📅 2022-yil 12-iyul · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 12 июль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 12 июля 2022 г. · Постановления Кабинета Министров
Официальный текст. Официальный документ. Редакционные примечания не включены.
📅 12 July 2022 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ТУЗИЛМАСИ
РЎЙХАТИ
Хоразм вилояти Урганч шаҳар ҳокимлиги ҳузуридаги Жалолиддин Мангуберди хиёбонини кўкаламзорлаштириш, ободонлаштириш ва сақлаш департаменти фаолиятини ташкил этиш тўғрисида
Хоразм вилоятининг Урганч шаҳрида барпо этилган Жалолиддин Мангуберди хиёбонида амалга оширилган ободонлаштириш, кўкаламзорлаштириш ва суғориш тизимларини эксплуатация қилиш ҳамда улардан оқилона фойдаланиш мақсадида Вазирлар Маҳкамаси қарор қилади:
1. Хоразм вилояти ҳокимлигининг Хоразм вилояти Урганч шаҳар ҳокимлиги ҳузурида давлат унитар корхонаси шаклидаги Жалолиддин Мангуберди хиёбонини кўкаламзорлаштириш, ободонлаштириш ва сақлаш департаментини (кейинги ўринларда — Департамент) ташкил этиш тўғрисидаги таклифи маъқуллансин.
2. Қуйидагилар Департаментнинг асосий вазифалари этиб белгилансин:
Жалолиддин Мангуберди хиёбони (кейинги ўринларда — хиёбон) ҳудудида амалга ошириладиган ободонлаштириш, кўкаламзорлаштириш, суғориш тизимларини эксплуатация қилиш ҳамда улардан оқилона фойдаланиш ишлари техник жиҳатдан тартибга солиш соҳасидаги норматив ҳужжатларга мувофиқ ўз вақтида ва сифатли бажарилишини ташкил этиш;
сунъий суғориш тизимлари, насос станциялари, қудуқлар, қаттиқ қопламалар, йўл (йўлак)лар, кўчаларни ёритиш воситалари ва фаввораларнинг санитария ва техник жиҳатдан зарур ҳолатда бўлишини таъминлаш;
дарахтлар, буталар ва гулларни сақлаш ҳамда парвариш қилиш, уларни зараркунандалар ва касалликлардан муҳофаза қилиш, ҳудудни янада кўкаламзорлаштириш ишларини замонавий агротехник воситалардан фойдаланган ҳолда амалга ошириш;
игнабаргли ва манзарали ўсимликларнинг қимматли турларини ҳамда яшил майсаларни сақлаш бўйича зарур чораларни кўриш;
ободонлаштириш объектларини сақлаш ва ривожлантириш, уларнинг санитария жиҳатидан тозаланишини таъминлаш.
3. Қуйидагилар:
Хоразм вилояти Урганч шаҳар ҳокимлиги ҳузуридаги Урганч шаҳридаги Жалолиддин Мангуберди хиёбонини кўкаламзорлаштириш, ободонлаштириш ва сақлаш департаментининг тузилмаси 1-иловага мувофиқ;
Хоразм вилояти Урганч шаҳар ҳокимлиги ҳузуридаги Урганч шаҳридаги Жалолиддин Мангуберди хиёбонини кўкаламзорлаштириш, ободонлаштириш ва сақлаш департаменти учун сотиб олинадиган махсус автотранспорт воситалари ва асбоб-ускуналар рўйхати 2-иловага мувофиқ тасдиқлансин.
4. Ўзбекистон Республикаси Молия вазирлиги ва Хоразм вилояти ҳокимлиги:
2022 йилда Департамент бошқарув ва ёрдамчи ходимлари меҳнатга ҳақ тўлаш, шунингдек, махсус автотранспорт воситалари харид қилиш учун талаб этиладиган маблағларни Хоразм вилояти маҳаллий бюджетига ажратилган маблағларнинг мақбуллаштирилган қисми ҳисобидан;
2023 йилдан бошлаб Хоразм вилояти маҳаллий бюджети параметрларини шакллантиришда зарур маблағлар ажратишни назарда тутсин.
5. Департамент фаолиятини молиялаштириш манбалари этиб:
ҳар йили Хоразм вилояти маҳаллий бюджети параметрларида Департаментни сақлаш учун назарда тутилган маблағлар;
фаолият йўналиши бўйича хизматлар кўрсатишдан тушган даромадлар;
жисмоний ва юридик шахсларнинг ҳомийлик хайриялари;
қонунчилик ҳужжатлари билан тақиқланмаган бошқа манбалар белгилансин.
6. Белгилансинки, Департамент ходимларига Вазирлар Маҳкамасининг 2009 йил 1 апрелдаги 91-сон қарори билан тасдиқланган «Шаҳар ва туман ободонлаштириш бошқармалари ходимлари меҳнатига ҳақ тўлаш ва уларни моддий рағбатлантириш тартиби тўғрисида»ги низомда назарда тутилган меҳнатга ҳақ тўлаш ва моддий рағбатлантириш тартиби татбиқ этилади.
7. Хоразм вилояти ҳокимлиги:
а) бир ой муддатда:
Департамент фаолияти тўғрисидаги низомни ишлаб чиқсин ва тасдиқласин;
хиёбон ҳудудидаги Урганч шаҳар Ободонлаштириш бошқармасининг игнабаргли ва манзарали ўсимликлар қимматли турларини, кўчаларни ёритиш объектларини, фаввораларни ва бошқа ободонлаштириш объектларини ҳамда ушбу ҳудудга бириктирилган 25 нафар ободонлаштириш ходимларини белгиланган тартибда Департаментга ўтказилишини таъминласин;
б) ободонлаштириш ишларини техник жиҳатдан тартибга солиш соҳасидаги норматив ҳужжатларга мувофиқ Урганч шаҳар марказининг ташқи қиёфасига қўйиладиган замонавий талабларни ҳисобга олган ҳолда ташкил этсин ва амалга оширсин.
8. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари А.Ж. Раматов ҳамда Хоразм вилояти ҳокими Ф.У. Эрманов зиммасига юклансин.
Вазирлар Маҳкамасининг 2022 йил 12 июлдаги 378-сон қарорига 1-ИЛОВА
Хоразм вилояти Урганч шаҳар ҳокимлиги ҳузуридаги Урганч шаҳридаги Жалолиддин Мангуберди хиёбонини кўкаламзорлаштириш, ободонлаштириш ва сақлаш департаментининг
Директор 1 Бош муҳандис 1 Иқтисодий таҳлил бўйича мутахассис 1 Ландшафт бўйича дизайнер 1 Кадрлар бўйича инспектор 1 Техника хавфсизлиги муҳандиси 1 Ёрдамчи ходим 1
Вазирлар Маҳкамасининг 2022 йил 12 июлдаги 378-сон қарорига 2-ИЛОВА
Хоразм вилояти Урганч шаҳар ҳокимлиги ҳузуридаги Урганч шаҳридаги Жалолиддин Мангуберди хиёбонини кўкаламзорлаштириш, ободонлаштириш ва сақлаш департаменти учун сотиб олинадиган махсус автотранспорт воситалари ва асбоб-ускуналар
Т/р Махсус автотранспорт воситалари ва асбоб-ускуналар номи Сони Нархи (минг сўм) 1. Юк ташишга мўлжалланган автотранспорт воситаси (ISUZU N QR 71PL) 1 545 000 2. Сув ташиш ва сепиш учун мўлжалланган автотранспорт воситаси (ISUZU N QR 71PL) 1 540 000 3. Ўт ўриш учун мўлжалланган техника 5 30 000 4. Мотоцикл (уч ғилдиракли) 1 35 000 5. Автоминора (ISUZU) 22 м 1 1 049 000 Жами 9 2 199 000
Ўзбекистон Республикасининг Бош вазири А. АРИПОВ
Тошкент ш.,
2022 йил 12 июль,
378-сон
Oʻzbekiston Respublikasi Vazirlar Mahkamasining
qarori
TUZILMASI
ROʻYXATI
Xorazm viloyati Urganch shahar hokimligi huzuridagi Jaloliddin Manguberdi xiyobonini koʻkalamzorlashtirish, obodonlashtirish va saqlash departamenti faoliyatini tashkil etish toʻgʻrisida
Xorazm viloyatining Urganch shahrida barpo etilgan Jaloliddin Manguberdi xiyobonida amalga oshirilgan obodonlashtirish, koʻkalamzorlashtirish va sugʻorish tizimlarini ekspluatatsiya qilish hamda ulardan oqilona foydalanish maqsadida Vazirlar Mahkamasi qaror qiladi:
1. Xorazm viloyati hokimligining Xorazm viloyati Urganch shahar hokimligi huzurida davlat unitar korxonasi shaklidagi Jaloliddin Manguberdi xiyobonini koʻkalamzorlashtirish, obodonlashtirish va saqlash departamentini (keyingi oʻrinlarda — Departament) tashkil etish toʻgʻrisidagi taklifi maʼqullansin.
2. Quyidagilar Departamentning asosiy vazifalari etib belgilansin:
Jaloliddin Manguberdi xiyoboni (keyingi oʻrinlarda — xiyobon) hududida amalga oshiriladigan obodonlashtirish, koʻkalamzorlashtirish, sugʻorish tizimlarini ekspluatatsiya qilish hamda ulardan oqilona foydalanish ishlari texnik jihatdan tartibga solish sohasidagi normativ hujjatlarga muvofiq oʻz vaqtida va sifatli bajarilishini tashkil etish;
sunʼiy sugʻorish tizimlari, nasos stansiyalari, quduqlar, qattiq qoplamalar, yoʻl (yoʻlak)lar, koʻchalarni yoritish vositalari va favvoralarning sanitariya va texnik jihatdan zarur holatda boʻlishini taʼminlash;
daraxtlar, butalar va gullarni saqlash hamda parvarish qilish, ularni zararkunandalar va kasalliklardan muhofaza qilish, hududni yanada koʻkalamzorlashtirish ishlarini zamonaviy agrotexnik vositalardan foydalangan holda amalga oshirish;
ignabargli va manzarali oʻsimliklarning qimmatli turlarini hamda yashil maysalarni saqlash boʻyicha zarur choralarni koʻrish;
obodonlashtirish obyektlarini saqlash va rivojlantirish, ularning sanitariya jihatidan tozalanishini taʼminlash.
3. Quyidagilar:
Xorazm viloyati Urganch shahar hokimligi huzuridagi Urganch shahridagi Jaloliddin Manguberdi xiyobonini koʻkalamzorlashtirish, obodonlashtirish va saqlash departamentining tuzilmasi 1-ilovaga muvofiq;
Xorazm viloyati Urganch shahar hokimligi huzuridagi Urganch shahridagi Jaloliddin Manguberdi xiyobonini koʻkalamzorlashtirish, obodonlashtirish va saqlash departamenti uchun sotib olinadigan maxsus avtotransport vositalari va asbob-uskunalar roʻyxati 2-ilovaga muvofiq tasdiqlansin.
4. Oʻzbekiston Respublikasi Moliya vazirligi va Xorazm viloyati hokimligi:
2022-yilda Departament boshqaruv va yordamchi xodimlari mehnatga haq toʻlash, shuningdek, maxsus avtotransport vositalari xarid qilish uchun talab etiladigan mablagʻlarni Xorazm viloyati mahalliy budjetiga ajratilgan mablagʻlarning maqbullashtirilgan qismi hisobidan;
2023-yildan boshlab Xorazm viloyati mahalliy budjeti parametrlarini shakllantirishda zarur mablagʻlar ajratishni nazarda tutsin.
5. Departament faoliyatini moliyalashtirish manbalari etib:
har yili Xorazm viloyati mahalliy budjeti parametrlarida Departamentni saqlash uchun nazarda tutilgan mablagʻlar;
faoliyat yoʻnalishi boʻyicha xizmatlar koʻrsatishdan tushgan daromadlar;
jismoniy va yuridik shaxslarning homiylik xayriyalari;
qonunchilik hujjatlari bilan taqiqlanmagan boshqa manbalar belgilansin.
6. Belgilansinki, Departament xodimlariga Vazirlar Mahkamasining 2009-yil 1-apreldagi 91-son qarori bilan tasdiqlangan “Shahar va tuman obodonlashtirish boshqarmalari xodimlari mehnatiga haq toʻlash va ularni moddiy ragʻbatlantirish tartibi toʻgʻrisida”gi nizomda nazarda tutilgan mehnatga haq toʻlash va moddiy ragʻbatlantirish tartibi tatbiq etiladi.
7. Xorazm viloyati hokimligi:
a) bir oy muddatda:
Departament faoliyati toʻgʻrisidagi nizomni ishlab chiqsin va tasdiqlasin;
xiyobon hududidagi Urganch shahar Obodonlashtirish boshqarmasining ignabargli va manzarali oʻsimliklar qimmatli turlarini, koʻchalarni yoritish obyektlarini, favvoralarni va boshqa obodonlashtirish obyektlarini hamda ushbu hududga biriktirilgan 25 nafar obodonlashtirish xodimlarini belgilangan tartibda Departamentga oʻtkazilishini taʼminlasin;
b) obodonlashtirish ishlarini texnik jihatdan tartibga solish sohasidagi normativ hujjatlarga muvofiq Urganch shahar markazining tashqi qiyofasiga qoʻyiladigan zamonaviy talablarni hisobga olgan holda tashkil etsin va amalga oshirsin.
8. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov hamda Xorazm viloyati hokimi F.U. Ermanov zimmasiga yuklansin.
Vazirlar Mahkamasining 2022-yil 12-iyuldagi 378-son qaroriga 1-ILOVA
Xorazm viloyati Urganch shahar hokimligi huzuridagi Urganch shahridagi Jaloliddin Manguberdi xiyobonini koʻkalamzorlashtirish, obodonlashtirish va saqlash departamentining
Direktor 1 Bosh muhandis 1 Iqtisodiy tahlil boʻyicha mutaxassis 1 Landshaft boʻyicha dizayner 1 Kadrlar boʻyicha inspektor 1 Texnika xavfsizligi muhandisi 1 Yordamchi xodim 1
Vazirlar Mahkamasining 2022-yil 12-iyuldagi 378-son qaroriga 2-ILOVA
Xorazm viloyati Urganch shahar hokimligi huzuridagi Urganch shahridagi Jaloliddin Manguberdi xiyobonini koʻkalamzorlashtirish, obodonlashtirish va saqlash departamenti uchun sotib olinadigan maxsus avtotransport vositalari va asbob-uskunalar
T/r Maxsus avtotransport vositalari va asbob-uskunalar nomi Soni Narxi (ming soʻm) 1. Yuk tashishga moʻljallangan avtotransport vositasi (ISUZU N QR 71PL) 1 545 000 2. Suv tashish va sepish uchun moʻljallangan avtotransport vositasi (ISUZU N QR 71PL) 1 540 000 3. Oʻt oʻrish uchun moʻljallangan texnika 5 30 000 4. Mototsikl (uch gʻildirakli) 1 35 000 5. Avtominora (ISUZU) 22 m 1 1 049 000 Jami 9 2 199 000
Oʻzbekiston Respublikasining Bosh vaziri A. ARIPOV
Toshkent sh.,
2022-yil 12-iyul,
378-son