📅 2022-yil 2-iyul · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 2 июль · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 2 июля 2022 г. · Указы Президента
Официальный текст. Официальный документ. Редакционные примечания не включены.
📅 2 July 2022 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Қорақалпоғистон Республикаси ҳудудида фавқулодда ҳолат жорий этиш тўғрисида
Ўзбекистон Республикаси Конституциясининг 93-моддаси 19-банди ҳамда Ўзбекистон Республикасининг «Фавқулодда ҳолат тўғрисида»ги Конституциявий қонунининг 5 — 7-моддаларига мувофиқ:
1. Фуқароларнинг хавфсизлигини таъминлаш, уларнинг ҳуқуқ ва эркинликларини ҳимоя қилиш, қонунийлик ва ҳуқуқ-тартиботни тиклаш мақсадида Қорақалпоғистон Республикаси ҳудудида 2022 йил 3 июль куни соат 00:01 дан 2022 йил 2 август куни соат 00:00 га қадар бўлган даврда фавқулодда ҳолат жорий этилсин.
2. Қорақалпоғистон Республикаси ҳудудида фавқулодда ҳолат амал қилиши даврида соат 23:00 дан соат 05:00 га қадар комендантлик соати жорий этилсин.
3. Фавқулодда ҳолат амал қилиши даврида Қорақалпоғистон Республикаси ҳудудининг комендатураси ташкил этилсин ва унга Ўзбекистон Республикасининг «Фавқулодда ҳолат тўғрисида»ги Конституциявий қонунида назарда тутилган барча ваколатлар берилсин.
Ўзбекистон Республикаси Миллий гвардиясининг қўмондони Рустам Мирзаевич Джураев Қорақалпоғистон Республикаси ҳудудининг коменданти этиб тайинлансин.
4. Фавқулодда ҳолат амал қилиши даврида қуйидаги чоралар ва вақтинчалик чекловлар ўрнатилсин:
а) жамоат тартибини, ўта муҳим ва тоифаланган объектларни ҳамда аҳолининг ҳаёт фаолиятини таъминловчи инфратузилма объектларини муҳофаза қилиш кучайтирилсин;
б) Қорақалпоғистон Республикасида ҳаракатланиш эркинлиги, шу жумладан транспорт воситалари учун чеклансин;
в) жисмоний шахсларнинг шахсини тасдиқловчи ҳужжатлар текширилиши, уларнинг шахсий кўрикдан ўтказилиши, улардаги ашёлар ва транспорт воситалари кўздан кечирилиши таъминлансин;
г) Қорақалпоғистон Республикасига кириш ҳамда ундан чиқиш чеклансин;
д) тинч йиғилишлар, кўнгилочар, спорт ва бошқа оммавий тадбирлар ташкил этилиши ва ўтказилиши тақиқлансин;
е) юридик шахслар фаолиятини тўхтатиб туриш ёки тугатишга қаратилган иш ташлашлар ва бошқа ҳар қандай ҳаракатлар тақиқлансин;
ж) қурол, ўқ-дорилар, портловчи моддалар, махсус воситалар, заҳарли моддалар сотилиши тақиқлансин, шунингдек, дори ва гиёҳвандлик воситалари, психотроп моддалар, прекурсорлар ҳамда этил спирти ва алкоголь маҳсулотлари муомаласининг алоҳида тартиби жорий этилсин;
з) жисмоний шахслардан қурол ва ўқ-дорилар, заҳарли моддалар, юридик шахслардан эса қурол, ўқ-дорилар ва заҳарли моддалар билан бир қаторда ҳарбий ва ўқув-ҳарбий техника, портловчи ва радиоактив моддаларнинг вақтинчалик олиб қўйилиши таъминлансин.
5. Фавқулодда ҳолат режими шароитида қўлланиладиган чора-тадбирларнинг амалга оширилиши учун масъул этиб Қорақалпоғистон Республикаси ҳудуди комендатураси, Ўзбекистон Республикаси Ички ишлар вазирлиги, Ўзбекистон Республикаси Миллий гвардияси, Ўзбекистон Республикаси Давлат хавфсизлик хизмати, Ўзбекистон Республикаси Фавқулодда вазиятлар вазирлиги, шунингдек, Фавқулодда вазиятларнинг олдини олиш ва ҳаракат қилиш давлат тизимига кирувчи бошқа давлат органлари ҳамда ташкилотларининг кучлари ва воситалари белгилансин.
6. Фуқароларнинг ҳаёти ва соғлиғи учун аниқ таҳдид, ҳуқуқни муҳофаза қилиш органларининг ходимларига ҳужум қилиш, уларнинг қурол ва техникасини эгаллаб олиш ҳолатларини инобатга олиб, шунингдек, Ўзбекистон Республикасининг «Фавқулодда ҳолат тўғрисида»ги Конституциявий қонунининг 23-моддасига мувофиқ қуйидаги вазифаларни амалга ошириш учун Ўзбекистон Республикаси Мудофаа вазирлигининг кучлари ва воситалари қўшимча равишда жалб этилсин:
фавқулодда ҳолат жорий этилган ҳудудга кириш ва ундан чиқишнинг алоҳида режимини таъминлаш;
аҳолининг ҳаёт фаолиятини ва транспортнинг ҳаракатланишини таъминловчи объектларни ҳамда инсонларнинг ҳаёти ва соғлиғи, шунингдек, атроф-муҳит учун юқори хавф туғдирадиган объектларни муҳофаза қилиш;
қурол, жанговар ва махсус техника қўлланилган ҳолда зўравонлик ҳаракатлари билан бирга юз берадиган тўқнашувларда иштирок этаётган қарама-қарши курашаётган тарафларни ажратиш;
қонунга хилоф қуролли тузилмалар фаолиятига чек қўйишда иштирок этиш;
Фавқулодда вазиятларнинг олдини олиш ва ҳаракат қилиш давлат тизимининг кучлари таркибида фавқулодда вазиятларнинг оқибатларини бартараф этишда, шунингдек одамларнинг ҳаётини сақлаб қолишда иштирок этиш.
7. Комендант Р.М. Джураев манфаатдор вазирлик ва идоралар билан биргаликда Қорақалпоғистон Республикаси ҳудудида хавфсизликни таъминлаш ва ҳуқуқ тартиботни сақлаш, шунингдек, Ўзбекистон Республикасининг «Фавқулодда ҳолат тўғрисида»ги Конституциявий қонуни талабларига мувофиқ бошқа чора-тадбирларни амалга ошириш учун барча зарур чораларни кўрсин.
8. Ўзбекистон Республикаси Бош прокурори Н.Т. Йўлдошев ушбу Фармон билан ўрнатилган чоралар ва вақтинчалик чекловларнинг амалга оширилишида қонунийликка риоя этилишини таъминласин.
9. Ўзбекистон Республикаси Вазирлар Маҳкамаси Ўзбекистон Республикаси Вазирлар Маҳкамасининг захира жамғармаси ва бошқа давлат манбаларидан фавқулодда ҳолат режимини таъминлаш учун зарур маблағларни ажратсин.
10. Мазкур Фармон 2022 йил 3 июль куни соат 00:01 дан эътиборан кучга киради ва оммавий ахборот воситаларида дарҳол эълон қилиниши шарт.
11. Мазкур Фармон Ўзбекистон Республикасининг Олий Мажлиси палаталарига тасдиқлаш учун юборилсин.
12. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 2 июль,
ПФ-164-сон
Oʻzbekiston Respublikasi Prezidentining
Farmoni
Qoraqalpogʻiston Respublikasi hududida favqulodda holat joriy etish toʻgʻrisida
Oʻzbekiston Respublikasi Konstitutsiyasining 93-moddasi 19-bandi hamda Oʻzbekiston Respublikasining “Favqulodda holat toʻgʻrisida”gi Konstitutsiyaviy qonunining 5 — 7-moddalariga muvofiq:
1. Fuqarolarning xavfsizligini taʼminlash, ularning huquq va erkinliklarini himoya qilish, qonuniylik va huquq-tartibotni tiklash maqsadida Qoraqalpogʻiston Respublikasi hududida 2022-yil 3-iyul kuni soat 00:01 dan 2022-yil 2-avgust kuni soat 00:00 ga qadar boʻlgan davrda favqulodda holat joriy etilsin.
2. Qoraqalpogʻiston Respublikasi hududida favqulodda holat amal qilishi davrida soat 23:00 dan soat 05:00 ga qadar komendantlik soati joriy etilsin.
3. Favqulodda holat amal qilishi davrida Qoraqalpogʻiston Respublikasi hududining komendaturasi tashkil etilsin va unga Oʻzbekiston Respublikasining “Favqulodda holat toʻgʻrisida”gi Konstitutsiyaviy qonunida nazarda tutilgan barcha vakolatlar berilsin.
Oʻzbekiston Respublikasi Milliy gvardiyasining qoʻmondoni Rustam Mirzayevich Djurayev Qoraqalpogʻiston Respublikasi hududining komendanti etib tayinlansin.
4. Favqulodda holat amal qilishi davrida quyidagi choralar va vaqtinchalik cheklovlar oʻrnatilsin:
a) jamoat tartibini, oʻta muhim va toifalangan obyektlarni hamda aholining hayot faoliyatini taʼminlovchi infratuzilma obyektlarini muhofaza qilish kuchaytirilsin;
b) Qoraqalpogʻiston Respublikasida harakatlanish erkinligi, shu jumladan transport vositalari uchun cheklansin;
v) jismoniy shaxslarning shaxsini tasdiqlovchi hujjatlar tekshirilishi, ularning shaxsiy koʻrikdan oʻtkazilishi, ulardagi ashyolar va transport vositalari koʻzdan kechirilishi taʼminlansin;
g) Qoraqalpogʻiston Respublikasiga kirish hamda undan chiqish cheklansin;
d) tinch yigʻilishlar, koʻngilochar, sport va boshqa ommaviy tadbirlar tashkil etilishi va oʻtkazilishi taqiqlansin;
e) yuridik shaxslar faoliyatini toʻxtatib turish yoki tugatishga qaratilgan ish tashlashlar va boshqa har qanday harakatlar taqiqlansin;
j) qurol, oʻq-dorilar, portlovchi moddalar, maxsus vositalar, zaharli moddalar sotilishi taqiqlansin, shuningdek, dori va giyohvandlik vositalari, psixotrop moddalar, prekursorlar hamda etil spirti va alkogol mahsulotlari muomalasining alohida tartibi joriy etilsin;
z) jismoniy shaxslardan qurol va oʻq-dorilar, zaharli moddalar, yuridik shaxslardan esa qurol, oʻq-dorilar va zaharli moddalar bilan bir qatorda harbiy va oʻquv-harbiy texnika, portlovchi va radioaktiv moddalarning vaqtinchalik olib qoʻyilishi taʼminlansin.
5. Favqulodda holat rejimi sharoitida qoʻllaniladigan chora-tadbirlarning amalga oshirilishi uchun masʼul etib Qoraqalpogʻiston Respublikasi hududi komendaturasi, Oʻzbekiston Respublikasi Ichki ishlar vazirligi, Oʻzbekiston Respublikasi Milliy gvardiyasi, Oʻzbekiston Respublikasi Davlat xavfsizlik xizmati, Oʻzbekiston Respublikasi Favqulodda vaziyatlar vazirligi, shuningdek, Favqulodda vaziyatlarning oldini olish va harakat qilish davlat tizimiga kiruvchi boshqa davlat organlari hamda tashkilotlarining kuchlari va vositalari belgilansin.
6. Fuqarolarning hayoti va sogʻligʻi uchun aniq tahdid, huquqni muhofaza qilish organlarining xodimlariga hujum qilish, ularning qurol va texnikasini egallab olish holatlarini inobatga olib, shuningdek, Oʻzbekiston Respublikasining “Favqulodda holat toʻgʻrisida”gi Konstitutsiyaviy qonunining 23-moddasiga muvofiq quyidagi vazifalarni amalga oshirish uchun Oʻzbekiston Respublikasi Mudofaa vazirligining kuchlari va vositalari qoʻshimcha ravishda jalb etilsin:
favqulodda holat joriy etilgan hududga kirish va undan chiqishning alohida rejimini taʼminlash;
aholining hayot faoliyatini va transportning harakatlanishini taʼminlovchi obyektlarni hamda insonlarning hayoti va sogʻligʻi, shuningdek, atrof-muhit uchun yuqori xavf tugʻdiradigan obyektlarni muhofaza qilish;
qurol, jangovar va maxsus texnika qoʻllanilgan holda zoʻravonlik harakatlari bilan birga yuz beradigan toʻqnashuvlarda ishtirok etayotgan qarama-qarshi kurashayotgan taraflarni ajratish;
qonunga xilof qurolli tuzilmalar faoliyatiga chek qoʻyishda ishtirok etish;
Favqulodda vaziyatlarning oldini olish va harakat qilish davlat tizimining kuchlari tarkibida favqulodda vaziyatlarning oqibatlarini bartaraf etishda, shuningdek odamlarning hayotini saqlab qolishda ishtirok etish.
7. Komendant R.M. Djurayev manfaatdor vazirlik va idoralar bilan birgalikda Qoraqalpogʻiston Respublikasi hududida xavfsizlikni taʼminlash va huquq tartibotni saqlash, shuningdek, Oʻzbekiston Respublikasining “Favqulodda holat toʻgʻrisida”gi Konstitutsiyaviy qonuni talablariga muvofiq boshqa chora-tadbirlarni amalga oshirish uchun barcha zarur choralarni koʻrsin.
8. Oʻzbekiston Respublikasi Bosh prokurori N.T. Yoʻldoshev ushbu Farmon bilan oʻrnatilgan choralar va vaqtinchalik cheklovlarning amalga oshirilishida qonuniylikka rioya etilishini taʼminlasin.
9. Oʻzbekiston Respublikasi Vazirlar Mahkamasi Oʻzbekiston Respublikasi Vazirlar Mahkamasining zaxira jamgʻarmasi va boshqa davlat manbalaridan favqulodda holat rejimini taʼminlash uchun zarur mablagʻlarni ajratsin.
10. Mazkur Farmon 2022-yil 3-iyul kuni soat 00:01 dan eʼtiboran kuchga kiradi va ommaviy axborot vositalarida darhol eʼlon qilinishi shart.
11. Mazkur Farmon Oʻzbekiston Respublikasining Oliy Majlisi palatalariga tasdiqlash uchun yuborilsin.
12. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 2-iyul,
PF-164-son
Президента Республики Узбекистан
Указ
О введении чрезвычайного положения на территории Республики Каракалпакстан
В соответствии с пунктом 19 статьи 93 Конституции Республики Узбекистан и статьями 5 — 7 Конституционного закона Республики Узбекистан «О чрезвычайном положении»:
1. В целях обеспечения безопасности граждан, защиты их прав и свобод, восстановления законности и правопорядка ввести на территории Республики Каракалпакстан чрезвычайное положение на период с 00 часов 01 минуты 3 июля 2022 года до 00 часов 00 минут 2 августа 2022 года.
2. Ввести на территории Республики Каракалпакстан на период действия чрезвычайного положения комендантский час с 23 часов 00 минут до 5 часов 00 минут.
3. Создать на период чрезвычайного положения комендатуру территории Республики Каракалпакстан и наделить ее всеми полномочиями, предусмотренными Конституционным законом Республики Узбекистан «О чрезвычайном положении».
Назначить комендантом территории Республики Каракалпакстан командующего Национальной гвардией Республики Узбекистан Джураева Рустама Мирзаевича.
4. Установить на период действия чрезвычайного положения следующие меры и временные ограничения:
а) усилить охрану общественного порядка, особо важных и категорированных объектов, а также инфраструктурных объектов, обеспечивающих жизнедеятельность населения;
б) ввести ограничения на свободу передвижения, в том числе транспортных средств в Республике Каракалпакстан;
в) обеспечить проверку документов, удостоверяющих личность физических лиц, личный досмотр, досмотр находящихся при них вещей, транспортных средств;
г) ограничить въезд в Республику Каракалпакстан, а также выезд из нее;
д) запретить организацию и проведение мирных собраний, зрелищных, спортивных и других массовых мероприятий;
е) запретить забастовки и иные действия, направленные на приостановление или прекращение деятельности юридических лиц;
ж) запретить продажу оружия, боеприпасов, взрывчатых веществ, специальных средств, ядовитых веществ, установить особый режим оборота лекарственных, наркотических средств, психотропных веществ, прекурсоров, а также этилового спирта, алкогольной продукции;
з) обеспечить временное изъятие у физических лиц оружия и боеприпасов, ядовитых веществ, а у юридических лиц временное изъятие, наряду с оружием, боеприпасами и ядовитыми веществами, также боевой и учебной военной техники, взрывчатых и радиоактивных веществ.
5. Определить ответственными за осуществление мер, применяемых в условиях режима чрезвычайного положения, комендатуру территории Республики Каракалпакстан, силы и средства Министерства внутренних дел Республики Узбекистан, Национальной гвардии Республики Узбекистан, Службы государственной безопасности Республики Узбекистан, Министерства по чрезвычайным ситуациям Республики Узбекистан, а также других государственных органов и организаций, входящих в Государственную систему предупреждения и действий в чрезвычайных ситуациях.
6. Принимая во внимание реальную угрозу жизни и здоровья граждан, факты нападения на сотрудников правоохранительных органов, овладения их оружием и техникой, а также в соответствии со статьей 23 Конституционного закона Республики Узбекистан «О чрезвычайном положении» дополнительно привлечь силы и средства Министерства обороны Республики Узбекистан для выполнения следующих задач:
поддержание особого режима въезда на территорию, где введено чрезвычайное положение, и выезда с нее;
охрана объектов, обеспечивающих жизнедеятельность населения и функционирование транспорта, и объектов, представляющих повышенную опасность для жизни и здоровья людей, а также для окружающей среды;
разъединение противоборствующих сторон, участвующих в конфликтах, сопровождающихся насильственными действиями с применением оружия, боевой и специальной техники;
участие в пресечении деятельности незаконных вооруженных формирований;
участие в ликвидации последствий чрезвычайных ситуаций, а также спасении жизни людей в составе сил Государственной системы предупреждения и действий в чрезвычайных ситуациях.
7. Коменданту Р.М. Джураеву совместно с причастными министерствами и ведомствами принять все необходимые меры по обеспечению безопасности и охране правопорядка на территории Республике Каракалпакстан, а также реализацию других необходимых мероприятий в соответствии с требованиями Конституционного закона Республики Узбекистан «О чрезвычайном положении».
8. Генеральному прокурору Республики Узбекистан Н.Т. Юлдашеву обеспечить соблюдение законности при реализации мер и временных ограничений, установленных настоящим Указом.
9. Кабинету Министров Республики Узбекистан выделить необходимые средства из резервного фонда Кабинета Министров Республики Узбекистан и других государственных источников для обеспечения режима чрезвычайного положения.
10. Настоящий Указ вступает в силу с 00 часов 01 минуты 3 июля 2022 года и подлежит незамедлительному опубликованию в средствах массовой информации.
11. Направить настоящий Указ на утверждение в палаты Олий Мажлиса Республики Узбекистан.
12. Контроль за исполнением настоящего Указа возложить на Премьер-министра Республики Узбекистан А.Н. Арипова и секретаря Совета безопасности при Президенте Республики Узбекистан В.В. Махмудова.
Президент Республики Узбекистан Ш. МИРЗИЁЕВ
г. Ташкент,
2 июля 2022 г.,
№ УП-164