📅 2022-yil 22-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 22 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 22 июля 2022 г. · Постановления Президента
Официальный текст. Официальный документ. Редакционные примечания не включены.
📅 22 July 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Хотин-қизларни касб-ҳунар ва тадбиркорликка ўқитиш тизимини такомиллаштиришга доир қўшимча чора-тадбирлар тўғрисида
Мамлакатимизда хотин-қизларнинг ижтимоий-иқтисодий аҳволини яхшилаш, уларнинг тадбиркорлик фаоллигини ошириш, касбга ўқитиш ва бандлигини таъминлаш, тадбиркор аёлларнинг иқтисодиётни ривожлантиришдаги ролини янада ошириш, шунингдек, Ўзбекистон Республикаси Президентининг 2022 йил 7 мартдаги «Оила ва хотин-қизларни тизимли қўллаб-қувватлашга доир ишларни янада жадаллаштириш чора-тадбирлари тўғрисида»ги ПФ-87-сон Фармони ижросини таъминлаш мақсадида:
1. Шундай тартиб ўрнатилсинки, унга мувофиқ:
Ёшлар ва хотин-қизларни касб-ҳунар ҳамда тадбиркорликка ўқитиш дастурларида иштирок этувчи нодавлат таълим ташкилотларининг электрон реестрига киритилган нодавлат таълим ташкилотлари (кейинги ўринларда — нодавлат таълим ташкилотлари), профессионал таълим муассасалари ҳамда Бизнес ва тадбиркорлик олий мактабининг (кейинги ўринларда — Олий мактаб) касб-ҳунарга ўргатувчи ўқув курсларига йўналтирилган ёшлар ва хотин-қизлар учун Маҳаллабай ишлаш ва тадбиркорликни ривожлантириш агентлигининг ҳудудий бошқармалари томонидан уч томонлама шартнома асосида ўқув курслари қийматининг 70 фоизи, бироқ 1 млн сўмдан ошмаган қисми компенсация қилиб берилади;
уч томонлама шартнома фуқаро, Маҳаллабай ишлаш ва тадбиркорликни ривожлантириш агентлигининг ҳудудий бошқармалари ва мазкур бандда кўрсатилган таълим ташкилотлари ўртасида маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича туман (шаҳар) ҳокимининг ёрдамчилари (кейинги ўринларда — ҳоким ёрдамчилари) тавсиясига кўра тузилади;
«Аёллар дафтари», «Ёшлар дафтари» ва «Темир дафтар»га киритилган ёшлар ва хотин-қизларни Олий мактаб томонидан ўқитиш ишлари тўлиқ бепул амалга оширилади;
нодавлат таълим ташкилотлари, профессионал таълим муассасалари ҳамда Олий мактабнинг касб-ҳунар йўналиши бўйича ўқув курсларини якунлаган ишсиз хотин-қизлар Бандлик ва меҳнат муносабатлари вазирлиги томонидан мавжуд бўш иш ўринларига жойлаштирилади;
тадбиркорлик йўналиши бўйича ўқув курсларини якунлаган хотин-қизларга тадбиркорлик субъекти сифатида давлат рўйхатидан ўтишидан бошлаб, ўз фаолиятини мустақил олиб боришига қадар бўлган жараёнда ҳоким ёрдамчилари томонидан тизимли равишда амалий ёрдам кўрсатиб борилади.
2. Белгилансинки, Маҳаллабай ишлаш ва тадбиркорликни ривожлантириш агентлиги ҳузуридаги Аҳолини тадбиркорликка жалб қилиш жамғармаси томонидан меҳнатга лаёқатли, ногиронлиги бўлган хотин-қизларни иш билан таъминлаган иш берувчилар учун 6 ой давомида ҳар ойда базавий ҳисоблаш миқдорининг 2 бараваридан кам бўлмаган миқдорда субсидия ажратилади.
Иқтисодий тараққиёт ва камбағалликни қисқартириш вазирлиги икки ой муддатда меҳнатга лаёқатли, ногиронлиги бўлган хотин-қизларни иш билан таъминлаган иш берувчилар учун субсидиялар ажратиш тартибини назарда тутувчи Ҳукумат қарори лойиҳасини Вазирлар Маҳкамасига киритсин.
3. Шундай тартиб ўрнатилсинки, унга мувофиқ «Аёллар дафтари», «Ёшлар дафтари» ва «Темир дафтар»га киритилган фуқаролар, биринчи навбатда, хотин-қизларга ҳоким ёрдамчиси тавсияси асосида маҳаллий давлат ҳокимияти органларининг «Саховат ва кўмак» жамғармаси ҳисобидан нодавлат таълим ташкилотлари ва профессионал таълим муассасаларининг ўқув курси қийматининг қолган 30 фоиз қисми Маҳаллабай ишлаш ва тадбиркорликни ривожлантириш агентлиги ҳудудий бошқармаси, маҳаллий ижро этувчи ҳокимият органи, тегишлилиги бўйича нодавлат таълим ташкилотлари ёки профессионал таълим муассасалари ва фуқаро ўртасида шартномага мувофиқ олдиндан тўлаш орқали қоплаб берилади.
4. Маҳаллабай ишлаш ва тадбиркорликни ривожлантириш агентлиги Бандлик ва меҳнат муносабатлари вазирлиги, Оила ва хотин-қизлар давлат қўмитаси, Савдо-саноат палатаси ҳамда Олий мактаб билан биргаликда бир ой муддатда:
ҳар бир маҳалла кесимида ишсиз деб эътироф этилган ва ишлаш ёки тадбиркорлик қилиш истагини билдирган хотин-қизларнинг бирламчи рўйхатини шакллантирсин;
Бандлик ва меҳнат муносабатлари вазирлиги ҳузуридаги «Ишга марҳамат» мономарказлари, Олий мактабининг ҳудудий филиаллари, Савдо-саноат палатасида шакллантирилган рўйхатларга киритилган хотин-қизларнинг касб-ҳунарга («Ягона миллий меҳнат тизими» идоралараро дастурий-аппарат комплекси электрон ахборот тизимида мавжуд бўш иш ўринларидан келиб чиққан ҳолда) ва тадбиркорликка ўқитилишини таъминласин;
ҳоким ёрдамчилари тавсиясига асосан касб-ҳунар йўналишлари бўйича курсларни тугатган хотин-қизларнинг бандлигини таъминлаш борасида «Онлайн маҳалла» платформасини Бандлик ва меҳнат муносабатлари вазирлигининг «Mehnat.uz» платформасига интеграция қилиш орқали уларни мавжуд бўш иш ўринларига йўналтирсин.
5. Оила ва хотин-қизлар давлат қўмитаси манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
6. Мазкур қарорнинг ижросини самарали ташкил қилишга масъул ва шахсий жавобгар этиб Маҳаллабай ишлаш ва тадбиркорликни ривожлантириш агентлиги директори М.М. Убайдуллаев белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазирининг ўринбосарлари Ж.А. Қўчқоров ва З.Б. Махкамова зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 22 июль,
ПҚ-329-сон
Oʻzbekiston Respublikasi Prezidentining
Qarori
Xotin-qizlarni kasb-hunar va tadbirkorlikka oʻqitish tizimini takomillashtirishga doir qoʻshimcha chora-tadbirlar toʻgʻrisida
Mamlakatimizda xotin-qizlarning ijtimoiy-iqtisodiy ahvolini yaxshilash, ularning tadbirkorlik faolligini oshirish, kasbga oʻqitish va bandligini taʼminlash, tadbirkor ayollarning iqtisodiyotni rivojlantirishdagi rolini yanada oshirish, shuningdek, Oʻzbekiston Respublikasi Prezidentining 2022-yil 7-martdagi “Oila va xotin-qizlarni tizimli qoʻllab-quvvatlashga doir ishlarni yanada jadallashtirish chora-tadbirlari toʻgʻrisida”gi PF-87-son Farmoni ijrosini taʼminlash maqsadida:
1. Shunday tartib oʻrnatilsinki, unga muvofiq:
Yoshlar va xotin-qizlarni kasb-hunar hamda tadbirkorlikka oʻqitish dasturlarida ishtirok etuvchi nodavlat taʼlim tashkilotlarining elektron reyestriga kiritilgan nodavlat taʼlim tashkilotlari (keyingi oʻrinlarda — nodavlat taʼlim tashkilotlari), professional taʼlim muassasalari hamda Biznes va tadbirkorlik oliy maktabining (keyingi oʻrinlarda — Oliy maktab) kasb-hunarga oʻrgatuvchi oʻquv kurslariga yoʻnaltirilgan yoshlar va xotin-qizlar uchun Mahallabay ishlash va tadbirkorlikni rivojlantirish agentligining hududiy boshqarmalari tomonidan uch tomonlama shartnoma asosida oʻquv kurslari qiymatining 70 foizi, biroq 1 mln soʻmdan oshmagan qismi kompensatsiya qilib beriladi;
uch tomonlama shartnoma fuqaro, Mahallabay ishlash va tadbirkorlikni rivojlantirish agentligining hududiy boshqarmalari va mazkur bandda koʻrsatilgan taʼlim tashkilotlari oʻrtasida mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimining yordamchilari (keyingi oʻrinlarda — hokim yordamchilari) tavsiyasiga koʻra tuziladi;
“Ayollar daftari”, “Yoshlar daftari” va “Temir daftar”ga kiritilgan yoshlar va xotin-qizlarni Oliy maktab tomonidan oʻqitish ishlari toʻliq bepul amalga oshiriladi;
nodavlat taʼlim tashkilotlari, professional taʼlim muassasalari hamda Oliy maktabning kasb-hunar yoʻnalishi boʻyicha oʻquv kurslarini yakunlagan ishsiz xotin-qizlar Bandlik va mehnat munosabatlari vazirligi tomonidan mavjud boʻsh ish oʻrinlariga joylashtiriladi;
tadbirkorlik yoʻnalishi boʻyicha oʻquv kurslarini yakunlagan xotin-qizlarga tadbirkorlik subyekti sifatida davlat roʻyxatidan oʻtishidan boshlab, oʻz faoliyatini mustaqil olib borishiga qadar boʻlgan jarayonda hokim yordamchilari tomonidan tizimli ravishda amaliy yordam koʻrsatib boriladi.
2. Belgilansinki, Mahallabay ishlash va tadbirkorlikni rivojlantirish agentligi huzuridagi Aholini tadbirkorlikka jalb qilish jamgʻarmasi tomonidan mehnatga layoqatli, nogironligi boʻlgan xotin-qizlarni ish bilan taʼminlagan ish beruvchilar uchun 6 oy davomida har oyda bazaviy hisoblash miqdorining 2 baravaridan kam boʻlmagan miqdorda subsidiya ajratiladi.
Iqtisodiy taraqqiyot va kambagʻallikni qisqartirish vazirligi ikki oy muddatda mehnatga layoqatli, nogironligi boʻlgan xotin-qizlarni ish bilan taʼminlagan ish beruvchilar uchun subsidiyalar ajratish tartibini nazarda tutuvchi Hukumat qarori loyihasini Vazirlar Mahkamasiga kiritsin.
3. Shunday tartib oʻrnatilsinki, unga muvofiq “Ayollar daftari”, “Yoshlar daftari” va “Temir daftar”ga kiritilgan fuqarolar, birinchi navbatda, xotin-qizlarga hokim yordamchisi tavsiyasi asosida mahalliy davlat hokimiyati organlarining “Saxovat va koʻmak” jamgʻarmasi hisobidan nodavlat taʼlim tashkilotlari va professional taʼlim muassasalarining oʻquv kursi qiymatining qolgan 30 foiz qismi Mahallabay ishlash va tadbirkorlikni rivojlantirish agentligi hududiy boshqarmasi, mahalliy ijro etuvchi hokimiyat organi, tegishliligi boʻyicha nodavlat taʼlim tashkilotlari yoki professional taʼlim muassasalari va fuqaro oʻrtasida shartnomaga muvofiq oldindan toʻlash orqali qoplab beriladi.
4. Mahallabay ishlash va tadbirkorlikni rivojlantirish agentligi Bandlik va mehnat munosabatlari vazirligi, Oila va xotin-qizlar davlat qoʻmitasi, Savdo-sanoat palatasi hamda Oliy maktab bilan birgalikda bir oy muddatda:
har bir mahalla kesimida ishsiz deb eʼtirof etilgan va ishlash yoki tadbirkorlik qilish istagini bildirgan xotin-qizlarning birlamchi roʻyxatini shakllantirsin;
Bandlik va mehnat munosabatlari vazirligi huzuridagi “Ishga marhamat” monomarkazlari, Oliy maktabining hududiy filiallari, Savdo-sanoat palatasida shakllantirilgan roʻyxatlarga kiritilgan xotin-qizlarning kasb-hunarga (“Yagona milliy mehnat tizimi” idoralararo dasturiy-apparat kompleksi elektron axborot tizimida mavjud boʻsh ish oʻrinlaridan kelib chiqqan holda) va tadbirkorlikka oʻqitilishini taʼminlasin;
hokim yordamchilari tavsiyasiga asosan kasb-hunar yoʻnalishlari boʻyicha kurslarni tugatgan xotin-qizlarning bandligini taʼminlash borasida “Onlayn mahalla” platformasini Bandlik va mehnat munosabatlari vazirligining “Mehnat.uz” platformasiga integratsiya qilish orqali ularni mavjud boʻsh ish oʻrinlariga yoʻnaltirsin.
5. Oila va xotin-qizlar davlat qoʻmitasi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
6. Mazkur qarorning ijrosini samarali tashkil qilishga masʼul va shaxsiy javobgar etib Mahallabay ishlash va tadbirkorlikni rivojlantirish agentligi direktori M.M. Ubaydullayev belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vazirining oʻrinbosarlari J.A. Qoʻchqorov va Z.B. Maxkamova zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 22-iyul,
PQ-329-son
Президента Республики Узбекистан
Постановление
О дополнительных мерах по совершенствованию системы обучения женщин профессиям и предпринимательству
В целях улучшения социально-экономического положения женщин в стране, повышения их предпринимательской активности, обучения профессиям и обеспечения занятости, дальнейшего повышения роли деловых женщин в развитии экономики, а также обеспечения исполнения Указа Президента Республики Узбекистан от 7 марта 2022 года № УП-87 «О мерах по дальнейшему ускорению работы по системной поддержке семьи и женщин»:
1. Установить порядок, в соответствии с которым:
территориальными управлениями Агентства по работе махаллабай и развитию предпринимательства на основании трехстороннего договора компенсируются 70 процентов, но не более 1 миллиона сумов от стоимости курсов обучения для молодежи и женщин, направляемых на учебные курсы негосударственных образовательных организаций, включенных в Электронный реестр негосударственных образовательных организаций, принимающих участие в программах обучения молодежи и женщин профессиям и предпринимательству (далее — негосударственные образовательные организации), профессиональных образовательных учреждений а также Высшей школы бизнеса и предпринимательства (далее — Высшая школа);
трехсторонний договор заключается между гражданином, территориальным управлением Агентства по работе махаллабай и развитию предпринимательства и образовательными организациями, указанными в настоящем пункте, по рекомендации помощника хокима района (города) по вопросам развития предпринимательства, обеспечения занятости населения и сокращения бедности в махалле (далее — помощник хокима);
работа по обучению молодежи и женщин, включенных в «Женскую тетрадь», «Молодежную тетрадь» и «Железную тетрадь», проводится Высшей школой полностью на безвозмездной основе;
безработные женщины, окончившие учебные профессиональные курсы негосударственных образовательных организаций, профессиональных образовательных учреждений и Высшей школы, трудоустраиваются на имеющиеся вакантные рабочие места Министерством занятости и трудовых отношений;
помощники хокимов на системной основе оказывают практическую помощь женщинам, окончившим учебные курсы по направлению предпринимательства, начиная от государственной регистрации как субъекта предпринимательства до самостоятельного осуществления деятельности.
2. Определить, что Фондом привлечения населения к предпринимательству при Агентстве по работе махаллабай и развитию предпринимательства ежемесячно в течение шести месяцев выделяется субсидия работодателям, обеспечившим работой трудоспособных женщин с инвалидностью, в размере не менее двукратной базовой расчетной величины.
Министерству экономического развития и сокращения бедности в двухмесячный срок внести в Кабинет Министров проект Правительственного решения, предусматривающий порядок выделения субсидий работодателям, обеспечившим работой трудоспособных женщин с инвалидностью.
3. Установить порядок, в соответствии с которым гражданам, в первую очередь женщинам, включенным в «Женскую тетрадь», «Молодежную тетрадь» и «Железную тетрадь», на основании рекомендации помощников хокимов оставшиеся 30 процентов стоимости обучения на учебных курсах негосударственных образовательных организаций и профессиональных образовательных учреждений покрываются за счет Фонда «Саховат ва кумак» органов государственной власти на местах путем предварительной ее оплаты согласно договору между территориальным управлением Агентства по работе махаллабай и развитию предпринимательства, органом исполнительной власти на местах, негосударственной образовательной организацией или профессиональным образовательным учреждением соответственно и гражданином.
4. Агентству по работе махаллабай и развитию предпринимательства совместно с Министерством занятости и трудовых отношений, Государственным комитетом семьи и женщин, Торгово-промышленной палатой, а также Высшей школой в месячный срок:
сформировать в разрезе каждой махалли предварительные списки женщин, признанных безработными и изъявивших желание работать или заниматься предпринимательством;
обеспечить обучение профессиям (исходя из имеющихся в электронной информационной системе Межведомственного аппаратно-программного комплекса «Единая национальная система труда» вакантных рабочих мест) и предпринимательству женщин, включенных в сформированные списки, в моноцентрах «Ишга мархамат» при Министерстве занятости и трудовых отношений, территориальных филиалах Высшей школы, Торгово-промышленной палате;
в целях обеспечения занятости женщин, окончивших профессиональные курсы, на основании рекомендации помощников хокимов направлять их на имеющиеся вакантные рабочие места посредством интеграции платформ «Онлайн махалла» и «Mehnat.uz» Министерства занятости и трудовых отношений.
5. Государственному комитету семьи и женщин совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
6. Возложить на директора Агентства по работе махаллабай и развитию предпринимательства М.М. Убайдуллаева персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на заместителей Премьер-министра Республики Узбекистан Д.А. Кучкарова и З.Б. Махкамову.
Президент Республики Узбекистан Ш. МИРЗИЁЕВ
г. Ташкент,
22 июля 2022 г.,
№ ПП-329