📅 2022-yil 6-iyul · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 6 июль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 6 июля 2022 г. · Постановления Кабинета Министров
Официальный текст. Официальный документ. Редакционные примечания не включены.
📅 6 July 2022 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Фарғона вилоятида сув хўжалиги объектлари ва сув ресурсларидан оқилона фойдаланишни ташкил этиш чора-тадбирлари тўғрисида
Фарғона вилоятида сув хўжалиги объектлари ва сув ресурсларидан ҳамда ажратилган Давлат бюджети маблағларидан самарали фойдаланиш, шунингдек, сув хўжалиги соҳасида иқтисодий ислоҳотларни чуқурлаштириш мақсадида Вазирлар Маҳкамаси қарор қилади:
1. Давлат активларини бошқариш агентлиги, Сув хўжалиги вазирлиги, Молия вазирлиги ҳамда Фарғона вилояти ҳокимлигининг Сирдарё-Сўх ирригация тизимлари ҳавза бошқармаси ҳузуридаги Насос станциялари ва энергетика бошқармасига тегишли «Пахта учун», «Қарамқул» ва «Қува-2 (Мингчинор)» насос станцияларини (кейинги ўринларда — насос станциялари) белгиланган тартибда баҳоланган қийматда «E-auksion» электрон савдо платформаси орқали оммавий савдоларга чиқариш тўғрисидаги таклифи маъқуллансин.
2. Давлат активларини бошқариш агентлиги Сув хўжалиги вазирлиги билан биргаликда:
а) насос станцияларининг белгиланган тартибда баҳоланган қийматини аниқласин;
б) баҳоланган насос станцияларини қуйидаги шартлар асосида, белгиланган тартибда «E-auksion» электрон савдо платформаси орқали оммавий савдоларга чиқарсин:
насос станцияларини техник соз ҳолатда сақлаш ва улардан суғориш мақсадларида фойдаланиш;
насос станцияларини модернизациялаш, сувни ва электр энергиясини тежайдиган технологияларни жорий қилиш;
насос станцияларига боғланган суғориладиган ер майдонларида фаолият юритаётган қишлоқ хўжалиги ишлаб чиқарувчилари ва томорқа ер эгаларини ажратилган сув олиш лимити доирасида сувни етказиш ҳамда бошқа сув хўжалиги хизматларини кўрсатиш бўйича тузиладиган шартнома ва келишилган тўлов асосида сув билан ишончли таъминлаш;
в) насос станцияларини «E-auksion» электрон савдо платформаси орқали сотиш бўйича янги мулкдор билан тузиладиган олди-сотди шартномасида мазкур қарор 2-бандининг «б» кичик бандида белгиланган шартлар ижросини таъминлаш мажбуриятларини аниқ белгиласин.
3. Мазкур қарорнинг бажарилишини назорат қилиш Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича ўринбосари Ш.М. Ғаниев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2022 йил 6 июль,
365-сон
Oʻzbekiston Respublikasi Vazirlar Mahkamasining
qarori
Fargʻona viloyatida suv xoʻjaligi obyektlari va suv resurslaridan oqilona foydalanishni tashkil etish chora-tadbirlari toʻgʻrisida
Fargʻona viloyatida suv xoʻjaligi obyektlari va suv resurslaridan hamda ajratilgan Davlat budjeti mablagʻlaridan samarali foydalanish, shuningdek, suv xoʻjaligi sohasida iqtisodiy islohotlarni chuqurlashtirish maqsadida Vazirlar Mahkamasi qaror qiladi:
1. Davlat aktivlarini boshqarish agentligi, Suv xoʻjaligi vazirligi, Moliya vazirligi hamda Fargʻona viloyati hokimligining Sirdaryo-Soʻx irrigatsiya tizimlari havza boshqarmasi huzuridagi Nasos stansiyalari va energetika boshqarmasiga tegishli “Paxta uchun”, “Qaramqul” va “Quva-2 (Mingchinor)” nasos stansiyalarini (keyingi oʻrinlarda — nasos stansiyalari) belgilangan tartibda baholangan qiymatda “E-auksion” elektron savdo platformasi orqali ommaviy savdolarga chiqarish toʻgʻrisidagi taklifi maʼqullansin.
2. Davlat aktivlarini boshqarish agentligi Suv xoʻjaligi vazirligi bilan birgalikda:
a) nasos stansiyalarining belgilangan tartibda baholangan qiymatini aniqlasin;
b) baholangan nasos stansiyalarini quyidagi shartlar asosida, belgilangan tartibda “E-auksion” elektron savdo platformasi orqali ommaviy savdolarga chiqarsin:
nasos stansiyalarini texnik soz holatda saqlash va ulardan sugʻorish maqsadlarida foydalanish;
nasos stansiyalarini modernizatsiyalash, suvni va elektr energiyasini tejaydigan texnologiyalarni joriy qilish;
nasos stansiyalariga bogʻlangan sugʻoriladigan yer maydonlarida faoliyat yuritayotgan qishloq xoʻjaligi ishlab chiqaruvchilari va tomorqa yer egalarini ajratilgan suv olish limiti doirasida suvni yetkazish hamda boshqa suv xoʻjaligi xizmatlarini koʻrsatish boʻyicha tuziladigan shartnoma va kelishilgan toʻlov asosida suv bilan ishonchli taʼminlash;
v) nasos stansiyalarini “E-auksion” elektron savdo platformasi orqali sotish boʻyicha yangi mulkdor bilan tuziladigan oldi-sotdi shartnomasida mazkur qaror 2-bandining “b” kichik bandida belgilangan shartlar ijrosini taʼminlash majburiyatlarini aniq belgilasin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari Sh.M. Gʻaniyev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2022-yil 6-iyul,
365-son