📅 2022-yil 26-iyul · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 26 июль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 26 июля 2022 г. · Постановления Кабинета Министров
Официальный текст. Официальный документ. Редакционные примечания не включены.
📅 26 July 2022 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Туризм соҳаси субъектлари учун яратилган шарт-шароитларни янада яхшилаш муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида
Республикада туризм соҳасини жадал ривожлантириш, соҳадаги тадбиркорлик субъектлари ўз фаолиятини амалга ошириши учун давлат томонидан қўшимча кўмак бериш бўйича тизимли ишлар амалга оширилмоқда.
Шу билан бирга, яратилган имкониятлардан туризм соҳасининг субъектлари томонидан фойдаланиш кўламини кенгайтириш ва бу орқали аҳоли бандлигини таъминлаш муҳим вазифа бўлиб қолмоқда.
Туризм инфратузилмасини янада ривожлантириш ва ташриф буюрувчилар учун қўшимча қулайликлар яратиш, туризм соҳаси субъектлари томонидан кўрсатилаётган хизматлар сифатини ошириш ва аҳоли бандлигини таъминлаш мақсадида ҳамда Ўзбекистон Республикаси Президентининг « Тадбиркорлик фаолиятини қўллаб-қувватлаш давлат жамғармаси фаолиятини янада такомиллаштиришга доир қўшимча чора-тадбирлар тўғрисида » 2022 йил 9 июндаги ПФ-150-сон ва « Туризм, спорт ва маданий мерос соҳаларида давлат бошқаруви тизимини янада такомиллаштириш чора-тадбирлари тўғрисида » 2021 йил 6 апрелдаги ПФ-6199-сон фармонлари, «Туризм соҳасини санитария-эпидемиологик хавфсизликнинг кучайтирилган режими талабларига қатъий риоя қилган ҳолда ривожлантиришга доир қўшимча чора-тадбирлар тўғрисида» 2020 йил 19 июндаги ПҚ-4755-сон қарорига , шунингдек, Вазирлар Маҳкамасининг «2022 йилда норматив-ҳуқуқий ҳужжатларни коррупцияга қарши экспертизадан ўтказиш чора-тадбирлари тўғрисида» 2022 йил 26 мартдаги 140-сон қарорига мувофиқ, Вазирлар Маҳкамаси қарор қилади:
1. Ўзбекистон Республикаси Ҳукуматининг иловага мувофиқ айрим қарорларига қуйидагиларни назарда тутувчи ўзгартириш ва қўшимчалар киритилсин:
Иқтисодий тараққиёт ва камбағалликни қисқартириш вазирлиги ҳузуридаги Тадбиркорлик фаолиятини қўллаб-қувватлаш жамғармаси маблағлари ҳисобидан оилавий меҳмон уйлари фаолиятини ташкил қилиш бўйича лойиҳаларга ажратилган кредит маблағларининг 30 фоизигача бўлган қисмини қоплаб бериш;
инвесторларга янги меҳмонхона қуриш ва уни жиҳозлаш учун субсидия ажратиш муддатини 2023 йил 31 декабрга қадар узайтириш;
туристик ахборот марказлари фаолиятини ташкил этиш нуқталарини кенгайтириш, уларнинг хизматларидан фойдаланиш учун шарт-шароитларни янада яхшилаш.
2. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — туризм ва маданий мерос вазири А.А. Абдухакимов зиммасига юклансин.
Вазирлар Маҳкамасининг 2022 йил 26 июлдаги 407-сон қарорига ИЛОВА
Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
2. Вазирлар Маҳкамасининг 2019 йил 27 майдаги 433-сон қарори билан тасдиқланган Инвесторларга янги меҳмонхона қуриш ва уни жиҳозлаш учун субсидия ажратиш ҳамда ташкилотларни франчайзинг тўғрисидаги шартнома асосида қисман молиялаштириш учун Давлат бюджетидан маблағ ажратиш тартиби ҳақидаги низомда :
а) 1-банддаги ва 3-банднинг иккинчи хатбошисидаги «2022 йил 1 январга» сўзлари «2023 йил 31 декабрга» сўзлари билан алмаштирилсин;
б) 2-банди қуйидаги мазмундаги тўртинчи хатбоши билан тўлдирилсин:
«янги қурилган меҳмонхона — тасдиқланган лойиҳа асосида капитал бино ва иншоот сифатида қурилган ёки охирги ўн йилда меҳмонхона фондида мавжуд бўлмаган ҳолда қайта қурилган ёхуд қурилиш жараёнида ўзгартирилган лойиҳа бўйича (меҳмонхонани реконструкция ва (ёки) реновация қилиш бундан мустасно) жойлаштириш воситаси сифатида қурилиб янгидан ишга туширилган объект.».
в) 19-банднинг биринчи хатбошисидаги «Туризмни ривожлантириш бўйича мувофиқлаштирувчи кенгаш» сўзлари «Туризм, спорт, маданий мерос, транспорт логистикаси ва хизматлар соҳаларида давлат-хусусий шериклик ҳамда рақамлаштиришни ривожлантириш масалалари бўйича мувофиқлаштирувчи кенгаш» сўзлари билан алмаштирилсин.
3. Вазирлар Маҳкамасининг «Ўзбекистон Республикасида туризм соҳасини тиклаш ва ривожлантириш учун қулай шарт-шароитларни яратиш чора-тадбирлари тўғрисида» 2020 йил 10 июлдаги 433-сон қарорида :
а) Туристик хизматларни сертификатлаштириш ва туристик индустрия объектларини таснифлаш тартиби тўғрисидаги низомда :
2-банднинг бешинчи хатбошисидаги «ўтовли ва чодирли оромгоҳлар» сўзлари чиқариб ташлансин;
6-банд қуйидаги таҳрирда баён этилсин:
«6. Оилавий меҳмон уйлари, хостеллар, ўтовли ва чодирли оромгоҳлар хизматларини сертификатлаштириш соддалаштирилган ҳолда, оилавий меҳмон уйлари, хостеллар, ўтовли ва чодирли оромгоҳларни ўрганиш далолатномаси асосида уларни Оилавий меҳмон уйлари ва хостеллар ягона реестрига киритиш йўли билан амалга оширилади.»
б) Туристик ахборот марказларини ташкил этиш ва фаолиятини йўлга қўйиш тартиби тўғрисидаги низомнинг 27-банди қуйидаги таҳрирда баён этилсин:
«27. Туристик ахборот маркази туристлар учун имкон қадар қулай жойда (шаҳар марказлари, ёдгорликлар атрофи, транспорт бекатлари, чегара ўтказиш пунктлари, шунингдек, алоҳида туризм объектларига олиб борадиган магистрал йўллар) ташкил қилинади.
Туристик ахборот марказлари Ўзбекистон Республикаси Давлат чегараси орқали ўтказиш пунктларида бепул жойлаштирилади. Туристик ахборот марказлари ходимларининг чегара ўтказиш пунктларига кириб-чиқиши уларнинг ушбу ахборот марказида фаолият олиб боришини тасдиқловчи белгиланган намунадаги ҳужжат ва Ўзбекистон Республикаси Давлат хавфсизлик хизмати Чегара қўшинлари томонидан бериладиган рухсатнома асосида амалга оширилади.
Туристик ахборот марказини пиёдаларнинг ҳаракатланиши чекланган жойларда жойлаштириш тақиқланади».
4. Вазирлар Маҳкамасининг 2021 йил 13 октябрдаги 625-Ф-сонли фармойишининг 7-банди куйидаги таҳрирда баён этилсин:
«7. Журнал Туризм ва маданий мерос вазирлигининг Тошкент шаҳар, Ойбек кўчаси, 18-уй манзилида жойлашган биносига текин фойдаланиш ҳуқуқи асосида жойлаштирилсин.»
5. Вазирлар Маҳкамасининг 2021 йил 15 октябрдаги 649-сон қарори билан тасдиқланган Ўзбекистон Республикаси Туризм ва маданий мерос вазирлиги ҳузуридаги Маданий мерос агентлиги тўғрисида низомда :
а) 1 , 5-бандлар , 22-банднинг 25-кичик банди , 23-банднинг «г» кичик банди тўққизинчи хатбошиси , 36 ва 38-бандлардаги «спорт» сўзи «маданий мерос» сўзлари билан алмаштирилсин;
б) 3-банддаги «вазирлигига ҳамда» сўзлари «вазирига ҳамда» сўзлари билан алмаштирилсин;
в) 5-банддаги , 22-банднинг 2 ва 4-кичик бандларидаги «вазирлигининг» сўзи «вазирининг» сўзи билан алмаштирилсин;
г) 18-банднинг 13-кичик банди ва 54-бандларидаги «вазирлиги» сўзи «вазири» сўзи билан алмаштирилсин;
д) 22-банднинг 28-кичик бандидаги «бўйича таклифларни» сўзларидан кейин «Инспекция билан келишилган ҳолда» сўзлари билан тўлдирилсин;
е) 53-банддаги «вазирлигига» сўзи «вазирига» сўзи билан алмаштирилсин.
Ўзбекистон Республикасининг Бош вазири А. АРИПОВ
Тошкент ш.,
2022 йил 26 июль,
407-сон
Oʻzbekiston Respublikasi Vazirlar Mahkamasining
qarori
Turizm sohasi subyektlari uchun yaratilgan shart-sharoitlarni yanada yaxshilash munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida
Respublikada turizm sohasini jadal rivojlantirish, sohadagi tadbirkorlik subyektlari oʻz faoliyatini amalga oshirishi uchun davlat tomonidan qoʻshimcha koʻmak berish boʻyicha tizimli ishlar amalga oshirilmoqda.
Shu bilan birga, yaratilgan imkoniyatlardan turizm sohasining subyektlari tomonidan foydalanish koʻlamini kengaytirish va bu orqali aholi bandligini taʼminlash muhim vazifa boʻlib qolmoqda.
Turizm infratuzilmasini yanada rivojlantirish va tashrif buyuruvchilar uchun qoʻshimcha qulayliklar yaratish, turizm sohasi subyektlari tomonidan koʻrsatilayotgan xizmatlar sifatini oshirish va aholi bandligini taʼminlash maqsadida hamda Oʻzbekiston Respublikasi Prezidentining “ Tadbirkorlik faoliyatini qoʻllab-quvvatlash davlat jamgʻarmasi faoliyatini yanada takomillashtirishga doir qoʻshimcha chora-tadbirlar toʻgʻrisida ” 2022-yil 9-iyundagi PF-150-son va “ Turizm, sport va madaniy meros sohalarida davlat boshqaruvi tizimini yanada takomillashtirish chora-tadbirlari toʻgʻrisida ” 2021-yil 6-apreldagi PF-6199-son farmonlari, “Turizm sohasini sanitariya-epidemiologik xavfsizlikning kuchaytirilgan rejimi talablariga qatʼiy rioya qilgan holda rivojlantirishga doir qoʻshimcha chora-tadbirlar toʻgʻrisida” 2020-yil 19-iyundagi PQ-4755-son qaroriga , shuningdek, Vazirlar Mahkamasining “2022-yilda normativ-huquqiy hujjatlarni korrupsiyaga qarshi ekspertizadan oʻtkazish chora-tadbirlari toʻgʻrisida” 2022-yil 26-martdagi 140-son qaroriga muvofiq, Vazirlar Mahkamasi qaror qiladi:
1. Oʻzbekiston Respublikasi Hukumatining ilovaga muvofiq ayrim qarorlariga quyidagilarni nazarda tutuvchi oʻzgartirish va qoʻshimchalar kiritilsin:
Iqtisodiy taraqqiyot va kambagʻallikni qisqartirish vazirligi huzuridagi Tadbirkorlik faoliyatini qoʻllab-quvvatlash jamgʻarmasi mablagʻlari hisobidan oilaviy mehmon uylari faoliyatini tashkil qilish boʻyicha loyihalarga ajratilgan kredit mablagʻlarining 30 foizigacha boʻlgan qismini qoplab berish;
investorlarga yangi mehmonxona qurish va uni jihozlash uchun subsidiya ajratish muddatini 2023-yil 31-dekabrga qadar uzaytirish;
turistik axborot markazlari faoliyatini tashkil etish nuqtalarini kengaytirish, ularning xizmatlaridan foydalanish uchun shart-sharoitlarni yanada yaxshilash.
2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — turizm va madaniy meros vaziri A.A. Abduxakimov zimmasiga yuklansin.
Vazirlar Mahkamasining 2022-yil 26-iyuldagi 407-son qaroriga ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
2. Vazirlar Mahkamasining 2019-yil 27-maydagi 433-son qarori bilan tasdiqlangan Investorlarga yangi mehmonxona qurish va uni jihozlash uchun subsidiya ajratish hamda tashkilotlarni franchayzing toʻgʻrisidagi shartnoma asosida qisman moliyalashtirish uchun Davlat budjetidan mablagʻ ajratish tartibi haqidagi nizomda :
a) 1-banddagi va 3-bandning ikkinchi xatboshisidagi “2022-yil 1-yanvarga” soʻzlari “2023-yil 31-dekabrga” soʻzlari bilan almashtirilsin;
b) 2-bandi quyidagi mazmundagi toʻrtinchi xatboshi bilan toʻldirilsin:
“yangi qurilgan mehmonxona — tasdiqlangan loyiha asosida kapital bino va inshoot sifatida qurilgan yoki oxirgi oʻn yilda mehmonxona fondida mavjud boʻlmagan holda qayta qurilgan yoxud qurilish jarayonida oʻzgartirilgan loyiha boʻyicha (mehmonxonani rekonstruksiya va (yoki) renovatsiya qilish bundan mustasno) joylashtirish vositasi sifatida qurilib yangidan ishga tushirilgan obyekt.”.
v) 19-bandning birinchi xatboshisidagi “Turizmni rivojlantirish boʻyicha muvofiqlashtiruvchi kengash” soʻzlari “Turizm, sport, madaniy meros, transport logistikasi va xizmatlar sohalarida davlat-xususiy sheriklik hamda raqamlashtirishni rivojlantirish masalalari boʻyicha muvofiqlashtiruvchi kengash” soʻzlari bilan almashtirilsin.
3. Vazirlar Mahkamasining “Oʻzbekiston Respublikasida turizm sohasini tiklash va rivojlantirish uchun qulay shart-sharoitlarni yaratish chora-tadbirlari toʻgʻrisida” 2020-yil 10-iyuldagi 433-son qarorida :
a) Turistik xizmatlarni sertifikatlashtirish va turistik industriya obyektlarini tasniflash tartibi toʻgʻrisidagi nizomda :
2-bandning beshinchi xatboshisidagi “oʻtovli va chodirli oromgohlar” soʻzlari chiqarib tashlansin;
6-band quyidagi tahrirda bayon etilsin:
“6. Oilaviy mehmon uylari, xostellar, oʻtovli va chodirli oromgohlar xizmatlarini sertifikatlashtirish soddalashtirilgan holda, oilaviy mehmon uylari, xostellar, oʻtovli va chodirli oromgohlarni oʻrganish dalolatnomasi asosida ularni Oilaviy mehmon uylari va xostellar yagona reyestriga kiritish yoʻli bilan amalga oshiriladi.”
b) Turistik axborot markazlarini tashkil etish va faoliyatini yoʻlga qoʻyish tartibi toʻgʻrisidagi nizomning 27-bandi quyidagi tahrirda bayon etilsin:
“27. Turistik axborot markazi turistlar uchun imkon qadar qulay joyda (shahar markazlari, yodgorliklar atrofi, transport bekatlari, chegara oʻtkazish punktlari, shuningdek, alohida turizm obyektlariga olib boradigan magistral yoʻllar) tashkil qilinadi.
Turistik axborot markazlari Oʻzbekiston Respublikasi Davlat chegarasi orqali oʻtkazish punktlarida bepul joylashtiriladi. Turistik axborot markazlari xodimlarining chegara oʻtkazish punktlariga kirib-chiqishi ularning ushbu axborot markazida faoliyat olib borishini tasdiqlovchi belgilangan namunadagi hujjat va Oʻzbekiston Respublikasi Davlat xavfsizlik xizmati Chegara qoʻshinlari tomonidan beriladigan ruxsatnoma asosida amalga oshiriladi.
Turistik axborot markazini piyodalarning harakatlanishi cheklangan joylarda joylashtirish taqiqlanadi”.
4. Vazirlar Mahkamasining 2021-yil 13-oktabrdagi 625-F-sonli farmoyishining 7-bandi kuyidagi tahrirda bayon etilsin:
“7. Jurnal Turizm va madaniy meros vazirligining Toshkent shahar, Oybek koʻchasi, 18-uy manzilida joylashgan binosiga tekin foydalanish huquqi asosida joylashtirilsin.”
5. Vazirlar Mahkamasining 2021-yil 15-oktabrdagi 649-son qarori bilan tasdiqlangan Oʻzbekiston Respublikasi Turizm va madaniy meros vazirligi huzuridagi Madaniy meros agentligi toʻgʻrisida nizomda :
a) 1 , 5-bandlar , 22-bandning 25-kichik bandi , 23-bandning “g” kichik bandi toʻqqizinchi xatboshisi , 36 va 38-bandlardagi “sport” soʻzi “madaniy meros” soʻzlari bilan almashtirilsin;
b) 3-banddagi “vazirligiga hamda” soʻzlari “vaziriga hamda” soʻzlari bilan almashtirilsin;
v) 5-banddagi , 22-bandning 2 va 4-kichik bandlaridagi “vazirligining” soʻzi “vazirining” soʻzi bilan almashtirilsin;
g) 18-bandning 13-kichik bandi va 54-bandlaridagi “vazirligi” soʻzi “vaziri” soʻzi bilan almashtirilsin;
d) 22-bandning 28-kichik bandidagi “boʻyicha takliflarni” soʻzlaridan keyin “Inspeksiya bilan kelishilgan holda” soʻzlari bilan toʻldirilsin;
e) 53-banddagi “vazirligiga” soʻzi “vaziriga” soʻzi bilan almashtirilsin.
Oʻzbekiston Respublikasining Bosh vaziri A. ARIPOV
Toshkent sh.,
2022-yil 26-iyul,
407-son