📅 2022-yil 19-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 19 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 19 августа 2022 г. · Постановления Президента
Официальный текст. Официальный документ. Редакционные примечания не включены.
📅 19 August 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
НИЗОМ
ТАВСИФИ
«Фаол тадбиркор» кўкрак нишонини таъсис этиш тўғрисида
Мамлакатимизда тадбиркорликни ривожлантириш, аҳолини иш билан таъминлаш, республиканинг экспорт салоҳиятини ошириш ва инновациялар жорий қилишда ўзининг муносиб ҳиссасини қўшаётган бизнес вакилларини рағбатлантириш, шунингдек, 2021 йил 20 август куни Ўзбекистон Республикаси Президентининг тадбиркорлар билан ўтказилган очиқ мулоқоти доирасида белгиланган вазифалар ижросини таъминлаш мақсадида:
1. «Фаол тадбиркор» кўкрак нишони таъсис этилсин.
2. Белгилансинки:
«Фаол тадбиркор» кўкрак нишони билан мамлакатимизда тадбиркорликни ривожлантириш, иш ўринларини яратиш, инновациялар жорий қилиш, солиқларни ўз вақтида тўлаш, маҳсулот ва хизматларни экспорт қилиш, етук мутахассислар тайёрлаш ҳамда бизнесдаги муваффақиятлари ва ижтимоий фаоллиги билан барчага намуна бўлаётган тадбиркорлар тақдирланади;
«Фаол тадбиркор» кўкрак нишони ҳар йили 20 август — Тадбиркорлар куни арафасида Ўзбекистон Республикаси Президенти ёки унинг номидан Ўзбекистон Республикаси Олий Мажлиси Сенатининг Раиси, Ўзбекистон Республикаси Олий Мажлиси Қонунчилик палатасининг Спикери, Ўзбекистон Республикаси Президенти ёрдамчиси, Ўзбекистон Республикасининг Бош вазири, вазирлик, идора ва жамоат бирлашмаларининг республика органлари раҳбарлари, Қорақалпоғистон Республикаси Жўқорғи Кенгеси Раиси, вилоятлар ва Тошкент шаҳар ҳокимлари, шунингдек, бунга вакил қилинган бошқа шахслар томонидан тантанали вазиятда топширилади;
«Фаол тадбиркор» кўкрак нишони билан тақдирланган шахслар ҳақида ҳар йили «Йилнинг илғор тадбиркорлари» китоби чоп этиб борилади.
3. Қуйидагилар:
«Фаол тадбиркор» кўкрак нишони тўғрисидаги низом 1-иловага мувофиқ;
«Фаол тадбиркор» кўкрак нишонининг тавсифи 2-иловага мувофиқ тасдиқлансин.
4. Вазирлар Маҳкамаси Савдо-саноат палатаси билан биргаликда:
«Фаол тадбиркор» кўкрак нишонлари ва уларнинг гувоҳномалари белгиланган тартибда тайёрланишини;
«Фаол тадбиркор» кўкрак нишони билан тақдирланган шахслар ҳақида ҳар йили «Йилнинг илғор тадбиркорлари» китоби чоп этиб борилишини таъминласин.
5. «Фаол тадбиркор» кўкрак нишонини бериш, уни тайёрлаш ҳамда «Йилнинг илғор тадбиркорлари» китобини чоп этиш билан боғлиқ сарф-харажатлар Савдо-саноат палатасининг ўз маблағлари ҳисобидан амалга оширилади.
6. Ахборот ва оммавий коммуникациялар агентлиги Ўзбекистон Миллий ахборот агентлиги ва Ўзбекистон Миллий телерадиокомпанияси билан биргаликда «Фаол тадбиркор» кўкрак нишони билан тақдирлашга бағишланган тадбирларни оммавий ахборот воситалари, Интернет ва ижтимоий тармоқларда кенг ёритиш ишларини ташкил қилсин.
7. Мазкур қарорнинг ижросини назорат қилиш Ўзбекистон Республикаси Президенти Администрацияси раҳбари С.У. Умурзаков зиммасига юклансин.
Ўзбекистон Республикаси Президентининг 2022 йил 19 августдаги ПҚ-356-сон қарорига 1-ИЛОВА
«Фаол тадбиркор» кўкрак нишони тўғрисида
1-боб. Умумий қоидалар
1. Ушбу Низом «Фаол тадбиркор» кўкрак нишони (кейинги ўринларда — кўкрак нишони) билан тақдирлаш тартибини белгилайди.
2. Кўкрак нишони билан мамлакатимизда тадбиркорликни ривожлантириш, иш ўринларини яратиш, инновациялар жорий қилиш, солиқларни ўз вақтида тўлаш, маҳсулот ва хизматларни экспорт қилиш, етук мутахассислар тайёрлаш ҳамда бизнесдаги муваффақиятлари ва ижтимоий фаоллиги билан барчага намуна бўлаётган тадбиркорлар тақдирланади.
Кўкрак нишони билан Ўзбекистон Республикаси фуқароси бўлмаган шахслар ҳам тақдирланиши мумкин.
2-боб. Кўкрак нишони билан тақдирлаш учун ҳужжатларни тақдим этиш ва кўриб чиқиш
3. Савдо-саноат палатасининг ҳудудий бошқармалари маҳаллий ижро этувчи ҳокимият органлари билан келишилган ҳолда, кўкрак нишони билан тақдирлаш учун номзодлар бўйича таклифларни ҳар йили 10 июлга қадар Савдо-саноат палатасига (кейинги ўринларда — Палата) тақдим этади.
4. Кўкрак нишони билан тақдирлаш бўйича таклифларга номзод ҳақида қуйидаги ҳужжатлар илова қилинади:
номзоднинг маълумотномаси (объективка);
номзоднинг шахсини тасдиқловчи ҳужжат нусхаси (фуқаролик паспорти ёки ID-карта);
номзоднинг сўнгги уч йил давомида тадбиркорликни ривожлантириш борасидаги фаолияти акс эттирилган тавсифнома.
5. Кўкрак нишони билан тақдирлашга оид таклифларни кўриб чиқиш учун Палата раиси томонидан 7 кишидан иборат таркибда комиссия (кейинги ўринларда — Комиссия) ташкил этилади.
6. Комиссия таркиби ва Комиссия тўғрисидаги низом Палата раиси томонидан тасдиқланади.
7. Кўкрак нишонига номзодларни кўриб чиқиш натижалари ҳар йили 25 июлга қадар Комиссия баённомаси билан расмийлаштирилади.
8. Номзодларнинг рўйхати, улар томонидан амалга оширилган ишларнинг қисқача тавсифи Комиссия баённомасининг тегишли иловаси билан тасдиқланади ва унинг асосида тақдимнома тайёрланади.
9. Тақдимнома Палата раиси имзоси билан ҳар йили 1 августга қадар Ўзбекистон Республикаси Президенти ҳузуридаги Давлат мукофотлари ва геральдика бўйича комиссияга киритилади.
3-боб. Кўкрак нишони билан тақдирлаш тартиби
10. Кўкрак нишони билан тақдирлаш Ўзбекистон Республикаси Президентининг қарори билан амалга оширилади.
11. Кўкрак нишони ҳар йили 20 август — Тадбиркорлар куни арафасида Ўзбекистон Республикаси Президенти ёки унинг номидан Ўзбекистон Республикаси Олий Мажлиси Сенатининг Раиси, Ўзбекистон Республикаси Олий Мажлиси Қонунчилик палатасининг Спикери, Ўзбекистон Республикаси Президенти ёрдамчиси, Ўзбекистон Республикасининг Бош вазири, вазирлик, идора ва жамоат бирлашмаларининг республика органлари раҳбарлари, Қорақалпоғистон Республикаси Жўқорғи Кенгеси Раиси, вилоятлар ва Тошкент шаҳар ҳокимлари, шунингдек, бунга вакил қилинган бошқа шахслар томонидан тантанали вазиятда топширилади.
12. Бир шахс кўкрак нишони билан бир марта мукофотланади.
13. Кўкрак нишони давлат мукофотларидан кейин кўкракнинг чап томонига тақилади.
4-боб. Якунловчи қоидалар
14. Палата ушбу Низомга мувофиқ кўкрак нишонига тавсия этилган номзодлар ҳужжатларининг холис кўриб чиқилиши учун бевосита масъулдир.
15. Ушбу Низом талаблари бузилишида айбдор шахслар қонунчилик ҳужжатларида белгиланган тартибда жавобгар бўлади.
Ўзбекистон Республикаси Президентининг 2022 йил 19 августдаги ПҚ-356-сон қарорига 2-ИЛОВА
«Фаол тадбиркор» кўкрак нишонининг
«Фаол тадбиркор» кўкрак нишони диаметри 34 миллиметрли доира шаклида бўлиб, 0,25 микрон қалинликдаги олтин билан қопланган мис қотишмасидан тайёрланади.
Кўкрак нишонининг ўрта қисми диаметри 25 миллиметр бўлган доира шаклидаги бўртма гардиш билан ўралган. Доиранинг марказида белги-тамғалар тасвирланган бўлиб, бундай тамғалар қадимги уста-ҳунарманд тадбиркорлар томонидан ясалган ва сотувга чиқарилган ҳамда Ўзбекистон ҳудудида топилган маҳсулотлар намуналарида акс этган. Улар азалдан юртимиз ҳудудида яшаб келган тадбиркорларнинг рамзлари бўлиб келган.
Марказдаги белги-тамғалар атрофида уларни ушлаб турган тадбиркор қўлларини ифодаловчи тасвирлар тилла рангда акс эттирилган.
Кўкрак нишонининг устки қисмида айлана бўйлаб «FAOL TADBIRKOR» ёзуви битилган. Ҳарфларнинг баландлиги — 2,2 миллиметр.
Кўкрак нишонининг пастки қисмида айлана бўйлаб 5 қиррали 14 юлдуз акс эттирилган.
Кўкрак нишонининг орқа томонида Ўзбекистон Республикаси Давлат герби тасвирланган.
Тасвирлар ва ёзувлар бўртмадир.
Кўкрак нишони илмоқ ва ҳалқа ёрдамида тўғри тўртбурчак шаклидаги қадағичга уланган. Қадағич бўйи — 19 миллиметр, эни — 25 миллиметр.
Қадағич тенг ўлчамли кўк ва оч кўк рангдаги шойи лента билан қопланган бўлиб, унинг эни 21 миллиметрни ташкил этади.
Қадағичнинг орқа томонига кўкрак нишонини кийимга тақиб қўйиш учун тўғноғич кўринишидаги мослама ўрнатилган.
«Фаол тадбиркор» кўкрак нишони
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 19 август,
ПҚ-356-сон
Oʻzbekiston Respublikasi Prezidentining
Qarori
NIZOM
TAVSIFI
“Faol tadbirkor” koʻkrak nishonini taʼsis etish toʻgʻrisida
Mamlakatimizda tadbirkorlikni rivojlantirish, aholini ish bilan taʼminlash, respublikaning eksport salohiyatini oshirish va innovatsiyalar joriy qilishda oʻzining munosib hissasini qoʻshayotgan biznes vakillarini ragʻbatlantirish, shuningdek, 2021-yil 20-avgust kuni Oʻzbekiston Respublikasi Prezidentining tadbirkorlar bilan oʻtkazilgan ochiq muloqoti doirasida belgilangan vazifalar ijrosini taʼminlash maqsadida:
1. “Faol tadbirkor” koʻkrak nishoni taʼsis etilsin.
2. Belgilansinki:
“Faol tadbirkor” koʻkrak nishoni bilan mamlakatimizda tadbirkorlikni rivojlantirish, ish oʻrinlarini yaratish, innovatsiyalar joriy qilish, soliqlarni oʻz vaqtida toʻlash, mahsulot va xizmatlarni eksport qilish, yetuk mutaxassislar tayyorlash hamda biznesdagi muvaffaqiyatlari va ijtimoiy faolligi bilan barchaga namuna boʻlayotgan tadbirkorlar taqdirlanadi;
“Faol tadbirkor” koʻkrak nishoni har yili 20-avgust — Tadbirkorlar kuni arafasida Oʻzbekiston Respublikasi Prezidenti yoki uning nomidan Oʻzbekiston Respublikasi Oliy Majlisi Senatining Raisi, Oʻzbekiston Respublikasi Oliy Majlisi Qonunchilik palatasining Spikeri, Oʻzbekiston Respublikasi Prezidenti yordamchisi, Oʻzbekiston Respublikasining Bosh vaziri, vazirlik, idora va jamoat birlashmalarining respublika organlari rahbarlari, Qoraqalpogʻiston Respublikasi Joʻqorgʻi Kengesi Raisi, viloyatlar va Toshkent shahar hokimlari, shuningdek, bunga vakil qilingan boshqa shaxslar tomonidan tantanali vaziyatda topshiriladi;
“Faol tadbirkor” koʻkrak nishoni bilan taqdirlangan shaxslar haqida har yili “Yilning ilgʻor tadbirkorlari” kitobi chop etib boriladi.
3. Quyidagilar:
“Faol tadbirkor” koʻkrak nishoni toʻgʻrisidagi nizom 1-ilovaga muvofiq;
“Faol tadbirkor” koʻkrak nishonining tavsifi 2-ilovaga muvofiq tasdiqlansin.
4. Vazirlar Mahkamasi Savdo-sanoat palatasi bilan birgalikda:
“Faol tadbirkor” koʻkrak nishonlari va ularning guvohnomalari belgilangan tartibda tayyorlanishini;
“Faol tadbirkor” koʻkrak nishoni bilan taqdirlangan shaxslar haqida har yili “Yilning ilgʻor tadbirkorlari” kitobi chop etib borilishini taʼminlasin.
5. “Faol tadbirkor” koʻkrak nishonini berish, uni tayyorlash hamda “Yilning ilgʻor tadbirkorlari” kitobini chop etish bilan bogʻliq sarf-xarajatlar Savdo-sanoat palatasining oʻz mablagʻlari hisobidan amalga oshiriladi.
6. Axborot va ommaviy kommunikatsiyalar agentligi Oʻzbekiston Milliy axborot agentligi va Oʻzbekiston Milliy teleradiokompaniyasi bilan birgalikda “Faol tadbirkor” koʻkrak nishoni bilan taqdirlashga bagʻishlangan tadbirlarni ommaviy axborot vositalari, Internet va ijtimoiy tarmoqlarda keng yoritish ishlarini tashkil qilsin.
7. Mazkur qarorning ijrosini nazorat qilish Oʻzbekiston Respublikasi Prezidenti Administratsiyasi rahbari S.U. Umurzakov zimmasiga yuklansin.
Oʻzbekiston Respublikasi Prezidentining 2022-yil 19-avgustdagi PQ-356-son qaroriga 1-ILOVA
“Faol tadbirkor” koʻkrak nishoni toʻgʻrisida
1-bob. Umumiy qoidalar
1. Ushbu Nizom “Faol tadbirkor” koʻkrak nishoni (keyingi oʻrinlarda — koʻkrak nishoni) bilan taqdirlash tartibini belgilaydi.
2. Koʻkrak nishoni bilan mamlakatimizda tadbirkorlikni rivojlantirish, ish oʻrinlarini yaratish, innovatsiyalar joriy qilish, soliqlarni oʻz vaqtida toʻlash, mahsulot va xizmatlarni eksport qilish, yetuk mutaxassislar tayyorlash hamda biznesdagi muvaffaqiyatlari va ijtimoiy faolligi bilan barchaga namuna boʻlayotgan tadbirkorlar taqdirlanadi.
Koʻkrak nishoni bilan Oʻzbekiston Respublikasi fuqarosi boʻlmagan shaxslar ham taqdirlanishi mumkin.
2-bob. Koʻkrak nishoni bilan taqdirlash uchun hujjatlarni taqdim etish va koʻrib chiqish
3. Savdo-sanoat palatasining hududiy boshqarmalari mahalliy ijro etuvchi hokimiyat organlari bilan kelishilgan holda, koʻkrak nishoni bilan taqdirlash uchun nomzodlar boʻyicha takliflarni har yili 10-iyulga qadar Savdo-sanoat palatasiga (keyingi oʻrinlarda — Palata) taqdim etadi.
4. Koʻkrak nishoni bilan taqdirlash boʻyicha takliflarga nomzod haqida quyidagi hujjatlar ilova qilinadi:
nomzodning maʼlumotnomasi (obyektivka);
nomzodning shaxsini tasdiqlovchi hujjat nusxasi (fuqarolik pasporti yoki ID-karta);
nomzodning soʻnggi uch yil davomida tadbirkorlikni rivojlantirish borasidagi faoliyati aks ettirilgan tavsifnoma.
5. Koʻkrak nishoni bilan taqdirlashga oid takliflarni koʻrib chiqish uchun Palata raisi tomonidan 7 kishidan iborat tarkibda komissiya (keyingi oʻrinlarda — Komissiya) tashkil etiladi.
6. Komissiya tarkibi va Komissiya toʻgʻrisidagi nizom Palata raisi tomonidan tasdiqlanadi.
7. Koʻkrak nishoniga nomzodlarni koʻrib chiqish natijalari har yili 25-iyulga qadar Komissiya bayonnomasi bilan rasmiylashtiriladi.
8. Nomzodlarning roʻyxati, ular tomonidan amalga oshirilgan ishlarning qisqacha tavsifi Komissiya bayonnomasining tegishli ilovasi bilan tasdiqlanadi va uning asosida taqdimnoma tayyorlanadi.
9. Taqdimnoma Palata raisi imzosi bilan har yili 1-avgustga qadar Oʻzbekiston Respublikasi Prezidenti huzuridagi Davlat mukofotlari va geraldika boʻyicha komissiyaga kiritiladi.
3-bob. Koʻkrak nishoni bilan taqdirlash tartibi
10. Koʻkrak nishoni bilan taqdirlash Oʻzbekiston Respublikasi Prezidentining qarori bilan amalga oshiriladi.
11. Koʻkrak nishoni har yili 20-avgust — Tadbirkorlar kuni arafasida Oʻzbekiston Respublikasi Prezidenti yoki uning nomidan Oʻzbekiston Respublikasi Oliy Majlisi Senatining Raisi, Oʻzbekiston Respublikasi Oliy Majlisi Qonunchilik palatasining Spikeri, Oʻzbekiston Respublikasi Prezidenti yordamchisi, Oʻzbekiston Respublikasining Bosh vaziri, vazirlik, idora va jamoat birlashmalarining respublika organlari rahbarlari, Qoraqalpogʻiston Respublikasi Joʻqorgʻi Kengesi Raisi, viloyatlar va Toshkent shahar hokimlari, shuningdek, bunga vakil qilingan boshqa shaxslar tomonidan tantanali vaziyatda topshiriladi.
12. Bir shaxs koʻkrak nishoni bilan bir marta mukofotlanadi.
13. Koʻkrak nishoni davlat mukofotlaridan keyin koʻkrakning chap tomoniga taqiladi.
4-bob. Yakunlovchi qoidalar
14. Palata ushbu Nizomga muvofiq koʻkrak nishoniga tavsiya etilgan nomzodlar hujjatlarining xolis koʻrib chiqilishi uchun bevosita masʼuldir.
15. Ushbu Nizom talablari buzilishida aybdor shaxslar qonunchilik hujjatlarida belgilangan tartibda javobgar boʻladi.
Oʻzbekiston Respublikasi Prezidentining 2022-yil 19-avgustdagi PQ-356-son qaroriga 2-ILOVA
“Faol tadbirkor” koʻkrak nishonining
“Faol tadbirkor” koʻkrak nishoni diametri 34 millimetrli doira shaklida boʻlib, 0,25 mikron qalinlikdagi oltin bilan qoplangan mis qotishmasidan tayyorlanadi.
Koʻkrak nishonining oʻrta qismi diametri 25 millimetr boʻlgan doira shaklidagi boʻrtma gardish bilan oʻralgan. Doiraning markazida belgi-tamgʻalar tasvirlangan boʻlib, bunday tamgʻalar qadimgi usta-hunarmand tadbirkorlar tomonidan yasalgan va sotuvga chiqarilgan hamda Oʻzbekiston hududida topilgan mahsulotlar namunalarida aks etgan. Ular azaldan yurtimiz hududida yashab kelgan tadbirkorlarning ramzlari boʻlib kelgan.
Markazdagi belgi-tamgʻalar atrofida ularni ushlab turgan tadbirkor qoʻllarini ifodalovchi tasvirlar tilla rangda aks ettirilgan.
Koʻkrak nishonining ustki qismida aylana boʻylab “FAOL TADBIRKOR” yozuvi bitilgan. Harflarning balandligi — 2,2 millimetr.
Koʻkrak nishonining pastki qismida aylana boʻylab 5 qirrali 14 yulduz aks ettirilgan.
Koʻkrak nishonining orqa tomonida Oʻzbekiston Respublikasi Davlat gerbi tasvirlangan.
Tasvirlar va yozuvlar boʻrtmadir.
Koʻkrak nishoni ilmoq va halqa yordamida toʻgʻri toʻrtburchak shaklidagi qadagʻichga ulangan. Qadagʻich boʻyi — 19 millimetr, eni — 25 millimetr.
Qadagʻich teng oʻlchamli koʻk va och koʻk rangdagi shoyi lenta bilan qoplangan boʻlib, uning eni 21 millimetrni tashkil etadi.
Qadagʻichning orqa tomoniga koʻkrak nishonini kiyimga taqib qoʻyish uchun toʻgʻnogʻich koʻrinishidagi moslama oʻrnatilgan.
“Faol tadbirkor” koʻkrak nishoni
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 19-avgust,
PQ-356-son
Президента Республики Узбекистан
Постановление
ПОЛОЖЕНИЕ
ОПИСАНИЕ
Об учреждении нагрудного знака «Фаол тадбиркор»
В целях стимулирования представителей бизнеса, вносящих достойный вклад в развитие предпринимательства в стране, обеспечение занятости населения, повышение экспортного потенциала республики и внедрение инноваций, а также обеспечения исполнения задач, определенных в рамках открытого диалога Президента Республики Узбекистан с предпринимателями, проведенного 20 августа 2021 года:
1. Учредить нагрудный знак «Фаол тадбиркор».
2. Установить, что:
нагрудным знаком «Фаол тадбиркор» награждаются предприниматели, являющиеся для всех образцом в развитии предпринимательства в стране, создании рабочих мест, внедрении инноваций, своевременной оплате налогов, экспорте продукции и услуг, подготовке передовых специалистов, а также успеха в бизнесе и социальной активности;
нагрудный знак «Фаол тадбиркор» вручается ежегодно накануне 20 августа — Дня предпринимателей Президентом Республики Узбекистан или от его имени председателем Сената Олий Мажлиса Республики Узбекистан, спикером Законодательной палаты Олий Мажлиса Республики Узбекистан, помощником Президента Республики Узбекистан, Премьер-министром Республики Узбекистан, руководителями министерств, ведомств и республиканских органов общественных объединений, Председателем Жокаргы Кенеса Республики Каракалпакстан, хокимами областей и города Ташкента, а также иными уполномоченными на то лицами в торжественной обстановке;
ежегодно издается книга «Передовые предприниматели года», посвященная лицам, награжденным нагрудным знаком «Фаол тадбиркор».
3. Утвердить:
Положение о нагрудном знаке «Фаол тадбиркор» согласно приложению № 1 ;
Описание нагрудного знака «Фаол тадбиркор» согласно приложению № 2 .
4. Кабинету Министров совместно с Торгово-промышленной палатой обеспечить:
изготовление нагрудных знаков «Фаол тадбиркор» и удостоверений к ним в установленном порядке;
ежегодное издание книги «Передовые предприниматели года», посвященной лицам, награжденным нагрудным знаком «Фаол тадбиркор».
5. Расходы, связанные с вручением и изготовлением нагрудного знака «Фаол тадбиркор», а также изданием книги «Передовые предприниматели года», осуществляются за счет собственных средств Торгово-промышленной палаты.
6. Агентству информации и массовых коммуникаций совместно с Национальным информационным агентством Узбекистана и Национальной телерадиокомпанией Узбекистана организовать работу по широкому освещению мероприятий, посвященных награждению нагрудным знаком «Фаол тадбиркор», в средствах массовой информации, сети Интернет и социальных сетях.
7. Контроль за исполнением настоящего постановления возложить на руководителя Администрации Президента Республики Узбекистан С.У. Умурзакова.
ПРИЛОЖЕНИЕ № 1 к постановлению Президента Республики Узбекистан от 19 августа 2022 года № ПП-356
о нагрудном знаке «Фаол тадбиркор»
Глава 1. Общие положения
1. Настоящее Положение определяет порядок награждения нагрудным знаком «Фаол тадбиркор» (далее — нагрудный знак).
2. Нагрудным знаком награждаются предприниматели, являющиеся для всех образцом в развитии предпринимательства в стране, создании рабочих мест, внедрении инноваций, своевременной оплате налогов, экспорте продукции и услуг, подготовке передовых специалистов, а также успеха в бизнесе и социальной активности.
Нагрудным знаком также могут награждаться лица, не являющиеся гражданами Республики Узбекистан.
Глава 2. Представление и рассмотрение документов для награждения нагрудным знаком
3. Территориальные управления Торгово-промышленной палаты по согласованию с органами исполнительной власти на местах ежегодно до 10 июля представляют в Торгово-промышленную палату (далее — Палата) предложения по кандидатам для награждения нагрудным знаком.
4. К предложениям по награждению нагрудным знаком прилагаются следующие документы о кандидате:
объективка кандидата;
копия документа, удостоверяющего личность кандидата, (паспорт гражданина или ID-карта);
характеристика, отражающая деятельность кандидата за последние три года в сфере развития предпринимательства.
5. Для рассмотрения предложений о награждении нагрудным знаком председателем Палаты создается комиссия в составе 7 человек (далее — Комиссия).
6. Состав Комиссии и Положение о Комиссии утверждаются председателем Палаты.
7. Результаты рассмотрения кандидатов на награждение нагрудным знаком оформляются протоколом Комиссии до 25 июля ежегодно.
8. Список кандидатов и краткая характеристика проведенных ими работ утверждаются соответствующим приложением к протоколу Комиссии, на основании которого подготавливается представление.
9. Представление за подписью председателя Палаты ежегодно до 1 августа вносится в Комиссию по государственным наградам и геральдике при Президенте Республики Узбекистан.
Глава 3. Порядок награждения нагрудным знаком
10. Награждение нагрудным знаком осуществляется решением Президента Республики Узбекистан.
11. Нагрудный знак вручается ежегодно накануне 20 августа — Дня предпринимателей Президентом Республики Узбекистан или от его имени председателем Сената Олий Мажлиса Республики Узбекистан, спикером Законодательной палаты Олий Мажлиса Республики Узбекистан, помощником Президента Республики Узбекистан, Премьер-министром Республики Узбекистан, руководителями министерств, ведомств и республиканских органов общественных объединений, Председателем Жокаргы Кенеса Республики Каракалпакстан, хокимами областей и города Ташкента, а также иными уполномоченными на то лицами в торжественной обстановке.
12. Одно лицо награждается нагрудным знаком один раз.
13. Нагрудный знак носится на левой стороне груди после государственных наград.
Глава 4. Заключительные положения
14. Палата несет непосредственную ответственность за объективное рассмотрение документов кандидатов, рекомендованных на нагрудный знак, в соответствии с настоящим Положением.
15. Лица, виновные в нарушении требований настоящего Положения, несут ответственность в порядке, установленном актами законодательства.
ПРИЛОЖЕНИЕ № 2 к постановлению Президента Республики Узбекистан от 19 августа 2022 года № ПП-356
нагрудного знака «Фаол тадбиркор»
Нагрудный знак «Фаол тадбиркор» изготавливается из сплава меди, покрытого золотом толщиной 0,25 микрона, и имеет форму круга диаметром 34 миллиметра.
Середина нагрудного знака представляет собой круг диаметром 25 миллиметров, окаймленный выпуклым ободком. В центре круга представлены знаки-печати, которые отображены в образцах продукции, изготовленных и выставленных на продажу древними мастерами-ремесленниками и обнаруженных на территории Узбекистана. Такие знаки-печати издревле являлись символами предпринимателей, жившими на территории нашей страны.
В центре нагрудного знака вокруг знаков-печатей золотистым цветом изображены руки предпринимателя, поддерживающие эти печати.
В верхней части нагрудного знака по окружности выполнена надпись «FAOL TADBIRKOR». Высота букв — 2,2 миллиметра.
В нижней части нагрудного знака по окружности изображены 14 пятиконечных звезд.
На оборотной стороне нагрудного знака изображен Государственный герб Республики Узбекистан.
Изображения и надписи — выпуклые.
Нагрудный знак при помощи ушка и кольца соединяется с колодкой в форме прямоугольника. Высота колодки — 19 миллиметров, ширина — 25 миллиметров.
Колодка обтянута шелковой лентой синего и голубого цвета равного размера, ширина которой составляет 21 миллиметр.
На оборотной стороне колодки имеется приспособление в виде булавки для крепления нагрудного знака к одежде.
Нагрудный знак «Фаол тадбиркор»
Президент Республики Узбекистан Ш. МИРЗИЁЕВ
г. Ташкент,
19 августа 2022 г.,
№ ПП-356