📅 2022-yil 18-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 18 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 18 июля 2022 г. · Постановления Президента
Официальный текст. Официальный документ. Редакционные примечания не включены.
📅 18 July 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Олий ва профессионал таълим ташкилотларида хотин-қизларнинг таълим олишларини қўллаб-қувватлашга доир чора-тадбирлар тўғрисида
Таълим ташкилотларида таҳсил олиш истагидаги хотин-қизлар учун янада қулай шарт-шароитлар яратиш, уларнинг илмий салоҳияти ва малакасини тизимли ошириб боришни қўллаб-қувватлаш мақсадида:
1. Ўзбекистон Республикаси Президентининг 2022 йил 7 мартдаги «Оила ва хотин-қизларни тизимли қўллаб-қувватлашга доир ишларни янада жадаллаштириш чора-тадбирлари тўғрисида»ги ПФ-87-сон Фармонига мувофиқ, 2022/2023 ўқув йилидан бошлаб республикадаги барча хусусий, хорижий ва давлат олий ва профессионал таълим ташкилотларида кундузги таълим шаклида хотин-қизларнинг тўлов-контракт асосида таҳсил олиши учун имтиёзли шартларда таълим кредитларини молиялаштириш мақсадида тижорат банкларига Давлат бюджетидан маблағ ажратишнинг янги тизими жорий этилганлиги маълумот учун қабул қилинсин.
Белгилансинки:
тижорат банклари Иқтисодиёт ва молия вазирлиги томонидан жойлаштириладиган депозит маблағлари ҳисобидан таълим кредитларини 14 фоиз ставкада ажратади;
таълим кредитининг асосий қисми талабанинг расмий ўқиш муддати тугагандан сўнг еттинчи ойдан бошлаб 7 йил давомида қайтарилади;
таълим кредити бўйича фоиз ставкаларини сўндириш Иқтисодиёт ва молия вазирлиги ҳузуридаги Таълим кредитини молиялаштириш жамғармаси (кейинги ўринларда — Жамғарма) маблағлари ҳисобидан, уларни тижорат банкларига тўлаш орқали амалга оширилади;
таълим кредитини расмийлаштиришда ва унинг қайтарилишида талабанинг доимий даромад манбаига эга бўлган оила аъзолари ва бошқа учинчи шахс биргаликда қарз олувчи сифатида қатнашишига рухсат этилади;
Ижтимоий реестрга киритилган оилаларнинг хотин-қизларига ажратиладиган таълим кредитлари учун гаров ва кафилликлар талаб этилмайди.
1 1 . 2024/2025 ўқув йилидан бошлаб таълим кредити иккинчи ва ундан юқори босқич талабалари учун фанларни ўзлаштиришнинг ўртача кўрсаткичи (grade point average):
«3» дан паст бўлган тақдирда, тўлов-контракт суммасининг кўпи билан 80 фоизи миқдорида ажратилади, бунда кредит тўлов-контракт суммасининг дастлабки 20 фоизи талаба томонидан тўлангандан кейин ажратилади;
«3» ва ундан юқори бўлган тақдирда ва (ёки) Ижтимоий реестрга киритилган оилаларнинг таълим олаётган аъзолари учун таълим кредити тўлов-контракт суммаси миқдорида ажратилади.
Бунда:
а) жорий ўқув йили учун таълим кредитини олмоқчи бўлган талабанинг фанларни ўзлаштиришининг ўртача кўрсаткичи (grade point average) аввалги ўқув йили якуни бўйича «Олий таълим жараёнларини бошқариш» (HEMIS) ахборот тизимидан олинади;
б) талабанинг фанларни ўзлаштиришининг ўртача кўрсаткичи (grade point average) ва тегишли маълумотлари «Олий таълим жараёнларини бошқариш» (HEMIS) ахборот тизимида, тўлов-контракт тўғрисидаги маълумотлари эса «Талабаларга шартнома асосида кўрсатиладиган хизматлар ҳисобини юритиш» (kontrakt.edu.uz) ахборот тизими орқали автоматик тарзда шакллантирилади;
в) нодавлат ва хорижий олий таълим ташкилотлари талабаларининг тўлов-контракт тўғрисидаги маълумотлари уларнинг ўз ахборот тизимларини «Талабаларга шартнома асосида кўрсатиладиган хизматлар ҳисобини юритиш» (kontrakt.edu.uz) ахборот тизимига интеграция қилиш ёки мазкур ахборот тизимидан фойдаланиш орқали шакллантирилади.
2. Белгилаб қўйилсинки:
Жамғарма маблағлари ҳисобидан тижорат банкларининг сўровларига асосан келгусида 14 фоиз ставкада таълим кредити ажратиш учун уларга 10 фоиз ставкада депозит маблағлари жойлаштирилади;
Жамғарма томонидан таълим кредитлари учун тижорат банкларига зарур маблағлар ажратилишини таъминлаш ва назорат қилиш мақсадида Жамғармага 1 та Мактабгача таълим вазирлиги штат бирликларини мақбуллаштириш ҳисобидан ва 1 та Молия вазирлигининг умумий штат бирликлари доирасида жами 2 та штат бирлиги ажратилади.
3. Вазирлар Маҳкамаси бир ой муддатда Молия вазирлиги ҳузуридаги Таълим кредитини молиялаштириш жамғармаси ҳисобидан олий ва профессионал таълим ташкилотларида хотин-қизларнинг тўлов-контракт асосида ўқиши учун таълим кредитларини ажратиш тартиби тўғрисидаги низомни тасдиқласин.
4. Иқтисодиёт ва молия вазирлиги Жамғармага 2022 йилда маблағларнинг Давлат бюджети ва давлат мақсадли жамғармалари маблағлари, бюджетни қўллаб-қувватлаш учун жалб қилинадиган халқаро молия институтлари ва хорижий ҳукумат молия ташкилотларининг кредитлари, суверен халқаро облигацияларни чиқариш ва қонунчилик ҳужжатлари билан тақиқланмаган бошқа манбалар ҳисобидан ажратилишини, 2023 йилдан бошлаб эса Давлат бюджети параметрларида назарда тутилишини таъминласин.
5. Ўзбекистон Республикаси Президентининг ҳамда Ўзбекистон Республикаси Ҳукуматининг айрим ҳужжатларига иловага мувофиқ ўзгартириш ва қўшимчалар киритилсин.
6. Олий ва ўрта махсус таълим вазирлиги манфаатдор вазирлик ва идоралар билан биргаликда бир ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
7. Мазкур қарор ижросини самарали ташкил қилишга масъул ва шахсий жавобгар этиб олий ва ўрта махсус таълим вазири А.Х. Тошкулов ҳамда молия вазири Т.А. Ишметов белгилансин.
Қарор ижросини назорат қилиш ва ижро учун масъул ташкилотлар фаолиятини мувофиқлаштириш Бош вазир ўринбосари Ж.А. Қўчқоров зиммасига юклансин.
Ўзбекистон Республикаси Президентининг 2022 йил 18 июлдаги ПҚ-323-сон қарорига ИЛОВА
Ўзбекистон Республикаси Президентининг ҳамда Ўзбекистон Республикаси Ҳукуматининг айрим ҳужжатларига киритилаётган ўзгартириш ва қўшимчалар
1. Ўзбекистон Республикаси Президентининг 2021 йил 4 майдаги «Фуқароларга давлат пенсияларини тайинлаш жараёнини соддалаштириш ҳамда пенсия ва нафақаларни етказиш тизимини янада такомиллаштириш чора-тадбирлари тўғрисида»ги ПҚ-5102-сон қарорида :
а) 1-банд «б» кичик бандининг биринчи хатбошисидаги «2022 йил 1 июлдан» сўзлари «2023 йил 1 январдан» сўзлари билан алмаштирилсин;
б) 1-илованинг 28-позицияси «Амалга ошириш муддатлари» устунидаги «2022 йил июль» сўзлари «2023 йил январь» сўзлари билан алмаштирилсин.
2. Ўзбекистон Республикаси Президентининг 2021 йил 30 июлдаги «Олий таълим ташкилотларида таълим олиш имкониятларини янада кенгайтириш чора-тадбирлари тўғрисида»ги ПҚ-5203-сон қарорида :
а) қарор номланиши ва муқаддимасидаги «Олий таълим» сўзлари «Олий, ўрта махсус ва профессионал таълим» сўзлари билан алмаштирилсин;
б) 1-бандида :
биринчи хатбоши қуйидаги таҳрирда баён этилсин:
«1. 2021/2022 ўқув йилидан бошлаб республикадаги барча олий, ўрта махсус ва профессионал таълим ташкилотлари бакалавр ҳамда магистратуранинг кундузги, сиртқи ва кечки таълим шаклида тўлов-контракт асосида таҳсил олиш учун таълим кредити ажратишнинг янги тизими йўлга қўйилсин»;
бешинчи хатбоши «оила аъзолари» сўзларидан кейин «ва бошқа учинчи шахслар» сўзлари билан тўлдирилсин.
3. Вазирлар Маҳкамасининг 2021 йил 18 августдаги «Олий таълим ташкилотларида тўлов-контракт асосида ўқиш учун таълим кредитлари ажратишни тартибга солиш чора-тадбирлари тўғрисида»ги 527-сон қарорида :
а) қарор номланиши , муқаддимаси ҳамда 1-банди биринчи ва иккинчи хатбошиларидаги «олий таълим» сўзлари «олий, ўрта махсус ва профессионал таълим» сўзлари билан алмаштирилсин;
б) 2-бандида :
биринчи хатбошидаги «олий» сўзидан кейин «, ўрта махсус ва профессионал» сўзлари билан тўлдирилсин;
учинчи хатбоши қуйидаги таҳрирда баён этилсин:
«республикадаги олий, ўрта махсус ва профессионал таълим муассасалари, шу жумладан хусусий ва хорижий олий, ўрта махсус ва профессионал таълим ташкилотлари ҳамда уларнинг филиаллари талабаларига контракт тўловлари учун кредит ажратиш»;
в) 1-иловада :
низомнинг номидаги «олий» сўзидан кейин «, ўрта махсус ва профессионал» сўзлари билан тўлдирилсин;
1-бандининг биринчи хатбошиси қуйидаги таҳрирда баён этилсин:
«1. Мазкур Низом Ўзбекистон Республикасида фаолият кўрсатаётган таълим муддати бир йил ва ундан ортиқни ташкил этувчи барча олий, ўрта махсус ва профессионал таълим ташкилотлари (давлат, нодавлат олий, ўрта махсус ва профессионал таълим ташкилотлари, Ўзбекистон Республикаси ҳудудидаги хорижий олий, ўрта махсус ва профессионал таълим ташкилотлари ва уларнинг филиаллари)да (кейинги ўринларда — таълим ташкилоти) ва қўшма таълим дастурлари бўйича бакалавр ҳамда магистратуранинг кундузги, сиртқи ва кечки таълим шаклида тўлов-контракт асосида таҳсил олиш учун Ўзбекистон Республикаси фуқароларига Молия вазирлиги ҳузуридаги Таълим кредитини молиялаштириш жамғармаси (кейинги ўринларда — Жамғарма) маблағлари ҳисобидан таълим кредитларини (кейинги ўринларда — таълим кредитлари) ажратиш ва уларни қайтариш тартибини белгилайди»;
3-бандининг :
биринчи хатбоши қуйидаги таҳрирда баён этилсин:
«3. Таълим кредитлари тижорат банклари томонидан таълим ташкилотлари бакалавр ҳамда магистратуранинг кундузги, сиртқи ва кечки таълим шаклида тўлов-контракт асосида ўқишга тавсия этилган ёки қабул қилинган, шунингдек ўқишини кўчирган Ўзбекистон Республикаси фуқароси бўлган талабаларга (кейинги ўринларда — кредит олувчи) берилади»;
иккинчи хатбошидаги «васийлари» сўзи «бошқа учинчи шахслар» сўзлари билан алмаштирилсин;
учинчи хатбошидаги «Олий таълим ташкилотида» сўзлари «Таълим ташкилотида» сўзлари билан алмаштирилсин;
4-банднинг иккинчи хатбошисидаги «олий таълим ташкилотига» ва «олий таълим ташкилотида» сўзлари тегишинча «таълим ташкилотига» ва «таълим ташкилотида» сўзлари билан алмаштирилсин;
12-бандидаги «олий» сўзи чиқариб ташлансин;
13-бандидаги «Олий таълим ташкилотлари» сўзлари «Таълим ташкилотлари» сўзлари билан алмаштирилсин;
18-бандининг «б» кичик банди , 21-бандининг биринчи хатбошиси ва 23-бандидаги «олий» сўзи чиқариб ташлансин;
24-бандида :
биринчи хатбошидаги «олий таълим ташкилотларига» сўзлари «таълим ташкилотларига» сўзлари билан алмаштирилсин;
иккинчи — бешинчи хатбошилар чиқариб ташлансин;
олтинчи хатбоши иккинчи хатбоши деб ҳисоблансин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 18 июль,
ПҚ-323-сон
Oʻzbekiston Respublikasi Prezidentining
Qarori
Oliy va professional taʼlim tashkilotlarida xotin-qizlarning taʼlim olishlarini qoʻllab-quvvatlashga doir chora-tadbirlar toʻgʻrisida
Taʼlim tashkilotlarida tahsil olish istagidagi xotin-qizlar uchun yanada qulay shart-sharoitlar yaratish, ularning ilmiy salohiyati va malakasini tizimli oshirib borishni qoʻllab-quvvatlash maqsadida:
1. Oʻzbekiston Respublikasi Prezidentining 2022-yil 7-martdagi “Oila va xotin-qizlarni tizimli qoʻllab-quvvatlashga doir ishlarni yanada jadallashtirish chora-tadbirlari toʻgʻrisida”gi PF-87-son Farmoniga muvofiq, 2022/2023 oʻquv yilidan boshlab respublikadagi barcha xususiy, xorijiy va davlat oliy va professional taʼlim tashkilotlarida kunduzgi taʼlim shaklida xotin-qizlarning toʻlov-kontrakt asosida tahsil olishi uchun imtiyozli shartlarda taʼlim kreditlarini moliyalashtirish maqsadida tijorat banklariga Davlat budjetidan mablagʻ ajratishning yangi tizimi joriy etilganligi maʼlumot uchun qabul qilinsin.
Belgilansinki:
tijorat banklari Iqtisodiyot va moliya vazirligi tomonidan joylashtiriladigan depozit mablagʻlari hisobidan taʼlim kreditlarini 14 foiz stavkada ajratadi;
taʼlim kreditining asosiy qismi talabaning rasmiy oʻqish muddati tugagandan soʻng yettinchi oydan boshlab 7 yil davomida qaytariladi;
taʼlim krediti boʻyicha foiz stavkalarini soʻndirish Iqtisodiyot va moliya vazirligi huzuridagi Taʼlim kreditini moliyalashtirish jamgʻarmasi (keyingi oʻrinlarda — Jamgʻarma) mablagʻlari hisobidan, ularni tijorat banklariga toʻlash orqali amalga oshiriladi;
taʼlim kreditini rasmiylashtirishda va uning qaytarilishida talabaning doimiy daromad manbaiga ega boʻlgan oila aʼzolari va boshqa uchinchi shaxs birgalikda qarz oluvchi sifatida qatnashishiga ruxsat etiladi;
Ijtimoiy reyestrga kiritilgan oilalarning xotin-qizlariga ajratiladigan taʼlim kreditlari uchun garov va kafilliklar talab etilmaydi.
1 1 . 2024/2025 oʻquv yilidan boshlab taʼlim krediti ikkinchi va undan yuqori bosqich talabalari uchun fanlarni oʻzlashtirishning oʻrtacha koʻrsatkichi (grade point average):
“3” dan past boʻlgan taqdirda, toʻlov-kontrakt summasining koʻpi bilan 80 foizi miqdorida ajratiladi, bunda kredit toʻlov-kontrakt summasining dastlabki 20 foizi talaba tomonidan toʻlangandan keyin ajratiladi;
“3” va undan yuqori boʻlgan taqdirda va (yoki) Ijtimoiy reyestrga kiritilgan oilalarning taʼlim olayotgan aʼzolari uchun taʼlim krediti toʻlov-kontrakt summasi miqdorida ajratiladi.
Bunda:
a) joriy oʻquv yili uchun taʼlim kreditini olmoqchi boʻlgan talabaning fanlarni oʻzlashtirishining oʻrtacha koʻrsatkichi (grade point average) avvalgi oʻquv yili yakuni boʻyicha “Oliy taʼlim jarayonlarini boshqarish” (HEMIS) axborot tizimidan olinadi;
b) talabaning fanlarni oʻzlashtirishining oʻrtacha koʻrsatkichi (grade point average) va tegishli maʼlumotlari “Oliy taʼlim jarayonlarini boshqarish” (HEMIS) axborot tizimida, toʻlov-kontrakt toʻgʻrisidagi maʼlumotlari esa “Talabalarga shartnoma asosida koʻrsatiladigan xizmatlar hisobini yuritish” (kontrakt.edu.uz) axborot tizimi orqali avtomatik tarzda shakllantiriladi;
v) nodavlat va xorijiy oliy taʼlim tashkilotlari talabalarining toʻlov-kontrakt toʻgʻrisidagi maʼlumotlari ularning oʻz axborot tizimlarini “Talabalarga shartnoma asosida koʻrsatiladigan xizmatlar hisobini yuritish” (kontrakt.edu.uz) axborot tizimiga integratsiya qilish yoki mazkur axborot tizimidan foydalanish orqali shakllantiriladi.
2. Belgilab qoʻyilsinki:
Jamgʻarma mablagʻlari hisobidan tijorat banklarining soʻrovlariga asosan kelgusida 14 foiz stavkada taʼlim krediti ajratish uchun ularga 10 foiz stavkada depozit mablagʻlari joylashtiriladi;
Jamgʻarma tomonidan taʼlim kreditlari uchun tijorat banklariga zarur mablagʻlar ajratilishini taʼminlash va nazorat qilish maqsadida Jamgʻarmaga 1 ta Maktabgacha taʼlim vazirligi shtat birliklarini maqbullashtirish hisobidan va 1 ta Moliya vazirligining umumiy shtat birliklari doirasida jami 2 ta shtat birligi ajratiladi.
3. Vazirlar Mahkamasi bir oy muddatda Moliya vazirligi huzuridagi Taʼlim kreditini moliyalashtirish jamgʻarmasi hisobidan oliy va professional taʼlim tashkilotlarida xotin-qizlarning toʻlov-kontrakt asosida oʻqishi uchun taʼlim kreditlarini ajratish tartibi toʻgʻrisidagi nizomni tasdiqlasin.
4. Iqtisodiyot va moliya vazirligi Jamgʻarmaga 2022-yilda mablagʻlarning Davlat budjeti va davlat maqsadli jamgʻarmalari mablagʻlari, budjetni qoʻllab-quvvatlash uchun jalb qilinadigan xalqaro moliya institutlari va xorijiy hukumat moliya tashkilotlarining kreditlari, suveren xalqaro obligatsiyalarni chiqarish va qonunchilik hujjatlari bilan taqiqlanmagan boshqa manbalar hisobidan ajratilishini, 2023-yildan boshlab esa Davlat budjeti parametrlarida nazarda tutilishini taʼminlasin.
5. Oʻzbekiston Respublikasi Prezidentining hamda Oʻzbekiston Respublikasi Hukumatining ayrim hujjatlariga ilovaga muvofiq oʻzgartirish va qoʻshimchalar kiritilsin.
6. Oliy va oʻrta maxsus taʼlim vazirligi manfaatdor vazirlik va idoralar bilan birgalikda bir oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
7. Mazkur qaror ijrosini samarali tashkil qilishga masʼul va shaxsiy javobgar etib oliy va oʻrta maxsus taʼlim vaziri A.X. Toshkulov hamda moliya vaziri T.A. Ishmetov belgilansin.
Qaror ijrosini nazorat qilish va ijro uchun masʼul tashkilotlar faoliyatini muvofiqlashtirish Bosh vazir oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidentining 2022-yil 18-iyuldagi PQ-323-son qaroriga ILOVA
Oʻzbekiston Respublikasi Prezidentining hamda Oʻzbekiston Respublikasi Hukumatining ayrim hujjatlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2021-yil 4-maydagi “Fuqarolarga davlat pensiyalarini tayinlash jarayonini soddalashtirish hamda pensiya va nafaqalarni yetkazish tizimini yanada takomillashtirish chora-tadbirlari toʻgʻrisida”gi PQ-5102-son qarorida :
a) 1-band “b” kichik bandining birinchi xatboshisidagi “2022-yil 1-iyuldan” soʻzlari “2023-yil 1-yanvardan” soʻzlari bilan almashtirilsin;
b) 1-ilovaning 28-pozitsiyasi “Amalga oshirish muddatlari” ustunidagi “2022-yil iyul” soʻzlari “2023-yil yanvar” soʻzlari bilan almashtirilsin.
2. Oʻzbekiston Respublikasi Prezidentining 2021-yil 30-iyuldagi “Oliy taʼlim tashkilotlarida taʼlim olish imkoniyatlarini yanada kengaytirish chora-tadbirlari toʻgʻrisida”gi PQ-5203-son qarorida :
a) qaror nomlanishi va muqaddimasidagi “Oliy taʼlim” soʻzlari “Oliy, oʻrta maxsus va professional taʼlim” soʻzlari bilan almashtirilsin;
b) 1-bandida :
birinchi xatboshi quyidagi tahrirda bayon etilsin:
“1. 2021/2022 oʻquv yilidan boshlab respublikadagi barcha oliy, oʻrta maxsus va professional taʼlim tashkilotlari bakalavr hamda magistraturaning kunduzgi, sirtqi va kechki taʼlim shaklida toʻlov-kontrakt asosida tahsil olish uchun taʼlim krediti ajratishning yangi tizimi yoʻlga qoʻyilsin”;
beshinchi xatboshi “oila aʼzolari” soʻzlaridan keyin “va boshqa uchinchi shaxslar” soʻzlari bilan toʻldirilsin.
3. Vazirlar Mahkamasining 2021-yil 18-avgustdagi “Oliy taʼlim tashkilotlarida toʻlov-kontrakt asosida oʻqish uchun taʼlim kreditlari ajratishni tartibga solish chora-tadbirlari toʻgʻrisida”gi 527-son qarorida :
a) qaror nomlanishi , muqaddimasi hamda 1-bandi birinchi va ikkinchi xatboshilaridagi “oliy taʼlim” soʻzlari “oliy, oʻrta maxsus va professional taʼlim” soʻzlari bilan almashtirilsin;
b) 2-bandida :
birinchi xatboshidagi “oliy” soʻzidan keyin “, oʻrta maxsus va professional” soʻzlari bilan toʻldirilsin;
uchinchi xatboshi quyidagi tahrirda bayon etilsin:
“respublikadagi oliy, oʻrta maxsus va professional taʼlim muassasalari, shu jumladan xususiy va xorijiy oliy, oʻrta maxsus va professional taʼlim tashkilotlari hamda ularning filiallari talabalariga kontrakt toʻlovlari uchun kredit ajratish”;
v) 1-ilovada :
nizomning nomidagi “oliy” soʻzidan keyin “, oʻrta maxsus va professional” soʻzlari bilan toʻldirilsin;
1-bandining birinchi xatboshisi quyidagi tahrirda bayon etilsin:
“1. Mazkur Nizom Oʻzbekiston Respublikasida faoliyat koʻrsatayotgan taʼlim muddati bir yil va undan ortiqni tashkil etuvchi barcha oliy, oʻrta maxsus va professional taʼlim tashkilotlari (davlat, nodavlat oliy, oʻrta maxsus va professional taʼlim tashkilotlari, Oʻzbekiston Respublikasi hududidagi xorijiy oliy, oʻrta maxsus va professional taʼlim tashkilotlari va ularning filiallari)da (keyingi oʻrinlarda — taʼlim tashkiloti) va qoʻshma taʼlim dasturlari boʻyicha bakalavr hamda magistraturaning kunduzgi, sirtqi va kechki taʼlim shaklida toʻlov-kontrakt asosida tahsil olish uchun Oʻzbekiston Respublikasi fuqarolariga Moliya vazirligi huzuridagi Taʼlim kreditini moliyalashtirish jamgʻarmasi (keyingi oʻrinlarda — Jamgʻarma) mablagʻlari hisobidan taʼlim kreditlarini (keyingi oʻrinlarda — taʼlim kreditlari) ajratish va ularni qaytarish tartibini belgilaydi”;
3-bandining :
birinchi xatboshi quyidagi tahrirda bayon etilsin:
“3. Taʼlim kreditlari tijorat banklari tomonidan taʼlim tashkilotlari bakalavr hamda magistraturaning kunduzgi, sirtqi va kechki taʼlim shaklida toʻlov-kontrakt asosida oʻqishga tavsiya etilgan yoki qabul qilingan, shuningdek oʻqishini koʻchirgan Oʻzbekiston Respublikasi fuqarosi boʻlgan talabalarga (keyingi oʻrinlarda — kredit oluvchi) beriladi”;
ikkinchi xatboshidagi “vasiylari” soʻzi “boshqa uchinchi shaxslar” soʻzlari bilan almashtirilsin;
uchinchi xatboshidagi “Oliy taʼlim tashkilotida” soʻzlari “Taʼlim tashkilotida” soʻzlari bilan almashtirilsin;
4-bandning ikkinchi xatboshisidagi “oliy taʼlim tashkilotiga” va “oliy taʼlim tashkilotida” soʻzlari tegishincha “taʼlim tashkilotiga” va “taʼlim tashkilotida” soʻzlari bilan almashtirilsin;
12-bandidagi “oliy” soʻzi chiqarib tashlansin;
13-bandidagi “Oliy taʼlim tashkilotlari” soʻzlari “Taʼlim tashkilotlari” soʻzlari bilan almashtirilsin;
18-bandining “b” kichik bandi , 21-bandining birinchi xatboshisi va 23-bandidagi “oliy” soʻzi chiqarib tashlansin;
24-bandida :
birinchi xatboshidagi “oliy taʼlim tashkilotlariga” soʻzlari “taʼlim tashkilotlariga” soʻzlari bilan almashtirilsin;
ikkinchi — beshinchi xatboshilar chiqarib tashlansin;
oltinchi xatboshi ikkinchi xatboshi deb hisoblansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 18-iyul,
PQ-323-son
Президента Республики Узбекистан
Постановление
О мерах по поддержке обучения женщин в высших и профессиональных образовательных учреждениях
В целях создания наиболее благоприятных условий для женщин, желающих учиться в образовательных учреждениях, а также поддержки системного повышения их научного потенциала и квалификации:
1. Принять к сведению, что в соответствии с Указом Президента Республики Узбекистан от 7 марта 2022 года № УП-87 «О мерах по дальнейшему ускорению работы по системной поддержке семьи и женщин» с 2022/2023 учебного года внедрена система выделения средств Государственного бюджета коммерческим банкам в целях финансирования на льготных условиях образовательных кредитов для обучения женщин во всех частных, зарубежных, государственных высших и профессиональных образовательных учреждениях в республике по дневной формам образования на платно-контрактной основе.
Установить, что:
коммерческие банки предоставляют образовательные кредиты по ставке 14 процентов за счет депозитных средств, размещаемых Министерством экономики и финансов;
основная часть образовательного кредита погашается в течение 7 лет, начиная с седьмого месяца после официального окончания срока обучения студента;
погашение процентных ставок по образовательным кредитам производится за счет средств Фонда по финансированию образовательных кредитов при Министерстве экономики и финансов (далее — Фонд) путем оплаты в коммерческих банках;
при оформлении и погашении образовательного кредита разрешается участие членов семьи студента и других третьих лиц, имеющих постоянный доход, в качестве созаемщиков;
для выделения образовательных кредитов женщинам из семей, включенных в Социальный реестр, залог и поручительство не требуются.
1 1 . Образовательный кредит начиная с 2024/2025 учебного года выделяется студентам второго и старшего курса по среднему показателю усвоения дисциплин (grade point average):
при показателе ниже «3» — в размере не более 80 процентов суммы платного контракта, при этом кредит выделяется после оплаты студентом первоначальных 20 процентов суммы платного контракта;
при показателе успеваемости «3» и выше и (или) обучающимся членам семей, включенных в Социальный реестр, кредит выделяется в размере суммы платного контракта.
При этом:
а) средний показатель усвоения дисциплин (grade point average) студента, желающего получить образовательный кредит на текущий учебный год, получается из информационной системы «Управление процессами высшего образования» (НEMIS) по итогам предыдущего учебного года;
б) средний показатель усвоения дисциплин (grade point average) студента и соответствующие сведения формируются в информационной системе «Управление процессами высшего образования» (НEMIS), сведения о платном контракте — посредством информационной системы «Учет оказываемых услуг студентам на договорной основе» (kontrakt.edu.uz) в автоматическом порядке;
в) сведения о платном контракте студентов негосударственных и зарубежных высших образовательных организаций формируются посредством интеграции их информационных систем с информационной системой «Учет оказываемых услуг студентам на договорной основе» (kontrakt.edu.uz) или использования данной информационной системы.
2. Определить, что:
Фонд по заявкам коммерческих банков размещает в них средства по ставке 10 процентов для последующего выделения образовательных кредитов по ставке 14 процентов;
в целях обеспечения выделения Фондом средств, необходимых для образовательных кредитов, коммерческим банкам, а также осуществления контроля Фонду выделяются всего 2 штатные единицы за счет оптимизации одной штатной единицы Министерства дошкольного образования и одной штатной единицы в пределах штатных единиц Министерства финансов.
3. Кабинету Министров в месячный срок утвердить Положение о порядке выделения образовательных кредитов для обучения женщин в высших и профессиональных образовательных организациях на платно-контрактной основе за счет средств Фонда по финансированию образовательных кредитов при Министерстве финансов.
4. Министерству экономики и финансов обеспечить выделение в 2022 году Фонду средств за счет Государственного бюджета и государственных целевых фондов, кредитов международных финансовых институтов и зарубежных правительственных организаций, привлекаемых для поддержки бюджета, выпуска суверенных международных облигаций и иных источников, не запрещенных актами законодательства, с 2023 года — предусмотреть в параметрах Государственного бюджета.
5. Внести изменения и дополнения в некоторые решения Президента Республики Узбекистан и Правительства Республики Узбекистан согласно приложению .
6. Министерству высшего и среднего специального образования совместно с заинтересованными министерствами и ведомствами в месячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
7. Возложить на министра высшего и среднего специального образования А.Х. Тошкулова и министра финансов Т.А. Ишметова персональную ответственность за эффективную организацию исполнения настоящего постановления.
Осуществление контроля за исполнением настоящего постановления и координации деятельности организаций, ответственных за его исполнение, возложить на заместителя Премьер-министра Д.А. Кучкарова.
ПРИЛОЖЕНИЕ к постановлению Президента Республики Узбекистан от 18 июля 2022 года № ПП-323
Изменения и дополнения, вносимые в некоторые решения Президента Республики Узбекистан и Правительства Республики Узбекистан
1. В постановлении Президента Республики Узбекистан от 4 мая 2021 года № ПП-5102 «О мерах по дальнейшему упрощению процесса назначения государственных пенсий и совершенствованию системы доставки пенсий и пособий гражданам»:
а) в абзаце первом подпункта «б» пункта 1 слова «начиная с 1 июля 2022 года» заменить словами «начиная с 1 января 2023 года»;
б) в графе «Сроки реализации» позиции 28 приложения № 1 слова «июль 2022 года» заменить словами «январь 2023 года».
2. В постановлении Президента Республики Узбекистан от 30 июля 2021 года № ПП-5203 «О мерах по дальнейшему расширению доступа к образованию в высших образовательных организациях»:
а) в наименовании и преамбуле постановления слова «высших образовательных организациях» заменить словами «высших, средних специальных и профессиональных образовательных организациях»;
б) в пункте 1 :
абзац первый изложить в следующей редакции:
«1. Внедрить начиная с 2021/2022 учебного года новую систему выделения образовательных кредитов для обучения по дневной, заочной и вечерней форме образования в бакалавриате и магистратуре во всех высших, средних специальных и профессиональных образовательных организациях республики на платно-контрактной основе»;
абзац пятый после слов «членов семьи студента» добавить слова «и других третьих лиц».
3. В тексте на государственном языке постановления Кабинета Министров от 18 августа 2021 года № 527 «О мерах по регулированию предоставления образовательных кредитов на оплату обучения в высших образовательных учреждениях»:
а) в наименовании и преамбуле , а также абзацах первом и втором пункта 1 постановления слова «олий таълим» заменить словами «олий, ўрта махсус ва профессионал таълим»;
б) в пункте 2 :
в абзаце первом после слова «олий» дополнить словами «, ўрта махсус ва профессионал»;
абзац третий изложить в следующей редакции:
«республикадаги олий, ўрта махсус ва профессионал таълим муассасалари, шу жумладан хусусий ва хорижий олий, ўрта махсус ва профессионал таълим ташкилотлари ҳамда уларнинг филиаллари талабаларига контракт тўловлари учун кредит ажратиш»;
в) в приложении № 1 :
в наименовании положения после слова «олий» дополнить словами «, ўрта махсус ва профессионал»;
абзац первый пункта 1 изложить в следующей редакции:
«1. Мазкур Низом Ўзбекистон Республикасида фаолият кўрсатаётган таълим муддати бир йил ва ундан ортиқни ташкил этувчи барча олий, ўрта махсус ва профессионал таълим ташкилотлари (давлат, нодавлат олий, ўрта махсус ва профессионал таълим ташкилотлари, Ўзбекистон Республикаси ҳудудидаги хорижий олий, ўрта махсус ва профессионал таълим ташкилотлари ва уларнинг филиаллари)да (кейинги ўринларда — таълим ташкилоти) ва қўшма таълим дастурлари бўйича бакалавр ҳамда магистратуранинг кундузги, сиртқи ва кечки таълим шаклида тўлов-контракт асосида таҳсил олиш учун Ўзбекистон Республикаси фуқароларига Молия вазирлиги ҳузуридаги Таълим кредитини молиялаштириш жамғармаси (кейинги ўринларда — Жамғарма) маблағлари ҳисобидан таълим кредитларини (кейинги ўринларда — таълим кредитлари) ажратиш ва уларни қайтариш тартибини белгилайди»;
в пункте 3 :
абзац первый изложить в следующей редакции:
«3. Таълим кредитлари тижорат банклари томонидан таълим ташкилотлари бакалавр ҳамда магистратуранинг кундузги, сиртқи ва кечки таълим шаклида тўлов-контракт асосида ўқишга тавсия этилган ёки қабул қилинган, шунингдек ўқишини кўчирган Ўзбекистон Республикаси фуқароси бўлган талабаларга (кейинги ўринларда — кредит олувчи) берилади»;
в абзаце втором слово «васийлари» заменить словами «бошқа учинчи шахслар»;
в абзаце третьем слова «Олий таълим ташкилотида» заменить словами «Таълим ташкилотида»;
в абзаце втором пункта 4 слова «олий таълим ташкилотига» и «олий таълим ташкилотида» заменить словами «таълим ташкилотига» и «таълим ташкилотида» соответственно;
из пункта 12 слово «олий» исключить;
в пункте 13 слова «Олий таълим ташкилотлари» заменить совами «Таълим ташкилотлари»;
из подпункта «б» пункта 18, абзаца первого пункта 21 и пункта 23 слово «олий» исключить;
в пункте 24 :
в абзаце первом слова «олий таълим ташкилотларига» заменить словами «таълим ташкилотларига»;
абзацы второй — пятый исключить;
абзац шестой считать абзацем вторым.
Президент Республики Узбекистан Ш. МИРЗИЁЕВ
г. Ташкент,
18 июля 2022 г.,
№ ПП-323