📅 2022-yil 12-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 12 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 12 августа 2022 г. · Постановления Президента
Официальный текст. Официальный документ. Редакционные примечания не включены.
📅 12 August 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Замонавий билим ва касб-ҳунар эгаллаш имкониятларини кенгайтириш бўйича қўшимча чора-тадбирлар тўғрисида
Замонавий билим олиш ҳамда меҳнат бозорида талаб юқори бўлган касб-ҳунар эгаллаш истагида бўлган ёшларнинг таълим олиши учун кенг имкониятлар яратиш, улғайиб келаётган ёш авлоднинг интеллектуал ҳамда касбий маҳоратини ривожлантиришга бўлган интилишларини рағбатлантириш ва қўллаб-қувватлаш, шунингдек, жорий йил 30 июнь — Ёшлар куни муносабати билан ҳамда 29 июль куни ахборот технологиялари соҳасидаги мутахассислар билан бўлиб ўтган учрашувларда илгари сурилган янги ташаббус ва ғояларни амалга ошириш мақсадида:
1. 2022 йил 1 октябрдан бошлаб нодавлат таълим ташкилотларининг ўқув курсларида ёшларнинг ахборот технологиялари соҳасида таҳсил олиши учун таълим кредити ажратиш тизими йўлга қўйилсин.
Белгилансинки:
а) тижорат банклари Молия вазирлиги томонидан жойлаштириладиган депозитлар ҳисобидан ахборот технологиялари соҳасида таҳсил олиш учун таълим кредитларини Марказий банкнинг асосий ставкасида ажратади;
б) нодавлат таълим ташкилотларининг ўқув курсларида ахборот технологиялари соҳасида таҳсил олиш учун ёшларга таълим кредити:
базавий ҳисоблаш миқдорининг 65 бараваригача миқдорда 1 йиллик имтиёзли давр билан 4 йил муддатга Ўзбекистон Республикаси фуқароси бўлган ҳамда Ўзбекистон Республикасида доимий яшаётган фуқаролиги бўлмаган ёшларга ажратилади;
расмийлаштирилиши ва унинг қайтарилишида кредит олувчининг доимий даромад манбаига эга бўлган оила аъзолари ва бошқа учинчи шахслар биргаликда қарз олувчи сифатида қатнашишига рухсат этилади;
в) Ижтимоий реестрга киритилган оилалар фарзандлари бўлган ёшларга ахборот технологиялари соҳасида таҳсил олишга ажратиладиган таълим кредити учун гаров ва кафиллик талаб этилмайди;
г) ахборот технологиялари соҳасида таҳсил олиш учун ёшларга таълим кредити Дастурий маҳсулотлар ва ахборот технологиялари технологик парки (кейинги ўринларда — IT-парк) резиденти бўлган ташкилотларнинг ўқув курсларида таълим олиш учун ажратилади. Бунда, ахборот технологиялари соҳасида таълим берувчи резидент ташкилотлар реестри IT-парк томонидан электрон ахборот тизими шаклида юритилади ҳамда зарур ҳолларда тижорат банклари, манфаатдор вазирлик ва идоралар билан интеграция қилинади.
2. Ахборот технологиялари соҳасида таҳсил олиши учун таълим кредитлари бўйича тижорат банкларини молиявий ресурслар билан таъминлаш:
2022 йилда Молия вазирлиги ҳузуридаги Таълим кредитини молиялаштириш жамғармасига (кейинги ўринларда — Жамғарма) ажратилган Давлат бюджети маблағлари ҳисобидан амалга оширилади;
келгуси йилларда эса ҳақиқий талабдан келиб чиқиб Жамғармага зарур маблағлар ажратилади.
3. Белгилаб қўйилсинки:
Жамғарма маблағлари ҳисобидан тижорат банкларининг сўровларига асосан уларга Марказий банкнинг асосий ставкасида ахборот технологиялари соҳасида ёшлар таҳсил олишига таълим кредити ажратиш учун мазкур ставкадан 4 фоиз бандга паст бўлган ставкада депозит жойлаштиради;
Марказий банкнинг асосий ставкаси пасайтирилган тақдирда депозит маблағлари ва ахборот технологиялари соҳасида ёшларнинг таҳсил олиши учун таълим кредити бўйича фоиз ставкаси мутаносиб равишда пасайтирилади, оширилган тақдирда эса ўзгаришсиз қолади.
4. АТ «Халқ банки», АТ «Алоқа банк» ва «Микрокредитбанк» АТБнинг 2022 йил 1 ноябрдан бошлаб IT-парк резиденти бўлган ташкилотларнинг ахборот технологиялари соҳасидаги ўқув курсларида таҳсил олаётган иштирокчи сертификатини олган ёки ушбу ўқув курсларини сўнгги 6 ойда муваффақиятли тамомлаган ёшларга компьютер (шу жумладан, Ўзбекистон Республикасида ишлаб чиқарилмаган) харид қилиш учун базавий ҳисоблаш миқдорининг 25 бараваридан кўп бўлмаган миқдорда истеъмол кредитлари ва микроқарзлар ажратиш тўғрисидаги таклифи маъқуллансин.
Бунда:
компьютер харид қилиш учун ажратиладиган истеъмол кредитлари ва микроқарзлар бўйича фоиз тўловларининг Марказий банк асосий ставкасининг 1,5 бараваригача қисми Ёшлар ишлари агентлигининг Ёшларга оид давлат сиёсатини қўллаб-қувватлаш жамғармаси (кейинги ўринларда — Ёшларга оид давлат сиёсатини қўллаб-қувватлаш жамғармаси) ҳисобидан компенсация қилинади;
сертификатларнинг ягона электрон реестри IT-парк томонидан юритилади;
истеъмол кредитлари компьютер сотаётган тадбиркорлик субъекти ҳисобварағига ўтказилади;
микроқарзлар ёшларнинг аризаларига кўра уларнинг банк карталарига нақдлаштириш имкониятини чеклаган ҳолда ўтказилади.
5. «Ижтимоий ҳимоя ягона реестри»га кирган оилалар фарзандлари бўлган ҳамда «Ёшлар дафтари»га кирган ёшларга 2023 йил 1 августга қадар «Бир миллион дастурчи» лойиҳаси доирасида ўқув курсларини муваффақиятли тамомлаган ва сертификат олган ҳолда, шунингдек, мазкур қарорнинг 4-бандида кўзда тутилган тартибда компьютер харид қилиш мақсадида кредит олиш учун Ёшларга оид давлат сиёсатини қўллаб-қувватлаш жамғармаси томонидан кафиллик бериш тизими жорий этилсин.
Ёшлар ишлари агентлиги Молия вазирлиги, Марказий банк ва Адлия вазирлиги билан биргаликда 2022 йил 1 октябрга қадар мазкур бандда кўзда тутилган кафиллик бериш тартибини ишлаб чиқсин ҳамда тасдиқлаш учун Вазирлар Маҳкамасига киритсин.
6. Ёшлар ишлари агентлиги Ахборот технологиялари ва коммуникацияларини ривожлантириш вазирлиги ҳамда Молия вазирлиги билан биргаликда 2023 йил 1 августга қадар нодавлат таълим ташкилотларининг ўқув курсларида ахборот технологиялари соҳасида таҳсил олиш учун таълим кредити ажратиш, шунингдек, мазкур қарорнинг 4 ва 5-бандларида назарда тутилган тартибда молиявий қўллаб-қувватлаш бўйича амалга оширилган ишлар самарадорлиги юзасидан ўрганиш ўтказиб, Вазирлар Маҳкамасига тегишли таклифлар киритсин.
7. Молия вазирлиги:
а) Ёшлар ишлари агентлиги ва Марказий банк билан биргаликда икки ой муддатда қуйидагиларни назарда тутувчи қарор лойиҳасини ишлаб чиқиб, Вазирлар Маҳкамасига тасдиқлаш учун киритсин:
«Ижтимоий ҳимоя ягона реестри»га кирган оилалар фарзандлари бўлган ёшларга ахборот технологиялари соҳасида таҳсил олишга ажратилган таълим кредити бўйича юзага келадиган кредит таваккалчилигини Молия вазирлиги ва тижорат банклари ўртасида тақсимлаш;
Жамғарма ҳисобидан нодавлат таълим ташкилотларининг ўқув курсларида ахборот технологиялари соҳасида ёшларнинг таҳсил олиши учун тижорат банкларига таълим кредитлари учун депозит жойлаштириш;
нодавлат таълим ташкилотларида ахборот технологиялари соҳасида таҳсил олаётган ёшларга ўқув курсларида таълим олиш тўловлари учун кредит ажратиш;
Жамғарма томонидан таълим кредитлари учун маблағлар ажратишда тижорат банкларига қўйиладиган мувофиқлик мезонларини ўрнатиш;
б) мазкур қарорда кўзда тутилган ахборот технологиялари соҳасида таҳсил олиш учун таълим кредити, «Бир миллион дастурчи» лойиҳаси доирасида ўқув курсларини муваффақиятли тугатган ва сертификат олган ёшларга ҳамда IT-парк резиденти бўлган ташкилотларнинг ахборот технологиялари соҳасидаги ўқув курсларини муваффақиятли тамомлаган ёки иштирокчи сертификатини олган ёшларга компьютер харид қилиш мақсадида истеъмол кредитлари ва микроқарзлар бўйича фоиз тўловларини компенсация қилиш учун зарур маблағларнинг 2023 йилдан бошлаб Давлат бюджети параметрларида ўрнатилган тартибда назарда тутилишини таъминласин.
8. Ўзбекистон Республикаси Президентининг 2021 йил 20 апрелдаги «Ёшларнинг тадбиркорлик фаолиятини қўллаб-қувватлаш ва бандлигига кўмаклашиш, уларни ижтимоий ҳимоя қилиш ҳамда бўш вақтини мазмунли ташкил этишга оид қўшимча чора-тадбирлар тўғрисида»ги ПФ-6208-сон Фармонининг 7-бандига мувофиқ Ёшларга оид давлат сиёсатини қўллаб-қувватлаш жамғармасига ажратилган маблағларни мазкур қарорнинг 4-бандига асосан истеъмол кредитлари ва микроқарзлар бўйича фоиз тўловларини компенсация қилиш ҳамда қонунчиликда белгиланган тартибда ушбу жамғарма маблағларидан фойдаланишнинг бошқа мақсадларига йўналтиришга рухсат берилсин.
9. Иқтисодий тараққиёт ва камбағалликни қисқартириш вазирлиги Марказий банк билан биргаликда бир ой муддатда мамлакатимиз аҳолисининг таълим олиш, меҳнат қилиш ҳамда турмуш шароитларини яхшилаш мақсадида Ўзбекистон Республикасининг «Истеъмол кредити тўғрисида»ги Қонунига Ўзбекистон Республикасида ишлаб чиқарилмайдиган товарлар (хизматлар)га истеъмол кредити ажратилиши тартибини такомиллаштиришни назарда тутувчи ўзгартириш ва қўшимчалар киритиш ҳақидаги қонун лойиҳасини Вазирлар Маҳкамасига киритсин.
10. Ахборот технологиялари ва коммуникацияларини ривожлантириш вазирлиги Ёшлар ишлари агентлиги билан биргаликда ёшларни замонавий билим олиш ҳамда касб-ҳунар эгаллашга жалб этиш бўйича оммавий ахборот воситалари ҳамда Интернет жаҳон ахборот тармоғида мунтазам равишда тарғибот ишларини амалга оширсин.
11. Ёшлар ишлари агентлиги Ахборот технологиялари ва коммуникацияларини ривожлантириш вазирлиги, Молия вазирлиги ҳамда манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
12. Мазкур қарор ижросини самарали ташкил қилишга масъул ва шахсий жавобгар этиб молия вазири Т.А. Ишметов, ахборот технологиялари ва коммуникацияларини ривожлантириш вазири Ш.Ҳ. Шерматов ҳамда Ёшлар ишлари агентлиги директори А.З. Саъдуллаев белгилансин.
Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президенти маслаҳатчиси А.А. Абдувахитов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 12 август,
ПҚ-350-сон
Oʻzbekiston Respublikasi Prezidentining
Qarori
Zamonaviy bilim va kasb-hunar egallash imkoniyatlarini kengaytirish boʻyicha qoʻshimcha chora-tadbirlar toʻgʻrisida
Zamonaviy bilim olish hamda mehnat bozorida talab yuqori boʻlgan kasb-hunar egallash istagida boʻlgan yoshlarning taʼlim olishi uchun keng imkoniyatlar yaratish, ulgʻayib kelayotgan yosh avlodning intellektual hamda kasbiy mahoratini rivojlantirishga boʻlgan intilishlarini ragʻbatlantirish va qoʻllab-quvvatlash, shuningdek, joriy yil 30-iyun — Yoshlar kuni munosabati bilan hamda 29-iyul kuni axborot texnologiyalari sohasidagi mutaxassislar bilan boʻlib oʻtgan uchrashuvlarda ilgari surilgan yangi tashabbus va gʻoyalarni amalga oshirish maqsadida:
1. 2022-yil 1-oktabrdan boshlab nodavlat taʼlim tashkilotlarining oʻquv kurslarida yoshlarning axborot texnologiyalari sohasida tahsil olishi uchun taʼlim krediti ajratish tizimi yoʻlga qoʻyilsin.
Belgilansinki:
a) tijorat banklari Moliya vazirligi tomonidan joylashtiriladigan depozitlar hisobidan axborot texnologiyalari sohasida tahsil olish uchun taʼlim kreditlarini Markaziy bankning asosiy stavkasida ajratadi;
b) nodavlat taʼlim tashkilotlarining oʻquv kurslarida axborot texnologiyalari sohasida tahsil olish uchun yoshlarga taʼlim krediti:
bazaviy hisoblash miqdorining 65 baravarigacha miqdorda 1 yillik imtiyozli davr bilan 4 yil muddatga Oʻzbekiston Respublikasi fuqarosi boʻlgan hamda Oʻzbekiston Respublikasida doimiy yashayotgan fuqaroligi boʻlmagan yoshlarga ajratiladi;
rasmiylashtirilishi va uning qaytarilishida kredit oluvchining doimiy daromad manbaiga ega boʻlgan oila aʼzolari va boshqa uchinchi shaxslar birgalikda qarz oluvchi sifatida qatnashishiga ruxsat etiladi;
v) Ijtimoiy reyestrga kiritilgan oilalar farzandlari boʻlgan yoshlarga axborot texnologiyalari sohasida tahsil olishga ajratiladigan taʼlim krediti uchun garov va kafillik talab etilmaydi;
g) axborot texnologiyalari sohasida tahsil olish uchun yoshlarga taʼlim krediti Dasturiy mahsulotlar va axborot texnologiyalari texnologik parki (keyingi oʻrinlarda — IT-park) rezidenti boʻlgan tashkilotlarning oʻquv kurslarida taʼlim olish uchun ajratiladi. Bunda, axborot texnologiyalari sohasida taʼlim beruvchi rezident tashkilotlar reyestri IT-park tomonidan elektron axborot tizimi shaklida yuritiladi hamda zarur hollarda tijorat banklari, manfaatdor vazirlik va idoralar bilan integratsiya qilinadi.
2. Axborot texnologiyalari sohasida tahsil olishi uchun taʼlim kreditlari boʻyicha tijorat banklarini moliyaviy resurslar bilan taʼminlash:
2022-yilda Moliya vazirligi huzuridagi Taʼlim kreditini moliyalashtirish jamgʻarmasiga (keyingi oʻrinlarda — Jamgʻarma) ajratilgan Davlat budjeti mablagʻlari hisobidan amalga oshiriladi;
kelgusi yillarda esa haqiqiy talabdan kelib chiqib Jamgʻarmaga zarur mablagʻlar ajratiladi.
3. Belgilab qoʻyilsinki:
Jamgʻarma mablagʻlari hisobidan tijorat banklarining soʻrovlariga asosan ularga Markaziy bankning asosiy stavkasida axborot texnologiyalari sohasida yoshlar tahsil olishiga taʼlim krediti ajratish uchun mazkur stavkadan 4 foiz bandga past boʻlgan stavkada depozit joylashtiradi;
Markaziy bankning asosiy stavkasi pasaytirilgan taqdirda depozit mablagʻlari va axborot texnologiyalari sohasida yoshlarning tahsil olishi uchun taʼlim krediti boʻyicha foiz stavkasi mutanosib ravishda pasaytiriladi, oshirilgan taqdirda esa oʻzgarishsiz qoladi.
4. AT “Xalq banki”, AT “Aloqa bank” va “Mikrokreditbank” ATBning 2022-yil 1-noyabrdan boshlab IT-park rezidenti boʻlgan tashkilotlarning axborot texnologiyalari sohasidagi oʻquv kurslarida tahsil olayotgan ishtirokchi sertifikatini olgan yoki ushbu oʻquv kurslarini soʻnggi 6 oyda muvaffaqiyatli tamomlagan yoshlarga kompyuter (shu jumladan, Oʻzbekiston Respublikasida ishlab chiqarilmagan) xarid qilish uchun bazaviy hisoblash miqdorining 25 baravaridan koʻp boʻlmagan miqdorda isteʼmol kreditlari va mikroqarzlar ajratish toʻgʻrisidagi taklifi maʼqullansin.
Bunda:
kompyuter xarid qilish uchun ajratiladigan isteʼmol kreditlari va mikroqarzlar boʻyicha foiz toʻlovlarining Markaziy bank asosiy stavkasining 1,5 baravarigacha qismi Yoshlar ishlari agentligining Yoshlarga oid davlat siyosatini qoʻllab-quvvatlash jamgʻarmasi (keyingi oʻrinlarda — Yoshlarga oid davlat siyosatini qoʻllab-quvvatlash jamgʻarmasi) hisobidan kompensatsiya qilinadi;
sertifikatlarning yagona elektron reyestri IT-park tomonidan yuritiladi;
isteʼmol kreditlari kompyuter sotayotgan tadbirkorlik subyekti hisobvaragʻiga oʻtkaziladi;
mikroqarzlar yoshlarning arizalariga koʻra ularning bank kartalariga naqdlashtirish imkoniyatini cheklagan holda oʻtkaziladi.
5. “Ijtimoiy himoya yagona reyestri”ga kirgan oilalar farzandlari boʻlgan hamda “Yoshlar daftari”ga kirgan yoshlarga 2023-yil 1-avgustga qadar “Bir million dasturchi” loyihasi doirasida oʻquv kurslarini muvaffaqiyatli tamomlagan va sertifikat olgan holda, shuningdek, mazkur qarorning 4-bandida koʻzda tutilgan tartibda kompyuter xarid qilish maqsadida kredit olish uchun Yoshlarga oid davlat siyosatini qoʻllab-quvvatlash jamgʻarmasi tomonidan kafillik berish tizimi joriy etilsin.
Yoshlar ishlari agentligi Moliya vazirligi, Markaziy bank va Adliya vazirligi bilan birgalikda 2022-yil 1-oktabrga qadar mazkur bandda koʻzda tutilgan kafillik berish tartibini ishlab chiqsin hamda tasdiqlash uchun Vazirlar Mahkamasiga kiritsin.
6. Yoshlar ishlari agentligi Axborot texnologiyalari va kommunikatsiyalarini rivojlantirish vazirligi hamda Moliya vazirligi bilan birgalikda 2023-yil 1-avgustga qadar nodavlat taʼlim tashkilotlarining oʻquv kurslarida axborot texnologiyalari sohasida tahsil olish uchun taʼlim krediti ajratish, shuningdek, mazkur qarorning 4 va 5-bandlarida nazarda tutilgan tartibda moliyaviy qoʻllab-quvvatlash boʻyicha amalga oshirilgan ishlar samaradorligi yuzasidan oʻrganish oʻtkazib, Vazirlar Mahkamasiga tegishli takliflar kiritsin.
7. Moliya vazirligi:
a) Yoshlar ishlari agentligi va Markaziy bank bilan birgalikda ikki oy muddatda quyidagilarni nazarda tutuvchi qaror loyihasini ishlab chiqib, Vazirlar Mahkamasiga tasdiqlash uchun kiritsin:
“Ijtimoiy himoya yagona reyestri”ga kirgan oilalar farzandlari boʻlgan yoshlarga axborot texnologiyalari sohasida tahsil olishga ajratilgan taʼlim krediti boʻyicha yuzaga keladigan kredit tavakkalchiligini Moliya vazirligi va tijorat banklari oʻrtasida taqsimlash;
Jamgʻarma hisobidan nodavlat taʼlim tashkilotlarining oʻquv kurslarida axborot texnologiyalari sohasida yoshlarning tahsil olishi uchun tijorat banklariga taʼlim kreditlari uchun depozit joylashtirish;
nodavlat taʼlim tashkilotlarida axborot texnologiyalari sohasida tahsil olayotgan yoshlarga oʻquv kurslarida taʼlim olish toʻlovlari uchun kredit ajratish;
Jamgʻarma tomonidan taʼlim kreditlari uchun mablagʻlar ajratishda tijorat banklariga qoʻyiladigan muvofiqlik mezonlarini oʻrnatish;
b) mazkur qarorda koʻzda tutilgan axborot texnologiyalari sohasida tahsil olish uchun taʼlim krediti, “Bir million dasturchi” loyihasi doirasida oʻquv kurslarini muvaffaqiyatli tugatgan va sertifikat olgan yoshlarga hamda IT-park rezidenti boʻlgan tashkilotlarning axborot texnologiyalari sohasidagi oʻquv kurslarini muvaffaqiyatli tamomlagan yoki ishtirokchi sertifikatini olgan yoshlarga kompyuter xarid qilish maqsadida isteʼmol kreditlari va mikroqarzlar boʻyicha foiz toʻlovlarini kompensatsiya qilish uchun zarur mablagʻlarning 2023-yildan boshlab Davlat budjeti parametrlarida oʻrnatilgan tartibda nazarda tutilishini taʼminlasin.
8. Oʻzbekiston Respublikasi Prezidentining 2021-yil 20-apreldagi “Yoshlarning tadbirkorlik faoliyatini qoʻllab-quvvatlash va bandligiga koʻmaklashish, ularni ijtimoiy himoya qilish hamda boʻsh vaqtini mazmunli tashkil etishga oid qoʻshimcha chora-tadbirlar toʻgʻrisida”gi PF-6208-son Farmonining 7-bandiga muvofiq Yoshlarga oid davlat siyosatini qoʻllab-quvvatlash jamgʻarmasiga ajratilgan mablagʻlarni mazkur qarorning 4-bandiga asosan isteʼmol kreditlari va mikroqarzlar boʻyicha foiz toʻlovlarini kompensatsiya qilish hamda qonunchilikda belgilangan tartibda ushbu jamgʻarma mablagʻlaridan foydalanishning boshqa maqsadlariga yoʻnaltirishga ruxsat berilsin.
9. Iqtisodiy taraqqiyot va kambagʻallikni qisqartirish vazirligi Markaziy bank bilan birgalikda bir oy muddatda mamlakatimiz aholisining taʼlim olish, mehnat qilish hamda turmush sharoitlarini yaxshilash maqsadida Oʻzbekiston Respublikasining “Isteʼmol krediti toʻgʻrisida”gi Qonuniga Oʻzbekiston Respublikasida ishlab chiqarilmaydigan tovarlar (xizmatlar)ga isteʼmol krediti ajratilishi tartibini takomillashtirishni nazarda tutuvchi oʻzgartirish va qoʻshimchalar kiritish haqidagi qonun loyihasini Vazirlar Mahkamasiga kiritsin.
10. Axborot texnologiyalari va kommunikatsiyalarini rivojlantirish vazirligi Yoshlar ishlari agentligi bilan birgalikda yoshlarni zamonaviy bilim olish hamda kasb-hunar egallashga jalb etish boʻyicha ommaviy axborot vositalari hamda Internet jahon axborot tarmogʻida muntazam ravishda targʻibot ishlarini amalga oshirsin.
11. Yoshlar ishlari agentligi Axborot texnologiyalari va kommunikatsiyalarini rivojlantirish vazirligi, Moliya vazirligi hamda manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
12. Mazkur qaror ijrosini samarali tashkil qilishga masʼul va shaxsiy javobgar etib moliya vaziri T.A. Ishmetov, axborot texnologiyalari va kommunikatsiyalarini rivojlantirish vaziri Sh.H. Shermatov hamda Yoshlar ishlari agentligi direktori A.Z. Saʼdullayev belgilansin.
Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti maslahatchisi A.A. Abduvaxitov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 12-avgust,
PQ-350-son
Президента Республики Узбекистан
Постановление
О дополнительных мерах по расширению возможностей овладения современными знаниями и профессиями
В целях создания широких возможностей для обучения молодежи, желающей овладеть современными знаниями и востребованными на рынке труда профессиями, стимулирования и поддержки стремления подрастающего молодого поколения к развитию интеллектуального и профессионального мастерства, реализации новых инициатив и идей, выдвинутых на встречах, проведенных в связи с Днем молодежи — 30 июня, а также со специалистами в сфере информационных технологий — 29 июля текущего года:
1. Внедрить начиная с 1 октября 2022 года систему выделения образовательных кредитов для обучения молодежи на учебных курсах в сфере информационных технологий негосударственных образовательных организаций.
Установить, что:
а) коммерческие банки выделяют образовательные кредиты на обучение в сфере информационных технологий по основной ставке Центрального банка за счет депозитов, размещаемых Министерством финансов;
б) образовательные кредиты для обучения молодежи на учебных курсах в сфере информационных технологий негосударственных образовательных организаций выделяются до 65-кратного размера базовой расчетной величины, включая одногодичный льготный период, сроком на 4 года молодым людям, являющимся гражданами Республики Узбекистан, а также не имеющим гражданства и постоянно проживающим в Республике Узбекистан;
при оформлении и погашении образовательных кредитов для обучения молодежи на учебных курсах в сфере информационных технологий негосударственных образовательных организаций разрешается участие членов семьи получателя кредита, имеющих постоянный источник дохода, а также других третьих лиц в качестве созаемщиков;
в) детям из семей, включенных в Социальный реестр, при получении образовательного кредита на обучение в сфере информационных технологий залог и поручительство не требуются;
г) образовательные кредиты выделяются молодежи для обучения на учебных курсах в сфере информационных технологий организаций, являющихся резидентами Технологического парка программных продуктов и информационных технологий (далее — IT-парк). При этом реестр организаций-резидентов, занимающихся обучением в сфере информационных технологий, ведется IТ-парком в форме электронной информационной системы, а также при необходимости — интегрируется с коммерческими банками, заинтересованными министерствами и ведомствами.
2. Обеспечение коммерческих банков финансовыми ресурсами для предоставления образовательных кредитов на обучение в сфере информационных технологий осуществляется:
в 2022 году — за счет средств Государственного бюджета, выделенных Фонду по финансированию образовательных кредитов при Министерстве финансов (далее — Фонд);
в последующие годы — путем выделения Фонду необходимых средств исходя из фактической потребности.
3. Определить, что:
для предоставления молодежи образовательных кредитов на обучение в сфере информационных технологий по основной ставке Центрального банка по запросам коммерческих банков выделяются ресурсы по ставке на 4 процентных пункта ниже указанной ставки за счет средств Фонда;
при уменьшении основной ставки Центрального банка депозитные средства и процентная ставка по образовательным кредитам на обучение молодежи в сфере информационных технологий соразмерно уменьшаются, при повышении — остаются без изменения.
4. Одобрить предложение АК «Халк банки», АК «Алока банк» и АКБ «Микрокредитбанк» о выделении с 1 ноября 2022 года молодежи, обучающейся на курсах в сфере информационных технологий организаций, являющихся резидентами IТ-парков, получившей сертификат участника или успешно окончившей указанные курсы в течение последних 6 месяцев, потребительского кредита и микрозайма на приобретение компьютера (включая не произведенные в Республике Узбекистан) в размере, не превышающем 25-кратного размера базовой расчетной величины.
При этом:
часть процентных платежей по потребительским кредитам и микрозаем, выделяемым на приобретение компьютера, до 1,5-кратного размера основной ставки Центрального банка, компенсируется за счет Фонда по поддержке государственной молодежной политики Агентства по делам молодежи (далее — Фонд по поддержке государственной молодежной политики);
единый электронный реестр сертификатов ведется IТ-парками;
потребительские кредиты переводятся на счет субъекта предпринимательства, реализующего компьютер;
микрозаймы переводятся на банковские карты молодёжи на основании их заявлений с ограничением возможности обналичивания.
5. Внедрить систему предоставления поручительства Фондом по поддержке государственной молодежной политики до 1 августа 2023 года для выделения кредита на приобретение компьютера детям из семей, включенных в «Единый реестр социальной защиты», и молодежи, включенной в «Молодежную тетрадь», успешно окончившим учебные курсы в рамках проекта «Один миллион программистов» и получившим сертификат, а также в порядке, предусмотренном пунктом 4 настоящего постановления.
Агентству по делам молодежи совместно с Министерством финансов, Центральным банком и Министерством юстиции в срок до 1 октября 2022 года разработать и внести на утверждение в Кабинет Министров порядок предоставления поручительства, предусмотренный настоящим пунктом.
6. Агентству по делам молодежи совместно с Министерством по развитию информационных технологий и коммуникаций и Министерством финансов в срок до 1 августа 2023 года провести изучение на предмет эффективности проведенных работ по выделению образовательных кредитов для обучения на учебных курсах в сфере информационных технологий негосударственных образовательных организаций, а также по финансовой поддержке в порядке, предусмотренном пунктами 4 и 5 настоящего постановления, и внести в Кабинет Министров соответствующие предложения.
7. Министерству финансов:
а) совместно с Агентством по делам молодежи и Центральным банком в двухмесячный срок разработать и внести на утверждение в Кабинет Министров проект постановления, предусматривающий:
распределение между Министерством финансов и коммерческими банками кредитных рисков, возникающих по образовательным кредитам, выделенным на обучение в сфере информационных технологий детям из семей, включенных в «Единый реестр социальной защиты»;
размещение в коммерческих банках депозитов за счет средств Фонда для выделения молодежи образовательных кредитов для обучения на учебных курсах в сфере информационных технологий негосударственных образовательных организаций;
выделение кредитов молодежи для оплаты за обучение на учебных курсах в сфере информационных технологий негосударственных образовательных организаций;
установление критериев соответствия, предъявляемых к коммерческим банкам, при выделении Фондом средств для образовательных кредитов;
б) обеспечить предусмотрение с 2023 года в установленном порядке в параметрах Государственного бюджета средств, необходимых для выделения молодежи предусмотренных настоящим постановлением образовательных кредитов для обучения в сфере информационных технологий, а также компенсации процентных выплат по потребительским кредитам и микрозаймам, предоставленным в целях приобретения компьютеров молодежи, успешно окончившей учебные курсы в рамках проекта «Один миллион программистов» и получившей сертификат, а также молодежи, успешно окончившей учебные курсы в сфере информационных технологий организаций, являющихся резидентами IТ-парков, или получившей сертификат участника.
8. Разрешить направлять средства, выделенные Фонду по поддержке государственной молодежной политики в соответствии с пунктом 7 Указа Президента Республики Узбекистан от 20 апреля 2021 года № УП-6208 «О дополнительных мерах по поддержке предпринимательской деятельности, содействию занятости, социальной защите и содержательной организации свободного времени молодежи», на компенсацию процентных выплат по потребительским кредитам и микрозаймам, предусмотренным пунктом 4 настоящего постановления, а также иные цели расходования средств данного Фонда в порядке, установленном законодательством.
9. Министерству экономического развития и сокращения бедности совместно с Центральным банком в месячный срок внести в Кабинет Министров проект закона о внесении изменений и дополнений в Закон Республики Узбекистан «О потребительском кредите», предусматривающих совершенствование порядка выделения потребительского кредита для приобретения товаров (услуг), не производимых в Республике Узбекистан, в целях улучшения условий образования, труда и жизни населения страны.
10. Министерству по развитию информационных технологий и коммуникаций совместно с Агентством по делам молодежи регулярно проводить в средствах массовой информации и глобальной сети Интернет пропагандистскую работу по привлечению молодежи к овладению современными знаниями и профессиями.
11. Агентству по делам молодежи совместно с Министерством по развитию информационных технологий и коммуникаций, Министерством финансов, а также заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
12. Возложить на министра финансов Т.А. Ишметова, министра по развитию информационных технологий и коммуникаций Ш.Х. Шерматова и директора Агентства по делам молодежи А.З. Саъдуллаева персональную ответственность за организацию эффективного исполнения настоящего постановления.
Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова и советника Президента Республики Узбекистан А.А. Абдувахитова.
Президент Республики Узбекистан Ш. МИРЗИЁЕВ
г. Ташкент,
12 августа 2022 г.,
№ ПП-350