📅 2022-yil 1-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 1 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 1 августа 2022 г. · Постановления Президента
Официальный текст. Официальный документ. Редакционные примечания не включены.
📅 1 August 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикаси Президентининг айрим қарорларига ўзгартиришлар киритиш тўғрисида
Ўзбекистон Республикаси Президентининг 2021 йил 26 мартдаги « Жамоат хавфсизлигини таъминлаш ва жиноятчиликка қарши курашиш соҳасида ички ишлар органлари фаолиятини сифат жиҳатидан янги босқичга кўтариш чора-тадбирлари тўғрисида »ги ПФ-6196-сон ва 2021 йил 29 ноябрдаги « Ўзбекистон Республикаси жамоат хавфсизлиги концепциясини тасдиқлаш ва уни амалга ошириш чора-тадбирлари тўғрисида »ги ПФ-27-сон фармонларига мувофиқ, шунингдек, ички ишлар органларининг транспорт ва туризм объектларида хавфсизликни таъминлаш фаолиятини самарали ташкил этиш мақсадида:
1. Ўзбекистон Республикаси Президентининг айрим қарорларига иловага мувофиқ ўзгартиришлар киритилсин.
2. Мазкур қарорнинг ижросини назорат қилиш Ўзбекистон Республикаси Президентининг маслаҳатчиси Б.Д. Исламов зиммасига юклансин.
Ўзбекистон Республикаси Президентининг 2022 йил 1 августдаги ПҚ-339-сон қарорига ИЛОВА
Ўзбекистон Республикаси Президентининг айрим қарорларига киритилаётган ўзгартиришлар
1. Ўзбекистон Республикаси Президентининг 2017 йил 12 апрелдаги «Ички ишлар органлари фаолиятини янада такомиллаштиришга доир ташкилий чора-тадбирлар тўғрисида»ги ПҚ-2883-сон қарори 5-бандининг иккинчи ва учинчи хатбошилари қуйидаги таҳрирда баён этилсин:
«транспортда хавфсизликни таъминлаш бошқармалари ҳамда Метрополитенда хавфсизликни таъминлаш бошқармаси Ўзбекистон Республикаси Ички ишлар вазирлиги Транспорт ва туризм объектларида хавфсизликни таъминлаш департаментига бўйсунади;
хавфсиз туризмни таъминлаш бошқармалари Тошкент шаҳар ва Тошкент вилояти ички ишлар бош бошқармалари ҳамда вилоят ички ишлар бошқармаларининг таркибий бўлинмалари ҳисобланади ва тегишинча уларнинг бошлиқларига — фаолиятни тартибга солиш бўйича кундалик масалалар юзасидан, Ўзбекистон Республикаси Ички ишлар вазирлиги Транспорт ва туризм объектларида хавфсизликни таъминлаш департаментига — хизмат фаолиятини амалга ошириш масалалари юзасидан бўйсунади».
2. Ўзбекистон Республикаси Президентининг 2017 йил 29 ноябрдаги «Ички ишлар органлари кадрлари билан ишлаш ва уларнинг хизматини ташкил этиш тартибини тубдан такомиллаштириш чора-тадбирлари тўғрисида»ги ПҚ-3413-сон қарорида :
6-бандининг иккинчи хатбошисидаги «мураббийлар мутахассислик бўйича камида беш йил хизмат қилган» сўзлари «мураббийлар, бириктирилаётган ходимларнинг соҳавий хизмат йўналиши бўйича камида беш йил хизмат қилган» сўзлари билан алмаштирилсин;
1-илова 58-банди «е» кичик бандининг биринчи хатбошиси қуйидаги таҳрирда баён этилсин:
«е) Ўзбекистон Республикаси Ички ишлар вазирлиги олий таълим муассасалари профессор-ўқитувчилари таркиби ҳамда жазони ижро этиш муассасалари тиббиёт ходимлари лавозимларига, кафедралар (факультетлар, цикллар, бўлимлар) раҳбарларидан ташқари, тегишли соҳада камида ўн йиллик илмий, педагогик, тиббиёт ёки амалий иш тажрибасига эга бўлган шахслар шаҳодатланган лавозимлар ҳисобидан тайинланиши мумкин».
3. Ўзбекистон Республикаси Президентининг 2019 йил 6 мартдаги «Транспорт ва туризм объектларида жамоат хавфсизлигини таъминлашнинг самарали тизимини жорий этишга оид қўшимча чора-тадбирлари тўғрисида»ги ПҚ-4229-сон қарорида :
2-банд қуйидаги таҳрирда баён этилсин:
«2. Ўзбекистон Республикаси Ички ишлар вазирлиги тузилмасида Транспорт ва туризм объектларида хавфсизликни таъминлаш департаменти (кейинги ўринларда — Департамент) ташкил этилганлиги маълумот учун қабул қилинсин.
Департаментнинг асосий вазифалари этиб қуйидагилар белгилансин:
метрополитен, темир йўл, ҳаво-транспорт ва туризм намойиши объектлари ва инфратузилмаси ҳудудларида (кейинги ўринларда — транспорт ва туризм объектлари) жамоат тартибини сақлаш, ҳуқуқбузарликлар профилактикаси ва жиноятчиликка қарши курашиш борасидаги фаолиятни мувофиқлаштириш;
транспорт ва туризм объектлари ҳудудларида криминоген вазиятни тизимли таҳлил қилиш, йўловчи ва туристларга нисбатан содир этиладиган ҳуқуқбузарликлар сабаблари ва шароитларини аниқлаш ҳамда уларни бартараф этиш юзасидан манзилли чора-тадбирларни амалга ошириш;
йўловчиларнинг ҳаракатланиш хавфсизлигини, темир йўл ва ҳаво транспортида ташиладиган товар-моддий бойликларнинг бутлиги ва қўриқланишини самарали таъминлаш;
транспорт ва туризм объектларида террористик таҳдидларни, гиёҳвандлик воситалари, уларнинг аналоглари, психотроп моддалар ва уларнинг прекурсорлари, ўқотар қурол, ўқ-дорилар, портловчи, радиактив, заҳарли, кучли таъсир қилувчи ва заҳарловчи моддаларнинг ноқонуний айланмаси билан боғлиқ ҳолатларни ўз вақтида аниқлаш ва бартараф этишни ташкил қилиш;
замонавий ахборот-коммуникация технологияларидан фойдаланган ҳолда транспорт ва туризм объектлари ва уларга туташ ҳудудларда жамоат хавфсизлигини таъминлашнинг марказлашган мувофиқлаштирилган бошқарувини амалга ошириш»;
3-банднинг иккинчи хатбошисида «Ўзбекистон Республикаси Ички ишлар вазирлигининг Хавфсиз туризмни таъминлашни мувофиқлаштириш бошқармаси» сўзлари «Ўзбекистон Республикаси Ички ишлар вазирлиги Транспорт ва туризм объектларида хавфсизликни таъминлаш департаментининг Хавфсиз туризм бошқармаси» сўзлари билан алмаштирилсин.
4. Ўзбекистон Республикаси Президентининг 2021 йил 15 апрелдаги «Ички ишлар органлари учун профессионал кадрларни тайёрлашнинг сифат жиҳатидан янги тизимини жорий этиш бўйича чора-тадбирлар тўғрисида»ги ПҚ-5076-сон қарори 1-бандининг олтинчи хатбошиси қуйидаги таҳрирда баён этилсин:
«магистратура дастурининг ҳар бир йўналиши бўйича ўқиш муддати бир йилни ташкил этиб, ўқишга кирган ходимлар эгаллаб турган лавозимларидан озод этилади ва магистратуранинг тингловчилар сафига қабул қилиниб, уларга охирги эгаллаб турган лавозими учун белгиланган пул таъминоти сақланади ва муваффақиятли битирганда олий таълимнинг иккинчи босқичини тамомлаганлигини тасдиқловчи диплом берилади;».
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 1 август,
ПҚ-339-сон
Oʻzbekiston Respublikasi Prezidentining
Qarori
Oʻzbekiston Respublikasi Prezidentining ayrim qarorlariga oʻzgartirishlar kiritish toʻgʻrisida
Oʻzbekiston Respublikasi Prezidentining 2021-yil 26-martdagi “ Jamoat xavfsizligini taʼminlash va jinoyatchilikka qarshi kurashish sohasida ichki ishlar organlari faoliyatini sifat jihatidan yangi bosqichga koʻtarish chora-tadbirlari toʻgʻrisida ”gi PF-6196-son va 2021-yil 29-noyabrdagi “ Oʻzbekiston Respublikasi jamoat xavfsizligi konsepsiyasini tasdiqlash va uni amalga oshirish chora-tadbirlari toʻgʻrisida ”gi PF-27-son farmonlariga muvofiq, shuningdek, ichki ishlar organlarining transport va turizm obyektlarida xavfsizlikni taʼminlash faoliyatini samarali tashkil etish maqsadida:
1. Oʻzbekiston Respublikasi Prezidentining ayrim qarorlariga ilovaga muvofiq oʻzgartirishlar kiritilsin.
2. Mazkur qarorning ijrosini nazorat qilish Oʻzbekiston Respublikasi Prezidentining maslahatchisi B.D. Islamov zimmasiga yuklansin.
Oʻzbekiston Respublikasi Prezidentining 2022-yil 1-avgustdagi PQ-339-son qaroriga ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirishlar
1. Oʻzbekiston Respublikasi Prezidentining 2017-yil 12-apreldagi “Ichki ishlar organlari faoliyatini yanada takomillashtirishga doir tashkiliy chora-tadbirlar toʻgʻrisida”gi PQ-2883-son qarori 5-bandining ikkinchi va uchinchi xatboshilari quyidagi tahrirda bayon etilsin:
“transportda xavfsizlikni taʼminlash boshqarmalari hamda Metropolitenda xavfsizlikni taʼminlash boshqarmasi Oʻzbekiston Respublikasi Ichki ishlar vazirligi Transport va turizm obyektlarida xavfsizlikni taʼminlash departamentiga boʻysunadi;
xavfsiz turizmni taʼminlash boshqarmalari Toshkent shahar va Toshkent viloyati ichki ishlar bosh boshqarmalari hamda viloyat ichki ishlar boshqarmalarining tarkibiy boʻlinmalari hisoblanadi va tegishincha ularning boshliqlariga — faoliyatni tartibga solish boʻyicha kundalik masalalar yuzasidan, Oʻzbekiston Respublikasi Ichki ishlar vazirligi Transport va turizm obyektlarida xavfsizlikni taʼminlash departamentiga — xizmat faoliyatini amalga oshirish masalalari yuzasidan boʻysunadi”.
2. Oʻzbekiston Respublikasi Prezidentining 2017-yil 29-noyabrdagi “Ichki ishlar organlari kadrlari bilan ishlash va ularning xizmatini tashkil etish tartibini tubdan takomillashtirish chora-tadbirlari toʻgʻrisida”gi PQ-3413-son qarorida :
6-bandining ikkinchi xatboshisidagi “murabbiylar mutaxassislik boʻyicha kamida besh yil xizmat qilgan” soʻzlari “murabbiylar, biriktirilayotgan xodimlarning sohaviy xizmat yoʻnalishi boʻyicha kamida besh yil xizmat qilgan” soʻzlari bilan almashtirilsin;
1-ilova 58-bandi “e” kichik bandining birinchi xatboshisi quyidagi tahrirda bayon etilsin:
“e) Oʻzbekiston Respublikasi Ichki ishlar vazirligi oliy taʼlim muassasalari professor-oʻqituvchilari tarkibi hamda jazoni ijro etish muassasalari tibbiyot xodimlari lavozimlariga, kafedralar (fakultetlar, sikllar, boʻlimlar) rahbarlaridan tashqari, tegishli sohada kamida oʻn yillik ilmiy, pedagogik, tibbiyot yoki amaliy ish tajribasiga ega boʻlgan shaxslar shahodatlangan lavozimlar hisobidan tayinlanishi mumkin”.
3. Oʻzbekiston Respublikasi Prezidentining 2019-yil 6-martdagi “Transport va turizm obyektlarida jamoat xavfsizligini taʼminlashning samarali tizimini joriy etishga oid qoʻshimcha chora-tadbirlari toʻgʻrisida”gi PQ-4229-son qarorida :
2-band quyidagi tahrirda bayon etilsin:
“2. Oʻzbekiston Respublikasi Ichki ishlar vazirligi tuzilmasida Transport va turizm obyektlarida xavfsizlikni taʼminlash departamenti (keyingi oʻrinlarda — Departament) tashkil etilganligi maʼlumot uchun qabul qilinsin.
Departamentning asosiy vazifalari etib quyidagilar belgilansin:
metropoliten, temir yoʻl, havo-transport va turizm namoyishi obyektlari va infratuzilmasi hududlarida (keyingi oʻrinlarda — transport va turizm obyektlari) jamoat tartibini saqlash, huquqbuzarliklar profilaktikasi va jinoyatchilikka qarshi kurashish borasidagi faoliyatni muvofiqlashtirish;
transport va turizm obyektlari hududlarida kriminogen vaziyatni tizimli tahlil qilish, yoʻlovchi va turistlarga nisbatan sodir etiladigan huquqbuzarliklar sabablari va sharoitlarini aniqlash hamda ularni bartaraf etish yuzasidan manzilli chora-tadbirlarni amalga oshirish;
yoʻlovchilarning harakatlanish xavfsizligini, temir yoʻl va havo transportida tashiladigan tovar-moddiy boyliklarning butligi va qoʻriqlanishini samarali taʼminlash;
transport va turizm obyektlarida terroristik tahdidlarni, giyohvandlik vositalari, ularning analoglari, psixotrop moddalar va ularning prekursorlari, oʻqotar qurol, oʻq-dorilar, portlovchi, radiaktiv, zaharli, kuchli taʼsir qiluvchi va zaharlovchi moddalarning noqonuniy aylanmasi bilan bogʻliq holatlarni oʻz vaqtida aniqlash va bartaraf etishni tashkil qilish;
zamonaviy axborot-kommunikatsiya texnologiyalaridan foydalangan holda transport va turizm obyektlari va ularga tutash hududlarda jamoat xavfsizligini taʼminlashning markazlashgan muvofiqlashtirilgan boshqaruvini amalga oshirish”;
3-bandning ikkinchi xatboshisida “Oʻzbekiston Respublikasi Ichki ishlar vazirligining Xavfsiz turizmni taʼminlashni muvofiqlashtirish boshqarmasi” soʻzlari “Oʻzbekiston Respublikasi Ichki ishlar vazirligi Transport va turizm obyektlarida xavfsizlikni taʼminlash departamentining Xavfsiz turizm boshqarmasi” soʻzlari bilan almashtirilsin.
4. Oʻzbekiston Respublikasi Prezidentining 2021-yil 15-apreldagi “Ichki ishlar organlari uchun professional kadrlarni tayyorlashning sifat jihatidan yangi tizimini joriy etish boʻyicha chora-tadbirlar toʻgʻrisida”gi PQ-5076-son qarori 1-bandining oltinchi xatboshisi quyidagi tahrirda bayon etilsin:
“magistratura dasturining har bir yoʻnalishi boʻyicha oʻqish muddati bir yilni tashkil etib, oʻqishga kirgan xodimlar egallab turgan lavozimlaridan ozod etiladi va magistraturaning tinglovchilar safiga qabul qilinib, ularga oxirgi egallab turgan lavozimi uchun belgilangan pul taʼminoti saqlanadi va muvaffaqiyatli bitirganda oliy taʼlimning ikkinchi bosqichini tamomlaganligini tasdiqlovchi diplom beriladi;”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 1-avgust,
PQ-339-son
Президента Республики Узбекистан
Постановление
О внесении изменений в некоторые постановления Президента Республики Узбекистан
В соответствии с указами Президента Республики Узбекистан от 26 марта 2021 года № УП-6196 « О мерах по поднятию на качественно новый уровень деятельности органов внутренних дел в сфере обеспечения общественной безопасности и борьбы с преступностью » и от 29 ноября 2021 года № УП-27 « О мерах по утверждению и реализации Концепции общественной безопасности Республики Узбекистан », а также в целях эффективной организации деятельности органов внутренних дел по обеспечению безопасности на объектах транспорта и туризма:
1. Внести изменения в некоторые постановления Президента Республики Узбекистан согласно приложению .
2. Контроль за исполнением настоящего постановления возложить на советника Президента Республики Узбекистан Б.Д. Исламова.
ПРИЛОЖЕНИЕ к постановлению Президента Республики Узбекистан от 1 августа 2022 года № ПП-339
Изменения, вносимые в некоторые постановления Президента Республики Узбекистан
1. Абзацы второй и третий пункта 5 постановления Президента Республики Узбекистан от 12 апреля 2017 года № ПП-2883 «Об организационных мерах по дальнейшему совершенствованию деятельности органов внутренних дел» изложить в следующей редакции:
«управления обеспечения безопасности на транспорте и Управление по обеспечению безопасности на метрополитене подчиняются Департаменту обеспечения безопасности на объектах транспорта и туризма Министерства внутренних дел Республики Узбекистан;
управления обеспечения безопасного туризма являются структурными подразделениями главных управлений внутренних дел города Ташкента и Ташкентской области и управлений внутренних дел областей и подчиняются их руководителям соответственно — по вопросам повседневного регулирования деятельности, непосредственно Департаменту обеспечения безопасности на объектах транспорта и туризма Министерства внутренних дел Республики Узбекистан — по вопросам осуществления служебной деятельности».
2. В постановлении Президента Республики Узбекистан от 29 ноября 2017 года № ПП-3413 «О мерах по коренному совершенствованию порядка работы с кадрами органов внутренних дел и организации их службы»:
в абзаце втором пункта 6 слова «по специальности» заменить словами «по направлению отраслевой службы прикрепляемых сотрудников»;
абзац первый подпункта «е» пункта 58 приложения № 1 изложить в следующей редакции:
«е) лица, имеющие научный, педагогический, медицинский или практический опыт работы не менее десяти лет в соответствующей сфере, могут назначаться на должности профессорско-преподавательского состава высших образовательных учреждений и медицинских сотрудников учреждений по исполнению наказания Министерства внутренних дел Республики Узбекистан за счет аттестованных должностей, за исключением руководителей кафедр (факультетов, циклов и отделов)».
3. В постановлении Президента Республики Узбекистан от 6 марта 2019 года № ПП-4229 «О дополнительных мерах по внедрению эффективной системы обеспечения общественной безопасности на объектах транспорта и туризма»:
пункт 2 изложить в следующей редакции:
«2. Принять к сведению, что в структуре Министерства внутренних дел Республики Узбекистан образован Департамент обеспечения безопасности на объектах транспорта и туризма (далее — Департамент).
Определить основными задачами Департамента:
координацию деятельности по охране общественного порядка, профилактике правонарушений и борьбе с преступностью на территориях метрополитена, железнодорожных, воздушно-транспортных объектов, объектов и инфраструктуры туристского показа (далее — объекты транспорта и туризма);
системный анализ криминогенной обстановки на территориях объектов транспорта и туризма, выявление причин и условий совершения правонарушений в отношении пассажиров и туристов, а также принятие адресных мер по их устранению;
эффективное обеспечение безопасности передвижения пассажиров, целостности и сохранности товарно-материальных ценностей, перевозимых на железнодорожном и воздушном транспорте;
организацию своевременного выявления и пресечения на объектах транспорта и туризма террористических угроз, фактов незаконного оборота наркотических средств, их аналогов, психотропных веществ и их прекурсоров, огнестрельного оружия, боеприпасов, взрывчатых, радиоактивных, ядовитых, сильнодействующих и отравляющих веществ;
осуществление с использованием современных информационно-коммуникационных технологий централизованного скоординированного управления обеспечением общественной безопасности на объектах транспорта и туризма и прилегающих к ним территориях»;
в абзаце втором пункта 3 слова «Управление координации обеспечения безопасного туризма» заменить словами «Управление безопасного туризма Департамента обеспечения безопасности на объектах транспорта и туризма».
4. Абзац шестой пункта 1 постановления Президента Республики Узбекистан от 15 апреля 2021 года № ПП-5076 «О мерах по внедрению качественно новой системы подготовки профессиональных кадров для органов внутренних дел» изложить в следующей редакции:
«срок обучения по каждому направлению программы магистратуры составляет один год, сотрудники, поступившие на учебу, освобождаются от занимаемой должности и зачисляются в ряды слушателей магистратуры, при этом за ними сохраняется денежное довольствие по последней занимаемой должности и после успешного окончания учебы им выдаются дипломы, подтверждающие окончание второй ступени высшего образования».
Президент Республики Узбекистан Ш. МИРЗИЁЕВ
г. Ташкент,
1 августа 2022 г.,
№ ПП-339