UzbekAI

Ўзбекистон Республикаси Президентининг

Қарори

Ўзбекистон Республикаси Жамоат хавфсизлиги университетида хорижий давлатлар ҳарбий кадрларини тайёрлаш ва ўқитиш тизимини такомиллаштириш чора-тадбирлари тўғрисида

Ўзбекистон Республикаси Президентининг 2021 йил 15 апрелдаги «Жамоат хавфсизлигини таъминлаш соҳасида профессионал кадрларни тайёрлаш тизимини янада такомиллаштириш чора-тадбирлари тўғрисида»ги ПҚ-5077-сон қарорига мувофиқ Ўзбекистон Республикаси Жамоат хавфсизлиги университетида хорижий давлатлар ҳарбий кадрларини тайёрлаш ва ўқитиш тизимини жорий этиш мақсадида:

1. Ўзбекистон Республикаси Миллий гвардияси билан Беларусь Республикаси Ички ишлар вазирлиги, Қозоғистон Республикаси Ички ишлар вазирлиги, Қирғиз Республикаси Қуролли Кучлари Миллий гвардияси ҳамда Тожикистон Республикаси Миллий гвардияси ўртасида имзоланган ўзаро англашув меморандумларида кадрларни тайёрлаш ва ўқитиш бўйича ҳамкорлик қилиш белгилаб қўйилганлиги маълумот учун қабул қилинсин.

2. Ўзбекистон Республикаси Миллий гвардиясининг Ўзбекистон Республикаси Жамоат хавфсизлиги университетида (кейинги ўринларда — Жамоат хавфсизлиги университети) ўзининг умумий чекланган штат бирликлари доирасида Хорижий ҳарбий кадрлар билан ишлаш факультетини ташкил этиш тўғрисидаги таклифига розилик берилсин.

3. Қуйидагилар Хорижий ҳарбий кадрлар билан ишлаш факультетининг асосий вазифалари этиб белгилансин:

хорижий давлатлар ҳарбий кадрларини қабул қилиш, тайёрлаш ва битирув тадбирларини амалга ошириш;

Жамоат хавфсизлиги университетининг илмий, ўқув-тарбиявий бўлинмаларига тарбиявий ва ўқув-услубий ишларни ташкил этиш, назорат ва мониторинг қилишда кўмаклашиш;

хорижий давлатлар ҳарбий кадрларини тайёрлашни ташкил этишнинг мазмуни, шакллари ва технологияларини такомиллаштириш мақсадида республиканинг бошқа соҳалардаги етакчи таълим муассасаларининг таркибий бўлинмалари билан ўзаро ҳамкорлик қилиш;

хорижий давлатлар ҳарбий кадрларининг Ўзбекистон шароитига мослашишида ҳар томонлама кўмаклашиш ва улар томонидан Ўзбекистон Республикаси қонунчилик ҳужжатларига амал қилинишининг назоратини таъминлаш;

хорижий давлатлар ҳарбий кадрлари ва Ўзбекистон Республикаси ҳарбий хизматчилари ўртасида маданиятлараро алмашинув бўйича тадбирлар, шунингдек, маданий ва маънавий-маърифий ишларнинг сифатли ўтказилишини мувофиқлаштириш;

хорижий давлатлар ҳарбий кадрлари учун биргаликдаги тадбирларни ўтказиш мақсадида Ўзбекистон Республикасининг санъат, маданият ва спорт соҳасидаги таниқли намояндалари ва давлат ташкилотларининг фаолларини жалб этган ҳолда, давлат ва жамоат тузилмалари билан ўзаро ҳамкорликни ташкил этиш;

хорижий давлатлар ҳарбий кадрлари вақтинча яшаши учун уй-жой ижараси ва маданий-ҳордиқ тадбирларини ташкил этиш масалаларини ҳал қилиш;

тайёргарлик натижадорлиги, маданий тадбирлар самарадорлигини баҳолаш, маданиятлараро алмашинувнинг янги шаклларини қўллаш ҳамда ўқишнинг таҳлилини ўтказиш;

факультетнинг моддий-техника базасини мустаҳкамлаш ва ривожлантириш ишларини амалга ошириш.

4. Белгилаб қўйилсинки:

а) Жамоат хавфсизлиги университетида:

хорижий давлатлар ҳарбий кадрларининг таълим олиши хорижий давлатларнинг расмий мурожаатига асосан Ўзбекистон Республикаси Миллий гвардияси томонидан Ўзбекистон Республикаси Президенти ҳузуридаги Хавфсизлик кенгаши билан келишилган ҳолда ташкил этилади;

хорижий давлатлар ҳарбий кадрларига таълим бериш белгиланган тартибда тузиладиган икки томонлама халқаро шартномаларга мувофиқ беғараз, имтиёзли ҳамда тўлов асосида амалга оширилади;

б) Ўзбекистон Республикаси Миллий гвардияси қўмондонига Миллий гвардия бўлинмаларининг (қўшинларининг) умумий чекланган сони доирасида Жамоат хавфсизлиги университетининг Хорижий ҳарбий кадрлар билан ишлаш факультети ташкилий-штат тузилмасига заруратга кўра ўзгартириш ва қўшимчалар киритишга рухсат берилади.

5. Ўзбекистон Республикаси Миллий гвардияси:

Жамоат хавфсизлиги университети томонидан ҳарбий кадрларга таълим бериш тартиби ва муддатлари бўйича доимий равишда тегишли хорижий давлатларни хабардор қилиб борсин;

хорижий давлатлар ҳарбий кадрларига таълим бериш учун етарли шарт-шароитлар яратиш мақсадида Жамоат хавфсизлиги университетининг ўқув ва моддий-техника базасини такомиллаштириш ва модернизация қилиш чораларини кўрсин.

6. Ўзбекистон Республикаси Президентининг 2021 йил 20 сентябрдаги «Ўзбекистон Республикаси Мудофаа вазирлигининг олий ҳарбий таълим муассасаларида хорижий давлатлар ҳарбий кадрларини тайёрлаш ва ўқитиш тизимини жорий этиш чора-тадбирлари тўғрисида»ги ПҚ-5247-сон қарорига иловага мувофиқ ўзгартириш ва қўшимчалар киритилсин.

7. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.

Ўзбекистон Республикаси Президентининг 2022 йил 16 августдаги ПҚ-352-сон қарорига ИЛОВА

Ўзбекистон Республикаси Президентининг 2021 йил 20 сентябрдаги «Ўзбекистон Республикаси Мудофаа вазирлигининг олий ҳарбий таълим муассасаларида хорижий давлатлар ҳарбий кадрларини тайёрлаш ва ўқитиш тизимини жорий этиш чора-тадбирлари тўғрисида»ги ПҚ-5247-сон қарорига киритилаётган ўзгартириш ва қўшимчалар

1. Қарор номи ва муқаддимасидаги «Мудофаа вазирлигининг» сўзлари «Мудофаа вазирлиги ва Миллий гвардиясининг» сўзлари билан алмаштирилсин.

2. 4-банднинг биринчи хатбошиси ва 6-банд «Мудофаа вазирлиги» сўзларидан кейин «ва Миллий гвардияси» сўзлари билан тўлдирилсин.

3. 7-банддаги «Мудофаа вазирлигининг» сўзлари «Мудофаа вазирлиги ва Миллий гвардиясининг» сўзлари билан алмаштирилсин.

4. 8-банднинг учинчи хатбошисидаги «Ўзбекистон Республикаси Мудофаа вазирлигига» сўзлари «тегишлича Ўзбекистон Республикаси Мудофаа вазирлиги ва Миллий гвардиясига» сўзлари билан алмаштирилсин.

5. Иловада :

а) номи ва 1-банди «Мудофаа вазирлиги» сўзларидан кейин «ва Миллий гвардияси» сўзлари билан тўлдирилсин;

б) 4 ва 5-бандлар қуйидаги таҳрирда баён этилсин:

«4. Хорижий ҳарбий кадрларни ўқишга қабул қилиш Ўзбекистон Республикаси Мудофаа вазирлиги ва Миллий гвардиясига хорижий давлатларнинг мудофаа ва жамоат хавфсизлигини таъминлаш соҳасидаги ваколатли органлари тақдим этган мурожаатга асосан режалаштирилади.

5. Хорижий давлатларнинг мудофаа ва жамоат хавфсизлигини таъминлаш соҳасидаги ваколатли органларининг хорижий ҳарбий кадрлар таълим олиши учун мурожаат қилиш муддати, уларни кўриб чиқиш ва ўқишга қабул қилиш тўғрисидаги қарор ўқиш бошлангунга қадар тўрт ойдан кам бўлмаган муддатда квоталар миқдорини аниқлашни инобатга олган ҳолда, Ўзбекистон Республикаси Мудофаа вазирлиги ва Миллий гвардияси томонидан қабул қилинади»;

в) 6-банд «Мудофаа вазирлиги» сўзларидан кейин «ва Миллий гвардияси» сўзлари билан тўлдирилсин;

г) 19-банддаги «Мудофаа вазирлигининг» сўзлари «Мудофаа вазирлиги ва Миллий гвардиянинг» сўзлари билан алмаштирилсин;

д) 21-бандда :

«а» ва «б» кичик бандларнинг учинчи хатбошилари «мотоўқчи батальон командири» лавозими» сўзларидан кейин «ва унга тенглаштирилган лавозимлар» сўзлари билан тўлдирилсин;

«в» кичик банднинг учинчи хатбошиси «мотоўқчи бригадаси командири» лавозими» сўзларидан кейин «ва унга тенглаштирилган лавозимлар» сўзлари билан тўлдирилсин;

е) 23-банднинг биринчи хатбошиси , 25 ва 29-бандлар «Мудофаа вазирлиги» сўзларидан кейин «ва Миллий гвардияси» сўзлари билан тўлдирилсин;

ж) 32-банднинг бешинчи хатбошисидаги «Мудофаа вазирлиги» сўзлари «Мудофаа вазирлиги, Миллий гвардияси» сўзлари билан алмаштирилсин.

Ўзбекистон Республикаси Президенти Ш. МИРЗИЁЕВ

Тошкент ш.,

2022 йил 16 август,

ПҚ-352-сон

(Қонунчилик маълумотлари миллий базаси, 17.08.2022 й., 07/22/352/0745-сон)

lex.uz

Oʻzbekiston Respublikasi Prezidentining

Qarori

Oʻzbekiston Respublikasi Jamoat xavfsizligi universitetida xorijiy davlatlar harbiy kadrlarini tayyorlash va oʻqitish tizimini takomillashtirish chora-tadbirlari toʻgʻrisida

Oʻzbekiston Respublikasi Prezidentining 2021-yil 15-apreldagi “Jamoat xavfsizligini taʼminlash sohasida professional kadrlarni tayyorlash tizimini yanada takomillashtirish chora-tadbirlari toʻgʻrisida”gi PQ-5077-son qaroriga muvofiq Oʻzbekiston Respublikasi Jamoat xavfsizligi universitetida xorijiy davlatlar harbiy kadrlarini tayyorlash va oʻqitish tizimini joriy etish maqsadida:

1. Oʻzbekiston Respublikasi Milliy gvardiyasi bilan Belarus Respublikasi Ichki ishlar vazirligi, Qozogʻiston Respublikasi Ichki ishlar vazirligi, Qirgʻiz Respublikasi Qurolli Kuchlari Milliy gvardiyasi hamda Tojikiston Respublikasi Milliy gvardiyasi oʻrtasida imzolangan oʻzaro anglashuv memorandumlarida kadrlarni tayyorlash va oʻqitish boʻyicha hamkorlik qilish belgilab qoʻyilganligi maʼlumot uchun qabul qilinsin.

2. Oʻzbekiston Respublikasi Milliy gvardiyasining Oʻzbekiston Respublikasi Jamoat xavfsizligi universitetida (keyingi oʻrinlarda — Jamoat xavfsizligi universiteti) oʻzining umumiy cheklangan shtat birliklari doirasida Xorijiy harbiy kadrlar bilan ishlash fakultetini tashkil etish toʻgʻrisidagi taklifiga rozilik berilsin.

3. Quyidagilar Xorijiy harbiy kadrlar bilan ishlash fakultetining asosiy vazifalari etib belgilansin:

xorijiy davlatlar harbiy kadrlarini qabul qilish, tayyorlash va bitiruv tadbirlarini amalga oshirish;

Jamoat xavfsizligi universitetining ilmiy, oʻquv-tarbiyaviy boʻlinmalariga tarbiyaviy va oʻquv-uslubiy ishlarni tashkil etish, nazorat va monitoring qilishda koʻmaklashish;

xorijiy davlatlar harbiy kadrlarini tayyorlashni tashkil etishning mazmuni, shakllari va texnologiyalarini takomillashtirish maqsadida respublikaning boshqa sohalardagi yetakchi taʼlim muassasalarining tarkibiy boʻlinmalari bilan oʻzaro hamkorlik qilish;

xorijiy davlatlar harbiy kadrlarining Oʻzbekiston sharoitiga moslashishida har tomonlama koʻmaklashish va ular tomonidan Oʻzbekiston Respublikasi qonunchilik hujjatlariga amal qilinishining nazoratini taʼminlash;

xorijiy davlatlar harbiy kadrlari va Oʻzbekiston Respublikasi harbiy xizmatchilari oʻrtasida madaniyatlararo almashinuv boʻyicha tadbirlar, shuningdek, madaniy va maʼnaviy-maʼrifiy ishlarning sifatli oʻtkazilishini muvofiqlashtirish;

xorijiy davlatlar harbiy kadrlari uchun birgalikdagi tadbirlarni oʻtkazish maqsadida Oʻzbekiston Respublikasining sanʼat, madaniyat va sport sohasidagi taniqli namoyandalari va davlat tashkilotlarining faollarini jalb etgan holda, davlat va jamoat tuzilmalari bilan oʻzaro hamkorlikni tashkil etish;

xorijiy davlatlar harbiy kadrlari vaqtincha yashashi uchun uy-joy ijarasi va madaniy-hordiq tadbirlarini tashkil etish masalalarini hal qilish;

tayyorgarlik natijadorligi, madaniy tadbirlar samaradorligini baholash, madaniyatlararo almashinuvning yangi shakllarini qoʻllash hamda oʻqishning tahlilini oʻtkazish;

fakultetning moddiy-texnika bazasini mustahkamlash va rivojlantirish ishlarini amalga oshirish.

4. Belgilab qoʻyilsinki:

a) Jamoat xavfsizligi universitetida:

xorijiy davlatlar harbiy kadrlarining taʼlim olishi xorijiy davlatlarning rasmiy murojaatiga asosan Oʻzbekiston Respublikasi Milliy gvardiyasi tomonidan Oʻzbekiston Respublikasi Prezidenti huzuridagi Xavfsizlik kengashi bilan kelishilgan holda tashkil etiladi;

xorijiy davlatlar harbiy kadrlariga taʼlim berish belgilangan tartibda tuziladigan ikki tomonlama xalqaro shartnomalarga muvofiq begʻaraz, imtiyozli hamda toʻlov asosida amalga oshiriladi;

b) Oʻzbekiston Respublikasi Milliy gvardiyasi qoʻmondoniga Milliy gvardiya boʻlinmalarining (qoʻshinlarining) umumiy cheklangan soni doirasida Jamoat xavfsizligi universitetining Xorijiy harbiy kadrlar bilan ishlash fakulteti tashkiliy-shtat tuzilmasiga zaruratga koʻra oʻzgartirish va qoʻshimchalar kiritishga ruxsat beriladi.

5. Oʻzbekiston Respublikasi Milliy gvardiyasi:

Jamoat xavfsizligi universiteti tomonidan harbiy kadrlarga taʼlim berish tartibi va muddatlari boʻyicha doimiy ravishda tegishli xorijiy davlatlarni xabardor qilib borsin;

xorijiy davlatlar harbiy kadrlariga taʼlim berish uchun yetarli shart-sharoitlar yaratish maqsadida Jamoat xavfsizligi universitetining oʻquv va moddiy-texnika bazasini takomillashtirish va modernizatsiya qilish choralarini koʻrsin.

6. Oʻzbekiston Respublikasi Prezidentining 2021-yil 20-sentabrdagi “Oʻzbekiston Respublikasi Mudofaa vazirligining oliy harbiy taʼlim muassasalarida xorijiy davlatlar harbiy kadrlarini tayyorlash va oʻqitish tizimini joriy etish chora-tadbirlari toʻgʻrisida”gi PQ-5247-son qaroriga ilovaga muvofiq oʻzgartirish va qoʻshimchalar kiritilsin.

7. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.

Oʻzbekiston Respublikasi Prezidentining 2022-yil 16-avgustdagi PQ-352-son qaroriga ILOVA

Oʻzbekiston Respublikasi Prezidentining 2021-yil 20-sentabrdagi “Oʻzbekiston Respublikasi Mudofaa vazirligining oliy harbiy taʼlim muassasalarida xorijiy davlatlar harbiy kadrlarini tayyorlash va oʻqitish tizimini joriy etish chora-tadbirlari toʻgʻrisida”gi PQ-5247-son qaroriga kiritilayotgan oʻzgartirish va qoʻshimchalar

1. Qaror nomi va muqaddimasidagi “Mudofaa vazirligining” soʻzlari “Mudofaa vazirligi va Milliy gvardiyasining” soʻzlari bilan almashtirilsin.

2. 4-bandning birinchi xatboshisi va 6-band “Mudofaa vazirligi” soʻzlaridan keyin “va Milliy gvardiyasi” soʻzlari bilan toʻldirilsin.

3. 7-banddagi “Mudofaa vazirligining” soʻzlari “Mudofaa vazirligi va Milliy gvardiyasining” soʻzlari bilan almashtirilsin.

4. 8-bandning uchinchi xatboshisidagi “Oʻzbekiston Respublikasi Mudofaa vazirligiga” soʻzlari “tegishlicha Oʻzbekiston Respublikasi Mudofaa vazirligi va Milliy gvardiyasiga” soʻzlari bilan almashtirilsin.

5. Ilovada :

a) nomi va 1-bandi “Mudofaa vazirligi” soʻzlaridan keyin “va Milliy gvardiyasi” soʻzlari bilan toʻldirilsin;

b) 4 va 5-bandlar quyidagi tahrirda bayon etilsin:

“4. Xorijiy harbiy kadrlarni oʻqishga qabul qilish Oʻzbekiston Respublikasi Mudofaa vazirligi va Milliy gvardiyasiga xorijiy davlatlarning mudofaa va jamoat xavfsizligini taʼminlash sohasidagi vakolatli organlari taqdim etgan murojaatga asosan rejalashtiriladi.

5. Xorijiy davlatlarning mudofaa va jamoat xavfsizligini taʼminlash sohasidagi vakolatli organlarining xorijiy harbiy kadrlar taʼlim olishi uchun murojaat qilish muddati, ularni koʻrib chiqish va oʻqishga qabul qilish toʻgʻrisidagi qaror oʻqish boshlangunga qadar toʻrt oydan kam boʻlmagan muddatda kvotalar miqdorini aniqlashni inobatga olgan holda, Oʻzbekiston Respublikasi Mudofaa vazirligi va Milliy gvardiyasi tomonidan qabul qilinadi”;

v) 6-band “Mudofaa vazirligi” soʻzlaridan keyin “va Milliy gvardiyasi” soʻzlari bilan toʻldirilsin;

g) 19-banddagi “Mudofaa vazirligining” soʻzlari “Mudofaa vazirligi va Milliy gvardiyaning” soʻzlari bilan almashtirilsin;

d) 21-bandda :

“a” va “b” kichik bandlarning uchinchi xatboshilari “motooʻqchi batalyon komandiri” lavozimi” soʻzlaridan keyin “va unga tenglashtirilgan lavozimlar” soʻzlari bilan toʻldirilsin;

“v” kichik bandning uchinchi xatboshisi “motooʻqchi brigadasi komandiri” lavozimi” soʻzlaridan keyin “va unga tenglashtirilgan lavozimlar” soʻzlari bilan toʻldirilsin;

e) 23-bandning birinchi xatboshisi , 25 va 29-bandlar “Mudofaa vazirligi” soʻzlaridan keyin “va Milliy gvardiyasi” soʻzlari bilan toʻldirilsin;

j) 32-bandning beshinchi xatboshisidagi “Mudofaa vazirligi” soʻzlari “Mudofaa vazirligi, Milliy gvardiyasi” soʻzlari bilan almashtirilsin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2022-yil 16-avgust,

PQ-352-son

(Qonunchilik maʼlumotlari milliy bazasi, 17.08.2022-y., 07/22/352/0745-son)

lex.uz

Президента Республики Узбекистан

Постановление

О мерах по совершенствованию системы подготовки и обучения военных кадров зарубежных государств в Университете общественной безопасности Республики Узбекистан

В соответствии с постановлением Президента Республики Узбекистан от 15 апреля 2021 года № ПП-5077 «О мерах по дальнейшему совершенствованию системы подготовки профессиональных кадров в сфере обеспечения общественной безопасности» в целях внедрения системы подготовки и обучения военных кадров зарубежных государств в Университете общественной безопасности Республики Узбекистан:

1. Принять к сведению, что в меморандумах о взаимопонимании, подписанных между Национальной гвардией Республики Узбекистан и Министерством внутренних дел Республики Беларусь, Министерством внутренних дел Республики Казахстан, Национальной гвардией Вооруженных Сил Кыргызской Республики и Национальной гвардией Республики Таджикистан, определено осуществление сотрудничества по подготовке и обучению кадров.

2. Согласиться с предложением Национальной гвардии Республики Узбекистан о создании факультета по работе с зарубежными военными кадрами в Университете общественной безопасности Республики Узбекистан (далее — Университет общественной безопасности) в рамках общей предельной численности штатных единиц.

3. Определить основными задачами факультета по работе с зарубежными военными кадрами:

проведение мероприятий по приему, подготовке и выпуску военных кадров зарубежных государств;

оказание содействия научному и учебно-воспитательному подразделениям в организации, осуществлении контроля и ведении мониторинга воспитательной и учебно-методической работы в Университете общественной безопасности;

осуществление взаимного сотрудничества со структурными подразделениями ведущих непрофильных образовательных учреждений республики в целях совершенствования содержания, форм и технологий организации подготовки военных кадров зарубежных государств;

оказание всестороннего содействия в адаптации военных кадров зарубежных государств к условиям Узбекистана и обеспечение контроля за соблюдением ими актов законодательства Республики Узбекистан;

координацию качественного проведения мероприятий межкультурного обмена, а также культурной и духовно-просветительской работы среди военных кадров зарубежных государств и военнослужащих Республики Узбекистан;

организацию взаимодействия с государственными и общественными структурами в целях совместного проведения мероприятий для военных кадров зарубежных государств с привлечением известных представителей сферы искусства, культуры и спорта и активистов государственных организаций Республики Узбекистан;

решение вопросов по аренде жилья для временного проживания и организации мероприятий культурного досуга военных кадров зарубежных государств;

оценку результативности подготовки и эффективности культурных мероприятий, проведение анализа применения новых форм межкультурного обмена и обучения;

осуществление работ по укреплению и развитию материально-технической базы факультета.

4. Установить, что:

а) в Университете общественной безопасности:

обучение военных кадров зарубежных государств организуется Национальной гвардией Республики Узбекистан по согласованию с Советом безопасности при Президенте Республики Узбекистан на основании официального обращения зарубежных государств;

обучение военных кадров зарубежных государств осуществляется на безвозмездной, льготной и платной основе в соответствии с двусторонними международными договорами, заключаемыми в установленном порядке;

б) командующему Национальной гвардией Республики Узбекистан разрешается вносить при необходимости изменения и дополнения в организационно-штатную структуру факультета по работе с зарубежными военными кадрами Университета общественной безопасности Республики Узбекистан в рамках общей предельной численности подразделений (войск) Национальной гвардии.

5. Национальной гвардии Республики Узбекистан:

регулярно информировать соответствующие зарубежные государства о порядке и сроках обучения военных кадров в Университете общественной безопасности Республики Узбекистан;

принять меры по совершенствованию и модернизации учебной и материально-технической баз Университета общественной безопасности Республики Узбекистан в целях создания условий, необходимых для обучения военных кадров зарубежных государств.

6. Внести изменения и дополнения в постановление Президента Республики Узбекистан от 20 сентября 2021 года № ПП-5247 «О мерах по внедрению системы подготовки и обучения военных кадров зарубежных государств в высших военных образовательных учреждениях Министерства обороны Республики Узбекистан» согласно приложению .

7. Контроль за исполнением настоящего постановления возложить на Премьер-министра Республики Узбекистан А.Н. Арипова и секретаря Совета безопасности при Президенте Республики Узбекистан В.В. Махмудова.

ПРИЛОЖЕНИЕ к постановлению Президента Республики Узбекистан от 16 августа 2022 года № ПП-352

Изменения и дополнения, вносимые в постановление Президента Республики Узбекистан от 20 сентября 2021 года № ПП-5247 «О мерах по внедрению системы подготовки и обучения военных кадров зарубежных государств в высших военных образовательных учреждениях Министерства обороны Республики Узбекистан»

1. Наименование и преамбулу постановления после слов «Министерства обороны» дополнить словами «и Национальной гвардии».

2. Абзац первый пункта 4 и пункт 6 после слов «Министерства обороны» дополнить словами «и Национальной гвардии».

3. Пункт 7 после слов «Министерства обороны» дополнить словами «и Национальной гвардии».

4. В абзаце третьем пункта 8 слова «Министерству обороны» заменить словами «соответственно Министерству обороны и Национальной гвардии».

5. В приложении :

а) наименование и пункт 1 после слов «Министерства обороны» дополнить словами «и Национальной гвардии»;

б) пункты 4 и 5 изложить в следующей редакции:

«4. Прием на учебу зарубежных военных кадров планируется на основании обращения, представленного в Министерство обороны и Национальной гвардии Республики Узбекистан полномочными органами зарубежных государств в сфере обороны и обеспечения общественной безопасности.

5. Решение о сроках обращения полномочных органов зарубежных государств в сфере обороны и обеспечения общественной безопасности по обучению зарубежных военных кадров, а также об их рассмотрении и приеме на учебу принимается Министерством обороны и Национальной гвардией Республики Узбекистан с учетом определения размеров квот в срок не менее чем за четыре месяца до начала учебы»;

в) пункт 6 после слов «Министерством обороны» дополнить словами «и Национальной гвардией»;

г) пункт 19 после слов «Министерства обороны» дополнить словами «и Национальной гвардии»;

д) в пункте 21 :

абзац третий подпунктов «а» и «б» после слов «должности «командир мотострелкового батальона» дополнить словами «и приравненных к ней должностей»;

абзац третий подпункта «в» после слов «должности «командир мотострелковой бригады» дополнить словами «и приравненных к ней должностей»;

е) абзац первый пункта 23, пункты 25 и 29 после слов «Министерства обороны» дополнить словами «и Национальной гвардии»;

ж) в абзаце пятом пункта 32 слова «Министерства обороны» заменить словами «Министерства обороны, Национальной гвардии».

Президент Республики Узбекистан Ш. МИРЗИЁЕВ

г. Ташкент,

16 августа 2022 г.,

№ ПП-352

(Национальная база данных законодательства, 17.08.2022 г., № 07/22/352/0745)

lex.uz