📅 2022-yil 30-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 30 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 30 августа 2022 г. · Постановления Президента
Официальный текст. Официальный документ. Редакционные примечания не включены.
📅 30 August 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ижтимоий қўллаб-қувватлаш марказлари ва «Ғамхўрлик» марказлари фаолиятини ривожлантиришга доир қўшимча чора-тадбирлар тўғрисида
Сўнгги йилларда мамлакатимизда «Инсон қадри учун» тамойили асосида Ижтимоий қўллаб-қувватлаш марказлари ва «Ғамхўрлик» марказларида васийликка олинган шахсларни қўллаб-қувватлаш тизимини янада такомиллаштириш, уларнинг жамиятдаги ўрнини мустаҳкамлаш юзасидан зарур чора-тадбирлар амалга ошириб келинмоқда.
Ижтимоий қўллаб-қувватлаш марказлари ва «Ғамхўрлик» марказларида истиқомат қилаётган болалар, кексалар ва ногиронлиги бўлган шахсларга тиббий-ижтимоий ва маиший хизматлар кўрсатишнинг янгиланган тизимини жорий этиш орқали уларни давлат томонидан қўллаб-қувватлаш чораларини янада кучайтириш мақсадида:
4. Ўзбекистон Республикаси Президенти ҳузуридаги Ижтимоий ҳимоя миллий агентлиги:
а) 2023-2024 йилларда Иқтисодиёт ва молия вазирлиги ҳузуридаги Божхона қўмитаси билан биргаликда Ижтимоий қўллаб-қувватлаш марказлари ва «Мурувват» интернат уйларининг ҳудудида видеокузатув мосламалари ўрнатилишини таъминласин;
в) 2023 йил 1 июнга қадар Соғлиқни сақлаш вазирлиги билан биргаликда руҳий ва жисмоний ривожланишида камчилиги бўлган шахсларнинг замонавий абилитация ва реабилитация муолажаларидан ўтиши учун Ижтимоий қўллаб-қувватлаш марказлари ва «Мурувват» интернат уйлари негизида зарур технологик шароитларни яратсин.
Бунда, амбулатор шароитда даволанаётганлар учун янги педагогик ва инновацион технологияларга асосланган дастурлар жорий этилади ҳамда ота-она ёки васийларга маслаҳат ёрдамлари кўрсатилади;
г) 2022 йил якунига қадар ҳамда келгусида ҳар йили камида бир маротаба Соғлиқни сақлаш вазирлиги билан биргаликда Ижтимоий қўллаб-қувватлаш марказлари ва «Мурувват» интернат уйларида васийликка олинган шахсларни навбатдан ташқари диспансеризациядан ўтказишни ташкил этсин ҳамда натижасига қараб уларга манзилли тиббий-профилактик тадбирларни белгиласин;
д) Спорт вазирлиги билан биргаликда:
тиббий-ижтимоий муассасаларни кексалар ва ногиронлиги бўлган шахсларнинг спорт турлари билан шуғулланиши учун зарур бўладиган спорт асбоб-ускуналари, жиҳозлар ва бошқа инвентарлар билан таъминласин;
Белгилансинки, спорт асбоб-ускуналари, жиҳозлар ва бошқа инвентарлар хариди Спорт вазирлиги ҳузуридаги бюджетдан ташқари Спортни қўллаб-қувватлаш жамғармаси маблағлари ҳисобидан амалга оширилади;
е) Камбағалликни қисқартириш ва бандлик вазирлиги билан биргаликда ҳар чоракда тиббий-ижтимоий муассасаларда васийликка олинган кексаларнинг театр, концерт ва музейларга ташриф буюриши ҳамда таниқли ёзувчи ва адиблар билан маданий ва маърифий тадбирлар ўтказилишини ташкил этсин.
Бунда, маданий ва маърифий тадбирлар Ўзбекистон фахрийларининг ижтимоий фаолиятини қўллаб-қувватлаш «Нуроний» жамғармаси маблағлари ҳисобидан қоплаб борилиши тавсия этилсин.
5. Шундай тартиб ўрнатилсинки, унга мувофиқ 2022 йил 1 сентябрдан бошлаб Иқтисодиёт ва молия вазирлиги ҳузуридаги Божхона қўмитаси раисига божхона органлари томонидан аниқланиб, давлат даромадига ёки давлат эгалигига ўтказилган товар-моддий бойликларни Ўзбекистон Республикаси Президенти ҳузуридаги Ижтимоий ҳимоя миллий агентлигининг асослантирилган сўровларига асосан тиббий-ижтимоий муассасаларга беғараз топшириш ҳуқуқи берилсин.
6. Тиббий-ижтимоий хизматларни ривожлантириш агентлиги ҳамда Наманган вилоят ҳокимлигининг 2022 йилда Наманган вилоятининг Ижтимоий қўллаб-қувватлаш маркази ҳудудида нуронийларнинг бўш вақтини самарали ташкил қилиш мақсадида кундузи пуллик хизмат кўрсатувчи «Кексалар боғи»ни ташкил қилиш тўғрисидаги таклифи маъқуллансин.
Бунда, Наманган вилояти Ижтимоий қўллаб-қувватлаш марказининг ишчи ходимлари томонидан доимий яшовчилари бўлмаган кексаларга кундузги тиббий-ижтимоий ва маиший хизматлар кўрсатилади.
7. Белгилансинки, тиббий-ижтимоий муассасаларда кексалар ва ногиронлиги бўлган шахсларни ижтимоий мослаштириш ва уларга ўз қизиқишларидан келиб чиқиб касб-ҳунар ўргатиш учун ўқув устахоналари ташкил этилади.
Камбағалликни қисқартириш ва бандлик вазирлиги Ижтимоий қўллаб-қувватлаш марказларида, Олий таълим, фан ва инновациялар вазирлиги «Ғамхўрлик» марказларида ҳар йили камида икки маротаба васийликка олинган кексалар ва ногиронлиги бўлган шахслар учун ошпазлик, қандолатчилик, сартарошлик, тикувчилик ва уларнинг қизиқишларидан келиб чиққан ҳолда бошқа мос йўналишлар бўйича қисқа муддатли бепул курсларни ташкил этсин.
8. Савдо-саноат палатасининг «Ижтимоий маҳсулот» электрон сотув платформасини ишлаб чиқиш ва 2023 йилдан бошлаб Қорақалпоғистон Республикаси ва вилоятлар марказлари ҳамда Тошкент шаҳрида Ижтимоий қўллаб-қувватлаш марказлари ва «Ғамхўрлик» марказларида истиқомат қилаётган шахслар томонидан қўл меҳнати билан тайёрланган маҳсулотларнинг кўргазма савдоларини мунтазам равишда ташкил қилиш амалиётини жорий этиш тўғрисидаги таклифи маъқуллансин.
10. Тиббий-ижтимоий хизматларни ривожлантириш агентлиги, Жиззах вилояти ҳокимлиги ҳамда Давлат божхона қўмитасининг Жиззах вилояти, Шароф Рашидов туманида ташкил этилаётган 300 ўринли «Мурувват» ногиронлиги бўлган болалар учун интернат уйини ажратилган маблағ доирасида аёллар интернат уйига мослаштириш бўйича таклифига розилик берилсин.
Жиззах вилояти ҳокимлиги 2022 йил 1 октябрга қадар:
Тиббий-ижтимоий хизматларни ривожлантириш агентлиги билан биргаликда Жиззах вилояти, Шароф Рашидов туманида ташкил этилаётган «Мурувват» аёллар интернат уйини қуриш ишларини якунласин ва тўлиқ фойдаланишга топширилишини таъминласин;
Соғлиқни сақлаш вазирлиги билан биргаликда Жиззах вилояти, Шароф Рашидов туманида ташкил этилаётган «Мурувват» аёллар интернат уйини малакали тиббий ва ижтимоий ходимлар билан тўлдириш чораларини кўрсин.
11. Вазирлар Маҳкамаси (А. Раматов) Иқтисодий тараққиёт ва камбағалликни қисқартириш вазирлиги ҳамда Қурилиш вазирлиги билан биргаликда бир ой муддатда жорий қурилиш ва реконструкция ишлари ўтказиладиган «Саховат» ва «Мурувват» интернат уйларининг рўйхатини тасдиқласин. Бунда, фойдаланишдан чиқарилган «Меҳрибонлик» уйларининг бинолари ва иншоотларида васийликка олинган шахсларга самарали тиббий-ижтимоий хизматларни кўрсатиш таъминлансин.
13. Ўзбекистон Миллий ахборот агентлиги, Ўзбекистон Миллий телерадиокомпанияси ҳамда Ўзбекистон Республикаси Президенти ҳузуридаги Ижтимоий ҳимоя миллий агентлиги билан биргаликда кексалар ва ногиронлиги бўлган шахсларни давлат томонидан қўллаб-қувватлаш тизимини янада такомиллаштириш юзасидан ушбу қарорнинг мазмун-моҳияти босма ва электрон оммавий ахборот воситаларида, шу жумладан Интернет жаҳон ахборот тармоғи орқали аҳоли ўртасида мунтазам, тизимли ва кенг кўламда ёритиб борилишини таъминласин.
14. Тиббий-ижтимоий хизматларни ривожлантириш агентлиги манфаатдор вазирлик ва идоралар билан биргаликда икки ой муддатда қонунчилик ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
15. Мазкур қарор ижросини самарали ташкил қилишга масъул этиб Ўзбекистон Республикаси Президенти ҳузуридаги Ижтимоий ҳимоя миллий агентлиги директори М.П. Оллоёров белгилансин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 30 август,
ПҚ-365-сон
Oʻzbekiston Respublikasi Prezidentining
Qarori
Ijtimoiy qoʻllab-quvvatlash markazlari va “Gʻamxoʻrlik” markazlari faoliyatini rivojlantirishga doir qoʻshimcha chora-tadbirlar toʻgʻrisida
Soʻnggi yillarda mamlakatimizda “Inson qadri uchun” tamoyili asosida Ijtimoiy qoʻllab-quvvatlash markazlari va “Gʻamxoʻrlik” markazlarida vasiylikka olingan shaxslarni qoʻllab-quvvatlash tizimini yanada takomillashtirish, ularning jamiyatdagi oʻrnini mustahkamlash yuzasidan zarur chora-tadbirlar amalga oshirib kelinmoqda.
Ijtimoiy qoʻllab-quvvatlash markazlari va “Gʻamxoʻrlik” markazlarida istiqomat qilayotgan bolalar, keksalar va nogironligi boʻlgan shaxslarga tibbiy-ijtimoiy va maishiy xizmatlar koʻrsatishning yangilangan tizimini joriy etish orqali ularni davlat tomonidan qoʻllab-quvvatlash choralarini yanada kuchaytirish maqsadida:
4. Oʻzbekiston Respublikasi Prezidenti huzuridagi Ijtimoiy himoya milliy agentligi:
a) 2023-2024-yillarda Iqtisodiyot va moliya vazirligi huzuridagi Bojxona qoʻmitasi bilan birgalikda Ijtimoiy qoʻllab-quvvatlash markazlari va “Muruvvat” internat uylarining hududida videokuzatuv moslamalari oʻrnatilishini taʼminlasin;
v) 2023-yil 1-iyunga qadar Sogʻliqni saqlash vazirligi bilan birgalikda ruhiy va jismoniy rivojlanishida kamchiligi boʻlgan shaxslarning zamonaviy abilitatsiya va reabilitatsiya muolajalaridan oʻtishi uchun Ijtimoiy qoʻllab-quvvatlash markazlari va “Muruvvat” internat uylari negizida zarur texnologik sharoitlarni yaratsin.
Bunda, ambulator sharoitda davolanayotganlar uchun yangi pedagogik va innovatsion texnologiyalarga asoslangan dasturlar joriy etiladi hamda ota-ona yoki vasiylarga maslahat yordamlari koʻrsatiladi;
g) 2022-yil yakuniga qadar hamda kelgusida har yili kamida bir marotaba Sogʻliqni saqlash vazirligi bilan birgalikda Ijtimoiy qoʻllab-quvvatlash markazlari va “Muruvvat” internat uylarida vasiylikka olingan shaxslarni navbatdan tashqari dispanserizatsiyadan oʻtkazishni tashkil etsin hamda natijasiga qarab ularga manzilli tibbiy-profilaktik tadbirlarni belgilasin;
d) Sport vazirligi bilan birgalikda:
tibbiy-ijtimoiy muassasalarni keksalar va nogironligi boʻlgan shaxslarning sport turlari bilan shugʻullanishi uchun zarur boʻladigan sport asbob-uskunalari, jihozlar va boshqa inventarlar bilan taʼminlasin;
Belgilansinki, sport asbob-uskunalari, jihozlar va boshqa inventarlar xaridi Sport vazirligi huzuridagi budjetdan tashqari Sportni qoʻllab-quvvatlash jamgʻarmasi mablagʻlari hisobidan amalga oshiriladi;
e) Kambagʻallikni qisqartirish va bandlik vazirligi bilan birgalikda har chorakda tibbiy-ijtimoiy muassasalarda vasiylikka olingan keksalarning teatr, konsert va muzeylarga tashrif buyurishi hamda taniqli yozuvchi va adiblar bilan madaniy va maʼrifiy tadbirlar oʻtkazilishini tashkil etsin.
Bunda, madaniy va maʼrifiy tadbirlar Oʻzbekiston faxriylarining ijtimoiy faoliyatini qoʻllab-quvvatlash “Nuroniy” jamgʻarmasi mablagʻlari hisobidan qoplab borilishi tavsiya etilsin.
5. Shunday tartib oʻrnatilsinki, unga muvofiq 2022-yil 1-sentabrdan boshlab Iqtisodiyot va moliya vazirligi huzuridagi Bojxona qoʻmitasi raisiga bojxona organlari tomonidan aniqlanib, davlat daromadiga yoki davlat egaligiga oʻtkazilgan tovar-moddiy boyliklarni Oʻzbekiston Respublikasi Prezidenti huzuridagi Ijtimoiy himoya milliy agentligining asoslantirilgan soʻrovlariga asosan tibbiy-ijtimoiy muassasalarga begʻaraz topshirish huquqi berilsin.
6. Tibbiy-ijtimoiy xizmatlarni rivojlantirish agentligi hamda Namangan viloyat hokimligining 2022-yilda Namangan viloyatining Ijtimoiy qoʻllab-quvvatlash markazi hududida nuroniylarning boʻsh vaqtini samarali tashkil qilish maqsadida kunduzi pullik xizmat koʻrsatuvchi “Keksalar bogʻi”ni tashkil qilish toʻgʻrisidagi taklifi maʼqullansin.
Bunda, Namangan viloyati Ijtimoiy qoʻllab-quvvatlash markazining ishchi xodimlari tomonidan doimiy yashovchilari boʻlmagan keksalarga kunduzgi tibbiy-ijtimoiy va maishiy xizmatlar koʻrsatiladi.
7. Belgilansinki, tibbiy-ijtimoiy muassasalarda keksalar va nogironligi boʻlgan shaxslarni ijtimoiy moslashtirish va ularga oʻz qiziqishlaridan kelib chiqib kasb-hunar oʻrgatish uchun oʻquv ustaxonalari tashkil etiladi.
Kambagʻallikni qisqartirish va bandlik vazirligi Ijtimoiy qoʻllab-quvvatlash markazlarida, Oliy taʼlim, fan va innovatsiyalar vazirligi “Gʻamxoʻrlik” markazlarida har yili kamida ikki marotaba vasiylikka olingan keksalar va nogironligi boʻlgan shaxslar uchun oshpazlik, qandolatchilik, sartaroshlik, tikuvchilik va ularning qiziqishlaridan kelib chiqqan holda boshqa mos yoʻnalishlar boʻyicha qisqa muddatli bepul kurslarni tashkil etsin.
8. Savdo-sanoat palatasining “Ijtimoiy mahsulot” elektron sotuv platformasini ishlab chiqish va 2023-yildan boshlab Qoraqalpogʻiston Respublikasi va viloyatlar markazlari hamda Toshkent shahrida Ijtimoiy qoʻllab-quvvatlash markazlari va “Gʻamxoʻrlik” markazlarida istiqomat qilayotgan shaxslar tomonidan qoʻl mehnati bilan tayyorlangan mahsulotlarning koʻrgazma savdolarini muntazam ravishda tashkil qilish amaliyotini joriy etish toʻgʻrisidagi taklifi maʼqullansin.
10. Tibbiy-ijtimoiy xizmatlarni rivojlantirish agentligi, Jizzax viloyati hokimligi hamda Davlat bojxona qoʻmitasining Jizzax viloyati, Sharof Rashidov tumanida tashkil etilayotgan 300 oʻrinli “Muruvvat” nogironligi boʻlgan bolalar uchun internat uyini ajratilgan mablagʻ doirasida ayollar internat uyiga moslashtirish boʻyicha taklifiga rozilik berilsin.
Jizzax viloyati hokimligi 2022-yil 1-oktabrga qadar:
Tibbiy-ijtimoiy xizmatlarni rivojlantirish agentligi bilan birgalikda Jizzax viloyati, Sharof Rashidov tumanida tashkil etilayotgan “Muruvvat” ayollar internat uyini qurish ishlarini yakunlasin va toʻliq foydalanishga topshirilishini taʼminlasin;
Sogʻliqni saqlash vazirligi bilan birgalikda Jizzax viloyati, Sharof Rashidov tumanida tashkil etilayotgan “Muruvvat” ayollar internat uyini malakali tibbiy va ijtimoiy xodimlar bilan toʻldirish choralarini koʻrsin.
11. Vazirlar Mahkamasi (A. Ramatov) Iqtisodiy taraqqiyot va kambagʻallikni qisqartirish vazirligi hamda Qurilish vazirligi bilan birgalikda bir oy muddatda joriy qurilish va rekonstruksiya ishlari oʻtkaziladigan “Saxovat” va “Muruvvat” internat uylarining roʻyxatini tasdiqlasin. Bunda, foydalanishdan chiqarilgan “Mehribonlik” uylarining binolari va inshootlarida vasiylikka olingan shaxslarga samarali tibbiy-ijtimoiy xizmatlarni koʻrsatish taʼminlansin.
13. Oʻzbekiston Milliy axborot agentligi, Oʻzbekiston Milliy teleradiokompaniyasi hamda Oʻzbekiston Respublikasi Prezidenti huzuridagi Ijtimoiy himoya milliy agentligi bilan birgalikda keksalar va nogironligi boʻlgan shaxslarni davlat tomonidan qoʻllab-quvvatlash tizimini yanada takomillashtirish yuzasidan ushbu qarorning mazmun-mohiyati bosma va elektron ommaviy axborot vositalarida, shu jumladan Internet jahon axborot tarmogʻi orqali aholi oʻrtasida muntazam, tizimli va keng koʻlamda yoritib borilishini taʼminlasin.
14. Tibbiy-ijtimoiy xizmatlarni rivojlantirish agentligi manfaatdor vazirlik va idoralar bilan birgalikda ikki oy muddatda qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
15. Mazkur qaror ijrosini samarali tashkil qilishga masʼul etib Oʻzbekiston Respublikasi Prezidenti huzuridagi Ijtimoiy himoya milliy agentligi direktori M.P. Olloyorov belgilansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 30-avgust,
PQ-365-son
Президента Республики Узбекистан
Постановление
О дополнительных мерах по развитию деятельности Центров социальной поддержки и центров «Гамхурлик»
В последние годы в нашей стране на основе принципа «Во имя чести и достоинства человека» осуществляются необходимые меры по дальнейшему совершенствованию системы поддержки лиц, взятых под опеку в Центрах социальной поддержки и центрах «Гамхурлик», укреплению их места в обществе.
В целях дальнейшего усиления мер государственной поддержки детей, пожилых и лиц с инвалидностью, проживающих в Центрах социальной поддержки и центрах «Гамхурлик», путем внедрения обновленной системы оказания им медико-социальных и бытовых услуг:
4. Национальному агентству социальной защиты при Президенте Республики Узбекистан:
а) обеспечить совместно с Таможенным комитетом при Министерстве экономики и финансов в 2023-2024 годах установку устройств видеонаблюдения на территории Центров социальной поддержки и домов-интернатов «Мурувват»;
в) в срок до 1 июня 2023 года совместно с Министерством здравоохранения создать на базе Центров социальной поддержки и домов-интернатов «Мурувват» необходимые технологические условия для прохождения процедур современной абилитации и реабилитации лицами с недостатками в психическом и физическом развитии.
При этом для лечащихся в амбулаторных условиях внедряются программы, основанные на новых педагогических и инновационных технологиях, а также оказывается консультативная помощь родителям или опекунам;
г) в срок до конца 2022 года, а также в будущем не менее одного раза в год совместно с Министерством здравоохранения организовать проведение внеочередной диспансеризации лиц, взятых под опеку в Центрах социальной поддержки и домах-интернатах «Мурувват», а также определить в зависимости от результата осуществление адресных медико-профилактических мероприятий;
д) совместно с Министерством спорта:
обеспечить медико-социальные учреждения необходимыми спортивными принадлежностями, оборудованием и прочим инвентарем для занятий видами спорта пожилых и лиц с инвалидностью;
Установить, что закупка спортивного оборудования, оснащения и прочего инвентаря осуществляется за счет средств внебюджетного Фонда поддержки спорта при Министерстве спорта;
е) совместно с Министерством занятости и сокращения бедности организовать ежеквартально посещение пожилыми, взятыми под опеку в медико-социальных учреждениях, театров, концертов и музеев, а также проведение культурных и просветительских мероприятий с известными литераторами.
Рекомендовать при этом покрытие культурных и просветительских мероприятий за счет средств Фонда по поддержке общественной деятельности ветеранов Узбекистана «Нуроний».
5. Установить порядок, в соответствии с которым начиная с 1 сентября 2022 года председателю Таможенного комитета при Министерстве экономики и финансов предоставляется право безвозмездной передачи медико-социальным учреждениям товарно-материальных ценностей, выявленных таможенными органами и переведенных в доход государства или во владении государства, согласно обоснованным запросам Национального агентства социальной защиты при Президенте Республики Узбекистан.
6. Одобрить предложение Агентства по развитию медико-социальных услуг и хокимията Наманганской области об организации в 2022 году на территории Центра социальной поддержки Наманганской области парка «Кексалар боги», оказывающего платные услуги в дневное время, в целях эффективной организации досуга пожилых.
При этом работниками Центра социальной поддержки Наманганской области оказываются дневные медико-социальные и бытовые услуги пожилым, не являющимся их постоянными жильцами.
7. Определить, что в медико-социальных учреждениях организуются учебные мастерские для социальной адаптации и обучения профессии пожилых и лиц с инвалидностью исходя из их интересов.
Министерству занятости и сокращения бедности в Центрах социальной поддержки, Министерству высшего образования, науки и инноваций — в центрах «Гамхурлик» организовать ежегодно не менее двух раз для взятых под опеку пожилых и лиц с инвалидностью краткосрочные бесплатные курсы по кулинарному, кондитерскому, парикмахерскому, швейному делу и другим соответствующим направлениям исходя из их интересов.
8. Одобрить предложение Торгово-промышленной палаты о разработке электронной торговой платформы «Социальный продукт» и начиная с 2023 года — о внедрении практики организации на регулярной основе выставки-торговли продукции, изготовленной вручную лицами, проживающими в Центрах социальной поддержки и центрах «Гамхурлик» в Республике Каракалпакстан, областных центрах и городе Ташкенте.
10. Согласиться с предложением Агентства по развитию медико-социальных услуг, хокимията Джизакской области и Государственного таможенного комитета по приспособлению 300-местного дома-интерната для детей с инвалидностью «Мурувват», организуемого в Шараф-Рашидовском районе Джизакской области, в рамках выделенных средств в качестве дома-интерната для женщин.
Хокимияту Джизакской области в срок до 1 октября 2022 года:
совместно с Агентством по развитию медико-социальных услуг завершить работы по строительству дома-интерната для женщин «Мурувват», организуемого в Шараф-Рашидовском районе Джизакской области, обеспечить его полную сдачу в эксплуатацию;
совместно с Министерством здравоохранения принять меры по укомплектованию дома-интерната для женщин «Мурувват», организуемого в Шараф-Рашидовском районе Джизакской области, квалифицированными медицинскими и социальными работниками.
11. Кабинету Министров (А. Раматов) совместно с Министерством экономического развития и сокращения бедности, Министерством строительства в месячный срок утвердить перечень домов-интернатов «Саховат» и «Мурувват», в которых будут проводиться текущие работы по строительству и реконструкции. При этом обеспечить оказание эффективных медико-социальных услуг лицам, взятым под опеку, в зданиях и сооружениях домов «Мехрибонлик», выведенных из эксплуатации.
13. Национальному информационному агентству Узбекистана, Национальной телерадиокомпании Узбекистана совместно с Национальным агентством социальной защиты при Президенте Республики Узбекистан обеспечить регулярное, системное и широкое освещение среди населения посредством печатных и электронных средств массовой информации, включая сеть Интернет, сути и значения настоящего постановления по дальнейшему совершенствованию системы государственной поддержки пожилых и лиц с инвалидностью.
14. Агентству по развитию медико-социальных услуг совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
15. Определить ответственными за эффективную организацию исполнения настоящего постановления директора Национального агентства социальной защиты при Президенте Республики Узбекистан М.П. Оллоёрова.
Президент Республики Узбекистан Ш. МИРЗИЁЕВ
г. Ташкент,
30 августа 2022 г.,
№ ПП-365