📅 2022-yil 25-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 25 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 25 августа 2022 г. · Постановления Президента
Официальный текст. Официальный документ. Редакционные примечания не включены.
📅 25 August 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Ўзбекистон Республикаси Президентининг айрим қарорларига Ўзбекистон Республикаси Қуролли Кучлари ҳарбий хизматчилари, ҳарбий хизматдан резервга (истеъфога) бўшатилган (чиқарилган) фуқаролар ва уларнинг оила аъзоларини уй-жой билан таъминлаш тартибини такомиллаштиришга қаратилган ўзгартиришлар ва қўшимча киритиш тўғрисида
Мамлакатимизда амалга оширилаётган ислоҳотларнинг туб мазмунини «Инсон қадри учун» деган эзгу ғоя ташкил этади. Сўнгги йилларда ҳарбий хизмат жозибадорлигини ошириш, ёшларни ватанпарварлик руҳида тарбиялаш, ҳақиқий ҳарбий хизмат ўташ учун муносиб ва хавфсиз шарт-шароитларини яратиш, Ўзбекистон Республикаси Қуролли Кучлари ҳарбий хизматчиларининг қонуний манфаатларини таъминлашнинг ҳуқуқий кафолатларини мустаҳкамлаш соҳасида кенг кўламли ишлар амалга оширилди.
Шу билан бирга, бугунги кунда ҳарбий хизматнинг жозибадорлиги ва Ўзбекистон Республикаси Қуролли Кучлари ҳарбий хизматчиларининг ижтимоий ҳимояси кафолатларини таъминлаш борасида айрим муаммолар сақланиб қолмоқда.
Ўзбекистон Республикаси Қуролли Кучлари ҳарбий хизматчилари, ҳарбий хизматдан резервга (истеъфога) бўшатилган (чиқарилган) фуқаролар ва уларнинг оила аъзолари ижтимоий таъминоти масалаларини оқилона ҳал этишга қаратилган тадбирлар кўламини кенгайтириш, шунингдек, уларни уй-жой билан таъминлаш тартибини янада такомиллаштириш ҳамда айрим норматив-ҳуқуқий ҳужжатлардаги бир-бирини такрорловчи, ўхшаш нормаларни бартараф этиш мақсадида:
1. Ўзбекистон Республикаси Президентининг иловага мувофиқ айрим қарорларига қуйидагиларни назарда тутувчи ўзгартиришлар ва қўшимча киритилсин:
ҳарбий хизмат мажбуриятларини бажариш вақтида орттирилган касаллик ёки олинган жароҳати туфайли ҳарбий хизматни ўташга яроқсиз деб топилиб, резервга (истеъфога) бўшатилган (чиқарилган) Ўзбекистон Республикаси Қуролли Кучлари ҳарбий хизматчиларини (кейинги ўринларда — ҳарбий хизматчилар), шунингдек, ҳалок бўлган (вафот этган) ҳарбий хизматчиларнинг, уларнинг хизмат муддатидан қатъи назар, оила аъзоларини уй-жой билан таъминлаш;
ҳарбий хизматчилар бошқа вазирлик ва идоралар тизимига ҳақиқий ҳарбий хизматни ўташ учун ўтказилганда, уларга берилган хизмат хонадонларини ҳам тегишли вазирлик ва идоралар тасарруфига ўтказиш;
ҳарбий хизматчиларга ажратиладиган уй-жой майдонининг ижтимоий нормасини аниқлашда уларнинг оила аъзолари билан бир қаторда қарамоғига олинган шахслар тоифасига аниқлик киритиш;
умумий ҳарбий хизмат муддати 20 (йигирма) йил бўлган ҳарбий хизматни ўтаб резервга бўшатилган фуқароларни давлат ҳисобидан тураржой билан таъминлаш, шу билан бирга уларнинг олий таълим муассасаларида ўқиш даври ҳамда давлат органлари ва ташкилотларидаги меҳнат фаолияти йилларини ҳақиқий ҳарбий хизмат йиллари даврига қўшиб ҳисоблаш.
2. Белгилансинки, ушбу қарорда назарда тутилган чора-тадбирларни амалга ошириш билан боғлиқ харажатлар Ўзбекистон Республикаси Қуролли Кучлари таркибига кирувчи вазирлик ва идораларга ҳар йили ажратиладиган бюджет маблағлари, бюджетдан ташқари маблағлар ва қонунчилик ҳужжатлари билан тақиқланмаган бошқа манбалар ҳисобидан амалга оширилади.
3. Мудофаа вазирлиги Ички ишлар вазирлиги, Фавқулодда вазиятлар вазирлиги, Давлат хавфсизлик хизмати, Миллий гвардия, Ўзбекистон Республикаси Президенти Давлат хавфсизлик хизмати ҳамда бошқа манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
4. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.
Ўзбекистон Республикаси Президентининг 2022 йил 25 августдаги ПҚ-362-сон қарорига ИЛОВА
Ўзбекистон Республикаси Президентининг айрим қарорларига киритилаётган ўзгартиришлар ва қўшимча
1. Ўзбекистон Республикаси Президентининг 2007 йил 14 сентябрдаги ПҚ-694-сон қарори билан тасдиқланган Ўзбекистон Республикаси Қуролли Кучлари ҳарбий хизматчиларини уй-жой билан таъминлаш тартиби тўғрисидаги низомда :
а) 3-бандда :
қуйидаги мазмундаги иккинчи — еттинчи хатбошилар билан тўлдирилсин:
«Уй-жой майдонининг ижтимоий нормасини аниқлашда ҳарбий хизматчининг оиласи таркибига эри (хотини), болалари ҳамда унинг қарамоғидаги шахслар киритилади. Бунда, қуйидаги тоифадаги қарамоқдаги шахслар ҳисобга олинади:
меҳнатга яроқсиз, шу жумладан I ва II гуруҳ ногиронлиги бўлган ота-оналар;
I ва II гуруҳ ногиронлиги бўлган ака-ука ва опа-сингиллар;
фарзандликка олинган шахслар;
оилага тарбияга олинган болалар (патронат);
васийликдаги ёки ҳомийликдаги шахслар»;
иккинчи ва учинчи хатбошилар тегишлича саккизинчи ва тўққизинчи хатбошилар деб ҳисоблансин;
б) 4-банд қуйидаги таҳрирда баён этилсин:
«4. Уй-жойга муҳтож бўлган қуйидаги тоифадаги ҳарбий хизматчиларга ҳамда уларнинг оила аъзоларига уй-жой қонунчилигида назарда тутилган меъёрлар ҳамда тартибга кўра тегишли вазирлик ва идоралар томонидан квартиралар мулк қилиб берилади:
а) ҳарбий хизматнинг умумий давомийлиги йигирма йил ва ундан ортиқ бўлган ҳарбий хизматчилар. Бунда, уларнинг олий таълим муассасаларидаги ўқиш муддатлари ҳамда давлат органлари ва бошқа ташкилотлардаги олдинги иш жойлари бўйича меҳнат стажи ҳақиқий ҳарбий хизмат муддатига қўшиб ҳисобланади.
б) ўн ва ундан ортиқ календарь йил хизмат қилган ва қуйидагиларга кўра ҳарбий хизматдан бўшатилиши лозим бўлган (бўшатилган) ҳарбий хизматчилар:
ҳарбий хизматда бўлишнинг белгиланган ёш чегарасига етганида;
штатларнинг қисқартирилиши ёки бошқа ташкилий-штат тадбирлари муносабати билан;
в) хизмат муддатидан қатъи назар ҳарбий хизмат мажбуриятларини бажариш вақтида орттирилган касаллик ёки майиблик (яраланиш, жароҳат олиш) туфайли соғлиғининг ҳолатига кўра ҳарбий хизматдан бўшатилган ҳарбий хизматчилар;
г) хизмат муддатидан қатъи назар ҳалок бўлган (вафот этган) ҳарбий хизматчиларнинг оиласи:
Ушбу банднинг «а», «б», «в» ва «г» кичик бандларида кўрсатиб ўтилган шахслар, шунингдек, хизмат квартираларида яшаётган ҳақиқий ҳарбий хизматни ўтаётган (резервга, истеъфога бўшатилган) контракт бўйича ҳарбий хизматчилар ҳарбий хизматининг умумий давомийлиги ўн ва ундан ортиқ календарь йилига етганда ўзлари эгаллаб турган хизмат квартираларини бепул мулк қилиб олиш ҳуқуқига эгадирлар, ёпиқ ҳарбий шаҳарчалардаги хизмат квартиралари бундан мустасно. Ёпиқ ҳарбий шаҳарчалар ҳудудида яшовчи ҳарбий хизматчиларга ёпиқ ҳарбий шаҳарчалар доирасидан ташқарида квартиралар мулк қилиб берилади.
Ушбу бандда кўрсатилмаган ҳарбий хизматчилар ҳарбий хизматдан бўшатилганда қонунчиликда белгиланган тартибда хизмат квартираларини бўшатадилар»;
в) 15-банд қуйидаги таҳрирда баён этилсин:
«15. Қуйидагилар тегишли вазирлик ва идораларнинг квартиралардан фойдаланиш органлари томонидан уй-жой майдони олиш ёки яшаш шароитларини яхшилашга муҳтож бўлганлар рўйхатига киритилади:
а) ҳақиқий ҳарбий хизматга кирган контракт бўйича ҳарбий хизматчилар тегишлича марказий тураржой комиссияси, ҳарбий қисмларнинг ёки муассасаларнинг тураржой комиссияларига билдирги топширган кундан бошлаб;
б) ўн ва ундан ортиқ календарь йил хизмат қилган ва қуйидагиларга кўра ҳарбий хизматдан бўшатилиши лозим бўлган (бўшатилган) ҳарбий хизматчилар:
ҳарбий хизматда бўлишнинг белгиланган ёш чегарасига етганида;
штатларнинг қисқартирилиши ёки бошқа ташкилий-штат тадбирлари муносабати билан;
в) хизмат муддатидан қатъи назар ҳарбий хизмат мажбуриятларини бажариш вақтида орттирилган касаллик ёки майиблик (яраланиш, жароҳат олиш) туфайли соғлиғининг ҳолатига кўра ҳарбий хизматдан бўшатилган ҳарбий хизматчилар;
г) хизмат муддатидан қатъи назар ҳалок бўлган (вафот этган) ҳарбий хизматчиларнинг оиласи;
д) ҳарбий хизматнинг умумий давомийлиги йигирма йил ва ундан ортиқ бўлган ҳарбий хизматчилар»;
г) 24-банд қуйидаги таҳрирда баён этилсин:
«24. Ҳарбий хизматчилар бошқа вазирлик ва идораларга хизмат ўташ учун ўтказилганда, тегишли вазирлик ва идоралар томонидан уларга ажратилган хизмат квартираси (ёпиқ ҳарбий шаҳарчалардаги хизмат квартиралари бундан мустасно) ҳарбий хизматчи ўтказилган вазирлик ва идора уй-жой фондига ўтказилади.
Хизмат квартираларини ўтказиш ва қабул қилиб олиш тегишли вазирликлар ва идоралар раҳбарларининг буйруғи билан расмийлаштирилади».
2. Ўзбекистон Республикаси Президентининг 2019 йил 12 сентябрдаги ПҚ-4447-сон қарори билан тасдиқланган Ўзбекистон Республикаси фуқароларининг ҳарбий хизматни ўташ тартиби тўғрисидаги низомнинг 190-банди қуйидаги таҳрирда баён этилсин:
«190. Вазирлик томонидан уй-жой билан таъминланмаган контракт бўйича ҳарбий хизматчиларга уларнинг аризасига биноан тақдим қилинаётган уй-жойнинг ҳисобланган қийматининг 25 фоизи миқдоридаги дастлабки бадал пулини Давлат бюджети маблағлари ёки қонунчиликда тақиқланмаган бошқа манбалар ҳисобидан тўлаш йўли билан узоқ муддатли имтиёзли ипотека кредити бериш тизими бўйича тураржойлар берилиши мумкин».
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 25 август,
ПҚ-362-сон
Oʻzbekiston Respublikasi Prezidentining
qarori
Oʻzbekiston Respublikasi Prezidentining ayrim qarorlariga Oʻzbekiston Respublikasi Qurolli Kuchlari harbiy xizmatchilari, harbiy xizmatdan rezervga (isteʼfoga) boʻshatilgan (chiqarilgan) fuqarolar va ularning oila aʼzolarini uy-joy bilan taʼminlash tartibini takomillashtirishga qaratilgan oʻzgartirishlar va qoʻshimcha kiritish toʻgʻrisida
Mamlakatimizda amalga oshirilayotgan islohotlarning tub mazmunini “Inson qadri uchun” degan ezgu gʻoya tashkil etadi. Soʻnggi yillarda harbiy xizmat jozibadorligini oshirish, yoshlarni vatanparvarlik ruhida tarbiyalash, haqiqiy harbiy xizmat oʻtash uchun munosib va xavfsiz shart-sharoitlarini yaratish, Oʻzbekiston Respublikasi Qurolli Kuchlari harbiy xizmatchilarining qonuniy manfaatlarini taʼminlashning huquqiy kafolatlarini mustahkamlash sohasida keng koʻlamli ishlar amalga oshirildi.
Shu bilan birga, bugungi kunda harbiy xizmatning jozibadorligi va Oʻzbekiston Respublikasi Qurolli Kuchlari harbiy xizmatchilarining ijtimoiy himoyasi kafolatlarini taʼminlash borasida ayrim muammolar saqlanib qolmoqda.
Oʻzbekiston Respublikasi Qurolli Kuchlari harbiy xizmatchilari, harbiy xizmatdan rezervga (isteʼfoga) boʻshatilgan (chiqarilgan) fuqarolar va ularning oila aʼzolari ijtimoiy taʼminoti masalalarini oqilona hal etishga qaratilgan tadbirlar koʻlamini kengaytirish, shuningdek, ularni uy-joy bilan taʼminlash tartibini yanada takomillashtirish hamda ayrim normativ-huquqiy hujjatlardagi bir-birini takrorlovchi, oʻxshash normalarni bartaraf etish maqsadida:
1. Oʻzbekiston Respublikasi Prezidentining ilovaga muvofiq ayrim qarorlariga quyidagilarni nazarda tutuvchi oʻzgartirishlar va qoʻshimcha kiritilsin:
harbiy xizmat majburiyatlarini bajarish vaqtida orttirilgan kasallik yoki olingan jarohati tufayli harbiy xizmatni oʻtashga yaroqsiz deb topilib, rezervga (isteʼfoga) boʻshatilgan (chiqarilgan) Oʻzbekiston Respublikasi Qurolli Kuchlari harbiy xizmatchilarini (keyingi oʻrinlarda — harbiy xizmatchilar), shuningdek, halok boʻlgan (vafot etgan) harbiy xizmatchilarning, ularning xizmat muddatidan qatʼi nazar, oila aʼzolarini uy-joy bilan taʼminlash;
harbiy xizmatchilar boshqa vazirlik va idoralar tizimiga haqiqiy harbiy xizmatni oʻtash uchun oʻtkazilganda, ularga berilgan xizmat xonadonlarini ham tegishli vazirlik va idoralar tasarrufiga oʻtkazish;
harbiy xizmatchilarga ajratiladigan uy-joy maydonining ijtimoiy normasini aniqlashda ularning oila aʼzolari bilan bir qatorda qaramogʻiga olingan shaxslar toifasiga aniqlik kiritish;
umumiy harbiy xizmat muddati 20 (yigirma) yil boʻlgan harbiy xizmatni oʻtab rezervga boʻshatilgan fuqarolarni davlat hisobidan turarjoy bilan taʼminlash, shu bilan birga ularning oliy taʼlim muassasalarida oʻqish davri hamda davlat organlari va tashkilotlaridagi mehnat faoliyati yillarini haqiqiy harbiy xizmat yillari davriga qoʻshib hisoblash.
2. Belgilansinki, ushbu qarorda nazarda tutilgan chora-tadbirlarni amalga oshirish bilan bogʻliq xarajatlar Oʻzbekiston Respublikasi Qurolli Kuchlari tarkibiga kiruvchi vazirlik va idoralarga har yili ajratiladigan budjet mablagʻlari, budjetdan tashqari mablagʻlar va qonunchilik hujjatlari bilan taqiqlanmagan boshqa manbalar hisobidan amalga oshiriladi.
3. Mudofaa vazirligi Ichki ishlar vazirligi, Favqulodda vaziyatlar vazirligi, Davlat xavfsizlik xizmati, Milliy gvardiya, Oʻzbekiston Respublikasi Prezidenti Davlat xavfsizlik xizmati hamda boshqa manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
4. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.
Oʻzbekiston Respublikasi Prezidentining 2022-yil 25-avgustdagi PQ-362-son qaroriga ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirishlar va qoʻshimcha
1. Oʻzbekiston Respublikasi Prezidentining 2007-yil 14-sentabrdagi PQ-694-son qarori bilan tasdiqlangan Oʻzbekiston Respublikasi Qurolli Kuchlari harbiy xizmatchilarini uy-joy bilan taʼminlash tartibi toʻgʻrisidagi nizomda :
a) 3-bandda :
quyidagi mazmundagi ikkinchi — yettinchi xatboshilar bilan toʻldirilsin:
“Uy-joy maydonining ijtimoiy normasini aniqlashda harbiy xizmatchining oilasi tarkibiga eri (xotini), bolalari hamda uning qaramogʻidagi shaxslar kiritiladi. Bunda, quyidagi toifadagi qaramoqdagi shaxslar hisobga olinadi:
mehnatga yaroqsiz, shu jumladan I va II guruh nogironligi boʻlgan ota-onalar;
I va II guruh nogironligi boʻlgan aka-uka va opa-singillar;
farzandlikka olingan shaxslar;
oilaga tarbiyaga olingan bolalar (patronat);
vasiylikdagi yoki homiylikdagi shaxslar”;
ikkinchi va uchinchi xatboshilar tegishlicha sakkizinchi va toʻqqizinchi xatboshilar deb hisoblansin;
b) 4-band quyidagi tahrirda bayon etilsin:
“4. Uy-joyga muhtoj boʻlgan quyidagi toifadagi harbiy xizmatchilarga hamda ularning oila aʼzolariga uy-joy qonunchiligida nazarda tutilgan meʼyorlar hamda tartibga koʻra tegishli vazirlik va idoralar tomonidan kvartiralar mulk qilib beriladi:
a) harbiy xizmatning umumiy davomiyligi yigirma yil va undan ortiq boʻlgan harbiy xizmatchilar. Bunda, ularning oliy taʼlim muassasalaridagi oʻqish muddatlari hamda davlat organlari va boshqa tashkilotlardagi oldingi ish joylari boʻyicha mehnat staji haqiqiy harbiy xizmat muddatiga qoʻshib hisoblanadi.
b) oʻn va undan ortiq kalendar yil xizmat qilgan va quyidagilarga koʻra harbiy xizmatdan boʻshatilishi lozim boʻlgan (boʻshatilgan) harbiy xizmatchilar:
harbiy xizmatda boʻlishning belgilangan yosh chegarasiga yetganida;
shtatlarning qisqartirilishi yoki boshqa tashkiliy-shtat tadbirlari munosabati bilan;
v) xizmat muddatidan qatʼi nazar harbiy xizmat majburiyatlarini bajarish vaqtida orttirilgan kasallik yoki mayiblik (yaralanish, jarohat olish) tufayli sogʻligʻining holatiga koʻra harbiy xizmatdan boʻshatilgan harbiy xizmatchilar;
g) xizmat muddatidan qatʼi nazar halok boʻlgan (vafot etgan) harbiy xizmatchilarning oilasi:
Ushbu bandning “a”, “b”, “v” va “g” kichik bandlarida koʻrsatib oʻtilgan shaxslar, shuningdek, xizmat kvartiralarida yashayotgan haqiqiy harbiy xizmatni oʻtayotgan (rezervga, isteʼfoga boʻshatilgan) kontrakt boʻyicha harbiy xizmatchilar harbiy xizmatining umumiy davomiyligi oʻn va undan ortiq kalendar yiliga yetganda oʻzlari egallab turgan xizmat kvartiralarini bepul mulk qilib olish huquqiga egadirlar, yopiq harbiy shaharchalardagi xizmat kvartiralari bundan mustasno. Yopiq harbiy shaharchalar hududida yashovchi harbiy xizmatchilarga yopiq harbiy shaharchalar doirasidan tashqarida kvartiralar mulk qilib beriladi.
Ushbu bandda koʻrsatilmagan harbiy xizmatchilar harbiy xizmatdan boʻshatilganda qonunchilikda belgilangan tartibda xizmat kvartiralarini boʻshatadilar”;
v) 15-band quyidagi tahrirda bayon etilsin:
“15. Quyidagilar tegishli vazirlik va idoralarning kvartiralardan foydalanish organlari tomonidan uy-joy maydoni olish yoki yashash sharoitlarini yaxshilashga muhtoj boʻlganlar roʻyxatiga kiritiladi:
a) haqiqiy harbiy xizmatga kirgan kontrakt boʻyicha harbiy xizmatchilar tegishlicha markaziy turarjoy komissiyasi, harbiy qismlarning yoki muassasalarning turarjoy komissiyalariga bildirgi topshirgan kundan boshlab;
b) oʻn va undan ortiq kalendar yil xizmat qilgan va quyidagilarga koʻra harbiy xizmatdan boʻshatilishi lozim boʻlgan (boʻshatilgan) harbiy xizmatchilar:
harbiy xizmatda boʻlishning belgilangan yosh chegarasiga yetganida;
shtatlarning qisqartirilishi yoki boshqa tashkiliy-shtat tadbirlari munosabati bilan;
v) xizmat muddatidan qatʼi nazar harbiy xizmat majburiyatlarini bajarish vaqtida orttirilgan kasallik yoki mayiblik (yaralanish, jarohat olish) tufayli sogʻligʻining holatiga koʻra harbiy xizmatdan boʻshatilgan harbiy xizmatchilar;
g) xizmat muddatidan qatʼi nazar halok boʻlgan (vafot etgan) harbiy xizmatchilarning oilasi;
d) harbiy xizmatning umumiy davomiyligi yigirma yil va undan ortiq boʻlgan harbiy xizmatchilar”;
g) 24-band quyidagi tahrirda bayon etilsin:
“24. Harbiy xizmatchilar boshqa vazirlik va idoralarga xizmat oʻtash uchun oʻtkazilganda, tegishli vazirlik va idoralar tomonidan ularga ajratilgan xizmat kvartirasi (yopiq harbiy shaharchalardagi xizmat kvartiralari bundan mustasno) harbiy xizmatchi oʻtkazilgan vazirlik va idora uy-joy fondiga oʻtkaziladi.
Xizmat kvartiralarini oʻtkazish va qabul qilib olish tegishli vazirliklar va idoralar rahbarlarining buyrugʻi bilan rasmiylashtiriladi”.
2. Oʻzbekiston Respublikasi Prezidentining 2019-yil 12-sentabrdagi PQ-4447-son qarori bilan tasdiqlangan Oʻzbekiston Respublikasi fuqarolarining harbiy xizmatni oʻtash tartibi toʻgʻrisidagi nizomning 190-bandi quyidagi tahrirda bayon etilsin:
“190. Vazirlik tomonidan uy-joy bilan taʼminlanmagan kontrakt boʻyicha harbiy xizmatchilarga ularning arizasiga binoan taqdim qilinayotgan uy-joyning hisoblangan qiymatining 25 foizi miqdoridagi dastlabki badal pulini Davlat budjeti mablagʻlari yoki qonunchilikda taqiqlanmagan boshqa manbalar hisobidan toʻlash yoʻli bilan uzoq muddatli imtiyozli ipoteka krediti berish tizimi boʻyicha turarjoylar berilishi mumkin”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 25-avgust,
PQ-362-son
Президента Республики Узбекистан
Постановление
О внесении изменений и дополнений в некоторые постановления Президента Республики Узбекистан, направленных на совершенствование порядка обеспечения жильем военнослужащих Вооруженных Сил Республики Узбекистан, граждан, уволенных с военной службы в резерв (отставку), и членов их семей
Благородная идея «Во имя чести и достоинства человека» составляет коренное содержание реформ, осуществляемых в нашей стране. В последние годы проведена широкомасштабная работа по повышению привлекательности военной службы, воспитанию молодежи в духе патриотизма, созданию достойных и безопасных условий для прохождения действительной военной службы, укреплению правовых гарантий обеспечения законных интересов военнослужащих Вооруженных Сил Республики Узбекистан.
Наряду с этим сегодня в повышении привлекательности военной службы и обеспечении гарантий социальной защиты военнослужащих Вооруженных Сил Республики Узбекистан сохраняются отдельные проблемы.
В целях расширения масштаба мероприятий, направленных на оптимальное разрешение вопросов социального обеспечения военнослужащих Вооруженных Сил Республики Узбекистан, граждан, уволенных с военной службы в резерв (отставку), и членов их семей, дальнейшее совершенствование порядка обеспечения их жильем, а также устранения дублирующих друг друга, аналогичных норм в отдельных нормативно-правовых актах:
1. Внести изменения и дополнения в некоторые постановления Президента Республики Узбекистан согласно приложению , предусматривающие:
обеспечение жильем военнослужащих Вооруженных Сил Республики Узбекистан (далее — военнослужащие), признанных негодными к военной службе вследствие приобретенного заболевания или полученного увечья при исполнении служебных обязанностей и уволенных в резерв (отставку), а также членов семей военнослужащих, погибших (умерших) при исполнении служебных обязанностей, независимо от срока их службы;
передачу при переводе военнослужащих в систему других министерств и ведомств для прохождения действительной военной службы также предоставленного им служебного жилья в ведение соответствующих министерств и ведомств;
внесение уточнений в категорию лиц, взятых на иждивение, наряду с членами семьи военнослужащих при определении социальной нормы площади выделяемого им жилья;
обеспечение жильем граждан, имеющих срок общей военной службы 20 (двадцать) лет и уволенных в резерв, за счет государства, наряду с этим включение периода обучения в высших образовательных учреждениях и срока их трудовой деятельности в государственных органах и организациях в годы действительной военной службы.
2. Установить, что расходы, связанные с осуществлением мер, предусмотренных настоящим постановлением, производятся за счет бюджетных средств, ежегодно выделяемых министерствам и ведомствам, входящим в состав Вооруженных Сил Республики Узбекистан, внебюджетных средств и иных источников, не запрещенных актами законодательства.
3. Министерству обороны совместно с Министерством внутренних дел, Министерством по чрезвычайным ситуациям, Службой государственной безопасности, Национальной гвардией, Государственной службой безопасности Президента Республики Узбекистан, а также иными заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
4. Контроль за исполнением настоящего постановления возложить на Премьер-министра Республики Узбекистан А.Н. Арипова и секретаря Совета безопасности при Президенте Республики Узбекистан В.В. Махмудова.
ПРИЛОЖЕНИЕ к постановлению Президента Республики Узбекистан от 25 августа 2022 года № ПП-362
Изменения и дополнение, вносимые в некоторые постановления Президента Республики Узбекистан
1. В Положении о порядке обеспечения жильем военнослужащих Вооруженных Сил Республики Узбекистан, утвержденном постановлением Президента Республики Узбекистан от 14 сентября 2007 года № ПП-694:
а) в пункте 3 :
дополнить абзацами вторым — седьмым следующего содержания:
«При определении социальной нормы площади жилья в состав семьи военнослужащего включаются супруг (супруга), дети, а также лица, состоящие на его иждивении. При этом на учет берется следующая категория иждивенцев:
нетрудоспособные родители, в том числе с инвалидностью I и II группы;
братья и сестры с инвалидностью I и II группы;
усыновленные (удочеренные) лица;
дети, принятые на воспитание в семью (патронат);
лица, находящиеся под опекой или попечительством»;
абзацы второй и третий считать соответственно абзацами восьмым и девятым;
б) пункт 4 изложить в следующей редакции:
«4. Следующим категориям военнослужащих, нуждающимся в жилье, а также членам их семей предоставляются в собственность квартиры со стороны соответствующих министерств и ведомств по нормам и в порядке, предусмотренном жилищным законодательством:
а) военнослужащим, у которых общая продолжительность военной службы составляет двадцать и более лет. При этом в срок действительной военной службы засчитываются периоды их обучения в высших образовательных учреждениях и трудовой стаж по прежним местам работы в государственных органах и других организациях;
б) военнослужащим, прослужившим десять и более календарных лет, подлежащим увольнению (уволенным) с военной службы:
по достижении предельного возраста пребывания на военной службе;
по сокращению штатов или в связи с другими организационно-штатными мероприятиями;
в) военнослужащим, уволенным с военной службы по состоянию здоровья, в связи с заболеванием или увечьем (ранением, травмой), полученным при исполнении обязанностей военной службы, вне зависимости от срока службы;
г) семьям погибших (умерших) военнослужащих вне зависимости от срока службы.
Лица, указанные в подпунктах «а», «б», «в» и «г» настоящего пункта, а также военнослужащие по контракту, проходящие действительную военную службу (уволенные в резерв, отставку), по достижении продолжительности военной службы десять и более календарных лет, проживающие в служебных квартирах, имеют право безвозмездно получать в собственность занимаемые ими квартиры, за исключением служебных квартир в закрытых военных городках. Военнослужащим, проживающим на территории закрытых военных городков, предоставляются в собственность квартиры за пределами закрытых военных городков.
Военнослужащие, не указанные в настоящем пункте, при увольнении с военной службы освобождают служебные квартиры в порядке, установленном законодательством»;
в) пункт 15 изложить в следующей редакции:
«15. Квартирно-эксплуатационными органами соответствующих министерств и ведомств в списки нуждающихся в получении жилой площади или улучшении жилищных условий включаются:
а) военнослужащие по контракту, поступившие на действительную военную службу, со дня подачи рапорта в центральную жилищную комиссию, жилищную комиссию воинской части или учреждения соответственно;
б) военнослужащие, прослужившие десять и более календарных лет, подлежащие увольнению (уволенные) с военной службы:
по достижении предельного возраста пребывания на военной службе;
по сокращению штатов или в связи с другими организационно-штатными мероприятиями;
в) военнослужащие, уволенные с военной службы по состоянию здоровья, в связи с заболеванием или увечьем (ранением, травмой), полученным при исполнении обязанностей военной службы, вне зависимости от срока службы;
г) семьи погибших (умерших) военнослужащих вне зависимости от срока службы;
д) военнослужащие, у которых общая продолжительность военной службы составляет двадцать и более лет»;
г) пункт 24 изложить в следующей редакции:
«24. При переводе военнослужащих в другие министерства и ведомства для прохождения службы выделенная им служебная квартира соответствующими министерствами и ведомствами (за исключением квартир, расположенных в закрытых военных городках) передается в жилой фонд того министерства и ведомства, в которое переведен военнослужащий.
Передача и прием служебных квартир оформляется приказами руководителей соответствующих министерств и ведомств».
2. Пункт 190 Положения о порядке прохождения военной службы гражданами Республики Узбекистан, утвержденного постановлением Президента Республики Узбекистан от 12 сентября 2019 года № ПП-4447, изложить в следующей редакции:
«190. Военнослужащим по контракту, не обеспеченным жильем со стороны министерства, по их заявлению могут быть предоставлены жилые помещения по системе долгосрочного льготного ипотечного кредитования путем оплаты первоначального взноса в размере 25 процентов расчетной стоимости жилья за счет средств Государственного бюджета или иных источников, не запрещенных законодательством».
Президент Республики Узбекистан Ш. МИРЗИЁЕВ
г. Ташкент,
25 августа 2022 г.,
№ ПП-362