📅 2022-yil 15-avgust · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 15 август · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 15 августа 2022 г. · Законы и кодексы
Официальный текст. Официальный документ. Редакционные примечания не включены.
📅 15 August 2022 · Laws and codes
Official text. Official document. Editorial notes are not included.
Ўзбекистон Республикасининг Қонуни
НИЗОМ
ТАВСИФИ
ТАВСИФИ
«Имом Бухорий» орденини таъсис этиш тўғрисида
Қонунчилик палатаси томонидан 2022 йил 12 августда қабул қилинган Сенат томонидан 2022 йил 13 августда маъқулланган
1-модда. «Имом Бухорий» ордени таъсис этилсин.
2-модда. «Имом Бухорий» ордени тўғрисидаги низом тасдиқлансин ( илова қилинади).
3-модда. «Олий Даражали Имом Бухорий» ордени ва «Имом Бухорий» орденининг тавсифлари тасдиқлансин ( илова қилинади).
4-модда. Ўзбекистон Республикасининг 1995 йил 22 декабрда қабул қилинган «Давлат мукофотлари тўғрисида»ги 176-I-сонли Қонунига (Ўзбекистон Республикасининг 2018 йил 11 апрелда қабул қилинган ЎРҚ-473-сонли Қонуни таҳририда) (Ўзбекистон Республикаси Олий Мажлиси палаталарининг Ахборотномаси, 2018 йил, № 4, 221-модда; 2019 йил, № 9, 589-модда; 2020 йил, № 3, 200-модда, № 5, 299, 300-моддалар, № 6, 334-модда; 2021 йил, 4-сонга илова) қуйидаги ўзгартишлар киритилсин:
1) 8-модданинг иккинчи қисми қуйидаги таҳрирда баён этилсин:
«Ўзбекистон Республикасининг орденлари таркибига «Олий Даражали Дўстлик» ордени, «Олий Даражали Имом Бухорий» ордени ва «Имом Бухорий» ордени ҳам киради»;
2) 15-модданинг :
саккизинчи қисми қуйидаги таҳрирда баён этилсин:
«Олий Даражали Дўстлик» ва «Олий Даражали Имом Бухорий» орденлари кўкракнинг ўнг томонига ёки орден занжирида тақилади»;
ўн иккинчи қисми қуйидаги таҳрирда баён этилсин:
«Планкалардаги ленталарни тақиб юриш қоидалари олий мукофот белгиси — «Олтин Юлдуз» медалига, «Мустақиллик», «Амир Темур», «Олий Даражали Имом Бухорий», «Жалолиддин Мангуберди», «Олий Даражали Дўстлик» орденларига, шунингдек Ўзбекистон Республикасининг фахрий унвонларига доир кўкрак нишонларига нисбатан қўлланилмайди».
5-модда. Ушбу Қонун расмий эълон қилинган кундан эътиборан кучга киради.
Ўзбекистон Республикасининг 2022 йил 15 августдаги ЎРҚ-789-сонли Қонуни билан ТАСДИҚЛАНГАН
«Имом Бухорий» ордени тўғрисида
1. «Имом Бухорий» ордени икки даражадан иборат бўлади:
«Олий Даражали Имом Бухорий» ордени;
«Имом Бухорий» ордени.
«Олий Даражали Имом Бухорий» ордени «Имом Бухорий» орденидан юқори даражада ҳисобланади.
2. «Олий Даражали Имом Бухорий» ордени билан илм-фан ва маданият, жумладан, ислом маърифати ривожига улкан ҳисса қўшган буюк аллома ва мутафаккирларнинг ҳаёти ҳамда илмий меросини ўрганиш ва халқаро майдонда кенг тарғиб қилишда катта ютуқларга эришганлиги учун:
хорижий давлатлар ва ҳукуматлар раҳбарлари;
хорижий мамлакатлар парламентлари вакиллари;
халқаро ташкилотлар, дипломатик ваколатхоналар, консуллик муассасалари ҳамда уларга тенглаштирилган бошқа ташкилотларнинг раҳбарлари ва вакиллари, шунингдек хорижий арбоблар ва олимлар;
мамлакатимизнинг атоқли давлат ва жамоат арбоблари, диний-ижтимоий соҳадаги раҳбарлар ва етук уламолар, атоқли олимлар, адиблар, педагоглар ва илмий тадқиқотчилар мукофотланади.
3. «Олий Даражали Имом Бухорий» ордени билан:
буюк алломаларимизнинг илмий-маърифий меросини чуқур ўрганиб, уларнинг ислом маънавияти ва фалсафаси ҳамда жаҳон илм-фани тараққиётига қўшган улкан ҳиссасини халқаро ҳамжамиятга етказишдаги фаол иштироки;
ҳадисшуносликнинг ривожланиши, унинг илмий-маънавий асосларини ҳар томонлама ўрганиш асосида ҳадислардаги эзгу умуминсоний ғояларни халқаро ҳамжамиятга етказишдаги улкан хизматлари;
аждодларимиз қолдирган асарларни таржима, тадқиқ ва таҳлил қилиш орқали улардаги инсонпарварлик, Ватанга муҳаббат ғояларини тарғиб этиш ҳамда жамият маънавий ҳаётининг бугунги кундаги долзарб муаммоларини ҳал этишнинг илмий-маърифий асосларини ишлаб чиқишга қўшган муносиб ҳиссаси;
ислом цивилизацияси ва маданиятига беқиёс ҳисса қўшган алломаларимизнинг яратган асарларининг илмий-изоҳли таржима ва қиёсий матнларини жаҳон жамоатчилигига етказиш ва халқаро миқёсда кенг тарғиб қилишдаги алоҳида хизматлари;
мамлакатимизда ҳамда хорижий давлатларда сақланаётган буюк алломаларимизнинг қўлёзма ва тошбосма асарлари, ислом дини ва маданиятига оид бой ва тарихий меросини тўплаш ва илмий-тадқиқот ишларини олиб боришдаги фаол иштироки;
Ўзбекистон Республикасида олиб борилаётган инсонпарварлик сиёсатини амалга ошириш, фуқароларнинг виждон эркинлиги кафолатларини ҳимоя қилиш, аҳоли ўртасида динлараро ва конфессиялараро тотувлик ва бағрикенгликни мустаҳкамлаш, диний-маърифий соҳадаги ислоҳотларни тарғиб этишдаги кўп йиллик ва фидокорона меҳнати;
миллий ва диний қадриятларимизни асраб-авайлаш, миллатлараро дўстлик, ўзаро меҳр-оқибат, бағрикенглик ва ҳамжиҳатликни мустаҳкамлаш, ёшларни комил инсон этиб тарбиялаш, жамиятда барқарор ижтимоий-маънавий муҳитни таъминлашдаги кўп йиллик самарали хизматлари учун мукофотланади.
4. «Имом Бухорий» ордени билан буюк алломаларимизнинг илмий ва диний меросини тадқиқ этиш ҳамда тарғиб қилиш, ислом динининг умуминсоний қадриятлари ва асл моҳиятини мамлакат аҳолиси, айниқса ёшларга етказишдаги хизматлари учун:
илм-фан, таълим-тарбия, маданият, санъат ва адабиёт соҳаси ходимлари;
давлат ва жамоат ташкилотлари ходимлари;
диний уламолар;
олимлар ва тадқиқотчилар мукофотланади.
5. «Имом Бухорий» ордени билан:
улуғ алломаларимиз илмий меросини чуқур ўрганиб, ўсиб келаётган ёш авлодни аждодлар меросига ҳурмат, Ватанга муҳаббат ва садоқат руҳида тарбиялашдаги хизматлари;
юксак инсоний ғоялар ва муқаддас қадриятларимизни ўзида ифода этган тарихий меросимизни тизимли асосда тадқиқ этиш, улардан диний таълим, маънавий-ахлоқий тарбия ишларида фойдаланиш мақсадида зарур дарслик ва ўқув қўлланмалари, илмий-амалий тавсиялар тайёрлашдаги самарали меҳнати;
мамлакатимиздаги диний-ижтимоий жараёнлар ҳамда диний бағрикенгликни таъминлаш масалаларини ўрганишга қаратилган илмий-тадқиқот ишларини қўллаб-қувватлаш, тарғибот ва ташвиқот тадбирларини ўтказишдаги фаолияти;
«Жаҳолатга қарши маърифат» ғояси асосида ислом динига нисбатан содир этилаётган ғаразли таҳдид ва ҳаракатларнинг олдини олиш, бундай хатарларга қарши курашишнинг илмий-маърифий асосларини ишлаб чиқиш ҳамда амалиётда қўллаш борасидаги хизматлари;
ислом цивилизациясининг умуминсоний қадриятларини, жумладан, халқимиз маънавияти ва маданияти ривожида тутган ўрни ҳамда аҳамиятини ўрганиб, уларнинг илмий-назарий ва амалий жиҳатларини тадқиқ этишдаги катта хизматлари учун мукофотланади.
6. «Олий Даражали Имом Бухорий» ордени ва «Имом Бухорий» ордени билан бошқа шахслар ҳам илм-маърифатни ривожлантиришдаги алоҳида хизматлари учун мукофотланиши мумкин.
7. «Олий Даражали Имом Бухорий» ордени ва «Имом Бухорий» ордени билан мукофотлашга тақдим этиш, мукофотлаш, шунингдек уни топшириш «Давлат мукофотлари тўғрисида»ги Ўзбекистон Республикаси Қонунида назарда тутилган тартибда амалга оширилади.
8. «Олий Даражали Имом Бухорий» ордени билан мукофотланган шахсларга базавий ҳисоблаш миқдорининг етмиш баравари миқдоридаги бир марталик пул мукофоти берилади.
9. «Имом Бухорий» ордени билан мукофотланган шахсларга базавий ҳисоблаш миқдорининг эллик баравари миқдоридаги бир марталик пул мукофоти берилади.
10. «Олий Даражали Имом Бухорий» ордени ва «Имом Бухорий» ордени билан мукофотланган шахслар қонунчиликда белгиланган имтиёзлардан фойдаланадилар.
11. «Олий Даражали Имом Бухорий» ордени тегишли кетма-кетликка риоя этган ҳолда кўкракнинг ўнг томонига ёки орден занжирида тақилади.
12. «Имом Бухорий» ордени кўкракнинг чап томонига ёки бўйинга осиладиган шойи лентада тақилади.
Ўзбекистон Республикасининг 2022 йил 15 августдаги ЎРҚ-789-сонли Қонуни билан ТАСДИҚЛАНГАН
«Олий Даражали Имом Бухорий» орденининг
«Олий Даражали Имом Бухорий» ордени 750 пробали олтиндан тайёрланади ва иккита қопламали медальондан иборат бўлади.
Биринчи медальон диаметри 87 миллиметрли саккиз қиррали юлдузни ифодалайди. Юлдуз бурчаклари орасида қарама-қарши учлари оралиғи 84 миллиметр бўлган учлари юмалоқланган нур тутамлари жойлашган. Саккиз қиррали юлдузнинг ички қисмида яшил эмаль билан қопланган нақшинкор баргсимон шакллар жойлашган. Саккиз қиррали юлдуз 56 та 2,5 миллиметрли, 8 та 2,6 миллиметрли ва 8 та 1,5 миллиметрли бриллиантлар билан безатилган.
Орденнинг марказида жойлашган иккинчи медальон диаметри 45 миллиметрли арқонсимон нақш билан ҳошияланган доира шаклида бўлади. Доиранинг марказида кўк эмаль фонида очиқ ҳолдаги китоб ва унинг устида нур таратаётган қуёш шакли тасвирланган. Унинг қуйи қисмида ҳарфлари баландлиги 3,1 миллиметрли «ILM — NUR» сўзлари ёзилган.
Иккинчи медальоннинг айланаси бўйлаб оқ эмаль фонида «MUНAMMAD IBN ISMOIL IMOM BUXORIY» ёзуви битилган бўлиб, ёзувлар 2,5 миллиметрли иккита бриллиант билан ажратилган. Ҳарфларнинг баландлиги — 3,5 миллиметр.
Орден иккита маҳкамлагичга эга:
1) гайкага бураб қотириладиган бурама маҳкамлагич;
2) орден занжирига мустаҳкамланадиган ечиладиган қисқич.
Орденнинг орқа томонига 2 миллиметр ўлчамдаги ботиқ шрифт билан мукофот рақами туширилади.
Узунлиги 900 миллиметрли орден занжири 750 пробали олтиндан тайёрланади. Занжир икки турдаги ҳалқаларга бўлинади. Диаметри 32 миллиметр бўлган ҳалқалар орденнинг иккинчи медальони тасвирини ифодалайди, диаметри 30 миллиметр бўлган ҳалқалар Ўзбекистон Республикасининг Давлат герби шаклида бўлиб, атрофлари 468 та 1,2 миллиметрли бриллиантлар билан безатилган.
Орден занжирининг пастки қисмида ранг-баранг эмаль билан қопланган саккиз қиррали юлдуз ҳамда Ўзбекистон Республикасининг Давлат герби шаклидаги ҳалқалар жойлашган.
Занжир 27 та ҳалқалар, шу жумладан илгакдан иборат.
Орденнинг умумий оғирлиги 850 граммдан иборат.
Ўзбекистон Республикасининг 2022 йил 15 августдаги ЎРҚ-789-сонли Қонуни билан ТАСДИҚЛАНГАН
«Имом Бухорий» орденининг
«Имом Бухорий» ордени 0,15 микрон қалинликдаги 750 пробали олтин билан қопланган 925 пробали кумушдан тайёрланади ва иккита қопламали медальондан иборат бўлади.
Биринчи медальон диаметри 42 миллиметрли саккиз қиррали юлдузни ифодалайди. Юлдуз бурчаклари орасида қарама-қарши учлари оралиғи 47 миллиметр бўлган учлари юмалоқланган нур тутамлари жойлашган. Саккиз қиррали юлдузнинг ички қисмида яшил эмаль билан қопланган нақшинкор баргсимон шакллар жойлашган. Саккиз қиррали юлдуз 72 та 2,5 миллиметрли фианит тошлари билан безатилган.
Орденнинг марказида жойлашган иккинчи медальон диаметри 28 миллиметрли арқонсимон нақш билан ҳошияланган доира шаклида бўлади. Доиранинг марказида кўк эмаль фонида очиқ ҳолдаги китоб ва унинг устида нур таратаётган қуёш шакли тасвирланган. Унинг қуйи қисмида ҳарфлари баландлиги 2 миллиметрли «ILM — NUR» сўзлари ёзилган.
Иккинчи медальоннинг айланаси бўйлаб оқ эмаль фонида «MUНAMMAD IBN ISMOIL IMOM BUXORIY» ёзуви битилган. Ҳарфларнинг баландлиги — 2,5 миллиметр.
Орден орқа томонининг қуйи қисмига 2 миллиметр ўлчамдаги ботиқ шрифт билан орден рақами туширилган.
Тасвир ва ёзувлар — бўртма.
Орденнинг умумий оғирлиги 55 граммдан иборат.
Орден эни 24 миллиметрли шойи лента билан қопланган беш қиррали қадағичга илмоқча ва ҳалқача ёрдамида туташтирилган.
Шойи лентанинг ўртасидан ўтган эни 10 миллиметрли яшил рангли йўлнинг икки чети эни 2 миллиметрли иккита оқ рангли чизиқлар билан ҳошияланган, унинг чекка қисмлари бўйлаб эни 5 миллиметр бўлган кўк рангли йўл ўтган.
Қадағичнинг орқа томонида орденни кийимга тақиб қўйиш учун тўғноғич кўринишидаги мослама мавжуд.
Ўзбекистон Республикасининг Президенти Ш. МИРЗИЁЕВ
Тошкент ш.,
2022 йил 15 август,
ЎРҚ-789-сон
Oʻzbekiston Respublikasining Qonuni
NIZOM
TAVSIFI
TAVSIFI
“Imom Buxoriy” ordenini taʼsis etish toʻgʻrisida
Qonunchilik palatasi tomonidan 2022-yil 12-avgustda qabul qilingan Senat tomonidan 2022-yil 13-avgustda maʼqullangan
1-modda. “Imom Buxoriy” ordeni taʼsis etilsin.
2-modda. “Imom Buxoriy” ordeni toʻgʻrisidagi nizom tasdiqlansin ( ilova qilinadi).
3-modda. “Oliy Darajali Imom Buxoriy” ordeni va “Imom Buxoriy” ordenining tavsiflari tasdiqlansin ( ilova qilinadi).
4-modda. Oʻzbekiston Respublikasining 1995-yil 22-dekabrda qabul qilingan “Davlat mukofotlari toʻgʻrisida”gi 176-I-sonli Qonuniga (Oʻzbekiston Respublikasining 2018-yil 11-aprelda qabul qilingan OʻRQ-473-sonli Qonuni tahririda) (Oʻzbekiston Respublikasi Oliy Majlisi palatalarining Axborotnomasi, 2018-yil, № 4, 221-modda; 2019-yil, № 9, 589-modda; 2020-yil, № 3, 200-modda, № 5, 299, 300-moddalar, № 6, 334-modda; 2021-yil, 4-songa ilova) quyidagi oʻzgartishlar kiritilsin:
1) 8-moddaning ikkinchi qismi quyidagi tahrirda bayon etilsin:
“Oʻzbekiston Respublikasining ordenlari tarkibiga “Oliy Darajali Doʻstlik” ordeni, “Oliy Darajali Imom Buxoriy” ordeni va “Imom Buxoriy” ordeni ham kiradi”;
2) 15-moddaning :
sakkizinchi qismi quyidagi tahrirda bayon etilsin:
“Oliy Darajali Doʻstlik” va “Oliy Darajali Imom Buxoriy” ordenlari koʻkrakning oʻng tomoniga yoki orden zanjirida taqiladi”;
oʻn ikkinchi qismi quyidagi tahrirda bayon etilsin:
“Plankalardagi lentalarni taqib yurish qoidalari oliy mukofot belgisi — “Oltin Yulduz” medaliga, “Mustaqillik”, “Amir Temur”, “Oliy Darajali Imom Buxoriy”, “Jaloliddin Manguberdi”, “Oliy Darajali Doʻstlik” ordenlariga, shuningdek Oʻzbekiston Respublikasining faxriy unvonlariga doir koʻkrak nishonlariga nisbatan qoʻllanilmaydi”.
5-modda. Ushbu Qonun rasmiy eʼlon qilingan kundan eʼtiboran kuchga kiradi.
Oʻzbekiston Respublikasining 2022-yil 15-avgustdagi OʻRQ-789-sonli Qonuni bilan TASDIQLANGAN
“Imom Buxoriy” ordeni toʻgʻrisida
1. “Imom Buxoriy” ordeni ikki darajadan iborat boʻladi:
“Oliy Darajali Imom Buxoriy” ordeni;
“Imom Buxoriy” ordeni.
“Oliy Darajali Imom Buxoriy” ordeni “Imom Buxoriy” ordenidan yuqori darajada hisoblanadi.
2. “Oliy Darajali Imom Buxoriy” ordeni bilan ilm-fan va madaniyat, jumladan, islom maʼrifati rivojiga ulkan hissa qoʻshgan buyuk alloma va mutafakkirlarning hayoti hamda ilmiy merosini oʻrganish va xalqaro maydonda keng targʻib qilishda katta yutuqlarga erishganligi uchun:
xorijiy davlatlar va hukumatlar rahbarlari;
xorijiy mamlakatlar parlamentlari vakillari;
xalqaro tashkilotlar, diplomatik vakolatxonalar, konsullik muassasalari hamda ularga tenglashtirilgan boshqa tashkilotlarning rahbarlari va vakillari, shuningdek xorijiy arboblar va olimlar;
mamlakatimizning atoqli davlat va jamoat arboblari, diniy-ijtimoiy sohadagi rahbarlar va yetuk ulamolar, atoqli olimlar, adiblar, pedagoglar va ilmiy tadqiqotchilar mukofotlanadi.
3. “Oliy Darajali Imom Buxoriy” ordeni bilan:
buyuk allomalarimizning ilmiy-maʼrifiy merosini chuqur oʻrganib, ularning islom maʼnaviyati va falsafasi hamda jahon ilm-fani taraqqiyotiga qoʻshgan ulkan hissasini xalqaro hamjamiyatga yetkazishdagi faol ishtiroki;
hadisshunoslikning rivojlanishi, uning ilmiy-maʼnaviy asoslarini har tomonlama oʻrganish asosida hadislardagi ezgu umuminsoniy gʻoyalarni xalqaro hamjamiyatga yetkazishdagi ulkan xizmatlari;
ajdodlarimiz qoldirgan asarlarni tarjima, tadqiq va tahlil qilish orqali ulardagi insonparvarlik, Vatanga muhabbat gʻoyalarini targʻib etish hamda jamiyat maʼnaviy hayotining bugungi kundagi dolzarb muammolarini hal etishning ilmiy-maʼrifiy asoslarini ishlab chiqishga qoʻshgan munosib hissasi;
islom sivilizatsiyasi va madaniyatiga beqiyos hissa qoʻshgan allomalarimizning yaratgan asarlarining ilmiy-izohli tarjima va qiyosiy matnlarini jahon jamoatchiligiga yetkazish va xalqaro miqyosda keng targʻib qilishdagi alohida xizmatlari;
mamlakatimizda hamda xorijiy davlatlarda saqlanayotgan buyuk allomalarimizning qoʻlyozma va toshbosma asarlari, islom dini va madaniyatiga oid boy va tarixiy merosini toʻplash va ilmiy-tadqiqot ishlarini olib borishdagi faol ishtiroki;
Oʻzbekiston Respublikasida olib borilayotgan insonparvarlik siyosatini amalga oshirish, fuqarolarning vijdon erkinligi kafolatlarini himoya qilish, aholi oʻrtasida dinlararo va konfessiyalararo totuvlik va bagʻrikenglikni mustahkamlash, diniy-maʼrifiy sohadagi islohotlarni targʻib etishdagi koʻp yillik va fidokorona mehnati;
milliy va diniy qadriyatlarimizni asrab-avaylash, millatlararo doʻstlik, oʻzaro mehr-oqibat, bagʻrikenglik va hamjihatlikni mustahkamlash, yoshlarni komil inson etib tarbiyalash, jamiyatda barqaror ijtimoiy-maʼnaviy muhitni taʼminlashdagi koʻp yillik samarali xizmatlari uchun mukofotlanadi.
4. “Imom Buxoriy” ordeni bilan buyuk allomalarimizning ilmiy va diniy merosini tadqiq etish hamda targʻib qilish, islom dinining umuminsoniy qadriyatlari va asl mohiyatini mamlakat aholisi, ayniqsa yoshlarga yetkazishdagi xizmatlari uchun:
ilm-fan, taʼlim-tarbiya, madaniyat, sanʼat va adabiyot sohasi xodimlari;
davlat va jamoat tashkilotlari xodimlari;
diniy ulamolar;
olimlar va tadqiqotchilar mukofotlanadi.
5. “Imom Buxoriy” ordeni bilan:
ulugʻ allomalarimiz ilmiy merosini chuqur oʻrganib, oʻsib kelayotgan yosh avlodni ajdodlar merosiga hurmat, Vatanga muhabbat va sadoqat ruhida tarbiyalashdagi xizmatlari;
yuksak insoniy gʻoyalar va muqaddas qadriyatlarimizni oʻzida ifoda etgan tarixiy merosimizni tizimli asosda tadqiq etish, ulardan diniy taʼlim, maʼnaviy-axloqiy tarbiya ishlarida foydalanish maqsadida zarur darslik va oʻquv qoʻllanmalari, ilmiy-amaliy tavsiyalar tayyorlashdagi samarali mehnati;
mamlakatimizdagi diniy-ijtimoiy jarayonlar hamda diniy bagʻrikenglikni taʼminlash masalalarini oʻrganishga qaratilgan ilmiy-tadqiqot ishlarini qoʻllab-quvvatlash, targʻibot va tashviqot tadbirlarini oʻtkazishdagi faoliyati;
“Jaholatga qarshi maʼrifat” gʻoyasi asosida islom diniga nisbatan sodir etilayotgan gʻarazli tahdid va harakatlarning oldini olish, bunday xatarlarga qarshi kurashishning ilmiy-maʼrifiy asoslarini ishlab chiqish hamda amaliyotda qoʻllash borasidagi xizmatlari;
islom sivilizatsiyasining umuminsoniy qadriyatlarini, jumladan, xalqimiz maʼnaviyati va madaniyati rivojida tutgan oʻrni hamda ahamiyatini oʻrganib, ularning ilmiy-nazariy va amaliy jihatlarini tadqiq etishdagi katta xizmatlari uchun mukofotlanadi.
6. “Oliy Darajali Imom Buxoriy” ordeni va “Imom Buxoriy” ordeni bilan boshqa shaxslar ham ilm-maʼrifatni rivojlantirishdagi alohida xizmatlari uchun mukofotlanishi mumkin.
7. “Oliy Darajali Imom Buxoriy” ordeni va “Imom Buxoriy” ordeni bilan mukofotlashga taqdim etish, mukofotlash, shuningdek uni topshirish “Davlat mukofotlari toʻgʻrisida”gi Oʻzbekiston Respublikasi Qonunida nazarda tutilgan tartibda amalga oshiriladi.
8. “Oliy Darajali Imom Buxoriy” ordeni bilan mukofotlangan shaxslarga bazaviy hisoblash miqdorining yetmish baravari miqdoridagi bir martalik pul mukofoti beriladi.
9. “Imom Buxoriy” ordeni bilan mukofotlangan shaxslarga bazaviy hisoblash miqdorining ellik baravari miqdoridagi bir martalik pul mukofoti beriladi.
10. “Oliy Darajali Imom Buxoriy” ordeni va “Imom Buxoriy” ordeni bilan mukofotlangan shaxslar qonunchilikda belgilangan imtiyozlardan foydalanadilar.
11. “Oliy Darajali Imom Buxoriy” ordeni tegishli ketma-ketlikka rioya etgan holda koʻkrakning oʻng tomoniga yoki orden zanjirida taqiladi.
12. “Imom Buxoriy” ordeni koʻkrakning chap tomoniga yoki boʻyinga osiladigan shoyi lentada taqiladi.
Oʻzbekiston Respublikasining 2022-yil 15-avgustdagi OʻRQ-789-sonli Qonuni bilan TASDIQLANGAN
“Oliy Darajali Imom Buxoriy” ordenining
“Oliy Darajali Imom Buxoriy” ordeni 750 probali oltindan tayyorlanadi va ikkita qoplamali medalondan iborat boʻladi.
Birinchi medalon diametri 87 millimetrli sakkiz qirrali yulduzni ifodalaydi. Yulduz burchaklari orasida qarama-qarshi uchlari oraligʻi 84 millimetr boʻlgan uchlari yumaloqlangan nur tutamlari joylashgan. Sakkiz qirrali yulduzning ichki qismida yashil emal bilan qoplangan naqshinkor bargsimon shakllar joylashgan. Sakkiz qirrali yulduz 56 ta 2,5 millimetrli, 8 ta 2,6 millimetrli va 8 ta 1,5 millimetrli brilliantlar bilan bezatilgan.
Ordenning markazida joylashgan ikkinchi medalon diametri 45 millimetrli arqonsimon naqsh bilan hoshiyalangan doira shaklida boʻladi. Doiraning markazida koʻk emal fonida ochiq holdagi kitob va uning ustida nur taratayotgan quyosh shakli tasvirlangan. Uning quyi qismida harflari balandligi 3,1 millimetrli “ILM — NUR” soʻzlari yozilgan.
Ikkinchi medalonning aylanasi boʻylab oq emal fonida “MUNAMMAD IBN ISMOIL IMOM BUXORIY” yozuvi bitilgan boʻlib, yozuvlar 2,5 millimetrli ikkita brilliant bilan ajratilgan. Harflarning balandligi — 3,5 millimetr.
Orden ikkita mahkamlagichga ega:
1) gaykaga burab qotiriladigan burama mahkamlagich;
2) orden zanjiriga mustahkamlanadigan yechiladigan qisqich.
Ordenning orqa tomoniga 2 millimetr oʻlchamdagi botiq shrift bilan mukofot raqami tushiriladi.
Uzunligi 900 millimetrli orden zanjiri 750 probali oltindan tayyorlanadi. Zanjir ikki turdagi halqalarga boʻlinadi. Diametri 32 millimetr boʻlgan halqalar ordenning ikkinchi medaloni tasvirini ifodalaydi, diametri 30 millimetr boʻlgan halqalar Oʻzbekiston Respublikasining Davlat gerbi shaklida boʻlib, atroflari 468 ta 1,2 millimetrli brilliantlar bilan bezatilgan.
Orden zanjirining pastki qismida rang-barang emal bilan qoplangan sakkiz qirrali yulduz hamda Oʻzbekiston Respublikasining Davlat gerbi shaklidagi halqalar joylashgan.
Zanjir 27 ta halqalar, shu jumladan ilgakdan iborat.
Ordenning umumiy ogʻirligi 850 grammdan iborat.
Oʻzbekiston Respublikasining 2022-yil 15-avgustdagi OʻRQ-789-sonli Qonuni bilan TASDIQLANGAN
“Imom Buxoriy” ordenining
“Imom Buxoriy” ordeni 0,15 mikron qalinlikdagi 750 probali oltin bilan qoplangan 925 probali kumushdan tayyorlanadi va ikkita qoplamali medalondan iborat boʻladi.
Birinchi medalon diametri 42 millimetrli sakkiz qirrali yulduzni ifodalaydi. Yulduz burchaklari orasida qarama-qarshi uchlari oraligʻi 47 millimetr boʻlgan uchlari yumaloqlangan nur tutamlari joylashgan. Sakkiz qirrali yulduzning ichki qismida yashil emal bilan qoplangan naqshinkor bargsimon shakllar joylashgan. Sakkiz qirrali yulduz 72 ta 2,5 millimetrli fianit toshlari bilan bezatilgan.
Ordenning markazida joylashgan ikkinchi medalon diametri 28 millimetrli arqonsimon naqsh bilan hoshiyalangan doira shaklida boʻladi. Doiraning markazida koʻk emal fonida ochiq holdagi kitob va uning ustida nur taratayotgan quyosh shakli tasvirlangan. Uning quyi qismida harflari balandligi 2 millimetrli “ILM — NUR” soʻzlari yozilgan.
Ikkinchi medalonning aylanasi boʻylab oq emal fonida “MUNAMMAD IBN ISMOIL IMOM BUXORIY” yozuvi bitilgan. Harflarning balandligi — 2,5 millimetr.
Orden orqa tomonining quyi qismiga 2 millimetr oʻlchamdagi botiq shrift bilan orden raqami tushirilgan.
Tasvir va yozuvlar — boʻrtma.
Ordenning umumiy ogʻirligi 55 grammdan iborat.
Orden eni 24 millimetrli shoyi lenta bilan qoplangan besh qirrali qadagʻichga ilmoqcha va halqacha yordamida tutashtirilgan.
Shoyi lentaning oʻrtasidan oʻtgan eni 10 millimetrli yashil rangli yoʻlning ikki cheti eni 2 millimetrli ikkita oq rangli chiziqlar bilan hoshiyalangan, uning chekka qismlari boʻylab eni 5 millimetr boʻlgan koʻk rangli yoʻl oʻtgan.
Qadagʻichning orqa tomonida ordenni kiyimga taqib qoʻyish uchun toʻgʻnogʻich koʻrinishidagi moslama mavjud.
Oʻzbekiston Respublikasining Prezidenti Sh. MIRZIYOYEV
Toshkent sh.,
2022-yil 15-avgust,
OʻRQ-789-son
Закон Республики Узбекистан
ПОЛОЖЕНИЕ
ОПИСАНИЕ
ОПИСАНИЕ
Об учреждении ордена «Имом Бухорий»
Принят Законодательной палатой 12 августа 2022 года Одобрен Сенатом 13 августа 2022 года
Статья 1. Учредить орден «Имом Бухорий».
Статья 2. Утвердить Положение об ордене «Имом Бухорий» ( прилагается ).
Статья 3. Утвердить описания ордена «Олий Даражали Имом Бухорий» и ордена «Имом Бухорий» ( прилагаются ).
Статья 4. Внести в Закон Республики Узбекистан от 22 декабря 1995 года № 176-I «О государственных наградах» (в редакции Закона Республики Узбекистан от 11 апреля 2018 года № ЗРУ-473) (Ведомости палат Олий Мажлиса Республики Узбекистан, 2018 г., № 4, ст. 221; 2019 г., № 9, ст. 589; 2020 г., № 3, ст. 200, № 5, ст.ст. 299, 300, № 6, ст. 334, № 12, ст. 688; 2021 г., приложение к № 4) следующие изменения:
1) часть вторую статьи 8 изложить в следующей редакции:
«К числу орденов Республики Узбекистан относятся также орден «Олий Даражали Дўстлик», орден «Олий Даражали Имом Бухорий» и орден «Имом Бухорий»;
2) в статье 15 :
часть восьмую изложить в следующей редакции:
«Ордена «Олий Даражали Дўстлик» и «Олий Даражали Имом Бухорий» носятся на правой стороне груди или на орденской цепи»;
часть двенадцатую изложить в следующей редакции:
«Правила ношения лент на планках не применяются к высшему знаку отличия — медали «Олтин Юлдуз», орденам «Мустақиллик», «Амир Темур», «Олий Даражали Имом Бухорий», «Жалолиддин Мангуберди», «Олий Даражали Дўстлик», а также к нагрудным знакам почетных званий Республики Узбекистан».
Статья 5. Настоящий Закон вступает в силу со дня его официального опубликования.
УТВЕРЖДЕНО Законом Республики Узбекистан от 15 августа 2022 года № ЗРУ-789
об ордене «Имом Бухорий»
1. Орден «Имом Бухорий» состоит из двух степеней:
орден «Олий Даражали Имом Бухорий»;
орден «Имом Бухорий».
Орден «Олий Даражали Имом Бухорий» по степени выше ордена «Имом Бухорий».
2. Орденом «Олий Даражали Имом Бухорий» награждаются за высокие результаты, достигнутые в изучении и широкой пропаганде на международной арене жизни и научного наследия великих ученых и мыслителей, внесших огромный вклад в развитие науки и культуры, в том числе исламского просветительства:
главы зарубежных государств и правительств;
представители парламентов зарубежных стран;
руководители и представители международных организаций, дипломатических представительств, консульских учреждений и иных приравненных к ним организаций, а также зарубежные деятели и ученые;
известные государственные и общественные деятели, руководители и ведущие улемы в религиозно-общественной сфере, выдающиеся ученые, литераторы, педагоги и научные исследователи нашей страны.
3. Орденом «Олий Даражали Имом Бухорий» награждаются за:
активное участие в глубоком изучении научно-просветительского наследия наших великих мыслителей и доведении до международного сообщества бесценного вклада, внесенного ими в развитие исламского просветительства и философии, а также мировой науки;
выдающиеся заслуги в доведении до международного сообщества благородных общечеловеческих идей, содержащихся в хадисах, на основе развития и всестороннего изучения научно-духовных основ хадисоведения;
достойный вклад в пропаганду идей гуманизма и любви к Родине, содержащихся в произведениях наших предков путем их перевода, исследования и анализа, а также, разработку научно-просветительских основ решения актуальных проблем духовной жизни общества на современном этапе;
особые заслуги в доведении до мировой общественности и широкой пропаганде на мировом уровне научно-комментированных переводов и сопоставительных текстов произведений, созданных нашими мыслителями, внесшими неоценимый вклад в развитие исламской цивилизации и культуры;
активное участие в сборе и осуществлении научно-исследовательских работ по рукописным и литографическим произведениям наших великих мыслителей, богатому и историческому наследию исламской религии и культуры, хранящимся в нашей стране и зарубежных государствах;
многолетний и самоотверженный труд по реализации гуманной политики, проводимой в Республике Узбекистан, защите гарантий свободы совести граждан, укреплению межрелигиозного и межконфессионального согласия и толерантности среди населения страны, широкой пропаганде реформ, осуществляемых в религиозно-просветительской сфере;
многолетнюю плодотворную работу по бережному сохранению национальных и религиозных ценностей, укреплению межнациональной дружбы, милосердия, толерантности и сплоченности, воспитанию молодежи в качестве гармонично развитой личности, а также обеспечению стабильной социально-духовной обстановки в обществе.
4. Орденом «Имом Бухорий» награждаются за заслуги в исследовании и пропаганде научного и религиозного наследия наших великих мыслителей, доведении до населения, особенно молодежи страны, общечеловеческих ценностей и истинной сути религии ислам:
работники науки, образования и воспитания, культуры, искусства и литературы;
работники государственных и общественных организаций;
религиозные деятели;
ученые и исследователи.
5. Орденом «Имом Бухорий» награждаются за:
заслуги в глубоком изучении научного наследия наших великих предков, воспитании подрастающего молодого поколения в духе уважения наследия предков, любви и преданности Родине;
плодотворный труд в изучении исторического наследия нашего народа, воплощающего в себе высокие гуманистические идеи и священные ценности на системной основе, подготовке необходимых программ, учебных пособий и научно-практических рекомендаций в целях их использования в религиозном образовании и духовно-нравственной воспитательной работе;
деятельность по поддержке научно-исследовательских работ, проведению пропагандистских и разъяснительных мероприятий, направленных на изучение религиозно-социальных процессов и вопросов обеспечения религиозной толерантности в стране;
заслуги в предупреждении, разработке и применении на практике научно-просветительских основ противодействия корыстным угрозам и действиям по отношению к религии ислам на основе идеи «Просвещение против невежества»;
большие заслуги в изучении роли и значения исламской цивилизации в развитии общечеловеческих ценностей, в том числе духовности и культуры нашего народа, а также исследовании их научно-теоретических и практических аспектов.
6. Орденом «Олий Даражали Имом Бухорий» и орденом «Имом Бухорий» могут награждаться и другие лица за особые заслуги в развитии науки и просветительства.
7. Представление к награждению, награждение, а также вручение ордена «Олий Даражали Имом Бухорий» и ордена «Имом Бухорий» осуществляются в порядке, установленном Законом Республики Узбекистан «О государственных наградах».
8. Лицам, награжденным орденом «Олий Даражали Имом Бухорий», выплачивается единовременное денежное вознаграждение в семидесятикратном размере базовой расчетной величины.
9. Лицам, награжденным орденом «Имом Бухорий», выплачивается единовременное денежное вознаграждение в пятидесятикратном размере базовой расчетной величины.
10. Лица, награжденные орденом «Олий Даражали Имом Бухорий» и орденом «Имом Бухорий», пользуются льготами, установленными законодательством.
11. Орден «Олий Даражали Имом Бухорий» носится на правой стороне груди или на орденской цепи с соблюдением соответствующей последовательности.
12. Орден «Имом Бухорий» носится на левой стороне груди или на шейной шелковой ленте.
УТВЕРЖДЕНО Законом Республики Узбекистан от 15 августа 2022 года № ЗРУ-789
ордена «Олий Даражали Имом Бухорий»
Орден «Олий Даражали Имом Бухорий» изготавливается из золота 750 пробы и состоит из двух накладных медальонов.
Первый медальон диаметром 87 миллиметров представляет собой восьмиконечную звезду. Между углами звезды расположены пучками расходящиеся лучи, окончания которых закруглены. Расстояние между противоположными концами лучей 84 миллиметра. Во внутренней части восьмиконечной звезды расположены декоративные формы в виде листьев, покрытые зеленой эмалью. Восьмиконечная звезда инкрустирована 56 бриллиантами размером по 2,5 миллиметра, 8 бриллиантами — по 2,6 миллиметра и 8 бриллиантами — по 1,5 миллиметра.
Второй медальон, расположенный в центре ордена, имеет форму окружности, окаймленной веревочным узором диаметром 45 миллиметров. В центре окружности, на фоне синей эмали, изображена книга в открытом виде и над ней — солнце с расходящимися лучами. В ее нижней части расположена надпись «ILM — NUR». Высота букв — 3,1 миллиметра.
Вдоль окружности второго медальона на белом эмалевом фоне расположена надпись «MUНAMMAD IBN ISMOIL IMOM BUXORIY», которая разделена двумя бриллиантами размером 2,5 миллиметра. Высота букв — 3,5 миллиметра.
Орден имеет два крепления:
1) винтовое крепление с закручиванием на гайку;
2) съемный карабин, который крепится к орденской цепи.
На оборотной стороне ордена наносится номер награды вогнутым шрифтом размером 2 миллиметра.
Орденская цепь длиной 900 миллиметров изготавливается из золота 750 пробы. Цепь состоит из двух видов звеньев. Звенья диаметром 32 миллиметра представляют изображение второго медальона ордена, звенья диаметром 30 миллиметров имеют форму Государственного герба Республики Узбекистан, их окружность украшена 468 бриллиантами размером 1,2 миллиметра.
В нижней части орденской цепи расположены звенья в форме восьмигранной звезды, покрытой цветной эмалью, и Государственного герба Республики Узбекистан.
Цепь состоит из 27 звеньев, включая застежку.
Общий вес ордена составляет 850 граммов.
УТВЕРЖДЕНО Законом Республики Узбекистан от 15 августа 2022 года № ЗРУ-789
ордена «Имом Бухорий»
Орден «Имом Бухорий» изготавливается из серебра 925 пробы, покрытого золотом 750 пробы толщиной в 0,15 микрона, и состоит из двух накладных медальонов.
Первый медальон диаметром 42 миллиметра представляет собой восьмиконечную звезду. Между углами звезды расположены пучками расходящиеся лучи, окончания которых закруглены. Расстояние между противоположными концами лучей 47 миллиметров. Во внутренней части восьмиконечной звезды расположены декоративные формы в виде листьев, покрытые зеленой эмалью. Восьмиконечная звезда инкрустирована 72 фианитами размером по 2,5 миллиметра.
Второй медальон, расположенный в центре ордена, имеет форму окружности, окаймленной веревочным узором диаметром 28 миллиметров. В центре окружности, на фоне синей эмали, изображена книга в открытом виде и над ней — солнце с расходящимися лучами. В ее нижней части расположена надпись «ILM — NUR». Высота букв — 2 миллиметра.
Вдоль окружности второго медальона на белом эмалевом фоне расположена надпись «MUНAMMAD IBN ISMOIL IMOM BUXORIY». Высота букв — 2,5 миллиметра.
В нижней части оборотной стороны ордена наносится номер ордена вогнутым шрифтом размером 2 миллиметра.
Изображение и надписи — выпуклые.
Общий вес ордена составляет 55 граммов.
Орден при помощи ушка и кольца соединяется с пятиугольной колодкой, обтянутой шелковой лентой шириной 24 миллиметра.
Посередине шелковой ленты проходит зеленая продольная полоса шириной 10 миллиметров, по краям которой проходят белые полосы шириной 2 миллиметра. По краям шелковой ленты проходит полоса синего цвета шириной 5 миллиметров.
На оборотной стороне колодки имеется приспособление в виде булавки для крепления ордена к одежде.
Президент Республики Узбекистан Ш. МИРЗИЁЕВ
г. Ташкент,
15 августа 2022 г.,
№ ЗРУ-789