📅 2022-yil 30-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 30 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 30 августа 2022 г. · Постановления Кабинета Министров
Официальный текст. Официальный документ. Редакционные примечания не включены.
📅 30 August 2022 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикаси Ҳукуматининг айрим қарорларига пахта хом ашёсини қайта ишлайдиган ва тўқимачилик маҳсулотлари ишлаб чиқарадиган корхоналарни давлат томонидан қўллаб-қувватлаш ва уларнинг манфаатдорлигини ошириш учун қулай шароитлар яратишга қаратилган ўзгартириш ва қўшимчалар киритиш тўғрисида
Сўнгги йилларда пахта-тўқимачилик кластерлари фаолияти самарадорлигини янада ошириш, пахта хом ашёсини чуқур қайта ишлаш қувватларини кўпайтириш, уларни модернизациялаш ва техник қайта жиҳозлаш, ушбу жараёнга илмий асосланган усуллар ва интенсив технологияларни кенг жорий этиш орқали рентабеллигини ошириш, юқори қўшилган қийматга эга тайёр маҳсулот ишлаб чиқариш ва янги иш ўринларини яратиш борасида салмоқли ишлар амалга оширилди.
Шу билан бирга, пахта тозалаш корхоналарининг ресурс салоҳияти ва мавжуд ишлаб чиқариш қувватлари ўртасидаги номутаносибликнинг кўпайиши, шу жумладан, уларнинг ишлаб чиқариш фаолиятини диверсификациялаш бўйича зарур чораларнинг ўз вақтида кўрилмаганлиги сабабли ишлаб чиқариш қувватларининг бекор туришига ва иқтисодий йўқотишларга олиб келмоқда.
Қишлоқ хўжалиги ишлаб чиқаришида таркибий ислоҳотларни янада чуқурлаштириш ва бозор муносабатларини жорий қилиш, пахта хом ашёсини чуқур қайта ишлаш ҳамда тўқимачилик маҳсулотлари ишлаб чиқарадиган тармоқлар билан интеграциялашувини янада кенгайтириш мақсадида Вазирлар Маҳкамаси қарор қилади:
1. Ўзбекистон Республикаси Ҳукуматининг иловага мувофиқ айрим қарорларига қуйидагиларни назарда тутувчи ўзгартириш ва қўшимчалар киритилсин:
мамлакатимиз ҳудудларида янги пахта-тўқимачилик кластерлари фаолияти йўлга қўйилганлиги ҳамда уларнинг пахта тозалаш корхоналари ва пахта қабул қилиш масканларига бўлган заруратидан келиб чиққан ҳолда, пахта тозалаш корхоналари ва пахта қабул қилиш масканларининг бино ва иншоотларини сотиб оладиган пахта-тўқимачилик кластерлари рўйхатига тузатишлар киритиш;
мавжуд ишлаб чиқариш қувватларидан самарали фойдаланишни йўлга қўйиш мақсадида янги ташкил этилган пахта-тўқимачилик кластерларига ўз ҳудудларида жойлашган пахта тозалаш корхоналари ва пахта қабул қилиш масканларининг бино ва иншоотларини 5 йил муддатга бўлиб тўлаш шарти билан баҳолаш қийматида сотиш.
2. Мазкур қарорнинг бажарилишини назорат қилиш Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича ўринбосари Ш.М. Ғаниев зиммасига юклансин.
Вазирлар Маҳкамасининг 2022 йил 30 августдаги 477-сон қарорига ИЛОВА
Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Вазирлар Маҳкамасининг «Пахта-тўқимачилик ишлаб чиқаришлари ва кластерлари фаолиятини ташкил этиш бўйича қўшимча чора-тадбирлар тўғрисида» 2018 йил 31 мартдаги 253-сон қарорига 1-иловада :
а) 1-позиция қуйидаги таҳрирда баён этилсин:
« 1. «Элликқалъа пахта тозалаш» АЖ «Бостон кластер» МЧЖ 1 4 » .
б) қуйидаги мазмундаги 1 1 -позиция билан тўлдирилсин:
« 1 1 . «Элликқалъа пахта тозалаш» АЖ «Ellikqalʼa oltin tolasi klaster» МЧЖ - 1 » .
2. Вазирлар Маҳкамасининг «Пахта тўқимачилик ишлаб чиқарувчиларини янада ривожлантиришга доир қўшимча чора-тадбирлар тўғрисида» 2018 йил 19 сентябрдаги 744-сон қарорига 2-илованинг рус тилидаги матнида :
а) 27-позиция қуйидаги таҳрирда баён этилсин:
« 27. Наманганская область, Нарынский район СП ООО «Uztex Uchkurgan» Заготпункты АО «Норин пахта тозалаш»: «Призаводского заготпункта» и «Учтепа»* » .
б) қуйидаги мазмундаги 27 1 -позиция билан тўлдирилсин:
« 27 1 . Наманганская область, Нарынский район ООО «Ифтихор кийим саноат» АО «Норин пахта тозалаш » » ;
в) 47-позиция қуйидаги таҳрирда баён этилсин:
« 47. Ферганская область, Язъяванский район СП ООО «Baxodir Log'on Tekstil» АО «Кува пахта тозалаш» » ;
г) қуйидаги мазмундаги 47 1 -позиция билан тўлдирилсин:
« 47 1 . Ферганская область, Язъяванский район ООО « POSCO International » Заготпункты АО « Кува пахта тозалаш » : « Хонабод » и « Коратепа » » .
д) қуйидаги мазмундаги изоҳ билан тўлдирилсин:
3. Вазирлар Маҳкамасининг «Пахта-тўқимачилик кластерлари фаолиятини янада кенгайтириш чора-тадбирлари тўғрисида» 2021 йил 10 декабрдаги 747-сон қарорига 1-иловада :
а) 7-позиция қуйидаги таҳрирда баён этилсин:
« 7. Жиззах вилояти Арнасой тумани «Agro Elegant klaster» МЧЖ «Учтепа пахта тозалаш» АЖ ва «Фарғона» пахта қабул қилиш маскани » ;
б) 28-позиция қуйидаги таҳрирда баён этилсин:
« 28. Хоразм вилояти Гурлан тумани «Gurlan global teks» МЧЖ «Гурлан пахта тозалаш» АЖ ва корхона қошидаги пахта қабул қилиш маскани » ;
в) қуйидаги мазмундаги 28 1 -позиция билан тўлдирилсин:
« 28 1 . Хоразм вилояти Гурлан тумани «Gurlan global teks» МЧЖ «Gurlan baraka teks» МЧЖнинг устав капиталидаги 100 фоиз улуши** » .
г) изоҳ қисми қуйидаги мазмундаги иккинчи хатбоши билан тўлдирилсин:
Ўзбекистон Республикасининг Бош вазири А. АРИПОВ
Тошкент ш.,
2022 йил 30 август,
477-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Hukumatining ayrim qarorlariga paxta xomashyosini qayta ishlaydigan va toʻqimachilik mahsulotlari ishlab chiqaradigan korxonalarni davlat tomonidan qoʻllab-quvvatlash va ularning manfaatdorligini oshirish uchun qulay sharoitlar yaratishga qaratilgan oʻzgartirish va qoʻshimchalar kiritish toʻgʻrisida
Soʻnggi yillarda paxta-toʻqimachilik klasterlari faoliyati samaradorligini yanada oshirish, paxta xomashyosini chuqur qayta ishlash quvvatlarini koʻpaytirish, ularni modernizatsiyalash va texnik qayta jihozlash, ushbu jarayonga ilmiy asoslangan usullar va intensiv texnologiyalarni keng joriy etish orqali rentabelligini oshirish, yuqori qoʻshilgan qiymatga ega tayyor mahsulot ishlab chiqarish va yangi ish oʻrinlarini yaratish borasida salmoqli ishlar amalga oshirildi.
Shu bilan birga, paxta tozalash korxonalarining resurs salohiyati va mavjud ishlab chiqarish quvvatlari oʻrtasidagi nomutanosiblikning koʻpayishi, shu jumladan, ularning ishlab chiqarish faoliyatini diversifikatsiyalash boʻyicha zarur choralarning oʻz vaqtida koʻrilmaganligi sababli ishlab chiqarish quvvatlarining bekor turishiga va iqtisodiy yoʻqotishlarga olib kelmoqda.
Qishloq xoʻjaligi ishlab chiqarishida tarkibiy islohotlarni yanada chuqurlashtirish va bozor munosabatlarini joriy qilish, paxta xomashyosini chuqur qayta ishlash hamda toʻqimachilik mahsulotlari ishlab chiqaradigan tarmoqlar bilan integratsiyalashuvini yanada kengaytirish maqsadida Vazirlar Mahkamasi qaror qiladi:
1. Oʻzbekiston Respublikasi Hukumatining ilovaga muvofiq ayrim qarorlariga quyidagilarni nazarda tutuvchi oʻzgartirish va qoʻshimchalar kiritilsin:
mamlakatimiz hududlarida yangi paxta-toʻqimachilik klasterlari faoliyati yoʻlga qoʻyilganligi hamda ularning paxta tozalash korxonalari va paxta qabul qilish maskanlariga boʻlgan zaruratidan kelib chiqqan holda, paxta tozalash korxonalari va paxta qabul qilish maskanlarining bino va inshootlarini sotib oladigan paxta-toʻqimachilik klasterlari roʻyxatiga tuzatishlar kiritish;
mavjud ishlab chiqarish quvvatlaridan samarali foydalanishni yoʻlga qoʻyish maqsadida yangi tashkil etilgan paxta-toʻqimachilik klasterlariga oʻz hududlarida joylashgan paxta tozalash korxonalari va paxta qabul qilish maskanlarining bino va inshootlarini 5 yil muddatga boʻlib toʻlash sharti bilan baholash qiymatida sotish.
2. Mazkur qarorning bajarilishini nazorat qilish Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari Sh.M. Gʻaniyev zimmasiga yuklansin.
Vazirlar Mahkamasining 2022-yil 30-avgustdagi 477-son qaroriga ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining “Paxta-toʻqimachilik ishlab chiqarishlari va klasterlari faoliyatini tashkil etish boʻyicha qoʻshimcha chora-tadbirlar toʻgʻrisida” 2018-yil 31-martdagi 253-son qaroriga 1-ilovada :
a) 1-pozitsiya quyidagi tahrirda bayon etilsin:
“ 1. “Ellikqalʼa paxta tozalash” AJ “Boston klaster” MChJ 1 4 ” .
b) quyidagi mazmundagi 1 1 -pozitsiya bilan toʻldirilsin:
“ 1 1 . “Ellikqalʼa paxta tozalash” AJ “Ellikqalʼa oltin tolasi klaster” MChJ - 1 ” .
2. Vazirlar Mahkamasining “Paxta toʻqimachilik ishlab chiqaruvchilarini yanada rivojlantirishga doir qoʻshimcha chora-tadbirlar toʻgʻrisida” 2018-yil 19-sentabrdagi 744-son qaroriga 2-ilovaning rus tilidagi matnida :
a) 27-pozitsiya quyidagi tahrirda bayon etilsin:
“ 27. Namanganskaya oblast, Narinskiy rayon SP OOO “Uztex Uchkurgan” Zagotpunkti AO “Norin paxta tozalash”: “Prizavodskogo zagotpunkta” i “Uchtepa”* ” .
b) quyidagi mazmundagi 27 1 -pozitsiya bilan toʻldirilsin:
“ 27 1 . Namanganskaya oblast, Narinskiy rayon OOO “Iftixor kiyim sanoat” AO “Norin paxta tozalash ” ” ;
v) 47-pozitsiya quyidagi tahrirda bayon etilsin:
“ 47. Ferganskaya oblast, Yazʼyavanskiy rayon SP OOO “Baxodir Log'on Tekstil” AO “Kuva paxta tozalash” ” ;
g) quyidagi mazmundagi 47 1 -pozitsiya bilan toʻldirilsin:
“ 47 1 . Ferganskaya oblast, Yazʼyavanskiy rayon OOO “ POSCO International ” Zagotpunkti AO “ Kuva paxta tozalash ” : “ Xonabod ” i “ Koratepa ” ” .
d) quyidagi mazmundagi izoh bilan toʻldirilsin:
3. Vazirlar Mahkamasining “Paxta-toʻqimachilik klasterlari faoliyatini yanada kengaytirish chora-tadbirlari toʻgʻrisida” 2021-yil 10-dekabrdagi 747-son qaroriga 1-ilovada :
a) 7-pozitsiya quyidagi tahrirda bayon etilsin:
“ 7. Jizzax viloyati Arnasoy tumani “Agro Elegant klaster” MChJ “Uchtepa paxta tozalash” AJ va “Fargʻona” paxta qabul qilish maskani ” ;
b) 28-pozitsiya quyidagi tahrirda bayon etilsin:
“ 28. Xorazm viloyati Gurlan tumani “Gurlan global teks” MChJ “Gurlan paxta tozalash” AJ va korxona qoshidagi paxta qabul qilish maskani ” ;
v) quyidagi mazmundagi 28 1 -pozitsiya bilan toʻldirilsin:
“ 28 1 . Xorazm viloyati Gurlan tumani “Gurlan global teks” MChJ “Gurlan baraka teks” MChJning ustav kapitalidagi 100 foiz ulushi** ” .
g) izoh qismi quyidagi mazmundagi ikkinchi xatboshi bilan toʻldirilsin:
Oʻzbekiston Respublikasining Bosh vaziri A. ARIPOV
Toshkent sh.,
2022-yil 30-avgust,
477-son