📅 2022-yil 14-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 14 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 14 июля 2022 г. · Постановления Президента
Официальный текст. Официальный документ. Редакционные примечания не включены.
📅 14 July 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Мактабгача таълим соҳасида давлат-хусусий шерикликни янада ривожлантириш бўйича қўшимча чора-тадбирлар тўғрисида
Давлат-хусусий шериклик асосидаги мактабгача таълим ташкилотлари тармоғини кенгайтириш бўйича ишларни жадаллаштириш, болаларнинг мактабгача таълим билан қамраб олиниши учун зарур шарт-шароитлар яратиш, соҳага хусусий секторни кенг жалб этиш ҳамда мазкур фаолиятни амалга ошираётган тадбиркорлик субъектларини ҳар томонлама қўллаб-қувватлаш мақсадида:
1. Шундай тартиб ўрнатилсинки, унга мувофиқ 2022 йил 1 сентябрдан бошлаб:
а) оилавий нодавлат мактабгача таълим ташкилотларида:
оилавий нодавлат мактабгача таълим ташкилотларига қатнаётган ижтимоий кўмакка муҳтож оилаларнинг фарзандлари ва махсус контингентлар сони жами тарбияланувчилар сонининг 70 фоизидан кам бўлган тақдирда, етмаган қисмига бошқа оилаларнинг болаларини қабул қилишга рухсат этилади. Бунда, ушбу болалар учун ота-оналар тўлови шу жойдаги давлат мактабгача таълим ташкилотлари учун белгиланган ҳажмлардан ошмайдиган миқдорда ўрнатилади;
оилавий нодавлат мактабгача таълим ташкилотларига тарбиячи ва тарбиячи-ёрдамчи лавозимлари учун 4,5 тагача штат бирлигини ажратишга рухсат этилади. Бунда, тарбиячи ва тарбиячи-ёрдамчиларга Давлат бюджети маблағлари ҳисобидан иш ҳақи харажатларини қоплаш учун субсидия ҳақиқатда банд қилинган, лекин 4,5 тадан (Тошкент шаҳри, Нукус шаҳри ва вилоятлар марказларида — 2,25 тадан) кўп бўлмаган штат бирлигидан келиб чиқиб тўланади;
тарбиячи ва тарбиячи-ёрдамчиларга Давлат бюджети маблағлари ҳисобидан иш ҳақи харажатларини қоплаш учун субсидия жисмоний шахслардан олинадиган даромад солиғи ва бошқа ажратмалар ушлангандан сўнг, тўғридан-тўғри ушбу ходимларнинг пластик картасига ўтказиб берилади;
оилавий нодавлат мактабгача таълим ташкилоти фаолиятини бошлаш учун соғлиқни сақлаш органлари билан мажбурий равишда тарбияланувчиларга тиббий ёрдам кўрсатишга оид шартнома тузиш тартиби бекор қилинади;
б) давлат-хусусий шериклик асосида фаолият юритаётган мактабгача таълим ташкилотларида, шу жумладан оилавий нодавлат мактабгача таълим ташкилотларида:
Давлат бюджети маблағлари ҳисобидан тўланадиган субсидия ва компенсациялар миқдорини ҳисоблашда мактабгача таълим ташкилотига қатнаётган 3 ёш ва ундан катта ёшдаги (боқувчисини йўқотган аёлларнинг 2 ёш ва ундан катта ёшдаги), лекин 7 йил 8 ойдан катта бўлмаган ёшдаги тарбияланувчилар ҳисобга олинади;
ота-оналар тўлови миқдорини мустақил равишда белгилаган ҳолда 3 ёшга тўлмаган болаларни ҳам қабул қилишга рухсат этилади. Бунда 3 ёшга тўлмаган болаларга Давлат бюджети маблағлари ҳисобидан субсидиялар ажратилмайди (боқувчисини йўқотган аёлларнинг 2-3 ёшдаги фарзандлари бундан мустасно);
в) табиий газ учун компенсация марказлашган табиий газ таъминоти мавжуд бўлмаган, лекин иситишнинг бошқа турларидан, шу жумладан суюлтирилган газ ёки кўмир маҳсулотларидан фойдаланаётган давлат-хусусий шериклик асосидаги ва нодавлат мактабгача таълим ташкилотларига ҳам тўланади (оилавий нодавлат мактабгача таълим ташкилотлари бундан мустасно).
2. Вазирлар Маҳкамаси икки ҳафта муддатда давлат-хусусий шериклик асосидаги ва нодавлат мактабгача таълим ташкилотларига Давлат бюджети маблағлари ҳисобидан субсидиялар ва компенсациялар тўлаш тартибини тасдиқласин.
3. Белгилансинки, тадбиркорлик субъектларига уларнинг хоҳишига кўра 2018-2019 йилларда давлат-хусусий шериклик асосидаги нодавлат мактабгача таълим ташкилотларини ташкил этиш учун берилган кредитлар бўйича имтиёзли давр муддатини 2023 йил 1 августга қадар узайтиришга рухсат этилади.
Бунда:
имтиёзли давр муддати давомида тадбиркорлик субъектлари томонидан кредит бўйича фақат фоиз тўловлари амалга оширилади;
имтиёзли даврда тўланиши лозим бўлган асосий қарз бўйича тўловлар кредит даврининг қолган қисмига тенг миқдорда тақсимланади.
4. Нодавлат мактабгача таълим ташкилотлари тармоғини ривожлантириш учун хорижий молия институтлари, шу жумладан Ислом тараққиёт банкидан 30 миллион АҚШ доллари, Қувайт араб иқтисодий тараққиёт жамғармасидан 20 миллион АҚШ доллари ҳамда ОПЕК халқаро ривожланиш жамғармасидан 20 миллион АҚШ доллари миқдорида қарз маблағлари жалб қилиниши кутилаётганлиги маълумот учун қабул қилинсин.
Мактабгача таълим вазирлиги (А. Шин) икки ой муддатда хорижий молия институтларининг маблағлари ҳисобига 2023-2024 йилларда ҳудудларда давлат-хусусий шериклик асосидаги нодавлат мактабгача таълим ташкилотлари тармоғини ривожлантириш ва мактабгача таълим қамровини ошириш бўйича дастурни (кейинги ўринларда — Дастур) ишлаб чиқсин ҳамда белгиланган тартибда Вазирлар Маҳкамасига киритсин.
Дастурда:
ҳар бир ҳудуддаги мавжуд мактабгача таълим ташкилотлари, мактабгача ёшдаги болалар сони ҳамда уларнинг қамрови даражасини ҳисобга олган ҳолда одиллик ва шаффофлик тамойиллари асосида давлат-хусусий шериклик лойиҳаларини танлаш тартибини;
давлат-хусусий шериклик лойиҳаларини танлаш жараёнларининг рақамлаштирилишини;
давлат-хусусий шериклик асосидаги нодавлат мактабгача таълим ташкилотларини ташкил этиш мақсадида кредит ажратиш учун тадбиркорлик субъектларига қўйиладиган талабларни назарда тутсин.
5. Мактабгача таълим вазирлиги (А. Шин):
Молия вазирлиги (Т. Ишметов), Ўзбекистон Миллий ахборот агентлиги (А. Кучимов), Ўзбекистон Миллий телерадиокомпанияси (А. Хаджаев), Ахборот ва оммавий коммуникациялар агентлиги (А. Ходжаев) билан биргаликда 2023 йил 1 январга қадар бир ойда камида бир марта ушбу қарор мақсади ва вазифаларини оммавий ахборот воситаларида ва ижтимоий тармоқларда кенг ёритиш ишларини ташкил қилсин;
манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
6. Мазкур қарор ижросини самарали ташкил қилишга масъул ва шахсий жавобгар этиб мактабгача таълим вазири А.В. Шин ҳамда молия вазири Т.А. Ишметов белгилансин.
Қарор ижросини назорат қилиш ва ижро учун масъул ташкилотлар фаолиятини мувофиқлаштириш Бош вазир ўринбосари Ж.А. Қўчқоров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 14 июль,
ПҚ-322-сон
Oʻzbekiston Respublikasi Prezidentining
Qarori
Maktabgacha taʼlim sohasida davlat-xususiy sheriklikni yanada rivojlantirish boʻyicha qoʻshimcha chora-tadbirlar toʻgʻrisida
Davlat-xususiy sheriklik asosidagi maktabgacha taʼlim tashkilotlari tarmogʻini kengaytirish boʻyicha ishlarni jadallashtirish, bolalarning maktabgacha taʼlim bilan qamrab olinishi uchun zarur shart-sharoitlar yaratish, sohaga xususiy sektorni keng jalb etish hamda mazkur faoliyatni amalga oshirayotgan tadbirkorlik subyektlarini har tomonlama qoʻllab-quvvatlash maqsadida:
1. Shunday tartib oʻrnatilsinki, unga muvofiq 2022-yil 1-sentabrdan boshlab:
a) oilaviy nodavlat maktabgacha taʼlim tashkilotlarida:
oilaviy nodavlat maktabgacha taʼlim tashkilotlariga qatnayotgan ijtimoiy koʻmakka muhtoj oilalarning farzandlari va maxsus kontingentlar soni jami tarbiyalanuvchilar sonining 70 foizidan kam boʻlgan taqdirda, yetmagan qismiga boshqa oilalarning bolalarini qabul qilishga ruxsat etiladi. Bunda, ushbu bolalar uchun ota-onalar toʻlovi shu joydagi davlat maktabgacha taʼlim tashkilotlari uchun belgilangan hajmlardan oshmaydigan miqdorda oʻrnatiladi;
oilaviy nodavlat maktabgacha taʼlim tashkilotlariga tarbiyachi va tarbiyachi-yordamchi lavozimlari uchun 4,5 tagacha shtat birligini ajratishga ruxsat etiladi. Bunda, tarbiyachi va tarbiyachi-yordamchilarga Davlat budjeti mablagʻlari hisobidan ish haqi xarajatlarini qoplash uchun subsidiya haqiqatda band qilingan, lekin 4,5 tadan (Toshkent shahri, Nukus shahri va viloyatlar markazlarida — 2,25 tadan) koʻp boʻlmagan shtat birligidan kelib chiqib toʻlanadi;
tarbiyachi va tarbiyachi-yordamchilarga Davlat budjeti mablagʻlari hisobidan ish haqi xarajatlarini qoplash uchun subsidiya jismoniy shaxslardan olinadigan daromad soligʻi va boshqa ajratmalar ushlangandan soʻng, toʻgʻridan-toʻgʻri ushbu xodimlarning plastik kartasiga oʻtkazib beriladi;
oilaviy nodavlat maktabgacha taʼlim tashkiloti faoliyatini boshlash uchun sogʻliqni saqlash organlari bilan majburiy ravishda tarbiyalanuvchilarga tibbiy yordam koʻrsatishga oid shartnoma tuzish tartibi bekor qilinadi;
b) davlat-xususiy sheriklik asosida faoliyat yuritayotgan maktabgacha taʼlim tashkilotlarida, shu jumladan oilaviy nodavlat maktabgacha taʼlim tashkilotlarida:
Davlat budjeti mablagʻlari hisobidan toʻlanadigan subsidiya va kompensatsiyalar miqdorini hisoblashda maktabgacha taʼlim tashkilotiga qatnayotgan 3 yosh va undan katta yoshdagi (boquvchisini yoʻqotgan ayollarning 2 yosh va undan katta yoshdagi), lekin 7 yil 8 oydan katta boʻlmagan yoshdagi tarbiyalanuvchilar hisobga olinadi;
ota-onalar toʻlovi miqdorini mustaqil ravishda belgilagan holda 3 yoshga toʻlmagan bolalarni ham qabul qilishga ruxsat etiladi. Bunda 3 yoshga toʻlmagan bolalarga Davlat budjeti mablagʻlari hisobidan subsidiyalar ajratilmaydi (boquvchisini yoʻqotgan ayollarning 2-3 yoshdagi farzandlari bundan mustasno);
v) tabiiy gaz uchun kompensatsiya markazlashgan tabiiy gaz taʼminoti mavjud boʻlmagan, lekin isitishning boshqa turlaridan, shu jumladan suyultirilgan gaz yoki koʻmir mahsulotlaridan foydalanayotgan davlat-xususiy sheriklik asosidagi va nodavlat maktabgacha taʼlim tashkilotlariga ham toʻlanadi (oilaviy nodavlat maktabgacha taʼlim tashkilotlari bundan mustasno).
2. Vazirlar Mahkamasi ikki hafta muddatda davlat-xususiy sheriklik asosidagi va nodavlat maktabgacha taʼlim tashkilotlariga Davlat budjeti mablagʻlari hisobidan subsidiyalar va kompensatsiyalar toʻlash tartibini tasdiqlasin.
3. Belgilansinki, tadbirkorlik subyektlariga ularning xohishiga koʻra 2018-2019-yillarda davlat-xususiy sheriklik asosidagi nodavlat maktabgacha taʼlim tashkilotlarini tashkil etish uchun berilgan kreditlar boʻyicha imtiyozli davr muddatini 2023-yil 1-avgustga qadar uzaytirishga ruxsat etiladi.
Bunda:
imtiyozli davr muddati davomida tadbirkorlik subyektlari tomonidan kredit boʻyicha faqat foiz toʻlovlari amalga oshiriladi;
imtiyozli davrda toʻlanishi lozim boʻlgan asosiy qarz boʻyicha toʻlovlar kredit davrining qolgan qismiga teng miqdorda taqsimlanadi.
4. Nodavlat maktabgacha taʼlim tashkilotlari tarmogʻini rivojlantirish uchun xorijiy moliya institutlari, shu jumladan Islom taraqqiyot bankidan 30 million AQSH dollari, Quvayt arab iqtisodiy taraqqiyot jamgʻarmasidan 20 million AQSH dollari hamda OPEK xalqaro rivojlanish jamgʻarmasidan 20 million AQSH dollari miqdorida qarz mablagʻlari jalb qilinishi kutilayotganligi maʼlumot uchun qabul qilinsin.
Maktabgacha taʼlim vazirligi (A. Shin) ikki oy muddatda xorijiy moliya institutlarining mablagʻlari hisobiga 2023-2024-yillarda hududlarda davlat-xususiy sheriklik asosidagi nodavlat maktabgacha taʼlim tashkilotlari tarmogʻini rivojlantirish va maktabgacha taʼlim qamrovini oshirish boʻyicha dasturni (keyingi oʻrinlarda — Dastur) ishlab chiqsin hamda belgilangan tartibda Vazirlar Mahkamasiga kiritsin.
Dasturda:
har bir hududdagi mavjud maktabgacha taʼlim tashkilotlari, maktabgacha yoshdagi bolalar soni hamda ularning qamrovi darajasini hisobga olgan holda odillik va shaffoflik tamoyillari asosida davlat-xususiy sheriklik loyihalarini tanlash tartibini;
davlat-xususiy sheriklik loyihalarini tanlash jarayonlarining raqamlashtirilishini;
davlat-xususiy sheriklik asosidagi nodavlat maktabgacha taʼlim tashkilotlarini tashkil etish maqsadida kredit ajratish uchun tadbirkorlik subyektlariga qoʻyiladigan talablarni nazarda tutsin.
5. Maktabgacha taʼlim vazirligi (A. Shin):
Moliya vazirligi (T. Ishmetov), Oʻzbekiston Milliy axborot agentligi (A. Kuchimov), Oʻzbekiston Milliy teleradiokompaniyasi (A. Xadjayev), Axborot va ommaviy kommunikatsiyalar agentligi (A. Xodjayev) bilan birgalikda 2023-yil 1-yanvarga qadar bir oyda kamida bir marta ushbu qaror maqsadi va vazifalarini ommaviy axborot vositalarida va ijtimoiy tarmoqlarda keng yoritish ishlarini tashkil qilsin;
manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
6. Mazkur qaror ijrosini samarali tashkil qilishga masʼul va shaxsiy javobgar etib maktabgacha taʼlim vaziri A.V. Shin hamda moliya vaziri T.A. Ishmetov belgilansin.
Qaror ijrosini nazorat qilish va ijro uchun masʼul tashkilotlar faoliyatini muvofiqlashtirish Bosh vazir oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 14-iyul,
PQ-322-son
Президента Республики Узбекистан
Постановление
О дополнительных мерах по дальнейшему развитию государственно-частного партнерства в сфере дошкольного образования
В целях ускорения работ по расширению сети дошкольных образовательных организаций на основе государственно-частного партнерства, создания необходимых условий для охвата детей дошкольным образованием, широкого привлечения частного сектора в сферу, а также всесторонней поддержки субъектов предпринимательства, осуществляющих данную деятельность:
1. Установить порядок, в соответствии с которым начиная с 1 сентября 2022 года:
а) в семейных негосударственных дошкольных образовательных организациях:
в случае, если количество детей из семей, нуждающихся в социальной поддержке, и специального контингента, посещающих семейные негосударственные дошкольные образовательные организации, составляет менее 70 процентов от общего количества воспитанников, то на недостающую часть разрешается принимать детей из других семей. При этом родительская плата для этих детей устанавливается в размере, не превышающем размеры, определенные для государственных дошкольных образовательных организаций на данной территории;
семейным негосударственным дошкольным образовательным организациям разрешается выделение до 4,5 штатных единиц для должностей воспитателя и воспитателя-помощника. При этом субсидия за счет средств Государственного бюджета на покрытие расходов, связанных с выплатой заработной платы воспитателям и воспитателям-помощникам, выдается исходя из числа фактически занятых штатных единиц, но не более 4,5 единиц (в городах Ташкенте, Нукусе и областных центрах — не более 2,25 единиц);
субсидия за счет средств Государственного бюджета на покрытие расходов, связанных с выплатой заработной платы воспитателям и воспитателям-помощникам, после удержания налога на доходы физических лиц и других отчислений, перечисляется напрямую на пластиковую карту данных работников;
отменяется порядок обязательного заключения с органами здравоохранения договора об оказании медицинской помощи воспитанникам, необходимого для начала деятельности семейной негосударственной дошкольной образовательной организации;
б) в дошкольных образовательных организациях, осуществляющих деятельность на основе государственно-частного партнерства, в том числе в семейных негосударственных дошкольных образовательных организациях:
при исчислении размера выплачиваемых за счет средств Государственного бюджета субсидий и компенсаций учитываются воспитанники в возрасте 3 лет и старше (дети женщин, потерявших кормильца, в возрасте 2 лет и старше), но не старше 7 лет 8 месяцев, посещающие дошкольную образовательную организацию;
разрешается прием детей, не достигших возраста 3 лет, с самостоятельным определением размера родительской платы. При этом субсидии за счет средств Государственного бюджета для детей, не достигших возраста 3 лет, не выделяются (за исключением детей в возрасте 2-3 лет женщин, потерявших кормильца);
в) компенсация за природный газ также выплачивается дошкольным образовательным организациям, осуществляющим деятельность на основе государственно-частного партнерства, и негосударственным дошкольным образовательным организациям (за исключением семейных негосударственных дошкольных образовательных организаций), не имеющим централизованного газоснабжения, но использующим другие виды отопления, в том числе сжиженный газ или угольную продукцию.
2. Кабинету Министров в двухнедельный срок утвердить порядок выплаты субсидий и компенсаций за счет средств Государственного бюджета дошкольным образовательным организациям, осуществляющим деятельность на основе государственно-частного партнерства, и негосударственным дошкольным образовательным организациям.
3. Установить, что субъектам предпринимательства по их желанию разрешается продление в срок до 1 августа 2023 года льготного периода по кредитам, выделенным в 2018–2019 годах для создания негосударственных дошкольных образовательных организаций на основе государственно-частного партнерства.
При этом:
в течение срока льготного периода субъектами предпринимательства осуществляются только процентные платежи по кредиту;
платежи по основному долгу, подлежащие уплате в течение льготного периода, распределяются в равном количестве на оставшуюся часть кредитного периода.
4. Принять к сведению, что для развития сети негосударственных дошкольных образовательных организаций ожидается привлечение заемных средств зарубежных финансовых институтов, в частности Исламского банка развития — в размере 30 миллионов долларов США, Кувейтского фонда арабского экономического развития — в размере 20 миллионов долларов США и Международного фонда развития ОПЕК — в размере 20 миллионов долларов США.
Министерству дошкольного образования (А. Шин) в двухмесячный срок разработать и внести в Кабинет Министров в установленном порядке Программу развития сети негосударственных дошкольных образовательных организаций на основе государственно-частного партнерства и повышения охвата дошкольным образованием в регионах на 2023-2024 годы (далее — Программа) за счет средств зарубежных финансовых институтов.
В Программе предусмотреть:
порядок отбора проектов государственно-частного партнерства на основе принципов справедливости и прозрачности с учетом количества имеющихся в каждом регионе дошкольных образовательных организаций, детей дошкольного возраста и уровня их охвата;
цифровизацию процессов отбора проектов государственно-частного партнерства;
требования, предъявляемые к субъектам предпринимательства для выделения им кредитов на создание негосударственных дошкольных образовательных организаций на основе государственно-частного партнерства.
5. Министерству дошкольного образования (А. Шин):
совместно с Министерством финансов (Т. Ишметов), Национальным информационным агентством Узбекистана (А. Кучимов), Национальной телерадиокомпанией Узбекистана (А. Хаджаев), Агентством информации и массовых коммуникаций (А. Ходжаев) организовать в срок до 1 января 2023 года работу по широкому освещению не реже одного раза в месяц в средствах массовой информации и социальных сетях целей и задач настоящего постановления;
совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
6. Возложить на министра дошкольного образования А.В. Шин и министра финансов Т.А. Ишметова персональную ответственность за эффективную организацию исполнения настоящего постановления.
Осуществление контроля за исполнением настоящего постановления и координации деятельности организаций, ответственных за его исполнение, возложить на заместителя Премьер-министра Д.А. Кучкарова.
Президент Республики Узбекистан Ш. МИРЗИЁЕВ
г. Ташкент,
14 июля 2022 г.,
№ ПП-322