📅 2022-yil 1-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 1 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 1 июля 2022 г. · Постановления Президента
Официальный текст. Официальный документ. Редакционные примечания не включены.
📅 1 July 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Нодавлат спорт-таълим муассасаларида олимпия ва паралимпия спорт турлари бўйича спортчиларни тайёрлаш ва уларни давлат томонидан қўллаб-қувватлаш чора-тадбирлари тўғрисида
Иқтидорли спортчиларни аниқлаш, танлаш ва саралаш (селекция) ҳамда уларни тайёрлашда давлат ва нодавлат спорт-таълим муассасалари ўртасида соғлом рақобат муҳитини шакллантириш, хусусий таълим хизматлари кўрсатиш соҳасида зарур шарт-шароитлар яратиш, шунингдек, Ўзбекистон Республикаси Президентининг 2021 йил 5 ноябрдаги «Спорт-таълим муассасалари фаолиятини 2025 йилгача ривожлантириш дастури тўғрисида»ги ПҚ-5280-сон қарори ижросини таъминлаш мақсадида:
1. 2022 йил 1 июлдан бошлаб жисмоний тарбия ва спорт соҳасида фаолият кўрсатаётган мактабдан ташқари нодавлат спорт-таълим муассасасини (кейинги ўринларда — нодавлат спорт-таълим муассасаси) давлат томонидан қўллаб-қувватлашнинг қуйидаги чоралари жорий этилсин:
ёзги Олимпия ва Паралимпия ўйинларида ғолиб ҳамда совриндор бўлган спортчилар томонидан ташкил этилган нодавлат спорт-таълим муассасаси фаолиятини олиб бориш учун давлат тасарруфида бўлган зарур бино ва иншоотларни 2024 йил 1 январга қадар ижара тўловларисиз (коммунал тўловлар бундан мустасно) уларга тақдим этиш;
2024 йил 1 январдан 2026 йил 1 январга қадар нодавлат спорт-таълим муассасаси томонидан жисмоний тарбия ва спорт хизматларини кўрсатиш учун фойдаланиладиган бино ва иншоотлар ижара тўлови харажатларини 50 фоизга камайтириш.
2. Нодавлат спорт-таълим муассасалари Солиқ кодексига асосан ижтимоий соҳада фаолиятни амалга оширувчи юридик шахслар учун белгиланган солиқ имтиёзларидан фойдаланиши маълумот учун қабул қилинсин.
Ёшлар сиёсати ва спорт вазирлиги (М. Исмаилов) ҳамда Иқтисодиёт ва молия вазирлиги (Ш. Кудбиев) нодавлат спорт-таълим муассасалари учун Солиқ кодексида назарда тутилган солиқ имтиёзлари бўйича кенг тушунтириш ишларини ҳудудлар кесимида амалга оширсин.
3. Спортни ривожлантириш вазирлиги Давлат божхона қўмитаси, Инвестициялар ва ташқи савдо вазирлиги, Молия вазирлиги, бошқа манфаатдор вазирлик ва идоралар билан биргаликда уч ой муддатда нодавлат спорт-таълим муассасасини божхона божини тўлашдан озод қилишни (қисман озод қилишни) назарда тутувчи қонун лойиҳасини белгиланган тартибда Вазирлар Маҳкамасига киритсин.
4. Белгилаб қўйилсинки, Вазирлар Маҳкамасининг 2017 йил 30 октябрдаги «Нуфузли халқаро спорт мусобақаларида юксак натижаларга эришган Ўзбекистон спортчилари ва уларнинг тренерларини янада қўллаб-қувватлаш чора-тадбирлари тўғрисида»ги 878-сон қарорига мувофиқ нуфузли халқаро спорт мусобақаларида ғолиб ва совриндор бўлган спортчиларни тайёрлаган давлат спорт-таълим муассасалари тренерларига тўланадиган бир марталик пул мукофотлари нодавлат спорт-таълим муассасаларида фаолият юритаётган тренерлар учун ҳам татбиқ этилади.
5. Спортни ривожлантириш вазирлиги (А. Икрамов) Ўзбекистон Миллий олимпия қўмитаси (Р. Ирматов) ва Ўзбекистон Миллий паралимпия қўмитаси (М. Ташходжаев) билан биргаликда икки ой муддатда хорижий давлатларнинг илғор тажрибасини инобатга олган ҳолда нодавлат спорт-таълим муассасаларининг иқтидорли спортчиларини аниқлаш, танлаш ва саралаб олиш (селекция), шунингдек, уларни Ўзбекистон Республикаси терма жамоаларининг асосий ва захира таркибларига таклиф этишнинг тартибини тасдиқласин ва амалиётга жорий қилсин.
6. Мазкур қарор ижросини самарали ташкил қилиш мақсадида:
Спортни ривожлантириш вазирлиги (А. Икрамов) Ўзбекистон Миллий олимпия қўмитаси (Р. Ирматов) ва Ўзбекистон Миллий паралимпия қўмитаси (М. Ташходжаев) билан биргаликда бир ой муддатда ёзги Олимпия ва Паралимпия ўйинларида ғолиб ҳамда совриндор бўлган спортчилар билан учрашиб, нодавлат спорт-таълим муассасасини ташкил қилиш ниятини билдирган спортчиларнинг аниқ рўйхатини шакллантирсин ҳамда ушбу рўйхатни Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларига етказсин;
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Давлат активларини бошқариш агентлиги (А. Ортиқов) билан биргаликда бир ой муддатда давлат тасарруфидаги бино ва иншоотларнинг манзилли рўйхатини шакллантирсин;
Ёшлар сиёсати ва спорт вазирлиги (А. Икрамов) Ўзбекистон Миллий олимпия қўмитаси (Р. Ирматов), Ўзбекистон Миллий паралимпия қўмитаси (М. Ташходжаев), Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари билан биргаликда шакллантирилган рўйхатга биноан давлат тасарруфидаги бино ва иншоотларнинг нодавлат спорт-таълим муассасасини ташкил қилиш ниятини билдирган спортчиларга ижара шартномаси асосида белгиланган тартибда ажратилишини таъминласин.
7. Ўзбекистон Миллий телерадиокомпанияси (А. Хаджаев), Ўзбекистон Миллий ахборот агентлиги (А. Кучимов), Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари мазкур қарорнинг мазмун-моҳияти тўғрисида махсус кўрсатувлар тайёрланишини ва оммавий ахборот воситаларида кенг ёритилишини таъминласин.
8. Вазирлар Маҳкамаси бир ой муддатда Нодавлат спорт-таълим муассасаси тўғрисидаги низомни тасдиқласин.
9. Спортни ривожлантириш вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
10. Мазкур қарорнинг ижросини самарали ташкил қилишга масъул ва шахсий жавобгар этиб ёшлар сиёсати ва спорт вазири А.И. Икрамов, Ўзбекистон Миллий олимпия қўмитаси раисининг биринчи ўринбосари Р.С. Ирматов, Ўзбекистон Миллий паралимпия қўмитаси раиси М.М. Ташходжаев ҳамда Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов ҳамда Ўзбекистон Республикаси Президентининг маслаҳатчиси К.К. Куранбаев зиммасига юклансин.
Амалга оширилаётган чора-тадбирлар натижадорлиги юзасидан 2023 йил 1 январгача Ўзбекистон Республикаси Президентига ахборот берилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 1 июль,
ПҚ-302-сон
Oʻzbekiston Respublikasi Prezidentining
Qarori
Nodavlat sport-taʼlim muassasalarida olimpiya va paralimpiya sport turlari boʻyicha sportchilarni tayyorlash va ularni davlat tomonidan qoʻllab-quvvatlash chora-tadbirlari toʻgʻrisida
Iqtidorli sportchilarni aniqlash, tanlash va saralash (seleksiya) hamda ularni tayyorlashda davlat va nodavlat sport-taʼlim muassasalari oʻrtasida sogʻlom raqobat muhitini shakllantirish, xususiy taʼlim xizmatlari koʻrsatish sohasida zarur shart-sharoitlar yaratish, shuningdek, Oʻzbekiston Respublikasi Prezidentining 2021-yil 5-noyabrdagi “Sport-taʼlim muassasalari faoliyatini 2025-yilgacha rivojlantirish dasturi toʻgʻrisida”gi PQ-5280-son qarori ijrosini taʼminlash maqsadida:
1. 2022-yil 1-iyuldan boshlab jismoniy tarbiya va sport sohasida faoliyat koʻrsatayotgan maktabdan tashqari nodavlat sport-taʼlim muassasasini (keyingi oʻrinlarda — nodavlat sport-taʼlim muassasasi) davlat tomonidan qoʻllab-quvvatlashning quyidagi choralari joriy etilsin:
yozgi Olimpiya va Paralimpiya oʻyinlarida gʻolib hamda sovrindor boʻlgan sportchilar tomonidan tashkil etilgan nodavlat sport-taʼlim muassasasi faoliyatini olib borish uchun davlat tasarrufida boʻlgan zarur bino va inshootlarni 2024-yil 1-yanvarga qadar ijara toʻlovlarisiz (kommunal toʻlovlar bundan mustasno) ularga taqdim etish;
2024-yil 1-yanvardan 2026-yil 1-yanvarga qadar nodavlat sport-taʼlim muassasasi tomonidan jismoniy tarbiya va sport xizmatlarini koʻrsatish uchun foydalaniladigan bino va inshootlar ijara toʻlovi xarajatlarini 50 foizga kamaytirish.
2. Nodavlat sport-taʼlim muassasalari Soliq kodeksiga asosan ijtimoiy sohada faoliyatni amalga oshiruvchi yuridik shaxslar uchun belgilangan soliq imtiyozlaridan foydalanishi maʼlumot uchun qabul qilinsin.
Yoshlar siyosati va sport vazirligi (M. Ismailov) hamda Iqtisodiyot va moliya vazirligi (Sh. Kudbiyev) nodavlat sport-taʼlim muassasalari uchun Soliq kodeksida nazarda tutilgan soliq imtiyozlari boʻyicha keng tushuntirish ishlarini hududlar kesimida amalga oshirsin.
3. Sportni rivojlantirish vazirligi Davlat bojxona qoʻmitasi, Investitsiyalar va tashqi savdo vazirligi, Moliya vazirligi, boshqa manfaatdor vazirlik va idoralar bilan birgalikda uch oy muddatda nodavlat sport-taʼlim muassasasini bojxona bojini toʻlashdan ozod qilishni (qisman ozod qilishni) nazarda tutuvchi qonun loyihasini belgilangan tartibda Vazirlar Mahkamasiga kiritsin.
4. Belgilab qoʻyilsinki, Vazirlar Mahkamasining 2017-yil 30-oktabrdagi “Nufuzli xalqaro sport musobaqalarida yuksak natijalarga erishgan Oʻzbekiston sportchilari va ularning trenerlarini yanada qoʻllab-quvvatlash chora-tadbirlari toʻgʻrisida”gi 878-son qaroriga muvofiq nufuzli xalqaro sport musobaqalarida gʻolib va sovrindor boʻlgan sportchilarni tayyorlagan davlat sport-taʼlim muassasalari trenerlariga toʻlanadigan bir martalik pul mukofotlari nodavlat sport-taʼlim muassasalarida faoliyat yuritayotgan trenerlar uchun ham tatbiq etiladi.
5. Sportni rivojlantirish vazirligi (A. Ikramov) Oʻzbekiston Milliy olimpiya qoʻmitasi (R. Irmatov) va Oʻzbekiston Milliy paralimpiya qoʻmitasi (M. Tashxodjayev) bilan birgalikda ikki oy muddatda xorijiy davlatlarning ilgʻor tajribasini inobatga olgan holda nodavlat sport-taʼlim muassasalarining iqtidorli sportchilarini aniqlash, tanlash va saralab olish (seleksiya), shuningdek, ularni Oʻzbekiston Respublikasi terma jamoalarining asosiy va zaxira tarkiblariga taklif etishning tartibini tasdiqlasin va amaliyotga joriy qilsin.
6. Mazkur qaror ijrosini samarali tashkil qilish maqsadida:
Sportni rivojlantirish vazirligi (A. Ikramov) Oʻzbekiston Milliy olimpiya qoʻmitasi (R. Irmatov) va Oʻzbekiston Milliy paralimpiya qoʻmitasi (M. Tashxodjayev) bilan birgalikda bir oy muddatda yozgi Olimpiya va Paralimpiya oʻyinlarida gʻolib hamda sovrindor boʻlgan sportchilar bilan uchrashib, nodavlat sport-taʼlim muassasasini tashkil qilish niyatini bildirgan sportchilarning aniq roʻyxatini shakllantirsin hamda ushbu roʻyxatni Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga yetkazsin;
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Davlat aktivlarini boshqarish agentligi (A. Ortiqov) bilan birgalikda bir oy muddatda davlat tasarrufidagi bino va inshootlarning manzilli roʻyxatini shakllantirsin;
Yoshlar siyosati va sport vazirligi (A. Ikramov) Oʻzbekiston Milliy olimpiya qoʻmitasi (R. Irmatov), Oʻzbekiston Milliy paralimpiya qoʻmitasi (M. Tashxodjayev), Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari bilan birgalikda shakllantirilgan roʻyxatga binoan davlat tasarrufidagi bino va inshootlarning nodavlat sport-taʼlim muassasasini tashkil qilish niyatini bildirgan sportchilarga ijara shartnomasi asosida belgilangan tartibda ajratilishini taʼminlasin.
7. Oʻzbekiston Milliy teleradiokompaniyasi (A. Xadjayev), Oʻzbekiston Milliy axborot agentligi (A. Kuchimov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari mazkur qarorning mazmun-mohiyati toʻgʻrisida maxsus koʻrsatuvlar tayyorlanishini va ommaviy axborot vositalarida keng yoritilishini taʼminlasin.
8. Vazirlar Mahkamasi bir oy muddatda Nodavlat sport-taʼlim muassasasi toʻgʻrisidagi nizomni tasdiqlasin.
9. Sportni rivojlantirish vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
10. Mazkur qarorning ijrosini samarali tashkil qilishga masʼul va shaxsiy javobgar etib yoshlar siyosati va sport vaziri A.I. Ikramov, Oʻzbekiston Milliy olimpiya qoʻmitasi raisining birinchi oʻrinbosari R.S. Irmatov, Oʻzbekiston Milliy paralimpiya qoʻmitasi raisi M.M. Tashxodjayev hamda Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov hamda Oʻzbekiston Respublikasi Prezidentining maslahatchisi K.K. Kuranbayev zimmasiga yuklansin.
Amalga oshirilayotgan chora-tadbirlar natijadorligi yuzasidan 2023-yil 1-yanvargacha Oʻzbekiston Respublikasi Prezidentiga axborot berilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 1-iyul,
PQ-302-son
Президента Республики Узбекистан
Постановление
О мерах по подготовке в негосударственных спортивно-образовательных учреждениях спортсменов по олимпийским и паралимпийским видам спорта и их государственной поддержке
В целях формирования атмосферы здоровой конкуренции среди государственных и негосударственных спортивно-образовательных учреждений в выявлении, выборе, отборе (селекции) и подготовке одаренных спортсменов, создания необходимых условий в сфере оказания частных образовательных услуг, а также обеспечения исполнения постановления Президента Республики Узбекистан от 5 ноября 2021 года № ПП-5280 «О Программе развития деятельности спортивно-образовательных учреждений до 2025 года»:
1. Внедрить с 1 июля 2022 года меры государственной поддержки внешкольных негосударственных спортивно-образовательных учреждений, осуществляющих деятельность в сфере физической культуры и спорта, (далее — негосударственные спортивно-образовательные учреждения), предусматривающие:
передачу на срок до 1 января 2024 года зданий и сооружений государственной собственности для осуществления деятельности негосударственным спортивно-образовательным учреждениям, созданным спортсменами-победителями и призерами летних Олимпийских и Паралимпийских игр, без арендной платы (за исключением коммунальных платежей);
уменьшение в период с 1 января 2024 года по 1 января 2026 года на 50 процентов расходов по аренде зданий и сооружений, используемых негосударственными спортивно-образовательными учреждениями для оказания физкультурно-спортивных услуг.
2. Принять к сведению, что на основании Налогового кодекса негосударственные спортивно-образовательные учреждения пользуются налоговыми льготами, установленными для юридических лиц, осуществляющих деятельность в социальной сфере.
Министерству молодежной политики и спорта (М. Исмаилов) и Министерству экономики и финансов (Ш. Кудбиев) провести в разрезе регионов широкую разъяснительную работу о налоговых льготах, предусмотренных в Налоговом кодексе для негосударственных спортивно-образовательных учреждений.
3. Министерству развития спорта совместно с Государственным таможенным комитетом, Министерством инвестиций и внешней торговли, Министерством финансов, иными заинтересованными министерствами и ведомствами в трехмесячный срок внести в установленном порядке в Кабинет Министров проект закона, предусматривающий освобождение (частичное освобождение) негосударственных спортивно-образовательных учреждений от уплаты таможенной пошлины.
4. Установить, что единовременные денежные премии, выплачиваемые тренерам государственных спортивно-образовательных учреждений, подготовившим спортсменов-победителей и призеров престижных международных спортивных соревнований в соответствии с постановлением Кабинета Министров от 30 октября 2017 года № 878 «О мерах по дальнейшей поддержке спортсменов Узбекистана и их тренеров, добившихся высоких результатов на престижных международных спортивных соревнованиях», применяются также к тренерам, осуществляющим деятельность в негосударственных спортивно-образовательных учреждениях.
5. Министерству развития спорта (А. Икрамов) совместно с Национальным олимпийским комитетом Узбекистана (Р. Ирматов) и Национальным паралимпийским комитетом Узбекистана (М. Ташходжаев) в двухмесячный срок с учетом передового опыта зарубежных государств утвердить и внедрить в практику порядок выявления, выбора, отбора (селекции) и приглашения в основной и резервный составы сборных команд Республики Узбекистан одаренных спортсменов из негосударственных спортивно-образовательных учреждений.
6. В целях эффективной организации исполнения настоящего постановления:
Министерству развития спорта (А. Икрамов) совместно с Национальным олимпийским комитетом Узбекистана (Р. Ирматов) и Национальным паралимпийским комитетом Узбекистана (М. Ташходжаев) в месячный срок провести встречу со спортсменами-победителями и призерами летних Олимпийских и Паралимпийских игр, сформировать конкретный список спортсменов, изъявивших желание создать негосударственные спортивно-образовательные учреждения, а также довести данный список до Совета Министров Республики Каракалпакстан, хокимиятов областей и города Ташкента;
Совету Министров Республики Каракалпакстан, хокимиятам областей и города Ташкента совместно с Агентством по управлению государственными активами (А. Ортиков) в месячный срок сформировать адресные перечни зданий и сооружений государственной собственности;
Министерству молодежной политики и спорта (А. Икрамов) совместно с Национальным олимпийским комитетом Узбекистана (Р. Ирматов), Национальным паралимпийским комитетом Узбекистана (М. Ташходжаев), Председателем Совета Министров Республики Каракалпакстан, хокимами областей и города Ташкента обеспечить выделение в установленном порядке в соответствии со сформированными перечнями государственных зданий и сооружений спортсменам, изъявившим желание создать негосударственные спортивно-образовательные учреждения, на основании договоров аренды.
7. Национальной телерадиокомпании Узбекистана (А. Хаджаев), Национальному информационному агентству Узбекистана (А. Кучимов), Совету Министров Республики Каракалпакстан, хокимиятам областей и города Ташкента обеспечить подготовку и широкое освещение в средствах массовой информации специальных передач о сути и содержании настоящего постановления.
8. Кабинету Министров в месячный срок утвердить Положение о негосударственном спортивно-образовательном учреждении.
9. Министерству развития спорта совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
10. Возложить на министра молодежной политики и спорта А.И. Икрамова, первого заместителя председателя Национального олимпийского комитета Узбекистана Р.С. Ирматова, председателя Национального паралимпийского комитета Узбекистана М.М. Ташходжаева, Председателя Совета Министров Республики Каракалпакстан, хокимов областей и города Ташкента персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ведомств, ответственных за его выполнение, возложить на Премьер-министра Республики Узбекистан А.Н. Арипова и советника Президента Республики Узбекистан К.К. Куранбаева.
О результативности осуществляемых мер информировать Президента Республики Узбекистан в срок до 1 января 2023 года.
Президент Республики Узбекистан Ш. МИРЗИЁЕВ
г. Ташкент,
1 июля 2022 г.,
№ ПП-302