UzbekAI

Ўзбекистон Республикаси Президентининг

Фармони

Концерт-томоша фаолиятини амалга оширувчи шахслардан давлат божини ундириш ҳамда уларни солиққа тортиш тизимини такомиллаштириш тўғрисида

Концерт-томоша фаолиятини амалга ошириш лицензияси учун давлат божини ундириш ва ушбу лицензияга эга шахсларни солиққа тортиш тизимини такомиллаштириш ҳамда санъаткорлар учун қулай ижодий муҳит яратиш мақсадида:

1. Концерт-томоша фаолиятини лицензия асосида амалга оширувчи ижрочиларнинг рейтинг гуруҳлари сони амалдаги 6 тадан 3 тага қисқартирилсин.

Бунда, аҳолига концерт-томоша хизматларини кўрсатиш ҳуқуқи ижрочиларнинг рейтинг гуруҳлари орасида қуйидагича тақсимланади:

а) I рейтинг гуруҳи ижрочиларига:

республика ҳудудида ва унинг ташқарисида яккахон концерт ташкил этиш;

II ва III рейтинг гуруҳлари ижрочилари учун назарда тутилган ҳуқуқлардан фойдаланиш;

б) II рейтинг гуруҳи ижрочиларига:

битта жанрнинг икки ва ундан кўп ижрочилари иштирокидаги концерт-томоша дастурида, турли жанрлар йўналишларининг бир нечта ижрочилари иштирокидаги концерт-томоша дастурида қатнашиш;

оммавий ахборот воситаларида қўшиқлар ва видеоклипларни тақдим этиш;

III рейтинг гуруҳи ижрочиси учун назарда тутилган ҳуқуқлардан фойдаланиш;

в) III рейтинг гуруҳи ижрочиларига:

тўй, юбилей ҳамда бошқа маросим ва тантаналарда, жумладан тўйхона, ресторан, ҳордиқ чиқариш ташкилотлари (клуб, дискотека, бар ва қаҳвахона) ва хусусий уйларда концерт-томоша хизматларини кўрсатиш;

созанда ва раққос(а)лар томонидан битта жанрнинг икки ва ундан кўп ижрочилари иштирокидаги концерт-томоша дастурларини ташкил этиш ва уларда қатнашиш.

2. Концерт-томоша фаолиятини амалга ошириш лицензияси учун давлат божини ундириш бўйича шундай тартиб жорий этилсинки, унга кўра 2022 йил 1 сентябрдан бошлаб:

а) давлат божи ставкалари пасайтирилади ва қуйидаги миқдорларда белгиланади:

I рейтинг гуруҳи учун базавий ҳисоблаш миқдорининг 20 баравари миқдорида;

II рейтинг гуруҳи учун базавий ҳисоблаш миқдорининг 10 баравари миқдорида;

III рейтинг гуруҳи учун базавий ҳисоблаш миқдорининг 3 баравари миқдорида;

б) қуйидаги санъаткорлар давлат божини тўлашдан озод этилади:

ёшга доир пенсия олиш ҳуқуқига эга бўлган шахслар;

ногиронлиги бўлган шахслар;

таълим муассасаларида ўқийдиган талабалар — ўқиш муддати давомида;

в) юридик шахс ташкил этган ижодий жамоалардан давлат божи ягона лицензия бўйича ундирилади. Бунда:

лицензияда ижодий жамоа аъзолари тўлиқ кўрсатилади ва улардан лицензия учун давлат божи қўшимча равишда ундирилмайди, ижодий жамоа аъзоси мустақил ижрочи сифатида ижод қилган ҳоллар бундан мустасно;

ижодий жамоа унинг барча аъзолари давлат божини тўлашдан озод қилинган шахслардан таркиб топган тақдирдагина давлат божи тўлашдан озод қилинади.

3. Маданият вазирлиги ва Давлат солиқ қўмитасининг қуйидаги таклифларига розилик берилсин:

концерт-томоша фаолиятини лицензия асосида амалга оширувчи жисмоний шахсларга даромад солиғини декларация асосида ёки қатъий белгиланган миқдорда тўлаш ҳуқуқини бериш;

2024 йил 1 январдан бошлаб хонандалардан, 2026 йил 1 январдан бошлаб қолган ижрочилардан даромад солиғини фақат декларация асосида ундириш.

4. Белгилаб қўйилсинки:

а) декларация асосида ёки қатъий белгиланган миқдорда даромад солиғини тўлаш ҳуқуқи хонандаларга 2024 йил 1 январга қадар, концерт-томоша фаолиятини лицензия асосида амалга оширувчи бошқа жисмоний шахсларга 2026 йил 1 январга қадар берилади;

б) декларация асосида солиқ тўлашни танлаган ижрочилар учун:

йиллик умумий даромаднинг 30 фоизи миқдоридаги харажатлар тасдиқловчи ҳужжатлар талаб этилмаган ҳолда чегирилади;

тасдиқланган харажатлар суммаси умумий даромаднинг 30 фоизидан ошган тақдирда қўшимча равишда ушбу даромаднинг 10 фоизи миқдори чегирилади;

лицензия олиш учун ундирилган давлат божи ва ижтимоий солиқ суммалари харажат сифатида қайд этилади ҳамда даромадлар таркибидан чегирилади;

в) қатъий белгиланган миқдордаги солиқ тўлашни танлаган ижрочилардан даромад солиғи бир йилда бир марта қуйидаги миқдорларда ундирилади:

I рейтинг гуруҳи ижрочиларидан 2,7 млн сўм миқдорида;

II рейтинг гуруҳи ижрочиларидан 1,8 млн сўм миқдорида;

III рейтинг гуруҳи ижрочиларидан 1,0 млн сўм миқдорида.

5. Шундай тартиб жорий этилсинки, унга кўра:

2024 йил 1 январга қадар III рейтинг гуруҳи ижрочилари қатъий белгиланган миқдордаги солиқ тўлашдан озод этилади;

2025 йил 1 январга қадар концерт-томоша фаолиятини лицензия асосида амалга оширувчи жисмоний шахслар меҳнат шартномаси асосида банд бўлмаган тақдирда, улардан концерт-томоша фаолияти бўйича ижтимоий солиқ бир йилда базавий ҳисоблаш миқдорининг бир баравари миқдорида ундирилади;

концерт-томоша фаолиятини лицензия асосида амалга оширувчи жисмоний шахсларнинг юридик шахсларга хизмат кўрсатишдан олган даромадларидан, улар томонидан танланган солиқ режимидан қатъий назар, жисмоний шахслардан олинадиган даромад солиғи ва ижтимоий солиқ тўлов манбаида ушлаб қолинади;

юридик шахс ташкил этган ҳолда концерт-томоша фаолиятини лицензия асосида амалга оширувчи ижодий жамоалар жисмоний шахслардан олинадиган даромад солиғи ва ижтимоий солиқни юридик шахслар учун ўрнатилган тартибда тўлайди.

6. Концерт-томоша фаолиятини амалга ошириш лицензияси учун давлат божи тўлови лицензия олган йилда амалдаги тартиб бўйича, кейинги йиллардан бошлаб эса қуйидаги тартибда тақсимлансин:

30 фоизи — Ўзбекистон Республикасининг республика бюджетига;

0,5 фоизи — Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига;

қолган маблағлар — лицензияловчи ваколатли орган ҳисобварағига.

7. Давлат солиқ қўмитаси Маданият вазирлиги билан биргаликда уч ой муддатда «Soliq» мобил иловасида лицензия асосида концерт-томоша фаолияти билан шуғулланувчи жисмоний шахслар учун даромадлар тўғрисидаги декларациянинг даромад ва харажатларини кунлик асосда онлайн юритиш имкониятини яратсин.

«Soliq» мобил иловасини мазкур банд талаблари асосида такомиллаштириш харажатлари Давлат солиқ қўмитасининг бюджетдан ташқари жамғармаси маблағлари ҳисобидан молиялаштирилади.

8. Маданият вазирлигига вазирликнинг бюджетдан ташқари жамғармаси маблағлари ҳисобидан 2022 йилда 1 млрд сўмгача маблағни «Ўзбекконцерт» давлат муассасаси фаолиятини қўллаб-қувватлаш ва ходимларини рағбатлантириш учун йўналтиришга рухсат берилсин.

9. Маданият вазирлиги:

Давлат солиқ қўмитаси билан биргаликда мазкур Фармондан келиб чиқиб, жойларда тарғибот ва тушунтириш ишларини ташкил қилиш орқали ижрочиларнинг қонуний тартибда фаолият кўрсатишларига кўмаклашсин;

бир ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида таклифларни Вазирлар Маҳкамасига киритсин.

10. Мазкур Фармон ижросини самарали ташкил қилишга масъул ва шахсий жавобгар этиб маданият вазири О.А. Назарбеков белгилансин.

Фармон ижросини назорат қилиш, ижро учун масъул ташкилотлар фаолиятини мувофиқлаштириш Ўзбекистон Республикасининг Бош вазири А.Н. Арипов ва Ўзбекистон Республикаси Президенти маслаҳатчисининг ўринбосари А.А. Джурабаев зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2022 йил 13 июль,

ПФ-168-сон

(Қонунчилик маълумотлари миллий базаси, 14.07.2022 й., 06/22/168/0630-сон)

lex.uz

Oʻzbekiston Respublikasi Prezidentining

Farmoni

Konsert-tomosha faoliyatini amalga oshiruvchi shaxslardan davlat bojini undirish hamda ularni soliqqa tortish tizimini takomillashtirish toʻgʻrisida

Konsert-tomosha faoliyatini amalga oshirish litsenziyasi uchun davlat bojini undirish va ushbu litsenziyaga ega shaxslarni soliqqa tortish tizimini takomillashtirish hamda sanʼatkorlar uchun qulay ijodiy muhit yaratish maqsadida:

1. Konsert-tomosha faoliyatini litsenziya asosida amalga oshiruvchi ijrochilarning reyting guruhlari soni amaldagi 6 tadan 3 taga qisqartirilsin.

Bunda, aholiga konsert-tomosha xizmatlarini koʻrsatish huquqi ijrochilarning reyting guruhlari orasida quyidagicha taqsimlanadi:

a) I reyting guruhi ijrochilariga:

respublika hududida va uning tashqarisida yakkaxon konsert tashkil etish;

II va III reyting guruhlari ijrochilari uchun nazarda tutilgan huquqlardan foydalanish;

b) II reyting guruhi ijrochilariga:

bitta janrning ikki va undan koʻp ijrochilari ishtirokidagi konsert-tomosha dasturida, turli janrlar yoʻnalishlarining bir nechta ijrochilari ishtirokidagi konsert-tomosha dasturida qatnashish;

ommaviy axborot vositalarida qoʻshiqlar va videokliplarni taqdim etish;

III reyting guruhi ijrochisi uchun nazarda tutilgan huquqlardan foydalanish;

v) III reyting guruhi ijrochilariga:

toʻy, yubiley hamda boshqa marosim va tantanalarda, jumladan toʻyxona, restoran, hordiq chiqarish tashkilotlari (klub, diskoteka, bar va qahvaxona) va xususiy uylarda konsert-tomosha xizmatlarini koʻrsatish;

sozanda va raqqos(a)lar tomonidan bitta janrning ikki va undan koʻp ijrochilari ishtirokidagi konsert-tomosha dasturlarini tashkil etish va ularda qatnashish.

2. Konsert-tomosha faoliyatini amalga oshirish litsenziyasi uchun davlat bojini undirish boʻyicha shunday tartib joriy etilsinki, unga koʻra 2022-yil 1-sentabrdan boshlab:

a) davlat boji stavkalari pasaytiriladi va quyidagi miqdorlarda belgilanadi:

I reyting guruhi uchun bazaviy hisoblash miqdorining 20 baravari miqdorida;

II reyting guruhi uchun bazaviy hisoblash miqdorining 10 baravari miqdorida;

III reyting guruhi uchun bazaviy hisoblash miqdorining 3 baravari miqdorida;

b) quyidagi sanʼatkorlar davlat bojini toʻlashdan ozod etiladi:

yoshga doir pensiya olish huquqiga ega boʻlgan shaxslar;

nogironligi boʻlgan shaxslar;

taʼlim muassasalarida oʻqiydigan talabalar — oʻqish muddati davomida;

v) yuridik shaxs tashkil etgan ijodiy jamoalardan davlat boji yagona litsenziya boʻyicha undiriladi. Bunda:

litsenziyada ijodiy jamoa aʼzolari toʻliq koʻrsatiladi va ulardan litsenziya uchun davlat boji qoʻshimcha ravishda undirilmaydi, ijodiy jamoa aʼzosi mustaqil ijrochi sifatida ijod qilgan hollar bundan mustasno;

ijodiy jamoa uning barcha aʼzolari davlat bojini toʻlashdan ozod qilingan shaxslardan tarkib topgan taqdirdagina davlat boji toʻlashdan ozod qilinadi.

3. Madaniyat vazirligi va Davlat soliq qoʻmitasining quyidagi takliflariga rozilik berilsin:

konsert-tomosha faoliyatini litsenziya asosida amalga oshiruvchi jismoniy shaxslarga daromad soligʻini deklaratsiya asosida yoki qatʼiy belgilangan miqdorda toʻlash huquqini berish;

2024-yil 1-yanvardan boshlab xonandalardan, 2026-yil 1-yanvardan boshlab qolgan ijrochilardan daromad soligʻini faqat deklaratsiya asosida undirish.

4. Belgilab qoʻyilsinki:

a) deklaratsiya asosida yoki qatʼiy belgilangan miqdorda daromad soligʻini toʻlash huquqi xonandalarga 2024-yil 1-yanvarga qadar, konsert-tomosha faoliyatini litsenziya asosida amalga oshiruvchi boshqa jismoniy shaxslarga 2026-yil 1-yanvarga qadar beriladi;

b) deklaratsiya asosida soliq toʻlashni tanlagan ijrochilar uchun:

yillik umumiy daromadning 30 foizi miqdoridagi xarajatlar tasdiqlovchi hujjatlar talab etilmagan holda chegiriladi;

tasdiqlangan xarajatlar summasi umumiy daromadning 30 foizidan oshgan taqdirda qoʻshimcha ravishda ushbu daromadning 10 foizi miqdori chegiriladi;

litsenziya olish uchun undirilgan davlat boji va ijtimoiy soliq summalari xarajat sifatida qayd etiladi hamda daromadlar tarkibidan chegiriladi;

v) qatʼiy belgilangan miqdordagi soliq toʻlashni tanlagan ijrochilardan daromad soligʻi bir yilda bir marta quyidagi miqdorlarda undiriladi:

I reyting guruhi ijrochilaridan 2,7 mln soʻm miqdorida;

II reyting guruhi ijrochilaridan 1,8 mln soʻm miqdorida;

III reyting guruhi ijrochilaridan 1,0 mln soʻm miqdorida.

5. Shunday tartib joriy etilsinki, unga koʻra:

2024-yil 1-yanvarga qadar III reyting guruhi ijrochilari qatʼiy belgilangan miqdordagi soliq toʻlashdan ozod etiladi;

2025-yil 1-yanvarga qadar konsert-tomosha faoliyatini litsenziya asosida amalga oshiruvchi jismoniy shaxslar mehnat shartnomasi asosida band boʻlmagan taqdirda, ulardan konsert-tomosha faoliyati boʻyicha ijtimoiy soliq bir yilda bazaviy hisoblash miqdorining bir baravari miqdorida undiriladi;

konsert-tomosha faoliyatini litsenziya asosida amalga oshiruvchi jismoniy shaxslarning yuridik shaxslarga xizmat koʻrsatishdan olgan daromadlaridan, ular tomonidan tanlangan soliq rejimidan qatʼiy nazar, jismoniy shaxslardan olinadigan daromad soligʻi va ijtimoiy soliq toʻlov manbaida ushlab qolinadi;

yuridik shaxs tashkil etgan holda konsert-tomosha faoliyatini litsenziya asosida amalga oshiruvchi ijodiy jamoalar jismoniy shaxslardan olinadigan daromad soligʻi va ijtimoiy soliqni yuridik shaxslar uchun oʻrnatilgan tartibda toʻlaydi.

6. Konsert-tomosha faoliyatini amalga oshirish litsenziyasi uchun davlat boji toʻlovi litsenziya olgan yilda amaldagi tartib boʻyicha, keyingi yillardan boshlab esa quyidagi tartibda taqsimlansin:

30 foizi — Oʻzbekiston Respublikasining respublika budjetiga;

0,5 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;

qolgan mablagʻlar — litsenziyalovchi vakolatli organ hisobvaragʻiga.

7. Davlat soliq qoʻmitasi Madaniyat vazirligi bilan birgalikda uch oy muddatda “Soliq” mobil ilovasida litsenziya asosida konsert-tomosha faoliyati bilan shugʻullanuvchi jismoniy shaxslar uchun daromadlar toʻgʻrisidagi deklaratsiyaning daromad va xarajatlarini kunlik asosda onlayn yuritish imkoniyatini yaratsin.

“Soliq” mobil ilovasini mazkur band talablari asosida takomillashtirish xarajatlari Davlat soliq qoʻmitasining budjetdan tashqari jamgʻarmasi mablagʻlari hisobidan moliyalashtiriladi.

8. Madaniyat vazirligiga vazirlikning budjetdan tashqari jamgʻarmasi mablagʻlari hisobidan 2022-yilda 1 mlrd soʻmgacha mablagʻni “Oʻzbekkonsert” davlat muassasasi faoliyatini qoʻllab-quvvatlash va xodimlarini ragʻbatlantirish uchun yoʻnaltirishga ruxsat berilsin.

9. Madaniyat vazirligi:

Davlat soliq qoʻmitasi bilan birgalikda mazkur Farmondan kelib chiqib, joylarda targʻibot va tushuntirish ishlarini tashkil qilish orqali ijrochilarning qonuniy tartibda faoliyat koʻrsatishlariga koʻmaklashsin;

bir oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida takliflarni Vazirlar Mahkamasiga kiritsin.

10. Mazkur Farmon ijrosini samarali tashkil qilishga masʼul va shaxsiy javobgar etib madaniyat vaziri O.A. Nazarbekov belgilansin.

Farmon ijrosini nazorat qilish, ijro uchun masʼul tashkilotlar faoliyatini muvofiqlashtirish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti maslahatchisining oʻrinbosari A.A. Djurabayev zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2022-yil 13-iyul,

PF-168-son

(Qonunchilik maʼlumotlari milliy bazasi, 14.07.2022-y., 06/22/168/0630-son)

lex.uz

Президента Республики Узбекистан

Указ

О совершенствовании системы взыскания государственной пошлины и налогообложения лиц, осуществляющих концертно-зрелищную деятельность

В целях совершенствования системы взыскания государственной пошлины за лицензию на осуществление концертно-зрелищной деятельности и налогообложения лиц, обладающих данной лицензией, а также создания благоприятной творческой атмосферы для деятелей искусств:

1. Сократить количество рейтинговых групп творческих деятелей, осуществляющих концертно-зрелищную деятельность на основании лицензии, с действующих шести до трех.

При этом право на оказание населению концертно-зрелищных услуг распределяется между рейтинговыми группами исполнителей в нижеследующем порядке:

а) исполнителям I рейтинговой группы:

организация сольных концертов на территории и за пределами республики;

пользование правами, предусмотренными для исполнителей II и III рейтинговых групп;

б) исполнителям II рейтинговой группы:

участие в концертно-зрелищной программе с участием двух и более исполнителей одного жанра, а также концертно-зрелищной программе с участием нескольких исполнителей разных жанровых направлений;

представление песен и видеоклипов в средствах массовой информации;

пользование правами, предусмотренными для исполнителей III рейтинговой группы;

в) исполнителям III рейтинговой группы:

оказание концертно-зрелищных услуг на свадьбах, юбилеях и других церемониях и торжествах, в частности в свадебных домах, ресторанах, развлекательных организациях (в клубах, на дискотеках, в барах и кафе) и частных домах;

организация концертно-зрелищных программ и участие в них музыкантов и танцовщиц (танцоров) с участием двух и более исполнителей одного жанра.

2. Установить порядок взыскания государственной пошлины за лицензию на осуществление концертно-зрелищной деятельности, в соответствии с которым с 1 сентября 2022 года:

а) ставки государственной пошлины понижаются и устанавливаются в следующих размерах:

для I рейтинговой группы — в 20-кратном размере базовой расчетной величины;

для II рейтинговой группы — в 10-кратном размере базовой расчетной величины;

для III рейтинговой группы — в 3-кратном размере базовой расчетной величины;

б) нижеследующие деятели искусств освобождаются от уплаты государственной пошлины:

лица, имеющие право на получение пенсии по возрасту;

лица с инвалидностью;

студенты, обучающиеся в образовательных учреждениях, — на весь срок обучения;

в) с творческих коллективов, созданных со статусом юридического лица, государственная пошлина взыскивается по единой лицензии. При этом:

в лицензии члены творческих коллективов указываются полностью и с них государственная пошлина за лицензию дополнительно не взыскивается, за исключением случаев, когда член творческого коллектива осуществляет творческую деятельность в качестве независимого исполнителя;

творческий коллектив освобождается от уплаты государственной пошлины в случае, если этот коллектив состоит только из лиц, освобожденных от уплаты государственной пошлины.

3. Согласиться с нижеследующими предложениями Министерства культуры и Государственного налогового комитета о:

предоставлении права оплаты налога на доход физических лиц, осуществляющих концертно-зрелищную деятельность на основании лицензии, на основании декларации или в фиксированном размере;

взимании налога на доходы исключительно на основании декларации с 1 января 2024 года — с певцов, с 1 января 2026 года — с остальных исполнителей.

4. Определить, что:

а) право оплаты налога на доходы на основе декларации или в фиксированном размере предоставляется певцам до 1 января 2024 года, другим физическим лицам, осуществляющим концертно-зрелищную деятельность на основании лицензии, — до 1 января 2026 года;

б) для исполнителей, выбравших оплату налога на основе декларации:

расходы в размере 30 процентов от общего годового дохода вычитаются без истребования подтверждающих документов;

10 процентов общего дохода вычитается дополнительно, если сумма подтвержденных расходов превысила 30 процентов указанного дохода;

суммы государственной пошлины и социального налога, взысканные для получения лицензии, фиксируются в качестве расходов и вычитаются из состава доходов;

в) с исполнителей, выбравших оплату налога в фиксированном размере, налог на доходы взимается один раз в год в следующих размерах:

для исполнителей I рейтинговой группы — в размере 2,7 млн сумов;

для исполнителей II рейтинговой группы — в размере 1,8 млн сумов;

для исполнителей III рейтинговой группы — в размере 1,0 млн сумов.

5. Установить порядок, в соответствии с которым:

до 1 января 2024 года исполнители III рейтинговой группы освобождаются от оплаты налога в фиксированном размере;

до 1 января 2025 года социальный налог с концертно-зрелищной деятельности взимается один раз в год в однократном размере базовой расчетной величины в случае, если физические лица, осуществляющие концертно-зрелищную деятельность на основании лицензии, не осуществляют деятельность на основе трудового договора;

налог на доходы физических лиц и социальный налог с доходов физических лиц, осуществляющих концертно-зрелищную деятельность на основании лицензии, полученных от оказания услуг юридическим лицам, удерживаются в источнике выплат независимо от выбранного ими налогового режима;

творческие коллективы, созданные со статусом юридического лица, оплачивают налог на доходы физических лиц и социальный налог в порядке, установленном для юридических лиц.

6. Распределить сумму государственной пошлины за лицензию на осуществление концертно-зрелищной деятельности в год получения лицензии — в действующем порядке, в последующие годы — в соответствии со следующим порядком:

30 процентов — в республиканский бюджет Республики Узбекистан;

0,5 процента — на Специальный счет по финансированию межведомственных проектов электронного правительства и цифровой экономики Фонда развития информационно-коммуникационных технологий;

оставшиеся средства — на счет уполномоченного лицензирующего органа.

7. Государственному налоговому комитету совместно с Министерством культуры в трехмесячный срок создать на мобильном приложении «Soliq» возможность ежедневного онлайн-ведения доходов и расходов декларации о доходах для физических лиц, осуществляющих концертно-зрелищную деятельность на основании лицензии.

Расходы по совершенствованию мобильного приложения «Soliq» на основании настоящего пункта финансируются за счет средств внебюджетного фонда Государственного налогового комитета.

8. Разрешить Министерству культуры направить средства в размере до 1 млрд сумов на поддержку деятельности и поощрение сотрудников Государственного учреждения «Узбекконцерт» в 2022 году за счет средств внебюджетного фонда министерства.

9. Министерству культуры:

совместно с Государственным налоговым комитетом исходя из настоящего Указа оказывать содействие осуществлению деятельности исполнителей в законном порядке посредством организации разъяснительной и пропагандистской работы на местах;

в месячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.

10. Возложить на министра культуры О.А. Назарбекова персональную ответственность за эффективную организацию исполнения настоящего Указа.

Осуществление контроля за исполнением настоящего Указа, а также координации деятельности организаций, ответственных за его исполнение, возложить на Премьер-министра Республики Узбекистан А.Н. Арипова и заместителя советника Президента Республики Узбекистан А.А. Джурабаева.

Президент Республики Узбекистан Ш. МИРЗИЁЕВ

г. Ташкент,

13 июля 2022 г.,

№ УП-168

(Национальная база данных законодательства, 14.07.2022 г., № 06/22/168/0630)

lex.uz