📅 2022-yil 10-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 10 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 10 августа 2022 г. · Постановления Кабинета Министров
Официальный текст. Официальный документ. Редакционные примечания не включены.
📅 10 August 2022 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ТАРКИБИ
«Зарафшон» миллий табиат боғини Экология ва атроф муҳитни муҳофаза қилиш давлат қўмитаси тизимига ўтказиш тўғрисида
Ўзбекистон Республикаси Президентининг «Атроф-муҳитни муҳофаза қилиш ҳамда экологик назорат соҳасидаги давлат органлари фаолиятини ташкил этиш чора-тадбирлари тўғрисида» 2021 йил 30 декабрдаги ПҚ-76-сон қарори ижросини таъминлаш, муҳофаза этиладиган табиий ҳудудларни давлат томонидан бошқариш тизимининг самарадорлигини ошириш, шунингдек, «Зарафшон» миллий табиат боғидаги реликт ва ноёб тўқайзор ўрмонлар, табиий мажмуаларни муҳофаза қилиш, табиий объектлар ва мажмуалардан қонунчилик талаблари асосида фойдаланилишини таъминлаш мақсадида Вазирлар Маҳкамаси қарор қилади:
1. Экология ва атроф муҳитни муҳофаза қилиш давлат қўмитаси (кейинги ўринларда — Давлат экология қўмитаси), Ўрмон хўжалиги давлат қўмитаси ва Самарқанд вилояти ҳокимлигининг Жомбой ва Булунғур туманлари ҳудудида жойлашган, умумий майдони 2 426,2 гектар бўлган «Зарафшон» миллий табиат боғини штат бирликлари ва моддий-техник базаси билан бирга ҳамда амалдаги молиялаштириш тартибини сақлаб қолган ҳолда, Ўрмон хўжалиги давлат қўмитаси тизимидан Давлат экология қўмитаси тизимига ўтказиш тўғрисидаги таклифига розилик берилсин.
2. «Зарафшон» миллий табиат боғини қабул қилиш-топшириш ишларини ташкил этиш бўйича республика комиссияси 1-иловага мувофиқ таркибда ташкил этилсин.
3. Республика комиссияси (Обломурадов) икки ой муддатда «Зарафшон» миллий табиат боғининг:
мол-мулклари ва асосий воситаларини ҳамда бошқа объектларини, шунингдек, питомникларидаги ёввойи ҳайвонларни хатловдан ўтказсин;
штат бирликлари ва моддий-техник базаси билан бирга ҳамда амалдаги молиялаштириш тартибини сақлаб қолган ҳолда белгиланган тартибда қабул қилиниши-топширилишини таъминласин.
4. Давлат экология қўмитаси:
а) уч ой муддатда «Зарафшон» миллий табиат боғининг:
низоми ишлаб чиқилиши ва тасдиқланишини ҳамда белгиланган тартибда давлат рўйхатидан ўтказилишини;
ер участкалари, кўчмас мулк объектларининг кадастр ҳужжатларига тегишли ўзгартиришлар киритилишини;
ҳудуди, шунингдек, унинг қўриқхона, рекреация ва хўжалик мақсадида фойдаланиш зоналари чегараларининг белгиланишини таъминласин;
б) Сув хўжалиги вазирлиги, Ўрмон хўжалиги давлат қўмитаси, Фанлар академияси ва Самарқанд вилояти ҳокимлиги билан биргаликда 2022 йил 1 ноябрга қадар жойига чиққан ҳолда ўрганиш ишларини ўтказиб Бухоро буғулари учун яшаш жойларини яхлит сақлаш, Зарафшон дарёси сув сатҳининг пасайиши натижасида қирғоқлардаги тўқайзорларга бўлаётган салбий таъсирнинг олдини олиш мақсадида миллий табиат боғи ҳудудини кенгайтириш бўйича Вазирлар Маҳкамасига асослантирилган таклиф киритсин;
в) доимий равишда:
табиатни муҳофаза қилиш соҳасидаги қонунчилик ҳужжатлари талабларига риоя этилиши юзасидан тарғибот ва давлат экология назорати ишларини кучайтирсин;
Фанлар академияси билан биргаликда «Зарафшон» миллий табиат боғи ҳудудида табиий объектлар мониторинги юритилиши ва илмий-тадқиқот ишларининг ташкил этилишини таъминласин.
5. Ўзбекистон Республикаси Ҳукуматининг 2-иловага мувофиқ айрим қарорларига ўзгартиришлар киритилсин.
6. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари А.Ж. Раматов ва Давлат экология қўмитаси раиси Н.Н. Обломурадов зиммасига юклансин.
Вазирлар Маҳкамасининг 2022 йил 10 августдаги 442-сон қарорига 1-ИЛОВА
«Зарафшон» миллий табиат боғини қабул қилиш-топшириш ишларини ташкил этиш бўйича республика комиссияси
1. Н. Обломурадов — Экология ва атроф муҳитни муҳофаза қилиш давлат қўмитаси раиси, Комиссия раиси 2. Н. Бакиров — Ўрмон хўжалиги давлат қўмитаси раиси, Комиссия раиси ўринбосари 3. Б. Ибрагимов — Фанлар академияси вице-президенти 4. А. Шукуров — Самарқанд вилояти ҳокимининг капитал қурилиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосари 5. Х. Шеримбетов — Экология ва атроф муҳитни муҳофаза қилиш давлат қўмитасининг Муҳофаза этиладиган табиий ҳудудлар бошқармаси бошлиғи, Комиссия котиби
Вазирлар Маҳкамасининг 2022 йил 10 августдаги 442-сон қарорига 2-ИЛОВА
Ўзбекистон Республикаси Ҳукуматининг айрим қарорларига киритилаётган ўзгартиришлар
1. Вазирлар Маҳкамасининг «Зарафшон миллий табиат боғи фаолиятини ташкил этиш тўғрисида» 2018 йил 7 февралдаги 82-сон қарорининг 2-банди иккинчи хатбошиси қуйидаги таҳрирда баён этилсин:
«табиат боғи Ўзбекистон Республикаси Экология ва атроф-муҳитни муҳофаза қилиш давлат қўмитаси тизимига киради».
2. Вазирлар Маҳкамасининг «Қорақалпоғистон Республикасида «Судочье-акпетки» давлат буюртма қўриқхонасини ташкил қилиш тўғрисида» 2021 йил 8 февралдаги 58-сон қарорида :
а) 1-банддаги «Мўйноқ» сўзи «Мўйноқ, Тахтакўпир» сўзлари билан алмаштирилсин;
б) 1-илованинг II бўлими «Ҳудуд номи» устунидаги «Мўйноқ» сўзи «Тахтакўпир» сўзи билан алмаштирилсин;
в) 2-илованинг II бўлими қуйидаги таҳрирда баён этилсин:
« II. «Акпетки» участкаси Мўйноқ тумани 335 484 Тахтакўпир тумани 53 801 Жами: 389 285 Умумий ер майдони 442 223 » .
4. Вазирлар Маҳкамасининг «Ўрмон фонди ерлари ва суғориладиган ерлардан самарали фойдаланиш ҳамда ёғочбоп маҳсулотлар етиштириш ҳажмини янада кўпайтириш чора-тадбирлари тўғрисида» 2021 йил 14 июлдаги 442-сон қарорига 3-илованинг «Самарқанд вилояти» бўлими 5-позицияси «Иҳота дарахтзорларини барпо этувчи давлат ўрмон хўжаликлари номи» устунидаги «Зарафшон миллий табиат боғи» сўзлари «Каттақўрғон давлат ўрмон хўжалиги» сўзлари билан алмаштирилсин.
Ўзбекистон Республикасининг Бош вазири А. АРИПОВ
Тошкент ш.,
2022 йил 10 август,
442-сон
Oʻzbekiston Respublikasi Vazirlar Mahkamasining
qarori
TARKIBI
“Zarafshon” milliy tabiat bogʻini Ekologiya va atrof muhitni muhofaza qilish davlat qoʻmitasi tizimiga oʻtkazish toʻgʻrisida
Oʻzbekiston Respublikasi Prezidentining “Atrof-muhitni muhofaza qilish hamda ekologik nazorat sohasidagi davlat organlari faoliyatini tashkil etish chora-tadbirlari toʻgʻrisida” 2021-yil 30-dekabrdagi PQ-76-son qarori ijrosini taʼminlash, muhofaza etiladigan tabiiy hududlarni davlat tomonidan boshqarish tizimining samaradorligini oshirish, shuningdek, “Zarafshon” milliy tabiat bogʻidagi relikt va noyob toʻqayzor oʻrmonlar, tabiiy majmualarni muhofaza qilish, tabiiy obyektlar va majmualardan qonunchilik talablari asosida foydalanilishini taʼminlash maqsadida Vazirlar Mahkamasi qaror qiladi:
1. Ekologiya va atrof muhitni muhofaza qilish davlat qoʻmitasi (keyingi oʻrinlarda — Davlat ekologiya qoʻmitasi), Oʻrmon xoʻjaligi davlat qoʻmitasi va Samarqand viloyati hokimligining Jomboy va Bulungʻur tumanlari hududida joylashgan, umumiy maydoni 2 426,2 gektar boʻlgan “Zarafshon” milliy tabiat bogʻini shtat birliklari va moddiy-texnik bazasi bilan birga hamda amaldagi moliyalashtirish tartibini saqlab qolgan holda, Oʻrmon xoʻjaligi davlat qoʻmitasi tizimidan Davlat ekologiya qoʻmitasi tizimiga oʻtkazish toʻgʻrisidagi taklifiga rozilik berilsin.
2. “Zarafshon” milliy tabiat bogʻini qabul qilish-topshirish ishlarini tashkil etish boʻyicha respublika komissiyasi 1-ilovaga muvofiq tarkibda tashkil etilsin.
3. Respublika komissiyasi (Oblomuradov) ikki oy muddatda “Zarafshon” milliy tabiat bogʻining:
mol-mulklari va asosiy vositalarini hamda boshqa obyektlarini, shuningdek, pitomniklaridagi yovvoyi hayvonlarni xatlovdan oʻtkazsin;
shtat birliklari va moddiy-texnik bazasi bilan birga hamda amaldagi moliyalashtirish tartibini saqlab qolgan holda belgilangan tartibda qabul qilinishi-topshirilishini taʼminlasin.
4. Davlat ekologiya qoʻmitasi:
a) uch oy muddatda “Zarafshon” milliy tabiat bogʻining:
nizomi ishlab chiqilishi va tasdiqlanishini hamda belgilangan tartibda davlat roʻyxatidan oʻtkazilishini;
yer uchastkalari, koʻchmas mulk obyektlarining kadastr hujjatlariga tegishli oʻzgartirishlar kiritilishini;
hududi, shuningdek, uning qoʻriqxona, rekreatsiya va xoʻjalik maqsadida foydalanish zonalari chegaralarining belgilanishini taʼminlasin;
b) Suv xoʻjaligi vazirligi, Oʻrmon xoʻjaligi davlat qoʻmitasi, Fanlar akademiyasi va Samarqand viloyati hokimligi bilan birgalikda 2022-yil 1-noyabrga qadar joyiga chiqqan holda oʻrganish ishlarini oʻtkazib Buxoro bugʻulari uchun yashash joylarini yaxlit saqlash, Zarafshon daryosi suv sathining pasayishi natijasida qirgʻoqlardagi toʻqayzorlarga boʻlayotgan salbiy taʼsirning oldini olish maqsadida milliy tabiat bogʻi hududini kengaytirish boʻyicha Vazirlar Mahkamasiga asoslantirilgan taklif kiritsin;
v) doimiy ravishda:
tabiatni muhofaza qilish sohasidagi qonunchilik hujjatlari talablariga rioya etilishi yuzasidan targʻibot va davlat ekologiya nazorati ishlarini kuchaytirsin;
Fanlar akademiyasi bilan birgalikda “Zarafshon” milliy tabiat bogʻi hududida tabiiy obyektlar monitoringi yuritilishi va ilmiy-tadqiqot ishlarining tashkil etilishini taʼminlasin.
5. Oʻzbekiston Respublikasi Hukumatining 2-ilovaga muvofiq ayrim qarorlariga oʻzgartirishlar kiritilsin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov va Davlat ekologiya qoʻmitasi raisi N.N. Oblomuradov zimmasiga yuklansin.
Vazirlar Mahkamasining 2022-yil 10-avgustdagi 442-son qaroriga 1-ILOVA
“Zarafshon” milliy tabiat bogʻini qabul qilish-topshirish ishlarini tashkil etish boʻyicha respublika komissiyasi
1. N. Oblomuradov — Ekologiya va atrof muhitni muhofaza qilish davlat qoʻmitasi raisi, Komissiya raisi 2. N. Bakirov — Oʻrmon xoʻjaligi davlat qoʻmitasi raisi, Komissiya raisi oʻrinbosari 3. B. Ibragimov — Fanlar akademiyasi vitse-prezidenti 4. A. Shukurov — Samarqand viloyati hokimining kapital qurilish, kommunikatsiyalar, kommunal xoʻjalik, ekologiya va koʻkalamzorlashtirish masalalari boʻyicha oʻrinbosari 5. X. Sherimbetov — Ekologiya va atrof muhitni muhofaza qilish davlat qoʻmitasining Muhofaza etiladigan tabiiy hududlar boshqarmasi boshligʻi, Komissiya kotibi
Vazirlar Mahkamasining 2022-yil 10-avgustdagi 442-son qaroriga 2-ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirishlar
1. Vazirlar Mahkamasining “Zarafshon milliy tabiat bogʻi faoliyatini tashkil etish toʻgʻrisida” 2018-yil 7-fevraldagi 82-son qarorining 2-bandi ikkinchi xatboshisi quyidagi tahrirda bayon etilsin:
“tabiat bogʻi Oʻzbekiston Respublikasi Ekologiya va atrof-muhitni muhofaza qilish davlat qoʻmitasi tizimiga kiradi”.
2. Vazirlar Mahkamasining “Qoraqalpogʻiston Respublikasida “Sudochye-akpetki” davlat buyurtma qoʻriqxonasini tashkil qilish toʻgʻrisida” 2021-yil 8-fevraldagi 58-son qarorida :
a) 1-banddagi “Moʻynoq” soʻzi “Moʻynoq, Taxtakoʻpir” soʻzlari bilan almashtirilsin;
b) 1-ilovaning II boʻlimi “Hudud nomi” ustunidagi “Moʻynoq” soʻzi “Taxtakoʻpir” soʻzi bilan almashtirilsin;
v) 2-ilovaning II boʻlimi quyidagi tahrirda bayon etilsin:
“ II. “Akpetki” uchastkasi Moʻynoq tumani 335 484 Taxtakoʻpir tumani 53 801 Jami: 389 285 Umumiy yer maydoni 442 223 ” .
4. Vazirlar Mahkamasining “Oʻrmon fondi yerlari va sugʻoriladigan yerlardan samarali foydalanish hamda yogʻochbop mahsulotlar yetishtirish hajmini yanada koʻpaytirish chora-tadbirlari toʻgʻrisida” 2021-yil 14-iyuldagi 442-son qaroriga 3-ilovaning “Samarqand viloyati” boʻlimi 5-pozitsiyasi “Ihota daraxtzorlarini barpo etuvchi davlat oʻrmon xoʻjaliklari nomi” ustunidagi “Zarafshon milliy tabiat bogʻi” soʻzlari “Kattaqoʻrgʻon davlat oʻrmon xoʻjaligi” soʻzlari bilan almashtirilsin.
Oʻzbekiston Respublikasining Bosh vaziri A. ARIPOV
Toshkent sh.,
2022-yil 10-avgust,
442-son