказилади.
43. Якуний суҳбатдан ўта олмаган номзодлар якуний суҳбатни натижалар эълон қилинган кундан бошлаб 1 йил давомида 2 маротаба навбатдаги саралаш тадбирлари давомида қайта топшириши мумкин, бироқ шу куннинг ўзида қайта топширишга йўл қўйилмайди.
44. Саралаш комиссияси котиби томонидан номзодларнинг жисмоний тайёргарлик даражасини баҳолаш ва якуний суҳбат тадбирларида тўплаган баллари умумлаштирилиб, натижалари бўйича мазкур Йўриқноманинг 9-иловасига мувофиқ шаклда Саралаш натижалари бўйича қайднома (бундан буён матнда қайднома деб юритилади) расмийлаштирилади. Умумлаштирилгандаги максимал балл — 60 баллни ташкил этади.
45. Қайднома саралаш комиссиясининг ҳар бир аъзоси томонидан имзоланади ҳамда тасдиқлаш учун комиссия раисига тақдим этилади.
Қайдноманинг кўчирма нусхаси номзодлар ва бошқа фуқаролар кўриши учун қулай бўлган жойда (ахборот стендлари ёки ички ишлар органларининг хизмат бинолари деворларида) илиб қўйилади.
46. Ҳарбий тузилмалардаги мавжуд бўш лавозимлар сонини ҳисобга олган ҳолда жисмоний тайёргарлик даражасини баҳолаш ва якуний суҳбатнинг умумлаштирилган натижаларига кўра, энг юқори балл тўплаган номзодлар хизматга қабул қилинади.
47. Агар икки ёки бир нечта номзодларнинг умумий тўплаган баллари тенг бўлиб қолса, уларнинг психологик ўрганиш тадбирида қайд этган натижаси инобатга олинган ҳолда энг яхши кўрсаткичга эга номзод танлаб олинади.
48. Саралаш тадбирлари бошланишидан олдин дастлабки ўрганиш, жисмоний тайёргарлик даражасини баҳолаш, психологик ўрганиш ҳамда якуний суҳбат натижалари юзасидан номзодларнинг ариза ва шикоятларини кўриб чиқиш учун Ички ишлар вазирлиги ҳарбий тузилмасининг бошлиғи буйруғига асосан Апелляция комиссияси ташкил этилади.
49. Апелляция комиссиясига ариза ва шикоятлар саралашнинг тегишли босқичи бўйича натижалар эълон қилинган кундан бошлаб бир ҳафта мобайнида тақдим этилиши мумкин.
50. Апелляция комиссияси тақдим этилган ариза ва шикоятларни улар тушган кундан бошлаб уч иш кунидан ошмаган муддатда мурожаат қилган номзод иштирокида кўриб чиқади.
Апелляция комиссияси қарори устидан белгиланган тартибда юқори турувчи органга ёки судга шикоят қилиниши мумкин.
51. Саралаш тадбирлари давомида расмийлаштирилган барча ҳужжатлар (дастлабки ўрганиш варақалари, қайдномалар ва комиссия баённомаларининг нусхалари) номзодларнинг шахсий ҳужжатлар йиғмажилдига бириктириб қўйилади.
8-боб. Номзодларни тиббий кўрикдан ўтказиш тартиби
52. Якуний суҳбатдан муваффақиятли ўтган номзодлар соғлиғининг ҳолатига кўра контракт бўйича ҳарбий хизматни ўташга яроқли ёки яроқсиз эканлигини аниқлаш мақсадида улар тиббий кўрикдан ўтказилади.
53. Номзодларга тиббий кўрикдан ўтиш учун йўлланмалар ҳарбий тузилмалар кадр органлари томонидан берилади.
54. Тиббий кўрик Ўзбекистон Республикаси Президентининг 2018 йил 25 декабрдаги ПҚ-4076-сон қарори билан тасдиқланган Ўзбекистон Республикаси Қуролли Кучларида тинчлик ва уруш даврида тиббий кўрикдан ўтказиш тўғрисидаги низом ҳамда Ўзбекистон Республикаси Қуролли Кучларида тинчлик ва уруш даврида тиббий кўрикдан ўтказишни ташкил этиш ва амалга ошириш тартиби тўғрисидаги низом (рўйхат рақами 3147, 2019 йил 3 апрель) талабларига мувофиқ ўтказилади.
55. Тиббий кўрик натижаларига кўра ҳарбий хизматга яроқсиз ёки кейинчалик қайта тиббий кўрикдан ўтказиш шарти билан даволанишга муҳтож деб топилган номзодлар контракт бўйича ҳарбий хизматга қабул қилинмайди.
9-боб. Номзодларни контракт бўйича ҳарбий хизматга қабул қилиш
56. Дастлабки ўрганиш, жисмоний тайёргарлик даражасини баҳолаш, психологик ўрганиш ва якуний суҳбатдан муваффақиятли ўтган ҳамда тиббий кўрикдан ҳарбий хизматга яроқли деб топилган номзодлар махсус текширувдан ўтказилади, шунингдек, давлат сири ҳисобланадиган маълумотлар билан ишлайдиган лавозимларга қабул қилинадиган номзодларга махфий маълумотлар билан ишлаш учун рухсатнома расмийлаштирилади, бундан махфий маълумотлар билан ишлаш учун белгиланган шаклдаги рухсатномага эга бўлган номзодлар мустасно.
Махсус текширув ҳамда давлат сири билан ишлаш учун рухсатнома расмийлаштириш талаблари хизмат сири ҳисобланади ва ошкор қилиниши ман этилади.
57. Махсус текширув натижаларига кўра, контракт бўйича ҳарбий хизматга қабул қилиниши мақсадга мувофиқ эмас деб топилган номзодларга ёзма равишда хабарнома юборилади.
58. Кадр органлари томонидан ҳарбий хизматга яроқли ҳамда махсус текширув хулосасига кўра ҳарбий хизматга қабул қилиниши мақсадга мувофиқ деб топилган номзодга шахсий ҳужжатлар йиғмажилди расмийлаштирилади.
10-боб. Якуний қоида
59. Мазкур Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавобгар бўлади.
Ўзбекистон Республикаси Ички ишлар вазирлиги ҳарбий тузилмаларига контракт бўйича ҳарбий хизматга номзодларни саралаш тартиби тўғрисидаги низомга 1-ИЛОВА
Ички ишлар вазирлиги Қоровул қўшинлари (Халқаро аэропортларда хавфсизликни таъминлаш бўйича қўшинлари, Ҳарбий тузилмаларнинг фаолиятини таъминлаш базаси) дастлабки ўрганиш комиссиясининг
Комиссия раиси: Қўшин қўмондонининг тарбиявий ва мафкуравий ишлар бўйича ўринбосари (База бошлиғининг биринчи ўринбосари). Комиссия аъзолари: Кадрлар бўлими бошлиғи; Шахсий хавфсизлик бош бошқармаси ҳарбий хизматчиси; Тиббиёт бўлими ҳарбий хизматчиси; Мутахассис-психолог; Тегишли соҳавий хизмат ҳарбий хизматчилари. Комиссия котиби: Кадрлар бўлими (бўлинмаси) ҳарбий хизматчиси.
Ички ишлар вазирлиги Қоровул қўшинлари (Халқаро аэропортларда хавфсизликни таъминлаш бўйича қўшинлари, Ҳарбий тузилмаларнинг фаолиятини таъминлаш базаси) жисмоний тайёргарлик даражасини баҳолаш комиссиясининг
ТАРКИБИ
Комиссия раиси: Қўшин қўмондонининг тарбиявий ва мафкуравий ишлар бўйича ўринбосари (База бошлиғининг биринчи ўринбосари). Комиссия аъзолари: Жисмоний тайёргарлик бўйича масъул ҳарбий хизматчи; Шахсий хавфсизлик бош бошқармаси ҳарбий хизматчиси; Тиббиёт бўлими ҳарбий хизматчиси.
Ички ишлар вазирлиги Қоровул қўшинлари (Халқаро аэропортларда хавфсизликни таъминлаш бўйича қўшинлари, Ҳарбий тузилмаларнинг фаолиятини таъминлаш базаси) психологик ўрганиш комиссиясининг
ТАРКИБИ
Комиссия раиси: Қўшин қўмондонининг тарбиявий ва мафкуравий ишлар бўйича ўринбосари (База бошлиғининг биринчи ўринбосари). Комиссия аъзолари: Мутахассис-психолог; Шахсий хавфсизлик бошқармаси (бўлими) бошлиғи; Шахсий хавфсизлик бош бошқармаси ҳарбий хизматчиси; Тиббиёт бўлими ҳарбий хизматчиси.
Ички ишлар вазирлиги Қоровул қўшинлари (Халқаро аэропортларда хавфсизликни таъминлаш бўйича қўшинлари, Ҳарбий тузилмаларнинг фаолиятини таъминлаш базаси) якуний суҳбат комиссиясининг
ТАРКИБИ
Комиссия раиси: Қўшин қўмондонининг тарбиявий ва мафкуравий ишлар бўйича ўринбосари (База бошлиғининг биринчи ўринбосари). Комиссия раиси ўринбосари: Кадрлар бўлими бошлиғи (База бошлиғининг ўринбосари). Комиссия аъзолари: Қўшин қўмондонлиги (База) бошқарма, бўлим, бўлинма, ва хизмат (цех) бошлиқлари (ҳарбий хизматчилари); Шахсий хавфсизлик бош бошқармаси ҳарбий хизматчиси; Қўмондонлик (База) юридик таъминлаш гуруҳи ҳарбий хизматчиси; Қўмондонлик (База) тиббиёт бўлими (хизмати) бошлиғи; Қўмондонлик мутахассис-психологи; Тегишли соҳавий хизмат ҳарбий хизматчилари; Комиссия котиби: Кадрлар бўлими (бўлинмаси) ҳарбий хизматчиси.
Ўзбекистон Республикаси Ички ишлар вазирлиги ҳарбий тузилмаларига контракт бўйича ҳарбий хизматга номзодларни саралаш тартиби тўғрисидаги низомга 2-ИЛОВА
_______________________________________га (Ҳарбий тузилма номи, раҳбарнинг унвони ва Ф.И.О.) ______ _________________________________га (номзоднинг яшаш жойи) яшовчи _______________________________дан (номзоднинг Ф.И.О.) АРИЗА Сиздан Ички ишлар вазирлиги Қоровул қўшинлари (Халқаро аэропортларда хавфсизликни таъминлаш қўшинлари, Ҳарбий тузилмаларнинг фаолиятини таъминлаш базаси)нинг оддий аскар (офицер)лар таркиби лавозимларига контракт бўйича ҳарбий хизматга қабул қилиш учун ўтказиладиган номзодлар саралашида иштирок этишимга рухсат беришингизни сўрайман. Синовларни ______________________ тилида топшираман. (ўзбек, рус, қорақалпоқ) Хизмат заруратига кўра лозим топилган ҳудудда хизмат қилишга тайёрман. Хизмат бўйича менга маълум бўлган давлат, ҳарбий ва хизматга оид маълумотларни сир сақлашга ваъда бераман. Паспорти ёки идентификация ID-картаси маълумотлари _________________________. (серияси ва рақами) ________________________________ (имзо) _______________________________ (Ф.И.О.) 20___ йил «____» _____________
Ўзбекистон Республикаси Ички ишлар вазирлиги ҳарбий тузилмаларига контракт бўйича ҳарбий хизматга номзодларни саралаш тартиби тўғрисидаги низомга 3-ИЛОВА
Номзодларни рўйхатга олиш ва дастлабки ўрганиш натижасини қайд этиш
Т/р Сана Ф.И.О. Туғилган йили, ойи ва куни Маълумоти ва мутахассислиги Телефон рақами Дастлабки ўрганиш натижаси Номзоднинг имзоси 1 2 3 4 5 6 7 8 1. 2. 3. ...
Ўзбекистон Республикаси Ички ишлар вазирлиги ҳарбий тузилмаларига контракт бўйича ҳарбий хизматга номзодларни саралаш тартиби тўғрисидаги низомга 4-ИЛОВА
Номзодларнинг жисмоний тайёргарлик даражасини баҳолаш бўйича тадбирларни ўтказиш методикаси
1. Жисмоний тайёргарлик даражасини баҳолаш тадбирлари бошланишидан олдин номзод саралаш комиссиясининг масъул аъзоларига ўзини таништиради, бунда номзод биометрик паспорти ёки идентификация ID-картаси ёхуд ҳарбий гувоҳномасини кўрсатиши лозим.
2. Номзодларга машқларни бажаришга қўйиладиган талаблар, машқларни бажариш тартиби ҳамда баҳолаш мезонлари саралаш комиссия аъзолари томонидан тушунтирилади.
3. Номзодлар томонидан бажарилиши лозим бўлган жисмоний тайёргарлик машқлари ва уларни бажаришга қўйиладиган талаблар эркак ва аёл жинсидаги номзодлар учун алоҳида белгиланади.
4. Номзодлар машқларни спорт кийимида бажаришлари тавсия этилади.
5. Жисмоний тайёргарлик машқларини бажаришда номзодлар қуйидаги ёш гуруҳларига бўлинади:
а) эркак жинсига мансуб номзодлар:
1-гуруҳ: 28 ёшгача бўлганлар;
2-гуруҳ: 29 ёшдан 33 ёшгача бўлганлар;
3-гуруҳ: 34 ёшдан 38 ёшгача бўлганлар;
4-гуруҳ: 39 ёшдан 40 ёшгача бўлганлар;
б) аёл жинсига мансуб номзодлар:
1-гуруҳ: 25 ёшгача бўлганлар;
2-гуруҳ: 26 ёшдан 30 ёшгача бўлганлар;
3-гуруҳ: 31 ёшдан 35 ёшгача бўлганлар;
4-гуруҳ: 36 ёшдан 40 ёшгача бўлганлар.
6. Қуйидагилар эркак жинсига мансуб номзодлар томонидан бажарилиши лозим бўлган жисмоний тайёргарлик машқлари ҳисобланади:
тезликка оид машқ — 100 метрга югуриш;
куч ишлатишга оид машқ — тўсинда (турникда) тортилиш;
чидамлиликка оид машқ — 3000 метрга югуриш.
7. Қуйидагилар аёл жинсига мансуб номзодлар томонидан бажарилиши лозим бўлган жисмоний тайёргарлик машқлари ҳисобланади:
тезликка оид машқ — 100 метрга югуриш;
куч ишлатишга оид машқ — куч ишлатиш машқлари комплекси;
чидамлиликка оид машқ — 1000 метрга югуриш.
Жисмоний тайёргарлик машқлари қуйидаги кетма-кетликда бажарилади:
биринчи навбатда — тезликка оид машқлар, иккинчи навбатда — куч ишлатишга оид машқлар, учинчи навбатда — чидамлиликка оид машқлар.
8. Жисмоний тайёргарлик машқларини бажариш оралиғида номзодларга дам олиш учун камида 20 дақиқа вақт берилади.
9. 100 метрга югуриш машқи стадионнинг югуриш йўлакчасида ёки қаттиқ қопламли текис жойларда юқори ёки қуйи стартдан қуйидагича амалга оширилади:
«Стартга» командаси бўйича старт олиш чизиғига яқинлашиш;
«Диққат» командаси бўйича тананинг оғирлигини олдинда турган оёққа ўтказиш, гавда ва бошни олдинга эгиш, қўлларни тирсакка букиш;
«Олға» командаси бўйича югуришни бошлаш.
10. Қуйидагилар тўсинда (турникда) тортилиш машқига қўйиладиган талаблар ҳисобланади:
бош бармоқ поя ичкарисидан ушланади, тана бироз ростланади, тизза бўғими тўғирланади, оёқ учлари чўзилади, товонлар бирлаштирилади;
ияк тўсин (турник) поясидан ўтгунга қадар қўллар букилади;
ҳаракат тўлиқ амалга оширилиши билан дастлабки ҳолатга қайтилади (осилиш ҳолати 1-2 сония давом этиши мумкин);
оёқларни 45° га кўтаришга рухсат этилади.
Ушбу машқни бажаришда оёқларни букиш ва кериш, танани ҳаракатсиз ҳолатда эгиш ҳамда оёқлар билан силтанма ҳаракатлар қилиш тақиқланади.
11. 3000 ва 1000 метрга югуриш машқлари стадионнинг югуриш йўлакчалари ёки қаттиқ қопламали текис жойларда, умумий ёки алоҳида старт берилган ҳолда ўтказилади.
Старт ва марра чизиқлари бир жойда белгиланиши мумкин.
Бунда, югуриш ҳудудидан чиқиб кетган ёки югуришдан юриш ҳолатига ўтган иштирокчи машқни бажармаган ҳисобланади.
12. Номзод томонидан куч ишлатиш машқлари комплексини бажаришда 1 дақиқа ичида 2 та машқ узлуксиз бажарилади.
Ҳар бир машқни бажариш учун 30 сониядан вақт ажратилади.
Биринчи машқни бажариш учун ажратилган 30 сония вақт тугаганлиги эълон қилинганда, номзод дарҳол иккинчи машқни бажаришга киришади.
Қуйидагилар биринчи машқни бажаришга қўйиладиган талаблар ҳисобланади:
чалқанча ётилади;
қўллар белда, тиззалар букилмаган ҳолда оёқлар тўпиқ қисмидан бошқа одам ёрдамида ушланади;
дастлабки ҳолатдан гавда олдинга кўтарилиб, қўллар оёқ учига теккандан сўнг, дастлабки ҳолатга қайтилади.
Ушбу машқни бажариш вақтида тиззаларни букиш ва шерик томонидан оёқларни қўйиб юбориш тақиқланади.
Қуйидагилар иккинчи машқни бажаришга қўйиладиган талаблар ҳисобланади:
таяниб ётилади, қўллар елка кенглигида тиззалар букилмаган ҳолатда бўлади;
қўллар букилиб ёзилади (бунда бел ҳамда елка қисмлари биргаликда ва текис тушиб чиқиши шарт);
қўллар букилиб тана ерга нисбатан параллел ҳолатга келтирилгандан сўнг, дастлабки ҳолатга қайтилади.
Ушбу машқни бажариш вақтида қўллар чала букилиб ёзилиши, бел ва елкалар ҳар хил тушиб чиқиши, тиззаларнинг ерга тегиши тақиқланади.
13. Мазкур методикада назарда тутилган машқларни бажариш тартибини бузган номзодга шу машқ бўйича балл қўйилмайди.
14. Номзодларнинг жисмоний тайёргарлик даражасини баҳолаш мазкур Методиканинг иловасига мувофиқ амалга оширилади.
Номзодларнинг жисмоний тайёргарлик даражасини баҳолаш бўйича тадбирларни ўтказиш методикасига ИЛОВА
Номзодларнинг жисмоний тайёргарлик даражасини баҳолаш мезонлари
1. Эркак жинсига мансуб номзодлар учун:
Машқнинг номланиши Ўлчов бирлиги Ёш гуруҳи Баҳолаш мезонлари Аъло Асосий балл Яхши Асосий балл Қониқарли Асосий балл 100 метрга югуриш сония 1 14,0 10 14,4 7 15,2 5 2 14,2 10 14,6 7 15,4 5 3 14,8 10 15,4 7 16,0 5 4 15,4 10 16,0 7 16,6 5 Тўсинда (турникда) тортилиш маротаба 1 14 10 12 7 10 5 2 13 10 11 7 9 5 3 10 10 8 7 6 5 4 8 10 6 7 4 5 3000 метрга югуриш дақиқа, сония 1 12,40 10 13,00 7 13,35 5 2 12,50 10 13,10 7 13,45 5 3 14,20 10 14,50 7 15,30 5 4 15,00 10 15,50 7 16,40 5
2. Аёл жинсига мансуб номзодлар учун:
Машқнинг номланиши Ўлчов бирлиги Ёш гуруҳи Баҳолаш мезонлари Аъло Асосий балл Яхши Асосий балл Қониқарли Асосий балл 100 метрга югуриш сония 1 16,8 10 17,4 7 18,0 5 2 17,4 10 18,0 7 18,6 5 3 18,0 10 18,6 7 19,2 5 4 18,6 10 19,6 7 20,6 5 Куч ишлатиш машқлари комплекси марта 1 32 10 29 7 26 5 2 30 10 27 7 24 5 3 28 10 25 7 22 5 4 25 10 22 7 19 5 1000 метрга югуриш дақиқа, сония 1 4,25 10 4,40 7 5,00 5 2 4,35 10 4,50 7 5,20 5 3 4,50 10 5,05 7 5,40 5 4 5,10 10 5,30 7 6,00 5
Ўзбекистон Республикаси Ички ишлар вазирлиги ҳарбий тузилмаларига контракт бўйича ҳарбий хизматга номзодларни саралаш тартиби тўғрисидаги низомга 5-ИЛОВА
Номзодларнинг жисмоний тайёргарлик даражаси натижалари бўйича
20__ йил «____» ____________
1. Эркак жинсидаги номзодлар учун:
Т/р Номзоднинг Ф.И.О. Машқларнинг номи ва баҳолаш Умумий балл Ёш гуруҳи Тўсинда (турникда) тортилиш 100 метрга югуриш 3000 (1000) метрга югуриш натижа балл натижа балл натижа балл 1. 2. 3. 4. 5. ...
2. Аёл жинсидаги номзодлар учун:
Т/р Номзодларнинг Ф.И.О. Машқларнинг номи ва баҳолаш Умумий балл Ёш гуруҳи куч ишлатиш машқлари комплекси 100 метрга югуриш 1000 метрга югуриш натижа балл натижа балл натижа балл 1. 2. 3. 4. 5. 6. 7. 8. 9. ... Комиссия аъзолари: __________________________ (имзо) _______________________ (Ф.И.О.) __________________________ (имзо) _______________________ (Ф.И.О.) __________________________ (имзо) _______________________ (Ф.И.О.)
Ўзбекистон Республикаси Ички ишлар вазирлиги ҳарбий тузилмаларига контракт бўйича ҳарбий хизматга номзодларни саралаш тартиби тўғрисидаги низомга 6-ИЛОВА
Психологик ўрганиш методикаси
1. Номзодларни психологик ўрганиш психологик тест (бундан буён матнда тест деб юритилади) синовидан ўтказиш орқали амалга оширилади.
2. Тестлар, уларнинг жавоблари ва жавоблар бланклари Ўзбекистон Республикаси Ички ишлар вазирлиги Маънавий-маърифий ишлар ва кадрлар билан таъминлаш департаменти Психологик таъминлаш бўлинмаси томонидан ишлаб чиқилади.
3. Психологик ўрганиш якка тартибда ёки гуруҳ таркибида ўтказилиши мумкин.
4. Психологик ўрганиш гуруҳ бўлиб ўтказилганда хонада номзодлар 20 нафардан ортиқ бўлмаслиги зарур.
5. Тестлар номзодларнинг қуйидаги психологик хусусиятларини аниқлашга йўналтирилади:
ақл-заковати, умумий интеллектуал салоҳияти ва хотираси;
мантиқий фикрлаши, зийраклиги, тафаккур шаклларининг ривожланганлик даражаси, фикрлаш тезлиги ва таҳлил қилиш қобилияти;
шахсига хос индивидуал хусусиятлари, киришимлилиги, психик турғунлиги, самимийлиги.
6. Тест бошлангунга қадар номзодлар соғлиғининг ҳолати суриштирилади. Ўзини ёмон ҳис қилаётганидан шикоят қилган номзодлар шу куни тест синовига қўйилмайди. Бундай ҳолларда номзодга бошқа куни қайта тест синовидан ўтиш учун рухсат берилиши лозим.
7. Психологик ўрганиш давомида номзодларга икки қисмдан иборат бўлган тест асосида вазифалар берилади.
Бунда, биринчи қисмда (интеллектуал ривожланганлик даражасини ўрганиш) номзодларга 40 та топшириқдан иборат бўлган 3 та вазифа, иккинчи қисмда эса, (психоэмоционал барқарорлик даражасини ўрганиш) 141 та саволдан, шунингдек жавобларнинг самимий ёки носамимийлигини аниқлаш йўналиши бўйича бериладиган 15 та саволдан иборат 1 та вазифа берилади.
8. Номзодга берилган вазифаларни бажариш учун 1 соат 30 дақиқа, шунингдек ҳар бир вазифани ўқиб чиқиш учун қўшимча 5 дақиқадан — умумий 1 соат 50 дақиқа вақт берилади.
9. Саволларнинг ўзига хослигидан келиб чиқиб, жавоб вариантлари берилиши ёки берилмаслиги мумкин. Номзодлар тест саволларига жавоб вариантларини белгилашда жавоблар варақасидаги вариантлардан фақат битта тўғри жавобни белгилаши лозим.
10. Тест синовларини топшириш вақтида номзоднинг хонадан чиқиши тақиқланади, бундан номзоднинг соғлиғи ёмонлашган ҳолатлар мустасно.
11. Тест синовларини ўтказиш вақтида синовлар ўтказилаётган хонада номзодлар ҳамда комиссия аъзоларидан ташқари бошқа шахсларнинг бўлиши тақиқланади.
12. Номзоднинг психологик тест саволларига берган жавоблари 2 кун ичида мазкур методиканинг 1-иловасига мувофиқ Психологик тест натижаларини ҳисоблаш жадвали асосида комиссия аъзолари томонидан ҳисоблаб чиқилади.
13. Тест синовининг натижалари бўйича, у ўтказилган кундан бошлаб 2 кун ичида комиссиянинг психологик ўрганиш тадбирларида иштирок этган аъзолари томонидан мазкур методиканинг 2-иловасига мувофиқ шаклда қайднома расмийлаштирилади ва имзоланади.
14. Психологик ўрганиш натижалари қайднома расмийлаштирилган куннинг ўзида номзодларга эълон қилиниши лозим.
Психологик ўрганиш методикасига 1-ИЛОВА
Психологик тест натижаларини ҳисоблаш
Т/р Интеллектуал ривожланганлик даражасини ўрганиш Психоэмоционал барқарорликни ўрганиш Натижа 1-вазифа 2-вазифа 3-вазифа 4-вазифа Асаб-руҳий турғунлик шкаласи Коммуникатив қобилиятлар шкаласи Ташкилотчилик қобилиятлари шкаласи Самимийлик шкаласи 1. 5 — 20 3 — 10 3 — 10 0 — 32 7 — 20 7 — 20 0 — 9 Ички ишлар органларида хизматга тавсия этилади 2. 0 — 4 0 — 2 0 — 2 33 — 96 0 — 6 0 — 6 10 ва ундан юқори Ички ишлар органларида хизматга тавсия этилмайди
Психологик ўрганиш методикасига 2-ИЛОВА
Психологик тест синовлари натижалари бўйича
20__ йил «____» ____________ Т/р Номзоднинг Ф.И.О. Интеллектуал ривожланганлик даражаси бўйича натижа Психоэмоционал барқарорлик даражаси бўйича натижа Якуний хулоса 1-вазифа 2-вазифа 3-вазифа 4-вазифа Асаб-руҳий турғунлик шкаласи Коммуникатив қобилиятлар шкаласи Ташкилотчилик қобилиятлари шкаласи Самимийлик шкаласи 1. 2. 3. 4. ... Комиссия аъзолари: ______________________ ______________________________ (имзо) (Ф.И.О.) ______________________ ______________________________ (имзо) (Ф.И.О.) ______________________ ______________________________ (имзо) (Ф.И.О.)
Ўзбекистон Республикаси Ички ишлар вазирлиги ҳарбий тузилмаларига контракт бўйича ҳарбий хизматга номзодларни саралаш тартиби тўғрисидаги низомга 7-ИЛОВА
Расм учун жой М.Ў. (кадр органи муҳри) Ҳарбий-касбий саралаш КАРТАСИ Номзод ____________________________________________________________________________ (ҳарбий унвони, Ф.И.О) Ҳарбий ҳисобдаги жойи _______________________________________________________________ (мудофаа ишлари бўлимининг номи) Маълумоти _________________________________________________________________________ (муассасасининг номи, тамомлаган йили, мутахассислиги) Ҳарбий хизмат ўтаган _________________________________________________________________ (қаерда, қачон ва қайси лавозимда муддатли ҳарбий хизматни ўтаган) Ҳарбий-касбий саралаш натижалари Психологик ўрганиш натижаси __________________________________________________________ Психологик ўрганиш хулосаси __________________________________________________________ (хулоса) Жисмоний тайёргарлик даражасини баҳолаш натижаси: 100 метрга югуриш ________________________________(кўрсаткич ва баҳоси) Турникда тортилиш (куч ишлатиш машқлари комплекси) ________________________________(кўрсаткич ва баҳоси) 3000 (1000) метрга югуриш ________________________________(кўрсаткич ва баҳоси) Жисмоний тайёргарлик даражасининг умумий баҳоси ________________________________(баҳоси) Ҳарбий-касбий саралаш комиссиясининг қарори ___________________________________________________________________________________(ҳарбий тузилма номланиши) Жисмоний тайёргарлик даражасини баҳолаш бўйича 20__ йил «___»_________ги ___-сон, психологик тест синовлари натижалари бўйича 20__ йил «___»_________ги ___-сон қайдномалар Комиссия раиси _____________________________________________________________________ (имзо ва Ф.И.О.) Комиссиякотиби ____________________________________________________________________ (имзо ва Ф.И.О.) М.Ў. (гербли)
Ўзбекистон Республикаси Ички ишлар вазирлиги ҳарбий тузилмаларига контракт бўйича ҳарбий хизматга номзодларни саралаш тартиби тўғрисидаги низомга 8-ИЛОВА
Якуний суҳбатни ўтказиш методикаси
1. Якуний суҳбат номзодларнинг ақлий салоҳияти, хизмат ўташга руҳан тайёрлиги, киришимлилиги, шунингдек ҳарбий хизматчи учун зарур бўлган бошқа маънавий-ахлоқий ва касбий жиҳатдан муҳим хислатларга эгалигини аниқлаш мақсадида ҳуқуқшунослик ва тарбия фанлари бўйича ҳамда ҳарбий хизматга оид умумий билимларини баҳолаш орқали оғзаки савол-жавоб тарзида ўтказилади.
2. Якуний суҳбат саралаш комиссияси томонидан коллегиаллик принципи асосида ҳар бир фан бўйича камида бир нафардан малакали мутахассис жалб этилган ҳолда ўтказилади.
3. Якуний суҳбат саволлари базаси Ички ишлар вазирлиги Ҳарбий тузилмалари бошқарув аппарати томонидан тегишли соҳавий хизматлар билан ҳамкорликда ишлаб чиқилади ҳамда Ўзбекистон Республикаси ички ишлар вазири ёки унинг ўринбосари томонидан тасдиқланади ва вазирликнинг расмий веб-сайтига мунтазам равишда жойлаштириб борилади.
Бунда, номзодларга Ички ишлар вазирлигининг расмий веб-сайтига жойлаштирилмаган саволлар берилишига йўл қўйилмайди.
4. Якуний суҳбат ўтказилишидан бир соат олдин саралаш комиссияси аъзолари иштирокида компьютерда махсус дастурдан фойдаланган ҳолда саволлар базасидан ҳар бир фандан 1 тадан — жами 3 та савол кўрсатилган билетлар шакллантирилади. Билетларда саволларнинг такрорланишига йўл қўйилмайди.
5. Номзодлар якуний суҳбат ўтказиладиган хонага биометрик паспорти ёки идентификация ID-картасини ёхуд хизмат гувоҳномасини кўрсатган ҳолда киритилади.
6. Номзодларга якуний суҳбат ўтказиш бўйича асосий тушунчалар ва зарур маълумотлар танлов тадбири бошланишидан олдин саралаш комиссияси аъзолари томонидан берилади.
7. Номзодлар билетни ихтиёрий равишда танлаб олади ва ундаги саволларга ихтиёрий кетма-кетликда жавоб беради.
Ҳар бир билетда қуйидаги йўналишлар бўйича саволлар киритилади:
биринчи савол — ҳуқуқшунослик фани;
иккинчи савол — тарбия фани;
учинчи савол — ҳарбий хизматга оид умумий билимларини аниқлашга қаратилган савол.
8. Номзодларга саволларга тайёргарлик кўришлари учун 15 дақиқа вақт берилади. Агарда номзод ушбу вақтдан фойдаланишни лозим деб топмаса, тайёргарлик кўрмасдан жавоб беришига рухсат этилади.
9. Номзодларнинг билетга тайёргарлик кўришлари учун якуний суҳбат ўтказиш хонасига туташ бўлган алоҳида аудитория ажратилади. Унга 5 нафаргача номзодлар киритилиб, билетларга тайёргарлик кўриш жараёни Саралаш комиссияси котиби томонидан назорат қилинади.
10. Номзодлар саволларга берган жавобларига қараб, қуйидаги мезонлар асосида ҳар бир савол бўйича «10» баллик тизимда баҳоланади:
номзод тўғри хулоса ва қарор қабул қилади, ижодий фикрлай олади, мустақил мушоҳада юритади, амалда қўллай олади, моҳиятини тушунади, билади ва айтиб беради деб топилганда — 8 — 10 балл;
номзод мустақил мушоҳада юритади, амалда қўллай олади, моҳиятини тушунади, билади, айтиб беради ва тасаввурга эга деб топилганда — 5 — 7 балл;
номзод моҳиятини қисман тушунади, билади, айтиб беради ва тасаввурга эга деб топилганда — 3-4 балл;
номзод билмайди, айтиб бера олмайди ва тасаввурга қисман эга деб топилганда — 1-2 балл;
номзод билмайди, айтиб бера олмайди ва тасаввурга эга эмас деб топилганда — балл қўйилмайди.
11. Номзодларга қўйилган баллар умумлаштирилади. Бунда, якуний суҳбат давомида тўпланиши мумкин бўлган максимал балл — 30 баллни ташкил этади.
Ўзбекистон Республикаси Ички ишлар вазирлиги ҳарбий тузилмаларига контракт бўйича ҳарбий хизматга номзодларни саралаш тартиби тўғрисидаги низомга 9-ИЛОВА
«ТАСДИҚЛАЙМАН» ___________________________ __________________________ (Саралаш комиссияси раисининг унвони, Ф.И.О. ва имзоси) 20___ йил «_____» __________. 20__ йил «___» __________ Тошкент шаҳри Саралаш натижалари бўйича ҚАЙДНОМА Комиссия раиси: __________________________________________________________________(саралаш комиссияси раисининг Ф.И.О. ва унвони) Комиссия аъзолари: _________________________________________________________ (саралаш комиссияси аъзолари) Комиссия котиби: __________________________________________________________________ Т/р Номзоднинг Ф.И.О. Жисмоний тайёргарлик даражасини баҳолаш бўйича тўпланган баллар Якуний суҳбат саволларига қўйилган баллар Жами тўпланган балл Хулоса Тезликка оид машқдан Куч ишлатиш машқидан Чидамлиликка оид машқдан 1-саволга 2-саволга 3-саволга 1. 2. ... Комиссия раиси: _______________ (имзо) __________________ (Ф.И.О.) Комиссия аъзолари: _______________ (имзо) __________________ (Ф.И.О.) _______________ (имзо) __________________ (Ф.И.О.) Комиссия котиби: _______________ (имзо) __________________ (Ф.И.О.)
Вазир П. БОБОЖОНОВ
Тошкент ш.,
2022 йил 23 июнь,
200-сон
Oʻzbekiston Respublikasi Ichki ishlar vazirining
buyrugʻi
NIZOM
TARKIBI
JURNALI
QAYDNOMA
JADVALI
QAYDNOMA
Oʻzbekiston Respublikasi Ichki ishlar vazirligi harbiy tuzilmalariga kontrakt boʻyicha harbiy xizmatga nomzodlarni saralash tartibi toʻgʻrisidagi nizomni tasdiqlash haqida
Oʻzbekiston Respublikasi Prezidentining 2019-yil 12-sentabrdagi PQ-4447-son “Oʻzbekiston Respublikasi fuqarolarining harbiy xizmatni oʻtash tartibi toʻgʻrisidagi nizomni tasdiqlash haqida”gi qaroriga muvofiq buyuraman:
1. Oʻzbekiston Respublikasi Ichki ishlar vazirligi harbiy tuzilmalariga kontrakt boʻyicha harbiy xizmatga nomzodlarni saralash tartibi toʻgʻrisidagi nizom ilovaga muvofiq tasdiqlansin.
2. Mazkur buyruq rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Ichki ishlar vazirining 2022-yil 23-iyundagi 200-son buyrugʻiga ILOVA
Oʻzbekiston Respublikasi Ichki ishlar vazirligi harbiy tuzilmalariga kontrakt boʻyicha harbiy xizmatga nomzodlarni saralash tartibi toʻgʻrisidagi
Mazkur Nizom Oʻzbekiston Respublikasi Ichki ishlar vazirligi harbiy tuzilmalariga (bundan buyon matnda Ichki ishlar vazirligi harbiy tuzilmalari deb yuritiladi) kontrakt boʻyicha harbiy xizmatga nomzodlarni saralash tartibini belgilaydi.
1-bob. Umumiy qoidalar
1. Ushbu Nizomda quyidagi asosiy tushunchalar qoʻllaniladi:
kontrakt boʻyicha harbiy xizmat — Qurolli Kuchlar safidagi haqiqiy harbiy xizmatga ixtiyoriylik asosida Ichki ishlar vazirligi orqali davlat bilan tuziladigan kontraktga binoan kirgan fuqarolar bajaradigan harbiy xizmat ;
harbiy-kasbiy saralash (bundan buyon matnda saralash deb yuritiladi) — fuqarolarni (nomzodlarni) kontrakt boʻyicha harbiy xizmatga qoʻyilgan talablarga mos kelishini aniqlashga qaratilgan tadbirlar kompleksi (jismoniy imkoniyatlarni baholash, intellektual rivojlanganlik va psixoemotsional barqarorlik darajasini psixologik oʻrganish, tibbiy koʻrikdan oʻtkazish, shuningdek harbiy xizmat uchun kasbiy jihatdan muhim boʻlgan boshqa sifatlar);
nomzod — kontrakt boʻyicha harbiy xizmatga kirish haqidagi arizasi koʻrib chiqish uchun qabul qilingan Oʻzbekiston Respublikasi fuqarosi.
2. Nomzodlarni kontrakt boʻyicha harbiy xizmatga qabul qilish uchun saralash tadbirlari tashkil qilinadi.
3. Nomzodlarni kontrakt boʻyicha harbiy xizmatga saralash tadbirlari quyidagi bosqichlarni oʻz ichiga oladi :
a) nomzodni dastlabki oʻrganish (hujjatlarni yigʻish va oʻrganish);
b) jismoniy tayyorgarlik darajasini baholash;
v) psixologik oʻrganish (nomzodning intellektual rivojlanganlik darajasi va psixoemotsional barqarorligini baholash);
g) yakuniy suhbat;
d) tibbiy koʻrik;
e) maxsus tekshiruv.
4. Ichki ishlar vazirligi harbiy tuzilmalari uchun zarur hollarda ilmiy daraja yoki ilmiy unvonga ega boʻlgan fan arboblari, shuningdek madaniyat vakillari, soʻnggi besh yil davomida respublika miqyosidagi sport musobaqasining gʻolibi boʻlgan yoki xalqaro miqyosdagi sport musobaqasining 1 — 3-oʻrinlaridan birini egallagan sportchilar istisno tariqasida saralashning faqatgina psixologik oʻrganish, tibbiy koʻrik va maxsus tekshiruv bosqichlaridan oʻtadilar.
5. Oʻzbekiston Respublikasi Vazirlar Mahkamasining 2022-yil 15-yanvardagi 23-son qarori bilan tasdiqlangan Aholining jismoniy tayyorgarlik darajasini baholash boʻyicha sport sinovlarini tashkil etish va oʻtkazish tartibi toʻgʻrisidagi nizomga asosan yosh guruhlaridan kelib chiqib, aholining jismoniy tayyorgarlik darajasini baholash boʻyicha sport sinovlarining maxsus talablarini muvaffaqiyatli bajargan (1, 2 va 3-oʻrin gʻoliblari) fuqarolar bir yil mobaynida saralashning jismoniy tayyorgarlik darajasini baholash bosqichidan ozod qilinadi hamda ularga ushbu bosqich boʻyicha maksimal ball beriladi.
2-bob. Nomzodlarga qoʻyiladigan umumiy talablar
6. Saralashda Oʻzbekiston Respublikasining umumiy oʻrta, oʻrta maxsus, professional yoki oliy maʼlumotga ega boʻlgan quyidagi fuqarolari ishtirok etishlari mumkin:
oʻn sakkiz yoshdan oʻttiz yoshgacha boʻlgan shaxslar;
muqaddam kontrakt boʻyicha harbiy xizmatni oʻtagan qirq yoshgacha boʻlgan shaxslar;
rezervdagi va zaxiradagi qirq yoshgacha boʻlgan ofitserlar.
Bunda, erkak jinsidagi nomzod Oʻzbekiston Respublikasi Qurolli Kuchlari safida muddatli harbiy xizmatni oʻtagan (oʻtayotgan) yoki safarbarlik chaqiruvi rezervida harbiy xizmatni oʻtagan yoxud oliy taʼlim muassasalari harbiy tayyorgarlik kurslarida oʻqishni tugatgan boʻlishi, shuningdek harbiy roʻyxatda turgan boʻlishi kerak.
7. Kontrakt boʻyicha harbiy xizmatga qabul qilishda nomzod boʻyi quyidagi maxsus antropometrik parametrlarga javob berishi talab etiladi:
erkak jinsidagi nomzodning boʻyi — 170 santimetrdan past boʻlmasligi kerak;
ayol jinsidagi nomzodning boʻyi — 165 santimetrdan past boʻlmasligi kerak.
Ushbu bandda belgilangan talablar mazkur Nizomning 4-bandida koʻrsatilgan shaxslarga nisbatan tatbiq etilmaydi.
3-bob. Saralash tadbirlarini tashkil etish
9. Nomzodni saralash tadbirlarini tashkil etish va oʻtkazish uchun Ichki ishlar vazirligi harbiy tuzilmalarining Qorovul qoʻshinlari, Xalqaro aeroportlarda xavfsizlikni taʼminlash boʻyicha qoʻshinlari qoʻmondonlari va Harbiy tuzilmalarning faoliyatini taʼminlash bazasi boshligʻining buyrugʻi bilan tegishli harbiy tuzilmalarda mazkur Nizomning 1-ilovasida koʻrsatilgan tarkibda doimiy faoliyat yuritadigan saralash komissiyalari (bundan buyon matnda saralash komissiyalari deb yuritiladi) tashkil etiladi.
10. Ichki ishlar vazirligi harbiy tuzilmalaridagi mavjud boʻsh lavozimlardan kelib chiqqan holda saralash komissiyalari raislari tomonidan nomzodlar uchun qabul kunlari belgilanadi (masalan, haftaning muayyan kunlari yoki oyning muayyan sanalari).
11. Nomzodlarni Ichki ishlar vazirligi harbiy tuzilmalariga jalb qilish maqsadida kadr organlari tomonidan saralash oʻtkazilishidan kamida bir oy oldin ichki ishlar organlarining rasmiy nashrlarida, ichki ishlar organlarining rasmiy veb-saytida boʻsh lavozimlar boʻyicha maʼlumotlar, saralash oʻtkazish joyi va kunlari, shuningdek xizmatga qabul qilish tartibi va belgilangan imtiyozlar toʻgʻrisidagi eʼlonlar joylashtiriladi.
12. Nomzodlarga qulaylik yaratish maqsadida harbiy qismlar hududiga kirish joylarida nomzodlarni saralash tartibi, ularga qoʻyiladigan talablar haqidagi maʼlumotlar qayd etilgan axborot stendlari majburiy tartibda joylashtirilishi lozim.
13. Saralash tadbirlari davomida faxriylar kengashi aʼzolari, jamoat tashkilotlari vakillari va nomzodlarning yaqin qarindoshlari (bundan buyon matnda jamoatchilik vakillari deb yuritiladi) ishtirok etishlari mumkin.
Bunda, jamoatchilik vakillari saralash tadbirlarini oʻtkazish jarayoni va uning natijalaridan norozi boʻlgan taqdirda saralashning tegishli komissiyasi raisiga yozma ravishda murojaat qilishlari va oʻz taklif hamda eʼtirozlarini bildirishlari mumkin. Jamoatchilik vakillarining murojaatlari Oʻzbekiston Respublikasining “Jismoniy va yuridik shaxslarning murojaatlari toʻgʻrisida”gi Qonunida belgilangan tartibda koʻrib chiqiladi.
4-bob. Nomzodlarni dastlabki oʻrganish
14. Kontrakt boʻyicha harbiy xizmatga kirish istagini bildirgan Oʻzbekiston Respublikasi fuqarosi yashash joyi yoki turgan joyidagi Ichki ishlar vazirligi harbiy tuzilmalariga mazkur Nizomning 2-ilovasiga muvofiq shakldagi ariza bilan murojaat qiladi. Bunda, arizada nomzodning pasporti yoki identifikatsiya ID-kartasi maʼlumotlari koʻrsatilishi lozim.
Saralash tadbirlari boshlanganidan keyin murojaat qilgan nomzodlar ushbu saralashda emas, balki keyingi saralashda ishtirok etishlari mumkin boʻladi.
15. Nomzod muqaddam kontrakt boʻyicha harbiy xizmatni oʻtagan boʻlsa, arizada kontrakt boʻyicha harbiy xizmatdan boʻshatilish sababini koʻrsatishi lozim.
16. Navbatdagi saralash tadbirlari boshlanishidan oʻn kun oldin Ichki ishlar vazirligi harbiy tuzilmalari tomonidan saralashda qatnashish toʻgʻrisidagi ariza bilan murojaat qilgan nomzodlarga saralash tadbirlarining boshlanish vaqti va joyi haqida xabar beriladi.
17. Saralash komissiyasining navbatdagi qabul kuni davomida nomzodlarni dastlabki oʻrganish ishlari amalga oshiriladi.
18. Nomzod dastlabki oʻrganish vaqtida saralash komissiyasiga oʻzini tanishtiradi va shaxsini tasdiqlovchi hujjatni komissiya kotibiga koʻrsatadi.
19. Saralash komissiyasi kotibi saralash uchun hozir boʻlgan nomzod haqidagi maʼlumotlarni mazkur Nizomning 3-ilovasiga muvofiq shakldagi Nomzodlarni roʻyxatga olish va dastlabki oʻrganish natijasini qayd etish jurnaliga kiritadi.
20. Nomzod mazkur Nizomning 7-bandida nazarda tutilgan talabga javob berishini aniqlash maqsadida saralash komissiyasining tegishli aʼzosi tomonidan uning boʻyi oʻlchanadi. Nomzodning boʻyi talabga javob bermagan hollarda, unga saralashning keyingi bosqichida ishtirok etishga ruxsat berilmaydi.
21. Dastlabki oʻrganish davomida saralash komissiyasining suhbat oʻtkazilishiga masʼul boʻlgan aʼzosi (aʼzolari) tomonidan nomzodga mazkur Nizom talablari, harbiy xizmatchining huquq va majburiyatlari, harbiy xizmatni oʻtash bilan bogʻliq shartlar va imtiyozlar tushuntirilishi hamda nomzodning kontrakt boʻyicha harbiy xizmatga kirish istagi bor yoki yoʻqligi aniqlanishi lozim.
22. Saralash komissiyasi aʼzolari tomonidan nomzodni dastlabki oʻrganish natijalariga koʻra, shu kunning oʻzida nomzodni saralashning keyingi bosqichiga oʻtkazish yoki oʻtkazishni rad etish haqida qaror qabul qilinadi.
Bunda, nomzodning boʻyi talabga javob berganda hamda nomzod kontrakt boʻyicha harbiy xizmatga kirish istagini bildirgan hollarda saralash komissiyasi tomonidan nomzodni keyingi bosqichga oʻtkazish toʻgʻrisida qaror qabul qilinadi.
23. Muddatli harbiy xizmatni oʻtayotgan harbiy xizmatchilar orasidan kontrakt boʻyicha xizmatga nomzodlarni koʻrib chiqish Oʻzbekiston Respublikasi Prezidentining 2019-yil 12-sentabrdagi PQ-4447-son qarori bilan tasdiqlangan Oʻzbekiston Respublikasi fuqarolarining harbiy xizmatni oʻtash tartibi toʻgʻrisidagi nizomda belgilangan tartibda amalga oshiriladi.
5-bob. Jismoniy tayyorgarlik darajasini baholash
24. Saralashning dastlabki oʻrganish bosqichidan muvaffaqiyatli oʻtgan nomzodlar jismoniy tayyorgarlik darajasini baholash bosqichiga oʻtkaziladi.
25. Jismoniy tayyorgarlik sinovi nomzodning jismoniy tayyorgarlik darajasini aniqlash maqsadida oʻtkaziladi.
26. Kadr organi boshligʻi dastlabki oʻrganish natijalari eʼlon qilingan kuni jismoniy tayyorgarlik sinovi oʻtkaziladigan vaqt va joy haqida nomzodlarni xabardor qiladi.
27. Nomzodlarning jismoniy tayyorgarlik darajasini aniqlash mazkur Nizomning 4-ilovasiga muvofiq Nomzodlarning jismoniy tayyorgarlik darajasini baholash boʻyicha tadbirlarni oʻtkazish metodikasi asosida amalga oshiriladi.
Bunda, nomzodga har bir mashqni bajarganlik uchun ball beriladi. Umumiy toʻplanishi mumkin boʻlgan maksimal ball — 30 ballni tashkil etadi.
28. Nomzodlar tomonidan mashqlarni bajarish boshlanishidan oldin ularga mashqlarni bajarishga qoʻyiladigan talablar, mashqlarni bajarish tartibi hamda baholash mezonlari saralash komissiyasi aʼzolari tomonidan tushuntiriladi.
29. Nomzodlar tomonidan bajarilishi lozim boʻlgan jismoniy tayyorgarlik mashqlari va ularni bajarishga qoʻyiladigan talablar erkak va ayol jinsidagi nomzodlar uchun alohida belgilanadi.
30. Jismoniy tayyorgarlik mashqlarini bajargan nomzodlar shu vaqtning oʻzida saralash komissiya aʼzolari tomonidan baholanadi.
31. Jismoniy tayyorgarlik darajasini baholash tadbirlari natijalari boʻyicha shu kunning oʻzida mazkur Nizomning 5-ilovasiga muvofiq shaklda qaydnoma rasmiylashtiriladi va natijalar shu zahoti nomzodlarga eʼlon qilinadi.
Qaydnoma saralash komissiyasining jismoniy tayyorgarlik darajasini baholash boʻyicha sinovda ishtirok etgan aʼzolari tomonidan imzolanadi hamda shu kunning oʻzida komissiya kotibiga topshiriladi.
32. Jismoniy tayyorgarlik darajasini baholash mashqlaridan jami toʻplangan balli 15 balldan past boʻlgan nomzodlar saralashning keyingi bosqichiga oʻtkazilmaydi.
Saralashning yakuniy natijalarini hisoblashda jismoniy tayyorgarlik darajasini baholash mashqlaridan toʻplangan ballar yakuniy suhbat davomida toʻplangan ballar bilan birgalikda qoʻshib hisoblanadi.
33. Qoniqarsiz baholangan nomzod jismoniy tayyorgarlik darajasini baholash mashqlarini u baholangan kundan boshlab 1 yil davomida 2 marotaba navbatdagi saralash tadbirlari davomida qayta topshirishi mumkin, biroq shu kunning oʻzida qayta topshirishga yoʻl qoʻyilmaydi.
6-bob. Nomzodlarni psixologik oʻrganish
34. Jismoniy tayyorgarlik darajasi qoniqarli baholangan nomzodlarning intellektual rivojlanganlik darajasi va psixoemotsional barqarorligini aniqlash maqsadida psixologik oʻrganish oʻtkaziladi.
35. Nomzodlarni psixologik oʻrganish mazkur Nizomning 6-ilovasiga muvofiq psixologik oʻrganish metodikasi asosida test shaklida amalga oshiriladi.
36. Saralash komissiyasi aʼzosi boʻlgan psixolog psixologik test savollari va ularning javoblari saqlanishi hamda oshkor qilinmasligi uchun javobgar hisoblanadi.
37. Test sinovining natijalari boʻyicha saralash komissiyasining psixologik oʻrganish tadbirlarida ishtirok etgan aʼzolari tomonidan shu kunning oʻzida psixologik test sinovlari natijalari boʻyicha qaydnoma rasmiylashtiriladi va imzolanadi hamda komissiya kotibiga topshiriladi.
Psixologik oʻrganish natijalari qaydnoma rasmiylashtirilgan kunning oʻzida nomzodlarga eʼlon qilinishi lozim.
38. Saralash komissiyasi tomonidan psixologik oʻrganish natijalariga asosan quyidagi xulosalardan biri chiqariladi:
nomzodning kontrakt boʻyicha harbiy xizmat talablariga muvofiqligi haqida;
nomzodning kontrakt boʻyicha harbiy xizmat talablariga nomuvofiqligi haqida.
39. Psixologik oʻrganish natijalari qoniqarsiz boʻlgan nomzod test sinovini u baholangan kundan boshlab 1 yil davomida 2 marotaba navbatdagi saralash tadbirlari davomida qayta topshirishi mumkin, biroq shu kunning oʻzida qayta topshirishga yoʻl qoʻyilmaydi.
40. Psixologik tadbirlardan muvaffaqiyatli oʻtgan nomzodlarga mazkur Nizomning 7-ilovasiga muvofiq shaklda harbiy-kasbiy saralash kartasi toʻldiriladi. Harbiy-kasbiy saralash kartasi komissiya raisi va kotibi tomonidan imzolanadi.
7-bob. Yakuniy suhbat oʻtkazish
41. Yakuniy suhbatga saralashning dastlabki oʻrganish, jismoniy tayyorgarlik sinovi va psixologik oʻrganish tadbirlaridan muvaffaqiyatli oʻtgan nomzodlar kiritiladi.
Yakuniy suhbat saralash komissiyasi tomonidan mazkur Nizomning 8-ilovasiga muvofiq yakuniy suhbatni oʻtkazish metodikasi asosida oʻtkaziladi.
42. Jamoatchilik vakillari saralash tadbirlarini real vaqt rejimida (onlayn) kuzatib borishlari uchun yakuniy suhbat videokuzatuv (onlayn translyatsiya) ostida oʻtkaziladi.
43. Yakuniy suhbatdan oʻta olmagan nomzodlar yakuniy suhbatni natijalar eʼlon qilingan kundan boshlab 1 yil davomida 2 marotaba navbatdagi saralash tadbirlari davomida qayta topshirishi mumkin, biroq shu kunning oʻzida qayta topshirishga yoʻl qoʻyilmaydi.
44. Saralash komissiyasi kotibi tomonidan nomzodlarning jismoniy tayyorgarlik darajasini baholash va yakuniy suhbat tadbirlarida toʻplagan ballari umumlashtirilib, natijalari boʻyicha mazkur Yoʻriqnomaning 9-ilovasiga muvofiq shaklda Saralash natijalari boʻyicha qaydnoma (bundan buyon matnda qaydnoma deb yuritiladi) rasmiylashtiriladi. Umumlashtirilgandagi maksimal ball — 60 ballni tashkil etadi.
45. Qaydnoma saralash komissiyasining har bir aʼzosi tomonidan imzolanadi hamda tasdiqlash uchun komissiya raisiga taqdim etiladi.
Qaydnomaning koʻchirma nusxasi nomzodlar va boshqa fuqarolar koʻrishi uchun qulay boʻlgan joyda (axborot stendlari yoki ichki ishlar organlarining xizmat binolari devorlarida) ilib qoʻyiladi.
46. Harbiy tuzilmalardagi mavjud boʻsh lavozimlar sonini hisobga olgan holda jismoniy tayyorgarlik darajasini baholash va yakuniy suhbatning umumlashtirilgan natijalariga koʻra, eng yuqori ball toʻplagan nomzodlar xizmatga qabul qilinadi.
47. Agar ikki yoki bir nechta nomzodlarning umumiy toʻplagan ballari teng boʻlib qolsa, ularning psixologik oʻrganish tadbirida qayd etgan natijasi inobatga olingan holda eng yaxshi koʻrsatkichga ega nomzod tanlab olinadi.
48. Saralash tadbirlari boshlanishidan oldin dastlabki oʻrganish, jismoniy tayyorgarlik darajasini baholash, psixologik oʻrganish hamda yakuniy suhbat natijalari yuzasidan nomzodlarning ariza va shikoyatlarini koʻrib chiqish uchun Ichki ishlar vazirligi harbiy tuzilmasining boshligʻi buyrugʻiga asosan Apellyatsiya komissiyasi tashkil etiladi.
49. Apellyatsiya komissiyasiga ariza va shikoyatlar saralashning tegishli bosqichi boʻyicha natijalar eʼlon qilingan kundan boshlab bir hafta mobaynida taqdim etilishi mumkin.
50. Apellyatsiya komissiyasi taqdim etilgan ariza va shikoyatlarni ular tushgan kundan boshlab uch ish kunidan oshmagan muddatda murojaat qilgan nomzod ishtirokida koʻrib chiqadi.
Apellyatsiya komissiyasi qarori ustidan belgilangan tartibda yuqori turuvchi organga yoki sudga shikoyat qilinishi mumkin.
51. Saralash tadbirlari davomida rasmiylashtirilgan barcha hujjatlar (dastlabki oʻrganish varaqalari, qaydnomalar va komissiya bayonnomalarining nusxalari) nomzodlarning shaxsiy hujjatlar yigʻmajildiga biriktirib qoʻyiladi.
8-bob. Nomzodlarni tibbiy koʻrikdan oʻtkazish tartibi
52. Yakuniy suhbatdan muvaffaqiyatli oʻtgan nomzodlar sogʻligʻining holatiga koʻra kontrakt boʻyicha harbiy xizmatni oʻtashga yaroqli yoki yaroqsiz ekanligini aniqlash maqsadida ular tibbiy koʻrikdan oʻtkaziladi.
53. Nomzodlarga tibbiy koʻrikdan oʻtish uchun yoʻllanmalar harbiy tuzilmalar kadr organlari tomonidan beriladi.
54. Tibbiy koʻrik Oʻzbekiston Respublikasi Prezidentining 2018-yil 25-dekabrdagi PQ-4076-son qarori bilan tasdiqlangan Oʻzbekiston Respublikasi Qurolli Kuchlarida tinchlik va urush davrida tibbiy koʻrikdan oʻtkazish toʻgʻrisidagi nizom hamda Oʻzbekiston Respublikasi Qurolli Kuchlarida tinchlik va urush davrida tibbiy koʻrikdan oʻtkazishni tashkil etish va amalga oshirish tartibi toʻgʻrisidagi nizom (roʻyxat raqami 3147, 2019-yil 3-aprel) talablariga muvofiq oʻtkaziladi.
55. Tibbiy koʻrik natijalariga koʻra harbiy xizmatga yaroqsiz yoki keyinchalik qayta tibbiy koʻrikdan oʻtkazish sharti bilan davolanishga muhtoj deb topilgan nomzodlar kontrakt boʻyicha harbiy xizmatga qabul qilinmaydi.
9-bob. Nomzodlarni kontrakt boʻyicha harbiy xizmatga qabul qilish
56. Dastlabki oʻrganish, jismoniy tayyorgarlik darajasini baholash, psixologik oʻrganish va yakuniy suhbatdan muvaffaqiyatli oʻtgan hamda tibbiy koʻrikdan harbiy xizmatga yaroqli deb topilgan nomzodlar maxsus tekshiruvdan oʻtkaziladi, shuningdek, davlat siri hisoblanadigan maʼlumotlar bilan ishlaydigan lavozimlarga qabul qilinadigan nomzodlarga maxfiy maʼlumotlar bilan ishlash uchun ruxsatnoma rasmiylashtiriladi, bundan maxfiy maʼlumotlar bilan ishlash uchun belgilangan shakldagi ruxsatnomaga ega boʻlgan nomzodlar mustasno.
Maxsus tekshiruv hamda davlat siri bilan ishlash uchun ruxsatnoma rasmiylashtirish talablari xizmat siri hisoblanadi va oshkor qilinishi man etiladi.
57. Maxsus tekshiruv natijalariga koʻra, kontrakt boʻyicha harbiy xizmatga qabul qilinishi maqsadga muvofiq emas deb topilgan nomzodlarga yozma ravishda xabarnoma yuboriladi.
58. Kadr organlari tomonidan harbiy xizmatga yaroqli hamda maxsus tekshiruv xulosasiga koʻra harbiy xizmatga qabul qilinishi maqsadga muvofiq deb topilgan nomzodga shaxsiy hujjatlar yigʻmajildi rasmiylashtiriladi.
10-bob. Yakuniy qoida
59. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladi.
Oʻzbekiston Respublikasi Ichki ishlar vazirligi harbiy tuzilmalariga kontrakt boʻyicha harbiy xizmatga nomzodlarni saralash tartibi toʻgʻrisidagi nizomga 1-ILOVA
Ichki ishlar vazirligi Qorovul qoʻshinlari (Xalqaro aeroportlarda xavfsizlikni taʼminlash boʻyicha qoʻshinlari, Harbiy tuzilmalarning faoliyatini taʼminlash bazasi) dastlabki oʻrganish komissiyasining
Komissiya raisi: Qoʻshin qoʻmondonining tarbiyaviy va mafkuraviy ishlar boʻyicha oʻrinbosari (Baza boshligʻining birinchi oʻrinbosari). Komissiya aʼzolari: Kadrlar boʻlimi boshligʻi; Shaxsiy xavfsizlik bosh boshqarmasi harbiy xizmatchisi; Tibbiyot boʻlimi harbiy xizmatchisi; Mutaxassis-psixolog; Tegishli sohaviy xizmat harbiy xizmatchilari. Komissiya kotibi: Kadrlar boʻlimi (boʻlinmasi) harbiy xizmatchisi.
Ichki ishlar vazirligi Qorovul qoʻshinlari (Xalqaro aeroportlarda xavfsizlikni taʼminlash boʻyicha qoʻshinlari, Harbiy tuzilmalarning faoliyatini taʼminlash bazasi) jismoniy tayyorgarlik darajasini baholash komissiyasining
TARKIBI
Komissiya raisi: Qoʻshin qoʻmondonining tarbiyaviy va mafkuraviy ishlar boʻyicha oʻrinbosari (Baza boshligʻining birinchi oʻrinbosari). Komissiya aʼzolari: Jismoniy tayyorgarlik boʻyicha masʼul harbiy xizmatchi; Shaxsiy xavfsizlik bosh boshqarmasi harbiy xizmatchisi; Tibbiyot boʻlimi harbiy xizmatchisi.
Ichki ishlar vazirligi Qorovul qoʻshinlari (Xalqaro aeroportlarda xavfsizlikni taʼminlash boʻyicha qoʻshinlari, Harbiy tuzilmalarning faoliyatini taʼminlash bazasi) psixologik oʻrganish komissiyasining
TARKIBI
Komissiya raisi: Qoʻshin qoʻmondonining tarbiyaviy va mafkuraviy ishlar boʻyicha oʻrinbosari (Baza boshligʻining birinchi oʻrinbosari). Komissiya aʼzolari: Mutaxassis-psixolog; Shaxsiy xavfsizlik boshqarmasi (boʻlimi) boshligʻi; Shaxsiy xavfsizlik bosh boshqarmasi harbiy xizmatchisi; Tibbiyot boʻlimi harbiy xizmatchisi.
Ichki ishlar vazirligi Qorovul qoʻshinlari (Xalqaro aeroportlarda xavfsizlikni taʼminlash boʻyicha qoʻshinlari, Harbiy tuzilmalarning faoliyatini taʼminlash bazasi) yakuniy suhbat komissiyasining
TARKIBI
Komissiya raisi: Qoʻshin qoʻmondonining tarbiyaviy va mafkuraviy ishlar boʻyicha oʻrinbosari (Baza boshligʻining birinchi oʻrinbosari). Komissiya raisi oʻrinbosari: Kadrlar boʻlimi boshligʻi (Baza boshligʻining oʻrinbosari). Komissiya aʼzolari: Qoʻshin qoʻmondonligi (Baza) boshqarma, boʻlim, boʻlinma, va xizmat (sex) boshliqlari (harbiy xizmatchilari); Shaxsiy xavfsizlik bosh boshqarmasi harbiy xizmatchisi; Qoʻmondonlik (Baza) yuridik taʼminlash guruhi harbiy xizmatchisi; Qoʻmondonlik (Baza) tibbiyot boʻlimi (xizmati) boshligʻi; Qoʻmondonlik mutaxassis-psixologi; Tegishli sohaviy xizmat harbiy xizmatchilari; Komissiya kotibi: Kadrlar boʻlimi (boʻlinmasi) harbiy xizmatchisi.
Oʻzbekiston Respublikasi Ichki ishlar vazirligi harbiy tuzilmalariga kontrakt boʻyicha harbiy xizmatga nomzodlarni saralash tartibi toʻgʻrisidagi nizomga 2-ILOVA
_______________________________________ga (Harbiy tuzilma nomi, rahbarning unvoni va F.I.O.) ______ _________________________________ga (nomzodning yashash joyi) yashovchi _______________________________dan (nomzodning F.I.O.) ARIZA Sizdan Ichki ishlar vazirligi Qorovul qoʻshinlari (Xalqaro aeroportlarda xavfsizlikni taʼminlash qoʻshinlari, Harbiy tuzilmalarning faoliyatini taʼminlash bazasi)ning oddiy askar (ofitser)lar tarkibi lavozimlariga kontrakt boʻyicha harbiy xizmatga qabul qilish uchun oʻtkaziladigan nomzodlar saralashida ishtirok etishimga ruxsat berishingizni soʻrayman. Sinovlarni ______________________ tilida topshiraman. (oʻzbek, rus, qoraqalpoq) Xizmat zaruratiga koʻra lozim topilgan hududda xizmat qilishga tayyorman. Xizmat boʻyicha menga maʼlum boʻlgan davlat, harbiy va xizmatga oid maʼlumotlarni sir saqlashga vaʼda beraman. Pasporti yoki identifikatsiya ID-kartasi maʼlumotlari _________________________. (seriyasi va raqami) ________________________________ (imzo) _______________________________ (F.I.O.) 20___ yil “____” _____________
Oʻzbekiston Respublikasi Ichki ishlar vazirligi harbiy tuzilmalariga kontrakt boʻyicha harbiy xizmatga nomzodlarni saralash tartibi toʻgʻrisidagi nizomga 3-ILOVA
Nomzodlarni roʻyxatga olish va dastlabki oʻrganish natijasini qayd etish
T/r Sana F.I.O. Tugʻilgan yili, oyi va kuni Maʼlumoti va mutaxassisligi Telefon raqami Dastlabki oʻrganish natijasi Nomzodning imzosi 1 2 3 4 5 6 7 8 1. 2. 3. ...
Oʻzbekiston Respublikasi Ichki ishlar vazirligi harbiy tuzilmalariga kontrakt boʻyicha harbiy xizmatga nomzodlarni saralash tartibi toʻgʻrisidagi nizomga 4-ILOVA
Nomzodlarning jismoniy tayyorgarlik darajasini baholash boʻyicha tadbirlarni oʻtkazish metodikasi
1. Jismoniy tayyorgarlik darajasini baholash tadbirlari boshlanishidan oldin nomzod saralash komissiyasining masʼul aʼzolariga oʻzini tanishtiradi, bunda nomzod biometrik pasporti yoki identifikatsiya ID-kartasi yoxud harbiy guvohnomasini koʻrsatishi lozim.
2. Nomzodlarga mashqlarni bajarishga qoʻyiladigan talablar, mashqlarni bajarish tartibi hamda baholash mezonlari saralash komissiya aʼzolari tomonidan tushuntiriladi.
3. Nomzodlar tomonidan bajarilishi lozim boʻlgan jismoniy tayyorgarlik mashqlari va ularni bajarishga qoʻyiladigan talablar erkak va ayol jinsidagi nomzodlar uchun alohida belgilanadi.
4. Nomzodlar mashqlarni sport kiyimida bajarishlari tavsiya etiladi.
5. Jismoniy tayyorgarlik mashqlarini bajarishda nomzodlar quyidagi yosh guruhlariga boʻlinadi:
a) erkak jinsiga mansub nomzodlar:
1-guruh: 28 yoshgacha boʻlganlar;
2-guruh: 29 yoshdan 33 yoshgacha boʻlganlar;
3-guruh: 34 yoshdan 38 yoshgacha boʻlganlar;
4-guruh: 39 yoshdan 40 yoshgacha boʻlganlar;
b) ayol jinsiga mansub nomzodlar:
1-guruh: 25 yoshgacha boʻlganlar;
2-guruh: 26 yoshdan 30 yoshgacha boʻlganlar;
3-guruh: 31 yoshdan 35 yoshgacha boʻlganlar;
4-guruh: 36 yoshdan 40 yoshgacha boʻlganlar.
6. Quyidagilar erkak jinsiga mansub nomzodlar tomonidan bajarilishi lozim boʻlgan jismoniy tayyorgarlik mashqlari hisoblanadi:
tezlikka oid mashq — 100 metrga yugurish;
kuch ishlatishga oid mashq — toʻsinda (turnikda) tortilish;
chidamlilikka oid mashq — 3000 metrga yugurish.
7. Quyidagilar ayol jinsiga mansub nomzodlar tomonidan bajarilishi lozim boʻlgan jismoniy tayyorgarlik mashqlari hisoblanadi:
tezlikka oid mashq — 100 metrga yugurish;
kuch ishlatishga oid mashq — kuch ishlatish mashqlari kompleksi;
chidamlilikka oid mashq — 1000 metrga yugurish.
Jismoniy tayyorgarlik mashqlari quyidagi ketma-ketlikda bajariladi:
birinchi navbatda — tezlikka oid mashqlar, ikkinchi navbatda — kuch ishlatishga oid mashqlar, uchinchi navbatda — chidamlilikka oid mashqlar.
8. Jismoniy tayyorgarlik mashqlarini bajarish oraligʻida nomzodlarga dam olish uchun kamida 20 daqiqa vaqt beriladi.
9. 100 metrga yugurish mashqi stadionning yugurish yoʻlakchasida yoki qattiq qoplamli tekis joylarda yuqori yoki quyi startdan quyidagicha amalga oshiriladi:
“Startga” komandasi boʻyicha start olish chizigʻiga yaqinlashish;
“Diqqat” komandasi boʻyicha tananing ogʻirligini oldinda turgan oyoqqa oʻtkazish, gavda va boshni oldinga egish, qoʻllarni tirsakka bukish;
“Olgʻa” komandasi boʻyicha yugurishni boshlash.
10. Quyidagilar toʻsinda (turnikda) tortilish mashqiga qoʻyiladigan talablar hisoblanadi:
bosh barmoq poya ichkarisidan ushlanadi, tana biroz rostlanadi, tizza boʻgʻimi toʻgʻirlanadi, oyoq uchlari choʻziladi, tovonlar birlashtiriladi;
iyak toʻsin (turnik) poyasidan oʻtgunga qadar qoʻllar bukiladi;
harakat toʻliq amalga oshirilishi bilan dastlabki holatga qaytiladi (osilish holati 1-2 soniya davom etishi mumkin);
oyoqlarni 45° ga koʻtarishga ruxsat etiladi.
Ushbu mashqni bajarishda oyoqlarni bukish va kerish, tanani harakatsiz holatda egish hamda oyoqlar bilan siltanma harakatlar qilish taqiqlanadi.
11. 3000 va 1000 metrga yugurish mashqlari stadionning yugurish yoʻlakchalari yoki qattiq qoplamali tekis joylarda, umumiy yoki alohida start berilgan holda oʻtkaziladi.
Start va marra chiziqlari bir joyda belgilanishi mumkin.
Bunda, yugurish hududidan chiqib ketgan yoki yugurishdan yurish holatiga oʻtgan ishtirokchi mashqni bajarmagan hisoblanadi.
12. Nomzod tomonidan kuch ishlatish mashqlari kompleksini bajarishda 1 daqiqa ichida 2 ta mashq uzluksiz bajariladi.
Har bir mashqni bajarish uchun 30 soniyadan vaqt ajratiladi.
Birinchi mashqni bajarish uchun ajratilgan 30 soniya vaqt tugaganligi eʼlon qilinganda, nomzod darhol ikkinchi mashqni bajarishga kirishadi.
Quyidagilar birinchi mashqni bajarishga qoʻyiladigan talablar hisoblanadi:
chalqancha yotiladi;
qoʻllar belda, tizzalar bukilmagan holda oyoqlar toʻpiq qismidan boshqa odam yordamida ushlanadi;
dastlabki holatdan gavda oldinga koʻtarilib, qoʻllar oyoq uchiga tekkandan soʻng, dastlabki holatga qaytiladi.
Ushbu mashqni bajarish vaqtida tizzalarni bukish va sherik tomonidan oyoqlarni qoʻyib yuborish taqiqlanadi.
Quyidagilar ikkinchi mashqni bajarishga qoʻyiladigan talablar hisoblanadi:
tayanib yotiladi, qoʻllar yelka kengligida tizzalar bukilmagan holatda boʻladi;
qoʻllar bukilib yoziladi (bunda bel hamda yelka qismlari birgalikda va tekis tushib chiqishi shart);
qoʻllar bukilib tana yerga nisbatan parallel holatga keltirilgandan soʻng, dastlabki holatga qaytiladi.
Ushbu mashqni bajarish vaqtida qoʻllar chala bukilib yozilishi, bel va yelkalar har xil tushib chiqishi, tizzalarning yerga tegishi taqiqlanadi.
13. Mazkur metodikada nazarda tutilgan mashqlarni bajarish tartibini buzgan nomzodga shu mashq boʻyicha ball qoʻyilmaydi.
14. Nomzodlarning jismoniy tayyorgarlik darajasini baholash mazkur Metodikaning ilovasiga muvofiq amalga oshiriladi.
Nomzodlarning jismoniy tayyorgarlik darajasini baholash boʻyicha tadbirlarni oʻtkazish metodikasiga ILOVA
Nomzodlarning jismoniy tayyorgarlik darajasini baholash mezonlari
1. Erkak jinsiga mansub nomzodlar uchun:
Mashqning nomlanishi Oʻlchov birligi Yosh guruhi Baholash mezonlari Aʼlo Asosiy ball Yaxshi Asosiy ball Qoniqarli Asosiy ball 100 metrga yugurish soniya 1 14,0 10 14,4 7 15,2 5 2 14,2 10 14,6 7 15,4 5 3 14,8 10 15,4 7 16,0 5 4 15,4 10 16,0 7 16,6 5 Toʻsinda (turnikda) tortilish marotaba 1 14 10 12 7 10 5 2 13 10 11 7 9 5 3 10 10 8 7 6 5 4 8 10 6 7 4 5 3000 metrga yugurish daqiqa, soniya 1 12,40 10 13,00 7 13,35 5 2 12,50 10 13,10 7 13,45 5 3 14,20 10 14,50 7 15,30 5 4 15,00 10 15,50 7 16,40 5
2. Ayol jinsiga mansub nomzodlar uchun:
Mashqning nomlanishi Oʻlchov birligi Yosh guruhi Baholash mezonlari Aʼlo Asosiy ball Yaxshi Asosiy ball Qoniqarli Asosiy ball 100 metrga yugurish soniya 1 16,8 10 17,4 7 18,0 5 2 17,4 10 18,0 7 18,6 5 3 18,0 10 18,6 7 19,2 5 4 18,6 10 19,6 7 20,6 5 Kuch ishlatish mashqlari kompleksi marta 1 32 10 29 7 26 5 2 30 10 27 7 24 5 3 28 10 25 7 22 5 4 25 10 22 7 19 5 1000 metrga yugurish daqiqa, soniya 1 4,25 10 4,40 7 5,00 5 2 4,35 10 4,50 7 5,20 5 3 4,50 10 5,05 7 5,40 5 4 5,10 10 5,30 7 6,00 5
Oʻzbekiston Respublikasi Ichki ishlar vazirligi harbiy tuzilmalariga kontrakt boʻyicha harbiy xizmatga nomzodlarni saralash tartibi toʻgʻrisidagi nizomga 5-ILOVA
Nomzodlarning jismoniy tayyorgarlik darajasi natijalari boʻyicha
20__ yil “____” ____________
1. Erkak jinsidagi nomzodlar uchun:
T/r Nomzodning F.I.O. Mashqlarning nomi va baholash Umumiy ball Yosh guruhi Toʻsinda (turnikda) tortilish 100 metrga yugurish 3000 (1000) metrga yugurish natija ball natija ball natija ball 1. 2. 3. 4. 5. ...
2. Ayol jinsidagi nomzodlar uchun:
T/r Nomzodlarning F.I.O. Mashqlarning nomi va baholash Umumiy ball Yosh guruhi kuch ishlatish mashqlari kompleksi 100 metrga yugurish 1000 metrga yugurish natija ball natija ball natija ball 1. 2. 3. 4. 5. 6. 7. 8. 9. ... Komissiya aʼzolari: __________________________ (imzo) _______________________ (F.I.O.) __________________________ (imzo) _______________________ (F.I.O.) __________________________ (imzo) _______________________ (F.I.O.)
Oʻzbekiston Respublikasi Ichki ishlar vazirligi harbiy tuzilmalariga kontrakt boʻyicha harbiy xizmatga nomzodlarni saralash tartibi toʻgʻrisidagi nizomga 6-ILOVA
Psixologik oʻrganish metodikasi
1. Nomzodlarni psixologik oʻrganish psixologik test (bundan buyon matnda test deb yuritiladi) sinovidan oʻtkazish orqali amalga oshiriladi.
2. Testlar, ularning javoblari va javoblar blanklari Oʻzbekiston Respublikasi Ichki ishlar vazirligi Maʼnaviy-maʼrifiy ishlar va kadrlar bilan taʼminlash departamenti Psixologik taʼminlash boʻlinmasi tomonidan ishlab chiqiladi.
3. Psixologik oʻrganish yakka tartibda yoki guruh tarkibida oʻtkazilishi mumkin.
4. Psixologik oʻrganish guruh boʻlib oʻtkazilganda xonada nomzodlar 20 nafardan ortiq boʻlmasligi zarur.
5. Testlar nomzodlarning quyidagi psixologik xususiyatlarini aniqlashga yoʻnaltiriladi:
aql-zakovati, umumiy intellektual salohiyati va xotirasi;
mantiqiy fikrlashi, ziyrakligi, tafakkur shakllarining rivojlanganlik darajasi, fikrlash tezligi va tahlil qilish qobiliyati;
shaxsiga xos individual xususiyatlari, kirishimliligi, psixik turgʻunligi, samimiyligi.
6. Test boshlangunga qadar nomzodlar sogʻligʻining holati surishtiriladi. Oʻzini yomon his qilayotganidan shikoyat qilgan nomzodlar shu kuni test sinoviga qoʻyilmaydi. Bunday hollarda nomzodga boshqa kuni qayta test sinovidan oʻtish uchun ruxsat berilishi lozim.
7. Psixologik oʻrganish davomida nomzodlarga ikki qismdan iborat boʻlgan test asosida vazifalar beriladi.
Bunda, birinchi qismda (intellektual rivojlanganlik darajasini oʻrganish) nomzodlarga 40 ta topshiriqdan iborat boʻlgan 3 ta vazifa, ikkinchi qismda esa, (psixoemotsional barqarorlik darajasini oʻrganish) 141 ta savoldan, shuningdek javoblarning samimiy yoki nosamimiyligini aniqlash yoʻnalishi boʻyicha beriladigan 15 ta savoldan iborat 1 ta vazifa beriladi.
8. Nomzodga berilgan vazifalarni bajarish uchun 1 soat 30 daqiqa, shuningdek har bir vazifani oʻqib chiqish uchun qoʻshimcha 5 daqiqadan — umumiy 1 soat 50 daqiqa vaqt beriladi.
9. Savollarning oʻziga xosligidan kelib chiqib, javob variantlari berilishi yoki berilmasligi mumkin. Nomzodlar test savollariga javob variantlarini belgilashda javoblar varaqasidagi variantlardan faqat bitta toʻgʻri javobni belgilashi lozim.
10. Test sinovlarini topshirish vaqtida nomzodning xonadan chiqishi taqiqlanadi, bundan nomzodning sogʻligʻi yomonlashgan holatlar mustasno.
11. Test sinovlarini oʻtkazish vaqtida sinovlar oʻtkazilayotgan xonada nomzodlar hamda komissiya aʼzolaridan tashqari boshqa shaxslarning boʻlishi taqiqlanadi.
12. Nomzodning psixologik test savollariga bergan javoblari 2 kun ichida mazkur metodikaning 1-ilovasiga muvofiq Psixologik test natijalarini hisoblash jadvali asosida komissiya aʼzolari tomonidan hisoblab chiqiladi.
13. Test sinovining natijalari boʻyicha, u oʻtkazilgan kundan boshlab 2 kun ichida komissiyaning psixologik oʻrganish tadbirlarida ishtirok etgan aʼzolari tomonidan mazkur metodikaning 2-ilovasiga muvofiq shaklda qaydnoma rasmiylashtiriladi va imzolanadi.
14. Psixologik oʻrganish natijalari qaydnoma rasmiylashtirilgan kunning oʻzida nomzodlarga eʼlon qilinishi lozim.
Psixologik oʻrganish metodikasiga 1-ILOVA
Psixologik test natijalarini hisoblash
T/r Intellektual rivojlanganlik darajasini oʻrganish Psixoemotsional barqarorlikni oʻrganish Natija 1-vazifa 2-vazifa 3-vazifa 4-vazifa Asab-ruhiy turgʻunlik shkalasi Kommunikativ qobiliyatlar shkalasi Tashkilotchilik qobiliyatlari shkalasi Samimiylik shkalasi 1. 5 — 20 3 — 10 3 — 10 0 — 32 7 — 20 7 — 20 0 — 9 Ichki ishlar organlarida xizmatga tavsiya etiladi 2. 0 — 4 0 — 2 0 — 2 33 — 96 0 — 6 0 — 6 10 va undan yuqori Ichki ishlar organlarida xizmatga tavsiya etilmaydi
Psixologik oʻrganish metodikasiga 2-ILOVA
Psixologik test sinovlari natijalari boʻyicha
20__ yil “____” ____________ T/r Nomzodning F.I.O. Intellektual rivojlanganlik darajasi boʻyicha natija Psixoemotsional barqarorlik darajasi boʻyicha natija Yakuniy xulosa 1-vazifa 2-vazifa 3-vazifa 4-vazifa Asab-ruhiy turgʻunlik shkalasi Kommunikativ qobiliyatlar shkalasi Tashkilotchilik qobiliyatlari shkalasi Samimiylik shkalasi 1. 2. 3. 4. ... Komissiya aʼzolari: ______________________ ______________________________ (imzo) (F.I.O.) ______________________ ______________________________ (imzo) (F.I.O.) ______________________ ______________________________ (imzo) (F.I.O.)
Oʻzbekiston Respublikasi Ichki ishlar vazirligi harbiy tuzilmalariga kontrakt boʻyicha harbiy xizmatga nomzodlarni saralash tartibi toʻgʻrisidagi nizomga 7-ILOVA
Rasm uchun joy M.Oʻ. (kadr organi muhri) Harbiy-kasbiy saralash KARTASI Nomzod ____________________________________________________________________________ (harbiy unvoni, F.I.O) Harbiy hisobdagi joyi _______________________________________________________________ (mudofaa ishlari boʻlimining nomi) Maʼlumoti _________________________________________________________________________ (muassasasining nomi, tamomlagan yili, mutaxassisligi) Harbiy xizmat oʻtagan _________________________________________________________________ (qayerda, qachon va qaysi lavozimda muddatli harbiy xizmatni oʻtagan) Harbiy-kasbiy saralash natijalari Psixologik oʻrganish natijasi __________________________________________________________ Psixologik oʻrganish xulosasi __________________________________________________________ (xulosa) Jismoniy tayyorgarlik darajasini baholash natijasi: 100 metrga yugurish ________________________________(koʻrsatkich va bahosi) Turnikda tortilish (kuch ishlatish mashqlari kompleksi) ________________________________(koʻrsatkich va bahosi) 3000 (1000) metrga yugurish ________________________________(koʻrsatkich va bahosi) Jismoniy tayyorgarlik darajasining umumiy bahosi ________________________________(bahosi) Harbiy-kasbiy saralash komissiyasining qarori ___________________________________________________________________________________(harbiy tuzilma nomlanishi) Jismoniy tayyorgarlik darajasini baholash boʻyicha 20__ yil “___”_________gi ___-son, psixologik test sinovlari natijalari boʻyicha 20__ yil “___”_________gi ___-son qaydnomalar Komissiya raisi _____________________________________________________________________ (imzo va F.I.O.) Komissiyakotibi ____________________________________________________________________ (imzo va F.I.O.) M.Oʻ. (gerbli)
Oʻzbekiston Respublikasi Ichki ishlar vazirligi harbiy tuzilmalariga kontrakt boʻyicha harbiy xizmatga nomzodlarni saralash tartibi toʻgʻrisidagi nizomga 8-ILOVA
Yakuniy suhbatni oʻtkazish metodikasi
1. Yakuniy suhbat nomzodlarning aqliy salohiyati, xizmat oʻtashga ruhan tayyorligi, kirishimliligi, shuningdek harbiy xizmatchi uchun zarur boʻlgan boshqa maʼnaviy-axloqiy va kasbiy jihatdan muhim xislatlarga egaligini aniqlash maqsadida huquqshunoslik va tarbiya fanlari boʻyicha hamda harbiy xizmatga oid umumiy bilimlarini baholash orqali ogʻzaki savol-javob tarzida oʻtkaziladi.
2. Yakuniy suhbat saralash komissiyasi tomonidan kollegiallik prinsipi asosida har bir fan boʻyicha kamida bir nafardan malakali mutaxassis jalb etilgan holda oʻtkaziladi.
3. Yakuniy suhbat savollari bazasi Ichki ishlar vazirligi Harbiy tuzilmalari boshqaruv apparati tomonidan tegishli sohaviy xizmatlar bilan hamkorlikda ishlab chiqiladi hamda Oʻzbekiston Respublikasi ichki ishlar vaziri yoki uning oʻrinbosari tomonidan tasdiqlanadi va vazirlikning rasmiy veb-saytiga muntazam ravishda joylashtirib boriladi.
Bunda, nomzodlarga Ichki ishlar vazirligining rasmiy veb-saytiga joylashtirilmagan savollar berilishiga yoʻl qoʻyilmaydi.
4. Yakuniy suhbat oʻtkazilishidan bir soat oldin saralash komissiyasi aʼzolari ishtirokida kompyuterda maxsus dasturdan foydalangan holda savollar bazasidan har bir fandan 1 tadan — jami 3 ta savol koʻrsatilgan biletlar shakllantiriladi. Biletlarda savollarning takrorlanishiga yoʻl qoʻyilmaydi.
5. Nomzodlar yakuniy suhbat oʻtkaziladigan xonaga biometrik pasporti yoki identifikatsiya ID-kartasini yoxud xizmat guvohnomasini koʻrsatgan holda kiritiladi.
6. Nomzodlarga yakuniy suhbat oʻtkazish boʻyicha asosiy tushunchalar va zarur maʼlumotlar tanlov tadbiri boshlanishidan oldin saralash komissiyasi aʼzolari tomonidan beriladi.
7. Nomzodlar biletni ixtiyoriy ravishda tanlab oladi va undagi savollarga ixtiyoriy ketma-ketlikda javob beradi.
Har bir biletda quyidagi yoʻnalishlar boʻyicha savollar kiritiladi:
birinchi savol — huquqshunoslik fani;
ikkinchi savol — tarbiya fani;
uchinchi savol — harbiy xizmatga oid umumiy bilimlarini aniqlashga qaratilgan savol.
8. Nomzodlarga savollarga tayyorgarlik koʻrishlari uchun 15 daqiqa vaqt beriladi. Agarda nomzod ushbu vaqtdan foydalanishni lozim deb topmasa, tayyorgarlik koʻrmasdan javob berishiga ruxsat etiladi.
9. Nomzodlarning biletga tayyorgarlik koʻrishlari uchun yakuniy suhbat oʻtkazish xonasiga tutash boʻlgan alohida auditoriya ajratiladi. Unga 5 nafargacha nomzodlar kiritilib, biletlarga tayyorgarlik koʻrish jarayoni Saralash komissiyasi kotibi tomonidan nazorat qilinadi.
10. Nomzodlar savollarga bergan javoblariga qarab, quyidagi mezonlar asosida har bir savol boʻyicha “10” ballik tizimda baholanadi:
nomzod toʻgʻri xulosa va qaror qabul qiladi, ijodiy fikrlay oladi, mustaqil mushohada yuritadi, amalda qoʻllay oladi, mohiyatini tushunadi, biladi va aytib beradi deb topilganda — 8 — 10 ball;
nomzod mustaqil mushohada yuritadi, amalda qoʻllay oladi, mohiyatini tushunadi, biladi, aytib beradi va tasavvurga ega deb topilganda — 5 — 7 ball;
nomzod mohiyatini qisman tushunadi, biladi, aytib beradi va tasavvurga ega deb topilganda — 3-4 ball;
nomzod bilmaydi, aytib bera olmaydi va tasavvurga qisman ega deb topilganda — 1-2 ball;
nomzod bilmaydi, aytib bera olmaydi va tasavvurga ega emas deb topilganda — ball qoʻyilmaydi.
11. Nomzodlarga qoʻyilgan ballar umumlashtiriladi. Bunda, yakuniy suhbat davomida toʻplanishi mumkin boʻlgan maksimal ball — 30 ballni tashkil etadi.
Oʻzbekiston Respublikasi Ichki ishlar vazirligi harbiy tuzilmalariga kontrakt boʻyicha harbiy xizmatga nomzodlarni saralash tartibi toʻgʻrisidagi nizomga 9-ILOVA
“TASDIQLAYMAN” ___________________________ __________________________ (Saralash komissiyasi raisining unvoni, F.I.O. va imzosi) 20___ yil “_____” __________. 20__ yil “___” __________ Toshkent shahri Saralash natijalari boʻyicha QAYDNOMA Komissiya raisi: __________________________________________________________________(saralash komissiyasi raisining F.I.O. va unvoni) Komissiya aʼzolari: _________________________________________________________ (saralash komissiyasi aʼzolari) Komissiya kotibi: __________________________________________________________________ T/r Nomzodning F.I.O. Jismoniy tayyorgarlik darajasini baholash boʻyicha toʻplangan ballar Yakuniy suhbat savollariga qoʻyilgan ballar Jami toʻplangan ball Xulosa Tezlikka oid mashqdan Kuch ishlatish mashqidan Chidamlilikka oid mashqdan 1-savolga 2-savolga 3-savolga 1. 2. ... Komissiya raisi: _______________ (imzo) __________________ (F.I.O.) Komissiya aʼzolari: _______________ (imzo) __________________ (F.I.O.) _______________ (imzo) __________________ (F.I.O.) Komissiya kotibi: _______________ (imzo) __________________ (F.I.O.)
Vazir P. BOBOJONOV
Toshkent sh.,
2022-yil 23-iyun,
200-son