UzbekAI

Ўзбекистон Республикаси Вазирлар Маҳкамасининг

қарори

ТУЗИЛМАСИ

ТУЗИЛМАСИ

РАЗРЯДЛАРИ

Жаҳон иқтисодиёти ва дипломатия университетининг иқтисодий-таҳлилий фаолиятини кучайтириш чора-тадбирлари тўғрисида

Ўзбекистон Республикаси Президентининг «Жаҳон иқтисодиёти ва дипломатия университети фаолиятини тизимли ислоҳ қилиш чора-тадбирлари тўғрисида» 2022 йил 23 июлдаги ПҚ-330-сон қарори ижросини таъминлаш мақсадида Вазирлар Маҳкамаси қарор қилади:

1. Ўзбекистон Республикаси Президентининг «Жаҳон иқтисодиёти ва дипломатия университети фаолиятини тизимли ислоҳ қилиш чора-тадбирлари тўғрисида» 2022 йил 23 июлдаги ПҚ-330-сон қарорининг :

11-бандига мувофиқ Жаҳон иқтисодиёти ва дипломатия университети (кейинги ўринларда — Университет) тузилмасидаги Халқаро иқтисодий ва сиёсий тадқиқотлар маркази ҳамда Халқаро-ҳуқуқий тадқиқотлар ва қиёсий оммавий ҳуқуқ маркази негизида юридик шахс бўлган Жаҳон иқтисодиёти ва дипломатия университети ҳузуридаги Истиқболли халқаро тадқиқотлар институти (кейинги ўринларда — Институт) ташкил этилганлиги ва унинг асосий вазифалари белгиланганлиги;

12-бандига мувофиқ Жаҳон иқтисодиёти ва дипломатия университети ҳузурида юридик шахс бўлган давлат муассасаси шаклидаги «Халқаро муносабатлар: сиёсат, иқтисодиёт, ҳуқуқ» журнали таҳририяти (кейинги ўринларда — Таҳририят) ташкил этилганлиги маълумот учун қабул қилинсин;

2. Қуйидагилар:

Жаҳон иқтисодиёти ва дипломатия университети ҳузуридаги Истиқболли халқаро тадқиқотлар институтининг тузилмаси 1-иловага мувофиқ;

Жаҳон иқтисодиёти ва дипломатия университети ҳузуридаги «Халқаро муносабатлар: сиёсат, иқтисодиёт, ҳуқуқ» журнали таҳририяти» давлат муассасасининг тузилмаси 2-иловага мувофиқ;

Жаҳон иқтисодиёти ва дипломатия университети ҳузуридаги «Халқаро муносабатлар: сиёсат, иқтисодиёт, ҳуқуқ» журнали таҳририяти» давлат муассасаси ходимларининг меҳнатига ҳақ тўлаш разрядлари 3-иловага мувофиқ тасдиқлансин.

Университет ректорига Кузатув кенгаши билан келишган ҳолда Институтнинг тузилмасига белгиланган чекланган умумий штатлар сони ва меҳнатга ҳақ тўлаш фонди доирасида тегишли ўзгартиришлар киритиш ҳуқуқи берилсин.

3. Белгилаб қўйилсинки:

Институт давлат муассасаси ҳисобланади;

Институтнинг раҳбар ва илмий ходимларига Фанлар академияси илмий-тадқиқот институтлари раҳбар, илмий ва бошқа ходимлари учун белгиланган меҳнатга ҳақ тўлаш ва моддий рағбатлантириш тартиби татбиқ этилади;

халқаро ҳамкорлик ва шерикликка фаол жалб этилганлигини ҳисобга олиб, Институт илмий ходимларига Университетнинг бюджетдан ташқари маблағлари ҳисобидан 50 фоизгача устама тўланиши мумкин;

Институт ва Таҳририят фаолияти Давлат бюджети маблағлари, Университетнинг бюджетдан ташқари маблағлари, хўжалик фаолияти ва шартнома асосидаги хизматлар кўрсатишдан тушадиган тушумлар, жисмоний ва юридик шахсларнинг ҳомийлик хайриялари, грантлар ҳамда қонунчилик ҳужжатларида тақиқланмаган бошқа манбалар ҳисобидан молиялаштирилади.

4. Ташқи ишлар вазирлиги:

а) бир ой муддатда:

Ўзбекистон Республикасининг хорижий мамлакатлардаги дипломатик ваколатхоналари ва консуллик муассасалари раҳбарлари ҳамда халқаро ташкилотлар ҳузуридаги доимий вакилларини Университет ўқув жараёнига жалб қилиш бўйича йиллик режа-графикни тасдиқласин ҳамда келгуси ўқув йилларида ҳам тизимли равишда йиллик режа-графикларнинг амалга оширилишини таъминласин;

Университет ташкил этилганлигининг 30 йиллигини кенг нишонлаш бўйича Вазирлар Маҳкамасига таклиф киритсин;

манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни ушбу қарорга мувофиқлаштирсин;

б) буюртма асосида Ўзбекистон Республикасининг ташқи сиёсий, ташқи иқтисодий, халқаро ҳуқуқий ва давлат бошқаруви фаолиятининг устувор йўналишлари доирасида грант танловлари эълон қилиш учун тематик мавзуларни Инновацион ривожланиш вазирлигига тақдим қилсин.

Бунда Инновацион ривожланиш вазирлиги тегишли буюртмаларга кўра грант танловларини эълон қилсин ҳамда илмий экспертиза хулосаларига мувофиқ молиялаштирилишини таъминласин.

5. Қадимий ва бой тарихга эга ўзбек давлатчилигининг шаклланиши ва тараққий этишида миллий дипломатиянинг тутган алоҳида ўрнини, унинг умумжаҳон тарихий жараёнлари билан узвий боғлиқлигини ҳамда бугунги мустақил Ўзбекистон дипломатиясининг Учинчи Ренессанс концепциясини амалга оширишдаги муҳим аҳамиятини кенг ёритиш мақсадида Университетда юридик шахс бўлмаган «Ўзбекистон дипломатияси тарихи» музейи ташкил этилсин.

Университет 2022 йил 1 октябрга қадар мазкур музей фаолияти йўлга қўйилишини таъминласин.

6. Мазкур қарорнинг бажарилишини назорат қилиш Ўзбекистон Республикаси ташқи ишлар вазири в.б. В.И. Норов зиммасига юклансин.

Вазирлар Маҳкамасининг 2022 йил 17 августдаги 453-сон қарорига 1-ИЛОВА

Жаҳон иқтисодиёти ва дипломатия университети ҳузуридаги Истиқболли халқаро тадқиқотлар институтининг

Директор Директор ўринбосари Осиё-Тинч океани минтақасини ўрганиш маркази 2 Умумий бўлим 2 Барқарор ривожланиш муаммоларини ўрганиш маркази 2 Юрисконсульт 1 Европани ўрганиш маркази 2 Энергетик геосиёсат маркази 2 Молия-иқтисод бўлими 2 Американи ўрганиш маркази 2 Иқтисодий дипломатия маркази 2 Ахборот-коммуникация технологиялари бўйича мутахассис 1 Афғонистон ва Жанубий Осиёни ўрганиш маркази 2 Халқаро-ҳуқуқий тадқиқотлар маркази 2 Конфликтология лабораторияси 2

Вазирлар Маҳкамасининг 2022 йил 17 августдаги 453-сон қарорига 2-ИЛОВА

Жаҳон иқтисодиёти ва дипломатия университети ҳузуридаги «Халқаро муносабатлар: сиёсат, иқтисодиёт, ҳуқуқ» журнали таҳририяти» давлат муассасасининг

Бош муҳаррир Бош муҳаррир ўринбосари Ўзбек ва рус тиллари бўйича корректор 1 Референт-иш юритувчи 1 Ташкилий ижодий гуруҳ 2 Инглиз тили бўйича корректор 1 Веб муҳаррир-дизайнер 1

Вазирлар Маҳкамасининг 2022 йил 17 августдаги 453-сон қарорига 3-ИЛОВА

Жаҳон иқтисодиёти ва дипломатия университети ҳузуридаги «Халқаро муносабатлар: сиёсат, иқтисодиёт, ҳуқуқ» журнали таҳририяти» давлат муассасаси ходимларининг меҳнатига ҳақ тўлаш

Т/р Лавозим Штат бирлиги сони Меҳнатга ҳақ тўлаш разрядлари 1. Бош муҳаррир 1 16 2. Бош муҳаррир ўринбосари 1 15 3. Веб муҳаррир-дизайнер 1 11 4. Халқаро иқтисодий йўналиш бўйича муҳаррир 1 11 5. Халқаро ҳуқуқ йўналиши бўйича муҳаррир 1 11 6. Ўзбек ва рус тиллари бўйича корректор 1 10 7. Инглиз тили бўйича корректор 1 10 8. Референт-иш юритувчи 1 3 Жами 8 -

Ўзбекистон Республикасининг Бош вазири А. АРИПОВ

Тошкент ш.,

2022 йил 17 август,

453-сон

(Қонунчилик маълумотлари миллий базаси, 18.08.2022 й., 09/22/453/0748-сон)

lex.uz

Oʻzbekiston Respublikasi Vazirlar Mahkamasining

qarori

TUZILMASI

TUZILMASI

RAZRYaDLARI

Jahon iqtisodiyoti va diplomatiya universitetining iqtisodiy-tahliliy faoliyatini kuchaytirish chora-tadbirlari toʻgʻrisida

Oʻzbekiston Respublikasi Prezidentining “Jahon iqtisodiyoti va diplomatiya universiteti faoliyatini tizimli isloh qilish chora-tadbirlari toʻgʻrisida” 2022-yil 23-iyuldagi PQ-330-son qarori ijrosini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Jahon iqtisodiyoti va diplomatiya universiteti faoliyatini tizimli isloh qilish chora-tadbirlari toʻgʻrisida” 2022-yil 23-iyuldagi PQ-330-son qarorining :

11-bandiga muvofiq Jahon iqtisodiyoti va diplomatiya universiteti (keyingi oʻrinlarda — Universitet) tuzilmasidagi Xalqaro iqtisodiy va siyosiy tadqiqotlar markazi hamda Xalqaro-huquqiy tadqiqotlar va qiyosiy ommaviy huquq markazi negizida yuridik shaxs boʻlgan Jahon iqtisodiyoti va diplomatiya universiteti huzuridagi Istiqbolli xalqaro tadqiqotlar instituti (keyingi oʻrinlarda — Institut) tashkil etilganligi va uning asosiy vazifalari belgilanganligi;

12-bandiga muvofiq Jahon iqtisodiyoti va diplomatiya universiteti huzurida yuridik shaxs boʻlgan davlat muassasasi shaklidagi “Xalqaro munosabatlar: siyosat, iqtisodiyot, huquq” jurnali tahririyati (keyingi oʻrinlarda — Tahririyat) tashkil etilganligi maʼlumot uchun qabul qilinsin;

2. Quyidagilar:

Jahon iqtisodiyoti va diplomatiya universiteti huzuridagi Istiqbolli xalqaro tadqiqotlar institutining tuzilmasi 1-ilovaga muvofiq;

Jahon iqtisodiyoti va diplomatiya universiteti huzuridagi “Xalqaro munosabatlar: siyosat, iqtisodiyot, huquq” jurnali tahririyati” davlat muassasasining tuzilmasi 2-ilovaga muvofiq;

Jahon iqtisodiyoti va diplomatiya universiteti huzuridagi “Xalqaro munosabatlar: siyosat, iqtisodiyot, huquq” jurnali tahririyati” davlat muassasasi xodimlarining mehnatiga haq toʻlash razryadlari 3-ilovaga muvofiq tasdiqlansin.

Universitet rektoriga Kuzatuv kengashi bilan kelishgan holda Institutning tuzilmasiga belgilangan cheklangan umumiy shtatlar soni va mehnatga haq toʻlash fondi doirasida tegishli oʻzgartirishlar kiritish huquqi berilsin.

3. Belgilab qoʻyilsinki:

Institut davlat muassasasi hisoblanadi;

Institutning rahbar va ilmiy xodimlariga Fanlar akademiyasi ilmiy-tadqiqot institutlari rahbar, ilmiy va boshqa xodimlari uchun belgilangan mehnatga haq toʻlash va moddiy ragʻbatlantirish tartibi tatbiq etiladi;

xalqaro hamkorlik va sheriklikka faol jalb etilganligini hisobga olib, Institut ilmiy xodimlariga Universitetning budjetdan tashqari mablagʻlari hisobidan 50 foizgacha ustama toʻlanishi mumkin;

Institut va Tahririyat faoliyati Davlat budjeti mablagʻlari, Universitetning budjetdan tashqari mablagʻlari, xoʻjalik faoliyati va shartnoma asosidagi xizmatlar koʻrsatishdan tushadigan tushumlar, jismoniy va yuridik shaxslarning homiylik xayriyalari, grantlar hamda qonunchilik hujjatlarida taqiqlanmagan boshqa manbalar hisobidan moliyalashtiriladi.

4. Tashqi ishlar vazirligi:

a) bir oy muddatda:

Oʻzbekiston Respublikasining xorijiy mamlakatlardagi diplomatik vakolatxonalari va konsullik muassasalari rahbarlari hamda xalqaro tashkilotlar huzuridagi doimiy vakillarini Universitet oʻquv jarayoniga jalb qilish boʻyicha yillik reja-grafikni tasdiqlasin hamda kelgusi oʻquv yillarida ham tizimli ravishda yillik reja-grafiklarning amalga oshirilishini taʼminlasin;

Universitet tashkil etilganligining 30 yilligini keng nishonlash boʻyicha Vazirlar Mahkamasiga taklif kiritsin;

manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni ushbu qarorga muvofiqlashtirsin;

b) buyurtma asosida Oʻzbekiston Respublikasining tashqi siyosiy, tashqi iqtisodiy, xalqaro huquqiy va davlat boshqaruvi faoliyatining ustuvor yoʻnalishlari doirasida grant tanlovlari eʼlon qilish uchun tematik mavzularni Innovatsion rivojlanish vazirligiga taqdim qilsin.

Bunda Innovatsion rivojlanish vazirligi tegishli buyurtmalarga koʻra grant tanlovlarini eʼlon qilsin hamda ilmiy ekspertiza xulosalariga muvofiq moliyalashtirilishini taʼminlasin.

5. Qadimiy va boy tarixga ega oʻzbek davlatchiligining shakllanishi va taraqqiy etishida milliy diplomatiyaning tutgan alohida oʻrnini, uning umumjahon tarixiy jarayonlari bilan uzviy bogʻliqligini hamda bugungi mustaqil Oʻzbekiston diplomatiyasining Uchinchi Renessans konsepsiyasini amalga oshirishdagi muhim ahamiyatini keng yoritish maqsadida Universitetda yuridik shaxs boʻlmagan “Oʻzbekiston diplomatiyasi tarixi” muzeyi tashkil etilsin.

Universitet 2022-yil 1-oktabrga qadar mazkur muzey faoliyati yoʻlga qoʻyilishini taʼminlasin.

6. Mazkur qarorning bajarilishini nazorat qilish Oʻzbekiston Respublikasi tashqi ishlar vaziri v.b. V.I. Norov zimmasiga yuklansin.

Vazirlar Mahkamasining 2022-yil 17-avgustdagi 453-son qaroriga 1-ILOVA

Jahon iqtisodiyoti va diplomatiya universiteti huzuridagi Istiqbolli xalqaro tadqiqotlar institutining

Direktor Direktor oʻrinbosari Osiyo-Tinch okeani mintaqasini oʻrganish markazi 2 Umumiy boʻlim 2 Barqaror rivojlanish muammolarini oʻrganish markazi 2 Yuriskonsult 1 Yevropani oʻrganish markazi 2 Energetik geosiyosat markazi 2 Moliya-iqtisod boʻlimi 2 Amerikani oʻrganish markazi 2 Iqtisodiy diplomatiya markazi 2 Axborot-kommunikatsiya texnologiyalari boʻyicha mutaxassis 1 Afgʻoniston va Janubiy Osiyoni oʻrganish markazi 2 Xalqaro-huquqiy tadqiqotlar markazi 2 Konfliktologiya laboratoriyasi 2

Vazirlar Mahkamasining 2022-yil 17-avgustdagi 453-son qaroriga 2-ILOVA

Jahon iqtisodiyoti va diplomatiya universiteti huzuridagi “Xalqaro munosabatlar: siyosat, iqtisodiyot, huquq” jurnali tahririyati” davlat muassasasining

Bosh muharrir Bosh muharrir oʻrinbosari Oʻzbek va rus tillari boʻyicha korrektor 1 Referent-ish yurituvchi 1 Tashkiliy ijodiy guruh 2 Ingliz tili boʻyicha korrektor 1 Veb muharrir-dizayner 1

Vazirlar Mahkamasining 2022-yil 17-avgustdagi 453-son qaroriga 3-ILOVA

Jahon iqtisodiyoti va diplomatiya universiteti huzuridagi “Xalqaro munosabatlar: siyosat, iqtisodiyot, huquq” jurnali tahririyati” davlat muassasasi xodimlarining mehnatiga haq toʻlash

T/r Lavozim Shtat birligi soni Mehnatga haq toʻlash razryadlari 1. Bosh muharrir 1 16 2. Bosh muharrir oʻrinbosari 1 15 3. Veb muharrir-dizayner 1 11 4. Xalqaro iqtisodiy yoʻnalish boʻyicha muharrir 1 11 5. Xalqaro huquq yoʻnalishi boʻyicha muharrir 1 11 6. Oʻzbek va rus tillari boʻyicha korrektor 1 10 7. Ingliz tili boʻyicha korrektor 1 10 8. Referent-ish yurituvchi 1 3 Jami 8 -

Oʻzbekiston Respublikasining Bosh vaziri A. ARIPOV

Toshkent sh.,

2022-yil 17-avgust,

453-son

(Qonunchilik maʼlumotlari milliy bazasi, 18.08.2022-y., 09/22/453/0748-son)

lex.uz