📅 2022-yil 7-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 7 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 7 июля 2022 г. · Постановления Президента
Официальный текст. Официальный документ. Редакционные примечания не включены.
📅 7 July 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Автотранспорт воситаларини бошқаришда ва йўналишсиз такси фаолиятини амалга оширишда қўшимча қулайликлар яратиш тўғрисида
Автотранспорт воситаларидан фойдаланишда аҳолига қўшимча қулайликлар яратиш, республикада йўловчи ташиш транспорти тизимини ривожлантириш, ушбу йўналишда кўрсатилаётган хизматлар сифатини ошириш, ишсизликни қисқартириш ҳамда транспорт хизматлари бозорини ривожлантириш мақсадида:
1. 2022 йил 1 сентябрдан бошлаб автотранспорт воситасини бошқариш ҳуқуқини берувчи ишончномаларни Ягона интерактив давлат хизматлари портали орқали электрон шаклда расмийлаштириш тизими жорий этилсин.
2. Белгилансинки:
а) электрон шаклда расмийлаштирилган автотранспорт воситасини бошқариш ҳуқуқини берувчи ишончномани (кейинги ўринларда — электрон ишончнома) нотариал тасдиқлаш талаб этилмайди;
б) электрон ишончнома расмийлаштирганлик учун давлат божи унинг амал қилиш муддатидан келиб чиққан ҳолда ишончномани нотариал тасдиқлаш учун ўрнатилган давлат божига нисбатан қуйидаги фоизларда ундирилади:
бир ойгача бўлган муддатга — 10 фоиз;
олти ойгача бўлган муддатга — 50 фоиз;
уч йилгача бўлган муддатга — 100 фоиз.
в) электрон ишончнома мавжудлиги Давлат йўл ҳаракати хавфсизлиги хизмати ходимлари томонидан мобил қурилмалар орқали текширилади;
г) электрон шаклда расмийлаштирилмаган автотранспорт воситасини бошқариш ҳуқуқини берувчи ишончномаларга нисбатан амалдаги нотариал тасдиқлаш тартиби сақлаб қолинади.
3. Юридик шахсларга тегишли автотранспорт воситаларини бошқараётган шахсларнинг икки йилда бир марта мажбурий малакасини ошириш талаби бекор қилинсин.
4. 2022 йил 1 сентябрдан бошлаб фуқаролар ва йўловчи ташиш фаолиятини амалга ошириш учун лицензияга эга бўлган юридик шахслар ўртасида тузиладиган транспорт воситаси ижараси шартномаларини нотариал тасдиқлаш талаби бекор қилинсин ҳамда уларни давлат солиқ хизмати органлари ахборот тизимлари орқали электрон тарзда ҳисобга олиш тизими жорий этилсин.
Давлат солиқ қўмитаси уч ой муддатда мазкур бандга асосан транспорт воситаси ижараси шартномаларини ҳисобга олиш тизимининг ишга туширилишини ҳамда уни Транспорт вазирлиги ва Ички ишлар вазирлигининг маълумотлар базалари билан интеграция қилинишини таъминласин.
5. Шундай тартиб жорий этилсинки, унга мувофиқ:
енгил автотранспорт воситасида йўловчиларни шаҳар, шаҳар атрофи ва шаҳарлараро ташиш фаолияти ўзини ўзи банд қилган шахслар шуғулланиши мумкин бўлган фаолият (ишлар, хизматлар) турлари рўйхатига киритилади ҳамда ўзини ўзи банд қилган шахслар ушбу фаолият билан лицензия варақасига (кейинги ўринларда — лицензия) асосан шуғулланади;
йўловчиларни енгил автотранспорт воситаларида ташиш фаолияти билан шуғулланадиган ўзини ўзи банд қилган шахслар (кейинги ўринларда — ўзини ўзи банд қилган ташувчилар) бир йилда бир маротаба транспорт воситасини техник кўрикдан ўтказиши шарт;
ўзини ўзи банд қилган ташувчилар «Uztrans» ахборот тизими базасига киритилган кўп тармоқли поликлиникалар ва хусусий тиббиёт муассасалари орқали бир йилда бир маротаба тиббий кўрикдан ўтиши шарт;
йўналишсиз такси фаолияти учун лицензия варақаси берилганлиги учун давлат божи барча турдаги ташувчилардан йилига базавий ҳисоблаш миқдорининг бир баробари миқдорида ундирилади. Бунда давлат хизматларини кўрсатганлик учун йиғим ундирилмайди;
лицензияда йўналишсиз такси фаолияти билан шуғулланадиган ўзини ўзи банд қилган шахс ва унинг автотранспорт воситаси, фаолият кўрсатиш ҳудуди ҳамда лицензиянинг амал қилиш муддати ҳақидаги маълумотлар кўрсатилади;
ўзини ўзи банд қилган ташувчиларнинг автомобиль транспорти том қисмига «TAXI» таниш белгили фонарь ўрнатилади;
бошқа соҳаларда меҳнат шартномасига асосан банд бўлган шахслар бир вақтнинг ўзида йўловчиларни енгил автотранспорт воситаларида ташиш фаолияти билан ўзини ўзи банд қилган шахс сифатида рўйхатдан ўтган ҳолда шуғулланишлари мумкин;
йўналишсиз таксилар учун автомобиль транспортининг олд ойнасининг юқоридаги ўнг бурчагига жойлаштирилган яшил рангли ёритиш чироғи, ҳисоблагич (таксометр) ва радиоалоқа воситаси, шунингдек, назорат-касса машинасини ўрнатиш талаб этилмайди.
6. Давлат солиқ қўмитаси (Ш. Кудбиев) Транспорт вазирлиги билан биргаликда уч ой муддатда йўловчиларни енгил автотранспорт воситаларида ташувчи ва уларга мижозларни излаш бўйича интерактив хизматларни кўрсатувчи тадбиркорлик субъектлари томонидан йўловчи ташишга доир қонунчилик талаблари бажарилишини назорат қилиш механизмларини назарда тутувчи низом лойиҳасини ишлаб чиқиб, тасдиқлаш учун Вазирлар Маҳкамасига киритсин.
7. Транспорт вазирлиги (И. Маҳкамов):
уч ой муддатда Адлия вазирлиги, Соғлиқни сақлаш вазирлиги ва бошқа манфаатдор ташкилотлар билан биргаликда техник ва тиббий кўрик, суғурта полиси ва лицензия варақаларини расмийлаштириш жараёнларини соддалаштириш мақсадида «Uztrans» ахборот тизимини такомиллаштириш, «Лицензия» ва бошқа ахборот тизимлари билан идоралараро интеграциясини кенгайтириш бўйича амалий чоралар кўрсин;
икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
8. Мазкур қарор ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 7 июль,
ПҚ-311-сон
Oʻzbekiston Respublikasi Prezidentining
Qarori
Avtotransport vositalarini boshqarishda va yoʻnalishsiz taksi faoliyatini amalga oshirishda qoʻshimcha qulayliklar yaratish toʻgʻrisida
Avtotransport vositalaridan foydalanishda aholiga qoʻshimcha qulayliklar yaratish, respublikada yoʻlovchi tashish transporti tizimini rivojlantirish, ushbu yoʻnalishda koʻrsatilayotgan xizmatlar sifatini oshirish, ishsizlikni qisqartirish hamda transport xizmatlari bozorini rivojlantirish maqsadida:
1. 2022-yil 1-sentabrdan boshlab avtotransport vositasini boshqarish huquqini beruvchi ishonchnomalarni Yagona interaktiv davlat xizmatlari portali orqali elektron shaklda rasmiylashtirish tizimi joriy etilsin.
2. Belgilansinki:
a) elektron shaklda rasmiylashtirilgan avtotransport vositasini boshqarish huquqini beruvchi ishonchnomani (keyingi oʻrinlarda — elektron ishonchnoma) notarial tasdiqlash talab etilmaydi;
b) elektron ishonchnoma rasmiylashtirganlik uchun davlat boji uning amal qilish muddatidan kelib chiqqan holda ishonchnomani notarial tasdiqlash uchun oʻrnatilgan davlat bojiga nisbatan quyidagi foizlarda undiriladi:
bir oygacha boʻlgan muddatga — 10 foiz;
olti oygacha boʻlgan muddatga — 50 foiz;
uch yilgacha boʻlgan muddatga — 100 foiz.
v) elektron ishonchnoma mavjudligi Davlat yoʻl harakati xavfsizligi xizmati xodimlari tomonidan mobil qurilmalar orqali tekshiriladi;
g) elektron shaklda rasmiylashtirilmagan avtotransport vositasini boshqarish huquqini beruvchi ishonchnomalarga nisbatan amaldagi notarial tasdiqlash tartibi saqlab qolinadi.
3. Yuridik shaxslarga tegishli avtotransport vositalarini boshqarayotgan shaxslarning ikki yilda bir marta majburiy malakasini oshirish talabi bekor qilinsin.
4. 2022-yil 1-sentabrdan boshlab fuqarolar va yoʻlovchi tashish faoliyatini amalga oshirish uchun litsenziyaga ega boʻlgan yuridik shaxslar oʻrtasida tuziladigan transport vositasi ijarasi shartnomalarini notarial tasdiqlash talabi bekor qilinsin hamda ularni davlat soliq xizmati organlari axborot tizimlari orqali elektron tarzda hisobga olish tizimi joriy etilsin.
Davlat soliq qoʻmitasi uch oy muddatda mazkur bandga asosan transport vositasi ijarasi shartnomalarini hisobga olish tizimining ishga tushirilishini hamda uni Transport vazirligi va Ichki ishlar vazirligining maʼlumotlar bazalari bilan integratsiya qilinishini taʼminlasin.
5. Shunday tartib joriy etilsinki, unga muvofiq:
yengil avtotransport vositasida yoʻlovchilarni shahar, shahar atrofi va shaharlararo tashish faoliyati oʻzini oʻzi band qilgan shaxslar shugʻullanishi mumkin boʻlgan faoliyat (ishlar, xizmatlar) turlari roʻyxatiga kiritiladi hamda oʻzini oʻzi band qilgan shaxslar ushbu faoliyat bilan litsenziya varaqasiga (keyingi oʻrinlarda — litsenziya) asosan shugʻullanadi;
yoʻlovchilarni yengil avtotransport vositalarida tashish faoliyati bilan shugʻullanadigan oʻzini oʻzi band qilgan shaxslar (keyingi oʻrinlarda — oʻzini oʻzi band qilgan tashuvchilar) bir yilda bir marotaba transport vositasini texnik koʻrikdan oʻtkazishi shart;
oʻzini oʻzi band qilgan tashuvchilar “Uztrans” axborot tizimi bazasiga kiritilgan koʻp tarmoqli poliklinikalar va xususiy tibbiyot muassasalari orqali bir yilda bir marotaba tibbiy koʻrikdan oʻtishi shart;
yoʻnalishsiz taksi faoliyati uchun litsenziya varaqasi berilganligi uchun davlat boji barcha turdagi tashuvchilardan yiliga bazaviy hisoblash miqdorining bir barobari miqdorida undiriladi. Bunda davlat xizmatlarini koʻrsatganlik uchun yigʻim undirilmaydi;
litsenziyada yoʻnalishsiz taksi faoliyati bilan shugʻullanadigan oʻzini oʻzi band qilgan shaxs va uning avtotransport vositasi, faoliyat koʻrsatish hududi hamda litsenziyaning amal qilish muddati haqidagi maʼlumotlar koʻrsatiladi;
oʻzini oʻzi band qilgan tashuvchilarning avtomobil transporti tom qismiga “TAXI” tanish belgili fonar oʻrnatiladi;
boshqa sohalarda mehnat shartnomasiga asosan band boʻlgan shaxslar bir vaqtning oʻzida yoʻlovchilarni yengil avtotransport vositalarida tashish faoliyati bilan oʻzini oʻzi band qilgan shaxs sifatida roʻyxatdan oʻtgan holda shugʻullanishlari mumkin;
yoʻnalishsiz taksilar uchun avtomobil transportining old oynasining yuqoridagi oʻng burchagiga joylashtirilgan yashil rangli yoritish chirogʻi, hisoblagich (taksometr) va radioaloqa vositasi, shuningdek, nazorat-kassa mashinasini oʻrnatish talab etilmaydi.
6. Davlat soliq qoʻmitasi (Sh. Kudbiyev) Transport vazirligi bilan birgalikda uch oy muddatda yoʻlovchilarni yengil avtotransport vositalarida tashuvchi va ularga mijozlarni izlash boʻyicha interaktiv xizmatlarni koʻrsatuvchi tadbirkorlik subyektlari tomonidan yoʻlovchi tashishga doir qonunchilik talablari bajarilishini nazorat qilish mexanizmlarini nazarda tutuvchi nizom loyihasini ishlab chiqib, tasdiqlash uchun Vazirlar Mahkamasiga kiritsin.
7. Transport vazirligi (I. Mahkamov):
uch oy muddatda Adliya vazirligi, Sogʻliqni saqlash vazirligi va boshqa manfaatdor tashkilotlar bilan birgalikda texnik va tibbiy koʻrik, sugʻurta polisi va litsenziya varaqalarini rasmiylashtirish jarayonlarini soddalashtirish maqsadida “Uztrans” axborot tizimini takomillashtirish, “Litsenziya” va boshqa axborot tizimlari bilan idoralararo integratsiyasini kengaytirish boʻyicha amaliy choralar koʻrsin;
ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
8. Mazkur qaror ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 7-iyul,
PQ-311-son
Президента Республики Узбекистан
Постановление
О создании дополнительных удобств в управлении автотранспортными средствами и осуществлении деятельности линейного такси
В целях создания дополнительных удобств населению при использовании автотранспортных средств, развития системы пассажирского транспорта республики, повышения качества услуг, оказываемых в этом направлении, сокращения безработицы, а также развития рынка транспортных услуг:
1. Внедрить с 1 сентября 2022 года систему оформления доверенностей на право управления автотранспортным средством посредством Единого портала интерактивных государственных услуг в электронной форме.
2. Установить, что:
а) не требуется нотариальное удостоверение доверенности на право управления автотранспортным средством, оформленной в электронной форме (далее — электронная доверенность);
б) государственная пошлина за оформление электронной доверенности взимается в зависимости от срока действия электронной доверенности в следующих размерах по отношению к размеру государственной пошлины, установленному за нотариальное удостоверение доверенности:
на срок до одного месяца — 10 процентов;
на срок до шести месяцев — 50 процентов;
на срок до трех лет — 100 процентов;
в) наличие электронной доверенности проверяется сотрудниками Государственной службы безопасности дорожного движения посредством мобильных устройств;
г) в отношении доверенностей на право управления автотранспортным средством, не оформленных в электронной форме, сохраняется действующий порядок нотариального удостоверения.
3. Отменить требование обязательного повышения квалификации лиц, управляющих автотранспортными средствами, принадлежащими юридическим лицам, один раз в два года.
4. Начиная с 1 сентября 2022 года отменить требование нотариального удостоверения договоров аренды транспортных средств, заключаемых между гражданами и юридическими лицами, имеющими лицензию на право осуществления деятельности по перевозке пассажиров с внедрением системы электронного учета указанных договоров посредством информационных систем органов государственной налоговой службы.
Государственному налоговому комитету в трехмесячный срок обеспечить внедрение на основании настоящего пункта системы учета договоров аренды транспортных средств, а также ее интеграцию с базами данных Министерства транспорта и Министерства внутренних дел.
5. Внедрить порядок, в соответствии с которым:
деятельность по осуществлению городских, пригородных и междугородних перевозок пассажиров легковыми автотранспортными средствами включается в перечень видов деятельности (работ, услуг), которыми могут заниматься самозанятые лица, самозанятые лица занимаются данной деятельностью на основании лицензионной карточки (далее — лицензия);
самозанятые лица, осуществляющие деятельность по перевозке пассажиров легковыми автотранспортными средствами (далее — самозанятые перевозчики), обязательно проходят технический осмотр своего транспортного средства один раз в год;
самозанятые перевозчики обязательно проходят медицинский осмотр в многопрофильных поликлиниках и частных медицинских учреждениях, включенных в базу информационной системы «UzTrans», один раз в год;
государственная пошлина за выдачу лицензионной карточки на осуществление деятельности линейного такси взимается со всех видов перевозчиков в однократном размере базовой расчетной величины один раз в год. При этом за оказание государственных услуг сбор не взимается;
в лицензии указываются сведения о самозанятом лице, осуществляющем деятельность линейного такси, его автотранспортном средстве, территории осуществления деятельности, сроке действия лицензии;
на крыше автотранспортных средств самозанятых перевозчиков устанавливается фонарь с опознавательным знаком «TAXI»;
лица, занятые в других сферах на основе трудового договора, могут одновременно осуществлять деятельность по перевозке пассажиров легковыми автотранспортными средствами после прохождения регистрации в качестве самозанятого лица;
для линейных такси установка светового фонаря зеленого цвета, расположенного в правом верхнем углу лобового стекла автомобильного транспорта, счетчика (таксометра) и средства радиосвязи, а также контрольно-кассовой машины не требуется.
6. Государственному налоговому комитету (Ш. Кудбиев) совместно с Министерством транспорта в трехмесячный срок разработать и внести на утверждение в Кабинет Министров проект положения, предусматривающего механизмы контроля исполнения требований актов законодательства по перевозке пассажиров субъектами предпринимательства, оказывающими услуги по перевозке пассажиров легковыми автотранспортными средствами, интерактивные услуги по поиску для них клиентов.
7. Министерству транспорта (И. Махкамов):
в трехмесячный срок совместно с Министерством юстиции, Министерством здравоохранения и другими заинтересованными организациями принять практические меры по совершенствованию и расширению интеграции информационной системы «UzTrans» с информационной системой «Лицензия» и иными информационными системами в целях упрощения процессов прохождения технического и медицинского осмотров, оформления страхового полиса и лицензионной карточки;
в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
8. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
7 июля 2022 г.,
№ ПП-311