UzbekAI

Ўзбекистон Республикаси Президентининг

Қарори

ТАРКИБИ

Буюк мутафаккир ва қомусий олим Абу Райҳон Беруний таваллудининг 1050 йиллигини халқаро миқёсда кенг нишонлаш тўғрисида

Ўзининг ноёб асарлари ҳамда оламшумул кашфиётлари билан жаҳон илм-фани ва маданияти ривожига беқиёс ҳисса қўшган буюк мутафаккир ва қомусий олим, Илк Ренессанс даврининг ёрқин намояндаси Абу Райҳон Берунийнинг илмий-маърифий меросини янада чуқур ўрганиш ва кенг тарғиб қилиш, ушбу йўналишда тадқиқотлар олиб бораётган етакчи халқаро илмий марказлар билан яқин ҳамкорлик ўрнатиш, шунингдек, Абу Райҳон Беруний таваллудининг 1050 йиллигини халқаро миқёсда кенг нишонлаш мақсадида:

1. Маданият ва санъатни ривожлантириш жамғармаси (кейинги ўринларда — Жамғарма), ЮНЕСКО ишлари бўйича Миллий комиссия, Республика Маънавият ва маърифат маркази, Фанлар академияси, Маданият вазирлиги, Ташқи ишлар вазирлиги ҳамда кенг жамоатчиликнинг 2022-2023 йилларда буюк мутафаккир ва қомусий олим Абу Райҳон Беруний таваллудининг 1050 йиллигини ЮНЕСКО шафелигида халқаро миқёсда кенг нишонлаш тўғрисидаги таклифи маъқуллансин.

ЮНЕСКО Бош конференцияси қарори билан Абу Райҳон Беруний таваллудининг 1050 йиллигини нишонлаш ЮНЕСКОнинг 2022-2023 йилларда нишонланадиган халқаро юбилейлар рўйхатига киритилгани маълумот учун қабул қилинсин.

2. Абу Райҳон Беруний таваллудининг 1050 йиллигини нишонлаш бўйича ташкилий қўмита таркиби (кейинги ўринларда — Ташкилий қўмита) иловага мувофиқ тасдиқлансин.

Ташкилий қўмита (А. Арипов) бир ой муддатда Абу Райҳон Беруний таваллудининг 1050 йиллигини нишонлаш бўйича ушбу қарорда белгиланган тадбирларни амалга оширишни ва қуйидагиларни назарда тутувчи чора-тадбирлар дастурини масъул ижрочилар, молиялаштириш манбалари ва миқдорларини аниқ белгилаган ҳолда тасдиқласин:

республикамиздаги Абу Райҳон Беруний номи билан боғлиқ обида ва қадамжоларни, шу жумладан Абу Райҳон Беруний шарафига ўрнатилган ёдгорлик мажмуаларини мукаммал таъмирлаш ва уларнинг ҳудудларини ободонлаштириш, «Буюк Беруний мероси» халқаро сайёҳлик маршрутларини йўлга қўйиш;

олимлар ва мутахассисларнинг таклиф-мулоҳазалари асосида ишлаб чиқиладиган концепция асосида Қорақалпоғистон Республикаси Беруний туманида 2023 йил якунига қадар Абу Райҳон Беруний мажмуасини қуриш ва унинг ҳудудида илмий-маърифий, маданий ва дам олиш ҳамда туризм объектлари фаолиятини ташкил қилиш, ушбу масалада икки ой муддатда Вазирлар Маҳкамасининг тегишли қарори белгиланган тартибда қабул қилинишини ташкил қилиш;

аллома илмий-ижодий меросига мансуб қўлёзма ва бошқа маданий бойликларни реставрация қилиш, уларни ишончли сақлаш учун зарур шароит яратиш;

Фанлар академиясининг Қорақалпоғистон бўлими ва Хоразм Маъмун академиясининг моддий-техника базасини мустаҳкамлаш, уларда маданий мерос объектлари, шу жумладан археология мероси объектлари, музей ашёларини реставрация ва консервация қилишга ихтисослашган лаборатория ташкил қилиш ҳамда уларни замонавий жиҳозлар билан таъминлаш;

Абу Райҳон Беруний меросини ўрганиш мақсадида халқаро миқёсда кенг кўламли илмий изланишлар олиб бориш ва уларнинг натижаларини эълон қилиш, шу мавзуда илмий, бадиий-публицистик асарлар яратиш, хорижий олимларнинг асарларини ўзбек ва қорақалпоқ тилларида нашр қилиш;

юқори сифатли медиа маҳсулотлар ҳамда аудиовизуал асарлар яратиш, уларни маҳаллий ва хорижий оммавий ахборот воситаларида эфирга бериб бориш, Интернет ва ижтимоий тармоқларга жойлаштириш, дунё миқёсида хештег ва челленж каби тарғиботнинг замонавий технологияларини қўллаш;

Абу Райҳон Беруний сиймоси тасвирланган, алломанинг илмий-ижодий меросига бағишланган почта маркалари ва конвертлар туркумини яратиш, тақвимлар ва кўргазмали ахборот воситалари, эсдалик тангалари, кумуш ва олтин юбилей тангаларини муомалага чиқариш;

умумий ўрта таълим ташкилотлари, академик лицейлар ва касб-ҳунар мактаблари ўқувчилари ўртасида Хоразм вилоятида тегишли фан бўйича Абу Райҳон Беруний номидаги халқаро фан олимпиадасини ташкил этиш;

Ўзбекистон Республикасининг хориждаги элчихоналари, Ўзбек миллий маданий марказлари, ватандошлар жамиятларида Абу Райҳон Беруний илмий-маърифий мероси, унинг инсонпарварлик ғояларини кенг ўрганиш ва тарғиб қилиш мақсадида илмий анжуманлар ва давра суҳбатлари ташкил этиш;

илмий доиралар, халқаро экспертлар ва кенг жамоатчиликнинг таклиф-мулоҳазалари асосида бошқа чора-тадбирларни амалга ошириш.

3. Жамғарма Ташкилий қўмитанинг ишчи органи этиб белгилансин ва мазкур қарорда белгиланган вазифалар бўйича вазирлик ва идоралар фаолиятини мувофиқлаштириб борсин.

4. Ташқи ишлар вазирлиги:

Абу Райҳон Берунийнинг илмий-маърифий меросини дунё миқёсида чуқур ўрганиш ва оммалаштиришга улкан ҳисса қўшган шахсларни ҳамда илмий-ижодий муассасаларни тақдирлаш мақсадида Абу Райҳон Беруний номидаги халқаро мукофотни таъсис этиш;

Абу Райҳон Беруний юбилейига бағишланган тадбирларни тегишли хорижий мамлакатлар ва халқаро ташкилотлар, шу жумладан ЮНЕСКО билан ҳамкорликда ташкил қилиш;

хорижий мамлакатлардаги Абу Райҳон Беруний ёдгорлик мажмуаларида қурилиш ва ободонлаштириш ишларини амалга ошириш бўйича музокаралар олиб борсин ҳамда уларнинг натижалари бўйича Ташкилий қўмитага таклиф киритсин.

5. Фанлар академияси, Маданий мерос агентлиги, Ташқи ишлар вазирлиги бошқа манфаатдор вазирлик ва идоралар билан биргаликда хорижий давлатларда сақланаётган Абу Райҳон Беруний ҳаёти ва илмий-ижодий мероси ҳамда у яшаган даврга оид қўлёзмалар ва бошқа маданий бойликларни аниқлаш, уларнинг факсимиле нусхаларини Ўзбекистонга олиб келиш, тадқиқ этиш ва давлат электрон каталоги ҳамда ЮНЕСКОнинг рақамли кутубхонасига жойлаштириш чораларини кўрсин.

6. Инновацион ривожланиш вазирлиги тегишли вазирлик ва идоралар билан биргаликда икки ой муддатда Абу Райҳон Беруний ҳаёти ва меросини тадқиқ этиш бўйича илмий-тадқиқот ишларига давлат буюртмаси талабларига мувофиқ илмий лойиҳалар танловини эълон қилсин.

7. Ёшлар ишлари агентлиги манфаатдор вазирлик ва идоралар билан биргаликда 2022 йил декабрга қадар «Беруний ва ёшлар» махсус дастурини ишлаб чиқсин ва амалга оширсин. Бунда, Абу Райҳон Беруний ҳаётига оид маълумотлар, унинг илмий-маърифий асарлари жамланган мобил илова яратсин ва ёшлар ўртасида кенг оммалаштирсин.

8. Республика Маънавият ва маърифат маркази, Фанлар академияси, Олий ва ўрта махсус таълим вазирлиги:

а) Маданият вазирлиги, Қорақалпоғистон Республикаси Вазирлар Кенгаши, Хоразм вилояти ва Тошкент шаҳар ҳокимликлари, тегишли вазирлик ва идоралар билан биргаликда Ташкилий қўмита томонидан белгиланадиган муддатларда:

Қорақалпоғистон Республикаси ва Хоразм вилоятида Абу Райҳон Беруний ҳаёти ва фаолияти, унинг жаҳон тамаддуни ривожига қўшган улкан ҳиссасига бағишланган халқаро илмий-амалий конференциялар ҳамда илмий-маърифий тадбирларни ташкил қилсин;

Тошкент шаҳрида Абу Райҳон Беруний таваллудининг 1050 йиллигига бағишланган халқаро анжуманни ўтказсин;

б) Абу Райҳон Берунийнинг барча асарларини тўплаш асосида босқичма-босқич алломанинг тўлиқ асарлари туркумини Маънавият ва ижодни қўллаб-қувватлаш мақсадли жамғармаси маблағлари ҳисобидан ўзбек, қорақалпоқ, рус, инглиз, араб ва форс тилларида нашр этиш чораларини кўрсин.

9. Маданият вазирлиги 2023 йилда Абу Райҳон Беруний ҳаёти ва илмий-маърифий фаолияти асосида янги спектакллар яратсин ҳамда уларнинг республика бўйлаб театрларда намойиш этилишини ташкил этсин.

10. Кинематография агентлиги 2022-2023 йилларда Абу Райҳон Беруний ҳаёти ва илмий-маърифий фаолиятига бағишланган бадиий, мультипликацион ва тўлиқ метражли ҳужжатли фильмлар, кўп қисмли телесериал яратиш ҳамда уларни хорижий мамлакатларда ҳам кенг намойиш қилиш чораларини кўрсин.

11. Бадиий академия ва «Ҳунарманд» уюшмаси 2022-2023 йилларда республикамиз бўйлаб Абу Райҳон Беруний ҳаёти ва илмий-маърифий фаолиятига бағишланган тасвирий санъат асарлари, миниатюралар, халқ амалий санъати намуналари ҳамда фотосуратлар кўргазмаларини ташкил этсин.

12. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Республика Маънавият ва маърифат маркази, Фанлар академияси, Маданият вазирлиги, Халқ таълими вазирлиги, Олий ва ўрта махсус таълим вазирлиги, Мактабгача таълим вазирлиги, Президент таълим муассасалари агентлиги, Ёшлар ишлари агентлиги ҳамда бошқа вазирлик, идора ва ташкилотлар Абу Райҳон Беруний ҳаёти ва илмий-маърифий фаолияти ҳамда унинг жаҳон тамаддуни ривожига қўшган улкан ҳиссасини аҳоли, айниқса, ёшлар ўртасида, шунингдек, таълим ташкилотлари ва меҳнат жамоаларида кенг тарғиб қилишга қаратилган тадбирларни ташкил этиш чораларини кўрсин.

13. Ўзбекистон Миллий ахборот агентлиги, Ўзбекистон Миллий телерадиокомпанияси, Ўзбекистон миллий медиа ассоциацияси ва бошқа оммавий ахборот воситаларига Абу Райҳон Беруний таваллудининг 1050 йиллигини нишонлаш билан боғлиқ тадбирларни кенг ёритиш, алломанинг илмий-маърифий мероси асосида махсус кўрсатув ва эшиттиришлар, ўқув-маърифий фильмлар яратиш тавсия этилсин.

14. Мазкур қарорда назарда тутилган чора-тадбирларни молиялаштириш манбалари этиб Давлат бюджети ҳисобидан ажратилган маблағлар, ташкилотчиларнинг ўз маблағлари ҳамда қонунчилик ҳужжатлари билан тақиқланмаган бошқа манбалар белгилансин.

15. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг маслаҳатчиси А.А. Абдувахитов зиммасига юклансин.

Ўзбекистон Республикаси Президентининг 2022 йил 25 августдаги ПҚ-361-сон қарорига ИЛОВА

Абу Райҳон Беруний таваллудининг 1050 йиллигини нишонлаш бўйича ташкилий қўмита

1. А.Н. Арипов — Ўзбекистон Республикасининг Бош вазири, Ташкилий қўмита раиси 2. А.А. Абдувахитов — Ўзбекистон Республикаси Президентининг маслаҳатчиси, Ташкилий қўмита раиси ўринбосари 3. Х.М. Султонов — Ўзбекистон Республикаси Президентининг маслаҳатчиси 4. Г.О. Умерова — Маданият ва санъатни ривожлантириш жамғармаси ижрочи директори, Ташкилий қўмита раиси ўринбосари 5. Қ.Р. Сариев — Қорақалпоғистон Республикаси Вазирлар Кенгаши Раиси 6. Ж.А. Артикходжаев — Тошкент шаҳар ҳокими 7. Ф.У. Эрманов — Хоразм вилояти ҳокими 8. О.А. Назарбеков — маданият вазири 9. Т.А. Ишметов — молия вазири 10. В.И. Норов — ташқи ишлар вазири вазифасини бажарувчи 11. А.Х. Тошқулов — олий ва ўрта махсус таълим вазири 12. Б.С. Абдуҳалимов — Фанлар академиясининг вице-президенти 13. Ш. Миноваров — Ўзбекистондаги Ислом цивилизацияси маркази директори 14. Ш. Зиёдов — Имом Бухорий халқаро илмий-тадқиқот маркази директори 15. М.М. Ҳожиматов — Республика Маънавият ва маърифат маркази раҳбари 16. С.С. Саидов — Ўзбекистон Ёзувчилар уюшмаси раиси 17. А.Ж. Хаджаев — Ўзбекистон Миллий телерадиокомпанияси раиси 18. У.Р. Шодиев — Ўзбекистон Республикасининг ЮНЕСКО ҳузуридаги доимий вакили 19. С. Ношади — ЮНЕСКОнинг Ўзбекистондаги вакили (келишувга мувофиқ) 20. З.М. Машрабов — Бобур номидаги халқаро жамоат фонди раиси 21. И.И. Абдуллаев — Хоразм Маъмун академияси раиси 22. С.С. Шукуров — Вазирлар Маҳкамаси департаменти мудири, Ташкилий қўмита котиби

Ўзбекистон Республикаси Президенти Ш. МИРЗИЁЕВ

Тошкент ш.,

2022 йил 25 август,

ПҚ-361-сон

(Қонунчилик маълумотлари миллий базаси, 25.08.2022 й., 07/22/361/0771-сон, )

lex.uz

Oʻzbekiston Respublikasi Prezidentining

Qarori

TARKIBI

Buyuk mutafakkir va qomusiy olim Abu Rayhon Beruniy tavalludining 1050-yilligini xalqaro miqyosda keng nishonlash toʻgʻrisida

Oʻzining noyob asarlari hamda olamshumul kashfiyotlari bilan jahon ilm-fani va madaniyati rivojiga beqiyos hissa qoʻshgan buyuk mutafakkir va qomusiy olim, Ilk Renessans davrining yorqin namoyandasi Abu Rayhon Beruniyning ilmiy-maʼrifiy merosini yanada chuqur oʻrganish va keng targʻib qilish, ushbu yoʻnalishda tadqiqotlar olib borayotgan yetakchi xalqaro ilmiy markazlar bilan yaqin hamkorlik oʻrnatish, shuningdek, Abu Rayhon Beruniy tavalludining 1050-yilligini xalqaro miqyosda keng nishonlash maqsadida:

1. Madaniyat va sanʼatni rivojlantirish jamgʻarmasi (keyingi oʻrinlarda — Jamgʻarma), YUNESKO ishlari boʻyicha Milliy komissiya, Respublika Maʼnaviyat va maʼrifat markazi, Fanlar akademiyasi, Madaniyat vazirligi, Tashqi ishlar vazirligi hamda keng jamoatchilikning 2022-2023-yillarda buyuk mutafakkir va qomusiy olim Abu Rayhon Beruniy tavalludining 1050-yilligini YUNESKO shafeligida xalqaro miqyosda keng nishonlash toʻgʻrisidagi taklifi maʼqullansin.

YUNESKO Bosh konferensiyasi qarori bilan Abu Rayhon Beruniy tavalludining 1050-yilligini nishonlash YUNESKOning 2022-2023-yillarda nishonlanadigan xalqaro yubileylar roʻyxatiga kiritilgani maʼlumot uchun qabul qilinsin.

2. Abu Rayhon Beruniy tavalludining 1050-yilligini nishonlash boʻyicha tashkiliy qoʻmita tarkibi (keyingi oʻrinlarda — Tashkiliy qoʻmita) ilovaga muvofiq tasdiqlansin.

Tashkiliy qoʻmita (A. Aripov) bir oy muddatda Abu Rayhon Beruniy tavalludining 1050-yilligini nishonlash boʻyicha ushbu qarorda belgilangan tadbirlarni amalga oshirishni va quyidagilarni nazarda tutuvchi chora-tadbirlar dasturini masʼul ijrochilar, moliyalashtirish manbalari va miqdorlarini aniq belgilagan holda tasdiqlasin:

respublikamizdagi Abu Rayhon Beruniy nomi bilan bogʻliq obida va qadamjolarni, shu jumladan Abu Rayhon Beruniy sharafiga oʻrnatilgan yodgorlik majmualarini mukammal taʼmirlash va ularning hududlarini obodonlashtirish, “Buyuk Beruniy merosi” xalqaro sayyohlik marshrutlarini yoʻlga qoʻyish;

olimlar va mutaxassislarning taklif-mulohazalari asosida ishlab chiqiladigan konsepsiya asosida Qoraqalpogʻiston Respublikasi Beruniy tumanida 2023-yil yakuniga qadar Abu Rayhon Beruniy majmuasini qurish va uning hududida ilmiy-maʼrifiy, madaniy va dam olish hamda turizm obyektlari faoliyatini tashkil qilish, ushbu masalada ikki oy muddatda Vazirlar Mahkamasining tegishli qarori belgilangan tartibda qabul qilinishini tashkil qilish;

alloma ilmiy-ijodiy merosiga mansub qoʻlyozma va boshqa madaniy boyliklarni restavratsiya qilish, ularni ishonchli saqlash uchun zarur sharoit yaratish;

Fanlar akademiyasining Qoraqalpogʻiston boʻlimi va Xorazm Maʼmun akademiyasining moddiy-texnika bazasini mustahkamlash, ularda madaniy meros obyektlari, shu jumladan arxeologiya merosi obyektlari, muzey ashyolarini restavratsiya va konservatsiya qilishga ixtisoslashgan laboratoriya tashkil qilish hamda ularni zamonaviy jihozlar bilan taʼminlash;

Abu Rayhon Beruniy merosini oʻrganish maqsadida xalqaro miqyosda keng koʻlamli ilmiy izlanishlar olib borish va ularning natijalarini eʼlon qilish, shu mavzuda ilmiy, badiiy-publitsistik asarlar yaratish, xorijiy olimlarning asarlarini oʻzbek va qoraqalpoq tillarida nashr qilish;

yuqori sifatli media mahsulotlar hamda audiovizual asarlar yaratish, ularni mahalliy va xorijiy ommaviy axborot vositalarida efirga berib borish, Internet va ijtimoiy tarmoqlarga joylashtirish, dunyo miqyosida xeshteg va chellenj kabi targʻibotning zamonaviy texnologiyalarini qoʻllash;

Abu Rayhon Beruniy siymosi tasvirlangan, allomaning ilmiy-ijodiy merosiga bagʻishlangan pochta markalari va konvertlar turkumini yaratish, taqvimlar va koʻrgazmali axborot vositalari, esdalik tangalari, kumush va oltin yubiley tangalarini muomalaga chiqarish;

umumiy oʻrta taʼlim tashkilotlari, akademik litseylar va kasb-hunar maktablari oʻquvchilari oʻrtasida Xorazm viloyatida tegishli fan boʻyicha Abu Rayhon Beruniy nomidagi xalqaro fan olimpiadasini tashkil etish;

Oʻzbekiston Respublikasining xorijdagi elchixonalari, Oʻzbek milliy madaniy markazlari, vatandoshlar jamiyatlarida Abu Rayhon Beruniy ilmiy-maʼrifiy merosi, uning insonparvarlik gʻoyalarini keng oʻrganish va targʻib qilish maqsadida ilmiy anjumanlar va davra suhbatlari tashkil etish;

ilmiy doiralar, xalqaro ekspertlar va keng jamoatchilikning taklif-mulohazalari asosida boshqa chora-tadbirlarni amalga oshirish.

3. Jamgʻarma Tashkiliy qoʻmitaning ishchi organi etib belgilansin va mazkur qarorda belgilangan vazifalar boʻyicha vazirlik va idoralar faoliyatini muvofiqlashtirib borsin.

4. Tashqi ishlar vazirligi:

Abu Rayhon Beruniyning ilmiy-maʼrifiy merosini dunyo miqyosida chuqur oʻrganish va ommalashtirishga ulkan hissa qoʻshgan shaxslarni hamda ilmiy-ijodiy muassasalarni taqdirlash maqsadida Abu Rayhon Beruniy nomidagi xalqaro mukofotni taʼsis etish;

Abu Rayhon Beruniy yubileyiga bagʻishlangan tadbirlarni tegishli xorijiy mamlakatlar va xalqaro tashkilotlar, shu jumladan YUNESKO bilan hamkorlikda tashkil qilish;

xorijiy mamlakatlardagi Abu Rayhon Beruniy yodgorlik majmualarida qurilish va obodonlashtirish ishlarini amalga oshirish boʻyicha muzokaralar olib borsin hamda ularning natijalari boʻyicha Tashkiliy qoʻmitaga taklif kiritsin.

5. Fanlar akademiyasi, Madaniy meros agentligi, Tashqi ishlar vazirligi boshqa manfaatdor vazirlik va idoralar bilan birgalikda xorijiy davlatlarda saqlanayotgan Abu Rayhon Beruniy hayoti va ilmiy-ijodiy merosi hamda u yashagan davrga oid qoʻlyozmalar va boshqa madaniy boyliklarni aniqlash, ularning faksimile nusxalarini Oʻzbekistonga olib kelish, tadqiq etish va davlat elektron katalogi hamda YUNESKOning raqamli kutubxonasiga joylashtirish choralarini koʻrsin.

6. Innovatsion rivojlanish vazirligi tegishli vazirlik va idoralar bilan birgalikda ikki oy muddatda Abu Rayhon Beruniy hayoti va merosini tadqiq etish boʻyicha ilmiy-tadqiqot ishlariga davlat buyurtmasi talablariga muvofiq ilmiy loyihalar tanlovini eʼlon qilsin.

7. Yoshlar ishlari agentligi manfaatdor vazirlik va idoralar bilan birgalikda 2022-yil dekabrga qadar “Beruniy va yoshlar” maxsus dasturini ishlab chiqsin va amalga oshirsin. Bunda, Abu Rayhon Beruniy hayotiga oid maʼlumotlar, uning ilmiy-maʼrifiy asarlari jamlangan mobil ilova yaratsin va yoshlar oʻrtasida keng ommalashtirsin.

8. Respublika Maʼnaviyat va maʼrifat markazi, Fanlar akademiyasi, Oliy va oʻrta maxsus taʼlim vazirligi:

a) Madaniyat vazirligi, Qoraqalpogʻiston Respublikasi Vazirlar Kengashi, Xorazm viloyati va Toshkent shahar hokimliklari, tegishli vazirlik va idoralar bilan birgalikda Tashkiliy qoʻmita tomonidan belgilanadigan muddatlarda:

Qoraqalpogʻiston Respublikasi va Xorazm viloyatida Abu Rayhon Beruniy hayoti va faoliyati, uning jahon tamadduni rivojiga qoʻshgan ulkan hissasiga bagʻishlangan xalqaro ilmiy-amaliy konferensiyalar hamda ilmiy-maʼrifiy tadbirlarni tashkil qilsin;

Toshkent shahrida Abu Rayhon Beruniy tavalludining 1050-yilligiga bagʻishlangan xalqaro anjumanni oʻtkazsin;

b) Abu Rayhon Beruniyning barcha asarlarini toʻplash asosida bosqichma-bosqich allomaning toʻliq asarlari turkumini Maʼnaviyat va ijodni qoʻllab-quvvatlash maqsadli jamgʻarmasi mablagʻlari hisobidan oʻzbek, qoraqalpoq, rus, ingliz, arab va fors tillarida nashr etish choralarini koʻrsin.

9. Madaniyat vazirligi 2023-yilda Abu Rayhon Beruniy hayoti va ilmiy-maʼrifiy faoliyati asosida yangi spektakllar yaratsin hamda ularning respublika boʻylab teatrlarda namoyish etilishini tashkil etsin.

10. Kinematografiya agentligi 2022-2023-yillarda Abu Rayhon Beruniy hayoti va ilmiy-maʼrifiy faoliyatiga bagʻishlangan badiiy, multiplikatsion va toʻliq metrajli hujjatli filmlar, koʻp qismli teleserial yaratish hamda ularni xorijiy mamlakatlarda ham keng namoyish qilish choralarini koʻrsin.

11. Badiiy akademiya va “Hunarmand” uyushmasi 2022-2023-yillarda respublikamiz boʻylab Abu Rayhon Beruniy hayoti va ilmiy-maʼrifiy faoliyatiga bagʻishlangan tasviriy sanʼat asarlari, miniaturalar, xalq amaliy sanʼati namunalari hamda fotosuratlar koʻrgazmalarini tashkil etsin.

12. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Respublika Maʼnaviyat va maʼrifat markazi, Fanlar akademiyasi, Madaniyat vazirligi, Xalq taʼlimi vazirligi, Oliy va oʻrta maxsus taʼlim vazirligi, Maktabgacha taʼlim vazirligi, Prezident taʼlim muassasalari agentligi, Yoshlar ishlari agentligi hamda boshqa vazirlik, idora va tashkilotlar Abu Rayhon Beruniy hayoti va ilmiy-maʼrifiy faoliyati hamda uning jahon tamadduni rivojiga qoʻshgan ulkan hissasini aholi, ayniqsa, yoshlar oʻrtasida, shuningdek, taʼlim tashkilotlari va mehnat jamoalarida keng targʻib qilishga qaratilgan tadbirlarni tashkil etish choralarini koʻrsin.

13. Oʻzbekiston Milliy axborot agentligi, Oʻzbekiston Milliy teleradiokompaniyasi, Oʻzbekiston milliy media assotsiatsiyasi va boshqa ommaviy axborot vositalariga Abu Rayhon Beruniy tavalludining 1050-yilligini nishonlash bilan bogʻliq tadbirlarni keng yoritish, allomaning ilmiy-maʼrifiy merosi asosida maxsus koʻrsatuv va eshittirishlar, oʻquv-maʼrifiy filmlar yaratish tavsiya etilsin.

14. Mazkur qarorda nazarda tutilgan chora-tadbirlarni moliyalashtirish manbalari etib Davlat budjeti hisobidan ajratilgan mablagʻlar, tashkilotchilarning oʻz mablagʻlari hamda qonunchilik hujjatlari bilan taqiqlanmagan boshqa manbalar belgilansin.

15. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining maslahatchisi A.A. Abduvaxitov zimmasiga yuklansin.

Oʻzbekiston Respublikasi Prezidentining 2022-yil 25-avgustdagi PQ-361-son qaroriga ILOVA

Abu Rayhon Beruniy tavalludining 1050-yilligini nishonlash boʻyicha tashkiliy qoʻmita

1. A.N. Aripov — Oʻzbekiston Respublikasining Bosh vaziri, Tashkiliy qoʻmita raisi 2. A.A. Abduvaxitov — Oʻzbekiston Respublikasi Prezidentining maslahatchisi, Tashkiliy qoʻmita raisi oʻrinbosari 3. X.M. Sultonov — Oʻzbekiston Respublikasi Prezidentining maslahatchisi 4. G.O. Umerova — Madaniyat va sanʼatni rivojlantirish jamgʻarmasi ijrochi direktori, Tashkiliy qoʻmita raisi oʻrinbosari 5. Q.R. Sariyev — Qoraqalpogʻiston Respublikasi Vazirlar Kengashi Raisi 6. J.A. Artikxodjayev — Toshkent shahar hokimi 7. F.U. Ermanov — Xorazm viloyati hokimi 8. O.A. Nazarbekov — madaniyat vaziri 9. T.A. Ishmetov — moliya vaziri 10. V.I. Norov — tashqi ishlar vaziri vazifasini bajaruvchi 11. A.X. Toshqulov — oliy va oʻrta maxsus taʼlim vaziri 12. B.S. Abduhalimov — Fanlar akademiyasining vitse-prezidenti 13. Sh. Minovarov — Oʻzbekistondagi Islom sivilizatsiyasi markazi direktori 14. Sh. Ziyodov — Imom Buxoriy xalqaro ilmiy-tadqiqot markazi direktori 15. M.M. Hojimatov — Respublika Maʼnaviyat va maʼrifat markazi rahbari 16. S.S. Saidov — Oʻzbekiston Yozuvchilar uyushmasi raisi 17. A.J. Xadjayev — Oʻzbekiston Milliy teleradiokompaniyasi raisi 18. U.R. Shodiyev — Oʻzbekiston Respublikasining YUNESKO huzuridagi doimiy vakili 19. S. Noshadi — YUNESKOning Oʻzbekistondagi vakili (kelishuvga muvofiq) 20. Z.M. Mashrabov — Bobur nomidagi xalqaro jamoat fondi raisi 21. I.I. Abdullayev — Xorazm Maʼmun akademiyasi raisi 22. S.S. Shukurov — Vazirlar Mahkamasi departamenti mudiri, Tashkiliy qoʻmita kotibi

Oʻzbekiston Respublikasi Prezidenti Sh. MIRZIYOYEV

Toshkent sh.,

2022-yil 25-avgust,

PQ-361-son

(Qonunchilik maʼlumotlari milliy bazasi, 25.08.2022-y., 07/22/361/0771-son, )

lex.uz

Президента Республики Узбекистан

Постановление

СОСТАВ

О широком праздновании в международном масштабе 1050-летия великого мыслителя и ученого-энциклопедиста Абу Райхона Беруни

В целях дальнейшего глубокого изучения и широкой пропаганды научно-просветительского наследия великого мыслителя и ученого-энциклопедиста, яркого представителя периода Раннего Ренессанса Абу Райхона Беруни, внесшего неоценимый вклад в развитие мировой науки и культуры своими уникальными произведениями и выдающимися открытиями, установления тесного сотрудничества с ведущими международными научными центрами, проводящими исследования в этом направлении, а также широкого празднования в международном масштабе 1050-летия Абу Райхона Беруни:

1. Одобрить предложение Фонда развития культуры и искусства (далее — Фонд), Национальной комиссии по делам ЮНЕСКО, Республиканского центра духовности и просветительства, Академии наук, Министерства культуры, Министерства иностранных дел и широкой общественности о широком праздновании в 2022-2023 годах 1050-летия великого мыслителя и ученого-энциклопедиста Абу Райхона Беруни под эгидой ЮНЕСКО в международном масштабе.

Принять к сведению, что решением Генеральной конференции ЮНЕСКО празднование 1050-летия Абу Райхона Беруни включено в список международных годовщин ЮНЕСКО, отмечаемых в 2022-2023 годах.

2. Утвердить состав Организационного комитета по празднованию 1050-летия Абу Райхона Беруни (далее — Организационный комитет) согласно приложению .

Организационному комитету (А. Арипов) в месячный срок утвердить программу мер по осуществлению мероприятий, определенных настоящим постановлением, по празднованию 1050-летия Абу Райхона Беруни с конкретным указанием ответственных исполнителей, источников и размеров финансирования, предусматривающую:

капитальный ремонт и благоустройство территорий расположенных в республике памятников и мест поклонения, связанных с именем Абу Райхона Беруни, включая мемориальные комплексы, установленные в честь Абу Райхона Беруни, налаживание международных туристических маршрутов «Буюк Беруний мероси»;

на основе концепции, разрабатываемой согласно мнениям и предложениям ученых и специалистов, строительство в Берунийском районе Республики Каракалпакстан до конца 2023 года комплекса Абу Райхона Беруни и организацию на его территории деятельности научно-просветительских, культурно-досуговых и туристических объектов, а также принятие в двухмесячный срок по данному вопросу соответствующего постановления Кабинета Министров в установленном порядке;

реставрацию рукописей и других культурных ценностей, относящихся к научно-творческому наследию мыслителя, создание необходимых условий для их надежного хранения;

укрепление материально-технической базы Каракалпакского отделения Академии наук и Хорезмской академии Маъмуна, организацию в них лаборатории, специализированной на реставрации и консервации объектов культурного наследия, в том числе объектов археологического наследия, музейных экспонатов, а также оснащение ее современным оборудованием;

проведение глубоких научных исследований в международном масштабе в целях изучения наследия Абу Райхона Беруни и обнародование их результатов, создание научных, художественно-публицистических произведений на эту тематику, издание произведений зарубежных ученых на узбекском и каракалпакском языках;

создание высококачественной медиапродукции и аудиовизуальных произведений, передачу их в эфир в отечественных и зарубежных средствах массовой информации, размещение в интернете и социальных сетях, применение таких современных технологий широкой пропаганды, как хештег и челлендж, в мировом масштабе;

создание серии почтовых марок и конвертов с изображением облика Абу Райхона Беруни, посвященных научно-творческому наследию ученого, выпуск в обращение календарей и наглядных информационных материалов, памятных монет, серебряных и золотых юбилейных монет;

организацию среди учащихся средних общеобразовательных организаций, академических лицеев и профессиональных школ международной предметной олимпиады имени Абу Райхона Беруни по соответствующей дисциплине в Хорезмской области;

организацию в посольствах Республики Узбекистан за рубежом, узбекских национальных культурных центрах, обществах соотечественников научных конференций и «круглых столов» в целях широкого изучения и пропаганды научно-просветительского наследия Абу Райхона Беруни, его гуманистических идей;

осуществление других мер на основе мнений и предложений научных кругов, международных экспертов и широкой общественности.

3. Определить Фонд рабочим органом Организационного комитета и возложить на него координацию деятельности министерств и ведомств по задачам, определенным настоящим постановлением.

4. Министерству иностранных дел провести переговоры с внесением в Организационный комитет предложения по их результатам касательно вопросов:

учреждения международной премии имени Абу Райхона Беруни в целях награждения лиц и научно-творческих учреждений, внесших огромный вклад в глубокое изучение и популяризацию в мировом масштабе научно-просветительского наследия Абу Райхона Беруни;

организации мероприятий, посвященных юбилею Абу Райхона Беруни, совместно с соответствующими зарубежными странами и международными организациями, в том числе ЮНЕСКО;

осуществления строительной и благоустроительной работы в мемориальных комплексах Абу Райхона Беруни в зарубежных странах.

5. Академии наук, Агентству культурного наследия, Министерству иностранных дел совместно с другими заинтересованными министерствами и ведомствами принять меры по выявлению хранящихся в зарубежных государствах рукописей и других культурных ценностей касательно жизни и научно-творческого наследия Абу Райхона Беруни и эпохи, в которую он жил, доставке в Узбекистан, исследованию и включению в государственный электронный каталог, а также размещению в цифровой библиотеке ЮНЕСКО их факсимильных копий.

6. Министерству инновационного развития совместно с соответствующими министерствами и ведомствами в двухмесячный срок объявить конкурс научных проектов согласно требованиям государственного заказа на научно-исследовательские работы по исследованию жизни и наследия Абу Райхона Беруни.

7. Агентству по делам молодежи совместно с заинтересованными министерствами и ведомствами в срок до декабря 2022 года разработать и реализовать специальную программу «Беруни и молодежь». При этом создать и широко популяризировать среди молодежи мобильное приложение, включающее сведения о жизни Абу Райхона Беруни, его научно-просветительские произведения.

8. Республиканскому центру духовности и просветительства, Академии наук, Министерству высшего и среднего специального образования:

а) совместно с Министерством культуры, Советом Министров Республики Каракалпакстан, хокимиятами Хорезмской области и города Ташкента, соответствующими министерствами и ведомствами в сроки, устанавливаемые Организационным комитетом:

организовать в Республике Каракалпакстан и Хорезмской области международные научно-практические конференции и научно-просветительские мероприятия, посвященные жизни и деятельности Абу Райхона Беруни, его огромному вкладу в развитие мировой цивилизации;

провести в городе Ташкенте международный форум, посвященный 1050-летию Абу Райхона Беруни;

б) принять меры по поэтапному изданию серии полного собрания произведений Абу Райхона Беруни на основе сбора всех произведений ученого на узбекском, каракалпакском, русском, английском, арабском языках и фарси за счет средств целевого Фонда поддержки духовности и творчества.

9. Министерству культуры создать в 2023 году новые спектакли на основе жизни и научно-просветительской деятельности Абу Райхона Беруни, а также организовать их показ в театрах республики.

10. Агентству кинематографии принять меры по созданию в 2022-2023 годах художественных, мультипликационных и полнометражных документальных фильмов, телесериалов, посвященных жизни и научно-просветительской деятельности Абу Райхона Беруни, и их широкому показу также в зарубежных странах.

11. Академии художеств и Ассоциации «Хунарманд» организовать в 2022-2023 годах по республике выставки произведений изобразительного искусства, миниатюры, образцов народного прикладного искусства и фотографий, посвященных жизни и научно-просветительской деятельности Абу Райхона Беруни.

12. Совету Министров Республики Каракалпакстан, хокимиятам областей и города Ташкента, Республиканскому центру духовности и просветительства, Академии наук, Министерству культуры, Министерству народного образования, Министерству высшего и среднего специального образования, Министерству дошкольного образования, Агентству Президентских образовательных учреждений, Агентству по делам молодежи, а также другим министерствам, ведомствам и организациям принять меры по организации мероприятий, направленных на широкую пропаганду жизни и научно-просветительской деятельности Абу Райхона Беруни, его огромного вклада в развитие мировой цивилизации среди населения, особенно молодежи, в том числе в образовательных организациях и трудовых коллективах.

13. Рекомендовать Национальному информационному агентству Узбекистана, Национальной телерадиокомпании Узбекистана, Национальной медиа-ассоциации Узбекистана и другим средствам массовой информации широко освещать мероприятия по случаю празднования 1050-летия Абу Райхона Беруни, созданию специальных передач и вещаний, учебно-просветительских фильмов на основе научно-просветительского наследия ученого.

14. Определить источниками финансирования мероприятий, предусмотренных настоящим постановлением, средства, выделенные за счет Государственного бюджета, собственные средства организаторов и иные источники, не запрещенные актами законодательства.

15. Контроль за исполнением настоящего постановления возложить на Премьер-министра Республики Узбекистан А.Н. Арипова и советника Президента Республики Узбекистан А.А. Абдувахитова.

ПРИЛОЖЕНИЕ к постановлению Президента Республики Узбекистан от 25 августа 2022 года № ПП-361

Организационного комитета по празднованию 1050-летия Абу Райхона Беруни

1. А.Н. Арипов — Премьер-министр Республики Узбекистан, председатель Организационного комитета 2. А.А. Абдувахитов — советник Президента Республики Узбекистан, заместитель председателя Организационного комитета 3. Х.М. Султонов — советник Президента Республики Узбекистан 4. Г.О. Умерова — исполнительный директор Фонда развития культуры и искусства, заместитель председателя Организационного комитета 5. К.Р. Сариев — Председатель Совета Министров Республики Каракалпакстан 6. Ж.А. Артыкходжаев — хоким города Ташкента 7. Ф.У. Эрманов — хоким Хорезмской области 8. О.А. Назарбеков — министр культуры 9. Т.А. Ишметов — министр финансов 10. В.И. Норов — исполняющий обязанности министра иностранных дел 11. А.Х. Тошкулов — министр высшего и среднего специального образования 12. Б.С. Абдухалимов — вице-президент Академии наук 13. Ш. Миноваров — директор Центра исламской цивилизации в Узбекистане 14. Ш. Зиёдов — директор Международного научно-исследовательского центра Имама Бухари 15. М.М. Хожиматов — руководитель Республиканского центра духовности и просветительства 16. С.С. Саидов — председатель Союза писателей Узбекистана 17. А.Ж. Хаджаев — председатель Национальной телерадиокомпании Узбекистана 18. У.Р. Шодиев — постоянный представитель Республики Узбекистан при ЮНЕСКО 19. С. Ношади — представитель ЮНЕСКО в Узбекистане (по согласованию) 20. З.М. Машрабов — председатель Международного общественного фонда имени Бабура 21. И.И. Абдуллаев — председатель Хорезмской академии Маъмуна 22. С.С. Шукуров — заведующий департаментом Кабинета Министров, секретарь Организационного комитета

Президент Республики Узбекистан Ш. МИРЗИЁЕВ

г. Ташкент,

25 августа 2022 г.,

№ ПП-361

(Национальная база данных законодательства, 25.08.2022 г., №07/22/361/0771, ст. 1)

lex.uz