📅 2022-yil 6-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 6 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 6 июля 2022 г. · Постановления Президента
Официальный текст. Официальный документ. Редакционные примечания не включены.
📅 6 July 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Қорақалпоғистон Республикасида «Нукус технопарки» махсус саноат зонасини ташкил этиш чора-тадбирлари тўғрисида
Қорақалпоғистон Республикасида саноат соҳасини жадал ривожлантириш ва унинг инвестициявий жозибадорлигини ошириш, илғор халқаро тажриба асосида замонавий бозор механизмларини жорий қилиш, шунингдек, ички ва ташқи бозорларда рақобатбардош замонавий саноат маҳсулотларини ишлаб чиқаришни ташкил этиш мақсадида:
1. Тошкент шаҳар ҳокимлиги, Қорақалпоғистон Республикаси Вазирлар Кенгаши, Инвестициялар ва ташқи савдо вазирлиги ҳамда Иқтисодий тараққиёт ва камбағалликни қисқартириш вазирлигининг:
Қорақалпоғистон Республикаси Нукус шаҳрида «Нукус» эркин иқтисодий зонаси ҳудудидаги 30 гектар бўш ер майдонида «Нукус технопарки» махсус саноат зонасини (кейинги ўринларда — Технопарк) 30 йил муддатга ташкил этиш;
Технопарк фаолиятини бошқаришни «Нукус» эркин иқтисодий зонаси дирекцияси» давлат унитар корхонасига юклаш тўғрисидаги таклифлари маъқуллансин.
2. Технопарк таркибига кирувчи ҳудудлар чегаралари иловага мувофиқ тасдиқлансин ва ушбу ҳудудлар «Нукус» эркин иқтисодий зонасидан чиқариб ташлансин.
3. Қуйидагилар Технопарк фаолиятининг асосий йўналишлари этиб белгилансин:
юқори қийматга эга бўлган, ташқи бозорда харидоргир ва импорт ўрнини босувчи маҳсулотлар ишлаб чиқаришни ташкил этиш учун хорижий ва маҳаллий инвестицияларни кенг жалб қилиш;
халқаро стандартларга мувофиқ энергия тежамкор, атроф-муҳит муҳофазасини таъминлашга қаратилган ва экологик хавфсиз ишлаб чиқариш қувватларини барпо этиш;
ҳудудларнинг ишлаб чиқариш ва ресурс салоҳиятидан комплекс ҳамда самарали фойдаланиш орқали экспорт салоҳиятини ошириш мақсадида маҳсулот ишлаб чиқаришни кенгайтириш;
Технопарк иштирокчилари ўртасида ва бутун республика миқёсида мустаҳкам саноат кооперацияси алоқаларини ўрнатиш орқали маҳаллий хом ашё ва материаллар асосида юқори технологик маҳсулотлар ишлаб чиқариш ва маҳаллийлаштириш жараёнларини жадаллаштириш;
Технопарк иштирокчилари учун ягона ишлаб чиқариш инфратузилмасини, шунингдек, сертификатлаш, лаборатория, кадрлар тайёрлаш ва бошқа зарур хизматларни кўрсатиш инфратузилмасини яратиш.
4. Қорақалпоғистон Республикаси Вазирлар Кенгаши уч ой муддатда Технопаркнинг бош режасини Қурилиш вазирлиги ҳамда Инвестициялар ва ташқи савдо вазирлиги билан келишилган ҳолда ишлаб чиқсин ва тасдиқласин. Бунда:
Технопарк бош режаси лойиҳасини ишлаб чиқиш Қорақалпоғистон Республикаси маҳаллий бюджети маблағлари ҳамда Қорақалпоғистон Республикаси Вазирлар Кенгаши ҳузуридаги Тадбиркорлик инфратузилмасини ривожлантириш жамғармаси маблағлари ҳисобидан амалга оширилади;
Технопарк бош режаси лойиҳасини ишлаб чиқиш бўйича лойиҳа ташкилоти тендер ёки танлов асосида аниқланади.
5. Қорақалпоғистон Республикаси Вазирлар Кенгаши Иқтисодий тараққиёт ва камбағалликни қисқартириш вазирлиги, Молия вазирлиги, Ахборот технологиялари ва коммуникацияларини ривожлантириш вазирлиги, Автомобиль йўллари қўмитаси, «Ҳудудий электр тармоқлари» АЖ, «Ҳудудгазтаъминот» АЖ ва «Ўзсувтаъминот» АЖ билан биргаликда Технопаркнинг тасдиқланган бош режасига асосан:
уч ой муддатда 2023-2024 йилларда муҳандислик-коммуникация ва йўл инфратузилмаси билан таъминлаш лозим бўлган объектлар рўйхатини шакллантирсин ва тасдиқласин;
жорий йилнинг 1 октябрига қадар объектларда амалга ошириладиган лойиҳаларнинг ҳужжатларини ишлаб чиқсин ва ўрнатилган тартибда келишиш ишларини якунласин.
6. Белгилаб қўйилсинки:
2023-2024 йилларга мўлжалланган Ўзбекистон Республикасининг ижтимоий ва ишлаб чиқариш инфратузилмасини ривожлантириш дастури доирасида Технопаркнинг муҳандислик-коммуникация инфратузилмасини ривожлантириш учун марказлаштирилган молиялаштириш манбалари ҳисобидан капитал қўйилмалар лимитлари ажратилади;
Технопарк доирасида инвестиция лойиҳаларини амалга ошириш учун ер майдонларини ажратиш Ўзбекистон Республикаси Президентининг 2018 йил 21 декабрдаги «Эркин иқтисодий зоналар фаолиятини мувофиқлаштириш ва бошқариш тизимини янада такомиллаштириш чора-тадбирлари тўғрисида»ги ПФ-5600-сон Фармонига мувофиқ амалга оширилади.
7. Ўзбекистон Республикасининг тўғридан-тўғри инвестициялар жамғармаси тижорат банклари билан биргаликда Технопарк ҳудудида:
ишлаб чиқариш салоҳиятини кенгайтиришга, шунингдек, унинг рақобатбардошлигини янада оширишга тўғридан-тўғри хорижий инвестициялар ва инновацион технологияларни жалб этиш;
маҳаллий ва хорижий инвесторлар билан узоқ муддатли ўзаро манфаатли шериклик муносабатларини йўлга қўйиш орқали инвестиция фаолиятини рағбатлантириш ва ривожлантириш;
инвестиция таклифларини баҳолаш, инвестиция лойиҳаларини ишлаб чиқиш ва амалга оширишга кўмаклашиш чораларини кўрсин.
8. Белгилансинки, Тошкент шаҳар ҳокимлиги иқтисодий фаол, салоҳиятли ишлаб чиқарувчи корхоналарни Технопарк ҳудудига жалб қилишга масъул ҳисобланади.
9. Инвестициялар ва ташқи савдо вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
10. Мазкур қарорнинг ижросини самарали ташкил қилишга масъул ва шахсий жавобгар этиб Қорақалпоғистон Республикаси Вазирлар Кенгаши Раиси К.Р. Сариев ва Тошкент шаҳар ҳокими Ж.А. Артикходжаев белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазир ўринбосари С.У. Умурзаков зиммасига юклансин.
Ўзбекистон Республикаси Президентининг 2022 йил 6 июлдаги ПҚ-306-сон қарорига ИЛОВА
«Нукус технопарки» махсус саноат зонаси таркибига кирувчи ҳудудлар чегараси
1-бошланғич нуқта Нукус шаҳридаги «Нукус ун заводи» корхонаси жанубий томонидан 600 метр масофада, саноат зонаси ҳудудида жойлашган.
1-нуқтадан чегара Нукус шаҳрининг саноат зонаси ҳудуди бўйлаб жанубий йўналишда 464,22 метр масофада 2-нуқтагача давом этади.
2-нуқтадан чегара Нукус шаҳридаги «Нукус-полимер» корхонаси томонига шимолий йўналишда 731,13 метр масофада 3-нуқтагача давом этади.
3-нуқтадан чегара Нукус шаҳрининг саноат зонаси ҳудуди бўйлаб ғарбий йўналишда 425,42 метр масофада 4-нуқтагача давом этади.
4-нуқтадан чегара Нукус шаҳрининг саноат зонаси ҳудуди бўйлаб шарқий йўналишда 337,54 метр масофада 5-нуқтагача давом этади.
5-нуқтадан чегара Нукус шаҳрининг саноат зонаси ҳудуди бўйлаб шарқий йўналишда 307,63 метр масофада 1-нуқтагача давом этади.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 6 июль,
ПҚ-306-сон
Oʻzbekiston Respublikasi Prezidentining
Qarori
Qoraqalpogʻiston Respublikasida “Nukus texnoparki” maxsus sanoat zonasini tashkil etish chora-tadbirlari toʻgʻrisida
Qoraqalpogʻiston Respublikasida sanoat sohasini jadal rivojlantirish va uning investitsiyaviy jozibadorligini oshirish, ilgʻor xalqaro tajriba asosida zamonaviy bozor mexanizmlarini joriy qilish, shuningdek, ichki va tashqi bozorlarda raqobatbardosh zamonaviy sanoat mahsulotlarini ishlab chiqarishni tashkil etish maqsadida:
1. Toshkent shahar hokimligi, Qoraqalpogʻiston Respublikasi Vazirlar Kengashi, Investitsiyalar va tashqi savdo vazirligi hamda Iqtisodiy taraqqiyot va kambagʻallikni qisqartirish vazirligining:
Qoraqalpogʻiston Respublikasi Nukus shahrida “Nukus” erkin iqtisodiy zonasi hududidagi 30 gektar boʻsh yer maydonida “Nukus texnoparki” maxsus sanoat zonasini (keyingi oʻrinlarda — Texnopark) 30 yil muddatga tashkil etish;
Texnopark faoliyatini boshqarishni “Nukus” erkin iqtisodiy zonasi direksiyasi” davlat unitar korxonasiga yuklash toʻgʻrisidagi takliflari maʼqullansin.
2. Texnopark tarkibiga kiruvchi hududlar chegaralari ilovaga muvofiq tasdiqlansin va ushbu hududlar “Nukus” erkin iqtisodiy zonasidan chiqarib tashlansin.
3. Quyidagilar Texnopark faoliyatining asosiy yoʻnalishlari etib belgilansin:
yuqori qiymatga ega boʻlgan, tashqi bozorda xaridorgir va import oʻrnini bosuvchi mahsulotlar ishlab chiqarishni tashkil etish uchun xorijiy va mahalliy investitsiyalarni keng jalb qilish;
xalqaro standartlarga muvofiq energiya tejamkor, atrof-muhit muhofazasini taʼminlashga qaratilgan va ekologik xavfsiz ishlab chiqarish quvvatlarini barpo etish;
hududlarning ishlab chiqarish va resurs salohiyatidan kompleks hamda samarali foydalanish orqali eksport salohiyatini oshirish maqsadida mahsulot ishlab chiqarishni kengaytirish;
Texnopark ishtirokchilari oʻrtasida va butun respublika miqyosida mustahkam sanoat kooperatsiyasi aloqalarini oʻrnatish orqali mahalliy xom ashyo va materiallar asosida yuqori texnologik mahsulotlar ishlab chiqarish va mahalliylashtirish jarayonlarini jadallashtirish;
Texnopark ishtirokchilari uchun yagona ishlab chiqarish infratuzilmasini, shuningdek, sertifikatlash, laboratoriya, kadrlar tayyorlash va boshqa zarur xizmatlarni koʻrsatish infratuzilmasini yaratish.
4. Qoraqalpogʻiston Respublikasi Vazirlar Kengashi uch oy muddatda Texnoparkning bosh rejasini Qurilish vazirligi hamda Investitsiyalar va tashqi savdo vazirligi bilan kelishilgan holda ishlab chiqsin va tasdiqlasin. Bunda:
Texnopark bosh rejasi loyihasini ishlab chiqish Qoraqalpogʻiston Respublikasi mahalliy budjeti mablagʻlari hamda Qoraqalpogʻiston Respublikasi Vazirlar Kengashi huzuridagi Tadbirkorlik infratuzilmasini rivojlantirish jamgʻarmasi mablagʻlari hisobidan amalga oshiriladi;
Texnopark bosh rejasi loyihasini ishlab chiqish boʻyicha loyiha tashkiloti tender yoki tanlov asosida aniqlanadi.
5. Qoraqalpogʻiston Respublikasi Vazirlar Kengashi Iqtisodiy taraqqiyot va kambagʻallikni qisqartirish vazirligi, Moliya vazirligi, Axborot texnologiyalari va kommunikatsiyalarini rivojlantirish vazirligi, Avtomobil yoʻllari qoʻmitasi, “Hududiy elektr tarmoqlari” AJ, “Hududgaztaʼminot” AJ va “Oʻzsuvtaʼminot” AJ bilan birgalikda Texnoparkning tasdiqlangan bosh rejasiga asosan:
uch oy muddatda 2023-2024-yillarda muhandislik-kommunikatsiya va yoʻl infratuzilmasi bilan taʼminlash lozim boʻlgan obyektlar roʻyxatini shakllantirsin va tasdiqlasin;
joriy yilning 1-oktabriga qadar obyektlarda amalga oshiriladigan loyihalarning hujjatlarini ishlab chiqsin va oʻrnatilgan tartibda kelishish ishlarini yakunlasin.
6. Belgilab qoʻyilsinki:
2023-2024-yillarga moʻljallangan Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida Texnoparkning muhandislik-kommunikatsiya infratuzilmasini rivojlantirish uchun markazlashtirilgan moliyalashtirish manbalari hisobidan kapital qoʻyilmalar limitlari ajratiladi;
Texnopark doirasida investitsiya loyihalarini amalga oshirish uchun yer maydonlarini ajratish Oʻzbekiston Respublikasi Prezidentining 2018-yil 21-dekabrdagi “Erkin iqtisodiy zonalar faoliyatini muvofiqlashtirish va boshqarish tizimini yanada takomillashtirish chora-tadbirlari toʻgʻrisida”gi PF-5600-son Farmoniga muvofiq amalga oshiriladi.
7. Oʻzbekiston Respublikasining toʻgʻridan-toʻgʻri investitsiyalar jamgʻarmasi tijorat banklari bilan birgalikda Texnopark hududida:
ishlab chiqarish salohiyatini kengaytirishga, shuningdek, uning raqobatbardoshligini yanada oshirishga toʻgʻridan-toʻgʻri xorijiy investitsiyalar va innovatsion texnologiyalarni jalb etish;
mahalliy va xorijiy investorlar bilan uzoq muddatli oʻzaro manfaatli sheriklik munosabatlarini yoʻlga qoʻyish orqali investitsiya faoliyatini ragʻbatlantirish va rivojlantirish;
investitsiya takliflarini baholash, investitsiya loyihalarini ishlab chiqish va amalga oshirishga koʻmaklashish choralarini koʻrsin.
8. Belgilansinki, Toshkent shahar hokimligi iqtisodiy faol, salohiyatli ishlab chiqaruvchi korxonalarni Texnopark hududiga jalb qilishga masʼul hisoblanadi.
9. Investitsiyalar va tashqi savdo vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
10. Mazkur qarorning ijrosini samarali tashkil qilishga masʼul va shaxsiy javobgar etib Qoraqalpogʻiston Respublikasi Vazirlar Kengashi Raisi K.R. Sariyev va Toshkent shahar hokimi J.A. Artikxodjayev belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazir oʻrinbosari S.U. Umurzakov zimmasiga yuklansin.
Oʻzbekiston Respublikasi Prezidentining 2022-yil 6-iyuldagi PQ-306-son qaroriga ILOVA
“Nukus texnoparki” maxsus sanoat zonasi tarkibiga kiruvchi hududlar chegarasi
1-boshlangʻich nuqta Nukus shahridagi “Nukus un zavodi” korxonasi janubiy tomonidan 600 metr masofada, sanoat zonasi hududida joylashgan.
1-nuqtadan chegara Nukus shahrining sanoat zonasi hududi boʻylab janubiy yoʻnalishda 464,22 metr masofada 2-nuqtagacha davom etadi.
2-nuqtadan chegara Nukus shahridagi “Nukus-polimer” korxonasi tomoniga shimoliy yoʻnalishda 731,13 metr masofada 3-nuqtagacha davom etadi.
3-nuqtadan chegara Nukus shahrining sanoat zonasi hududi boʻylab gʻarbiy yoʻnalishda 425,42 metr masofada 4-nuqtagacha davom etadi.
4-nuqtadan chegara Nukus shahrining sanoat zonasi hududi boʻylab sharqiy yoʻnalishda 337,54 metr masofada 5-nuqtagacha davom etadi.
5-nuqtadan chegara Nukus shahrining sanoat zonasi hududi boʻylab sharqiy yoʻnalishda 307,63 metr masofada 1-nuqtagacha davom etadi.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 6-iyul,
PQ-306-son
Президента Республики Узбекистан
Постановление
О мерах по созданию специальной промышленной зоны «Технопарк «Нукус» в Республике Каракалпакстан
В целях обеспечения ускоренного развития и повышения инвестиционной привлекательности сферы промышленности, внедрения современных рыночных механизмов на основе передового международного опыта, а также организации производства конкурентоспособной на внутреннем и внешнем рынках современной промышленной продукции в Республике Каракалпакстан:
1. Одобрить предложения хокимията города Ташкента, Совета Министров Республики Каракалпакстан, Министерства инвестиций и внешней торговли и Министерства экономического развития и сокращения бедности, предусматривающие:
создание специальной промышленной зоны «Технопарк «Нукус» (далее — Технопарк) на 30 гектарах пустующей земельной площади на территории свободной экономической зоны «Нукус» в городе Нукусе Республики Каракалпакстан сроком на 30 лет;
возложение управления деятельностью Технопарка на Государственное унитарное предприятие «Дирекция свободной экономической зоны «Нукус».
2. Утвердить границы территорий, входящих в состав Технопарка, в соответствии с приложением , вывести указанные территории из свободной экономической зоны «Нукус».
3. Определить основными направлениями деятельности Технопарка:
широкое привлечение иностранных и отечественных инвестиций к организации производства импортозамещающей, востребованной на внешнем рынке продукции с высокой добавленной стоимостью;
создание энергоэффективных, экологически безопасных, направленных на охрану окружающей среды производственных мощностей в соответствии с международными стандартами;
расширение производства продукции в целях увеличения экспортного потенциала путем комплексной и эффективной эксплуатации производственного и ресурсного потенциала регионов страны;
ускорение процессов производства и локализации высокотехнологичной продукции на основе отечественного сырья и материалов путем установления прочных промышленных кооперационных связей между участниками Технопарка и в масштабе всей республики;
создание единой производственной инфраструктуры для участников Технопарка, а также инфраструктуры оказания услуг по сертификации, кадрам, лабораторных и других необходимых услуг.
4. Совету Министров Республики Каракалпакстан в трехмесячный срок разработать и утвердить Генеральный план Технопарка по согласованию с Министерством строительства и Министерством инвестиций и внешней торговли. При этом:
разработка проекта Генерального плана Технопарка осуществляется за счет средств местного бюджета Республики Каракалпакстан и Фонда развития инфраструктуры предпринимательства при Совете Министров Республики Каракалпакстан;
проектная организация разработки проекта Генерального плана Технопарка определяется путем тендера или на конкурсной основе.
5. Совету Министров Республики Каракалпакстан совместно с Министерством экономического развития и сокращения бедности, Министерством финансов, Министерством по развитию информационных технологий и коммуникаций, Комитетом по автомобильным дорогам, АО «Региональные электрические сети», АО «Худудгазтаъминот» и АО «Узсувтаъминот» на основании утвержденного Генерального плана Технопарка:
в трехмесячный срок сформировать и утвердить перечень объектов, подлежащих обеспечению инженерно-коммуникационной и дорожной инфраструктурой в 2023-2024 годах;
в срок до 1 октября текущего года разработать документацию проектов, реализуемых на объектах, и завершить работы по их согласованию в установленном порядке.
6. Установить, что:
в рамках Программы развития социальной и производственной инфраструктуры Республики Узбекистан на 2023-2024 годы на развитие инженерно-коммуникационной инфраструктуры Технопарка выделяются лимиты капитальных вложений за счет централизованных источников финансирования;
выделение земельных площадей под реализацию инвестиционных проектов в рамках Технопарка осуществляется в соответствии с Указом Президента Республики Узбекистан от 21 декабря 2018 года № УП-5600 «О мерах по дальнейшему совершенствованию системы координации и управления деятельностью свободных экономических зон».
7. Фонду прямых инвестиций Республики Узбекистан совместно с коммерческими банками принять меры по:
привлечению прямых иностранных инвестиций и инновационных технологий для расширения и дальнейшего повышения конкурентоспособности производственного потенциала Технопарка;
стимулированию и развитию инвестиционной деятельности на территории Технопарка путем установления долгосрочных взаимовыгодных партнерских отношений с отечественными и зарубежными инвесторами;
оказанию содействия в оценке инвестиционных предложений, разработке и реализации инвестиционных проектов на территории Технопарка.
8. Определить, что хокимият города Ташкента несет ответственность за привлечение на территорию Технопарка экономически активных, обладающих потенциалом производственных предприятий.
9. Министерству инвестиций и внешней торговли совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающие из настоящего постановления.
10. Возложить на председателя Совета Министров Республики Каракалпакстан К.Р. Сариева и хокима города Ташкента Ж.А. Артыкходжаева персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на заместителя Премьер-министра Республики Узбекистан С.У. Умурзакова.
ПРИЛОЖЕНИЕ к постановлению Президента Республики Узбекистан от 6 июля 2022 года № ПП-306
Границы территорий, входящих в состав специальной промышленной зоны «Технопарк «Нукус»
Начальная точка № 1 находится на расстоянии 600 метров к югу от предприятия «Нукус ун заводи» в городе Нукусе, на территории промышленной зоны.
От точки № 1 граница продолжается в южном направлении вдоль территории промышленной зоны города Нукуса на расстоянии 464,22 метра до точки № 2.
От точки № 2 граница продолжается в северном направлении в сторону предприятия «Нукус-полимер» в городе Нукусе на расстоянии 731,13 метра до точки № 3.
От точки № 3 граница продолжается в западном направлении вдоль территории промышленной зоны города Нукуса на расстоянии 425,42 метра до точки № 4.
От точки № 4 граница продолжается в восточном направлении вдоль территории промышленной зоны города Нукуса на расстоянии 337,54 метра до точки № 5.
От точки № 5 граница продолжается в восточном направлении вдоль территории промышленной зоны города Нукуса на расстоянии 307,63 метра до точки № 1.
Президент Республики Узбекистан Ш. МИРЗИЁЕВ
г. Ташкент,
6 июля 2022 г.,
№ ПП-306