📅 2022-yil 3-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 3 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 3 августа 2022 г. · Постановления Президента
Официальный текст. Официальный документ. Редакционные примечания не включены.
📅 3 August 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикаси Президентининг айрим қарорларига Ўзбекистон Республикаси Қуролли Кучлари ва давлат хизмати учун кадрлар захирасини тайёрлаш тизимини такомиллаштиришга қаратилган ўзгартириш ва қўшимчалар киритиш тўғрисида
Ўсмирларни ҳарбий-ватанпарварлик руҳида тарбиялаш, шунингдек Ўзбекистон Республикаси Қуролли Кучлари ва давлат хизмати учун кадрлар захирасини тайёрлаш салоҳиятини янада ошириш мақсадида:
1. Ўзбекистон Республикаси Президентининг иловага мувофиқ айрим қарорларига ўзгартириш ва қўшимчалар киритилсин.
2. Мудофаа вазирлиги, Ички ишлар вазирлиги, Фавқулодда вазиятлар вазирлиги, Давлат хавфсизлик хизмати ва Миллий гвардия бошқа манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни уч ой муддатда мазкур қарорга мувофиқлаштирсин.
3. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.
Ўзбекистон Республикаси Президентининг 2022 йил 3 августдаги ПҚ-344-сон қарорига ИЛОВА
Ўзбекистон Республикаси Президентининг айрим қарорларига киритилаётган ўзгартириш ва қўшимчалар
1. Ўзбекистон Республикаси Президентининг 2019 йил 28 июндаги «Ўсмирларни ҳарбий-ватанпарварлик руҳида тарбиялаш ҳамда Ўзбекистон Республикаси Қуролли Кучлари ва давлат хизмати учун кадрлар захирасини тайёрлаш тизимини такомиллаштиришга оид қўшимча чора-тадбирлар тўғрисида»ги ПҚ-4375-сон қарорида :
а) 5-банд қуйидаги мазмундаги олтинчи — саккизинчи хатбошилар билан тўлдирилсин:
«2022/2023 ўқув йилидан бошлаб Мудофаа вазирлиги, Фавқулодда вазиятлар вазирлиги ва Миллий гвардиянинг «Темурбеклар мактаби» учун йиллик қабул квотаси 150 кишини ташкил этади. Бунда:
«Темурбеклар мактаби» ҳарбий-академик лицейлари учун қўшимча контракт бўйича ҳарбий хизматчилар ва фуқаро таркибидаги ходимлар штат бирликлари тегишли равишда Мудофаа вазирлиги, Фавқулодда вазиятлар вазирлиги ва Миллий гвардия бўлинма (қўшин)ларининг белгиланган чекланган умумий сони доирасида ажратилади;
ушбу банднинг олтинчи хатбошисида назарда тутилган чора-тадбирларни молиялаштириш тизимида «Темурбеклар мактаби» ҳарбий-академик лицейи мавжуд бўлган вазирлик ва идораларга ҳар йили ажратиладиган бюджет маблағлари ва қонунчилик билан тақиқланмаган бошқа манбалар ҳисобидан амалга оширилади»;
б) 3-илованинг 77-банди қуйидаги таҳрирда баён этилсин:
«77. Молиялаштириш маблағлари «Темурбеклар мактаби» ихтиёрида бўлиб, улардан қонунчилик ҳужжатларига ва «Темурбеклар мактаби» уставига мувофиқ мустақил равишда фойдаланилади.
Ҳар бир «Темурбеклар мактаби»да юқори касб маҳоратига эга бўлган ва таълим-тарбия жараёнига шахсан аниқ ҳисса қўшаётган ўқитувчиларнинг базавий тариф ставкаларига ҳар ойлик устамалар белгилаш, шунингдек, ходимларга мукофотлар тўлаш ҳамда моддий ёрдам кўрсатиш йўли билан уларни рағбатлантириш учун бюджет маблағлари ҳисобидан Директор жамғармаси ташкил этилади.
Директор жамғармасини шакллантириш ва ундан фойдаланиш тартиби Вазирлар Маҳкамаси томонидан белгиланади»;
в) 4-иловада :
«Ўқув курси» блоки «106 (1-5-100-0)» рақамларидан кейин «(158 (1-7-150-0)****)» рақамлари билан тўлдирилсин;
«Директорнинг ўқув ишлари бўйича ўринбосари — ўқув бўлими бошлиғи 1 (0-0-0-1)» блокидан «— ўқув бўлими бошлиғи» сўзлари чиқариб ташлансин;
«Ўқув бўлими бошлиғи ўринбосари 1 (0-0-0-1)» блоки «Ўқув бўлими 2 (0-0-0-2)» блоки билан алмаштирилсин;
«Ўқув бўлими котиби 1 (0-0-0-1)» блоки чиқариб ташлансин;
«Аниқ фанлар кафедраси 16**(0-0-0-16)» блокидаги «кафедраси» сўзи «ўқув қисми» сўзи билан алмаштирилсин;
«Ижтимоий-гуманитар фанлар кафедраси 12**(0-0-0-12)» блокидаги «кафедраси» сўзи «ўқув қисми» сўзи билан алмаштирилсин;
«Автомобиль секцияси» блокидаги «5 (0-1-0-4)» рақамлари «5** (0-1-0-4)» рақамлари билан алмаштирилсин;
изоҳ қуйидаги мазмундаги тўртинчи ва бешинчи хатбошилар билан тўлдирилсин:
«**** ўқувчилар сони 150 кишини ташкил этадиган «Темурбеклар мактаби» учун»;
«***** ўқувчилар сони 150 кишини ташкил этадиган «Темурбеклар мактаби» учун ўқув гуруҳлари сони 6 тадан иборат бўлади»;
«Шахсий таркиб сони» жадвали қуйидаги таҳрирда баён этилсин:
« Шахсий таркиб сони Жами Офицерлар Сержантлар таркибига мансуб контракт бўйича ҳарбий хизматчилар Ўқувчилар Ишчи ва хизматчилар (ўқитувчилар) Ички ишлар вазирлиги ва Давлат хавфсизлик хизмати «Темурбеклар мактаби» 300 3 13 200 84 (32) Мудофаа вазирлиги, Фавқулодда вазиятлар вазирлиги ва Миллий гвардия «Темурбеклар мактаби» 404 3 17 300 84 (32) » .
2. Ўзбекистон Республикаси Президентининг 2020 йил 3 декабрдаги «Иқтидорли ёшларни саралаб олиш тизими ва академик лицейлар фаолиятини такомиллаштириш чора-тадбирлари тўғрисида»ги ПҚ-4910-сон қарорининг 18-банди қуйидаги таҳрирда баён этилсин:
«18. Белгилансинки, мазкур қарорнинг 17-банди Ўзбекистон Республикаси Қуролли Кучлари таркибига кирувчи вазирлик ва идоралар тизимидаги ҳарбий-академик лицейлар ҳамда Ички ишлар вазирлиги тизимидаги академик лицейларнинг («Темурбеклар мактаби» ҳарбий-академик лицейлари, Ички ишлар вазирлиги ихтисослаштирилган мактаб-интернати ва «Ёш чегарачи» ҳарбий-академик лицейи бундан мустасно) фуқаро таркибидаги (шаҳодатланмаган) маъмурий бошқарув, педагог ва бошқа ходимларига нисбатан ҳам қўлланилади».
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 3 август,
ПҚ-344-сон
Oʻzbekiston Respublikasi Prezidentining
Qarori
Oʻzbekiston Respublikasi Prezidentining ayrim qarorlariga Oʻzbekiston Respublikasi Qurolli Kuchlari va davlat xizmati uchun kadrlar zaxirasini tayyorlash tizimini takomillashtirishga qaratilgan oʻzgartirish va qoʻshimchalar kiritish toʻgʻrisida
Oʻsmirlarni harbiy-vatanparvarlik ruhida tarbiyalash, shuningdek Oʻzbekiston Respublikasi Qurolli Kuchlari va davlat xizmati uchun kadrlar zaxirasini tayyorlash salohiyatini yanada oshirish maqsadida:
1. Oʻzbekiston Respublikasi Prezidentining ilovaga muvofiq ayrim qarorlariga oʻzgartirish va qoʻshimchalar kiritilsin.
2. Mudofaa vazirligi, Ichki ishlar vazirligi, Favqulodda vaziyatlar vazirligi, Davlat xavfsizlik xizmati va Milliy gvardiya boshqa manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni uch oy muddatda mazkur qarorga muvofiqlashtirsin.
3. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.
Oʻzbekiston Respublikasi Prezidentining 2022-yil 3-avgustdagi PQ-344-son qaroriga ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2019-yil 28-iyundagi “Oʻsmirlarni harbiy-vatanparvarlik ruhida tarbiyalash hamda Oʻzbekiston Respublikasi Qurolli Kuchlari va davlat xizmati uchun kadrlar zaxirasini tayyorlash tizimini takomillashtirishga oid qoʻshimcha chora-tadbirlar toʻgʻrisida”gi PQ-4375-son qarorida :
a) 5-band quyidagi mazmundagi oltinchi — sakkizinchi xatboshilar bilan toʻldirilsin:
“2022/2023 oʻquv yilidan boshlab Mudofaa vazirligi, Favqulodda vaziyatlar vazirligi va Milliy gvardiyaning “Temurbeklar maktabi” uchun yillik qabul kvotasi 150 kishini tashkil etadi. Bunda:
“Temurbeklar maktabi” harbiy-akademik litseylari uchun qoʻshimcha kontrakt boʻyicha harbiy xizmatchilar va fuqaro tarkibidagi xodimlar shtat birliklari tegishli ravishda Mudofaa vazirligi, Favqulodda vaziyatlar vazirligi va Milliy gvardiya boʻlinma (qoʻshin)larining belgilangan cheklangan umumiy soni doirasida ajratiladi;
ushbu bandning oltinchi xatboshisida nazarda tutilgan chora-tadbirlarni moliyalashtirish tizimida “Temurbeklar maktabi” harbiy-akademik litseyi mavjud boʻlgan vazirlik va idoralarga har yili ajratiladigan budjet mablagʻlari va qonunchilik bilan taqiqlanmagan boshqa manbalar hisobidan amalga oshiriladi”;
b) 3-ilovaning 77-bandi quyidagi tahrirda bayon etilsin:
“77. Moliyalashtirish mablagʻlari “Temurbeklar maktabi” ixtiyorida boʻlib, ulardan qonunchilik hujjatlariga va “Temurbeklar maktabi” ustaviga muvofiq mustaqil ravishda foydalaniladi.
Har bir “Temurbeklar maktabi”da yuqori kasb mahoratiga ega boʻlgan va taʼlim-tarbiya jarayoniga shaxsan aniq hissa qoʻshayotgan oʻqituvchilarning bazaviy tarif stavkalariga har oylik ustamalar belgilash, shuningdek, xodimlarga mukofotlar toʻlash hamda moddiy yordam koʻrsatish yoʻli bilan ularni ragʻbatlantirish uchun budjet mablagʻlari hisobidan Direktor jamgʻarmasi tashkil etiladi.
Direktor jamgʻarmasini shakllantirish va undan foydalanish tartibi Vazirlar Mahkamasi tomonidan belgilanadi”;
v) 4-ilovada :
“Oʻquv kursi” bloki “106 (1-5-100-0)” raqamlaridan keyin “(158 (1-7-150-0)****)” raqamlari bilan toʻldirilsin;
“Direktorning oʻquv ishlari boʻyicha oʻrinbosari — oʻquv boʻlimi boshligʻi 1 (0-0-0-1)” blokidan “— oʻquv boʻlimi boshligʻi” soʻzlari chiqarib tashlansin;
“Oʻquv boʻlimi boshligʻi oʻrinbosari 1 (0-0-0-1)” bloki “Oʻquv boʻlimi 2 (0-0-0-2)” bloki bilan almashtirilsin;
“Oʻquv boʻlimi kotibi 1 (0-0-0-1)” bloki chiqarib tashlansin;
“Aniq fanlar kafedrasi 16**(0-0-0-16)” blokidagi “kafedrasi” soʻzi “oʻquv qismi” soʻzi bilan almashtirilsin;
“Ijtimoiy-gumanitar fanlar kafedrasi 12**(0-0-0-12)” blokidagi “kafedrasi” soʻzi “oʻquv qismi” soʻzi bilan almashtirilsin;
“Avtomobil seksiyasi” blokidagi “5 (0-1-0-4)” raqamlari “5** (0-1-0-4)” raqamlari bilan almashtirilsin;
izoh quyidagi mazmundagi toʻrtinchi va beshinchi xatboshilar bilan toʻldirilsin:
“**** oʻquvchilar soni 150 kishini tashkil etadigan “Temurbeklar maktabi” uchun”;
“***** oʻquvchilar soni 150 kishini tashkil etadigan “Temurbeklar maktabi” uchun oʻquv guruhlari soni 6 tadan iborat boʻladi”;
“Shaxsiy tarkib soni” jadvali quyidagi tahrirda bayon etilsin:
“ Shaxsiy tarkib soni Jami Ofitserlar Serjantlar tarkibiga mansub kontrakt boʻyicha harbiy xizmatchilar Oʻquvchilar Ishchi va xizmatchilar (oʻqituvchilar) Ichki ishlar vazirligi va Davlat xavfsizlik xizmati “Temurbeklar maktabi” 300 3 13 200 84 (32) Mudofaa vazirligi, Favqulodda vaziyatlar vazirligi va Milliy gvardiya “Temurbeklar maktabi” 404 3 17 300 84 (32) ” .
2. Oʻzbekiston Respublikasi Prezidentining 2020-yil 3-dekabrdagi “Iqtidorli yoshlarni saralab olish tizimi va akademik litseylar faoliyatini takomillashtirish chora-tadbirlari toʻgʻrisida”gi PQ-4910-son qarorining 18-bandi quyidagi tahrirda bayon etilsin:
“18. Belgilansinki, mazkur qarorning 17-bandi Oʻzbekiston Respublikasi Qurolli Kuchlari tarkibiga kiruvchi vazirlik va idoralar tizimidagi harbiy-akademik litseylar hamda Ichki ishlar vazirligi tizimidagi akademik litseylarning (“Temurbeklar maktabi” harbiy-akademik litseylari, Ichki ishlar vazirligi ixtisoslashtirilgan maktab-internati va “Yosh chegarachi” harbiy-akademik litseyi bundan mustasno) fuqaro tarkibidagi (shahodatlanmagan) maʼmuriy boshqaruv, pedagog va boshqa xodimlariga nisbatan ham qoʻllaniladi”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 3-avgust,
PQ-344-son
Президента Республики Узбекистан
Постановление
О внесении изменений и дополнений в некоторые постановления Президента Республики Узбекистан, направленные на совершенствование системы подготовки кадрового резерва для Вооруженных Сил Республики Узбекистан и государственной службы
В целях воспитания юношей в военно-патриотическом духе, а также дальнейшего повышения потенциала по подготовке кадрового резерва для Вооруженных Сил Республики Узбекистан и государственной службы:
1. Внести изменения и дополнения в некоторые постановления Президента Республики Узбекистан согласно приложению .
2. Министерству обороны, Министерству внутренних дел, Министерству по чрезвычайным ситуациям, Службе государственной безопасности и Национальной гвардии совместно с другими заинтересованными министерствами и ведомствами в трехмесячный срок привести принятые ими нормативно-правовые акты в соответствие с настоящим постановлением.
3. Контроль за исполнением настоящего постановления возложить на Премьер-министра Республики Узбекистан А.Н. Арипова и секретаря Совета безопасности при Президенте Республики Узбекистан В.В. Махмудова.
ПРИЛОЖЕНИЕ к постановлению Президента Республики Узбекистан от 3 августа 2022 года № ПП-344
Изменения и дополнения, вносимые в некоторые постановления Президента Республики Узбекистан
1. В постановлении Президента Республики Узбекистан от 28 июня 2019 года № ПП-4375 «О дополнительных мерах по совершенствованию системы военно-патриотического воспитания юношей и подготовки кадрового резерва для Вооруженных Сил Республики Узбекистан и государственной службы»:
а) пункт 5 дополнить абзацами шестым — восьмым следующего содержания:
«начиная с 2022/2023 учебного года ежегодная квота приема в «Темурбеклар мактаби» Министерства обороны, Министерства по чрезвычайным ситуациям и Национальной гвардии составляет 150 человек. При этом:
дополнительные штатные единицы военнослужащих по контракту и работников из числа гражданского персонала для военно-академических лицеев «Темурбеклар мактаби» выделяются в рамках установленной предельной численности подразделений (войск) Министерства обороны, Министерства по чрезвычайным ситуациям и Национальной гвардии;
финансирование мер, предусмотренных абзацем шестым настоящего пункта, осуществляется за счет бюджетных средств, ежегодно выделяемых министерствам и ведомствам, в системе которых имеется военно-академический лицей «Темурбеклар мактаби», и иных источников, не запрещенных законодательством»;
б) пункт 77 приложения № 3 изложить в следующей редакции:
«77. Финансовые средства находятся в распоряжении «Темурбеклар мактаби», используются ими самостоятельно в соответствии с законодательством и уставом «Темурбеклар мактаби».
В каждом «Темурбеклар мактаби» за счет бюджетных средств создается директорский фонд для установления ежемесячных надбавок к базовым тарифным ставкам учителей за профессионализм и конкретный личный вклад в учебно-воспитательный процесс, а также поощрения сотрудников путем выплаты им премий и оказания материальной помощи.
Порядок формирования и использования средств директорского фонда устанавливается Кабинетом Министров»;
в) в приложении № 4 :
блок «Учебный курс» после цифр «106 (1-5-100-0)» дополнить цифрами «(158 (1-7-150-0)****)»;
из блока «Заместитель директора по учебной работе — начальник учебного отдела 1 (0-0-0-1)» слова «— начальник учебного отдела» исключить;
блок «Заместитель начальника учебного отдела 1 (0-0-0-1)» заменить блоком «Учебный отдел 2 (0-0-0-2)»;
блок «Секретарь учебного отдела 1 (0-0-0-1)» исключить;
в блоке «Кафедра точных наук 16**(0-0-0-16)» слово «Кафедра» заменить словом «Учебная часть»;
в блоке «Кафедра социально-гуманитарных наук 12**(0-0-0-12)» слово «Кафедра» заменить словом «Учебная часть»;
в блоке «Автомобильная секция» цифры «5 (0-1-0-4)» заменить цифрами «5**(0-1-0-4)»;
примечания дополнить абзацами четвертым и пятым следующего содержания:
«**** для «Темурбеклар мактаби», численность учеников которых составляет 150 человек»;
«***** для «Темурбеклар мактаби», численность учеников которых составляет 150 человек, количество учебных групп составляет 6»;
таблицу «Численность личного состава» изложить в следующей редакции:
« Численность личного состава Всего Офицеры Военнослужащие по контракту сержантского состава Учащиеся Рабочие и служащие (преподаватели) «Темурбеклар мактаби» Министерства внутренних дел и Службы государственной безопасности 300 3 13 200 84 (32) «Темурбеклар мактаби» Министерства обороны, Министерства по чрезвычайным ситуациям и Национальной гвардии 404 3 17 300 84 (32) ».
2. Пункт 18 постановления Президента Республики Узбекистан от 3 декабря 2020 года № ПП-4910 «О мерах по совершенствованию системы отбора талантливой молодежи и деятельности академических лицеев» изложить в следующей редакции:
«18. Установить, что пункт 17 настоящего постановления распространяется также на административных, педагогических и других работников из числа гражданского (неаттестованного) персонала академических лицеев в системе Министерства внутренних дел и военно-академических лицеев системы министерств и ведомств, входящих в состав Вооруженных Сил Республики Узбекистан (за исключением военно-академических лицеев «Темурбеклар мактаби», специализированной школы-интерната Министерства внутренних дел и военно-академического лицея «Ёш чегарачи»)».
Президент Республики Узбекистан Ш. МИРЗИЁЕВ
г. Ташкент,
3 августа 2022 г.,
№ ПП-344