📅 2022-yil 1-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 1 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 1 июля 2022 г. · Постановления Президента
Официальный текст. Официальный документ. Редакционные примечания не включены.
📅 1 July 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
Қурбон ҳайитини нишонлаш тўғрисида
Халқимизнинг қадимий ва бетакрор байрамларидан бири бўлган муборак Қурбон ҳайитининг мазмун-моҳиятида мужассам бўлган инсонпарварлик, эзгулик, шукроналик ва меҳр-оқибат сингари анъана ва қадриятларни асраб-авайлаш ҳамда кенг тарғиб этиш, ушбу улуғ байрамни мамлакатимизда муносиб нишонлаш мақсадида:
1. Жорий йилда Қурбон ҳайитининг биринчи куни 9 июль — шанба кунига тўғри келиши тўғрисида Ўзбекистон мусулмонлари идораси Уламолар кенгаши томонидан қабул қилинган қарорни инобатга олиб, мамлакатимизда 2022 йил 9 июль куни Қурбон ҳайити байрами сифатида кенг нишонлансин.
Ўзбекистон Республикаси Президентининг 2021 йил 20 декабрдаги «2022 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисида»ги ПФ-35-сон Фармони билан 2022 йил 11-12 июль дам олиш кунлари сифатида белгиланганлиги маълумот учун қабул қилинсин.
2. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Дин ишлари бўйича қўмита, Маҳалла ва нуронийларни қўллаб-қувватлаш вазирлиги ҳамда жамоат ташкилотлари билан ҳамкорликда Қурбон ҳайити халқимизнинг миллий ва диний анъаналарига мос равишда ўтказилиши учун тегишли чора-тадбирларни амалга оширсин.
3. Туризм ва маданий мерос вазирлиги Транспорт вазирлиги билан биргаликда юртдошларимиз учун Қурбон ҳайити кунларида мўътабар ёдгорлик ва қадамжоларга зиёратларни ташкил этиш мақсадида қулай шароит ва имкониятлар яратсин.
4. Ўзбекистон Миллий телерадиокомпанияси, Ўзбекистон Миллий ахборот агентлиги ва бошқа оммавий ахборот воситаларига Қурбон ҳайитини нишонлаш билан боғлиқ тадбирларни кенг ёритиш тавсия этилсин.
5. Ўзбекистон Республикаси Президентининг айрим қарорлари иловага мувофиқ ўз кучини йўқотган деб ҳисоблансин.
6. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг маслаҳатчиси М.М. Камилов зиммасига юклансин.
Ўзбекистон Республикаси Президентининг 2022 йил 1 июлдаги ПҚ-304-сон қарорига ИЛОВА
Ўзбекистон Республикаси Президентининг ўз кучини йўқотган деб эътироф этилаётган айрим қарорлари
1. Ўзбекистон Республикаси Президентининг 2019 йил 2 августдаги «Қурбон ҳайитини нишонлаш тўғрисида»ги ПҚ-4413-сон қарори .
2. Ўзбекистон Республикаси Президентининг 2020 йил 24 июлдаги «Қурбон ҳайитини нишонлаш тўғрисида»ги ПҚ-4788-сон қарори .
3. Ўзбекистон Республикаси Президентининг 2021 йил 13 июлдаги «Қурбон ҳайитини нишонлаш тўғрисида»ги ПҚ-5182-сон қарори .
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 1 июль,
ПҚ-304-сон
Oʻzbekiston Respublikasi Prezidentining
Qarori
ROʻYXATI
Qurbon hayitini nishonlash toʻgʻrisida
Xalqimizning qadimiy va betakror bayramlaridan biri boʻlgan muborak Qurbon hayitining mazmun-mohiyatida mujassam boʻlgan insonparvarlik, ezgulik, shukronalik va mehr-oqibat singari anʼana va qadriyatlarni asrab-avaylash hamda keng targʻib etish, ushbu ulugʻ bayramni mamlakatimizda munosib nishonlash maqsadida:
1. Joriy yilda Qurbon hayitining birinchi kuni 9-iyul — shanba kuniga toʻgʻri kelishi toʻgʻrisida Oʻzbekiston musulmonlari idorasi Ulamolar kengashi tomonidan qabul qilingan qarorni inobatga olib, mamlakatimizda 2022-yil 9-iyul kuni Qurbon hayiti bayrami sifatida keng nishonlansin.
Oʻzbekiston Respublikasi Prezidentining 2021-yil 20-dekabrdagi “2022-yilda rasmiy sanalarni nishonlash davrida qoʻshimcha ishlanmaydigan kunlarni belgilash va dam olish kunlarini koʻchirish toʻgʻrisida”gi PF-35-son Farmoni bilan 2022-yil 11-12-iyul dam olish kunlari sifatida belgilanganligi maʼlumot uchun qabul qilinsin.
2. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Din ishlari boʻyicha qoʻmita, Mahalla va nuroniylarni qoʻllab-quvvatlash vazirligi hamda jamoat tashkilotlari bilan hamkorlikda Qurbon hayiti xalqimizning milliy va diniy anʼanalariga mos ravishda oʻtkazilishi uchun tegishli chora-tadbirlarni amalga oshirsin.
3. Turizm va madaniy meros vazirligi Transport vazirligi bilan birgalikda yurtdoshlarimiz uchun Qurbon hayiti kunlarida moʻtabar yodgorlik va qadamjolarga ziyoratlarni tashkil etish maqsadida qulay sharoit va imkoniyatlar yaratsin.
4. Oʻzbekiston Milliy teleradiokompaniyasi, Oʻzbekiston Milliy axborot agentligi va boshqa ommaviy axborot vositalariga Qurbon hayitini nishonlash bilan bogʻliq tadbirlarni keng yoritish tavsiya etilsin.
5. Oʻzbekiston Respublikasi Prezidentining ayrim qarorlari ilovaga muvofiq oʻz kuchini yoʻqotgan deb hisoblansin.
6. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining maslahatchisi M.M. Kamilov zimmasiga yuklansin.
Oʻzbekiston Respublikasi Prezidentining 2022-yil 1-iyuldagi PQ-304-son qaroriga ILOVA
Oʻzbekiston Respublikasi Prezidentining oʻz kuchini yoʻqotgan deb eʼtirof etilayotgan ayrim qarorlari
1. Oʻzbekiston Respublikasi Prezidentining 2019-yil 2-avgustdagi “Qurbon hayitini nishonlash toʻgʻrisida”gi PQ-4413-son qarori .
2. Oʻzbekiston Respublikasi Prezidentining 2020-yil 24-iyuldagi “Qurbon hayitini nishonlash toʻgʻrisida”gi PQ-4788-son qarori .
3. Oʻzbekiston Respublikasi Prezidentining 2021-yil 13-iyuldagi “Qurbon hayitini nishonlash toʻgʻrisida”gi PQ-5182-son qarori .
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 1-iyul,
PQ-304-son
Президента Республики Узбекистан
Постановление
ПЕРЕЧЕНЬ
О праздновании Курбан хайита
В целях сохранения и широкой пропаганды таких традиций и ценностей, как гуманизм, доброта и милосердие, чувство благодарения, воплощенных в сути священного Курбан хайита, являющегося одним из самых древних и неповторимых праздников нашего народа, а также достойного празднования этого великого праздника в нашей стране:
1. Принимая во внимание принятое Советом улемов Управления мусульман Узбекистана решение о совпадении в текущем году первого дня Курбан хайита с 9 июля (суббота), 9 июля 2022 года широко отметить в нашей стране как праздник Курбан хайит.
Принять к сведению, что Указом Президента Республики Узбекистан от 20 декабря 2021 года № УП-35 «Об установлении дополнительных нерабочих дней в период празднования официальных дат и переносе выходных дней в 2022 году» 11-12 июля 2022 года установлены нерабочими днями.
2. Совету Министров Республики Каракалпакстан, хокимиятам областей и города Ташкента совместно с Комитетом по делам религий, Министерством по поддержке махалли и старшего поколения, а также общественными организациями осуществить соответствующие меры по проведению Курбан хайита в соответствии с национальными и религиозными традициями нашего народа.
3. Министерству туризма и культурного наследия совместно с Министерством транспорта создать благоприятные условия и возможности в целях организации для наших соотечественников в дни Курбан хайита посещений священных мест паломничества и святынь.
4. Рекомендовать Национальной телерадиокомпании Узбекистана, Национальному информационному агентству Узбекистана и другим средствам массовой информации широко освещать мероприятия, связанные с празднованием Курбан хайита.
5. Признать утратившими силу некоторые постановления Президента Республики Узбекистан согласно приложению .
6. Контроль за исполнением настоящего постановления возложить на Премьер-министра Республики Узбекистан А.Н. Арипова и советника Президента Республики Узбекистан М.М. Камилова.
ПРИЛОЖЕНИЕ к постановлению Президента Республики Узбекистан от 1 июля 2022 года № ПП-304
некоторых постановлений Президента Республики Узбекистан, признаваемых утратившими силу
1. Постановление Президента Республики Узбекистан от 2 августа 2019 года № ПП-4413 «О праздновании Курбан хайита».
2. Постановление Президента Республики Узбекистан от 24 июля 2020 года № ПП-4788 «О праздновании Курбан хайита».
3. Постановление Президента Республики Узбекистан от 13 июля 2021 года № ПП-5182 «О праздновании Курбан хайита».
Президент Республики Узбекистан Ш. МИРЗИЁЕВ
г. Ташкент,
1 июля 2022 г.,
№ ПП-304