📅 2022-yil 15-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 15 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 15 августа 2022 г. · Постановления Кабинета Министров
Официальный текст. Официальный документ. Редакционные примечания не включены.
📅 15 August 2022 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
СХЕМАСИ
Давлат олий таълим муассасалари магистратура босқичида таълим олаётган хотин-қизларнинг тўлов-контракт маблағларини тўлаб бериш чора-тадбирлари тўғрисида
Мамлакатимизда хотин-қизларнинг ижтимоий-иқтисодий ва сиёсий фаоллигини ошириш, жамиятда уларнинг ролини мустаҳкамлаш ҳамда гендер тенгликни таъминлаш борасида изчил чоралар кўрилмоқда.
Шу билан бирга, Ўзбекистон тараққиётининг янги босқичида хотин-қизларнинг таълим олишлари учун кенг шарт-шароитларни яратиш ҳамда уларни илм-фанга фаол жалб этиш долзарб аҳамият касб этмоқда.
Ўзбекистон Республикаси Президентининг «Оила ва хотин-қизларни тизимли қўллаб-қувватлашга доир ишларни янада жадаллаштириш чора-тадбирлари тўғрисида» 2022 йил 7 мартдаги ПФ-87-сон Фармони ҳамда «Давлат олий таълим муассасаларига ўқишга қабул қилиш жараёнларини ташкил этиш тўғрисида» 2022 йил 15 июндаги ПҚ-279-сон қарорига мувофиқ Вазирлар Маҳкамаси қарор қилади:
1. Қуйидагилар:
Ўзбекистон Республикаси Президентининг «Оила ва хотин-қизларни тизимли қўллаб-қувватлашга доир ишларни янада жадаллаштириш чора-тадбирлари тўғрисида» 2022 йил 7 мартдаги ПФ-87-сон Фармони 3-бандининг «б» кичик банди биринчи хатбошисига мувофиқ давлат олий таълим муассасаларининг магистратура босқичида ўқиётган барча хотин-қизларнинг контракт тўловларини қайтариш шартисиз қоплаш мақсадида Давлат бюджетидан ҳар йили камида 200 миллиард сўм молиялаштириш;
Ўзбекистон Республикаси Президентининг «Давлат олий таълим муассасаларига ўқишга қабул қилиш жараёнларини ташкил этиш тўғрисида» 2022 йил 15 июндаги ПҚ-279-сон қарори 3-бандининг «б» кичик банди иккинчи хатбошисига мувофиқ 2021/2022 ўқув йилида давлат олий таълим муассасалари магистратурасига талабаликка қабул қилиниб, тўлов-контракт асосида таҳсил олаётган хотин-қизларнинг 2022/2023 ўқув йили учун тўлов-контракт миқдори Давлат бюджети маблағлари ҳисобидан қопланиши белгиланганлиги маълумот учун қабул қилинсин.
2. Белгилансинки:
давлат олий таълим муассасалари, шу жумладан, Ўзбекистон Республикаси Президенти ҳузуридаги Давлат бошқаруви академияси, Ҳуқуқни муҳофаза қилиш академияси, Иқтисодий тараққиёт ва камбағалликни қисқартириш вазирлиги ҳузуридаги Бизнес ва тадбиркорлик олий мактаби ҳамда Банк-молия академиясининг магистратура босқичида ўқиётган барча хотин-қизларнинг контракт тўловлари қайтариш шартисиз қопланади;
2022/2023 ўқув йилидан бошлаб ушбу банднинг иккинчи хатбошисида келтирилган давлат олий таълим муассасаларининг магистратура босқичида ўқиётган талаба хотин-қизларнинг ўқув йили учун тўлов-контрактнинг тўлиқ суммаси (табақалаштирилган тўлов-контракт суммаси тўловлари бундан мустасно) тегишли олий таълим муассасаларига Давлат бюджети маблағлари ҳисобидан қоплаб берилади.
3. Қуйидагиларни назарда тутувчи Давлат олий таълим муассасаларининг магистратура босқичига тўлов-контракт асосида қабул қилинган ва таълим олаётган хотин-қизларнинг тўлов-контракт суммасини Ўзбекистон Республикаси Давлат бюджети маблағлари ҳисобидан қоплаб бериш тартиби тўғрисидаги низом иловага мувофиқ тасдиқлансин:
Давлат олий таълим муассасаларининг магистратура босқичига тўлов-контракт асосида қабул қилинган ва таълим олаётган хотин-қизларни аниқлаш ва уларнинг рўйхатини шакллантириш;
Давлат олий таълим муассасаларининг магистратура босқичига тўлов-контракт асосида қабул қилинган ва таълим олаётган хотин-қизларга тўлов-контрактнинг тўлиқ суммасини (табақалаштирилган тўлов-контракт суммаси тўловлари бундан мустасно) Ўзбекистон Республикаси Давлат бюджетидан ажратиладиган маблағлар ҳисобидан қоплаб бериш.
4. Ўзбекистон Республикаси Молия вазирлиги Олий ва ўрта махсус таълим вазирлигининг асосланган сўровномаларига мувофиқ ушбу қарор ижросини таъминлаш билан боғлиқ харажатларни молиялаштириш учун Ўзбекистон Республикаси Давлат бюджетидан маблағ ажратилишини таъминласин.
5. Ўзбекистон Миллий ахборот агентлиги ва Ўзбекистон Миллий телерадиокомпаниясига оммавий ахборот воситаларида ҳамда ижтимоий тармоқларда давлат олий таълим муассасаларининг магистратура босқичида ўқиётган барча хотин-қизларнинг тўлов-контракт тўловларини қайтариш шартисиз қоплашнинг янги тартиби мазмун-моҳияти ва унинг аҳамиятини кенг ёритиш тавсия этилсин.
6. Ўзбекистон Республикаси Олий ва ўрта махсус таълим вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
7. Мазкур қарорнинг бажарилишини назорат қилиш Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари — иқтисодий тараққиёт ва камбағалликни қисқартириш вазири Ж.А. Қўчқоров, Ўзбекистон Республикаси олий ва ўрта махсус таълим вазири А.Х. Тошқулов ҳамда молия вазири Т.А. Ишметов зиммасига юклансин.
Вазирлар Маҳкамасининг 2022 йил 15 августдаги 447-сон қарорига ИЛОВА
Давлат олий таълим муассасаларининг магистратура босқичига тўлов-контракт асосида қабул қилинган ва таълим олаётган хотин-қизларнинг тўлов-контракт суммасини Ўзбекистон Республикаси Давлат бюджети маблағлари ҳисобидан қоплаб бериш тартиби тўғрисида
1-боб. Умумий қоидалар
1. Мазкур Низом 2022/2023 ўқув йилидан бошлаб давлат олий таълим муассасаларининг магистратура босқичига тўлов-контракт асосида қабул қилинган ва таълим олаётган хотин-қизларнинг ўқув йили учун тўлов-контрактнинг тўлиқ суммасини Ўзбекистон Республикаси Давлат бюджети маблағлари ҳисобидан қоплаб бериш тартибини белгилайди.
2. Ушбу Низом давлат олий таълим ташкилотлари, шу жумладан, Ўзбекистон Республикаси Президенти ҳузуридаги Давлат бошқаруви академияси, Ўзбекистон Республикаси Ҳуқуқни муҳофаза қилиш академияси, Ўзбекистон Республикаси Вазирлар Маҳкамаси ҳузуридаги Бизнес ва тадбиркорлик олий мактаби ҳамда Банк-молия академиясининг магистратура босқичига тўлов-контракт асосида қабул қилинган ва таълим олаётган талаба хотин-қизлар (кейинги ўринларда — талабгорлар)га нисбатан татбиқ этилади.
Ушбу Низом Низомий номидаги Ўзбекистон миллий педагогика университетида умумий ўрта таълим ташкилотларининг олий малака тоифасига эга ўқитувчилари учун мақсадли равишда ташкил этилган магистратура талабаларига нисбатан татбиқ этилмайди.
3. Талабгорларга ўқув йили учун тўлов-контрактнинг тўлиқ суммаси (табақалаштирилган тўлов-контракт тўловлари бундан мустасно) тегишли олий таълим муассасаларига Ўзбекистон Республикаси Давлат бюджетидан ажратиладиган маблағлар ҳисобидан қайтариш шартисиз қопланади.
4. Талабгорлар учун Ўзбекистон Республикаси Давлат бюджетидан ажратиладиган маблағлар Олий ва ўрта махсус таълим вазирлигининг шахсий ғазна ҳисобварақларида бюджет тизими бюджетлари харажатларининг иқтисодий таснифи бўйича 48 21 190 «Бошқа харажатлар» харажатлар моддасида бир сатрда, йилнинг чораклари ва ойлари бўйича режалаштирилган ҳолда акс эттирилади.
2023 йилдан бошлаб мазкур маблағлар Ўзбекистон Республикасининг республика бюджетидан биринчи даражали бюджет маблағларини тақсимловчи сифатида олий таълим муассасасининг идоравий мансублигига кўра тегишли вазирликлар ва идораларга ажратилади.
2-боб. Талабгорларни аниқлаш ва рўйхатини шакллантириш
5. Талабгорлар 2022/2023 ўқув йилидан бошлаб ўқув йили учун тўлов-контрактнинг тўлиқ суммасини Ўзбекистон Республикаси Давлат бюджетидан ажратиладиган маблағлар ҳисобидан қоплаб бериш юзасидан ўзлари таълим оладиган олий таълим муассасасининг ректори (филиал директори) номига ўқув йилининг 15 сентябрига қадар ариза билан мурожаат этадилар. Ушбу муддатдан кейин тақдим этилган аризалар кўриб чиқилмайди.
6. Тақдим этилган аризалар олий таълим муассасаси томонидан уч иш куни ичида кўриб чиқилади ҳамда умумлаштирилади.
7. 2022 йилда умумлаштирилган талабгорлар рўйхати беш иш кунида тўлов-контрактларни қоплаб бериш учун Олий ва ўрта махсус таълим вазирлигига юборилади.
2023 йилдан бошлаб талабгорлар рўйхати беш иш кунида олий таълим муассасасининг идоравий мансублигига кўра тегишли вазирликлар ва идораларга юборилади.
3-боб. Талабгорларга тўлов-контрактнинг тўлиқ суммасини Ўзбекистон Республикаси Давлат бюджетидан ажратиладиган маблағлар ҳисобидан қоплаб бериш
8. Давлат олий таълим муассасаларининг магистратура босқичига тўлов-контракт асосида қабул қилинган ва таълим олаётган хотин-қизларнинг тўлов-контракт суммасини қоплаб бериш мазкур Низомга иловага мувофиқ схема асосида амалга оширилади.
9. Тақдим этилган талабгорлар рўйхатига асосан Олий ва ўрта махсус таълим вазирлиги уч иш куни ичида тегишли маблағларни олий таълим муассасаларининг шахсий ғазна ҳисобварағига ўтказиш юзасидан Молия вазирлигига сўровнома тақдим этади ҳамда Молия вазирлиги томонидан белгиланган тартибда маблағлар ҳар йили 20 майга қадар тегишли олий таълим муассасаларининг бюджет маблағлари бўйича шахсий ғазна ҳисобварағига ўтказилади.
2023 йилдан бошлаб тегишли олий таълим муассасаларининг бюджет маблағлари уларнинг харажатлар сметасида режалаштирилган ҳолда акс эттирилади.
10. 2022/2023 ўқув йилидан бошлаб талабгорларга ўқув йили учун тўлов-контрактнинг тўлиқ суммасини Ўзбекистон Республикаси Давлат бюджети маблағлари ҳисобидан қоплаб бериш тўғрисида жорий ўқув йилининг 15 октябрига қадар тегишли олий таълим муассасаси ректори (филиал директори)нинг буйруғи қабул қилинади.
11. Талабгорлар учун ажратиладиган бюджет маблағлари ҳажми бюджет тизими бюджетлари харажатларининг иқтисодий таснифи бўйича 48 21 190 «Бошқа харажатлар» харажатлар моддасида бир сатрда, йилнинг чораклари ва ойлари бўйича режалаштирилган ҳолда акс эттирилади.
12. Талабгорлар учун ажратилган маблағлар олий таълим муассасаларининг бюджетдан ташқари (тўлов-контракт) маблағлари бўйича шахсий ғазна ҳисобварағига ўтказилади ва белгиланган тартибда сарфланади.
13. Талабгорларга ўқув йили учун тўлов-контрактнинг тўлиқ суммасини қоплаш учун олий таълим муассасаларига Ўзбекистон Республикаси Давлат бюджетидан ажратиладиган маблағлар етарли бўлмаган тақдирда, улар белгиланган тартибда идоравий мансублигига кўра тегишли вазирликлар ва идораларга қўшимча бюджет маблағлари ажратилиши юзасидан мурожаат қиладилар.
14. Талабгорларга ўқув йили учун тўлов-контрактнинг тўлиқ суммаси Ўзбекистон Республикаси Давлат бюджетидан ажратиладиган маблағлар ҳисобидан таълим йўналишлари бўйича белгиланган базавий тўлов-контракт (стипендиясиз) қийматига эквивалент ҳисобида қопланади.
4-боб. Якунловчи қоидалар
15. Олий таълим муассасаси ректори (филиал директори) талабгорларга 2022/2023 ўқув йилидан бошлаб ўқув йили учун таълим йўналишлари бўйича белгиланган тўлов-контрактнинг тўлиқ суммасини Ўзбекистон Республикаси Давлат бюджетидан ажратиладиган маблағлар ҳисобидан белгиланган тартибда қоплаб бериш учун масъул ҳисобланади.
16. Талабгорларга тўлов-контрактни тўлиқ тўлаб бериш учун Ўзбекистон Республикаси Давлат бюджетидан ажратилган маблағлар тўғрисидаги маълумотлар олий таълим муассасасининг расмий веб-сайтига жойлаштирилади.
Ўзбекистон Республикаси Давлат бюджетидан ажратилган маблағлар тўғрисидаги маълумот ҳар чорак якуни билан янгиланиб борилади ҳамда йиллар бўйича акс эттирилади.
17. Ўзбекистон Республикаси Давлат бюджетидан ажратилган маблағларнинг мақсадли ва самарали сарфланиши устидан назорат қилиш Давлат молиявий назорати инспекцияси томонидан амалга оширилади.
18. Мазкур Низом талабларининг бузилишида айбдор бўлган шахслар қонунчилик ҳужжатларига мувофиқ жавоб берадилар.
Давлат олий таълим муассасаларининг магистратура босқичига тўлов-контракт асосида қабул қилинган ва таълим олаётган хотин-қизларнинг тўлов-контракт суммасини Ўзбекистон Республикаси Давлат бюджети маблағлари ҳисобидан қоплаб бериш тартиби тўғрисидаги низомга ИЛОВА
Давлат олий таълим муассасаларининг магистратура босқичига тўлов-контракт асосида қабул қилинган ва таълим олаётган хотин-қизларнинг тўлов-контракт суммасини қоплаб бериш
Босқичлар Субъектлар Тадбирлар Бажариш муддатлари 1-босқич Талабгорлар (Давлат олий таълим муассасаларининг магистратура босқичига тўлов-контракт асосида қабул қилинган ва таълим олаётган талаба хотин-қизлар) 2022/2023 ўқув йилидан бошлаб ўқув йили учун тўлов-контрактнинг тўлиқ суммасини Ўзбекистон Республикаси Давлат бюджетидан ажратиладиган маблағлар ҳисобидан қоплаб бериш юзасидан ўзлари таълим оладиган олий таълим муассасасининг ректори (филиал директори) номига ариза билан мурожаат этадилар. Ўқув йилининг 15 сентябрига қадар 2-босқич Давлат олий таълим муассасалари Тақдим этилган аризаларни кўриб чиқади ва рўйхат шакллантиради. 3 иш кунида 3-босқич Давлат олий таълим муассасалари Тўлов-контрактлар суммаларини қоплаб бериш учун Олий ва ўрта махсус таълим вазирлигига шакллантирилган рўйхатни юборади. 2023 йилдан бошлаб талабгорлар рўйхати олий таълим муассасасининг идоравий мансублигига кўра тегишли вазирликлар ва идораларга юборилади. 5 иш кунида 4-босқич Олий ва ўрта махсус таълим вазирлиги Тақдим этилган талабгорлар рўйхатига асосан тегишли маблағларни олий таълим муассасаларининг бюджет маблағлари бўйича шахсий ғазна ҳисобварағига ўтказиш юзасидан Молия вазирлигига сўровнома тақдим этади. 2023 йилдан бошлаб тегишли олий таълим муассасаларининг бюджет харажатлар сметасида режалаштирилган ҳолда акс эттирилади. 3 иш кунида 5-босқич Молия вазирлиги Белгиланган тартибда маблағларни тегишли олий таълим муассасаларининг бюджет шахсий ғазна ҳисобварағига ўтказади. Ҳар йили 20 майга қадар 6-босқич Давлат олий таълим муассасалари 2022/2023 ўқув йилидан бошлаб талабгорларга ўқув йили учун тўлов-контрактнинг тўлиқ суммасини Ўзбекистон Республикаси Давлат бюджети маблағлари ҳисобидан қоплаб бериш тўғрисида тегишли олий таълим муассасаси ректори (филиал директори)нинг буйруғи қабул қилинади. Ўқув йилининг 15 октябрига қадар
Ўзбекистон Республикасининг Бош вазири А. АРИПОВ
Тошкент ш.,
2022 йил 15 август,
447-сон
Oʻzbekiston Respublikasi Vazirlar Mahkamasining
qarori
NIZOM
SXEMASI
Davlat oliy taʼlim muassasalari magistratura bosqichida taʼlim olayotgan xotin-qizlarning toʻlov-kontrakt mablagʻlarini toʻlab berish chora-tadbirlari toʻgʻrisida
Mamlakatimizda xotin-qizlarning ijtimoiy-iqtisodiy va siyosiy faolligini oshirish, jamiyatda ularning rolini mustahkamlash hamda gender tenglikni taʼminlash borasida izchil choralar koʻrilmoqda.
Shu bilan birga, Oʻzbekiston taraqqiyotining yangi bosqichida xotin-qizlarning taʼlim olishlari uchun keng shart-sharoitlarni yaratish hamda ularni ilm-fanga faol jalb etish dolzarb ahamiyat kasb etmoqda.
Oʻzbekiston Respublikasi Prezidentining “Oila va xotin-qizlarni tizimli qoʻllab-quvvatlashga doir ishlarni yanada jadallashtirish chora-tadbirlari toʻgʻrisida” 2022-yil 7-martdagi PF-87-son Farmoni hamda “Davlat oliy taʼlim muassasalariga oʻqishga qabul qilish jarayonlarini tashkil etish toʻgʻrisida” 2022-yil 15-iyundagi PQ-279-son qaroriga muvofiq Vazirlar Mahkamasi qaror qiladi:
1. Quyidagilar:
Oʻzbekiston Respublikasi Prezidentining “Oila va xotin-qizlarni tizimli qoʻllab-quvvatlashga doir ishlarni yanada jadallashtirish chora-tadbirlari toʻgʻrisida” 2022-yil 7-martdagi PF-87-son Farmoni 3-bandining “b” kichik bandi birinchi xatboshisiga muvofiq davlat oliy taʼlim muassasalarining magistratura bosqichida oʻqiyotgan barcha xotin-qizlarning kontrakt toʻlovlarini qaytarish shartisiz qoplash maqsadida Davlat budjetidan har yili kamida 200 milliard soʻm moliyalashtirish;
Oʻzbekiston Respublikasi Prezidentining “Davlat oliy taʼlim muassasalariga oʻqishga qabul qilish jarayonlarini tashkil etish toʻgʻrisida” 2022-yil 15-iyundagi PQ-279-son qarori 3-bandining “b” kichik bandi ikkinchi xatboshisiga muvofiq 2021/2022 oʻquv yilida davlat oliy taʼlim muassasalari magistraturasiga talabalikka qabul qilinib, toʻlov-kontrakt asosida tahsil olayotgan xotin-qizlarning 2022/2023 oʻquv yili uchun toʻlov-kontrakt miqdori Davlat budjeti mablagʻlari hisobidan qoplanishi belgilanganligi maʼlumot uchun qabul qilinsin.
2. Belgilansinki:
davlat oliy taʼlim muassasalari, shu jumladan, Oʻzbekiston Respublikasi Prezidenti huzuridagi Davlat boshqaruvi akademiyasi, Huquqni muhofaza qilish akademiyasi, Iqtisodiy taraqqiyot va kambagʻallikni qisqartirish vazirligi huzuridagi Biznes va tadbirkorlik oliy maktabi hamda Bank-moliya akademiyasining magistratura bosqichida oʻqiyotgan barcha xotin-qizlarning kontrakt toʻlovlari qaytarish shartisiz qoplanadi;
2022/2023 oʻquv yilidan boshlab ushbu bandning ikkinchi xatboshisida keltirilgan davlat oliy taʼlim muassasalarining magistratura bosqichida oʻqiyotgan talaba xotin-qizlarning oʻquv yili uchun toʻlov-kontraktning toʻliq summasi (tabaqalashtirilgan toʻlov-kontrakt summasi toʻlovlari bundan mustasno) tegishli oliy taʼlim muassasalariga Davlat budjeti mablagʻlari hisobidan qoplab beriladi.
3. Quyidagilarni nazarda tutuvchi Davlat oliy taʼlim muassasalarining magistratura bosqichiga toʻlov-kontrakt asosida qabul qilingan va taʼlim olayotgan xotin-qizlarning toʻlov-kontrakt summasini Oʻzbekiston Respublikasi Davlat budjeti mablagʻlari hisobidan qoplab berish tartibi toʻgʻrisidagi nizom ilovaga muvofiq tasdiqlansin:
Davlat oliy taʼlim muassasalarining magistratura bosqichiga toʻlov-kontrakt asosida qabul qilingan va taʼlim olayotgan xotin-qizlarni aniqlash va ularning roʻyxatini shakllantirish;
Davlat oliy taʼlim muassasalarining magistratura bosqichiga toʻlov-kontrakt asosida qabul qilingan va taʼlim olayotgan xotin-qizlarga toʻlov-kontraktning toʻliq summasini (tabaqalashtirilgan toʻlov-kontrakt summasi toʻlovlari bundan mustasno) Oʻzbekiston Respublikasi Davlat budjetidan ajratiladigan mablagʻlar hisobidan qoplab berish.
4. Oʻzbekiston Respublikasi Moliya vazirligi Oliy va oʻrta maxsus taʼlim vazirligining asoslangan soʻrovnomalariga muvofiq ushbu qaror ijrosini taʼminlash bilan bogʻliq xarajatlarni moliyalashtirish uchun Oʻzbekiston Respublikasi Davlat budjetidan mablagʻ ajratilishini taʼminlasin.
5. Oʻzbekiston Milliy axborot agentligi va Oʻzbekiston Milliy teleradiokompaniyasiga ommaviy axborot vositalarida hamda ijtimoiy tarmoqlarda davlat oliy taʼlim muassasalarining magistratura bosqichida oʻqiyotgan barcha xotin-qizlarning toʻlov-kontrakt toʻlovlarini qaytarish shartisiz qoplashning yangi tartibi mazmun-mohiyati va uning ahamiyatini keng yoritish tavsiya etilsin.
6. Oʻzbekiston Respublikasi Oliy va oʻrta maxsus taʼlim vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
7. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov, Oʻzbekiston Respublikasi oliy va oʻrta maxsus taʼlim vaziri A.X. Toshqulov hamda moliya vaziri T.A. Ishmetov zimmasiga yuklansin.
Vazirlar Mahkamasining 2022-yil 15-avgustdagi 447-son qaroriga ILOVA
Davlat oliy taʼlim muassasalarining magistratura bosqichiga toʻlov-kontrakt asosida qabul qilingan va taʼlim olayotgan xotin-qizlarning toʻlov-kontrakt summasini Oʻzbekiston Respublikasi Davlat budjeti mablagʻlari hisobidan qoplab berish tartibi toʻgʻrisida
1-bob. Umumiy qoidalar
1. Mazkur Nizom 2022/2023 oʻquv yilidan boshlab davlat oliy taʼlim muassasalarining magistratura bosqichiga toʻlov-kontrakt asosida qabul qilingan va taʼlim olayotgan xotin-qizlarning oʻquv yili uchun toʻlov-kontraktning toʻliq summasini Oʻzbekiston Respublikasi Davlat budjeti mablagʻlari hisobidan qoplab berish tartibini belgilaydi.
2. Ushbu Nizom davlat oliy taʼlim tashkilotlari, shu jumladan, Oʻzbekiston Respublikasi Prezidenti huzuridagi Davlat boshqaruvi akademiyasi, Oʻzbekiston Respublikasi Huquqni muhofaza qilish akademiyasi, Oʻzbekiston Respublikasi Vazirlar Mahkamasi huzuridagi Biznes va tadbirkorlik oliy maktabi hamda Bank-moliya akademiyasining magistratura bosqichiga toʻlov-kontrakt asosida qabul qilingan va taʼlim olayotgan talaba xotin-qizlar (keyingi oʻrinlarda — talabgorlar)ga nisbatan tatbiq etiladi.
Ushbu Nizom Nizomiy nomidagi Oʻzbekiston milliy pedagogika universitetida umumiy oʻrta taʼlim tashkilotlarining oliy malaka toifasiga ega oʻqituvchilari uchun maqsadli ravishda tashkil etilgan magistratura talabalariga nisbatan tatbiq etilmaydi.
3. Talabgorlarga oʻquv yili uchun toʻlov-kontraktning toʻliq summasi (tabaqalashtirilgan toʻlov-kontrakt toʻlovlari bundan mustasno) tegishli oliy taʼlim muassasalariga Oʻzbekiston Respublikasi Davlat budjetidan ajratiladigan mablagʻlar hisobidan qaytarish shartisiz qoplanadi.
4. Talabgorlar uchun Oʻzbekiston Respublikasi Davlat budjetidan ajratiladigan mablagʻlar Oliy va oʻrta maxsus taʼlim vazirligining shaxsiy gʻazna hisobvaraqlarida budjet tizimi budjetlari xarajatlarining iqtisodiy tasnifi boʻyicha 48 21 190 “Boshqa xarajatlar” xarajatlar moddasida bir satrda, yilning choraklari va oylari boʻyicha rejalashtirilgan holda aks ettiriladi.
2023-yildan boshlab mazkur mablagʻlar Oʻzbekiston Respublikasining respublika budjetidan birinchi darajali budjet mablagʻlarini taqsimlovchi sifatida oliy taʼlim muassasasining idoraviy mansubligiga koʻra tegishli vazirliklar va idoralarga ajratiladi.
2-bob. Talabgorlarni aniqlash va roʻyxatini shakllantirish
5. Talabgorlar 2022/2023 oʻquv yilidan boshlab oʻquv yili uchun toʻlov-kontraktning toʻliq summasini Oʻzbekiston Respublikasi Davlat budjetidan ajratiladigan mablagʻlar hisobidan qoplab berish yuzasidan oʻzlari taʼlim oladigan oliy taʼlim muassasasining rektori (filial direktori) nomiga oʻquv yilining 15-sentabriga qadar ariza bilan murojaat etadilar. Ushbu muddatdan keyin taqdim etilgan arizalar koʻrib chiqilmaydi.
6. Taqdim etilgan arizalar oliy taʼlim muassasasi tomonidan uch ish kuni ichida koʻrib chiqiladi hamda umumlashtiriladi.
7. 2022-yilda umumlashtirilgan talabgorlar roʻyxati besh ish kunida toʻlov-kontraktlarni qoplab berish uchun Oliy va oʻrta maxsus taʼlim vazirligiga yuboriladi.
2023-yildan boshlab talabgorlar roʻyxati besh ish kunida oliy taʼlim muassasasining idoraviy mansubligiga koʻra tegishli vazirliklar va idoralarga yuboriladi.
3-bob. Talabgorlarga toʻlov-kontraktning toʻliq summasini Oʻzbekiston Respublikasi Davlat budjetidan ajratiladigan mablagʻlar hisobidan qoplab berish
8. Davlat oliy taʼlim muassasalarining magistratura bosqichiga toʻlov-kontrakt asosida qabul qilingan va taʼlim olayotgan xotin-qizlarning toʻlov-kontrakt summasini qoplab berish mazkur Nizomga ilovaga muvofiq sxema asosida amalga oshiriladi.
9. Taqdim etilgan talabgorlar roʻyxatiga asosan Oliy va oʻrta maxsus taʼlim vazirligi uch ish kuni ichida tegishli mablagʻlarni oliy taʼlim muassasalarining shaxsiy gʻazna hisobvaragʻiga oʻtkazish yuzasidan Moliya vazirligiga soʻrovnoma taqdim etadi hamda Moliya vazirligi tomonidan belgilangan tartibda mablagʻlar har yili 20-mayga qadar tegishli oliy taʼlim muassasalarining budjet mablagʻlari boʻyicha shaxsiy gʻazna hisobvaragʻiga oʻtkaziladi.
2023-yildan boshlab tegishli oliy taʼlim muassasalarining budjet mablagʻlari ularning xarajatlar smetasida rejalashtirilgan holda aks ettiriladi.
10. 2022/2023 oʻquv yilidan boshlab talabgorlarga oʻquv yili uchun toʻlov-kontraktning toʻliq summasini Oʻzbekiston Respublikasi Davlat budjeti mablagʻlari hisobidan qoplab berish toʻgʻrisida joriy oʻquv yilining 15-oktabriga qadar tegishli oliy taʼlim muassasasi rektori (filial direktori)ning buyrugʻi qabul qilinadi.
11. Talabgorlar uchun ajratiladigan budjet mablagʻlari hajmi budjet tizimi budjetlari xarajatlarining iqtisodiy tasnifi boʻyicha 48 21 190 “Boshqa xarajatlar” xarajatlar moddasida bir satrda, yilning choraklari va oylari boʻyicha rejalashtirilgan holda aks ettiriladi.
12. Talabgorlar uchun ajratilgan mablagʻlar oliy taʼlim muassasalarining budjetdan tashqari (toʻlov-kontrakt) mablagʻlari boʻyicha shaxsiy gʻazna hisobvaragʻiga oʻtkaziladi va belgilangan tartibda sarflanadi.
13. Talabgorlarga oʻquv yili uchun toʻlov-kontraktning toʻliq summasini qoplash uchun oliy taʼlim muassasalariga Oʻzbekiston Respublikasi Davlat budjetidan ajratiladigan mablagʻlar yetarli boʻlmagan taqdirda, ular belgilangan tartibda idoraviy mansubligiga koʻra tegishli vazirliklar va idoralarga qoʻshimcha budjet mablagʻlari ajratilishi yuzasidan murojaat qiladilar.
14. Talabgorlarga oʻquv yili uchun toʻlov-kontraktning toʻliq summasi Oʻzbekiston Respublikasi Davlat budjetidan ajratiladigan mablagʻlar hisobidan taʼlim yoʻnalishlari boʻyicha belgilangan bazaviy toʻlov-kontrakt (stipendiyasiz) qiymatiga ekvivalent hisobida qoplanadi.
4-bob. Yakunlovchi qoidalar
15. Oliy taʼlim muassasasi rektori (filial direktori) talabgorlarga 2022/2023 oʻquv yilidan boshlab oʻquv yili uchun taʼlim yoʻnalishlari boʻyicha belgilangan toʻlov-kontraktning toʻliq summasini Oʻzbekiston Respublikasi Davlat budjetidan ajratiladigan mablagʻlar hisobidan belgilangan tartibda qoplab berish uchun masʼul hisoblanadi.
16. Talabgorlarga toʻlov-kontraktni toʻliq toʻlab berish uchun Oʻzbekiston Respublikasi Davlat budjetidan ajratilgan mablagʻlar toʻgʻrisidagi maʼlumotlar oliy taʼlim muassasasining rasmiy veb-saytiga joylashtiriladi.
Oʻzbekiston Respublikasi Davlat budjetidan ajratilgan mablagʻlar toʻgʻrisidagi maʼlumot har chorak yakuni bilan yangilanib boriladi hamda yillar boʻyicha aks ettiriladi.
17. Oʻzbekiston Respublikasi Davlat budjetidan ajratilgan mablagʻlarning maqsadli va samarali sarflanishi ustidan nazorat qilish Davlat moliyaviy nazorati inspeksiyasi tomonidan amalga oshiriladi.
18. Mazkur Nizom talablarining buzilishida aybdor boʻlgan shaxslar qonunchilik hujjatlariga muvofiq javob beradilar.
Davlat oliy taʼlim muassasalarining magistratura bosqichiga toʻlov-kontrakt asosida qabul qilingan va taʼlim olayotgan xotin-qizlarning toʻlov-kontrakt summasini Oʻzbekiston Respublikasi Davlat budjeti mablagʻlari hisobidan qoplab berish tartibi toʻgʻrisidagi nizomga ILOVA
Davlat oliy taʼlim muassasalarining magistratura bosqichiga toʻlov-kontrakt asosida qabul qilingan va taʼlim olayotgan xotin-qizlarning toʻlov-kontrakt summasini qoplab berish
Bosqichlar Subyektlar Tadbirlar Bajarish muddatlari 1-bosqich Talabgorlar (Davlat oliy taʼlim muassasalarining magistratura bosqichiga toʻlov-kontrakt asosida qabul qilingan va taʼlim olayotgan talaba xotin-qizlar) 2022/2023 oʻquv yilidan boshlab oʻquv yili uchun toʻlov-kontraktning toʻliq summasini Oʻzbekiston Respublikasi Davlat budjetidan ajratiladigan mablagʻlar hisobidan qoplab berish yuzasidan oʻzlari taʼlim oladigan oliy taʼlim muassasasining rektori (filial direktori) nomiga ariza bilan murojaat etadilar. Oʻquv yilining 15-sentabriga qadar 2-bosqich Davlat oliy taʼlim muassasalari Taqdim etilgan arizalarni koʻrib chiqadi va roʻyxat shakllantiradi. 3 ish kunida 3-bosqich Davlat oliy taʼlim muassasalari Toʻlov-kontraktlar summalarini qoplab berish uchun Oliy va oʻrta maxsus taʼlim vazirligiga shakllantirilgan roʻyxatni yuboradi. 2023-yildan boshlab talabgorlar roʻyxati oliy taʼlim muassasasining idoraviy mansubligiga koʻra tegishli vazirliklar va idoralarga yuboriladi. 5 ish kunida 4-bosqich Oliy va oʻrta maxsus taʼlim vazirligi Taqdim etilgan talabgorlar roʻyxatiga asosan tegishli mablagʻlarni oliy taʼlim muassasalarining budjet mablagʻlari boʻyicha shaxsiy gʻazna hisobvaragʻiga oʻtkazish yuzasidan Moliya vazirligiga soʻrovnoma taqdim etadi. 2023-yildan boshlab tegishli oliy taʼlim muassasalarining budjet xarajatlar smetasida rejalashtirilgan holda aks ettiriladi. 3 ish kunida 5-bosqich Moliya vazirligi Belgilangan tartibda mablagʻlarni tegishli oliy taʼlim muassasalarining budjet shaxsiy gʻazna hisobvaragʻiga oʻtkazadi. Har yili 20-mayga qadar 6-bosqich Davlat oliy taʼlim muassasalari 2022/2023 oʻquv yilidan boshlab talabgorlarga oʻquv yili uchun toʻlov-kontraktning toʻliq summasini Oʻzbekiston Respublikasi Davlat budjeti mablagʻlari hisobidan qoplab berish toʻgʻrisida tegishli oliy taʼlim muassasasi rektori (filial direktori)ning buyrugʻi qabul qilinadi. Oʻquv yilining 15-oktabriga qadar
Oʻzbekiston Respublikasining Bosh vaziri A. ARIPOV
Toshkent sh.,
2022-yil 15-avgust,
447-son