📅 2022-yil 16-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 16 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 16 августа 2022 г. · Постановления Президента
Официальный текст. Официальный документ. Редакционные примечания не включены.
📅 16 August 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Маҳалла институтининг жамият ҳаётидаги ролини мустаҳкамлаш ва молиявий имкониятини янада кенгайтириш чора-тадбирлари тўғрисида
Маҳалла институти имкониятларидан кенг фойдаланиш, аҳоли турмуш шароитини янада яхшилаш ҳамда Ўзбекистон Республикаси Президентининг 2022 йил 28 январдаги ПФ-60-сон Фармони билан тасдиқланган 2022 — 2026 йилларга мўлжалланган Янги Ўзбекистоннинг тараққиёт стратегиясини «Инсон қадрини улуғлаш ва фаол маҳалла йили»да амалга оширишга оид давлат дастури ижросини таъминлаш мақсадида:
1. Маҳалла ва нуронийларни қўллаб-қувватлаш вазирлиги, Молия вазирлиги, Иқтисодий тараққиёт ва камбағалликни қисқартириш вазирлигининг ҳар бир маҳалла учун бюджет ташкилотларининг бюджетдан ташқари жамғармаси шаклидаги юридик шахс ҳисобланмайдиган Маҳалланинг ижтимоий-иқтисодий муаммоларини ҳал этиш жамғармасини (кейинги ўринларда — жамғарма) ташкил этиш тўғрисидаги таклифига розилик берилсин.
2. Белгилансинки:
а) қуйидагилар жамғармалар маблағларини шакллантириш манбалари ҳисобланади:
маҳалладаги ҳудуди 5 000 квадрат метргача бўлган давлат кўчмас мулк объектларини маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича туман (шаҳар) ҳокими ёрдамчисининг онлайн-буюртманомасига асосан тўғридан-тўғри электрон онлайн-аукцион савдолари орқали сотишдан тушадиган маблағлар, баҳолаш ва сотиш харажатлари чегирилган ҳолда;
маҳалладаги ҳудуди 5 000 квадрат метр ва ундан юқори бўлган давлат кўчмас мулк объектларини маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича туман (шаҳар) ҳокими ёрдамчисининг онлайн буюртманомасига асосан сотишдан тушган маблағларнинг объект бошланғич нархидан ошган қисмининг 5 фоизи;
маҳалланинг мол-мулкини белгиланган тартибда ижарага беришдан олинадиган маблағлар;
халқ депутатлари туман (шаҳар) Кенгашлари қарорларига асосан маҳаллий бюджетнинг қўшимча манбалари ҳисобидан ажратиладиган маблағлар;
маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича туман (шаҳар) ҳокими ёрдамчиси тавсияси асосида маҳалла инфратузилмасини яхшилаш учун маҳаллий бюджетдан ажратиладиган маблағлар;
жисмоний ва юридик шахсларнинг ҳомийлик хайриялари;
хорижий (халқаро) молия институтлари ва бошқа хорижий ташкилотларнинг техник кўмак маблағлари (кредит, грант, беғараз ёрдам ва бошқалар);
қонунчилик ҳужжатлари билан тақиқланмаган бошқа манбалар;
б) қуйидагилар жамғармалар маблағларидан молиялаштириладиган асосий йўналишлар ҳисобланади:
маҳалла ҳудудидаги ички йўллар, электр энергияси ва табиий газ тармоқлари, ичимлик ва оқова сув тизимини таъмирлаш ва тиклаш;
маҳалла биноси, маҳалла ҳудудида жойлашган спорт майдони, нуронийлар чойхонаси, ёшлар маркази, болалар майдончаси, кутубхона, маданият марказини қуриш, мукаммал ва жорий таъмирлаш ҳамда уларни инвентар, мебель, компьютер техникаси ва бошқа ускуналар билан жиҳозлаш;
маҳалла ҳудудида инфратузилмани ривожлантириш, «Яшил макон» умуммиллий лойиҳаси доирасида ободонлаштириш ва кўкаламзорлаштириш ишларини амалга ошириш;
ижтимоий ҳимояга муҳтож ва кам таъминланган оилаларга моддий кўмаклашиш ҳамда уларнинг турар жойларини таъмирлаш ва жиҳозлаш.
3. Маҳалла ва нуронийларни қўллаб-қувватлаш вазирлиги Молия вазирлиги билан биргаликда икки ой муддатда Маҳалланинг ижтимоий-иқтисодий муаммоларини ҳал этиш жамғармаси тўғрисидаги намунавий низомни ишлаб чиқсин ва тасдиқлаш учун Вазирлар Маҳкамасига киритсин.
4. Маҳалла ва нуронийларни қўллаб-қувватлаш вазирлиги:
а) 2023 йил 1 январга қадар:
Кадастр агентлиги билан биргаликда ҳар бир маҳалланинг аниқ чегаралари белгиланишини;
Давлат статистика қўмитаси билан биргаликда маҳаллаларнинг ягона классификатори ишлаб чиқилиб, Давлат статистика қўмитасининг расмий веб-сайтида эълон қилинишини таъминласин;
б) Молия вазирлиги билан биргаликда икки ой муддатда маҳаллалар ташкил этилиши мезонларини улар ҳудудидаги хонадонлар сонидан келиб чиққан ҳолда белгилаш бўйича таклифларни Вазирлар Маҳкамасига киритсин;
в) Молия вазирлиги билан биргаликда доимий равишда жамғармалар фаолиятини самарали ташкил этиш бўйича ҳамкорликда ишларни олиб борсин ва 2023 йил 1 январга қадар амалга оширилган ишлар тўғрисида Ўзбекистон Республикаси Вазирлар Маҳкамасига ахборот киритсин;
г) манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
5. Ўзбекистон Республикаси Президентининг 2022 йил 18 мартдаги «Иқтисодиётда давлат иштирокини янада қисқартириш ва хусусийлаштиришни жадаллаштиришга оид қўшимча чора-тадбирлар тўғрисида»ги ПҚ-168-сон қарорининг 3-бандига иловага мувофиқ қўшимчалар киритилсин.
6. Мазкур қарор ижросини самарали ташкил қилишга масъул ва шахсий жавобгар этиб маҳалла ва нуронийларни қўллаб-қувватлаш вазири в.б. Т.А. Худайбергенов ҳамда молия вазири Т.А. Ишметов белгилансин.
Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Бош вазир ўринбосари Ж.А. Қўчқоров зиммасига юклансин.
Ўзбекистон Республикаси Президентининг 2022 йил 16 августдаги ПҚ-353-сон қарорига ИЛОВА
Ўзбекистон Республикаси Президентининг 2022 йил 18 мартдаги «Иқтисодиётда давлат иштирокини янада қисқартириш ва хусусийлаштиришни жадаллаштиришга оид қўшимча чора-тадбирлар тўғрисида»ги ПҚ-168-сон қарорининг 3-бандига киритилаётган қўшимчалар
1. «в» кичик банд «тақсимланади» сўзидан кейин «, ушбу банднинг «г» кичик бандида кўрсатилган ҳолатлар бундан мустасно» сўзлари билан тўлдирилсин.
2. Қуйидаги мазмундаги «г» кичик банд билан тўлдирилсин:
«г) маҳалладаги ҳудуди 2 000 квадрат метргача бўлган давлат кўчмас мулк объектларини ҳоким ёрдамчиларининг онлайн-буюртманомасига асосан сотишдан тушадиган маблағлар, баҳолаш ва сотиш харажатлари чегирилган ҳолда, тегишли маҳаллаларнинг Маҳалланинг ижтимоий-иқтисодий муаммоларини ҳал этиш жамғармаларига ўтказилади.».
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 16 август,
ПҚ-353-сон
Oʻzbekiston Respublikasi Prezidentining
Qarori
Mahalla institutining jamiyat hayotidagi rolini mustahkamlash va moliyaviy imkoniyatini yanada kengaytirish chora-tadbirlari toʻgʻrisida
Mahalla instituti imkoniyatlaridan keng foydalanish, aholi turmush sharoitini yanada yaxshilash hamda Oʻzbekiston Respublikasi Prezidentining 2022-yil 28-yanvardagi PF-60-son Farmoni bilan tasdiqlangan 2022 — 2026-yillarga moʻljallangan Yangi Oʻzbekistonning taraqqiyot strategiyasini “Inson qadrini ulugʻlash va faol mahalla yili”da amalga oshirishga oid davlat dasturi ijrosini taʼminlash maqsadida:
1. Mahalla va nuroniylarni qoʻllab-quvvatlash vazirligi, Moliya vazirligi, Iqtisodiy taraqqiyot va kambagʻallikni qisqartirish vazirligining har bir mahalla uchun budjet tashkilotlarining budjetdan tashqari jamgʻarmasi shaklidagi yuridik shaxs hisoblanmaydigan Mahallaning ijtimoiy-iqtisodiy muammolarini hal etish jamgʻarmasini (keyingi oʻrinlarda — jamgʻarma) tashkil etish toʻgʻrisidagi taklifiga rozilik berilsin.
2. Belgilansinki:
a) quyidagilar jamgʻarmalar mablagʻlarini shakllantirish manbalari hisoblanadi:
mahalladagi hududi 5 000 kvadrat metrgacha boʻlgan davlat koʻchmas mulk obyektlarini mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimi yordamchisining onlayn-buyurtmanomasiga asosan toʻgʻridan-toʻgʻri elektron onlayn-auksion savdolari orqali sotishdan tushadigan mablagʻlar, baholash va sotish xarajatlari chegirilgan holda;
mahalladagi hududi 5 000 kvadrat metr va undan yuqori boʻlgan davlat koʻchmas mulk obyektlarini mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimi yordamchisining onlayn buyurtmanomasiga asosan sotishdan tushgan mablagʻlarning obyekt boshlangʻich narxidan oshgan qismining 5 foizi;
mahallaning mol-mulkini belgilangan tartibda ijaraga berishdan olinadigan mablagʻlar;
xalq deputatlari tuman (shahar) Kengashlari qarorlariga asosan mahalliy budjetning qoʻshimcha manbalari hisobidan ajratiladigan mablagʻlar;
mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimi yordamchisi tavsiyasi asosida mahalla infratuzilmasini yaxshilash uchun mahalliy budjetdan ajratiladigan mablagʻlar;
jismoniy va yuridik shaxslarning homiylik xayriyalari;
xorijiy (xalqaro) moliya institutlari va boshqa xorijiy tashkilotlarning texnik koʻmak mablagʻlari (kredit, grant, begʻaraz yordam va boshqalar);
qonunchilik hujjatlari bilan taqiqlanmagan boshqa manbalar;
b) quyidagilar jamgʻarmalar mablagʻlaridan moliyalashtiriladigan asosiy yoʻnalishlar hisoblanadi:
mahalla hududidagi ichki yoʻllar, elektr energiyasi va tabiiy gaz tarmoqlari, ichimlik va oqova suv tizimini taʼmirlash va tiklash;
mahalla binosi, mahalla hududida joylashgan sport maydoni, nuroniylar choyxonasi, yoshlar markazi, bolalar maydonchasi, kutubxona, madaniyat markazini qurish, mukammal va joriy taʼmirlash hamda ularni inventar, mebel, kompyuter texnikasi va boshqa uskunalar bilan jihozlash;
mahalla hududida infratuzilmani rivojlantirish, “Yashil makon” umummilliy loyihasi doirasida obodonlashtirish va koʻkalamzorlashtirish ishlarini amalga oshirish;
ijtimoiy himoyaga muhtoj va kam taʼminlangan oilalarga moddiy koʻmaklashish hamda ularning turar joylarini taʼmirlash va jihozlash.
3. Mahalla va nuroniylarni qoʻllab-quvvatlash vazirligi Moliya vazirligi bilan birgalikda ikki oy muddatda Mahallaning ijtimoiy-iqtisodiy muammolarini hal etish jamgʻarmasi toʻgʻrisidagi namunaviy nizomni ishlab chiqsin va tasdiqlash uchun Vazirlar Mahkamasiga kiritsin.
4. Mahalla va nuroniylarni qoʻllab-quvvatlash vazirligi:
a) 2023-yil 1-yanvarga qadar:
Kadastr agentligi bilan birgalikda har bir mahallaning aniq chegaralari belgilanishini;
Davlat statistika qoʻmitasi bilan birgalikda mahallalarning yagona klassifikatori ishlab chiqilib, Davlat statistika qoʻmitasining rasmiy veb-saytida eʼlon qilinishini taʼminlasin;
b) Moliya vazirligi bilan birgalikda ikki oy muddatda mahallalar tashkil etilishi mezonlarini ular hududidagi xonadonlar sonidan kelib chiqqan holda belgilash boʻyicha takliflarni Vazirlar Mahkamasiga kiritsin;
v) Moliya vazirligi bilan birgalikda doimiy ravishda jamgʻarmalar faoliyatini samarali tashkil etish boʻyicha hamkorlikda ishlarni olib borsin va 2023-yil 1-yanvarga qadar amalga oshirilgan ishlar toʻgʻrisida Oʻzbekiston Respublikasi Vazirlar Mahkamasiga axborot kiritsin;
g) manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
5. Oʻzbekiston Respublikasi Prezidentining 2022-yil 18-martdagi “Iqtisodiyotda davlat ishtirokini yanada qisqartirish va xususiylashtirishni jadallashtirishga oid qoʻshimcha chora-tadbirlar toʻgʻrisida”gi PQ-168-son qarorining 3-bandiga ilovaga muvofiq qoʻshimchalar kiritilsin.
6. Mazkur qaror ijrosini samarali tashkil qilishga masʼul va shaxsiy javobgar etib mahalla va nuroniylarni qoʻllab-quvvatlash vaziri v.b. T.A. Xudaybergenov hamda moliya vaziri T.A. Ishmetov belgilansin.
Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Bosh vazir oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidentining 2022-yil 16-avgustdagi PQ-353-son qaroriga ILOVA
Oʻzbekiston Respublikasi Prezidentining 2022-yil 18-martdagi “Iqtisodiyotda davlat ishtirokini yanada qisqartirish va xususiylashtirishni jadallashtirishga oid qoʻshimcha chora-tadbirlar toʻgʻrisida”gi PQ-168-son qarorining 3-bandiga kiritilayotgan qoʻshimchalar
1. “v” kichik band “taqsimlanadi” soʻzidan keyin “, ushbu bandning “g” kichik bandida koʻrsatilgan holatlar bundan mustasno” soʻzlari bilan toʻldirilsin.
2. Quyidagi mazmundagi “g” kichik band bilan toʻldirilsin:
“g) mahalladagi hududi 2 000 kvadrat metrgacha boʻlgan davlat koʻchmas mulk obyektlarini hokim yordamchilarining onlayn-buyurtmanomasiga asosan sotishdan tushadigan mablagʻlar, baholash va sotish xarajatlari chegirilgan holda, tegishli mahallalarning Mahallaning ijtimoiy-iqtisodiy muammolarini hal etish jamgʻarmalariga oʻtkaziladi.”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 16-avgust,
PQ-353-son
Президента Республики Узбекистан
Постановление
О мерах по укреплению роли института махалли в жизни общества и дальнейшему расширению его финансовых возможностей
В целях широкого использования возможностей института махалли, дальнейшего улучшения условий жизни населения, а также обеспечения исполнения Государственной программы по реализации Стратегии развития Нового Узбекистана на 2022 — 2026 годы в «Год обеспечения интересов человека и развития махалли», утвержденной Указом Президента Республики Узбекистан от 28 января 2022 года № УП-60:
1. Согласиться с предложением Министерства по поддержке махалли и старшего поколения, Министерства финансов, Министерства экономического развития и сокращения бедности о создании для каждой махалли в форме внебюджетного фонда бюджетных организаций Фонда по решению социально-экономических проблем махалли (далее — фонд), не являющегося юридическим лицом.
2. Установить, что:
а) источниками формирования средств фондов являются:
средства, поступающие от реализации государственных объектов недвижимого имущества в махалле площадью до 5 000 квадратных метров посредством прямых электронных онлайн-аукционных торгов на основании онлайн-заявки помощника хокима района (города) по вопросам развития предпринимательства, обеспечения занятости населения и сокращения бедности в махалле, за вычетом расходов на оценку и реализацию;
5 процентов превышающей стартовую цену объекта части средств, поступивших от реализации государственных объектов недвижимого имущества в махалле площадью 5 000 квадратных метров и более на основании онлайн-заявки помощника хокима района (города) по вопросам развития предпринимательства, обеспечения занятости населения и сокращения бедности;
средства, получаемые от передачи в аренду имущества махалли в установленном порядке;
средства, выделяемые за счет дополнительных источников местных бюджетов на основании решений Кенгашей народных депутатов районов (городов);
средства, выделяемые из местных бюджетов для улучшения инфраструктуры махалли на основании рекомендации помощника хокима района (города) по вопросам развития предпринимательства, обеспечения занятости населения и сокращения бедности в махалле;
благотворительные пожертвования физических и юридических лиц;
средства технического содействия зарубежных (международных) финансовых институтов и иных зарубежных организаций (кредиты, гранты, безвозмездная помощь и другие);
другие источники, не запрещенные актами законодательства;
б) основными направлениями, финансируемыми за счет средств фондов, являются:
ремонт и восстановление внутренних дорог, сетей электроэнергии и природного газа, систем питьевого водоснабжения и канализации на территории махалли;
строительство, капитальный и текущий ремонт здания махалли, спортивной площадки, чайханы представителей старшего поколения, центра молодежи, детской площадки, библиотеки, центра культуры, находящихся на территории махалли, а также их оснащение инвентарем, мебелью, компьютерной техникой и другим оборудованием;
развитие инфраструктуры на территории махалли, осуществление работ по благоустройству и озеленению в рамках Общенационального проекта «Яшил макон»;
оказание материальной помощи нуждающимся в социальной защите и малообеспеченным семьям, а также ремонт и оснащение мест их проживания.
3. Министерству по поддержке махалли и старшего поколения совместно с Министерством финансов в двухмесячный срок разработать и внести на утверждение в Кабинет Министров Типовое положение о Фонде по решению социально-экономических проблем махалли.
4. Министерству по поддержке махалли и старшего поколения:
а) до 1 января 2023 года обеспечить:
совместно с Агентством по кадастру определение точных границ каждой махалли;
совместно с Государственным комитетом по статистике разработку и опубликование на официальном веб-сайте Государственного комитета по статистике единого классификатора махаллей;
б) совместно с Министерством финансов в двухмесячный срок внести в Кабинет Министров предложения по установлению критериев организации махаллей исходя из количества домов (квартир) на их территории;
в) совместно с Министерством финансов на постоянной основе осуществлять в сотрудничестве работы по эффективной организации деятельности фондов и до 1 января 2023 года внести информацию о проделанной работе в Кабинет Министров Республики Узбекистан;
г) совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
5. Внести дополнения в пункт 3 постановления Президента Республики Узбекистан от 18 марта 2022 года № ПП-168 «О дополнительных мерах по дальнейшему сокращению государственного участия в экономике и ускорению приватизации» согласно приложению.
6. Возложить на и.о. министра по поддержке махалли и старшего поколения Т.А. Худайбергенова и министра финансов Т.А. Ишметова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на заместителя Премьер-министра Д.А. Кучкарова.
ПРИЛОЖЕНИЕ к постановлению Президента Республики Узбекистан от 16 августа 2022 года № ПП-353
Дополнения, вносимые в пункт 3 постановления Президента Республики Узбекистан от 18 марта 2022 года № ПП-168 «О дополнительных мерах по дальнейшему сокращению государственного участия в экономике и ускорению приватизации»
1. Подпункт «в» после слов «приватизации государственных активов» дополнить словами «, за исключением случаев, указанных в подпункте «г» настоящего пункта».
2. Дополнить подпунктом «г» следующего содержания:
«г) средства, поступающие от реализации государственных объектов недвижимого имущества в махалле площадью до 2 000 квадратных метров на основании онлайн-заявки помощника хокима, за вычетом расходов на оценку и реализацию, перечисляются в фонды по решению социально-экономических проблем махалли соответствующих махаллей.».
Президент Республики Узбекистан Ш. МИРЗИЁЕВ
г. Ташкент,
16 августа 2022 г.,
№ ПП-353