📅 2022-yil 5-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 5 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 5 августа 2022 г. · Постановления Президента
Официальный текст. Официальный документ. Редакционные примечания не включены.
📅 5 August 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Шахматни янада оммалаштириш ва ривожлантириш бўйича қўшимча чора-тадбирлар тўғрисида
30 июнь — Ўзбекистон Республикаси ёшлари куни муносабати билан бўлиб ўтган учрашувда белгилаб берилган вазифаларнинг ижросини таъминлаш, иқтидорли ёшларни аниқлаш, танлаш ва саралаш (селекция) ҳамда уларни профессионал шахматга жалб қилиш, нуфузли халқаро шахмат мусобақаларида совринли ўринларни эгаллаш, жаҳон стандартларига мос келадиган шахмат инфратузилмасини кенгайтириш, шунингдек, Шахматни 2025 йилгача ривожлантириш давлат дастурини изчил амалга ошириш мақсадида:
1. Навоий вилояти, Қизилтепа тумани, «Тўдакўл» дам олиш базаси ҳудудида юридик шахс мақомига эга бўлган мактабдан ташқари давлат спорт-таълим муассасаси ҳисобланган Халқаро шахмат мактаби ташкил қилинсин.
2. Қуйидагилар Халқаро шахмат мактабининг асосий вазифалари этиб белгилансин:
зарур шахмат анжомлари ва ускуналари билан жиҳозланган, замонавий халқаро талаблар ва стандартларга жавоб берадиган моддий-техник ҳамда ўқув-машғулот базаларини яратиш ва турли даражадаги халқаро ва минтақавий мусобақалар — Шахмат олимпиадаси ва Осиё ўйинлари, Жаҳон ва Осиё чемпионатлари, универсиадалар ҳамда бошқа мусобақаларда Ўзбекистоннинг шарафини муносиб ҳимоя қилишга қодир бўлган халқаро даражадаги шахматчиларни тайёрлаш;
халқаро даражадаги шахматчиларни тайёрлаш учун шахмат бўйича юқори малакали мутахассис-тренерлар, психологлар ва услубчиларни, шу жумладан жаҳоннинг машҳур халқаро гроссмейстерларини кенг жалб этиш орқали тренерлар таркибини мустаҳкамлаш;
шахматчиларнинг ўқув-машғулот жараёнини халқаро стандартлар даражасида ташкил этиш, илғор халқаро тажрибани ҳисобга олган ҳолда, ўқув-машқ жараёнларига энг янги илмий-услубий технологияларни жорий этиш йўли билан шахматчиларни назарий ва техник-тактик жиҳатдан тайёрлаш сифатини мунтазам ошириб бориш;
шахмат бўйича терма жамоалар ва уларнинг захиралари иштирокида ўқув-машқ йиғинлари, республика ва минтақавий мусобақаларни ташкил этиш ҳамда мунтазам равишда ўтказиб бориш, тренерлар ҳамда шахматчиларнинг касб маҳорати даражасини ошириш учун тажриба алмашиш бўйича хорижий шахмат мактаблари, клублари ва марказлари билан ҳамкорликни ривожлантириш;
Ўзбекистонда шахматни ривожлантиришни халқаро талаблар ва стандартларга мослаштириш, ўғил болалар ва қизларни шахматга жалб қилиш ва уларнинг ушбу спорт турига қизиқишини кучайтириш, шахматчиларнинг профессионал маҳоратини доимий равишда ошириб бориш.
3. Қуйидагилар Халқаро шахмат мактаби фаолиятини молиялаштириш манбалари этиб белгилансин:
Давлат бюджети маблағлари;
фаолият ихтисослиги бўйича товарларни (ишларни, хизматларни) реализация қилишдан ва мактабнинг уставидаги вазифаларга мувофиқ бўлган бошқа фаолият турларидан олинган даромадлар;
юридик ва жисмоний шахсларнинг ҳомийлик хайриялари;
қонунчилик ҳужжатларида тақиқланмаган бошқа манбалар.
4. Ўзбекистон шахмат федерацияси ҳамда Спортни ривожлантириш вазирлигининг ҳар йили ўтказиб келинаётган Ўзбекистон Республикаси Президенти соврини учун халқаро шахмат турнирининг финал босқичини 2023 йилдан бошлаб Халқаро шахмат мактабида ўтказиш тўғрисидаги таклифи маъқуллансин.
5. Белгилаб қўйилсинки, Ўзбекистон Республикаси Президентининг 2021 йил 14 январдаги «Шахматни янада ривожлантириш ва оммавийлаштириш ҳамда шахматчиларни тайёрлаш тизимини такомиллаштириш чора-тадбирлари тўғрисида»ги ПҚ-4954-сон қарорида белгиланган турнирлар ва мусобақалар билан бир қаторда қўшимча равишда қуйидаги мусобақалар 2023 йилдан бошлаб ҳар йили тизимли равишда ўтказилади:
Ёшлар ишлари агентлиги билан биргаликда ёшлар ўртасида барча ҳудудларда «Рокировка» турнири;
Маҳалла ва нуронийларни қўллаб-қувватлаш вазирлиги билан биргаликда кекса авлод вакиллари ўртасида «Нуронийлар» кубоги учун;
Ўзбекистон Миллий паралимпия қўмитаси, Ўзбекистон Республикаси Президенти ҳузуридаги Ижтимоий ҳимоя миллий агентлиги билан биргаликда ногиронлиги бўлган шахматчилар ўртасида «Чексиз имкон» турнири;
Оила ва хотин-қизлар давлат қўмитаси билан биргаликда Оила ва хотин-қизларни қўллаб-қувватлаш давлат мақсадли жамғармаси маблағлари ҳисобидан 8 март — Халқаро хотин-қизлар кунига бағишланган 50 000 АҚШ доллари миқдорида мукофот фондига эга «Womenʼs Chess Championship» халқаро турнири;
Ташқи ишлар вазирлиги билан биргаликда Мустақил Давлатлар Ҳамдўстлиги, Шанхай ҳамкорлик ташкилоти ва Туркий давлатлар ташкилотига аъзо мамлакатлар шахматчилари ўртасида анъанавий «Uzbekistan Chess Open» халқаро турнири.
Ёшлар сиёсати ва спорт вазирлиги (А. Икрамов) Ёшлар ишлари агентлиги, Ўзбекистон шахмат федерацияси (А. Саъдуллаев), Ўзбекистон Миллий паралимпия қўмитаси (М.Ташходжаев), Камбағалликни қисқартириш ва бандлик вазирлиги (Б. Мусаев), Ташқи ишлар вазирлиги (Б. Саидов) билан биргаликда мазкур бандда кўрсатилган:
мусобақаларга тайёргарлик кўриш ва уларни юқори савияда ўтказиш бўйича чора-тадбирлар режасини тасдиқласин;
тегишли мусобақалар 2023 йил 1 январдан бошлаб спорт ва оммавий жисмоний тарбия тадбирларининг республика календарь режасига киритилишини таъминласин;
мусобақаларни ўтказиш жараёнини маҳаллий ва хорижий оммавий ахборот воситалари ҳамда бошқа коммуникация манбаларида кенг ёритсин.
Туризм ва маданий мерос вазирлиги (Б. Ибрагимов) мазкур бандда кўрсатилган мусобақаларни туристик маршрутлар объектлари рўйхатига киритсин, уларга хорижий ва маҳаллий туристларни жалб этиш чораларини кўрсин.
6. Халқ таълими вазирлиги (Б. Саидов), Олий ва ўрта махсус таълим вазирлиги (А. Тошкулов), Президент таълим муассасалари агентлиги (Х. Умарова), Ўзбекистон шахмат федерацияси, Ёшлар ишлари агентлиги (А. Саъдуллаев) 2022/2023 ўқув йилидан бошлаб умумий ўрта таълим мактаблари, ўрта махсус, профессионал ва олий таълим муассасалари ҳамда ҳудудлардаги Ёшлар марказларида шахмат тўгараклари фаолиятини йўлга қўйсин.
7. Ўзбекистон шахмат федерацияси, Ёшлар ишлари агентлиги (А. Саъдуллаев), Спортни ривожлантириш вазирлиги (А. Икрамов), Навоий вилоят ҳокимлиги (Н. Турсунов), «Навоий кон-металлургия комбинати» АЖ (Қ. Санақулов):
ҳар йили Халқаро шахмат мактабида жаҳоннинг машҳур халқаро гроссмейстерлари иштирокида ёш шахматчилар учун тренинг ва маҳорат дарсларини ўз ичига олган мавсумий оромгоҳлар ташкил этиш;
«Тўдакўл» брендини ишлаб чиқиш ва тарғиб қилиш орқали Халқаро шахмат мактаби фаолиятини оммалаштириш чораларини кўрсин.
8. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Ўзбекистон шахмат федерацияси ҳамда Спортни ривожлантириш вазирлиги билан биргаликда маҳаллий бюджет маблағлари ҳисобидан креатив кўргазмали услублардан фойдаланган ҳолда жамоат жойлари ва истироҳат боғларида шахмат майдончаларини ташкил қилсин.
9. Ўзбекистон Республикаси шахматчилари ва уларнинг тренерларига бериладиган бир марталик пул мукофотларининг миқдорлари иловага мувофиқ тасдиқлансин.
Белгилансинки, ушбу иловада назарда тутилган рағбатлантириш харажатлари Давлат бюджетидан спорт ва оммавий жисмоний тарбия тадбирларининг республика календарь режасига мазкур мақсадлар учун йўналтириладиган маблағлар ҳисобидан амалга оширилади.
10. Молия вазирлиги (Т. Ишметов) Халқаро шахмат мактаби фаолиятини таъминлаш билан боғлиқ зарур маблағларни 2023 йилдан бошлаб Давлат бюджети параметрларида назарда тутсин.
11. Ёшлар сиёсати ва спорт вазирлиги (А. Икрамов), Ўзбекистон шахмат федерацияси (А. Саъдуллаев):
Халқаро шахмат мактабини замонавий педагогик технологияларни эгаллаган малакали педагог кадрлар, тренерлар ва бошқа мутахассислар билан босқичма-босқич тўлдириш чораларини кўрсин;
Камбағалликни қисқартириш ва бандлик вазирлиги ҳамда Иқтисодиёт ва молия вазирлиги билан биргаликда Халқаро шахмат мактабининг ҳамда Халқаро шахмат академиясининг бошқарув, техник, хизмат кўрсатувчи ва ўқув-ёрдамчи ходимларининг штат жадвалини ишлаб чиқсин ва тасдиқласин.
12. Ўзбекистон Миллий телерадиокомпанияси (А. Хаджаев) Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда «Ёшлар» телеканали ҳамда тегишли ҳудудий телеканалларда шахмат мусобақаларини кенг ёритиш ва тарғиб қилиш ишларини мунтазам ташкил этиб борсин.
13. Мазкур қарор ижросини самарали ташкил қилишга масъул ва шахсий жавобгар этиб Ёшлар ишлари агентлиги директори, Ўзбекистон шахмат федерацияси раиси А.З. Саъдуллаев ва спортни ривожлантириш вазири А.И. Икрамов белгилансин.
Қарор ижросини муҳокама қилиб бориш, масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президентининг маслаҳатчиси А.А. Абдувахитов зиммасига юклансин.
Ўзбекистон Республикаси Президентининг 2022 йил 5 августдаги ПҚ-347-сон қарорига ИЛОВА
Ўзбекистон Республикаси шахматчилари ва уларнинг тренерларига бериладиган бир марталик пул мукофотларининг миқдорлари
(АҚШ долларида) Т/р Мусобақалар (унвон) Медаль Шахматчига бериладиган пул мукофоти миқдори Тренерга бериладиган пул мукофоти миқдори * 1. Бутунжаҳон шахмат олимпиадаси ва паралимпиадаси (катталар ўртасида) Олтин 200 000 50 000 Кумуш 100 000 25 000 Бронза 50 000 12 500 2. Бутунжаҳон шахмат олимпиадаси ва паралимпиадаси (ёшлар ўртасида) Олтин 20 000 5 000 Кумуш 10 000 2 500 Бронза 5 000 1 250 3. Халқаро шахмат федерацияси (ФИДЕ) таснифига кўра жаҳон миқёсидаги мусобақалар Олтин 15 000 7 000 Кумуш 7 500 3 500 Бронза 3 750 1 750 4. Халқаро шахмат федерацияси (ФИДЕ) таснифига кўра Осиё миқёсидаги мусобақалар Олтин 10 000 5 000 Кумуш 5 000 2 500 Бронза 2 500 1 250 5. Халқаро гроссмейстер спорт унвонини олган тақдирда 5 000
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 5 август,
ПҚ-347-сон
Oʻzbekiston Respublikasi Prezidentining
Qarori
Shaxmatni yanada ommalashtirish va rivojlantirish boʻyicha qoʻshimcha chora-tadbirlar toʻgʻrisida
30-iyun — Oʻzbekiston Respublikasi yoshlari kuni munosabati bilan boʻlib oʻtgan uchrashuvda belgilab berilgan vazifalarning ijrosini taʼminlash, iqtidorli yoshlarni aniqlash, tanlash va saralash (seleksiya) hamda ularni professional shaxmatga jalb qilish, nufuzli xalqaro shaxmat musobaqalarida sovrinli oʻrinlarni egallash, jahon standartlariga mos keladigan shaxmat infratuzilmasini kengaytirish, shuningdek, Shaxmatni 2025-yilgacha rivojlantirish davlat dasturini izchil amalga oshirish maqsadida:
1. Navoiy viloyati, Qiziltepa tumani, “Toʻdakoʻl” dam olish bazasi hududida yuridik shaxs maqomiga ega boʻlgan maktabdan tashqari davlat sport-taʼlim muassasasi hisoblangan Xalqaro shaxmat maktabi tashkil qilinsin.
2. Quyidagilar Xalqaro shaxmat maktabining asosiy vazifalari etib belgilansin:
zarur shaxmat anjomlari va uskunalari bilan jihozlangan, zamonaviy xalqaro talablar va standartlarga javob beradigan moddiy-texnik hamda oʻquv-mashgʻulot bazalarini yaratish va turli darajadagi xalqaro va mintaqaviy musobaqalar — Shaxmat olimpiadasi va Osiyo oʻyinlari, Jahon va Osiyo chempionatlari, universiadalar hamda boshqa musobaqalarda Oʻzbekistonning sharafini munosib himoya qilishga qodir boʻlgan xalqaro darajadagi shaxmatchilarni tayyorlash;
xalqaro darajadagi shaxmatchilarni tayyorlash uchun shaxmat boʻyicha yuqori malakali mutaxassis-trenerlar, psixologlar va uslubchilarni, shu jumladan jahonning mashhur xalqaro grossmeysterlarini keng jalb etish orqali trenerlar tarkibini mustahkamlash;
shaxmatchilarning oʻquv-mashgʻulot jarayonini xalqaro standartlar darajasida tashkil etish, ilgʻor xalqaro tajribani hisobga olgan holda, oʻquv-mashq jarayonlariga eng yangi ilmiy-uslubiy texnologiyalarni joriy etish yoʻli bilan shaxmatchilarni nazariy va texnik-taktik jihatdan tayyorlash sifatini muntazam oshirib borish;
shaxmat boʻyicha terma jamoalar va ularning zaxiralari ishtirokida oʻquv-mashq yigʻinlari, respublika va mintaqaviy musobaqalarni tashkil etish hamda muntazam ravishda oʻtkazib borish, trenerlar hamda shaxmatchilarning kasb mahorati darajasini oshirish uchun tajriba almashish boʻyicha xorijiy shaxmat maktablari, klublari va markazlari bilan hamkorlikni rivojlantirish;
Oʻzbekistonda shaxmatni rivojlantirishni xalqaro talablar va standartlarga moslashtirish, oʻgʻil bolalar va qizlarni shaxmatga jalb qilish va ularning ushbu sport turiga qiziqishini kuchaytirish, shaxmatchilarning professional mahoratini doimiy ravishda oshirib borish.
3. Quyidagilar Xalqaro shaxmat maktabi faoliyatini moliyalashtirish manbalari etib belgilansin:
Davlat budjeti mablagʻlari;
faoliyat ixtisosligi boʻyicha tovarlarni (ishlarni, xizmatlarni) realizatsiya qilishdan va maktabning ustavidagi vazifalarga muvofiq boʻlgan boshqa faoliyat turlaridan olingan daromadlar;
yuridik va jismoniy shaxslarning homiylik xayriyalari;
qonunchilik hujjatlarida taqiqlanmagan boshqa manbalar.
4. Oʻzbekiston shaxmat federatsiyasi hamda Sportni rivojlantirish vazirligining har yili oʻtkazib kelinayotgan Oʻzbekiston Respublikasi Prezidenti sovrini uchun xalqaro shaxmat turnirining final bosqichini 2023-yildan boshlab Xalqaro shaxmat maktabida oʻtkazish toʻgʻrisidagi taklifi maʼqullansin.
5. Belgilab qoʻyilsinki, Oʻzbekiston Respublikasi Prezidentining 2021-yil 14-yanvardagi “Shaxmatni yanada rivojlantirish va ommaviylashtirish hamda shaxmatchilarni tayyorlash tizimini takomillashtirish chora-tadbirlari toʻgʻrisida”gi PQ-4954-son qarorida belgilangan turnirlar va musobaqalar bilan bir qatorda qoʻshimcha ravishda quyidagi musobaqalar 2023-yildan boshlab har yili tizimli ravishda oʻtkaziladi:
Yoshlar ishlari agentligi bilan birgalikda yoshlar oʻrtasida barcha hududlarda “Rokirovka” turniri;
Mahalla va nuroniylarni qoʻllab-quvvatlash vazirligi bilan birgalikda keksa avlod vakillari oʻrtasida “Nuroniylar” kubogi uchun;
Oʻzbekiston Milliy paralimpiya qoʻmitasi, Oʻzbekiston Respublikasi Prezidenti huzuridagi Ijtimoiy himoya milliy agentligi bilan birgalikda nogironligi boʻlgan shaxmatchilar oʻrtasida “Cheksiz imkon” turniri;
Oila va xotin-qizlar davlat qoʻmitasi bilan birgalikda Oila va xotin-qizlarni qoʻllab-quvvatlash davlat maqsadli jamgʻarmasi mablagʻlari hisobidan 8-mart — Xalqaro xotin-qizlar kuniga bagʻishlangan 50 000 AQSH dollari miqdorida mukofot fondiga ega “Womenʼs Chess Championship” xalqaro turniri;
Tashqi ishlar vazirligi bilan birgalikda Mustaqil Davlatlar Hamdoʻstligi, Shanxay hamkorlik tashkiloti va Turkiy davlatlar tashkilotiga aʼzo mamlakatlar shaxmatchilari oʻrtasida anʼanaviy “Uzbekistan Chess Open” xalqaro turniri.
Yoshlar siyosati va sport vazirligi (A. Ikramov) Yoshlar ishlari agentligi, Oʻzbekiston shaxmat federatsiyasi (A. Saʼdullayev), Oʻzbekiston Milliy paralimpiya qoʻmitasi (M.Tashxodjayev), Kambagʻallikni qisqartirish va bandlik vazirligi (B. Musayev), Tashqi ishlar vazirligi (B. Saidov) bilan birgalikda mazkur bandda koʻrsatilgan:
musobaqalarga tayyorgarlik koʻrish va ularni yuqori saviyada oʻtkazish boʻyicha chora-tadbirlar rejasini tasdiqlasin;
tegishli musobaqalar 2023-yil 1-yanvardan boshlab sport va ommaviy jismoniy tarbiya tadbirlarining respublika kalendar rejasiga kiritilishini taʼminlasin;
musobaqalarni oʻtkazish jarayonini mahalliy va xorijiy ommaviy axborot vositalari hamda boshqa kommunikatsiya manbalarida keng yoritsin.
Turizm va madaniy meros vazirligi (B. Ibragimov) mazkur bandda koʻrsatilgan musobaqalarni turistik marshrutlar obyektlari roʻyxatiga kiritsin, ularga xorijiy va mahalliy turistlarni jalb etish choralarini koʻrsin.
6. Xalq taʼlimi vazirligi (B. Saidov), Oliy va oʻrta maxsus taʼlim vazirligi (A. Toshkulov), Prezident taʼlim muassasalari agentligi (X. Umarova), Oʻzbekiston shaxmat federatsiyasi, Yoshlar ishlari agentligi (A. Saʼdullayev) 2022/2023 oʻquv yilidan boshlab umumiy oʻrta taʼlim maktablari, oʻrta maxsus, professional va oliy taʼlim muassasalari hamda hududlardagi Yoshlar markazlarida shaxmat toʻgaraklari faoliyatini yoʻlga qoʻysin.
7. Oʻzbekiston shaxmat federatsiyasi, Yoshlar ishlari agentligi (A. Saʼdullayev), Sportni rivojlantirish vazirligi (A. Ikramov), Navoiy viloyat hokimligi (N. Tursunov), “Navoiy kon-metallurgiya kombinati” AJ (Q. Sanaqulov):
har yili Xalqaro shaxmat maktabida jahonning mashhur xalqaro grossmeysterlari ishtirokida yosh shaxmatchilar uchun trening va mahorat darslarini oʻz ichiga olgan mavsumiy oromgohlar tashkil etish;
“Toʻdakoʻl” brendini ishlab chiqish va targʻib qilish orqali Xalqaro shaxmat maktabi faoliyatini ommalashtirish choralarini koʻrsin.
8. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Oʻzbekiston shaxmat federatsiyasi hamda Sportni rivojlantirish vazirligi bilan birgalikda mahalliy budjet mablagʻlari hisobidan kreativ koʻrgazmali uslublardan foydalangan holda jamoat joylari va istirohat bogʻlarida shaxmat maydonchalarini tashkil qilsin.
9. Oʻzbekiston Respublikasi shaxmatchilari va ularning trenerlariga beriladigan bir martalik pul mukofotlarining miqdorlari ilovaga muvofiq tasdiqlansin.
Belgilansinki, ushbu ilovada nazarda tutilgan ragʻbatlantirish xarajatlari Davlat budjetidan sport va ommaviy jismoniy tarbiya tadbirlarining respublika kalendar rejasiga mazkur maqsadlar uchun yoʻnaltiriladigan mablagʻlar hisobidan amalga oshiriladi.
10. Moliya vazirligi (T. Ishmetov) Xalqaro shaxmat maktabi faoliyatini taʼminlash bilan bogʻliq zarur mablagʻlarni 2023-yildan boshlab Davlat budjeti parametrlarida nazarda tutsin.
11. Yoshlar siyosati va sport vazirligi (A. Ikramov), Oʻzbekiston shaxmat federatsiyasi (A. Saʼdullayev):
Xalqaro shaxmat maktabini zamonaviy pedagogik texnologiyalarni egallagan malakali pedagog kadrlar, trenerlar va boshqa mutaxassislar bilan bosqichma-bosqich toʻldirish choralarini koʻrsin;
Kambagʻallikni qisqartirish va bandlik vazirligi hamda Iqtisodiyot va moliya vazirligi bilan birgalikda Xalqaro shaxmat maktabining hamda Xalqaro shaxmat akademiyasining boshqaruv, texnik, xizmat koʻrsatuvchi va oʻquv-yordamchi xodimlarining shtat jadvalini ishlab chiqsin va tasdiqlasin.
12. Oʻzbekiston Milliy teleradiokompaniyasi (A. Xadjayev) Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda “Yoshlar” telekanali hamda tegishli hududiy telekanallarda shaxmat musobaqalarini keng yoritish va targʻib qilish ishlarini muntazam tashkil etib borsin.
13. Mazkur qaror ijrosini samarali tashkil qilishga masʼul va shaxsiy javobgar etib Yoshlar ishlari agentligi direktori, Oʻzbekiston shaxmat federatsiyasi raisi A.Z. Saʼdullayev va sportni rivojlantirish vaziri A.I. Ikramov belgilansin.
Qaror ijrosini muhokama qilib borish, masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidentining maslahatchisi A.A. Abduvaxitov zimmasiga yuklansin.
Oʻzbekiston Respublikasi Prezidentining 2022-yil 5-avgustdagi PQ-347-son qaroriga ILOVA
Oʻzbekiston Respublikasi shaxmatchilari va ularning trenerlariga beriladigan bir martalik pul mukofotlarining miqdorlari
(AQSH dollarida) T/r Musobaqalar (unvon) Medal Shaxmatchiga beriladigan pul mukofoti miqdori Trenerga beriladigan pul mukofoti miqdori * 1. Butunjahon shaxmat olimpiadasi va paralimpiadasi (kattalar oʻrtasida) Oltin 200 000 50 000 Kumush 100 000 25 000 Bronza 50 000 12 500 2. Butunjahon shaxmat olimpiadasi va paralimpiadasi (yoshlar oʻrtasida) Oltin 20 000 5 000 Kumush 10 000 2 500 Bronza 5 000 1 250 3. Xalqaro shaxmat federatsiyasi (FIDE) tasnifiga koʻra jahon miqyosidagi musobaqalar Oltin 15 000 7 000 Kumush 7 500 3 500 Bronza 3 750 1 750 4. Xalqaro shaxmat federatsiyasi (FIDE) tasnifiga koʻra Osiyo miqyosidagi musobaqalar Oltin 10 000 5 000 Kumush 5 000 2 500 Bronza 2 500 1 250 5. Xalqaro grossmeyster sport unvonini olgan taqdirda 5 000
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 5-avgust,
PQ-347-son
Президента Республики Узбекистан
Постановление
О дополнительных мерах по дальнейшей популяризации и развитию шахмат
В целях обеспечения исполнения задач, определенных в ходе встречи, проведенной в связи с 30 июня — Днем молодежи Республики Узбекистан, выявления, выбора, отбора (селекции) и привлечения к профессиональным шахматам одаренной молодежи, завоевания призовых мест в престижных международных шахматных соревнованиях, расширения шахматной инфраструктуры, соответствующей мировым стандартам, а также последовательной реализации Государственной программы развития шахмат до 2025 года:
1. Образовать Международную шахматную школу в форме внешкольного государственного спортивно-образовательного учреждения со статусом юридического лица на территории базы отдыха «Тудакуль» в Кызылтепинском районе Навоийской области.
2. Определить основными задачами Международной шахматной школы:
создание материально-технической и учебно-тренировочной баз, оснащенных необходимым шахматным инвентарем и оборудованием, соответствующих современным международным требованиям и стандартам, подготовку шахматистов мирового уровня, способных достойно защищать честь Узбекистана в международных и региональных соревнованиях разного уровня — Шахматной олимпиаде и Азиатских играх, чемпионатах мира и Азии, универсиадах и других соревнованиях;
укрепление тренерского состава для подготовки шахматистов мирового уровня путем широкого привлечения высококвалифицированных специалистов-тренеров, психологов и методистов по шахматам, включая всемирно известных международных гроссмейстеров;
организацию учебно-тренировочного процесса шахматистов на уровне международных стандартов, регулярное повышение качества их теоретической и технико-тактической подготовки путем внедрения новейших научно-методических технологий в учебно-тренировочный процесс с учетом передового международного опыта;
организацию и проведение на постоянной основе учебно-тренировочных сборов, республиканских и региональных соревнований с участием сборных команд по шахматам и их резервов, развитие сотрудничества по обмену опытом с зарубежными шахматными школами, клубами и центрами в целях повышения уровня профессионального мастерства тренеров и шахматистов;
приведение развития шахмат в Узбекистане в соответствие с международными требованиями и стандартами, привлечение юношей и девушек к занятиям шахматами, усиление их интереса к этому виду спорта, повышение профессионального мастерства шахматистов на постоянной основе.
3. Определить источниками финансирования деятельности Международной шахматной школы:
средства Государственного бюджета;
доходы от реализации товаров (работ, услуг) по профилю деятельности, а также полученные за счет иных видов деятельности в соответствии с задачами устава школы;
благотворительные пожертвования юридических и физических лиц;
иные источники, не запрещенные актами законодательства.
4. Одобрить предложение Федерации шахмат Узбекистана и Министерства развития спорта о проведении начиная с 2023 года финального этапа ежегодного Международного турнира по шахматам на приз Президента Республики Узбекистан в Международной шахматной школе.
5. Установить, что наряду с турнирами и соревнованиями, определенными в постановлении Президента Республики Узбекистан от 14 января 2021 года № ПП-4954 «О мерах по дальнейшему развитию и популяризации шахмат, а также совершенствованию системы подготовки шахматистов», начиная с 2023 года ежегодно на системной основе дополнительно проводятся следующие соревнования:
совместно с Агентством по делам молодежи — турнир «Рокировка» среди молодежи во всех регионах страны;
совместно с Министерством по поддержке махалли и старшего поколения — на кубок «Нуронийлар» среди представителей старшего поколения;
совместно с Национальным паралимпийским комитетом Узбекистана и Национальным агентством социальной защиты при Президенте Республики Узбекистан — турнир «Чексиз имкон» среди шахматистов с инвалидностью;
совместно с Государственным комитетом семьи и женщин за счет средств Государственного целевого фонда по поддержке семьи и женщин — Международный турнир «Womenʼs Chess Championship», посвященный 8 Марта — Международному женскому дню, с призовым фондом в размере 50 000 долларов США;
совместно с Министерством иностранных дел — традиционный Международный турнир «Uzbekistan Chess Open» среди шахматистов из стран-членов Содружества Независимых Государств, Шанхайской Организации Сотрудничества и Организации тюркских государств.
Министерству молодежной политики и спорта (А. Икрамов) совместно с Агентством по делам молодежи, Федерацией шахмат Узбекистана (А. Саъдуллаев), Национальным паралимпийским комитетом Узбекистана (М. Ташходжаев), Министерством занятости и сокращения бедности (Б. Мусаев), Министерством иностранных дел (Б. Саидов) по соревнованиям, указанным в настоящем пункте:
утвердить план мер по подготовке и проведению на высоком уровне соревнований;
обеспечить включение начиная с 1 января 2023 года соответствующих соревнований в республиканский календарный план спортивных и физкультурно-массовых мероприятий;
широко освещать процесс их проведения в местных и зарубежных средствах массовой информации и иных источниках коммуникаций.
Министерству туризма и культурного наследия (Б. Ибрагимов) включить соревнования, указанные в настоящем пункте, в перечень объектов туристских маршрутов, а также принять меры по привлечению к данным соревнованиям зарубежных и отечественных туристов.
6. Министерству народного образования (Б. Саидов), Министерству высшего и среднего специального образования (А. Тошкулов), Агентству Президентских образовательных учреждений (Х. Умарова), Федерации шахмат Узбекистана, Агентству по делам молодежи (А. Саъдуллаев) начиная с 2022/2023 учебного года организовать деятельность шахматных кружков в средних общеобразовательных школах, средних специальных, профессиональных и высших образовательных учреждениях и региональных центрах молодежи.
7. Федерации шахмат Узбекистана, Агентству по делам молодежи (А. Саъдуллаев), Министерству развития спорта (А. Икрамов), хокимияту Навоийской области (Н. Турсунов), АО «Навоийский горно-металлургический комбинат» (К. Санакулов) принять меры по:
ежегодному созданию сезонных лагерей в Международной шахматной школе, включающих тренинги и мастер-классы для молодых шахматистов с участием всемирно известных международных гроссмейстеров;
популяризацию деятельности Международной шахматной школы посредством разработки и пропаганды бренда «Тудакуль».
8. Совету Министров Республики Каракалпакстан, хокимиятам областей и города Ташкента совместно с Федерацией шахмат Узбекистана и Министерством развития спорта за счет средств местных бюджетов создать в общественных местах и парках отдыха шахматные площадки с использованием креативных наглядных методов.
9. Утвердить Размеры единовременного денежного вознаграждения шахматистов Республики Узбекистан и их тренеров согласно приложению .
Определить, что расходы на поощрение, предусмотренные настоящим приложением , производятся за счет средств Государственного бюджета, направляемых для данных целей в республиканский календарный план спортивных и физкультурно-массовых мероприятий.
10. Министерству финансов (Т. Ишметов) начиная с 2023 года предусмотреть в параметрах Государственного бюджета средства, необходимые для обеспечения деятельности Международной шахматной школы.
11. Министерству молодежной политики и спорта (А. Икрамов) и Федерации шахмат Узбекистана (А. Саъдуллаев):
принять меры по поэтапному укомплектованию Международной шахматной школы квалифицированными педагогическими кадрами, тренерами и иными специалистами, освоившими современные педагогические технологии;
совместно с Министерством занятости и сокращения бедности и Министерством экономики и финансов разработать и утвердить штатное расписание руководящего, технического, обслуживающего и учебно-вспомогательного персонала Международной шахматной школы.
12. Национальной телерадиокомпании Узбекистана (А. Хаджаев) совместно с Советом Министров Республики Каракалпакстан, хокимиятами областей и города Ташкента организовать работу по широкому освещению и пропаганде на постоянной основе соревнований по шахматам на телеканале «Ёшлар» и соответствующих региональных телеканалах.
13. Возложить на директора Агентства по делам молодежи, председателя Федерации шахмат Узбекистана А.З. Саъдуллаев и министра развития спорта А.И. Икрамова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ответственных организаций возложить на Премьер-министра Республики Узбекистан А.Н. Арипова и советника Президента Республики Узбекистан А.А. Абдувахитов.
ПРИЛОЖЕНИЕ к постановлению Президента Республики Узбекистан от 5 августа 2022 года № ПП-347
Размеры единовременного денежного вознаграждения шахматистов Республики Узбекистан и их тренеров
(в долларах США) № Соревнования (звание) Медаль Размер денежного вознаграждения шахматиста Размер денежного вознаграждения тренера * 1. Всемирная шахматная олимпиада и паралимпиада (среди взрослых) Золото 200 000 50 000 Серебро 100 000 25 000 Бронза 50 000 12 500 2. Всемирная шахматная олимпиада и паралимпиада (среди молодежи) Золото 20 000 5 000 Серебро 10 000 2 500 Серебро 5 000 1 250 3. Соревнования мирового уровня по классификации Международной шахматной федерации (ФИДЕ) Золото 15 000 7 000 Серебро 7 500 3 500 Бронза 3 750 1 750 4. Соревнования азиатского уровня по классификации Международной шахматной федерации (ФИДЕ Золото 10 000 5 000 Серебро 5 000 2 500 Бронза 2 500 1 250 5. В случае получения спортивного звания международный гроссмейстер 5 000
Президент Республики Узбекистан Ш. МИРЗИЁЕВ
г. Ташкент,
5 августа 2022 г.,
№ ПП-347