UzbekAI

Ўзбекистон Республикаси Давлат божхона қўмитасининг

Қарори

НИЗОМ

Транзит декларациясини тўлдириш, расмийлаштириш, унга ўзгартириш ва қўшимча киритиш, уни қайтариб олиш ҳамда бекор қилиш тартиби тўғрисидаги низомни тасдиқлаш ҳақида

Ўзбекистон Республикасининг Божхона кодексига мувофиқ Ўзбекистон Республикаси Давлат божхона қўмитаси қарор қилади:

1. Транзит декларациясини тўлдириш, расмийлаштириш, унга ўзгартириш ва қўшимча киритиш, уни қайтариб олиш ҳамда бекор қилиш тартиби тўғрисидаги низом иловага мувофиқ тасдиқлансин.

2. Мазкур қарор Ўзбекистон Республикаси Савдо-саноат палатаси билан келишилган.

3. Мазкур қарор расмий эълон қилинган кундан эътиборан уч ойдан кейин кучга киради.

Келишилди:

Ўзбекистон Республикаси Давлат божхона қўмитасининг 2022 йил 22 июлдаги 12/02-22-22-сон қарорига ИЛОВА

Транзит декларациясини тўлдириш, расмийлаштириш, унга ўзгартириш ва қўшимча киритиш, уни қайтариб олиш ҳамда бекор қилиш тартиби тўғрисидаги

Мазкур Низом транзит декларациясини тўлдириш, божхона органига тақдим этиш, қоғозда чоп этиладиган нусхасини шакллантириш, расмийлаштириш, унга ўзгартириш ва қўшимча киритиш, уни қайтариб олиш ҳамда бекор қилиш тартибини белгилайди.

I бўлим. Умумий қоидалар

1. Ушбу Низомда қуйидаги асосий тушунчалар қўлланилади:

транзит декларацияси — товарлар ва (ёки) транспорт воситалари ҳақидаги маълумотлар кўрсатилган ҳолда божхона органига тақдим этиладиган ҳамда Ўзбекистон Республикасининг божхона ҳудудига олиб кириладиган ва Ўзбекистон Республикасининг ҳудуди орқали транзит олиб ўтиладиган товарларини жўнатувчи божхона органидан товар келиб тушадиган божхона органигача назорат қилиш учун фойдаланиладиган ҳужжат;

декларацияловчи шахс — божхона органларига транзит декларациясини ўз номидан тақдим этаётган шахс ёки транзит декларациясини тўлдириш, имзолаш ва божхона органларига декларант номидан тақдим этишга ваколатли божхона расмийлаштируви бўйича мутахассис ёхуд бошқа шахс;

жўнатувчи — товарларни ўз номидан ташиш учун ташувчига тақдим этувчи ва у ҳақидаги маълумотлар транспорт ҳужжатларида кўрсатилган шахс;

қабул қилувчи — юк ташишни амалга ошираётган ташувчи тақдим этиши лозим бўлган, товарларни ўз номидан қабул қилиб олувчи ва у ҳақидаги маълумотлар транспорт ҳужжатларида кўрсатилган шахс, товарларнинг божхона режими ўзгарган ҳолларда эса — транзит декларацияси тақдим қилинаётган вақтда божхона расмийлаштирувидан сўнг декларацияланаётган товарларни божхона органларидан ўз тасарруфига олиш ваколатига эга бўлган шахс;

кузатув ҳужжатлари — тижорат ва транспорт ҳужжатлари;

ташувчи — божхона назорати остида турган товарлар ташилишини амалга оширувчи ёки транспорт воситасидан фойдаланиш учун масъул шахс;

транспорт ҳужжатлари — коносамент, юк хати ёки товарларни ташиш шартномаси борлигини тасдиқловчи ҳамда шундай ташишда кузатиб борувчи бошқа ҳужжатлар;

транзит декларациясидаги хато — божхона расмийлаштируви учун тақдим этилган ҳужжатлардаги ахборот ва (ёки) божхона органларида мавжуд ахборот билан транзит декларациясидаги маълумотлар орасидаги тафовут, шунингдек транзит декларациясидаги нотўғри маълумотлар;

транзит декларациясидаги камчилик — божхона расмийлаштируви учун зарур бўлган маълумотларнинг етишмаслиги ёки транзит декларацияси билан бирга тақдим этилиши лозим бўлган ҳужжатларнинг тўлиқ бўлмаслиги билан боғлиқ ҳолатлар;

транзит декларациясига ўзгартириш киритиш — транзит декларациясидаги маълумотларга ўзгартиришлар киритиш;

транзит декларациясига қўшимча киритиш — транзит декларациясига янги маълумотларни киритиш ёхуд тегишли ҳужжатларни қўшиш;

транзит декларациясини қайтариб олиш — транзит декларациясини божхона органида рўйхатга олинганидан сўнг уни қайтариш орқали юридик кучга эга ҳужжат сифатида амал қилишини тўхтатиш;

транзит декларациясини бекор қилиш — транзит декларациясини божхона органида рўйхатга олинганидан сўнг бекор қилиш орқали юридик кучга эга ҳужжат сифатида амал қилишини тўхтатиш;

расмийлаштирилган транзит декларацияси — божхона органи томонидан рўйхатга олинган ва жўнатувчи божхона органи томонидан «D» графасида расмийлаштирилганлигини ифодаловчи божхона органининг тегишли белгилари қўйилган транзит декларацияси;

рўйхатга олиниб, қабул қилинмаган транзит декларацияси — божхона органи томонидан рўйхатга олинган, аммо «E-Tranzit» автоматлаштирилган ахборот тизими (бундан буён матнда «ETranzit» ААТ деб юритилади) орқали декларацияловчи шахсга қабул қилинганлиги маълум қилинмаган транзит декларацияси;

қабул қилинган транзит декларацияси — божхона органи томонидан рўйхатга олиниб, «ETranzit» ААТ орқали декларацияловчи шахсга қабул қилинганлиги маълум қилинган, расмийлаштирилмаган транзит декларацияси;

ахборот алмашиш тизими — ахборот тизимлари орқали электрон рақамли имзодан фойдаланган ҳолда божхона органлари ва декларацияловчи шахслар ўртасида электрон хабарларни алмашиш, тегишли ҳужжатларни тақдим этиш ва қабул қилиб олиш воситаси.

2. Транзит декларациясини тўлдириш, қоғозда чоп этиладиган нусхасини шакллантириш, расмийлаштириш, унга ўзгартириш ва қўшимча киритиш, уни қайтариб олиш ҳамда бекор қилиш «ETranzit» ААТ орқали амалга оширилади.

3. Декларацияловчи шахс транзит декларациясини тўлдириш ва уни божхона органига тақдим этиш учун «E-Tranzit» ААТга ўзига жисмоний шахс сифатида бириктирилган электрон рақамли имзо асосида кириши ва қуйидагилардан бирини танлаши лозим:

ташувчи ёки унинг номидан иш кўрувчи ваколатли шахс (ҳайдовчи бундан мустасно) — «Ташувчи» тугмаси;

товар ташилаётган ёки товар сифатида олиб ўтилаётган транспорт воситасини бошқараётган жисмоний шахс ( ҳайдовчи ) — «Ҳайдовчи» тугмаси;

декларантга хизмат кўрсатувчи божхона брокери номидан иш кўрувчи ваколатли шахс — «Божхона брокери ходими» тугмаси;

юкни қабул қилувчи ёки унинг номидан иш кўрувчи ваколатли шахс — «Юкни қабул қилувчи» тугмаси.

Декларацияловчи шахс «Божхона брокери ходими» тугмасини танлаганда, «Брокер» номли алоҳида ажратилган майдонда божхона брокерининг солиқ тўловчининг идентификация рақами (бундан буён матнда СТИР деб юритилади), унинг қисқача номи ва жойлашган ери (юридик манзили) қайд этилади.

4. Декларацияловчи шахс «Ҳужжатларни тақдим этган шахс» номли майдонда транзит декларациясини тўлдиришга асос бўлган ҳужжатлар ва маълумотларни тақдим этган ҳамда улардаги маълумотларга жавобгар ҳисобланган жисмоний шахснинг фамилияси, исми, фуқаролиги ва унга тегишли жисмоний шахснинг шахсий идентификация рақамини (бундан буён матнда ЖШШИР деб юритилади) қайд этади.

Ҳужжатларни тақдим этган ҳамда улардаги маълумотларга жавобгар ҳисобланган шахс ЖШШИРи мавжуд бўлмаган норезидент бўлса, у ҳолда шахснинг ЖШШИРи қайд этиладиган жойда «99999999999999» коди кўрсатилади.

5. «E-Tranzit» ААТда декларацияловчи шахс томонидан транзит декларацияси «Янги декларация яратиш» тугмаси орқали товар олиб ўтилаётган ёки ҳаракатланаётган транспорт турини танлаган ҳолда шакллантирилади. Бунда, маълумотлар мавжуд бўлимлардаги алоҳида ажратилган майдонларда қайд этилади ва ҳар бир бўлимга қадамлар рақами бўйича кетма-кетликда ўтилади.

Масалан, 1-қадамдаги «Умумий маълумотлар» бўлимида қайд этилиши зарур бўлган барча маълумотлар кўрсатилмагунига қадар кейинги 2-қадамдаги «Транспорт тўғрисида маълумот» бўлимига ўтиш имконияти бўлмайди.

«E-Tranzit» ААТга битта транспорт ҳужжати бўйича битта транспорт воситасида олиб ўтилаётган товарлар ҳақида маълумот киритилиши мумкин. Агар мазкур шартлардан бирида фарқ бўлса, у ҳолда маълумотлар «E-Tranzit» ААТда алоҳида киритилади.

Масалан, товарлар икки хил (турли) транспорт воситаси ёки транспорт ҳужжати орқали олиб ўтилаётган бўлса, барчаси бир вақтнинг ўзида «E-Tranzit» ААТга киритилмайди.

6. «E-Tranzit» ААТда транзит декларацияси:

автотранспорт воситасида олиб ўтилаётган товарлар бўйича «Умумий маълумотлар», «Транспорт тўғрисида маълумот», «Юк тўғрисида маълумот», «Кафолат ва йиғимлар» ва «Ҳужжатларни генерациялаш» бўлимлари орқали;

темир йўл транспорт воситасида олиб ўтилаётган товарлар бўйича «Умумий маълумотлар», «Юк тўғрисида маълумот», «Йиғимлар» ва «Ҳужжатларни генерациялаш» бўлимлари орқали шакллантирилади.

7. Божхона расмийлаштирувини амалга ошириш учун асос бўлувчи ҳужжатлар «Е-архив» интерактив хизмати орқали тақдим этилади. Бунда, декларацияловчи шахс томонидан мазкур Низомнинг 8-бандига асосан «Е-архив» интерактив хизмати орқали шакллантирилган ҳужжатларга тегишли махсус рақамни «E-Tranzit» ААТда белгиланган майдонда кўрсатиш ва сақлаш билан чегараланади.

8. Декларант ёки унинг номидан иш кўрувчи ваколатли шахс ўзининг электрон рақамли имзоси орқали «Е-архив» интерактив хизматига электрон архивни шакллантириш мақсадида божхона расмийлаштирувини амалга ошириш учун асос бўлган ҳужжатларни жойлаштиради.

«Е-архив» интерактив хизматига жойлаштирилган ҳужжатларга автоматик тарзда махсус рақам берилади ва бу ҳақда декларант ёки унинг номидан иш кўрувчи ваколатли шахсга тасдиқланган электрон хабарнома юборилади.

«Е-архив» интерактив хизматига жойлаштирилган ҳужжатлар декларант ёки унинг номидан иш кўрувчи ваколатли шахс томонидан ўзгартирилиши ва ўчирилиши мумкин, бундан божхона расмийлаштирувида фойдаланилган ҳужжатлар мустасно.

Божхона расмийлаштирувида фойдаланилган ҳужжатларни ўзгартириш зарурияти юзага келганда, ҳужжатлар мазкур банднинг биринчи хатбошисида белгиланган тартибда такроран «Е-архив» интерактив хизматига жойлаштирилади.

Декларант божхона расмийлаштирувини амалга ошириш учун асос бўлган ҳужжатларга «Е-архив» интерактив хизмати орқали берилган махсус рақамни декларацияловчи шахсга тақдим этиши мумкин.

9. Транзит декларацияси бир ёки бир нечта товарнинг кузатув ҳужжатлари бўйича ташиладиган товарнинг ҳар бир туркуми ёки товарларнинг бир нечта туркуми учун расмийлаштирилади. Бунда, товарнинг бир нечта туркуми бўйича битта транзит декларациясини расмийлаштириш учун улар бир транспорт воситасида битта транспорт ҳужжати билан битта жўнатувчидан битта қабул қилувчининг манзилига ташилаётган бўлиши лозим.

10. Божхона транзити божхона режими остида товарларни етказиб бериш ички ва халқаро транзит йўналишларига бўлинади.

Товарларни чегара ўтказиш пунктида жойлашган божхона органидан республиканинг ички ҳудудида жойлашган божхона органига, республиканинг ички ҳудудида жойлашган бир божхона органидан бошқасига божхона назорати остида етказиб бериш ички транзит ҳисобланади.

Товарларни чегара ўтказиш пунктида жойлашган жўнатувчи божхона органидан республиканинг ички ҳудудида жойлашган божхона органи орқали ёки тўғридан-тўғри товар келиб тушадиган чегарадаги божхона органига божхона ҳудуди бўйлаб етказиб бериш халқаро транзит ҳисобланади.

11. Транзит декларацияси ўзбек ёки рус тилида тушунарли тўлдирилган бўлиши лозим.

Товарнинг кузатув ҳужжатларида шахслар, товарлар, транспорт воситалари номланишлари ва бошқа маълумотларнинг лотин ёки бошқа (араб, хитой ва ҳ.к.) алифболар ҳарфларида ёзилганлиги ҳолатлари учраса, у ҳолда бундай маълумотлар транзит декларацияда лотин алифбоси ҳарфлари билан, кирилл алифбосидаги номланишлар кирилл алифбоси ҳарфлари билан ёзилади.

Масалан:

шахснинг номи — «Central global cargo Gmbh», «Xinjiang zhongtai chemical Co., LTD», «Магнитогорский металлургический комбинат», Куприянов Игорь Михайлович;

автотранспорт воситасининг номи — автомототранспорт воситасини рўйхатдан ўтказиш ҳақида гувоҳнома ёки расмий маълумотларга мувофиқ «Toyota land cruiser», «BMW 523i», «MAN», «КАМАЗ», «МАЗ»;

товарнинг номи — «Mars», «Adidas», «Алёнка», «Русское поле».

12. Транзит декларациясини тўлдириш ва унинг қоғозда чоп этиладиган шаклида маълумотларни шакллантиришда Божхона юк декларациясини тўлдириш тартиби тўғрисидаги йўриқноманинг (рўйхат рақами 2773, 2016 йил 6 апрель) 3 — 16-иловаларидаги таснифлагичлардан фойдаланилади.

13. Транзит декларацияси декларацияловчи шахс томонидан божхона ҳудудига кириб келаётган товарлар ва транспорт воситалари божхона чегарасини кесиб ўтгунига қадар ёки кесиб ўтиш вақтида берилади, бундан божхона ҳудуди турган божхона назорати остида ташилаётган товарларни етказиб беришни назорат қилиш учун тақдим этиладиган ҳоллар мустасно.

Божхона ҳудудида турган божхона назорати остида ташилаётган товарларни етказиб беришни назорат қилиш учун транзит декларацияси товарлар транспорт воситасига юкланишидан аввал тақдим этилади.

14. Транзит декларацияси ҳамда божхона назоратини ўтказиш учун зарур бўлган бошқа ҳужжатлар божхона расмийлаштируви ва божхона назорати якунлангандан сўнг Ўзбекистон Республикаси Божхона кодексининг 184-моддаси учинчи қисмида кўрсатилган муддат давомида сақланади.

15. Божхона органлари транзит декларациясини қоғозга чоп этмайдилар ва қоғоздаги транзит декларациялар нусхаларини имзо ва муҳр билан тасдиқлаб бермайдилар, бундан Ўзбекистон Республикасининг халқаро шартномаларида кўзда тутилган ёки ташувчи ёхуд ҳайдовчи томонидан талаб этиладиган ҳолатлар мустасно.

Ўзбекистон Республикасининг халқаро шартномаларига мувофиқ транзит декларация қоғозга чоп этилганда, божхона органининг ваколатли ходими транзит декларациясининг ҳар бир варағига тегишли штамп қўяди, уни ўз имзоси ва шахсий рақамли муҳри (агар божхона органи ходимига шахсий рақамли муҳр бириктирилмаган бўлса, божхона органининг муҳри) билан тасдиқлайди, қоғознинг юқори ўнг бурчагини эса «Нусха» ёзуви билан белгилайди.

Ташувчи ёки ҳайдовчининг талабига кўра транзит декларацияси қоғозга чоп этилганда, қоғознинг юқори ўнг бурчагига «Нусха» ёзуви қайд этилмайди, унинг нусхаси имзо ва муҳр билан тасдиқлаб берилмайди.

II бўлим. «E-Tranzit» ААТда транзит декларациясини тўлдириш тартиби

1-боб. Автотранспорт воситасида етказиб берилаётган товарлар бўйича транзит декларациясини тўлдириш

1-§. «Умумий маълумотлар» бўлимидан фойдаланиш тартиби

16. «Умумий маълумотлар» бўлимида маълумотлар қуйидаги тартибда кўрсатилади:

1) 1-майдон. «Транспорт тури».

Майдонда Транспорт турлари таснифлагичидан товарлар олиб ўтилаётган ёки ҳаракатланаётган автотранспорт воситаларининг техник хусусиятларидан келиб чиқиб транспорт тури қуйидаги тартиб бўйича танланади:

«10» — енгил автомобиль (ҳайдовчи ўрнини ҳисобга олмаганда 8 тадан кўп бўлмаган ўриндиққа эга бўлган);

«21» — юк автомобиль (юк кўтариш қобилияти 10 тоннагача бўлган);

«22» — юк автомобиль (юк кўтариш қобилияти 10 тоннадан 20 тоннагача бўлган);

«23» — юк автомобиль (юк кўтариш қобилияти 20 тоннадан ортиқ бўлган);

«31» — автобус (ҳайдовчи ўрнини ҳисобламаганда 12 тагача ўриндиққа эга бўлган);

«32» — автобус (ҳайдовчи ўрнини ҳисобламаганда 13 тадан 30 тагача ўриндиққа эга бўлган);

«33» — автобус (ҳайдовчи ўрнини ҳисобламаганда 30 тадан ортиқ ўриндиққа эга бўлган);

«40» — микроавтобус (транспорт воситасининг тўла вазни 3,5 тоннадан кам ва ҳайдовчи ўрнини ҳисобламаганда 8 тадан ортиқ ўриндиққа эга бўлган );

«50» — трактор;

«60» — мототранспорт;

«70» — махсус транспорт;

2) 2-майдон. «Жўнатувчи божхона пости».

Майдонда Божхона постлари таснифлагичига асосан транзит декларацияси тақдим этиладиган божхона постининг коди ва номи танланади;

3) 3-майдон. «Юк ташиш бошланган мамлакат».

Майдонда юк ташиш бошланган (товарлар мазкур транспорт воситасига юкланган) мамлакатнинг номи транспорт ҳужжатига асосан Дунё мамлакатлари таснифлагичидан танлаш орқали кўрсатилади;

4) 4-майдон. «Юк ташиш тугалланадиган мамлакат».

Майдонда транспорт воситасидан товарлар тушириладиган (етказиб бериладиган) мамлакат Дунё мамлакатлари таснифлагичидан танлаш орқали кўрсатилади.

Товарларнинг бир қисми Ўзбекистон Республикасида тушириб қолдириладиган ҳамда қолган қисми транзит олиб ўтиладиган бўлса, майдонда «Ўзбекистон» ёзуви кўрсатилади;

5) 5-майдон. «Қўшимча маълумотлар».

Майдонда қайд этилган қуйидаги саволлар бўйича «Ҳа» ёки «Йўқ» қисқа жавобларидан бири танланади:

а) «Транспорт юк биланми?» — ҳаракатланаётган транспорт воситасида товар олиб ўтилаётган бўлса «Ҳа» жавоби, акси бўлган ҳолатда «Йўқ» жавоби танланади;

б) «Транспорт товар сифатидами?» — ҳаракатланаётган транспорт воситаси товар сифатида олиб ўтилаётган бўлса «Ҳа» жавоби, акси бўлган ҳолатда «Йўқ» жавоби танланади;

в) «Транспорт вазн ва габаритлари меъёрларга мосми?» — ҳаракатланаётган транспорт воситасининг вазн ва габаритлари Ўзбекистон Республикаси Вазирлар Маҳкамасининг 2011 йил 26 декабрдаги 342-сон «Ўзбекистон Республикаси ҳудудидаги автомобиль йўлларида хавфсизликни таъминлаш ва ташкил этиш чора-тадбирлари тўғрисида»ги қарорида қайд этилган меъёрларга мос бўлса «Ҳа» жавоби, акси бўлган ҳолатда «Йўқ» жавоби танланади;

г) «Товар бошқа транспортга қайта юкланадими?» — Ўзбекистон Республикаси ҳудудида ҳаракатланаётган транспорт воситасига ортилган товарларнинг тўлиқ ёки маълум бир қисми бошқа транспорт воситасига юкланадиган бўлса «Ҳа» жавоби, акси бўлган ҳолатда «Йўқ» жавоби танланади;

д) «Ойна туси ўзгартирилганми?» — ҳаракатланаётган хорижий автотранспорт воситасининг олд, орқа ва ён ойналари тусининг ёруғлик ўтказувчанлиги ўзгартирилган (қорайтирилган) бўлса «Ҳа» жавоби, акси бўлган ҳолатда «Йўқ» жавоби танланади;

е) «Товарга аввал транзит декларацияси расмийлаштирилганми?» — товарга аввал божхона транзити божхона режимига жойлаштириш учун транзит декларацияси расмийлаштирилган бўлса «Ҳа» жавоби, акси бўлган ҳолатда «Йўқ» жавоби танланади. Бунда, «Ҳа» жавоби танланса, «Аввалги ҳужжат» номи остидаги майдонда товарга расмийлаштирилган аввалги транзит декларациясининг рўйхат рақами кўрсатилади.

Товарга аввал бир нечта транзит декларацияси расмийлаштирилган бўлса, ҳар бирининг рўйхат рақами алоҳида янги қатордан кўрсатилади.

2-§. «Транспорт тўғрисида маълумотлар» бўлимидан фойдаланиш тартиби

17. «Транспорт тўғрисида маълумотлар» бўлими «Ташувчи маълумотлари», «Транспорт тўғрисида маълумотлар», «Ҳайдовчи маълумотлари» номли қисмлардан иборат. Бўлимда Ўзбекистон Республикаси божхона чегарасидан товарлар олиб ўтилаётган ёки товар сифатида ўзи ҳаракатланувчи транспорт воситаси ва унинг ҳайдовчиси тўғрисидаги маълумотлар кўрсатилади.

18. «Ташувчи тўғрисида маълумотлар» қисмида товарларни етказиб беришни амалга ошираётган ташувчининг юридик ёки жисмоний шахс эканлиги қайд этилган ҳолда унга тегишли маълумотлар кўрсатилади.

19. Ташувчи юридик шахс бўлган тақдирда, маълумотлар қуйидаги тартибда кўрсатилади:

1) 1-майдон. «Рўйхатга олинган давлат».

Майдонда ташувчи юридик шахс сифатида рўйхатга олинган мамлакат коди Дунё мамлакатлари таснифлагичидан танлаш орқали кўрсатилади;

2) 2-майдон. «СТИР».

Майдонда ташувчига тегишли СТИР кўрсатилади.

Ташувчи СТИРга эга бўлмаган норезидент бўлса, «999999999» коди кўрсатилади;

3) 3-майдон. «Ташувчи номи».

Майдонда ташувчининг (ташувчи ташкилотнинг) номи кўрсатилади.

Масалан, «Vodiy trans» МЧЖ;

4) 4-майдон. «Телефон рақами».

Майдонда ташувчининг телефон рақами кўрсатилади.

Масалан, +998999999999;

5) 5-майдон. «Электрон почта».

Майдонда ташувчининг электрон почта манзили (мавжуд бўлса) кўрсатилади.

20. Ташувчи жисмоний шахс бўлганда, маълумотлар қуйидаги тартибда кўрсатилади:

1) 1-майдон. «Фуқаролиги».

Майдонда ташувчининг фуқаролиги бўйича мамлакат коди Дунё мамлакатлари таснифлагичидан танлаш орқали кўрсатилади. Фуқаролиги бўлмаган шахслар томонидан «000-номаълум» ёзуви қайд этилади;

2) 2-майдон. «ЖШШИР».

Майдонда ташувчига тегишли ЖШШИР кўрсатилади.

Ташувчи ЖШШИРга эга бўлмаган норезидент бўлса, «99999999999999» коди кўрсатилади;

3) 3-майдон. «ФИО».

Майдонда ташувчининг фамилияси, исми, отасининг исми кўрсатилади.

Масалан, Раимов Бектемир Аминжонович;

4) 4-майдон. «Телефон рақами».

Майдонда ташувчининг телефон рақами кўрсатилади.

Масалан, +998999999999;

5) 5-майдон. «Электрон почта».

Майдонда ташувчининг электрон почта манзили (мавжуд бўлса) кўрсатилади;

6) 6-майдон. «Паспорт серияси ва рақами».

Майдонда ташувчининг хорижга чиқишда фойдаланадиган паспорт серияси ва рақами кўрсатилади.

Транзит декларацияси Ўзбекистон Республикасининг ички ҳудудидаги жўнатувчи божхона органидан товар келиб тушадиган божхона органига товарларни етказиб бериш учун тақдим этилаётган ҳолларда ташувчининг хорижга чиқиш биометрик паспорти мавжуд бўлмаса, унинг биометрик паспорт ёки идентификация ID-картаси серияси ва рақами кўрсатилади.

Агар ташувчи фуқаролиги бўлмаган шахс бўлса, фуқаролиги бўлмаган шахс гувоҳномасининг серия ва рақами кўрсатилади.

Маълумот бўш жойсиз (пробелсиз), лотин алифбоси ҳарфлари ва рақамлардан иборат бўлиши лозим.

Алоҳида ажратилган «Fayl» номли майдончада ушбу майдонда серия ва рақами қайд этилган паспорт нусхасига «Е-архив» интерактив хизмати томонидан берилган тегишли махсус рақамини қайд этилади ҳамда сақланади, бундан Ўзбекистон Республикаси фуқаросининг паспорт нусхаси мустасно;

21. «Транспорт тўғрисидаги маълумотлар» қисмида товарлар олиб ўтилаётган ёки товар сифатида ўзи ҳаракатланувчи транспорт воситаси ҳақида қуйидаги маълумотлар кўрсатилади:

1) 1-майдон. «Давлат рақами».

Майдонда автотранспорт воситасининг рўйхатдан ўтказиш давлат рақами белгиси кўрсатилади. Рўйхатдан ўтказиш давлат рақами белгисидаги ҳарфлар қайси алифбода бўлса, ушбу алифбо ҳарфларида қайд этилиши лозим.

Масалан, лотин алифбосидаги ҳарфлар лотин алифбосида, кирилл алифбосидаги ҳарфлар кирилл алифбосида ёзилади.

Рўйхатдан ўтказиш давлат рақами белгиси мавжуд бўлмаган ҳолларда «000000» ёзуви қайд этилади.

Алоҳида ажратилган «Fayl» номли майдончада ушбу майдонда рўйхатдан ўтказиш давлат рақами белгиси қайд этилган транспорт воситасини рўйхатдан ўтказиш ҳақидаги гувоҳнома (техник паспорт) ёки унинг ўрнини босувчи ҳужжат нусхасига «Е-архив» интерактив хизмати томонидан берилган тегишли махсус рақам қайд этилади ва сақланади;

2) 2-майдон. «Рўйхатдан ўтган мамлакат».

Майдонда автотранспорт воситасини рўйхатдан ўтган мамлакатнинг номи Дунё мамлакатлари таснифлагичидан танлаш орқали кўрсатилади.

Автотранспорт воситаси товар сифатида ҳаракатланаётган бўлса, Дунё мамлакатлари таснифлагичидан танлаш орқали «000-номаълум» ёзуви қайд этилади;

3) 3-майдон. «Маркаси ва модели».

Майдонда автотранспорт воситасининг маркаси ва модели кўрсатилади. Марка ва модел ҳақидаги маълумотлар транспорт ҳужжатлари асосида кўрсатилади;

4) 4-майдон. «VIN рақами».

Майдонда транспорт воситасининг идентификация рақами (VIN рақами) кўрсатилади.

Агар товарни ташишда автотранспорт воситалари составидан фойдаланилган бўлса, ушбу транспорт воситаларини (тиркамаларни, ярим тиркамаларни ва ҳ.к.) ҳаракатга келтирувчи автотранспорт воситасига тегишли идентификация рақами (VIN рақами) кўрсатилади.

Транспорт воситасининг идентификация рақами (VIN рақами) транспорт воситасини рўйхатдан ўтказиш ҳақидаги гувоҳномада (техник паспортда) қайд этилади. Маълумот бўш жойсиз (пробелсиз), лотин алифбоси ҳарфлари ва рақамлардан иборат бўлиши лозим.

Транспорт воситасининг идентификация рақами (VIN рақами) 17 та белгидан иборат ягона рақам бўлиб, айрим ҳолларда «Шасси», айримларида «Кузов» рақами қисмида берилади.

Агар транспорт воситасини рўйхатдан ўтказиш ҳақидаги гувоҳномада (техник паспортда) транспорт воситасининг идентификация рақами (VIN рақами) 17 та белгидан кам бўлган тақдирда, идентификация рақами (VIN рақами) 17 та белгига етгунига қадар унинг олдига ноль рақамлари қўйилади.

Масалан, транспорт воситасини рўйхатдан ўтказиш ҳақидаги гувоҳномада (техник паспортда) транспорт воситасининг идентификация рақами (VIN рақами) «ХX1234» шаклида кўрсатилган бўлса, у ҳолда идентификация рақами (VIN рақами) «00000000000XX1234» шаклида қайд этилади;

5) 5-майдон. «Юксиз вазни (кг)».

Майдонда автотранспорт воситасининг юксиз вазни килограммда кўрсатилади;

6) 6-майдон. «Двигател қуввати (от кучи)».

Майдонда автотранспорт воситасининг двигатель қуввати (от кучи) кўрсатилади;

7) 7-майдон. «Катта ҳажмли ва оғир юкларни ташиш учун рухсатнома рақами».

Майдонда Ўзбекистон Республикаси ҳудудида келишилган аниқ йўналиш бўйича катта ҳажмли ва оғир вазнли юкларни ташишга ҳуқуқ берувчи ҳужжат (махсус рухсатнома) рақами кўрсатилади.

Катта ҳажмли ва оғир вазнли юкларни автомобиль транспортида ташиш учун рухсатнома (махсус рухсатнома)ни расмийлаштириш талаб этилмайдиган ҳолларда майдонда маълумотлар кўрсатилмайди;

8) 8-майдон. «Ўзбекистон Республикаси ҳудудига кириш ва транзит ўтиши учун рухсатнома рақами».

Майдонда хорижий автотранспорт воситаларининг Ўзбекистон Республикаси ҳудудига кириши ва транзит ўтиши учун рухсатнома талаб этиладиган ҳолларда рухсатнома рақами кўрсатилади.

Ўзбекистон Республикасининг халқаро шартномаларида автотранспорт воситаси учун рухсатнома талаб этилмаслиги белгиланган ҳолларда «истисно қилиш» деб номланган майдонча орқали унинг сабабларидан бири маълумотномадан танланади;

9) 9-майдон. «Ишлаб чиқарилган йили».

Майдонда автотранспорт воситасининг ишлаб чиқарилган йили маълумотномадан танлаш орқали кўрсатилади;

10) 10-майдон. «Тиркама ва контейнер рақами».

Майдонда тиркама ва контейнер рақамлари қуйидаги тартибда кўрсатилади:

а) «Тиркама маълумотлари» бўлмаси орқали алоҳида ажратилган майдончаларда тиркаманинг рўйхатдан ўтказиш давлат рақами, идентификация рақами (VIN рақами), юксиз вазни, рўйхатга олинган давлати ҳақидаги маълумотлар мазкур банднинг 1 , 2 , 4 , 5-кичик бандларида белгиланган тартибда кўрсатилади;

б) «Контейнер маълумотлари» бўлмаси орқали алоҳида ажратилган майдончаларда контейнер рақами, унинг юксиз вазни, контейнер ортилган тиркама рақами ва контейнер товар сифатида олиб ўтилаётганлиги ёки товар сифатида олиб ўтилмаётганлиги ҳақида маълумотлар қайд этилади.

Тиркама ва (ёки) контейнер мавжуд бўлмаган ҳолларда уларга тегишли майдонларда маълумот кўрсатилмайди;

22. «Ҳайдовчи маълумотлари» қисмида майдонлар қуйидаги тартибда тўлдирилади:

1) 1-майдон. «Фуқаролиги».

Майдонда автотранспорт воситасини бошқараётган шахснинг (ҳайдовчининг) фуқаролиги кўрсатилади. Ҳайдовчи фуқаролиги бўлмаган шахс бўлса, маълумотномадан «000-номаълум» ёзуви танланади;

2) 2-майдон. «Паспорт серияси ва рақами».

Майдонда автотранспорт воситасини бошқараётган шахснинг (ҳайдовчининг) хорижга чиқишда фойдаланадиган паспорти серияси ва рақами кўрсатилади.

Транзит декларацияси Ўзбекистон Республикасининг ички ҳудудидаги жўнатувчи божхона органидан товар келиб тушадиган божхона органига товарларни етказиб бериш учун тақдим этилаётган ҳолларда автотранспорт воситасини бошқараётган шахснинг (ҳайдовчининг) хорижга чиқиш биометрик паспорти мавжуд бўлмаса, унинг биометрик паспорти ёки идентификация ID-картаси серияси ва рақами кўрсатилади.

Агар автотранспорт воситасини бошқараётган шахс (ҳайдовчи) фуқаролиги бўлмаган шахс бўлса, фуқаролиги бўлмаган шахс гувоҳномасининг серияси ва рақами кўрсатилади.

Маълумот бўш жойсиз (пробелсиз), лотин алифбоси ҳарфлари ва рақамлардан иборат бўлиши лозим.

Алоҳида ажратилган «Fayl» номли майдончада ушбу майдонда серия ва рақами қайд этилган паспорт нусхасига «Е-архив» интерактив хизмати томонидан берилган тегишли махсус рақам қайд этилади ҳамда сақланади, бундан Ўзбекистон Республикаси фуқаросининг паспорт нусхаси мустасно;

3) 3-майдон. «ЖШШИР».

Майдонда автотранспорт воситасини бошқараётган шахснинг (ҳайдовчининг) ЖШШИРи кўрсатилади.

Автотранспорт воситасини бошқараётган шахс (ҳайдовчи) ЖШШИРга эга бўлмаган норезидент бўлса, «99999999999999» коди кўрсатилади;

4) 4-майдон. «Фамилияси».

Майдонда автотранспорт воситасини бошқараётган шахснинг (ҳайдовчининг) фамилияси кўрсатилади;

5) 5-майдон. «Исми».

Майдонда автотранспорт воситасини бошқараётган шахснинг (ҳайдовчининг) исми кўрсатилади;

6) 6-майдон. «Телефон рақами».

Майдонда автотранспорт воситасини бошқараётган шахснинг (ҳайдовчининг) телефон рақами кўрсатилади;

7) 7-майдон. «Электрон почта».

Майдонда автотранспорт воситасини бошқараётган шахснинг (ҳайдовчининг) электрон почта манзили (мавжуд бўлса) кўрсатилади.

3-§. «Юк тўғрисида маълумот» бўлимидан фойдаланиш тартиби

23. «Юк тўғрисида маълумот» бўлими «Юк кузатув ҳужжатлари», «Товар тўғрисида маълумотлар» ва «Нотариф чоралар» номли қисмлардан иборат.

24. «Юк кузатув ҳужжатлари» қисмида маълумотлар кузатув ҳужжатлари асосида «Қўшиш» тугмаси орқали кўрсатилади. Агар товарларни қабул қилувчиси ёки жўнатувчиси икки ёки ундан ортиқ бўлса, ҳар бирига оид маълумотлар алоҳида кўрсатилади.

25. «Юк кузатув ҳужжатлари» қисмида маълумотлар қуйидагича кўрсатилади:

1) 1-майдон. «CMR рақами».

Майдонда автотранспорт воситасига тегишли халқаро транспорт юк хати (CMR) рақами кўрсатилади.

Алоҳида ажратилган «Fayl» номли майдончада ушбу майдонда рақами кўрсатилган халқаро транспорт юк хатининг (CMR) нусхаси «Е-архив» интерактив хизмати томонидан берилган тегишли махсус рақам қайд этилади ҳамда сақланади;

2) 2-майдон. «CMR санаси».

Майдонда автотранспорт воситасига тегишли халқаро транспорт юк хатининг (CMR) санаси кўрсатилади;

3) 3-майдон. «Инвойс рақами».

Майдонда товарларни жўнатувчи шахс томонидан берилган инвойс (ҳисоб, ҳисоб-фактура) рақами кўрсатилади. Инвойс (ҳисоб, ҳисоб-фактура) рақамида ҳарфлар мавжуд бўлган тақдирда, улар қайси алифбода бўлса, ушбу алифбо ҳарфларида қайд этилиши лозим.

Масалан, лотин алифбосидаги ҳарфлар лотин алифбосида, кирилл алифбосидаги ҳарфлар кирилл алифбосида ёзилади.

Алоҳида ажратилган «Fayl» номли майдончада ушбу майдонда рақами кўрсатилган инвойс (ҳисоб, ҳисоб-фактура) нусхасига «Е-архив» интерактив хизмати томонидан берилган тегишли махсус рақами қайд этилади ҳамда сақланади;

4) 4-майдон. «Инвойс санаси».

Майдонда товарларни жўнатувчи шахс томонидан берилган инвойс (ҳисоб, ҳисоб-фактура) санаси кўрсатилади;

5) 5-майдон. «Юк жўнатувчи».

Майдонда Дунё мамлакатлари таснифлагичидан товарлар жўнатилган мамлакатнинг коди ва номи танланади ҳамда жўнатувчи шахс ҳақидаги қуйидаги маълумотлар кўрсатилади:

жўнатувчи жисмоний шахс бўлса — жисмоний шахснинг фамилияси, исми ва отасининг исми, унинг яшаш манзили, телефон рақами ва электрон почта манзили (мавжуд бўлса);

жўнатувчи юридик шахс бўлса — унинг қисқача номи ва жойлашган ери, телефон рақами ва электрон почта манзили (мавжуд бўлса);

6) 6-майдон. «Юк қабул қилувчи».

Майдонда Дунё мамлакатлари таснифлагичидан товарлар келиб тушадиган мамлакатнинг коди ва номи танланади ҳамда қабул қилувчи шахс ҳақидаги қуйидаги маълумотлар кўрсатилади:

қабул қилувчи жисмоний шахс бўлса — жисмоний шахснинг фамилияси, исми ва отасининг исми, ЖШШИРи, унинг яшаш манзили, телефон рақами ва электрон почта манзили (мавжуд бўлса);

қабул қилувчи юридик шахс бўлса — унинг қисқача номи ва жойлашган ери, СТИРи, телефон рақами ва электрон почта манзили (мавжуд бўлса);

7) 7-майдон. «Жойлар сони».

Майдонда товарлар жойлаштирилган ўринлар (жойлар) сони кўрсатилади.

Товарлар сочилган, уюмланган, қуйилган (ўрамсиз) ҳолатда олиб кирилаётганда, «0» рақами қайд этилади;

8) 8-майдон. «Манзил божхона пости».

Майдонда товарлар етказиб бериладиган божхона постининг коди ва номи Божхона постлари таснифлагичидан танлаш орқали кўрсатилади;

9) 9-майдон. «Юк тушириладиган божхона омбори».

Майдонда товарлар етказиладиган (жойлаштириладиган, тушириладиган) божхона омбори кўрсатилади.

Товарлар божхона омбори мақомига эга бўлмаган бошқа омборларга жойлаштириладиган ёки чегара божхона пости орқали республика ҳудудидан олиб чиқиб кетиладиган ёхуд декларантда товарлар жойлаштириладиган божхона омбори ҳақида маълумот мавжуд бўлмаган ҳолларда майдонни тўлдириш талаб этилмайди;

10) 10-майдон. «Қўшимча ҳужжатлар».

Майдонда декларацияловчи шахс томонидан божхона расмийлаштирувини амалга ошириш учун асос бўлувчи қўшимча ҳужжатлар (мавжуд бўлса) ҳақидаги маълумотлар кўрсатилади.

Бунда, қўшимча ҳужжатлар ҳақидаги маълумотлар «Қўшиш» тугмаси орқали қуйидаги тартибда кўрсатилади:

«Ҳужжат тури» номли майдончада ҳужжатнинг тури Божхона юк декларациясини тўлдиришда фойдаланиладиган ҳужжатлар ва маълумотлар турлари таснифлагичидан танлаш орқали кўрсатилади;

«Ҳужжат рақами» номли майдончада ҳужжатнинг рақами кўрсатилади.

Ҳужжат рақамида ҳарфлар иштирок этса, улар қайси алифбода бўлса, ушбу алифбо ҳарфларида қайд этилиши лозим.

Масалан, лотин алифбосидаги ҳарфлар лотин алифбосида, кирилл алифбосидаги ҳарфлар кирилл алифбосида ёзилади.

«Ҳужжат санаси» номли майдончада ҳужжатнинг санаси кўрсатилади;

Агар кўрсатилиши лозим бўлган ҳужжатлар сони бир нечта бўлганда, ҳар бир ҳужжатга тегишли маълумотлар янги қаторда кўрсатилади.

26. «Товар тўғрисида маълумотлар» қисмида товарлар тўғрисида маълумотлар кузатув ҳужжатлари асосида «Қўшиш» тугмаси орқали кўрсатилади. Агар товарлар бир нечта бўлса, ҳар бирига оид маълумотлар алоҳида рақам остида кўрсатилади.

Агар товарлар тўғрисидаги маълумотлар мазкур қисмда кўрсатилган намуна асосида «excel» форматида тайёрланган бўлса, ушбу маълумотни юклаб олиш орқали ҳам майдонлар тўлдирилиши мумкин.

27. «Товар тўғрисида маълумотлар» қисмида маълумотлар қуйидагича кўрсатилади:

1) 1-майдон. «ТИФ ТН коди».

Майдонда товарнинг Ўзбекистон Республикаси Ташқи иқтисодий фаолият товарлар номенклатурасига (бундан буён матнда ТИФ ТН деб юритилади) мувофиқ ўнта рақамли коди кўрсатилади. Товарнинг ТИФ ТН коди инвойсдан (ҳисоб, ҳисоб-фактурадан) олинади.

Агар товарнинг ТИФ ТНга мувофиқ ўнта рақамли кодини кўрсатишни имкони бўлмаса, майдонда ТИФ ТНга мувофиқ товарнинг коди олтита рақамгача кўрсатилиши мумкин;

2) 2-майдон. «Товар номи ва тавсифи».

Майдонда товарга тегишли инвойсда (ҳисоб, ҳисоб-фактурада) мавжуд бўлган товарнинг номи, белгилари, артикуллари, навлари, стандартлари ва бошқа техник ва тижорат тавсифлари (миллий стандартлар, техник регламентлар ҳамда стандартлар ва ҳ.к.) кўрсатилади;

3) 3-майдон. «Қадоқ тури».

Майдонда товарга тегишли ўров варағида қайд этилган товарнинг қадоқ тури Қадоқ турлари маълумотномасидан танлаш орқали кўрсатилади (масалан, пакет, қоп ва ҳ.к.);

4) 4-майдон. «Ўлчов бирлиги».

Майдонда товарнинг ўлчов бирлиги товарнинг ТИФ ТНга мувофиқ коди асосида қуйидаги тартибда кўрсатилади:

товарнинг ТИФ ТНга мувофиқ ўнта рақамли коди кўрсатилган бўлса, майдон ТИФ ТНда келтирилган «Ўлчов бирликлари жадвали»га мувофиқ божхона органи томонидан автоматлаштирилган тартибда тўлдирилади;

товарнинг ТИФ ТНга мувофиқ коди олтита рақамгача кўрсатилган бўлса, майдонда товарнинг кузатув ҳужжатларидаги ўлчов бирлиги маълумотномадан танлаш орқали кўрсатилади.

Масалан:

транспорт воситасида оғирлиги 4200 килограммга тенг 50 та дона музлаткич олиб ўтилаётган бўлса — майдонда «796-шт» ёзуви кўрсатилади;

транспорт воситасида оғирлиги 23000 килограммга тенг 460 та қопда буғдой уни олиб ўтилаётган бўлса — майдонда «166-кг» ёзуви кўрсатилади;

5) 5-майдон. «Миқдори».

Майдонда товарнинг ушбу қисмнинг 4-майдонида кўрсатилган ўлчов бирлигидаги миқдори товарнинг кузатув ҳужжатлари асосида кўрсатилади;

6) 6-майдон. «Брутто вазни».

Майдонда товарнинг килограммдаги «брутто» оғирлиги кўрсатилади;

7) 7-майдон. «Нетто вазни».

Майдонда товарнинг килограммдаги «нетто» оғирлиги товарнинг кузатув ҳужжатлари асосида кўрсатилади;

8) 8-майдон. «Фактура қиймати»

Майдонда товарнинг инвойсда (ҳисоб, ҳисоб-фактурада) қайд этилган фактура қиймати кўрсатилади;

9) 9-майдон. «Валюта тури».

Майдонда товарнинг фактура қийматини инвойсдаги (ҳисоб, ҳисоб-фактурадаги) ҳисоб-китоб амалга оширилган ёки амалга ошириладиган валюта номи бўйича валюта тури Валюталар таснифлагичидан танлаш орқали кўрсатилади;

10) товар сифатида автотранспорт воситаси олиб ўтилаётган ҳолларда алоҳида ажратилган майдонларда унинг ишлаб чиқарилган йили, двигателнинг иш ҳажми (қуввати, от кучи) кўрсатилади.

28. «Нотариф чоралар» қисмида маълумотлар (товар ва транспорт воситаларига нисбатан мавжуд тақиқлар, чекловлар, чегара божхона постида талаб этиладиган рухсат этиш хусусиятига эга ҳужжатлар ва ҳ.к.) норматив-ҳуқуқий ҳужжатлар асосида автоматик тарзда шаклланади.

Агар товарга нисбатан талаб этиладиган рухсат этиш хусусиятига эга бўлган ҳужжатларни тақдим этмаслик учун асос бўлувчи ҳужжат мавжуд бўлган тақдирда, «истисно» деб номланган майдонга белги қўйиш орқали ушбу ҳужжат ҳақида маълумот мазкур Низомнинг 25-банди 10-кичик банди талаблари асосида қайд этилади.

4-§. «Кафолат ва йиғимлар» бўлимидан фойдаланиш тартиби

29. «Кафолат ва йиғимлар» бўлими «Кафолат» ва «Йиғимлар» номли қисмлардан иборат бўлиб, тақдим этилган маълумотларга асосан ҳисобланган божхона тўловлари тўланишини таъминлаш суммаси ҳамда божхона тўловлари тўланишини таъминлаш усулларига оид маълумотлар кўрсатилади.

30. Тақдим этилган маълумотларга асосида «Кафолат» қисмида Ўзбекистон Республикаси Божхона кодексининг 47-бобига мувофиқ божхона тўловлари тўланишини таъминлашнинг дастлабки суммаси божхона органлари томонидан автоматлаштирилган тартибда ҳисобланади.

31. Декларацияловчи шахс томонидан қуйидагилар кўрсатилади:

1) 1-майдон. «Кафолат турини танланг».

Майдонда божхона тўловлари тўланишини таъминлаш усуллари маълумотномадан танлаш орқали кўрсатилади.

Божхона тўловлари тўланиши таъминланмаган бўлса, маълумотномадан «Божхона ҳамроҳлигида кузатиб бориш» ёзуви танланади.

Агар товарлар етказиб бериш миллий ташувчи томонидан амалга оширилаётган бўлса, «миллий автоташувчи» ёзуви танланади;

2) 2-майдон. «Рақами».

Майдонда божхона тўловлари тўланишини таъминланганлигини тасдиқловчи ҳужжатнинг рақами қайд этилади.

Агар товарлар Ўзбекистон Республикаси Божхона кодексининг 223-моддасига асосан миллий ташувчи томонидан етказиб бериладиган ҳолларда ташувчининг лицензия рақами қайд этилади;

32. «Йиғимлар» қисмида қонунчилик ҳужжатларига асосан ундириладиган йиғимларнинг сўмдаги дастлабки миқдори «E-Tranzit» ААТ томонидан автоматлашган тартибда ҳисобланади.

5-§. «Ҳужжатларни генерациялаш» бўлимидан фойдаланиш тартиби

33. «Ҳужжатларни генерациялаш» бўлимида декларацияловчи шахс томонидан киритилган маълумотлар асосида транзит декларацияси шакллантирилади.

34. «E-Tranzit» ААТга маълумот киритган декларацияловчи шахс мазкур бўлимда шакллантирилган ҳужжатларни қоғозга чоп этиши ва юклаб олиши мумкин.

35. Декларацияловчи шахснинг хоҳишига кўра йиғимлар бир вақтнинг ўзида «E-Tranzit» ААТ орқали яратилган иловалардан фойдаланган ҳолда «Тўловларни амалга ошириш» бўлмасига белги қўйиш орқали тўланади.

Агар ваколатли шахс йиғимларни чегара божхона постида тўласа, «E-Tranzit» ААТдаги «Чегара божхона постида тўлаш» бўлмасига белги қўяди.

36. Декларацияловчи шахс томонидан транзит декларациясини божхона органига тақдим этиш «Декларацияни тасдиқлайман ва юбораман» тугмаси орқали амалга оширилади.

2-боб. Темир йўл транспорт воситасида етказиб берилаётган товарлар бўйича транзит декларациясини тўлдириш

1-§. «Умумий маълумотлар» бўлимидан фойдаланиш тартиби

37. «Умумий маълумотлар» бўлимида маълумотлар транспорт ҳужжатларига асосан қуйидаги тартибда кўрсатилади:

1) 1-майдон. «Вагон рақами».

Майдонда СМГС шаклидаги темир йўл юк хатида қайд этилган темир йўл вагони рақами кўрсатилади;

2) 2-майдон. «Индекс рақами».

Майдонда транспортнинг (поезднинг) индекс рақами кўрсатилади (мавжуд бўлса);

3) 3-майдон. «Жўнатувчи божхона пости».

Майдонда Божхона постлари таснифлагичига асосан транзит декларацияси тақдим этиладиган божхона постининг коди ва номи танланади;

4) 4-майдон. «Жўнатувчи станция».

Майдонда СМГС шаклидаги темир йўл юк хатида қайд этилган дастлабки жўнатувчи станциянинг коди кўрсатилади;

5) 5-майдон. «Охирги станция».

Майдонда СМГС шаклидаги темир йўл юк хатида қайд этилган охирги манзил станциянинг коди кўрсатилади;

6) 6-майдон. «Контейнер маълумотлари».

Майдондаги алоҳида ажратилган майдончаларда контейнер рақами, унинг юксиз вазни ва контейнер товар сифатида олиб ўтилаётганлиги ёки товар сифатида олиб ўтилмаётганлиги ҳақидаги маълумотлар қайд этилади.

2-§. «Юк тўғрисида маълумот» бўлимидан фойдаланиш тартиби

38. «Юк тўғрисида маълумот» бўлими «Юк кузатув ҳужжатлари» ва «Товар тўғрисида маълумотлар» номли қисмлардан иборат.

39. «Юк кузатув ҳужжатлари» қисмида маълумотлар кузатув ҳужжатлари асосида «Қўшиш» тугмаси орқали кўрсатилади. Агар товарларни қабул қилувчиси ва жўнатувчиси икки ёки ундан ортиқ бўлса, уларнинг ҳар бирига оид маълумотлар алоҳида кўрсатилади.

40. «Юк кузатув ҳужжатлари» қисмида маълумотлар қуйидагича кўрсатилади:

1) 1-майдон. «CMГС рақами».

Майдонда CMГС шаклидаги темир йўл юк хати рақами кўрсатилади.

Алоҳида ажратилган «Fayl» номли майдончада ушбу майдонда рақами кўрсатилган CMГС шаклидаги темир йўл юк хатининг нусхаси «Е-архив» интерактив хизмати томонидан берилган тегишли махсус рақам қайд этилади ҳамда сақланади;

2) 2-майдон. «Инвойс рақами».

Майдонда товарларни жўнатувчи шахс томонидан берилган инвойс (ҳисоб, ҳисоб-фактура) рақами кўрсатилади. Инвойс (ҳисоб, ҳисоб-фактура) рақамида ҳарфлар мавжуд бўлган тақдирда, улар қайси алифбода бўлса, ушбу алифбо ҳарфларида қайд этилиши лозим.

Масалан, лотин алифбосидаги ҳарфлар лотин алифбосида, кирилл алифбосидаги ҳарфлар кирилл алифбосида ёзилади.

Алоҳида ажратилган «Fayl» номли майдончада ушбу майдонда рақами кўрсатилган инвойс (ҳисоб, ҳисоб-фактура) нусхасига «Е-архив» интерактив хизмати томонидан берилган тегишли махсус рақам қайд этилади ҳамда сақланади;

3) 3-майдон. «Инвойс санаси».

Майдонда товарни жўнатувчи шахс томонидан берилган инвойс (ҳисоб, ҳисоб-фактура) санаси кўрсатилади;

4) 4-майдон. «Контейнер рақами».

Майдонда товарлар ортилган контейнер рақами «Умумий маълумотлар» бўлимида қайд этилган контейнерлардан бирини танлаган ҳолда кўрсатилади;

5) 5-майдон. «Юк жўнатувчи».

Майдонда Дунё мамлакатлари таснифлагичидан товарлар жўнатилган мамлакатнинг коди ва номи танланади ҳамда жўнатувчи шахс ҳақидаги қуйидаги маълумотлар кўрсатилади:

жўнатувчи жисмоний шахс бўлса — жисмоний шахснинг фамилияси, исми ва отасининг исми, унинг яшаш манзили, телефон рақами ва электрон почта манзили (мавжуд бўлса);

жўнатувчи юридик шахс бўлса — унинг қисқача номи ва жойлашган ери, телефон рақами ва электрон почта манзили (мавжуд бўлса);

6) 6-майдон. «Юк қабул қилувчи».

Майдонда Дунё мамлакатлари таснифлагичидан товарлар келиб тушадиган мамлакатнинг коди ва номи танланади ҳамда қабул қилувчи шахс ҳақидаги қуйидаги маълумотлар кўрсатилади:

қабул қилувчи жисмоний шахс бўлса — жисмоний шахснинг фамилияси, исми ва отасининг исми, ЖШШИРи, унинг яшаш манзили, телефон рақами ва электрон почта манзили (мавжуд бўлса);

қабул қилувчи юридик шахс бўлса — унинг қисқача номи ва жойлашган ери, СТИРи, телефон рақами ва электрон почта манзили (мавжуд бўлса);

7) 7-майдон. «Жойлар сони».

Майдонда товарлар жойлаштирилган ўринлар (жойлар) сони кўрсатилади.

Товарлар сочилган, уюмланган, қуйилган (ўрамсиз) ҳолатда олиб кирилаётганда, «0» рақами қайд этилади;

8) 8-майдон. «Манзил станция».

Майдонда Ўзбекистон Республикаси ҳудудидаги ташув тугалланадиган станция темир йўл станциялари маълумотномасидан танлаш орқали қуйидаги тартибда кўрсатилади:

товарлар ички транзит йўналиши бўйича етказиб берилаётган бўлса — СМГС шаклидаги темир йўл юк хатининг 5-графасидаги темир йўл станцияси;

товарлар халқаро транзит йўналиши бўйича етказиб берилаётган бўлса — СМГС шаклидаги темир йўл юк хатининг 6-графасидаги темир йўл станцияси;

9) 9-майдон. «Манзил божхона пости».

Майдонда товарлар етказиб бериладиган божхона постининг коди ва номи Божхона постлари таснифлагичидан танлаш орқали кўрсатилади;

10) 10-майдон. «Қўшимча ҳужжатлар».

Майдонда декларацияловчи шахс томонидан божхона расмийлаштирувини амалга ошириш учун асос бўлувчи қўшимча ҳужжатлар (мавжуд бўлса) ҳақидаги маълумотлар кўрсатилади.

Бунда, қўшимча ҳужжатлар ҳақидаги маълумотлар «Қўшиш» тугмаси орқали қуйидаги тартибда кўрсатилади:

«Ҳужжат тури» номли майдончада ҳужжатнинг тури Божхона юк декларациясини тўлдиришда фойдаланиладиган ҳужжатлар ва маълумотлар турлари таснифлагичидан танлаш орқали кўрсатилади;

«Ҳужжат рақами» номли майдончада ҳужжатнинг рақами кўрсатилади.

Ҳужжат рақамида ҳарфлар иштирок этса, улар қайси алифбода бўлса, ушбу алифбо ҳарфларида қайд этилиши лозим.

Масалан, лотин алифбосидаги ҳарфлар лотин алифбосида, кирилл алифбосидаги ҳарфлар кирилл алифбосида ёзилади.

«Ҳужжат санаси» номли майдончада ҳужжатнинг санаси кўрсатилади.

Агар кўрсатилиши лозим бўлган ҳужжатлар сони бир нечта бўлганда, ҳар бир ҳужжатга тегишли маълумотлар алоҳида кўрсатилади.

41. «Товар тўғрисида маълумотлар» қисмида товарлар тўғрисида маълумотлар кузатув ҳужжатлари асосида «Қўшиш» тугмаси орқали кўрсатилади. Агар товарлар бир нечта бўлса, ҳар бир товар ҳақидаги маълумотлар алоҳида рақам остида кўрсатилади.

Агар товарлар тўғрисидаги маълумотлар мазкур қисмда кўрсатилган намуна асосида «excel» форматида тайёрланган бўлса, ушбу маълумотни юклаб олиш орқали ҳам майдонлар тўлдирилиши мумкин.

42. «Товар тўғрисида маълумотлар» қисмида маълумотлар қуйидагича кўрсатилади:

1) 1-майдон. «ТИФ ТН коди».

Майдонда товарнинг ТИФ ТНга мувофиқ ўнта рақамли коди кўрсатилади. Товарнинг ТИФ ТН коди инвойсдан (ҳисоб, ҳисоб-фактурадан) олинади.

Агар товарнинг ТИФ ТНга мувофиқ ўнта рақамли кодини кўрсатишни имкони бўлмаса, майдонда ТИФ ТНга мувофиқ товарнинг коди олтита рақамгача кўрсатилиши мумкин;

2) 2-майдон. «Товар номи ва тавсифи».

Майдонда товарга тегишли инвойсда (ҳисоб, ҳисоб-фактурада) мавжуд бўлган товарнинг номи, белгилари, артикуллари, навлари, стандартлари ва бошқа техник ва тижорат тавсифлари (миллий стандартлар, техник регламентлар ҳамда стандартлар ва ҳ.к.) кўрсатилади;

3) 3-майдон. «Ўлчов бирлиги».

Майдонда товарнинг ўлчов бирлиги товарнинг ТИФ ТНга мувофиқ коди асосида қуйидаги тартибда кўрсатилади:

товарнинг ТИФ ТНга мувофиқ ўнта рақамли коди кўрсатилган бўлса, майдон ТИФ ТНда келтирилган «Ўлчов бирликлари жадвали»га мувофиқ божхона органи томонидан автоматлаштирилган тартибда тўлдирилади;

товарнинг ТИФ ТНга мувофиқ товарнинг коди олтита рақамгача кўрсатилган бўлса, майдонда товарнинг кузатув ҳужжатларидаги ўлчов бирлиги маълумотномадан танлаш орқали кўрсатилади.

Масалан:

транспорт воситасида оғирлиги 4200 килограммга тенг 50 та дона музлаткич олиб ўтилаётган бўлса — майдонда «796-шт» ёзуви кўрсатилади;

транспорт воситасида оғирлиги 23000 килограммга тенг 460 та қопда буғдой уни олиб ўтилаётган бўлса — майдонда «166-кг» ёзуви кўрсатилади;

4) 4-майдон. «Миқдори».

Майдонда товарнинг ушбу қисмнинг 3-майдонида кўрсатилган ўлчов бирлигидаги миқдори кузатув ҳужжатлари асосида кўрсатилади;

5) 5-майдон. «Брутто вазни».

Майдонда товарнинг килограммдаги «брутто» оғирлиги кўрсатилади;

6) 6-майдон. «Нетто вазни».

Майдонда товарнинг килограммдаги «нетто» оғирлиги товарнинг кузатув ҳужжатлари асосида кўрсатилади;

7) 7-майдон. «Фактура қиймати»

Майдонда номи товарнинг инвойсда (ҳисоб, ҳисоб-фактурада) қайд этилган фактура қиймати кўрсатилади;

8) 8-майдон «Валюта тури».

Майдонда товарнинг фактура қийматини инвойсдаги (ҳисоб, ҳисоб-фактурадаги) ҳисоб-китоб амалга оширилган ёки амалга ошириладиган валюта номи бўйича валюта тури Валюталар таснифлагичидан танлаш орқали кўрсатилади.

3-§. «Йиғимлар» бўлимидан фойдаланиш тартиби

43. «Йиғимлар» бўлимида қонунчилик ҳужжатларига асосан ундириладиган йиғимларнинг сўмдаги дастлабки миқдори E-Tranzit» ААТ томонидан автоматлашган тартибда ҳисобланади.

4-§. «Ҳужжатларни генерациялаш» бўлимидан фойдаланиш тартиби

44. «Ҳужжатларни генерациялаш» бўлимида декларацияловчи шахс томонидан киритилган маълумотлар асосида транзит декларацияси шакллантирилади.

45. «E-Tranzit» ААТга маълумот киритган декларацияловчи шахс мазкур бўлимда шакллантирилган ҳужжатларни қоғозга чоп этиши ва юклаб олиши мумкин.

46. Декларацияловчи шахснинг хоҳишига кўра йиғимлар бир вақтнинг ўзида «E-Tranzit» ААТ орқали яратилган иловалардан фойдаланган ҳолда «Тўловларни амалга ошириш» бўлмасига белги қўйиш орқали тўланади.

Агар ваколатли шахс йиғимларни чегара божхона постида тўласа, «E-Tranzit» ААТдаги «Чегара божхона постида тўлаш» бўлмасига белги қўяди.

47. Декларацияловчи шахс томонидан транзит декларациясини божхона органига тақдим этиш «Декларацияни тасдиқлайман ва юбораман» тугмаси орқали амалга оширилади.

III бўлим. Транзит декларациясини қоғозга чоп этиладиган шаклида маълумотларни шакллантириш тартиби

3-боб. Транзит декларациясини қоғозга чоп этиладиган шакли

48. Қоғозга чоп этиладиган транзит декларацияси мазкур Низомнинг 1-иловасига мувофиқ шаклдаги транзит декларациясининг асосий варағи, бир нечта товарларни декларациялашда эса ушбу Низомнинг 2-иловасига мувофиқ шаклдаги транзит декларациясининг қўшимча варағидан иборат бўлади.

Транзит декларациясининг асосий варағида битта товар, битта қўшимча варағида эса учта товар тўғрисидаги маълумотлар кўрсатилиши мумкин.

49. Транзит декларациясини қоғозга чоп этиладиган шакли декларацияловчи шахс томонидан мазкур Низомнинг 1 ва 2-бобларида белгиланган тартибда кўрсатилган маълумотларга ва божхона органи ходими томонидан қайд этилган белгиларга асосан «E-Tranzit» ААТ томонидан автоматлаштирилган тартибда тўлдирилади.

4-боб. Транзит декларациясини қоғозга чоп этиладиган шаклидаги графаларнинг тўлдириш тартиби

50. Қоғозга чоп этиладиган шаклдаги транзит декларациясининг қуйидаги графалари тўлдирилади: 1, 2, 3, 5, 7, 8, 9, 13, 14, 15, 15а, 17, 17а, 18, 19, 22, 23, 26, 29, 31, 32, 33, 35, 37, 38, 40, 41, 42, 44, 46, 47, 50, 53, 54, «A» ва «D».

51. Транзит декларациясини қоғозга чоп этиладиган шаклидаги графалар қуйидаги тартибда тўлдирилади:

1) 1-графа. «Декларация тури».

Графанинг биринчи бўлмасида божхона транзити операцияси йўналишининг қисқа номи қуйидаги тартибда кўрсатилади:

товарлар ички транзит йўналиши бўйича етказиб берилаётган бўлса — «ВТ»;

товарлар халқаро транзит йўналиши бўйича етказиб берилаётган бўлса — «МТ»;

Графанинг иккинчи бўлмасида «80» коди кўрсатилади;

2) 2-графа. «Юкни жўнатувчи».

Графада божхона транзити божхона режимига жойлаштирилаётган товарларни жўнатувчи шахс тўғрисидаги маълумотлар қайд этилади.

Графада қуйидагилар кўрсатилади:

жўнатувчи жисмоний шахс бўлса — жисмоний шахснинг фамилияси, исми ва отасининг исми, унинг яшаш манзили;

жўнатувчи юридик шахс бўлса — унинг қисқача номи ва жойлашган ери;

3) 3-графа. «Қўшимча варақлар».

Графанинг биринчи бўлмасида варақнинг тартиб рақами, иккинчи бўлмасида транзит декларацияси варақларининг умумий сони (асосий ва қўшимча варақлари йиғиндиси) кўрсатилади.

Масалан, агар транзит декларацияси иккита қўшимча варақларга эга бўлса, унинг асосий варағида «1/3», биринчи қўшимча варағида «2/3», иккинчи қўшимча варағида «3/3» кўрсатилади. Агар транзит декларацияси қўшимча варақларга эга бўлмаса «1/1» кўрсатилади;

4) 5-графа. «Товарлар номларининг умумий сони».

Графада транзит декларациясининг 31-графаларида кўрсатилган товарлар номларининг умумий сони ёзилади. Бу сон транзит декларациясининг 31-графалари сонига мувофиқ бўлиши лозим;

5) 7-графа. «Рўйхат рақам».

Графада транзит декларацияси тақдим этилган божхона постининг коди, транзит декларациясининг рақами ва у рўйхатга олинган сана қуйидаги тартибда кўрсатилади:

99999 / 99.99.9999 / 9999999

1 2 3 4 5

1-элемент — декларацияловчи шахс томонидан қайд этилган божхона постининг Божхона постлари таснифлагичига мувофиқ бешта белгили коди;

2, 3 ва 4-элементлар — транзит декларацияси божхона расмийлаштируви учун қабул қилинган кун, ой ва йил;

5-элемент — божхона органи томонидан рўйхатга олинган транзит декларациясининг тартиб рақами (жорий йилда ўсиш тартибида, йил якунлангач рақамлаш янгидан бошланади);

6) 8-графа. «Юкни қабул қилувчи».

Графада транспорт ҳужжатларига асосан божхона транзити режимига жойлаштирилаётган товарларни қабул қилувчи шахс тўғрисидаги маълумотлар қайд этилади.

Графада транспорт ҳужжатларига асосан божхона транзити режимига жойлаштирилаётган товарларни қабул қилувчи шахс тўғрисидаги қуйидаги маълумотлар қайд этилади:

қабул қилувчи жисмоний шахс бўлса — жисмоний шахснинг фамилияси, исми ва отасининг исми, унинг яшаш манзили, телефон рақами ва электрон почта манзили (мавжуд бўлса);

қабул қилувчи юридик шахс бўлса — унинг қисқача номи ва жойлашган ери, телефон рақами ва электрон почта манзили (мавжуд бўлса);.

Графанинг пастки қисмида «№» белгисидан сўнг юкни қабул қилувчининг СТИРи (жисмоний шахс бўлса, ЖШШИРи) кўрсатилади.

Товарлар СТИР ёки ЖШШИРга эга бўлмаган шахслар томонидан олиб ўтилаётганда, «999999999» коди кўрсатилади;

7) 9-графа. «Ташувчи».

Графада товарларни ташувчиси тўғрисидаги қуйидаги маълумотлар кўрсатилади:

ташувчи жисмоний шахс бўлса — унинг фамилияси, исми ва отасининг исми, яшаш манзили (Дунё мамлакатлари таснифлагичига мувофиқ мамлакатнинг қисқа номи ва манзили), телефон рақами ва шахсини тасдиқловчи ҳужжат тўғрисидаги маълумотлар;

ташувчи юридик шахс бўлса — унинг қисқача номи ва жойлашган ери (Дунё мамлакатлари таснифлагичига мувофиқ мамлакатнинг қисқа номи ва юридик манзили), телефон рақами;

Графанинг пастки қисмида «№» белгисидан сўнг ташувчининг СТИРи (жисмоний шахс бўлса, ЖШШИРи) кўрсатилади. Ташувчи СТИР ёки ЖШШИРга эга бўлмаган шахс бўлса, «999999999» коди кўрсатилади;

8) 13-графа.

Графада Ўзбекистон Республикаси Марказий банки томонидан белгиланган, транзит декларацияси рўйхатга олинган кундаги АҚШ долларининг Ўзбекистон Республикаси миллий валютасига нисбатан курси кўрсатилади;

9) 14-графа. «Декларант/божхона брокери».

Графада божхона брокери ёки декларацияни тақдим этган декларант ҳақидаги маълумотлар (юридик шахс бўлса — унинг қисқача номи, жойлашган ери (юридик манзили), жисмоний шахс бўлса — фамилияси, исми ва отасининг исми, яшаш манзили) кўрсатилади.

Графанинг юқори қисмида «№» белгисидан сўнг, божхона брокери ёки декларантнинг СТИРи (жисмоний шахс бўлса, ЖШШИРи) кўрсатилади;

10) 15-графа. «Жўнатувчи мамлакат».

Графада товар жўнатилган мамлакатнинг Дунё мамлакатлари таснифлагичига мувофиқ қисқа номи кўрсатилади;

11) 15а-графа. «Жўнатувчи мамлакат коди».

Графада товар жўнатилган мамлакатнинг Дунё мамлакатлари таснифлагичига мувофиқ рақамли коди кўрсатилади;

12) 17-графа. «Келиб тушадиган мамлакат».

Графада товар келиб тушадиган мамлакатнинг Дунё мамлакатлари таснифлагичига мувофиқ қисқа номи кўрсатилади;

13) 17а-графа. «Келиб тушадиган мамлакат коди».

Графада товар келиб тушадиган мамлакатнинг Дунё мамлакатлари таснифлагичига мувофиқ рақамли коди кўрсатилади;

14) 18-графа. «Жўнатиш/етказиб бериш вақтидаги транспорт воситаси».

Графада жўнатувчи божхона органидан товар келиб тушадиган божхона органига товарларни ташиш амалга оширилаётган транспорт воситаси ҳақидаги маълумотлар кўрсатилади.

Графанинг чап бўлмасида транспорт воситалари миқдори ёзилади, битта бўш жой (пробел) ташлаб Транспорт турлари таснифлагичига мувофиқ транспорт воситасининг қисқача номи, сўнгра икки нуқтадан кейин орасига «;» ажратиш белгиси қўйилган ҳолда транспорт воситаси тўғрисидаги маълумотлар кўрсатилади (темир йўл вагони рақами, автотранспорт воситаси рўйхат рақами, автотранспорт воситасининг VIN рақами ва шу каби маълумотлар).

Масалан:

1 АВТО: A987SA; WYC5241321L245013;

1 ЖД: 63453546;

Агар товарлар автотранспорт воситалари состави билан олиб ўтилган бўлса, транспорт воситаси рўйхат рақамидан сўнг «/» ажратиш белгиси қўйилган ҳолда тиркамалар, ярим тиркамалар рақамлари ва уларнинг VIN рақамлари кўрсатилади.

Масалан:

1 АВТО: A987SA;WYC5241321L245013/K118DS;СYC5241321L245013.

Графанинг ўнг бўлмасида транспорт воситаси тегишли бўлган мамлакатнинг Дунё мамлакатлари таснифлагичига мувофиқ рақамли коди кўрсатилади.

Агар товарларни ташишда автотранспорт воситалари составидан фойдаланилган бўлса, ушбу транспорт воситаларини (прицепларни, ярим прицепларни ва ҳ.к.) ҳаракатга келтирган автотранспорт воситаси рўйхатга олинган мамлакатнинг рақамли коди кўрсатилади.

Графада транспорт воситаси билан боғлиқ бошқа маълумотлар ҳам кўрсатилиши мумкин;

15) 19-графа. «Контейнер».

Графада қуйидагилар кўрсатилади:

«0» — агар товарлар контейнерда олиб ўтилмаётган бўлса;

«1» — агар товарлар контейнерда олиб ўтилаётган ёки товар сифатида контейнер расмийлаштирилаётган бўлса;

16) 22-графа. «Валюта ва товарларнинг умумий фактура қиймати».

Графанинг чап бўлмасида фактура қийматнинг инвойсдаги (ҳисоб, ҳисоб-фактурадаги) ҳисоб-китоб амалга оширилган ёки амалга ошириладиган валюта коди Валюталар таснифлагичига мувофиқ кўрсатилади.

Графанинг ўнг бўлмасида рақамларда товарларни фактура қийматининг умумий суммаси кўрсатилади.

Товарларни фактура қийматининг умумий суммаси транзит декларациясининг 42-графаларидаги қийматлар йиғиндисидан ташкил топади;

17) 23-графа. «Валюта курси».

Графада транзит декларациясининг 22-графасида коди кўрсатилган валютанинг Ўзбекистон Республикаси Марказий банки томонидан белгиланган, транзит декларацияси рўйхатга олинган кундаги Ўзбекистон Республикаси миллий валютасига нисбатан курси кўрсатилади.

Масалан:

агар 1 Россия рубли = 182,52 сўм бўлса, графада «1/182,52» кўрсатилади;

агар 10 Япон йенаси = 79,70 сўм бўлса, графада «10/79,70» кўрсатилади;

агар валюта контракти Ўзбекистон Республикаси миллий валютаси бўлса, графада «1/1» кўрсатилади;

18) 26-графа. «Транспорт тури».

Графада Транспорт турлари таснифлагичига мувофиқ 18-графада кўрсатилган транспорт воситаси турининг коди кўрсатилади;

19) 29-графа. «Чегарадаги божхона».

Графада Божхона постлари таснифлагичига мувофиқ товарлар Ўзбекистон Республикасига олиб кириладиган божхона пости коди ва номи кўрсатилади

Транзит декларацияси Ўзбекистон Республикасининг ички ҳудудидаги жўнатувчи божхона органидан товар келиб тушадиган божхона органига товарларни етказиб бериш учун тақдим этилган бўлса, графа тўлдирилмайди;

20) 31-графа. «Юк жойлари ва товар тавсифи». «Маркировка ва миқдор — контейнерлар рақами — товар тавсифи».

Графада декларацияланаётган товар ҳақида декларацияловчи шахс томонидан кўрсатилган маълумот қайд этилади. Маълумотларнинг ҳар бири янги сатрдан бошланади ва улардан ҳар бирининг олдига тартиб рақами қўйилади:

1 — товар тавсифи ҳамда товарнинг миқдор ва сифат таркиби тўғрисидаги маълумотлар;

2 — ўрамга эга бўлган товар учун у эгаллаган юк жойларининг умумий сони, агар товарлар сочилган, уюмланган, қуйилган (ўрамсиз) ҳолатда олиб кирилган бўлса, «0» рақами кўрсатилади.

3 — товар контейнерда ташилганда ёки контейнер товар сифатида олиб ўтилаётган ҳолларда контейнер рақами ёзилади.

Графанинг пастки ўнг бурчагида алоҳида ажратилган жойда товарларнинг қўшимча ўлчов бирлигидаги миқдори ва ўлчов бирлигининг ТИФ ТНга мувофиқ шартли белгиланиши кўрсатилади;

21) 32-графа. «Товар №».

Графада 31-графада декларацияланаётган товарнинг тартиб рақами кўрсатилади;

22) 33-графа. «Товар коди».

Графанинг чап қисмида 31-графада декларацияланаётган товарларнинг ТИФ ТНга мувофиқ ўнта ёки олтита рақамли коди кўрсатилади. Ушбу код бўш жойсиз (пробелсиз) ва бошқа ажратувчи белгиларсиз ёзилади;

23) 35-графа. «Брутто вазн (кг)».

Графада транзит декларациясидаги товарнинг килограммдаги «брутто» оғирлиги кўрсатилади;

24) 37-графа. «Процедура».

Графада товарларни Ўзбекистон Республикаси божхона чегараси орқали олиб ўтиш процедурасининг етти белгили коди кўрсатилади. Ушбу код қуйидаги учта таркибий қисмлардан иборат:

биринчи иккита рақам — Божхона режимлари таснифлагичига мувофиқ баён этилаётган божхона режими коди;

кейинги иккита рақам — Божхона режимлари таснифлагичига мувофиқ аввалги божхона транзити божхона режими коди. Агар аввалги божхона транзити божхона режими мавжуд бўлмаса, «00» кўрсатилади;

охирги учта рақам — «000» коди кўрсатилади;

25) 38-графа. «Нетто вазн (кг)».

Графада товарнинг декларацияловчи шахс томонидан қайд этилган килограммдаги «нетто» оғирлиги кўрсатилади;

26) 40-графа. «Умумий декларация/аввалги ҳужжат».

Товарлар баён этилаётган божхона режимидан аввал божхона режимига жойлаштирилган бўлса, графада товарларни аввалги божхона режимига жойлаштириш учун асос бўлган транзит декларациясининг рўйхат рақами кўрсатилади;

27) 41-графа. «Қўшимча ўлчов бирлиги».

Графада ТИФ ТНда келтирилган «Ўлчов бирликлари жадвали»га мувофиқ 31-графанинг пастки ўнг бўлмасида кўрсатилган товар миқдорининг қўшимча ўлчов бирлиги коди кўрсатилади;

28) 42-графа. «Товарнинг фактура қиймати».

Графада декларацияловчи шахс томонидан қайд этилган товарнинг фактура қиймати кўрсатилади;

29) 44-графа. «Қўшимча маълумотлар/тақдим этилаётган ҳужжатлар».

Графада транзит декларациясини тўлдиришга асос бўлган ҳужжатлар тўғрисидаги маълумотлар кўрсатилади.

Ҳар бир ҳужжат тўғрисидаги маълумотлар Божхона юк декларациясини тўлдиришда фойдаланиладиган ҳужжатлар ва маълумотлар турлари таснифлагичига мувофиқ ҳужжатнинг тартиб рақами ва ҳарфли коди қайд этилган ҳолда кўрсатилади;

30) 46-графа. «Статистик қиймат».

Графада товарнинг статистик қиймати кўрсатилади. Статистик қиймат сифатида 42-графада кўрсатилган ва минг АҚШ долларига келтирилган товарнинг фактура қиймати қабул қилинади.

Статистик қиймат математик қоидаларга кўра вергулдан сўнг, уч белгигача аниқликда яхлитланади.

Статистик қийматини ҳисоблашда Ўзбекистон Республикаси Марказий банки томонидан белгиланган, транзит декларацияси рўйхатга олинган кунда амалда бўлган курсдан фойдаланилади;

31) 47-графа. «Божхона тўловларининг ҳисоби».

Графада божхона тўловларининг ҳисоби тўғрисидаги маълумотлар кўрсатилади.

«Тўлов тури» устунида Божхона тўловлари таснифлагичига мувофиқ божхона тўлови турининг коди кўрсатилади.

«Ҳисоблаш асоси» устунида божхона тўловини ҳисоблашнинг асоси кўрсатилади.

«Ставка» устунида божхона тўлови суммасини ҳисоблашда қўлланиладиган божхона тўловларининг белгиланган ставкаси миқдори кўрсатилади.

«Сумма» устунида божхона тўловининг Ўзбекистон Республикаси миллий валютасида ҳисобланган суммаси кўрсатилади;

32) 50-графа. «Ишонч билдирган шахс».

Графада транзит декларациясини тўлдиришга асос бўлган ҳужжатлар ва маълумотларни декларацияловчи шахсга тақдим этган ҳамда улардаги маълумотларга жавобгар ҳисобланган ваколатли шахснинг фамилияси, исми, отасининг исми ва унга тегишли жисмоний шахснинг шахсий идентификация рақами (бундан буён матнда ЖШШИР деб юритилади) кўрсатилади.

Ҳужжатларни тақдим этган шахс ЖШШИРи мавжуд бўлмаган норезидент бўлса, у ҳолда шахснинг ЖШШИРи қайд этиладиган жойда «99999999999999» коди кўрсатилади.

33) 53-графа. «Келиб тушадиган божхона ва мамлакат».

Графа халқаро транзит йўналиши бўйича етказиб берилаётган товар ва (ёки) транспорт воситаларини божхона транзити божхона режимига жойлаштиришда тўлдирилади.

Графада Божхона постлари таснифлагичига мувофиқ товарлар Ўзбекистон Республикасидан олиб чиқиб кетиладиган божхона органи номи ва коди кўрсатилади;

34) 54-графа. «Жой ва сана».

Графада декларацияловчи шахс ҳақида қуйидаги маълумотлар кўрсатилади (маълумотларнинг ҳар бири янги сатрдан бошланади ва улардан ҳар бирининг олдига тартиб рақами қўйилади):

1 — декларацияловчи шахснинг фамилияси, исми ва отасининг исми;

2 — декларацияловчи шахснинг телефон рақами;

3 — декларацияловчи шахснинг ЖШШИРи;

35) «А» графа.

Графада транзит декларациясига берилган идентификация коди қайд этилади;

36) «D» графа.

Графанинг чап бўлмасида жўнатувчи божхона органига тегишли маълумотлар қуйидаги тартибда тўлдирилади:

рўйхатга олиниб, қабул қилинмаган транзит декларациясида — «Қабул қилинмаган» ёзуви қайд этилади;

рўйхатга олиниб, қабул қилинган транзит декларациясида — «Қабул қилинган, расмийлаштирилмаган» ёзуви қайд этилади;

расмийлаштирилган транзит декларациясида — божхона органи томонидан ушбу транзит декларациясида баён этилган товар ва транспорт воситаларига нисбатан қабул қилинган қарорлар ҳақидаги божхона органи белгилари (ёзувлари) кўрсатилади.

Графанинг ўнг бўлмасида маълумотлар қуйидаги тартибда тўлдирилади:

жўнатувчи божхона органи томонидан расмийлаштирилган транзит декларациясида — «Божхона назоратидаги юк» ёзуви қайд этилади;:

қабул қилувчи божхона органи томонидан транзит божхона режими якунланганда — товарларга нисбатан қабул қилинган қарорлар ҳақидаги божхона органи белгилари (ёзувлари) кўрсатилади.

IV бўлим. Транзит декларациясини рўйхатга олиш, расмийлаштириш, унга ўзгартириш ва қўшимча киритиш, уни қайтариб олиш ҳамда бекор қилиш

5-боб. Транзит декларациясини рўйхатга олиш ва расмийлаштириш тартиби

52. Декларацияловчи шахс томонидан тақдим этилган транзит декларациясини божхона органи томонидан рўйхатдан ўтказиш реал вақт режимида «E-tranzit» ААТда автоматлаштирилган тартибда амалга оширилади.

«E-tranzit» ААТда транзит декларацияларини рўйхатда ўтказиш идентификация коди ва тартиб рақамлари берилган ҳолда қуйидаги тартибда амалга оширилади:

идентификация коди битта транспорт воситаси ва битта транспорт ҳужжати бўйича бир вақтда тақдим этилган транзит декларацияларига берилади;

тартиб рақами мазкур Низомнинг 51-бандида белгиланган тартибда ҳар бир транзит декларациясининг 7-графасини тўлдириш орқали берилади.

53. Транзит декларацияси божхона органи томонидан товар ва транспорт воситаси жўнатувчи божхона органига етиб келганидан сўнг қабул қилинади. Бунда, декларант томонидан товар ва транспорт воситаси бўйича тақдим этилган транзит декларациясига «E-Tranzit» ААТ томонидан берилган идентификация коди божхона органига маълум қилиниши зарур.

Транзит декларациясини қабул қилиш декларант томонидан божхона органларига товарнинг кузатув ҳужжатларини тақдим этиши ва идентификация кодини маълум қилиши билан бир вақтда амалга оширилади ҳамда бу ҳақда декларант ёки декларацияловчи шахс хабардор қилинади.

54. Рўйхатга олинган транзит декларацияси божхона органи томонидан қабул қилингандан сўнг, божхона расмийлаштируви Ўзбекистон Республикаси халқаро шартномаларига ва қонунчилик ҳужжатларига мувофиқ амалга оширилади.

55. Транзит декларациясининг жўнатувчи божхона органида божхона расмийлаштируви ҳамда тақдим этилган ҳужжатларни текшириш қуйидаги муддатларда амалга оширилади:

транзит декларациясига ўзгартириш ва (ёки) қўшимча киритиш зарурати юзага келмаганда, божхона декларацияси қабул қилинган ва барча зарур ҳужжатлар ҳамда маълумотлар тақдим этилган вақтдан бошлаб уч соат давомида, бундан ташқи иқтисодий фаолият божхона постларига божхона хизмати органларининг иш вақтидан ташқари пайтда транзит декларацияси тақдим этилган ҳолатлар мустасно;

мазкур банднинг иккинчи хатбошисида назарда тутилмаган бошқа ҳолларда транзит декларацияси қабул қилинган ва барча зарур ҳужжатлар ҳамда маълумотлар тақдим этилган кундан эътиборан бир иш куни ичида.

Мазкур муддатлар хавфларни бошқариш тизимида белгиланган зарур тадбирларни, шунингдек бошқа давлат органлари томонидан товарлар ва (ёки) транспорт воситалари устидан назоратни амалга ошириш учун зарур бўлган вақтни ўз ичига олмайди.

6-боб. Рўйхатга олиниб, қабул қилинмаган транзит декларациясига ўзгартириш ва қўшимча киритиш, уни қайтариб олиш ҳамда бекор қилиш

56. Транзит декларацияси рўйхатга олиниб, божхона органи томонидан қабул қилиб олингунига қадар декларацияловчи шахс транзит декларациясига ўзгартириш ва қўшимча киритиши, уни қайтариб олиши мумкин.

57. Рўйхатга олиниб, қабул қилинмаган транзит декларациясига ўзгартириш ва (ёки) қўшимча киритиш зарурати юзага келганда, декларацияловчи шахс «E-Tranzit» ААТда «Декларацияни тузатиш» тугмаси орқали амалга оширилади. Бунда, транзит декларациясига ўзгартириш ва (ёки) қўшимча киритиш мазкур Низомнинг 1 ва 2-бобларида белгиланган тартибда ҳамда кетма-кетликда амалга оширилади, бундан «E-Tranzit» ААТ томонидан автоматлаштирилган тартибда тўлдирилган майдонлар мустасно.

58. Рўйхатга олиниб, қабул қилинмаган транзит декларациясини қайтариб олиш «Декларацияни қайтариб олиш» тугмаси орқали амалга оширилади.

Агар битта идентификация коди билан рўйхатга олинган бир нечта транзит декларацияларининг биттасини қайтариб олиш зарурати юзага келган бўлса, бир вақтнинг ўзида уларнинг барчаси қайтариб олинади.

59. Қайтариб олинган транзит декларациясининг ўрнига янги транзит декларациясини тақдим этиш мазкур Низомнинг 13-бандида белгиланган муддатидан ошиб кетмаслиги лозим.

60. Транзит декларацияси рўйхатга олинган кундан эътиборан ўттиз календарь кун ичида унда кўрсатилган товарлар жўнатувчи божхона органига тақдим этилмаса, транзит декларацияси берилмаган деб ҳисобланади. Бунда, транзит декларацияси «E-Tranzit» ААТ томонидан автоматлаштирилган тартибда бекор қилинади ҳамда бу ҳақда декларацияловчи шахсга ахборот алмашиш тизими орқали маълум қилинади.

61. Қайтариб олинган ёки бекор қилинган транзит декларациясининг идентификация коди ва тартиб рақамлари бошқа транзит декларациясига берилмайди.

7-боб. Қабул қилинган ва расмийлаштирилган транзит декларациясига ўзгартириш ва қўшимча киритиш, уни қайтариб олиш ҳамда бекор қилиш

1-§. Декларант ёки декларацияловчи шахснинг мурожаатига асосан транзит декларациясига ўзгартириш ва қўшимча киритиш, уни қайтариб олиш

62. Қабул қилинган ва расмийлаштирилган транзит декларацияларига ўзгартириш ва (ёки) қўшимча киритиш, уни қайтариб олиш декларант ёки декларацияловчи шахснинг мурожаатига мувофиқ божхона органининг розилиги билан амалга оширилади.

Қабул қилинган транзит декларациясига ўзгартириш ва (ёки) қўшимча киритиш учун божхона органига декларант ёки декларацияловчи шахс мурожаат қилади.

Қабул қилинган транзит декларациясини қайтариб олиш ёки расмийлаштирилган транзит декларациясига ўзгартириш ва (ёки) қўшимча киритиш учун божхона органига декларант ёки унинг номидан транзит декларациясига ўзгартириш ва (ёки) қўшимча киритиш тўғрисидаги ишончномаси асосида декларацияловчи шахс мурожаат қилади.

63. Қабул қилинган ва расмийлаштирилган транзит декларациясига ўзгартириш ва (ёки) қўшимча киритиш қуйидаги ҳолларда амалга оширилади:

транзит декларациясини тўлдириш ва тақдим этиш жараёнида йўл қўйилган хато ва камчиликларни бартараф этиш зарур бўлганда;

битта товар юзасидан такроран бир нечта транзит декларацияси қабул қилинганлиги аниқланганда;

транзит декларациясини ўзгартириш, унга қўшимча киритиш учун асос бўладиган ҳамда тақдим этилган ҳужжатлар билан тасдиқланган, қонунчилик ҳужжатларига зид бўлмаган бошқа ҳолларда.

64. Қуйидаги ҳолларда транзит декларациясига ўзгартириш ва (ёки) қўшимча киритиш, уни қайтариб олиш тақиқланади:

декларант ёки декларацияловчи шахсдан транзит декларациясида кўрсатилган товарларга тегишли ҳужжатлар ва (ёки) маълумотлар талаб қилиниб, бу бўйича текширув якунига етмаган бўлса;

транзит декларациясида кўрсатилган товарларни божхона кўригидан ўтказиш белгиланиб, бу жараён якунига етмаган бўлса;

транзит декларациясида кўрсатилган товарларни божхона экспертизасидан ўтказиш тайинланиб, бу жараён якунига етказилмаган бўлса.

65. Декларант ёки декларацияловчи шахс транзит декларациясига ўзгартириш ва (ёки) қўшимча киритиш учун ўз хоҳишига кўра қуйидаги шаклларда мурожаат қилади:

транзит декларациясига «E-Tranzit» ААТда ўзгартириш ва қўшимча киритиш учун транзит декларацияси рўйхатга олинган божхона органига ахборот алмашиш тизими орқали;

декларант ёки декларацияловчи шахсда транзит декларациясини «E-Tranzit» ААТ орқали ўзгартириш ва (ёки) қўшимча киритиш имкони бўлмаган тақдирда, божхона органига мазкур Низомнинг 3-иловасига мувофиқ тузатиш киритиш варағини тақдим этиш орқали.

66. Тузатиш киритиш варағида транзит декларациясининг божхона органида рўйхатга олинган рақами, ўзгартириш ва (ёки) қўшимча киритиш лозим бўлган графа ва (ёки) майдонлар, уларга киритиладиган тузатишлар билан боғлиқ маълумотлар кўрсатилади ҳамда тузатиш киритиш варағи уни тақдим этган шахс томонидан имзоланади.

67. Транзит декларацияга ўзгартириш ва (ёки) қўшимча киритиш тўғрисидаги мурожаатлар божхона органи томонидан қуйидаги муддатларда кўриб чиқилади:

қабул қилинган транзит декларацияси бўйича мурожаат мазкур Низомнинг 55-бандида назарда тутилган расмийлаштирув муддатлари ичида;

расмийлаштирилган транзит декларацияси бўйича мурожаат Ўзбекистон Республикасининг «Жисмоний ва юридик шахсларнинг мурожаатлари тўғрисида»ги Қонунининг 28-моддасида белгиланган муддатда.

68. Божхона органи мурожаатни кўриб чиқиб, мазкур Низомнинг 63 ва 64-бандларига мувофиқ транзит декларацияга ўзгартириш ва (ёки) қўшимча киритишни асосли деб топса, транзит декларациядаги хато ва (ёки) камчиликларни бартараф этиш бўйича мурожаат этган шахсни хабардор этади.

Транзит декларациясига «E-Tranzit» ААТда ўзгартириш ва қўшимча киритиш тўғрисида мурожаат қилинган бўлса, божхона органи томонидан «E-Tranzit» ААТда транзит декларациясига ўзгартириш ва (ёки) қўшимча киритиш имконияти яратилади. Бунда, декларацияловчи шахс томонидан транзит декларациясидаги маълумотларга «E-Tranzit» ААТда қуйидаги муддатлар ичида ўзгартириш ва (ёки) қўшимчалар киритилади:

қабул қилинган транзит декларацияси у қабул қилинган кундан эътиборан бир иш куни ичида;

расмийлаштирилган транзит декларацияси божхона органи томонидан ёзма шаклда хабардор этилган кундан эътиборан беш кун ичида.

Мурожаат тузатиш киритиш варағи орқали амалга оширилган бўлса, божхона органи томонидан «E-Tranzit» ААТда транзит декларацияси маълумотларига бир иш куни ичида ўзгартириш ва (ёки) қўшимча киритилади. Бунда, тузатиш киритиш варағи транзит декларацияга илова тарзда бириктирилади.

69. Декларацияловчи шахсда транзит декларацияси бўйича товар ва транспорт воситаси билан боғлиқ ҳужжатларни божхона органига тақдим этиш зарурати юзага келганда, ҳужжат нусхаларини ахборот алмашиш тизими орқали тақдим этади, бундан «Е-архив» интерактив хизмати орқали тақдим этилган ҳужжатлар мустасно.

Божхона органи тақдим этилган ҳужжатни ахборот алмашиш тизими орқали қабул қилиб олади, бундан асоссиз тақдим этилган ёки сифатсиз (хира, бўялган, тушунарсиз ва ҳ.к.) ёхуд «Е-архив» интерактив хизмати орқали тақдим этилган ҳужжатлар мустасно.

70. Қабул қилинган ва расмийлаштирилган транзит декларацияси декларантнинг мурожаатига асосан қуйидаги ҳолларда қайтариб олиниши мумкин:

битта товар юзасидан такроран бир нечта транзит декларацияси қабул қилинган ҳолат аниқланганда;

транзит декларациясини қайтариб олиш учун асос бўладиган ҳамда тақдим этилган ҳужжатлар билан тасдиқланган, қонунчилик ҳужжатларига зид бўлмаган бошқа ҳолларда.

71. Транзит декларациясини қайтариб олиш зарурати юзага келганда, декларант божхона органига ёзма ёки электрон шаклда мурожаат қилади. Мурожаатда қайтариб олиш зарур бўлган транзит декларациясининг рўйхат рақами, уни қайтариб олишнинг сабаблари қайд этилади.

72. Транзит декларациясини қайтариб олиш бўйича тақдим этилган мурожаат божхона органи томонидан мазкур Низомнинг 67-бандида назарда тутилган муддатларда кўриб чиқилади.

73. Божхона органи мурожаатни кўриб чиқиб, транзит декларациясини қайтариб олишни мазкур Низомнинг 70-бандига мувофиқ асосли деб топса, транзит декларацияси «E-Tranzit» ААТда бир иш куни ичида қайтарилади.

74. Божхона органи мурожаатни кўриб чиқиш натижаси бўйича транзит декларациясига ўзгартириш ва (ёки) қўшимча киритиш, уни қайтариб олиш учун мазкур Низомнинг 70-бандига мувофиқ асослар мавжуд эмас деб топса, транзит декларациясига ўзгартириш ва (ёки) қўшимча киритишни, уни қайтариб олишни рад этади. Бундай ҳолатларда рад этишнинг асосланган сабаблари ёзма ёки электрон шаклда маълум қилинади.

2-§. Божхона органи ташаббуси билан транзит декларациясига ўзгартириш ва қўшимча киритиш, уни бекор қилиш

75 Қабул қилинган ва расмийлаштирилган транзит декларацияларига ўзгартириш ва (ёки) қўшимча киритиш божхона органининг талаби асосида мазкур Низомнинг 63-бандида тутилган ҳолларда амалга оширилади.

76. Мазкур Низомнинг 64-банди учинчи ва тўртинчи хатбошиларида назарда тутилган ҳолларда божхона органи ташаббуси билан транзит декларациясига ўзгартириш ва (ёки) қўшимча киритиш, уни бекор қилиш тақиқланади.

77. Божхона органи томонидан аниқланган транзит декларациясидаги хато ва (ёки) камчиликларни бартараф этиш зарур бўлганда, божхона органи декларант ёки декларацияловчи шахсни хабардор қилади ҳамда «E-Tranzit» ААТда транзит декларациясини ўзгартириш имконияти яратилади.

78. Декларант ёки декларацияловчи шахс ўз хоҳишига кўра транзит декларациясига ўзгартириш ва (ёки) қўшимча киритиш учун қуйидагилардан бирини амалга оширади:

қабул қилинган транзит декларациясидаги маълумотларга божхона органи томонидан ёзма шаклда хабардор этилган кундан эътиборан бир иш куни ичида, расмийлаштирилган транзит декларациясига беш кун ичида «E-Tranzit» ААТ орқали ўзгартириш ва (ёки) қўшимчалар киритади;

декларант ёки декларацияловчи шахсда транзит декларациясига «E-Tranzit» ААТ орқали ўзгартириш ва (ёки) қўшимча киритиш имкони бўлмаганда, божхона органига мазкур Низомнинг 3-иловасига мувофиқ тузатиш киритиш варағини қабул қилинган транзит декларацияси бўйича божхона органи томонидан ёзма шаклда хабардор этилган кундан эътиборан бир иш куни ичида, расмийлаштирилган транзит декларацияси бўйича беш кун ичида тақдим этади.

Тузатиш киритиш варағида транзит декларациясининг божхона органида рўйхатга олинган рақами, ўзгартириш ва (ёки) қўшимча киритиш лозим бўлган графа ва майдонлар, уларга киритиладиган тузатишлар билан боғлиқ маълумотлар кўрсатилади ҳамда уни тақдим этган шахс томонидан имзоланади.

Агар декларант ёки декларацияловчи шахс транзит декларациясига ўзгартириш ва (ёки) қўшимча киритиш учун зарурат йўқ деб ҳисобласа, бу ҳақда ёзма ёки электрон шаклда божхона органига ўзининг асослантирилган хатини мазкур банднинг иккинчи хатбошисида назарда тутилган муддат ичида тақдим этиши лозим.

79. Тузатиш киритиш варағи тақдим этилгандан сўнг, божхона органи томонидан «E-Tranzit» ААТда транзит декларацияси маълумотларига ўзгартириш ва (ёки) қўшимча киритилади. Бунда, тузатиш киритиш варағи транзит декларациясига илова тарзда бириктирилади.

80. Божхона органи талаби билан транзит декларацияси бўйича товар ва транспорт воситаси билан боғлиқ қонунчиликда белгиланган ҳужжатларни тақдим этиш зарурати юзага келганда, декларацияловчи шахс ҳужжат нусхаларини ахборот алмашиш тизими орқали тақдим этади, бундан «Е-архив» интерактив хизмати орқали тақдим этилган ҳужжатлар мустасно.

Агар декларант ёки декларацияловчи шахс божхона органи томонидан талаб этилган ҳужжатларни тақдим этиш учун зарурат йўқ деб ҳисобласа, бу ҳақда ёзма ёки электрон шаклда божхона органига ўзининг асослантирилган хатини тақдим этиши мумкин.

81. Божхона органи тақдим этилган ҳужжатни ахборот алмашиш тизими орқали қабул қилиб олади, бундан талаб этилмаган (асоссиз тақдим этилган) ёки сифатсиз (хира, бўялган, тушунарсиз ва ҳ.к.) ҳужжатлар ёхуд «Е-архив» интерактив хизмати орқали тақдим этилган мустасно.

82. Транзит декларацияси божхона органи ташаббуси билан қуйидаги ҳолларда бекор қилинади:

қабул қилинган транзит декларациясига белгиланган муддатда декларацияловчи шахс томонидан «E-Tranzit» ААТ орқали ўзгартириш ва (ёки) қўшимча киритилмаса;

қабул қилинган транзит декларациясига белгиланган муддатда декларант томонидан тузатиш киритиш варағи тақдим этилмаса;

битта товар юзасидан такроран бир нечта транзит декларацияси рўйхатга олинган ҳолат тасдиқланганда;

транспорт воситалари олиб кирилган чегара божхона назорат зонасини тарк этмасдан қайтариб олиб чиқиб кетилганда.

V бўлим. Якуний қоидалар

83. Битта товар юзасидан такроран қабул қилинган транзит декларациясини бекор қилиш ёки қайтариб олишда нисбатан хавф даражалари паст бўлган транзит декларациялари бекор қилинади ёки қайтарилади.

Агар битта товар юзасидан қабул қилинган транзит декларацияларининг хавф даражалари бир хил бўлса, уларнинг рўйхатга олинган вақти бўйича охиргилари бекор қилинади ёки қайтарилади.

84. «E-Tranzit» ААТда фойдаланувчиларга қулайлик яратиш учун мазкур Низомда назарда тутилмаган қўшимча имкониятлар ёки маълумотлар жорий этилиши мумкин, бундан декларант ёки декларацияловчи шахслардан ушбу Низомда белгиланмаган қўшимча ҳужжат ва маълумотларни талаб этиш билан боғлиқ бўлган ҳоллар мустасно.

85. Декларант ёки декларацияловчи шахс божхона органининг транзит декларациясини расмийлаштириш, унга ўзгартириш ва (ёки) қўшимча киритиш, қайтариб олиш ёки бекор қилиш бўйича ҳаракатларидан норози бўлган тақдирда, юқори турувчи божхона органига ёки судга шикоят қилишга ҳақли.

86. Мазкур Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавобгарликка тортиладилар.

Транзит декларациясини тўлдириш, расмийлаштириш, унга ўзгартириш ва қўшимча киритиш, уни қайтариб олиш ҳамда бекор қилиш тартиби тўғрисидаги низомга 1-ИЛОВА

Транзит декларациясини тўлдириш, расмийлаштириш, унга ўзгартириш ва қўшимча киритиш, уни қайтариб олиш ҳамда бекор қилиш тартиби тўғрисидаги низомга 2-ИЛОВА

Транзит декларациясини тўлдириш, расмийлаштириш, унга ўзгартириш ва қўшимча киритиш, уни қайтариб олиш ҳамда бекор қилиш тартиби тўғрисидаги низомга 3-ИЛОВА

Тузатиш киритиш варағи

Транзит декларациясининг тартиб рақами 99999/99.99.9999/9999999

Транзит декларацияси графаси/Тизимдаги майдон Товарнинг тартиб рақами * Аввалги маълумот Янги маълумот 18-графа (Давлат рақами) 30М789КВ 01М789КВ 15-графа (Жўнатувчи мамлакат) 398 643 31-графа (Миқдори) 2 560 56 3-майдон «Юк ташиш бошланган мамлакат». 643 398

Декларант/декларацияловчи шахс ______________________ ___________ (Ф.И.О) (имзо) Телефон рақами ___________________________________ Сана ___________________________________ (кун, ой, йил)

Раис А. МАВЛОНОВ

Ўзбекистон Савдо-саноат палатаси Раиси Д. ВАХАБОВ

Тошкент ш.,

2022 йил 22 июль,

2022 йил 29 июнь

12/02-22-22-сон

(Қонунчилик маълумотлари миллий базаси, 31.08.2022 й., 10/22/3382/0796-сон; 22.10.2024 й., 10/24/3382-1/0837-сон)

lex.uz

Oʻzbekiston Respublikasi Davlat bojxona qoʻmitasining

Qarori

NIZOM

Tranzit deklaratsiyasini toʻldirish, rasmiylashtirish, unga oʻzgartirish va qoʻshimcha kiritish, uni qaytarib olish hamda bekor qilish tartibi toʻgʻrisidagi nizomni tasdiqlash haqida

Oʻzbekiston Respublikasining Bojxona kodeksiga muvofiq Oʻzbekiston Respublikasi Davlat bojxona qoʻmitasi qaror qiladi:

1. Tranzit deklaratsiyasini toʻldirish, rasmiylashtirish, unga oʻzgartirish va qoʻshimcha kiritish, uni qaytarib olish hamda bekor qilish tartibi toʻgʻrisidagi nizom ilovaga muvofiq tasdiqlansin.

2. Mazkur qaror Oʻzbekiston Respublikasi Savdo-sanoat palatasi bilan kelishilgan.

3. Mazkur qaror rasmiy eʼlon qilingan kundan eʼtiboran uch oydan keyin kuchga kiradi.

Kelishildi:

Oʻzbekiston Respublikasi Davlat bojxona qoʻmitasining 2022-yil 22-iyuldagi 12/02-22-22-son qaroriga ILOVA

Tranzit deklaratsiyasini toʻldirish, rasmiylashtirish, unga oʻzgartirish va qoʻshimcha kiritish, uni qaytarib olish hamda bekor qilish tartibi toʻgʻrisidagi

Mazkur Nizom tranzit deklaratsiyasini toʻldirish, bojxona organiga taqdim etish, qogʻozda chop etiladigan nusxasini shakllantirish, rasmiylashtirish, unga oʻzgartirish va qoʻshimcha kiritish, uni qaytarib olish hamda bekor qilish tartibini belgilaydi.

I boʻlim. Umumiy qoidalar

1. Ushbu Nizomda quyidagi asosiy tushunchalar qoʻllaniladi:

tranzit deklaratsiyasi — tovarlar va (yoki) transport vositalari haqidagi maʼlumotlar koʻrsatilgan holda bojxona organiga taqdim etiladigan hamda Oʻzbekiston Respublikasining bojxona hududiga olib kiriladigan va Oʻzbekiston Respublikasining hududi orqali tranzit olib oʻtiladigan tovarlarini joʻnatuvchi bojxona organidan tovar kelib tushadigan bojxona organigacha nazorat qilish uchun foydalaniladigan hujjat;

deklaratsiyalovchi shaxs — bojxona organlariga tranzit deklaratsiyasini oʻz nomidan taqdim etayotgan shaxs yoki tranzit deklaratsiyasini toʻldirish, imzolash va bojxona organlariga deklarant nomidan taqdim etishga vakolatli bojxona rasmiylashtiruvi boʻyicha mutaxassis yoxud boshqa shaxs;

joʻnatuvchi — tovarlarni oʻz nomidan tashish uchun tashuvchiga taqdim etuvchi va u haqidagi maʼlumotlar transport hujjatlarida koʻrsatilgan shaxs;

qabul qiluvchi — yuk tashishni amalga oshirayotgan tashuvchi taqdim etishi lozim boʻlgan, tovarlarni oʻz nomidan qabul qilib oluvchi va u haqidagi maʼlumotlar transport hujjatlarida koʻrsatilgan shaxs, tovarlarning bojxona rejimi oʻzgargan hollarda esa — tranzit deklaratsiyasi taqdim qilinayotgan vaqtda bojxona rasmiylashtiruvidan soʻng deklaratsiyalanayotgan tovarlarni bojxona organlaridan oʻz tasarrufiga olish vakolatiga ega boʻlgan shaxs;

kuzatuv hujjatlari — tijorat va transport hujjatlari;

tashuvchi — bojxona nazorati ostida turgan tovarlar tashilishini amalga oshiruvchi yoki transport vositasidan foydalanish uchun masʼul shaxs;

transport hujjatlari — konosament, yuk xati yoki tovarlarni tashish shartnomasi borligini tasdiqlovchi hamda shunday tashishda kuzatib boruvchi boshqa hujjatlar;

tranzit deklaratsiyasidagi xato — bojxona rasmiylashtiruvi uchun taqdim etilgan hujjatlardagi axborot va (yoki) bojxona organlarida mavjud axborot bilan tranzit deklaratsiyasidagi maʼlumotlar orasidagi tafovut, shuningdek tranzit deklaratsiyasidagi notoʻgʻri maʼlumotlar;

tranzit deklaratsiyasidagi kamchilik — bojxona rasmiylashtiruvi uchun zarur boʻlgan maʼlumotlarning yetishmasligi yoki tranzit deklaratsiyasi bilan birga taqdim etilishi lozim boʻlgan hujjatlarning toʻliq boʻlmasligi bilan bogʻliq holatlar;

tranzit deklaratsiyasiga oʻzgartirish kiritish — tranzit deklaratsiyasidagi maʼlumotlarga oʻzgartirishlar kiritish;

tranzit deklaratsiyasiga qoʻshimcha kiritish — tranzit deklaratsiyasiga yangi maʼlumotlarni kiritish yoxud tegishli hujjatlarni qoʻshish;

tranzit deklaratsiyasini qaytarib olish — tranzit deklaratsiyasini bojxona organida roʻyxatga olinganidan soʻng uni qaytarish orqali yuridik kuchga ega hujjat sifatida amal qilishini toʻxtatish;

tranzit deklaratsiyasini bekor qilish — tranzit deklaratsiyasini bojxona organida roʻyxatga olinganidan soʻng bekor qilish orqali yuridik kuchga ega hujjat sifatida amal qilishini toʻxtatish;

rasmiylashtirilgan tranzit deklaratsiyasi — bojxona organi tomonidan roʻyxatga olingan va joʻnatuvchi bojxona organi tomonidan “D” grafasida rasmiylashtirilganligini ifodalovchi bojxona organining tegishli belgilari qoʻyilgan tranzit deklaratsiyasi;

roʻyxatga olinib, qabul qilinmagan tranzit deklaratsiyasi — bojxona organi tomonidan roʻyxatga olingan, ammo “E-Tranzit” avtomatlashtirilgan axborot tizimi (bundan buyon matnda “ETranzit” AAT deb yuritiladi) orqali deklaratsiyalovchi shaxsga qabul qilinganligi maʼlum qilinmagan tranzit deklaratsiyasi;

qabul qilingan tranzit deklaratsiyasi — bojxona organi tomonidan roʻyxatga olinib, “ETranzit” AAT orqali deklaratsiyalovchi shaxsga qabul qilinganligi maʼlum qilingan, rasmiylashtirilmagan tranzit deklaratsiyasi;

axborot almashish tizimi — axborot tizimlari orqali elektron raqamli imzodan foydalangan holda bojxona organlari va deklaratsiyalovchi shaxslar oʻrtasida elektron xabarlarni almashish, tegishli hujjatlarni taqdim etish va qabul qilib olish vositasi.

2. Tranzit deklaratsiyasini toʻldirish, qogʻozda chop etiladigan nusxasini shakllantirish, rasmiylashtirish, unga oʻzgartirish va qoʻshimcha kiritish, uni qaytarib olish hamda bekor qilish “ETranzit” AAT orqali amalga oshiriladi.

3. Deklaratsiyalovchi shaxs tranzit deklaratsiyasini toʻldirish va uni bojxona organiga taqdim etish uchun “E-Tranzit” AATga oʻziga jismoniy shaxs sifatida biriktirilgan elektron raqamli imzo asosida kirishi va quyidagilardan birini tanlashi lozim:

tashuvchi yoki uning nomidan ish koʻruvchi vakolatli shaxs (haydovchi bundan mustasno) — “Tashuvchi” tugmasi;

tovar tashilayotgan yoki tovar sifatida olib oʻtilayotgan transport vositasini boshqarayotgan jismoniy shaxs ( haydovchi ) — “Haydovchi” tugmasi;

deklarantga xizmat koʻrsatuvchi bojxona brokeri nomidan ish koʻruvchi vakolatli shaxs — “Bojxona brokeri xodimi” tugmasi;

yukni qabul qiluvchi yoki uning nomidan ish koʻruvchi vakolatli shaxs — “Yukni qabul qiluvchi” tugmasi.

Deklaratsiyalovchi shaxs “Bojxona brokeri xodimi” tugmasini tanlaganda, “Broker” nomli alohida ajratilgan maydonda bojxona brokerining soliq toʻlovchining identifikatsiya raqami (bundan buyon matnda STIR deb yuritiladi), uning qisqacha nomi va joylashgan yeri (yuridik manzili) qayd etiladi.

4. Deklaratsiyalovchi shaxs “Hujjatlarni taqdim etgan shaxs” nomli maydonda tranzit deklaratsiyasini toʻldirishga asos boʻlgan hujjatlar va maʼlumotlarni taqdim etgan hamda ulardagi maʼlumotlarga javobgar hisoblangan jismoniy shaxsning familiyasi, ismi, fuqaroligi va unga tegishli jismoniy shaxsning shaxsiy identifikatsiya raqamini (bundan buyon matnda JSHSHIR deb yuritiladi) qayd etadi.

Hujjatlarni taqdim etgan hamda ulardagi maʼlumotlarga javobgar hisoblangan shaxs JSHSHIRi mavjud boʻlmagan norezident boʻlsa, u holda shaxsning JSHSHIRi qayd etiladigan joyda “99999999999999” kodi koʻrsatiladi.

5. “E-Tranzit” AATda deklaratsiyalovchi shaxs tomonidan tranzit deklaratsiyasi “Yangi deklaratsiya yaratish” tugmasi orqali tovar olib oʻtilayotgan yoki harakatlanayotgan transport turini tanlagan holda shakllantiriladi. Bunda, maʼlumotlar mavjud boʻlimlardagi alohida ajratilgan maydonlarda qayd etiladi va har bir boʻlimga qadamlar raqami boʻyicha ketma-ketlikda oʻtiladi.

Masalan, 1-qadamdagi “Umumiy maʼlumotlar” boʻlimida qayd etilishi zarur boʻlgan barcha maʼlumotlar koʻrsatilmaguniga qadar keyingi 2-qadamdagi “Transport toʻgʻrisida maʼlumot” boʻlimiga oʻtish imkoniyati boʻlmaydi.

“E-Tranzit” AATga bitta transport hujjati boʻyicha bitta transport vositasida olib oʻtilayotgan tovarlar haqida maʼlumot kiritilishi mumkin. Agar mazkur shartlardan birida farq boʻlsa, u holda maʼlumotlar “E-Tranzit” AATda alohida kiritiladi.

Masalan, tovarlar ikki xil (turli) transport vositasi yoki transport hujjati orqali olib oʻtilayotgan boʻlsa, barchasi bir vaqtning oʻzida “E-Tranzit” AATga kiritilmaydi.

6. “E-Tranzit” AATda tranzit deklaratsiyasi:

avtotransport vositasida olib oʻtilayotgan tovarlar boʻyicha “Umumiy maʼlumotlar”, “Transport toʻgʻrisida maʼlumot”, “Yuk toʻgʻrisida maʼlumot”, “Kafolat va yigʻimlar” va “Hujjatlarni generatsiyalash” boʻlimlari orqali;

temir yoʻl transport vositasida olib oʻtilayotgan tovarlar boʻyicha “Umumiy maʼlumotlar”, “Yuk toʻgʻrisida maʼlumot”, “Yigʻimlar” va “Hujjatlarni generatsiyalash” boʻlimlari orqali shakllantiriladi.

7. Bojxona rasmiylashtiruvini amalga oshirish uchun asos boʻluvchi hujjatlar “E-arxiv” interaktiv xizmati orqali taqdim etiladi. Bunda, deklaratsiyalovchi shaxs tomonidan mazkur Nizomning 8-bandiga asosan “E-arxiv” interaktiv xizmati orqali shakllantirilgan hujjatlarga tegishli maxsus raqamni “E-Tranzit” AATda belgilangan maydonda koʻrsatish va saqlash bilan chegaralanadi.

8. Deklarant yoki uning nomidan ish koʻruvchi vakolatli shaxs oʻzining elektron raqamli imzosi orqali “E-arxiv” interaktiv xizmatiga elektron arxivni shakllantirish maqsadida bojxona rasmiylashtiruvini amalga oshirish uchun asos boʻlgan hujjatlarni joylashtiradi.

“E-arxiv” interaktiv xizmatiga joylashtirilgan hujjatlarga avtomatik tarzda maxsus raqam beriladi va bu haqda deklarant yoki uning nomidan ish koʻruvchi vakolatli shaxsga tasdiqlangan elektron xabarnoma yuboriladi.

“E-arxiv” interaktiv xizmatiga joylashtirilgan hujjatlar deklarant yoki uning nomidan ish koʻruvchi vakolatli shaxs tomonidan oʻzgartirilishi va oʻchirilishi mumkin, bundan bojxona rasmiylashtiruvida foydalanilgan hujjatlar mustasno.

Bojxona rasmiylashtiruvida foydalanilgan hujjatlarni oʻzgartirish zaruriyati yuzaga kelganda, hujjatlar mazkur bandning birinchi xatboshisida belgilangan tartibda takroran “E-arxiv” interaktiv xizmatiga joylashtiriladi.

Deklarant bojxona rasmiylashtiruvini amalga oshirish uchun asos boʻlgan hujjatlarga “E-arxiv” interaktiv xizmati orqali berilgan maxsus raqamni deklaratsiyalovchi shaxsga taqdim etishi mumkin.

9. Tranzit deklaratsiyasi bir yoki bir nechta tovarning kuzatuv hujjatlari boʻyicha tashiladigan tovarning har bir turkumi yoki tovarlarning bir nechta turkumi uchun rasmiylashtiriladi. Bunda, tovarning bir nechta turkumi boʻyicha bitta tranzit deklaratsiyasini rasmiylashtirish uchun ular bir transport vositasida bitta transport hujjati bilan bitta joʻnatuvchidan bitta qabul qiluvchining manziliga tashilayotgan boʻlishi lozim.

10. Bojxona tranziti bojxona rejimi ostida tovarlarni yetkazib berish ichki va xalqaro tranzit yoʻnalishlariga boʻlinadi.

Tovarlarni chegara oʻtkazish punktida joylashgan bojxona organidan respublikaning ichki hududida joylashgan bojxona organiga, respublikaning ichki hududida joylashgan bir bojxona organidan boshqasiga bojxona nazorati ostida yetkazib berish ichki tranzit hisoblanadi.

Tovarlarni chegara oʻtkazish punktida joylashgan joʻnatuvchi bojxona organidan respublikaning ichki hududida joylashgan bojxona organi orqali yoki toʻgʻridan-toʻgʻri tovar kelib tushadigan chegaradagi bojxona organiga bojxona hududi boʻylab yetkazib berish xalqaro tranzit hisoblanadi.

11. Tranzit deklaratsiyasi oʻzbek yoki rus tilida tushunarli toʻldirilgan boʻlishi lozim.

Tovarning kuzatuv hujjatlarida shaxslar, tovarlar, transport vositalari nomlanishlari va boshqa maʼlumotlarning lotin yoki boshqa (arab, xitoy va h.k.) alifbolar harflarida yozilganligi holatlari uchrasa, u holda bunday maʼlumotlar tranzit deklaratsiyada lotin alifbosi harflari bilan, kirill alifbosidagi nomlanishlar kirill alifbosi harflari bilan yoziladi.

Masalan:

shaxsning nomi — “Central global cargo Gmbh”, “Xinjiang zhongtai chemical Co., LTD”, “Magnitogorskiy metallurgicheskiy kombinat”, Kupriyanov Igor Mixaylovich;

avtotransport vositasining nomi — avtomototransport vositasini roʻyxatdan oʻtkazish haqida guvohnoma yoki rasmiy maʼlumotlarga muvofiq “Toyota land cruiser”, “BMW 523i”, “MAN”, “KAMAZ”, “MAZ”;

tovarning nomi — “Mars”, “Adidas”, “Alyonka”, “Russkoye pole”.

12. Tranzit deklaratsiyasini toʻldirish va uning qogʻozda chop etiladigan shaklida maʼlumotlarni shakllantirishda Bojxona yuk deklaratsiyasini toʻldirish tartibi toʻgʻrisidagi yoʻriqnomaning (roʻyxat raqami 2773, 2016-yil 6-aprel) 3 — 16-ilovalaridagi tasniflagichlardan foydalaniladi.

13. Tranzit deklaratsiyasi deklaratsiyalovchi shaxs tomonidan bojxona hududiga kirib kelayotgan tovarlar va transport vositalari bojxona chegarasini kesib oʻtguniga qadar yoki kesib oʻtish vaqtida beriladi, bundan bojxona hududi turgan bojxona nazorati ostida tashilayotgan tovarlarni yetkazib berishni nazorat qilish uchun taqdim etiladigan hollar mustasno.

Bojxona hududida turgan bojxona nazorati ostida tashilayotgan tovarlarni yetkazib berishni nazorat qilish uchun tranzit deklaratsiyasi tovarlar transport vositasiga yuklanishidan avval taqdim etiladi.

14. Tranzit deklaratsiyasi hamda bojxona nazoratini oʻtkazish uchun zarur boʻlgan boshqa hujjatlar bojxona rasmiylashtiruvi va bojxona nazorati yakunlangandan soʻng Oʻzbekiston Respublikasi Bojxona kodeksining 184-moddasi uchinchi qismida koʻrsatilgan muddat davomida saqlanadi.

15. Bojxona organlari tranzit deklaratsiyasini qogʻozga chop etmaydilar va qogʻozdagi tranzit deklaratsiyalar nusxalarini imzo va muhr bilan tasdiqlab bermaydilar, bundan Oʻzbekiston Respublikasining xalqaro shartnomalarida koʻzda tutilgan yoki tashuvchi yoxud haydovchi tomonidan talab etiladigan holatlar mustasno.

Oʻzbekiston Respublikasining xalqaro shartnomalariga muvofiq tranzit deklaratsiya qogʻozga chop etilganda, bojxona organining vakolatli xodimi tranzit deklaratsiyasining har bir varagʻiga tegishli shtamp qoʻyadi, uni oʻz imzosi va shaxsiy raqamli muhri (agar bojxona organi xodimiga shaxsiy raqamli muhr biriktirilmagan boʻlsa, bojxona organining muhri) bilan tasdiqlaydi, qogʻozning yuqori oʻng burchagini esa “Nusxa” yozuvi bilan belgilaydi.

Tashuvchi yoki haydovchining talabiga koʻra tranzit deklaratsiyasi qogʻozga chop etilganda, qogʻozning yuqori oʻng burchagiga “Nusxa” yozuvi qayd etilmaydi, uning nusxasi imzo va muhr bilan tasdiqlab berilmaydi.

II boʻlim. “E-Tranzit” AATda tranzit deklaratsiyasini toʻldirish tartibi

1-bob. Avtotransport vositasida yetkazib berilayotgan tovarlar boʻyicha tranzit deklaratsiyasini toʻldirish

1-§. “Umumiy maʼlumotlar” boʻlimidan foydalanish tartibi

16. “Umumiy maʼlumotlar” boʻlimida maʼlumotlar quyidagi tartibda koʻrsatiladi:

1) 1-maydon. “Transport turi”.

Maydonda Transport turlari tasniflagichidan tovarlar olib oʻtilayotgan yoki harakatlanayotgan avtotransport vositalarining texnik xususiyatlaridan kelib chiqib transport turi quyidagi tartib boʻyicha tanlanadi:

“10” — yengil avtomobil (haydovchi oʻrnini hisobga olmaganda 8 tadan koʻp boʻlmagan oʻrindiqqa ega boʻlgan);

“21” — yuk avtomobil (yuk koʻtarish qobiliyati 10 tonnagacha boʻlgan);

“22” — yuk avtomobil (yuk koʻtarish qobiliyati 10 tonnadan 20 tonnagacha boʻlgan);

“23” — yuk avtomobil (yuk koʻtarish qobiliyati 20 tonnadan ortiq boʻlgan);

“31” — avtobus (haydovchi oʻrnini hisoblamaganda 12 tagacha oʻrindiqqa ega boʻlgan);

“32” — avtobus (haydovchi oʻrnini hisoblamaganda 13 tadan 30 tagacha oʻrindiqqa ega boʻlgan);

“33” — avtobus (haydovchi oʻrnini hisoblamaganda 30 tadan ortiq oʻrindiqqa ega boʻlgan);

“40” — mikroavtobus (transport vositasining toʻla vazni 3,5 tonnadan kam va haydovchi oʻrnini hisoblamaganda 8 tadan ortiq oʻrindiqqa ega boʻlgan );

“50” — traktor;

“60” — mototransport;

“70” — maxsus transport;

2) 2-maydon. “Joʻnatuvchi bojxona posti”.

Maydonda Bojxona postlari tasniflagichiga asosan tranzit deklaratsiyasi taqdim etiladigan bojxona postining kodi va nomi tanlanadi;

3) 3-maydon. “Yuk tashish boshlangan mamlakat”.

Maydonda yuk tashish boshlangan (tovarlar mazkur transport vositasiga yuklangan) mamlakatning nomi transport hujjatiga asosan Dunyo mamlakatlari tasniflagichidan tanlash orqali koʻrsatiladi;

4) 4-maydon. “Yuk tashish tugallanadigan mamlakat”.

Maydonda transport vositasidan tovarlar tushiriladigan (yetkazib beriladigan) mamlakat Dunyo mamlakatlari tasniflagichidan tanlash orqali koʻrsatiladi.

Tovarlarning bir qismi Oʻzbekiston Respublikasida tushirib qoldiriladigan hamda qolgan qismi tranzit olib oʻtiladigan boʻlsa, maydonda “Oʻzbekiston” yozuvi koʻrsatiladi;

5) 5-maydon. “Qoʻshimcha maʼlumotlar”.

Maydonda qayd etilgan quyidagi savollar boʻyicha “Ha” yoki “Yoʻq” qisqa javoblaridan biri tanlanadi:

a) “Transport yuk bilanmi?” — harakatlanayotgan transport vositasida tovar olib oʻtilayotgan boʻlsa “Ha” javobi, aksi boʻlgan holatda “Yoʻq” javobi tanlanadi;

b) “Transport tovar sifatidami?” — harakatlanayotgan transport vositasi tovar sifatida olib oʻtilayotgan boʻlsa “Ha” javobi, aksi boʻlgan holatda “Yoʻq” javobi tanlanadi;

v) “Transport vazn va gabaritlari meʼyorlarga mosmi?” — harakatlanayotgan transport vositasining vazn va gabaritlari Oʻzbekiston Respublikasi Vazirlar Mahkamasining 2011-yil 26-dekabrdagi 342-son “Oʻzbekiston Respublikasi hududidagi avtomobil yoʻllarida xavfsizlikni taʼminlash va tashkil etish chora-tadbirlari toʻgʻrisida”gi qarorida qayd etilgan meʼyorlarga mos boʻlsa “Ha” javobi, aksi boʻlgan holatda “Yoʻq” javobi tanlanadi;

g) “Tovar boshqa transportga qayta yuklanadimi?” — Oʻzbekiston Respublikasi hududida harakatlanayotgan transport vositasiga ortilgan tovarlarning toʻliq yoki maʼlum bir qismi boshqa transport vositasiga yuklanadigan boʻlsa “Ha” javobi, aksi boʻlgan holatda “Yoʻq” javobi tanlanadi;

d) “Oyna tusi oʻzgartirilganmi?” — harakatlanayotgan xorijiy avtotransport vositasining old, orqa va yon oynalari tusining yorugʻlik oʻtkazuvchanligi oʻzgartirilgan (qoraytirilgan) boʻlsa “Ha” javobi, aksi boʻlgan holatda “Yoʻq” javobi tanlanadi;

e) “Tovarga avval tranzit deklaratsiyasi rasmiylashtirilganmi?” — tovarga avval bojxona tranziti bojxona rejimiga joylashtirish uchun tranzit deklaratsiyasi rasmiylashtirilgan boʻlsa “Ha” javobi, aksi boʻlgan holatda “Yoʻq” javobi tanlanadi. Bunda, “Ha” javobi tanlansa, “Avvalgi hujjat” nomi ostidagi maydonda tovarga rasmiylashtirilgan avvalgi tranzit deklaratsiyasining roʻyxat raqami koʻrsatiladi.

Tovarga avval bir nechta tranzit deklaratsiyasi rasmiylashtirilgan boʻlsa, har birining roʻyxat raqami alohida yangi qatordan koʻrsatiladi.

2-§. “Transport toʻgʻrisida maʼlumotlar” boʻlimidan foydalanish tartibi

17. “Transport toʻgʻrisida maʼlumotlar” boʻlimi “Tashuvchi maʼlumotlari”, “Transport toʻgʻrisida maʼlumotlar”, “Haydovchi maʼlumotlari” nomli qismlardan iborat. Boʻlimda Oʻzbekiston Respublikasi bojxona chegarasidan tovarlar olib oʻtilayotgan yoki tovar sifatida oʻzi harakatlanuvchi transport vositasi va uning haydovchisi toʻgʻrisidagi maʼlumotlar koʻrsatiladi.

18. “Tashuvchi toʻgʻrisida maʼlumotlar” qismida tovarlarni yetkazib berishni amalga oshirayotgan tashuvchining yuridik yoki jismoniy shaxs ekanligi qayd etilgan holda unga tegishli maʼlumotlar koʻrsatiladi.

19. Tashuvchi yuridik shaxs boʻlgan taqdirda, maʼlumotlar quyidagi tartibda koʻrsatiladi:

1) 1-maydon. “Roʻyxatga olingan davlat”.

Maydonda tashuvchi yuridik shaxs sifatida roʻyxatga olingan mamlakat kodi Dunyo mamlakatlari tasniflagichidan tanlash orqali koʻrsatiladi;

2) 2-maydon. “STIR”.

Maydonda tashuvchiga tegishli STIR koʻrsatiladi.

Tashuvchi STIRga ega boʻlmagan norezident boʻlsa, “999999999” kodi koʻrsatiladi;

3) 3-maydon. “Tashuvchi nomi”.

Maydonda tashuvchining (tashuvchi tashkilotning) nomi koʻrsatiladi.

Masalan, “Vodiy trans” MCHJ;

4) 4-maydon. “Telefon raqami”.

Maydonda tashuvchining telefon raqami koʻrsatiladi.

Masalan, +998999999999;

5) 5-maydon. “Elektron pochta”.

Maydonda tashuvchining elektron pochta manzili (mavjud boʻlsa) koʻrsatiladi.

20. Tashuvchi jismoniy shaxs boʻlganda, maʼlumotlar quyidagi tartibda koʻrsatiladi:

1) 1-maydon. “Fuqaroligi”.

Maydonda tashuvchining fuqaroligi boʻyicha mamlakat kodi Dunyo mamlakatlari tasniflagichidan tanlash orqali koʻrsatiladi. Fuqaroligi boʻlmagan shaxslar tomonidan “000-nomaʼlum” yozuvi qayd etiladi;

2) 2-maydon. “JSHSHIR”.

Maydonda tashuvchiga tegishli JSHSHIR koʻrsatiladi.

Tashuvchi JSHSHIRga ega boʻlmagan norezident boʻlsa, “99999999999999” kodi koʻrsatiladi;

3) 3-maydon. “FIO”.

Maydonda tashuvchining familiyasi, ismi, otasining ismi koʻrsatiladi.

Masalan, Raimov Bektemir Aminjonovich;

4) 4-maydon. “Telefon raqami”.

Maydonda tashuvchining telefon raqami koʻrsatiladi.

Masalan, +998999999999;

5) 5-maydon. “Elektron pochta”.

Maydonda tashuvchining elektron pochta manzili (mavjud boʻlsa) koʻrsatiladi;

6) 6-maydon. “Pasport seriyasi va raqami”.

Maydonda tashuvchining xorijga chiqishda foydalanadigan pasport seriyasi va raqami koʻrsatiladi.

Tranzit deklaratsiyasi Oʻzbekiston Respublikasining ichki hududidagi joʻnatuvchi bojxona organidan tovar kelib tushadigan bojxona organiga tovarlarni yetkazib berish uchun taqdim etilayotgan hollarda tashuvchining xorijga chiqish biometrik pasporti mavjud boʻlmasa, uning biometrik pasport yoki identifikatsiya ID-kartasi seriyasi va raqami koʻrsatiladi.

Agar tashuvchi fuqaroligi boʻlmagan shaxs boʻlsa, fuqaroligi boʻlmagan shaxs guvohnomasining seriya va raqami koʻrsatiladi.

Maʼlumot boʻsh joysiz (probelsiz), lotin alifbosi harflari va raqamlardan iborat boʻlishi lozim.

Alohida ajratilgan “Fayl” nomli maydonchada ushbu maydonda seriya va raqami qayd etilgan pasport nusxasiga “E-arxiv” interaktiv xizmati tomonidan berilgan tegishli maxsus raqamini qayd etiladi hamda saqlanadi, bundan Oʻzbekiston Respublikasi fuqarosining pasport nusxasi mustasno;

21. “Transport toʻgʻrisidagi maʼlumotlar” qismida tovarlar olib oʻtilayotgan yoki tovar sifatida oʻzi harakatlanuvchi transport vositasi haqida quyidagi maʼlumotlar koʻrsatiladi:

1) 1-maydon. “Davlat raqami”.

Maydonda avtotransport vositasining roʻyxatdan oʻtkazish davlat raqami belgisi koʻrsatiladi. Roʻyxatdan oʻtkazish davlat raqami belgisidagi harflar qaysi alifboda boʻlsa, ushbu alifbo harflarida qayd etilishi lozim.

Masalan, lotin alifbosidagi harflar lotin alifbosida, kirill alifbosidagi harflar kirill alifbosida yoziladi.

Roʻyxatdan oʻtkazish davlat raqami belgisi mavjud boʻlmagan hollarda “000000” yozuvi qayd etiladi.

Alohida ajratilgan “Fayl” nomli maydonchada ushbu maydonda roʻyxatdan oʻtkazish davlat raqami belgisi qayd etilgan transport vositasini roʻyxatdan oʻtkazish haqidagi guvohnoma (texnik pasport) yoki uning oʻrnini bosuvchi hujjat nusxasiga “E-arxiv” interaktiv xizmati tomonidan berilgan tegishli maxsus raqam qayd etiladi va saqlanadi;

2) 2-maydon. “Roʻyxatdan oʻtgan mamlakat”.

Maydonda avtotransport vositasini roʻyxatdan oʻtgan mamlakatning nomi Dunyo mamlakatlari tasniflagichidan tanlash orqali koʻrsatiladi.

Avtotransport vositasi tovar sifatida harakatlanayotgan boʻlsa, Dunyo mamlakatlari tasniflagichidan tanlash orqali “000-nomaʼlum” yozuvi qayd etiladi;

3) 3-maydon. “Markasi va modeli”.

Maydonda avtotransport vositasining markasi va modeli koʻrsatiladi. Marka va model haqidagi maʼlumotlar transport hujjatlari asosida koʻrsatiladi;

4) 4-maydon. “VIN raqami”.

Maydonda transport vositasining identifikatsiya raqami (VIN raqami) koʻrsatiladi.

Agar tovarni tashishda avtotransport vositalari sostavidan foydalanilgan boʻlsa, ushbu transport vositalarini (tirkamalarni, yarim tirkamalarni va h.k.) harakatga keltiruvchi avtotransport vositasiga tegishli identifikatsiya raqami (VIN raqami) koʻrsatiladi.

Transport vositasining identifikatsiya raqami (VIN raqami) transport vositasini roʻyxatdan oʻtkazish haqidagi guvohnomada (texnik pasportda) qayd etiladi. Maʼlumot boʻsh joysiz (probelsiz), lotin alifbosi harflari va raqamlardan iborat boʻlishi lozim.

Transport vositasining identifikatsiya raqami (VIN raqami) 17 ta belgidan iborat yagona raqam boʻlib, ayrim hollarda “Shassi”, ayrimlarida “Kuzov” raqami qismida beriladi.

Agar transport vositasini roʻyxatdan oʻtkazish haqidagi guvohnomada (texnik pasportda) transport vositasining identifikatsiya raqami (VIN raqami) 17 ta belgidan kam boʻlgan taqdirda, identifikatsiya raqami (VIN raqami) 17 ta belgiga yetguniga qadar uning oldiga nol raqamlari qoʻyiladi.

Masalan, transport vositasini roʻyxatdan oʻtkazish haqidagi guvohnomada (texnik pasportda) transport vositasining identifikatsiya raqami (VIN raqami) “XX1234” shaklida koʻrsatilgan boʻlsa, u holda identifikatsiya raqami (VIN raqami) “00000000000XX1234” shaklida qayd etiladi;

5) 5-maydon. “Yuksiz vazni (kg)”.

Maydonda avtotransport vositasining yuksiz vazni kilogrammda koʻrsatiladi;

6) 6-maydon. “Dvigatel quvvati (ot kuchi)”.

Maydonda avtotransport vositasining dvigatel quvvati (ot kuchi) koʻrsatiladi;

7) 7-maydon. “Katta hajmli va ogʻir yuklarni tashish uchun ruxsatnoma raqami”.

Maydonda Oʻzbekiston Respublikasi hududida kelishilgan aniq yoʻnalish boʻyicha katta hajmli va ogʻir vaznli yuklarni tashishga huquq beruvchi hujjat (maxsus ruxsatnoma) raqami koʻrsatiladi.

Katta hajmli va ogʻir vaznli yuklarni avtomobil transportida tashish uchun ruxsatnoma (maxsus ruxsatnoma)ni rasmiylashtirish talab etilmaydigan hollarda maydonda maʼlumotlar koʻrsatilmaydi;

8) 8-maydon. “Oʻzbekiston Respublikasi hududiga kirish va tranzit oʻtishi uchun ruxsatnoma raqami”.

Maydonda xorijiy avtotransport vositalarining Oʻzbekiston Respublikasi hududiga kirishi va tranzit oʻtishi uchun ruxsatnoma talab etiladigan hollarda ruxsatnoma raqami koʻrsatiladi.

Oʻzbekiston Respublikasining xalqaro shartnomalarida avtotransport vositasi uchun ruxsatnoma talab etilmasligi belgilangan hollarda “istisno qilish” deb nomlangan maydoncha orqali uning sabablaridan biri maʼlumotnomadan tanlanadi;

9) 9-maydon. “Ishlab chiqarilgan yili”.

Maydonda avtotransport vositasining ishlab chiqarilgan yili maʼlumotnomadan tanlash orqali koʻrsatiladi;

10) 10-maydon. “Tirkama va konteyner raqami”.

Maydonda tirkama va konteyner raqamlari quyidagi tartibda koʻrsatiladi:

a) “Tirkama maʼlumotlari” boʻlmasi orqali alohida ajratilgan maydonchalarda tirkamaning roʻyxatdan oʻtkazish davlat raqami, identifikatsiya raqami (VIN raqami), yuksiz vazni, roʻyxatga olingan davlati haqidagi maʼlumotlar mazkur bandning 1 , 2 , 4 , 5-kichik bandlarida belgilangan tartibda koʻrsatiladi;

b) “Konteyner maʼlumotlari” boʻlmasi orqali alohida ajratilgan maydonchalarda konteyner raqami, uning yuksiz vazni, konteyner ortilgan tirkama raqami va konteyner tovar sifatida olib oʻtilayotganligi yoki tovar sifatida olib oʻtilmayotganligi haqida maʼlumotlar qayd etiladi.

Tirkama va (yoki) konteyner mavjud boʻlmagan hollarda ularga tegishli maydonlarda maʼlumot koʻrsatilmaydi;

22. “Haydovchi maʼlumotlari” qismida maydonlar quyidagi tartibda toʻldiriladi:

1) 1-maydon. “Fuqaroligi”.

Maydonda avtotransport vositasini boshqarayotgan shaxsning (haydovchining) fuqaroligi koʻrsatiladi. Haydovchi fuqaroligi boʻlmagan shaxs boʻlsa, maʼlumotnomadan “000-nomaʼlum” yozuvi tanlanadi;

2) 2-maydon. “Pasport seriyasi va raqami”.

Maydonda avtotransport vositasini boshqarayotgan shaxsning (haydovchining) xorijga chiqishda foydalanadigan pasporti seriyasi va raqami koʻrsatiladi.

Tranzit deklaratsiyasi Oʻzbekiston Respublikasining ichki hududidagi joʻnatuvchi bojxona organidan tovar kelib tushadigan bojxona organiga tovarlarni yetkazib berish uchun taqdim etilayotgan hollarda avtotransport vositasini boshqarayotgan shaxsning (haydovchining) xorijga chiqish biometrik pasporti mavjud boʻlmasa, uning biometrik pasporti yoki identifikatsiya ID-kartasi seriyasi va raqami koʻrsatiladi.

Agar avtotransport vositasini boshqarayotgan shaxs (haydovchi) fuqaroligi boʻlmagan shaxs boʻlsa, fuqaroligi boʻlmagan shaxs guvohnomasining seriyasi va raqami koʻrsatiladi.

Maʼlumot boʻsh joysiz (probelsiz), lotin alifbosi harflari va raqamlardan iborat boʻlishi lozim.

Alohida ajratilgan “Fayl” nomli maydonchada ushbu maydonda seriya va raqami qayd etilgan pasport nusxasiga “E-arxiv” interaktiv xizmati tomonidan berilgan tegishli maxsus raqam qayd etiladi hamda saqlanadi, bundan Oʻzbekiston Respublikasi fuqarosining pasport nusxasi mustasno;

3) 3-maydon. “JSHSHIR”.

Maydonda avtotransport vositasini boshqarayotgan shaxsning (haydovchining) JSHSHIRi koʻrsatiladi.

Avtotransport vositasini boshqarayotgan shaxs (haydovchi) JSHSHIRga ega boʻlmagan norezident boʻlsa, “99999999999999” kodi koʻrsatiladi;

4) 4-maydon. “Familiyasi”.

Maydonda avtotransport vositasini boshqarayotgan shaxsning (haydovchining) familiyasi koʻrsatiladi;

5) 5-maydon. “Ismi”.

Maydonda avtotransport vositasini boshqarayotgan shaxsning (haydovchining) ismi koʻrsatiladi;

6) 6-maydon. “Telefon raqami”.

Maydonda avtotransport vositasini boshqarayotgan shaxsning (haydovchining) telefon raqami koʻrsatiladi;

7) 7-maydon. “Elektron pochta”.

Maydonda avtotransport vositasini boshqarayotgan shaxsning (haydovchining) elektron pochta manzili (mavjud boʻlsa) koʻrsatiladi.

3-§. “Yuk toʻgʻrisida maʼlumot” boʻlimidan foydalanish tartibi

23. “Yuk toʻgʻrisida maʼlumot” boʻlimi “Yuk kuzatuv hujjatlari”, “Tovar toʻgʻrisida maʼlumotlar” va “Notarif choralar” nomli qismlardan iborat.

24. “Yuk kuzatuv hujjatlari” qismida maʼlumotlar kuzatuv hujjatlari asosida “Qoʻshish” tugmasi orqali koʻrsatiladi. Agar tovarlarni qabul qiluvchisi yoki joʻnatuvchisi ikki yoki undan ortiq boʻlsa, har biriga oid maʼlumotlar alohida koʻrsatiladi.

25. “Yuk kuzatuv hujjatlari” qismida maʼlumotlar quyidagicha koʻrsatiladi:

1) 1-maydon. “CMR raqami”.

Maydonda avtotransport vositasiga tegishli xalqaro transport yuk xati (CMR) raqami koʻrsatiladi.

Alohida ajratilgan “Fayl” nomli maydonchada ushbu maydonda raqami koʻrsatilgan xalqaro transport yuk xatining (CMR) nusxasi “E-arxiv” interaktiv xizmati tomonidan berilgan tegishli maxsus raqam qayd etiladi hamda saqlanadi;

2) 2-maydon. “CMR sanasi”.

Maydonda avtotransport vositasiga tegishli xalqaro transport yuk xatining (CMR) sanasi koʻrsatiladi;

3) 3-maydon. “Invoys raqami”.

Maydonda tovarlarni joʻnatuvchi shaxs tomonidan berilgan invoys (hisob, hisob-faktura) raqami koʻrsatiladi. Invoys (hisob, hisob-faktura) raqamida harflar mavjud boʻlgan taqdirda, ular qaysi alifboda boʻlsa, ushbu alifbo harflarida qayd etilishi lozim.

Masalan, lotin alifbosidagi harflar lotin alifbosida, kirill alifbosidagi harflar kirill alifbosida yoziladi.

Alohida ajratilgan “Fayl” nomli maydonchada ushbu maydonda raqami koʻrsatilgan invoys (hisob, hisob-faktura) nusxasiga “E-arxiv” interaktiv xizmati tomonidan berilgan tegishli maxsus raqami qayd etiladi hamda saqlanadi;

4) 4-maydon. “Invoys sanasi”.

Maydonda tovarlarni joʻnatuvchi shaxs tomonidan berilgan invoys (hisob, hisob-faktura) sanasi koʻrsatiladi;

5) 5-maydon. “Yuk joʻnatuvchi”.

Maydonda Dunyo mamlakatlari tasniflagichidan tovarlar joʻnatilgan mamlakatning kodi va nomi tanlanadi hamda joʻnatuvchi shaxs haqidagi quyidagi maʼlumotlar koʻrsatiladi:

joʻnatuvchi jismoniy shaxs boʻlsa — jismoniy shaxsning familiyasi, ismi va otasining ismi, uning yashash manzili, telefon raqami va elektron pochta manzili (mavjud boʻlsa);

joʻnatuvchi yuridik shaxs boʻlsa — uning qisqacha nomi va joylashgan yeri, telefon raqami va elektron pochta manzili (mavjud boʻlsa);

6) 6-maydon. “Yuk qabul qiluvchi”.

Maydonda Dunyo mamlakatlari tasniflagichidan tovarlar kelib tushadigan mamlakatning kodi va nomi tanlanadi hamda qabul qiluvchi shaxs haqidagi quyidagi maʼlumotlar koʻrsatiladi:

qabul qiluvchi jismoniy shaxs boʻlsa — jismoniy shaxsning familiyasi, ismi va otasining ismi, JSHSHIRi, uning yashash manzili, telefon raqami va elektron pochta manzili (mavjud boʻlsa);

qabul qiluvchi yuridik shaxs boʻlsa — uning qisqacha nomi va joylashgan yeri, STIRi, telefon raqami va elektron pochta manzili (mavjud boʻlsa);

7) 7-maydon. “Joylar soni”.

Maydonda tovarlar joylashtirilgan oʻrinlar (joylar) soni koʻrsatiladi.

Tovarlar sochilgan, uyumlangan, quyilgan (oʻramsiz) holatda olib kirilayotganda, “0” raqami qayd etiladi;

8) 8-maydon. “Manzil bojxona posti”.

Maydonda tovarlar yetkazib beriladigan bojxona postining kodi va nomi Bojxona postlari tasniflagichidan tanlash orqali koʻrsatiladi;

9) 9-maydon. “Yuk tushiriladigan bojxona ombori”.

Maydonda tovarlar yetkaziladigan (joylashtiriladigan, tushiriladigan) bojxona ombori koʻrsatiladi.

Tovarlar bojxona ombori maqomiga ega boʻlmagan boshqa omborlarga joylashtiriladigan yoki chegara bojxona posti orqali respublika hududidan olib chiqib ketiladigan yoxud deklarantda tovarlar joylashtiriladigan bojxona ombori haqida maʼlumot mavjud boʻlmagan hollarda maydonni toʻldirish talab etilmaydi;

10) 10-maydon. “Qoʻshimcha hujjatlar”.

Maydonda deklaratsiyalovchi shaxs tomonidan bojxona rasmiylashtiruvini amalga oshirish uchun asos boʻluvchi qoʻshimcha hujjatlar (mavjud boʻlsa) haqidagi maʼlumotlar koʻrsatiladi.

Bunda, qoʻshimcha hujjatlar haqidagi maʼlumotlar “Qoʻshish” tugmasi orqali quyidagi tartibda koʻrsatiladi:

“Hujjat turi” nomli maydonchada hujjatning turi Bojxona yuk deklaratsiyasini toʻldirishda foydalaniladigan hujjatlar va maʼlumotlar turlari tasniflagichidan tanlash orqali koʻrsatiladi;

“Hujjat raqami” nomli maydonchada hujjatning raqami koʻrsatiladi.

Hujjat raqamida harflar ishtirok etsa, ular qaysi alifboda boʻlsa, ushbu alifbo harflarida qayd etilishi lozim.

Masalan, lotin alifbosidagi harflar lotin alifbosida, kirill alifbosidagi harflar kirill alifbosida yoziladi.

“Hujjat sanasi” nomli maydonchada hujjatning sanasi koʻrsatiladi;

Agar koʻrsatilishi lozim boʻlgan hujjatlar soni bir nechta boʻlganda, har bir hujjatga tegishli maʼlumotlar yangi qatorda koʻrsatiladi.

26. “Tovar toʻgʻrisida maʼlumotlar” qismida tovarlar toʻgʻrisida maʼlumotlar kuzatuv hujjatlari asosida “Qoʻshish” tugmasi orqali koʻrsatiladi. Agar tovarlar bir nechta boʻlsa, har biriga oid maʼlumotlar alohida raqam ostida koʻrsatiladi.

Agar tovarlar toʻgʻrisidagi maʼlumotlar mazkur qismda koʻrsatilgan namuna asosida “excel” formatida tayyorlangan boʻlsa, ushbu maʼlumotni yuklab olish orqali ham maydonlar toʻldirilishi mumkin.

27. “Tovar toʻgʻrisida maʼlumotlar” qismida maʼlumotlar quyidagicha koʻrsatiladi:

1) 1-maydon. “TIF TN kodi”.

Maydonda tovarning Oʻzbekiston Respublikasi Tashqi iqtisodiy faoliyat tovarlar nomenklaturasiga (bundan buyon matnda TIF TN deb yuritiladi) muvofiq oʻnta raqamli kodi koʻrsatiladi. Tovarning TIF TN kodi invoysdan (hisob, hisob-fakturadan) olinadi.

Agar tovarning TIF TNga muvofiq oʻnta raqamli kodini koʻrsatishni imkoni boʻlmasa, maydonda TIF TNga muvofiq tovarning kodi oltita raqamgacha koʻrsatilishi mumkin;

2) 2-maydon. “Tovar nomi va tavsifi”.

Maydonda tovarga tegishli invoysda (hisob, hisob-fakturada) mavjud boʻlgan tovarning nomi, belgilari, artikullari, navlari, standartlari va boshqa texnik va tijorat tavsiflari (milliy standartlar, texnik reglamentlar hamda standartlar va h.k.) koʻrsatiladi;

3) 3-maydon. “Qadoq turi”.

Maydonda tovarga tegishli oʻrov varagʻida qayd etilgan tovarning qadoq turi Qadoq turlari maʼlumotnomasidan tanlash orqali koʻrsatiladi (masalan, paket, qop va h.k.);

4) 4-maydon. “Oʻlchov birligi”.

Maydonda tovarning oʻlchov birligi tovarning TIF TNga muvofiq kodi asosida quyidagi tartibda koʻrsatiladi:

tovarning TIF TNga muvofiq oʻnta raqamli kodi koʻrsatilgan boʻlsa, maydon TIF TNda keltirilgan “Oʻlchov birliklari jadvali”ga muvofiq bojxona organi tomonidan avtomatlashtirilgan tartibda toʻldiriladi;

tovarning TIF TNga muvofiq kodi oltita raqamgacha koʻrsatilgan boʻlsa, maydonda tovarning kuzatuv hujjatlaridagi oʻlchov birligi maʼlumotnomadan tanlash orqali koʻrsatiladi.

Masalan:

transport vositasida ogʻirligi 4200 kilogrammga teng 50 ta dona muzlatkich olib oʻtilayotgan boʻlsa — maydonda “796-sht” yozuvi koʻrsatiladi;

transport vositasida ogʻirligi 23000 kilogrammga teng 460 ta qopda bugʻdoy uni olib oʻtilayotgan boʻlsa — maydonda “166-kg” yozuvi koʻrsatiladi;

5) 5-maydon. “Miqdori”.

Maydonda tovarning ushbu qismning 4-maydonida koʻrsatilgan oʻlchov birligidagi miqdori tovarning kuzatuv hujjatlari asosida koʻrsatiladi;

6) 6-maydon. “Brutto vazni”.

Maydonda tovarning kilogrammdagi “brutto” ogʻirligi koʻrsatiladi;

7) 7-maydon. “Netto vazni”.

Maydonda tovarning kilogrammdagi “netto” ogʻirligi tovarning kuzatuv hujjatlari asosida koʻrsatiladi;

8) 8-maydon. “Faktura qiymati”

Maydonda tovarning invoysda (hisob, hisob-fakturada) qayd etilgan faktura qiymati koʻrsatiladi;

9) 9-maydon. “Valyuta turi”.

Maydonda tovarning faktura qiymatini invoysdagi (hisob, hisob-fakturadagi) hisob-kitob amalga oshirilgan yoki amalga oshiriladigan valyuta nomi boʻyicha valyuta turi Valyutalar tasniflagichidan tanlash orqali koʻrsatiladi;

10) tovar sifatida avtotransport vositasi olib oʻtilayotgan hollarda alohida ajratilgan maydonlarda uning ishlab chiqarilgan yili, dvigatelning ish hajmi (quvvati, ot kuchi) koʻrsatiladi.

28. “Notarif choralar” qismida maʼlumotlar (tovar va transport vositalariga nisbatan mavjud taqiqlar, cheklovlar, chegara bojxona postida talab etiladigan ruxsat etish xususiyatiga ega hujjatlar va h.k.) normativ-huquqiy hujjatlar asosida avtomatik tarzda shakllanadi.

Agar tovarga nisbatan talab etiladigan ruxsat etish xususiyatiga ega boʻlgan hujjatlarni taqdim etmaslik uchun asos boʻluvchi hujjat mavjud boʻlgan taqdirda, “istisno” deb nomlangan maydonga belgi qoʻyish orqali ushbu hujjat haqida maʼlumot mazkur Nizomning 25-bandi 10-kichik bandi talablari asosida qayd etiladi.

4-§. “Kafolat va yigʻimlar” boʻlimidan foydalanish tartibi

29. “Kafolat va yigʻimlar” boʻlimi “Kafolat” va “Yigʻimlar” nomli qismlardan iborat boʻlib, taqdim etilgan maʼlumotlarga asosan hisoblangan bojxona toʻlovlari toʻlanishini taʼminlash summasi hamda bojxona toʻlovlari toʻlanishini taʼminlash usullariga oid maʼlumotlar koʻrsatiladi.

30. Taqdim etilgan maʼlumotlarga asosida “Kafolat” qismida Oʻzbekiston Respublikasi Bojxona kodeksining 47-bobiga muvofiq bojxona toʻlovlari toʻlanishini taʼminlashning dastlabki summasi bojxona organlari tomonidan avtomatlashtirilgan tartibda hisoblanadi.

31. Deklaratsiyalovchi shaxs tomonidan quyidagilar koʻrsatiladi:

1) 1-maydon. “Kafolat turini tanlang”.

Maydonda bojxona toʻlovlari toʻlanishini taʼminlash usullari maʼlumotnomadan tanlash orqali koʻrsatiladi.

Bojxona toʻlovlari toʻlanishi taʼminlanmagan boʻlsa, maʼlumotnomadan “Bojxona hamrohligida kuzatib borish” yozuvi tanlanadi.

Agar tovarlar yetkazib berish milliy tashuvchi tomonidan amalga oshirilayotgan boʻlsa, “milliy avtotashuvchi” yozuvi tanlanadi;

2) 2-maydon. “Raqami”.

Maydonda bojxona toʻlovlari toʻlanishini taʼminlanganligini tasdiqlovchi hujjatning raqami qayd etiladi.

Agar tovarlar Oʻzbekiston Respublikasi Bojxona kodeksining 223-moddasiga asosan milliy tashuvchi tomonidan yetkazib beriladigan hollarda tashuvchining litsenziya raqami qayd etiladi;

32. “Yigʻimlar” qismida qonunchilik hujjatlariga asosan undiriladigan yigʻimlarning soʻmdagi dastlabki miqdori “E-Tranzit” AAT tomonidan avtomatlashgan tartibda hisoblanadi.

5-§. “Hujjatlarni generatsiyalash” boʻlimidan foydalanish tartibi

33. “Hujjatlarni generatsiyalash” boʻlimida deklaratsiyalovchi shaxs tomonidan kiritilgan maʼlumotlar asosida tranzit deklaratsiyasi shakllantiriladi.

34. “E-Tranzit” AATga maʼlumot kiritgan deklaratsiyalovchi shaxs mazkur boʻlimda shakllantirilgan hujjatlarni qogʻozga chop etishi va yuklab olishi mumkin.

35. Deklaratsiyalovchi shaxsning xohishiga koʻra yigʻimlar bir vaqtning oʻzida “E-Tranzit” AAT orqali yaratilgan ilovalardan foydalangan holda “Toʻlovlarni amalga oshirish” boʻlmasiga belgi qoʻyish orqali toʻlanadi.

Agar vakolatli shaxs yigʻimlarni chegara bojxona postida toʻlasa, “E-Tranzit” AATdagi “Chegara bojxona postida toʻlash” boʻlmasiga belgi qoʻyadi.

36. Deklaratsiyalovchi shaxs tomonidan tranzit deklaratsiyasini bojxona organiga taqdim etish “Deklaratsiyani tasdiqlayman va yuboraman” tugmasi orqali amalga oshiriladi.

2-bob. Temir yoʻl transport vositasida yetkazib berilayotgan tovarlar boʻyicha tranzit deklaratsiyasini toʻldirish

1-§. “Umumiy maʼlumotlar” boʻlimidan foydalanish tartibi

37. “Umumiy maʼlumotlar” boʻlimida maʼlumotlar transport hujjatlariga asosan quyidagi tartibda koʻrsatiladi:

1) 1-maydon. “Vagon raqami”.

Maydonda SMGS shaklidagi temir yoʻl yuk xatida qayd etilgan temir yoʻl vagoni raqami koʻrsatiladi;

2) 2-maydon. “Indeks raqami”.

Maydonda transportning (poyezdning) indeks raqami koʻrsatiladi (mavjud boʻlsa);

3) 3-maydon. “Joʻnatuvchi bojxona posti”.

Maydonda Bojxona postlari tasniflagichiga asosan tranzit deklaratsiyasi taqdim etiladigan bojxona postining kodi va nomi tanlanadi;

4) 4-maydon. “Joʻnatuvchi stansiya”.

Maydonda SMGS shaklidagi temir yoʻl yuk xatida qayd etilgan dastlabki joʻnatuvchi stansiyaning kodi koʻrsatiladi;

5) 5-maydon. “Oxirgi stansiya”.

Maydonda SMGS shaklidagi temir yoʻl yuk xatida qayd etilgan oxirgi manzil stansiyaning kodi koʻrsatiladi;

6) 6-maydon. “Konteyner maʼlumotlari”.

Maydondagi alohida ajratilgan maydonchalarda konteyner raqami, uning yuksiz vazni va konteyner tovar sifatida olib oʻtilayotganligi yoki tovar sifatida olib oʻtilmayotganligi haqidagi maʼlumotlar qayd etiladi.

2-§. “Yuk toʻgʻrisida maʼlumot” boʻlimidan foydalanish tartibi

38. “Yuk toʻgʻrisida maʼlumot” boʻlimi “Yuk kuzatuv hujjatlari” va “Tovar toʻgʻrisida maʼlumotlar” nomli qismlardan iborat.

39. “Yuk kuzatuv hujjatlari” qismida maʼlumotlar kuzatuv hujjatlari asosida “Qoʻshish” tugmasi orqali koʻrsatiladi. Agar tovarlarni qabul qiluvchisi va joʻnatuvchisi ikki yoki undan ortiq boʻlsa, ularning har biriga oid maʼlumotlar alohida koʻrsatiladi.

40. “Yuk kuzatuv hujjatlari” qismida maʼlumotlar quyidagicha koʻrsatiladi:

1) 1-maydon. “CMGS raqami”.

Maydonda CMGS shaklidagi temir yoʻl yuk xati raqami koʻrsatiladi.

Alohida ajratilgan “Fayl” nomli maydonchada ushbu maydonda raqami koʻrsatilgan CMGS shaklidagi temir yoʻl yuk xatining nusxasi “E-arxiv” interaktiv xizmati tomonidan berilgan tegishli maxsus raqam qayd etiladi hamda saqlanadi;

2) 2-maydon. “Invoys raqami”.

Maydonda tovarlarni joʻnatuvchi shaxs tomonidan berilgan invoys (hisob, hisob-faktura) raqami koʻrsatiladi. Invoys (hisob, hisob-faktura) raqamida harflar mavjud boʻlgan taqdirda, ular qaysi alifboda boʻlsa, ushbu alifbo harflarida qayd etilishi lozim.

Masalan, lotin alifbosidagi harflar lotin alifbosida, kirill alifbosidagi harflar kirill alifbosida yoziladi.

Alohida ajratilgan “Fayl” nomli maydonchada ushbu maydonda raqami koʻrsatilgan invoys (hisob, hisob-faktura) nusxasiga “E-arxiv” interaktiv xizmati tomonidan berilgan tegishli maxsus raqam qayd etiladi hamda saqlanadi;

3) 3-maydon. “Invoys sanasi”.

Maydonda tovarni joʻnatuvchi shaxs tomonidan berilgan invoys (hisob, hisob-faktura) sanasi koʻrsatiladi;

4) 4-maydon. “Konteyner raqami”.

Maydonda tovarlar ortilgan konteyner raqami “Umumiy maʼlumotlar” boʻlimida qayd etilgan konteynerlardan birini tanlagan holda koʻrsatiladi;

5) 5-maydon. “Yuk joʻnatuvchi”.

Maydonda Dunyo mamlakatlari tasniflagichidan tovarlar joʻnatilgan mamlakatning kodi va nomi tanlanadi hamda joʻnatuvchi shaxs haqidagi quyidagi maʼlumotlar koʻrsatiladi:

joʻnatuvchi jismoniy shaxs boʻlsa — jismoniy shaxsning familiyasi, ismi va otasining ismi, uning yashash manzili, telefon raqami va elektron pochta manzili (mavjud boʻlsa);

joʻnatuvchi yuridik shaxs boʻlsa — uning qisqacha nomi va joylashgan yeri, telefon raqami va elektron pochta manzili (mavjud boʻlsa);

6) 6-maydon. “Yuk qabul qiluvchi”.

Maydonda Dunyo mamlakatlari tasniflagichidan tovarlar kelib tushadigan mamlakatning kodi va nomi tanlanadi hamda qabul qiluvchi shaxs haqidagi quyidagi maʼlumotlar koʻrsatiladi:

qabul qiluvchi jismoniy shaxs boʻlsa — jismoniy shaxsning familiyasi, ismi va otasining ismi, JSHSHIRi, uning yashash manzili, telefon raqami va elektron pochta manzili (mavjud boʻlsa);

qabul qiluvchi yuridik shaxs boʻlsa — uning qisqacha nomi va joylashgan yeri, STIRi, telefon raqami va elektron pochta manzili (mavjud boʻlsa);

7) 7-maydon. “Joylar soni”.

Maydonda tovarlar joylashtirilgan oʻrinlar (joylar) soni koʻrsatiladi.

Tovarlar sochilgan, uyumlangan, quyilgan (oʻramsiz) holatda olib kirilayotganda, “0” raqami qayd etiladi;

8) 8-maydon. “Manzil stansiya”.

Maydonda Oʻzbekiston Respublikasi hududidagi tashuv tugallanadigan stansiya temir yoʻl stansiyalari maʼlumotnomasidan tanlash orqali quyidagi tartibda koʻrsatiladi:

tovarlar ichki tranzit yoʻnalishi boʻyicha yetkazib berilayotgan boʻlsa — SMGS shaklidagi temir yoʻl yuk xatining 5-grafasidagi temir yoʻl stansiyasi;

tovarlar xalqaro tranzit yoʻnalishi boʻyicha yetkazib berilayotgan boʻlsa — SMGS shaklidagi temir yoʻl yuk xatining 6-grafasidagi temir yoʻl stansiyasi;

9) 9-maydon. “Manzil bojxona posti”.

Maydonda tovarlar yetkazib beriladigan bojxona postining kodi va nomi Bojxona postlari tasniflagichidan tanlash orqali koʻrsatiladi;

10) 10-maydon. “Qoʻshimcha hujjatlar”.

Maydonda deklaratsiyalovchi shaxs tomonidan bojxona rasmiylashtiruvini amalga oshirish uchun asos boʻluvchi qoʻshimcha hujjatlar (mavjud boʻlsa) haqidagi maʼlumotlar koʻrsatiladi.

Bunda, qoʻshimcha hujjatlar haqidagi maʼlumotlar “Qoʻshish” tugmasi orqali quyidagi tartibda koʻrsatiladi:

“Hujjat turi” nomli maydonchada hujjatning turi Bojxona yuk deklaratsiyasini toʻldirishda foydalaniladigan hujjatlar va maʼlumotlar turlari tasniflagichidan tanlash orqali koʻrsatiladi;

“Hujjat raqami” nomli maydonchada hujjatning raqami koʻrsatiladi.

Hujjat raqamida harflar ishtirok etsa, ular qaysi alifboda boʻlsa, ushbu alifbo harflarida qayd etilishi lozim.

Masalan, lotin alifbosidagi harflar lotin alifbosida, kirill alifbosidagi harflar kirill alifbosida yoziladi.

“Hujjat sanasi” nomli maydonchada hujjatning sanasi koʻrsatiladi.

Agar koʻrsatilishi lozim boʻlgan hujjatlar soni bir nechta boʻlganda, har bir hujjatga tegishli maʼlumotlar alohida koʻrsatiladi.

41. “Tovar toʻgʻrisida maʼlumotlar” qismida tovarlar toʻgʻrisida maʼlumotlar kuzatuv hujjatlari asosida “Qoʻshish” tugmasi orqali koʻrsatiladi. Agar tovarlar bir nechta boʻlsa, har bir tovar haqidagi maʼlumotlar alohida raqam ostida koʻrsatiladi.

Agar tovarlar toʻgʻrisidagi maʼlumotlar mazkur qismda koʻrsatilgan namuna asosida “excel” formatida tayyorlangan boʻlsa, ushbu maʼlumotni yuklab olish orqali ham maydonlar toʻldirilishi mumkin.

42. “Tovar toʻgʻrisida maʼlumotlar” qismida maʼlumotlar quyidagicha koʻrsatiladi:

1) 1-maydon. “TIF TN kodi”.

Maydonda tovarning TIF TNga muvofiq oʻnta raqamli kodi koʻrsatiladi. Tovarning TIF TN kodi invoysdan (hisob, hisob-fakturadan) olinadi.

Agar tovarning TIF TNga muvofiq oʻnta raqamli kodini koʻrsatishni imkoni boʻlmasa, maydonda TIF TNga muvofiq tovarning kodi oltita raqamgacha koʻrsatilishi mumkin;

2) 2-maydon. “Tovar nomi va tavsifi”.

Maydonda tovarga tegishli invoysda (hisob, hisob-fakturada) mavjud boʻlgan tovarning nomi, belgilari, artikullari, navlari, standartlari va boshqa texnik va tijorat tavsiflari (milliy standartlar, texnik reglamentlar hamda standartlar va h.k.) koʻrsatiladi;

3) 3-maydon. “Oʻlchov birligi”.

Maydonda tovarning oʻlchov birligi tovarning TIF TNga muvofiq kodi asosida quyidagi tartibda koʻrsatiladi:

tovarning TIF TNga muvofiq oʻnta raqamli kodi koʻrsatilgan boʻlsa, maydon TIF TNda keltirilgan “Oʻlchov birliklari jadvali”ga muvofiq bojxona organi tomonidan avtomatlashtirilgan tartibda toʻldiriladi;

tovarning TIF TNga muvofiq tovarning kodi oltita raqamgacha koʻrsatilgan boʻlsa, maydonda tovarning kuzatuv hujjatlaridagi oʻlchov birligi maʼlumotnomadan tanlash orqali koʻrsatiladi.

Masalan:

transport vositasida ogʻirligi 4200 kilogrammga teng 50 ta dona muzlatkich olib oʻtilayotgan boʻlsa — maydonda “796-sht” yozuvi koʻrsatiladi;

transport vositasida ogʻirligi 23000 kilogrammga teng 460 ta qopda bugʻdoy uni olib oʻtilayotgan boʻlsa — maydonda “166-kg” yozuvi koʻrsatiladi;

4) 4-maydon. “Miqdori”.

Maydonda tovarning ushbu qismning 3-maydonida koʻrsatilgan oʻlchov birligidagi miqdori kuzatuv hujjatlari asosida koʻrsatiladi;

5) 5-maydon. “Brutto vazni”.

Maydonda tovarning kilogrammdagi “brutto” ogʻirligi koʻrsatiladi;

6) 6-maydon. “Netto vazni”.

Maydonda tovarning kilogrammdagi “netto” ogʻirligi tovarning kuzatuv hujjatlari asosida koʻrsatiladi;

7) 7-maydon. “Faktura qiymati”

Maydonda nomi tovarning invoysda (hisob, hisob-fakturada) qayd etilgan faktura qiymati koʻrsatiladi;

8) 8-maydon “Valyuta turi”.

Maydonda tovarning faktura qiymatini invoysdagi (hisob, hisob-fakturadagi) hisob-kitob amalga oshirilgan yoki amalga oshiriladigan valyuta nomi boʻyicha valyuta turi Valyutalar tasniflagichidan tanlash orqali koʻrsatiladi.

3-§. “Yigʻimlar” boʻlimidan foydalanish tartibi

43. “Yigʻimlar” boʻlimida qonunchilik hujjatlariga asosan undiriladigan yigʻimlarning soʻmdagi dastlabki miqdori E-Tranzit” AAT tomonidan avtomatlashgan tartibda hisoblanadi.

4-§. “Hujjatlarni generatsiyalash” boʻlimidan foydalanish tartibi

44. “Hujjatlarni generatsiyalash” boʻlimida deklaratsiyalovchi shaxs tomonidan kiritilgan maʼlumotlar asosida tranzit deklaratsiyasi shakllantiriladi.

45. “E-Tranzit” AATga maʼlumot kiritgan deklaratsiyalovchi shaxs mazkur boʻlimda shakllantirilgan hujjatlarni qogʻozga chop etishi va yuklab olishi mumkin.

46. Deklaratsiyalovchi shaxsning xohishiga koʻra yigʻimlar bir vaqtning oʻzida “E-Tranzit” AAT orqali yaratilgan ilovalardan foydalangan holda “Toʻlovlarni amalga oshirish” boʻlmasiga belgi qoʻyish orqali toʻlanadi.

Agar vakolatli shaxs yigʻimlarni chegara bojxona postida toʻlasa, “E-Tranzit” AATdagi “Chegara bojxona postida toʻlash” boʻlmasiga belgi qoʻyadi.

47. Deklaratsiyalovchi shaxs tomonidan tranzit deklaratsiyasini bojxona organiga taqdim etish “Deklaratsiyani tasdiqlayman va yuboraman” tugmasi orqali amalga oshiriladi.

III boʻlim. Tranzit deklaratsiyasini qogʻozga chop etiladigan shaklida maʼlumotlarni shakllantirish tartibi

3-bob. Tranzit deklaratsiyasini qogʻozga chop etiladigan shakli

48. Qogʻozga chop etiladigan tranzit deklaratsiyasi mazkur Nizomning 1-ilovasiga muvofiq shakldagi tranzit deklaratsiyasining asosiy varagʻi, bir nechta tovarlarni deklaratsiyalashda esa ushbu Nizomning 2-ilovasiga muvofiq shakldagi tranzit deklaratsiyasining qoʻshimcha varagʻidan iborat boʻladi.

Tranzit deklaratsiyasining asosiy varagʻida bitta tovar, bitta qoʻshimcha varagʻida esa uchta tovar toʻgʻrisidagi maʼlumotlar koʻrsatilishi mumkin.

49. Tranzit deklaratsiyasini qogʻozga chop etiladigan shakli deklaratsiyalovchi shaxs tomonidan mazkur Nizomning 1 va 2-boblarida belgilangan tartibda koʻrsatilgan maʼlumotlarga va bojxona organi xodimi tomonidan qayd etilgan belgilarga asosan “E-Tranzit” AAT tomonidan avtomatlashtirilgan tartibda toʻldiriladi.

4-bob. Tranzit deklaratsiyasini qogʻozga chop etiladigan shaklidagi grafalarning toʻldirish tartibi

50. Qogʻozga chop etiladigan shakldagi tranzit deklaratsiyasining quyidagi grafalari toʻldiriladi: 1, 2, 3, 5, 7, 8, 9, 13, 14, 15, 15a, 17, 17a, 18, 19, 22, 23, 26, 29, 31, 32, 33, 35, 37, 38, 40, 41, 42, 44, 46, 47, 50, 53, 54, “A” va “D”.

51. Tranzit deklaratsiyasini qogʻozga chop etiladigan shaklidagi grafalar quyidagi tartibda toʻldiriladi:

1) 1-grafa. “Deklaratsiya turi”.

Grafaning birinchi boʻlmasida bojxona tranziti operatsiyasi yoʻnalishining qisqa nomi quyidagi tartibda koʻrsatiladi:

tovarlar ichki tranzit yoʻnalishi boʻyicha yetkazib berilayotgan boʻlsa — “VT”;

tovarlar xalqaro tranzit yoʻnalishi boʻyicha yetkazib berilayotgan boʻlsa — “MT”;

Grafaning ikkinchi boʻlmasida “80” kodi koʻrsatiladi;

2) 2-grafa. “Yukni joʻnatuvchi”.

Grafada bojxona tranziti bojxona rejimiga joylashtirilayotgan tovarlarni joʻnatuvchi shaxs toʻgʻrisidagi maʼlumotlar qayd etiladi.

Grafada quyidagilar koʻrsatiladi:

joʻnatuvchi jismoniy shaxs boʻlsa — jismoniy shaxsning familiyasi, ismi va otasining ismi, uning yashash manzili;

joʻnatuvchi yuridik shaxs boʻlsa — uning qisqacha nomi va joylashgan yeri;

3) 3-grafa. “Qoʻshimcha varaqlar”.

Grafaning birinchi boʻlmasida varaqning tartib raqami, ikkinchi boʻlmasida tranzit deklaratsiyasi varaqlarining umumiy soni (asosiy va qoʻshimcha varaqlari yigʻindisi) koʻrsatiladi.

Masalan, agar tranzit deklaratsiyasi ikkita qoʻshimcha varaqlarga ega boʻlsa, uning asosiy varagʻida “1/3”, birinchi qoʻshimcha varagʻida “2/3”, ikkinchi qoʻshimcha varagʻida “3/3” koʻrsatiladi. Agar tranzit deklaratsiyasi qoʻshimcha varaqlarga ega boʻlmasa “1/1” koʻrsatiladi;

4) 5-grafa. “Tovarlar nomlarining umumiy soni”.

Grafada tranzit deklaratsiyasining 31-grafalarida koʻrsatilgan tovarlar nomlarining umumiy soni yoziladi. Bu son tranzit deklaratsiyasining 31-grafalari soniga muvofiq boʻlishi lozim;

5) 7-grafa. “Roʻyxat raqam”.

Grafada tranzit deklaratsiyasi taqdim etilgan bojxona postining kodi, tranzit deklaratsiyasining raqami va u roʻyxatga olingan sana quyidagi tartibda koʻrsatiladi:

99999 / 99.99.9999 / 9999999

1 2 3 4 5

1-element — deklaratsiyalovchi shaxs tomonidan qayd etilgan bojxona postining Bojxona postlari tasniflagichiga muvofiq beshta belgili kodi;

2, 3 va 4-elementlar — tranzit deklaratsiyasi bojxona rasmiylashtiruvi uchun qabul qilingan kun, oy va yil;

5-element — bojxona organi tomonidan roʻyxatga olingan tranzit deklaratsiyasining tartib raqami (joriy yilda oʻsish tartibida, yil yakunlangach raqamlash yangidan boshlanadi);

6) 8-grafa. “Yukni qabul qiluvchi”.

Grafada transport hujjatlariga asosan bojxona tranziti rejimiga joylashtirilayotgan tovarlarni qabul qiluvchi shaxs toʻgʻrisidagi maʼlumotlar qayd etiladi.

Grafada transport hujjatlariga asosan bojxona tranziti rejimiga joylashtirilayotgan tovarlarni qabul qiluvchi shaxs toʻgʻrisidagi quyidagi maʼlumotlar qayd etiladi:

qabul qiluvchi jismoniy shaxs boʻlsa — jismoniy shaxsning familiyasi, ismi va otasining ismi, uning yashash manzili, telefon raqami va elektron pochta manzili (mavjud boʻlsa);

qabul qiluvchi yuridik shaxs boʻlsa — uning qisqacha nomi va joylashgan yeri, telefon raqami va elektron pochta manzili (mavjud boʻlsa);.

Grafaning pastki qismida “№” belgisidan soʻng yukni qabul qiluvchining STIRi (jismoniy shaxs boʻlsa, JSHSHIRi) koʻrsatiladi.

Tovarlar STIR yoki JSHSHIRga ega boʻlmagan shaxslar tomonidan olib oʻtilayotganda, “999999999” kodi koʻrsatiladi;

7) 9-grafa. “Tashuvchi”.

Grafada tovarlarni tashuvchisi toʻgʻrisidagi quyidagi maʼlumotlar koʻrsatiladi:

tashuvchi jismoniy shaxs boʻlsa — uning familiyasi, ismi va otasining ismi, yashash manzili (Dunyo mamlakatlari tasniflagichiga muvofiq mamlakatning qisqa nomi va manzili), telefon raqami va shaxsini tasdiqlovchi hujjat toʻgʻrisidagi maʼlumotlar;

tashuvchi yuridik shaxs boʻlsa — uning qisqacha nomi va joylashgan yeri (Dunyo mamlakatlari tasniflagichiga muvofiq mamlakatning qisqa nomi va yuridik manzili), telefon raqami;

Grafaning pastki qismida “№” belgisidan soʻng tashuvchining STIRi (jismoniy shaxs boʻlsa, JSHSHIRi) koʻrsatiladi. Tashuvchi STIR yoki JSHSHIRga ega boʻlmagan shaxs boʻlsa, “999999999” kodi koʻrsatiladi;

8) 13-grafa.

Grafada Oʻzbekiston Respublikasi Markaziy banki tomonidan belgilangan, tranzit deklaratsiyasi roʻyxatga olingan kundagi AQSH dollarining Oʻzbekiston Respublikasi milliy valyutasiga nisbatan kursi koʻrsatiladi;

9) 14-grafa. “Deklarant/bojxona brokeri”.

Grafada bojxona brokeri yoki deklaratsiyani taqdim etgan deklarant haqidagi maʼlumotlar (yuridik shaxs boʻlsa — uning qisqacha nomi, joylashgan yeri (yuridik manzili), jismoniy shaxs boʻlsa — familiyasi, ismi va otasining ismi, yashash manzili) koʻrsatiladi.

Grafaning yuqori qismida “№” belgisidan soʻng, bojxona brokeri yoki deklarantning STIRi (jismoniy shaxs boʻlsa, JSHSHIRi) koʻrsatiladi;

10) 15-grafa. “Joʻnatuvchi mamlakat”.

Grafada tovar joʻnatilgan mamlakatning Dunyo mamlakatlari tasniflagichiga muvofiq qisqa nomi koʻrsatiladi;

11) 15a-grafa. “Joʻnatuvchi mamlakat kodi”.

Grafada tovar joʻnatilgan mamlakatning Dunyo mamlakatlari tasniflagichiga muvofiq raqamli kodi koʻrsatiladi;

12) 17-grafa. “Kelib tushadigan mamlakat”.

Grafada tovar kelib tushadigan mamlakatning Dunyo mamlakatlari tasniflagichiga muvofiq qisqa nomi koʻrsatiladi;

13) 17a-grafa. “Kelib tushadigan mamlakat kodi”.

Grafada tovar kelib tushadigan mamlakatning Dunyo mamlakatlari tasniflagichiga muvofiq raqamli kodi koʻrsatiladi;

14) 18-grafa. “Joʻnatish/yetkazib berish vaqtidagi transport vositasi”.

Grafada joʻnatuvchi bojxona organidan tovar kelib tushadigan bojxona organiga tovarlarni tashish amalga oshirilayotgan transport vositasi haqidagi maʼlumotlar koʻrsatiladi.

Grafaning chap boʻlmasida transport vositalari miqdori yoziladi, bitta boʻsh joy (probel) tashlab Transport turlari tasniflagichiga muvofiq transport vositasining qisqacha nomi, soʻngra ikki nuqtadan keyin orasiga “;” ajratish belgisi qoʻyilgan holda transport vositasi toʻgʻrisidagi maʼlumotlar koʻrsatiladi (temir yoʻl vagoni raqami, avtotransport vositasi roʻyxat raqami, avtotransport vositasining VIN raqami va shu kabi maʼlumotlar).

Masalan:

1 AVTO: A987SA; WYC5241321L245013;

1 JD: 63453546;

Agar tovarlar avtotransport vositalari sostavi bilan olib oʻtilgan boʻlsa, transport vositasi roʻyxat raqamidan soʻng “/” ajratish belgisi qoʻyilgan holda tirkamalar, yarim tirkamalar raqamlari va ularning VIN raqamlari koʻrsatiladi.

Masalan:

1 AVTO: A987SA;WYC5241321L245013/K118DS;SYC5241321L245013.

Grafaning oʻng boʻlmasida transport vositasi tegishli boʻlgan mamlakatning Dunyo mamlakatlari tasniflagichiga muvofiq raqamli kodi koʻrsatiladi.

Agar tovarlarni tashishda avtotransport vositalari sostavidan foydalanilgan boʻlsa, ushbu transport vositalarini (pritseplarni, yarim pritseplarni va h.k.) harakatga keltirgan avtotransport vositasi roʻyxatga olingan mamlakatning raqamli kodi koʻrsatiladi.

Grafada transport vositasi bilan bogʻliq boshqa maʼlumotlar ham koʻrsatilishi mumkin;

15) 19-grafa. “Konteyner”.

Grafada quyidagilar koʻrsatiladi:

“0” — agar tovarlar konteynerda olib oʻtilmayotgan boʻlsa;

“1” — agar tovarlar konteynerda olib oʻtilayotgan yoki tovar sifatida konteyner rasmiylashtirilayotgan boʻlsa;

16) 22-grafa. “Valyuta va tovarlarning umumiy faktura qiymati”.

Grafaning chap boʻlmasida faktura qiymatning invoysdagi (hisob, hisob-fakturadagi) hisob-kitob amalga oshirilgan yoki amalga oshiriladigan valyuta kodi Valyutalar tasniflagichiga muvofiq koʻrsatiladi.

Grafaning oʻng boʻlmasida raqamlarda tovarlarni faktura qiymatining umumiy summasi koʻrsatiladi.

Tovarlarni faktura qiymatining umumiy summasi tranzit deklaratsiyasining 42-grafalaridagi qiymatlar yigʻindisidan tashkil topadi;

17) 23-grafa. “Valyuta kursi”.

Grafada tranzit deklaratsiyasining 22-grafasida kodi koʻrsatilgan valyutaning Oʻzbekiston Respublikasi Markaziy banki tomonidan belgilangan, tranzit deklaratsiyasi roʻyxatga olingan kundagi Oʻzbekiston Respublikasi milliy valyutasiga nisbatan kursi koʻrsatiladi.

Masalan:

agar 1 Rossiya rubli = 182,52 soʻm boʻlsa, grafada “1/182,52” koʻrsatiladi;

agar 10 Yapon yenasi = 79,70 soʻm boʻlsa, grafada “10/79,70” koʻrsatiladi;

agar valyuta kontrakti Oʻzbekiston Respublikasi milliy valyutasi boʻlsa, grafada “1/1” koʻrsatiladi;

18) 26-grafa. “Transport turi”.

Grafada Transport turlari tasniflagichiga muvofiq 18-grafada koʻrsatilgan transport vositasi turining kodi koʻrsatiladi;

19) 29-grafa. “Chegaradagi bojxona”.

Grafada Bojxona postlari tasniflagichiga muvofiq tovarlar Oʻzbekiston Respublikasiga olib kiriladigan bojxona posti kodi va nomi koʻrsatiladi

Tranzit deklaratsiyasi Oʻzbekiston Respublikasining ichki hududidagi joʻnatuvchi bojxona organidan tovar kelib tushadigan bojxona organiga tovarlarni yetkazib berish uchun taqdim etilgan boʻlsa, grafa toʻldirilmaydi;

20) 31-grafa. “Yuk joylari va tovar tavsifi”. “Markirovka va miqdor — konteynerlar raqami — tovar tavsifi”.

Grafada deklaratsiyalanayotgan tovar haqida deklaratsiyalovchi shaxs tomonidan koʻrsatilgan maʼlumot qayd etiladi. Maʼlumotlarning har biri yangi satrdan boshlanadi va ulardan har birining oldiga tartib raqami qoʻyiladi:

1 — tovar tavsifi hamda tovarning miqdor va sifat tarkibi toʻgʻrisidagi maʼlumotlar;

2 — oʻramga ega boʻlgan tovar uchun u egallagan yuk joylarining umumiy soni, agar tovarlar sochilgan, uyumlangan, quyilgan (oʻramsiz) holatda olib kirilgan boʻlsa, “0” raqami koʻrsatiladi.

3 — tovar konteynerda tashilganda yoki konteyner tovar sifatida olib oʻtilayotgan hollarda konteyner raqami yoziladi.

Grafaning pastki oʻng burchagida alohida ajratilgan joyda tovarlarning qoʻshimcha oʻlchov birligidagi miqdori va oʻlchov birligining TIF TNga muvofiq shartli belgilanishi koʻrsatiladi;

21) 32-grafa. “Tovar №”.

Grafada 31-grafada deklaratsiyalanayotgan tovarning tartib raqami koʻrsatiladi;

22) 33-grafa. “Tovar kodi”.

Grafaning chap qismida 31-grafada deklaratsiyalanayotgan tovarlarning TIF TNga muvofiq oʻnta yoki oltita raqamli kodi koʻrsatiladi. Ushbu kod boʻsh joysiz (probelsiz) va boshqa ajratuvchi belgilarsiz yoziladi;

23) 35-grafa. “Brutto vazn (kg)”.

Grafada tranzit deklaratsiyasidagi tovarning kilogrammdagi “brutto” ogʻirligi koʻrsatiladi;

24) 37-grafa. “Protsedura”.

Grafada tovarlarni Oʻzbekiston Respublikasi bojxona chegarasi orqali olib oʻtish protsedurasining yetti belgili kodi koʻrsatiladi. Ushbu kod quyidagi uchta tarkibiy qismlardan iborat:

birinchi ikkita raqam — Bojxona rejimlari tasniflagichiga muvofiq bayon etilayotgan bojxona rejimi kodi;

keyingi ikkita raqam — Bojxona rejimlari tasniflagichiga muvofiq avvalgi bojxona tranziti bojxona rejimi kodi. Agar avvalgi bojxona tranziti bojxona rejimi mavjud boʻlmasa, “00” koʻrsatiladi;

oxirgi uchta raqam — “000” kodi koʻrsatiladi;

25) 38-grafa. “Netto vazn (kg)”.

Grafada tovarning deklaratsiyalovchi shaxs tomonidan qayd etilgan kilogrammdagi “netto” ogʻirligi koʻrsatiladi;

26) 40-grafa. “Umumiy deklaratsiya/avvalgi hujjat”.

Tovarlar bayon etilayotgan bojxona rejimidan avval bojxona rejimiga joylashtirilgan boʻlsa, grafada tovarlarni avvalgi bojxona rejimiga joylashtirish uchun asos boʻlgan tranzit deklaratsiyasining roʻyxat raqami koʻrsatiladi;

27) 41-grafa. “Qoʻshimcha oʻlchov birligi”.

Grafada TIF TNda keltirilgan “Oʻlchov birliklari jadvali”ga muvofiq 31-grafaning pastki oʻng boʻlmasida koʻrsatilgan tovar miqdorining qoʻshimcha oʻlchov birligi kodi koʻrsatiladi;

28) 42-grafa. “Tovarning faktura qiymati”.

Grafada deklaratsiyalovchi shaxs tomonidan qayd etilgan tovarning faktura qiymati koʻrsatiladi;

29) 44-grafa. “Qoʻshimcha maʼlumotlar/taqdim etilayotgan hujjatlar”.

Grafada tranzit deklaratsiyasini toʻldirishga asos boʻlgan hujjatlar toʻgʻrisidagi maʼlumotlar koʻrsatiladi.

Har bir hujjat toʻgʻrisidagi maʼlumotlar Bojxona yuk deklaratsiyasini toʻldirishda foydalaniladigan hujjatlar va maʼlumotlar turlari tasniflagichiga muvofiq hujjatning tartib raqami va harfli kodi qayd etilgan holda koʻrsatiladi;

30) 46-grafa. “Statistik qiymat”.

Grafada tovarning statistik qiymati koʻrsatiladi. Statistik qiymat sifatida 42-grafada koʻrsatilgan va ming AQSH dollariga keltirilgan tovarning faktura qiymati qabul qilinadi.

Statistik qiymat matematik qoidalarga koʻra verguldan soʻng, uch belgigacha aniqlikda yaxlitlanadi.

Statistik qiymatini hisoblashda Oʻzbekiston Respublikasi Markaziy banki tomonidan belgilangan, tranzit deklaratsiyasi roʻyxatga olingan kunda amalda boʻlgan kursdan foydalaniladi;

31) 47-grafa. “Bojxona toʻlovlarining hisobi”.

Grafada bojxona toʻlovlarining hisobi toʻgʻrisidagi maʼlumotlar koʻrsatiladi.

“Toʻlov turi” ustunida Bojxona toʻlovlari tasniflagichiga muvofiq bojxona toʻlovi turining kodi koʻrsatiladi.

“Hisoblash asosi” ustunida bojxona toʻlovini hisoblashning asosi koʻrsatiladi.

“Stavka” ustunida bojxona toʻlovi summasini hisoblashda qoʻllaniladigan bojxona toʻlovlarining belgilangan stavkasi miqdori koʻrsatiladi.

“Summa” ustunida bojxona toʻlovining Oʻzbekiston Respublikasi milliy valyutasida hisoblangan summasi koʻrsatiladi;

32) 50-grafa. “Ishonch bildirgan shaxs”.

Grafada tranzit deklaratsiyasini toʻldirishga asos boʻlgan hujjatlar va maʼlumotlarni deklaratsiyalovchi shaxsga taqdim etgan hamda ulardagi maʼlumotlarga javobgar hisoblangan vakolatli shaxsning familiyasi, ismi, otasining ismi va unga tegishli jismoniy shaxsning shaxsiy identifikatsiya raqami (bundan buyon matnda JSHSHIR deb yuritiladi) koʻrsatiladi.

Hujjatlarni taqdim etgan shaxs JSHSHIRi mavjud boʻlmagan norezident boʻlsa, u holda shaxsning JSHSHIRi qayd etiladigan joyda “99999999999999” kodi koʻrsatiladi.

33) 53-grafa. “Kelib tushadigan bojxona va mamlakat”.

Grafa xalqaro tranzit yoʻnalishi boʻyicha yetkazib berilayotgan tovar va (yoki) transport vositalarini bojxona tranziti bojxona rejimiga joylashtirishda toʻldiriladi.

Grafada Bojxona postlari tasniflagichiga muvofiq tovarlar Oʻzbekiston Respublikasidan olib chiqib ketiladigan bojxona organi nomi va kodi koʻrsatiladi;

34) 54-grafa. “Joy va sana”.

Grafada deklaratsiyalovchi shaxs haqida quyidagi maʼlumotlar koʻrsatiladi (maʼlumotlarning har biri yangi satrdan boshlanadi va ulardan har birining oldiga tartib raqami qoʻyiladi):

1 — deklaratsiyalovchi shaxsning familiyasi, ismi va otasining ismi;

2 — deklaratsiyalovchi shaxsning telefon raqami;

3 — deklaratsiyalovchi shaxsning JSHSHIRi;

35) “A” grafa.

Grafada tranzit deklaratsiyasiga berilgan identifikatsiya kodi qayd etiladi;

36) “D” grafa.

Grafaning chap boʻlmasida joʻnatuvchi bojxona organiga tegishli maʼlumotlar quyidagi tartibda toʻldiriladi:

roʻyxatga olinib, qabul qilinmagan tranzit deklaratsiyasida — “Qabul qilinmagan” yozuvi qayd etiladi;

roʻyxatga olinib, qabul qilingan tranzit deklaratsiyasida — “Qabul qilingan, rasmiylashtirilmagan” yozuvi qayd etiladi;

rasmiylashtirilgan tranzit deklaratsiyasida — bojxona organi tomonidan ushbu tranzit deklaratsiyasida bayon etilgan tovar va transport vositalariga nisbatan qabul qilingan qarorlar haqidagi bojxona organi belgilari (yozuvlari) koʻrsatiladi.

Grafaning oʻng boʻlmasida maʼlumotlar quyidagi tartibda toʻldiriladi:

joʻnatuvchi bojxona organi tomonidan rasmiylashtirilgan tranzit deklaratsiyasida — “Bojxona nazoratidagi yuk” yozuvi qayd etiladi;:

qabul qiluvchi bojxona organi tomonidan tranzit bojxona rejimi yakunlanganda — tovarlarga nisbatan qabul qilingan qarorlar haqidagi bojxona organi belgilari (yozuvlari) koʻrsatiladi.

IV boʻlim. Tranzit deklaratsiyasini roʻyxatga olish, rasmiylashtirish, unga oʻzgartirish va qoʻshimcha kiritish, uni qaytarib olish hamda bekor qilish

5-bob. Tranzit deklaratsiyasini roʻyxatga olish va rasmiylashtirish tartibi

52. Deklaratsiyalovchi shaxs tomonidan taqdim etilgan tranzit deklaratsiyasini bojxona organi tomonidan roʻyxatdan oʻtkazish real vaqt rejimida “E-tranzit” AATda avtomatlashtirilgan tartibda amalga oshiriladi.

“E-tranzit” AATda tranzit deklaratsiyalarini roʻyxatda oʻtkazish identifikatsiya kodi va tartib raqamlari berilgan holda quyidagi tartibda amalga oshiriladi:

identifikatsiya kodi bitta transport vositasi va bitta transport hujjati boʻyicha bir vaqtda taqdim etilgan tranzit deklaratsiyalariga beriladi;

tartib raqami mazkur Nizomning 51-bandida belgilangan tartibda har bir tranzit deklaratsiyasining 7-grafasini toʻldirish orqali beriladi.

53. Tranzit deklaratsiyasi bojxona organi tomonidan tovar va transport vositasi joʻnatuvchi bojxona organiga yetib kelganidan soʻng qabul qilinadi. Bunda, deklarant tomonidan tovar va transport vositasi boʻyicha taqdim etilgan tranzit deklaratsiyasiga “E-Tranzit” AAT tomonidan berilgan identifikatsiya kodi bojxona organiga maʼlum qilinishi zarur.

Tranzit deklaratsiyasini qabul qilish deklarant tomonidan bojxona organlariga tovarning kuzatuv hujjatlarini taqdim etishi va identifikatsiya kodini maʼlum qilishi bilan bir vaqtda amalga oshiriladi hamda bu haqda deklarant yoki deklaratsiyalovchi shaxs xabardor qilinadi.

54. Roʻyxatga olingan tranzit deklaratsiyasi bojxona organi tomonidan qabul qilingandan soʻng, bojxona rasmiylashtiruvi Oʻzbekiston Respublikasi xalqaro shartnomalariga va qonunchilik hujjatlariga muvofiq amalga oshiriladi.

55. Tranzit deklaratsiyasining joʻnatuvchi bojxona organida bojxona rasmiylashtiruvi hamda taqdim etilgan hujjatlarni tekshirish quyidagi muddatlarda amalga oshiriladi:

tranzit deklaratsiyasiga oʻzgartirish va (yoki) qoʻshimcha kiritish zarurati yuzaga kelmaganda, bojxona deklaratsiyasi qabul qilingan va barcha zarur hujjatlar hamda maʼlumotlar taqdim etilgan vaqtdan boshlab uch soat davomida, bundan tashqi iqtisodiy faoliyat bojxona postlariga bojxona xizmati organlarining ish vaqtidan tashqari paytda tranzit deklaratsiyasi taqdim etilgan holatlar mustasno;

mazkur bandning ikkinchi xatboshisida nazarda tutilmagan boshqa hollarda tranzit deklaratsiyasi qabul qilingan va barcha zarur hujjatlar hamda maʼlumotlar taqdim etilgan kundan eʼtiboran bir ish kuni ichida.

Mazkur muddatlar xavflarni boshqarish tizimida belgilangan zarur tadbirlarni, shuningdek boshqa davlat organlari tomonidan tovarlar va (yoki) transport vositalari ustidan nazoratni amalga oshirish uchun zarur boʻlgan vaqtni oʻz ichiga olmaydi.

6-bob. Roʻyxatga olinib, qabul qilinmagan tranzit deklaratsiyasiga oʻzgartirish va qoʻshimcha kiritish, uni qaytarib olish hamda bekor qilish

56. Tranzit deklaratsiyasi roʻyxatga olinib, bojxona organi tomonidan qabul qilib olinguniga qadar deklaratsiyalovchi shaxs tranzit deklaratsiyasiga oʻzgartirish va qoʻshimcha kiritishi, uni qaytarib olishi mumkin.

57. Roʻyxatga olinib, qabul qilinmagan tranzit deklaratsiyasiga oʻzgartirish va (yoki) qoʻshimcha kiritish zarurati yuzaga kelganda, deklaratsiyalovchi shaxs “E-Tranzit” AATda “Deklaratsiyani tuzatish” tugmasi orqali amalga oshiriladi. Bunda, tranzit deklaratsiyasiga oʻzgartirish va (yoki) qoʻshimcha kiritish mazkur Nizomning 1 va 2-boblarida belgilangan tartibda hamda ketma-ketlikda amalga oshiriladi, bundan “E-Tranzit” AAT tomonidan avtomatlashtirilgan tartibda toʻldirilgan maydonlar mustasno.

58. Roʻyxatga olinib, qabul qilinmagan tranzit deklaratsiyasini qaytarib olish “Deklaratsiyani qaytarib olish” tugmasi orqali amalga oshiriladi.

Agar bitta identifikatsiya kodi bilan roʻyxatga olingan bir nechta tranzit deklaratsiyalarining bittasini qaytarib olish zarurati yuzaga kelgan boʻlsa, bir vaqtning oʻzida ularning barchasi qaytarib olinadi.

59. Qaytarib olingan tranzit deklaratsiyasining oʻrniga yangi tranzit deklaratsiyasini taqdim etish mazkur Nizomning 13-bandida belgilangan muddatidan oshib ketmasligi lozim.

60. Tranzit deklaratsiyasi roʻyxatga olingan kundan eʼtiboran oʻttiz kalendar kun ichida unda koʻrsatilgan tovarlar joʻnatuvchi bojxona organiga taqdim etilmasa, tranzit deklaratsiyasi berilmagan deb hisoblanadi. Bunda, tranzit deklaratsiyasi “E-Tranzit” AAT tomonidan avtomatlashtirilgan tartibda bekor qilinadi hamda bu haqda deklaratsiyalovchi shaxsga axborot almashish tizimi orqali maʼlum qilinadi.

61. Qaytarib olingan yoki bekor qilingan tranzit deklaratsiyasining identifikatsiya kodi va tartib raqamlari boshqa tranzit deklaratsiyasiga berilmaydi.

7-bob. Qabul qilingan va rasmiylashtirilgan tranzit deklaratsiyasiga oʻzgartirish va qoʻshimcha kiritish, uni qaytarib olish hamda bekor qilish

1-§. Deklarant yoki deklaratsiyalovchi shaxsning murojaatiga asosan tranzit deklaratsiyasiga oʻzgartirish va qoʻshimcha kiritish, uni qaytarib olish

62. Qabul qilingan va rasmiylashtirilgan tranzit deklaratsiyalariga oʻzgartirish va (yoki) qoʻshimcha kiritish, uni qaytarib olish deklarant yoki deklaratsiyalovchi shaxsning murojaatiga muvofiq bojxona organining roziligi bilan amalga oshiriladi.

Qabul qilingan tranzit deklaratsiyasiga oʻzgartirish va (yoki) qoʻshimcha kiritish uchun bojxona organiga deklarant yoki deklaratsiyalovchi shaxs murojaat qiladi.

Qabul qilingan tranzit deklaratsiyasini qaytarib olish yoki rasmiylashtirilgan tranzit deklaratsiyasiga oʻzgartirish va (yoki) qoʻshimcha kiritish uchun bojxona organiga deklarant yoki uning nomidan tranzit deklaratsiyasiga oʻzgartirish va (yoki) qoʻshimcha kiritish toʻgʻrisidagi ishonchnomasi asosida deklaratsiyalovchi shaxs murojaat qiladi.

63. Qabul qilingan va rasmiylashtirilgan tranzit deklaratsiyasiga oʻzgartirish va (yoki) qoʻshimcha kiritish quyidagi hollarda amalga oshiriladi:

tranzit deklaratsiyasini toʻldirish va taqdim etish jarayonida yoʻl qoʻyilgan xato va kamchiliklarni bartaraf etish zarur boʻlganda;

bitta tovar yuzasidan takroran bir nechta tranzit deklaratsiyasi qabul qilinganligi aniqlanganda;

tranzit deklaratsiyasini oʻzgartirish, unga qoʻshimcha kiritish uchun asos boʻladigan hamda taqdim etilgan hujjatlar bilan tasdiqlangan, qonunchilik hujjatlariga zid boʻlmagan boshqa hollarda.

64. Quyidagi hollarda tranzit deklaratsiyasiga oʻzgartirish va (yoki) qoʻshimcha kiritish, uni qaytarib olish taqiqlanadi:

deklarant yoki deklaratsiyalovchi shaxsdan tranzit deklaratsiyasida koʻrsatilgan tovarlarga tegishli hujjatlar va (yoki) maʼlumotlar talab qilinib, bu boʻyicha tekshiruv yakuniga yetmagan boʻlsa;

tranzit deklaratsiyasida koʻrsatilgan tovarlarni bojxona koʻrigidan oʻtkazish belgilanib, bu jarayon yakuniga yetmagan boʻlsa;

tranzit deklaratsiyasida koʻrsatilgan tovarlarni bojxona ekspertizasidan oʻtkazish tayinlanib, bu jarayon yakuniga yetkazilmagan boʻlsa.

65. Deklarant yoki deklaratsiyalovchi shaxs tranzit deklaratsiyasiga oʻzgartirish va (yoki) qoʻshimcha kiritish uchun oʻz xohishiga koʻra quyidagi shakllarda murojaat qiladi:

tranzit deklaratsiyasiga “E-Tranzit” AATda oʻzgartirish va qoʻshimcha kiritish uchun tranzit deklaratsiyasi roʻyxatga olingan bojxona organiga axborot almashish tizimi orqali;

deklarant yoki deklaratsiyalovchi shaxsda tranzit deklaratsiyasini “E-Tranzit” AAT orqali oʻzgartirish va (yoki) qoʻshimcha kiritish imkoni boʻlmagan taqdirda, bojxona organiga mazkur Nizomning 3-ilovasiga muvofiq tuzatish kiritish varagʻini taqdim etish orqali.

66. Tuzatish kiritish varagʻida tranzit deklaratsiyasining bojxona organida roʻyxatga olingan raqami, oʻzgartirish va (yoki) qoʻshimcha kiritish lozim boʻlgan grafa va (yoki) maydonlar, ularga kiritiladigan tuzatishlar bilan bogʻliq maʼlumotlar koʻrsatiladi hamda tuzatish kiritish varagʻi uni taqdim etgan shaxs tomonidan imzolanadi.

67. Tranzit deklaratsiyaga oʻzgartirish va (yoki) qoʻshimcha kiritish toʻgʻrisidagi murojaatlar bojxona organi tomonidan quyidagi muddatlarda koʻrib chiqiladi:

qabul qilingan tranzit deklaratsiyasi boʻyicha murojaat mazkur Nizomning 55-bandida nazarda tutilgan rasmiylashtiruv muddatlari ichida;

rasmiylashtirilgan tranzit deklaratsiyasi boʻyicha murojaat Oʻzbekiston Respublikasining “Jismoniy va yuridik shaxslarning murojaatlari toʻgʻrisida”gi Qonunining 28-moddasida belgilangan muddatda.

68. Bojxona organi murojaatni koʻrib chiqib, mazkur Nizomning 63 va 64-bandlariga muvofiq tranzit deklaratsiyaga oʻzgartirish va (yoki) qoʻshimcha kiritishni asosli deb topsa, tranzit deklaratsiyadagi xato va (yoki) kamchiliklarni bartaraf etish boʻyicha murojaat etgan shaxsni xabardor etadi.

Tranzit deklaratsiyasiga “E-Tranzit” AATda oʻzgartirish va qoʻshimcha kiritish toʻgʻrisida murojaat qilingan boʻlsa, bojxona organi tomonidan “E-Tranzit” AATda tranzit deklaratsiyasiga oʻzgartirish va (yoki) qoʻshimcha kiritish imkoniyati yaratiladi. Bunda, deklaratsiyalovchi shaxs tomonidan tranzit deklaratsiyasidagi maʼlumotlarga “E-Tranzit” AATda quyidagi muddatlar ichida oʻzgartirish va (yoki) qoʻshimchalar kiritiladi:

qabul qilingan tranzit deklaratsiyasi u qabul qilingan kundan eʼtiboran bir ish kuni ichida;

rasmiylashtirilgan tranzit deklaratsiyasi bojxona organi tomonidan yozma shaklda xabardor etilgan kundan eʼtiboran besh kun ichida.

Murojaat tuzatish kiritish varagʻi orqali amalga oshirilgan boʻlsa, bojxona organi tomonidan “E-Tranzit” AATda tranzit deklaratsiyasi maʼlumotlariga bir ish kuni ichida oʻzgartirish va (yoki) qoʻshimcha kiritiladi. Bunda, tuzatish kiritish varagʻi tranzit deklaratsiyaga ilova tarzda biriktiriladi.

69. Deklaratsiyalovchi shaxsda tranzit deklaratsiyasi boʻyicha tovar va transport vositasi bilan bogʻliq hujjatlarni bojxona organiga taqdim etish zarurati yuzaga kelganda, hujjat nusxalarini axborot almashish tizimi orqali taqdim etadi, bundan “E-arxiv” interaktiv xizmati orqali taqdim etilgan hujjatlar mustasno.

Bojxona organi taqdim etilgan hujjatni axborot almashish tizimi orqali qabul qilib oladi, bundan asossiz taqdim etilgan yoki sifatsiz (xira, boʻyalgan, tushunarsiz va h.k.) yoxud “E-arxiv” interaktiv xizmati orqali taqdim etilgan hujjatlar mustasno.

70. Qabul qilingan va rasmiylashtirilgan tranzit deklaratsiyasi deklarantning murojaatiga asosan quyidagi hollarda qaytarib olinishi mumkin:

bitta tovar yuzasidan takroran bir nechta tranzit deklaratsiyasi qabul qilingan holat aniqlanganda;

tranzit deklaratsiyasini qaytarib olish uchun asos boʻladigan hamda taqdim etilgan hujjatlar bilan tasdiqlangan, qonunchilik hujjatlariga zid boʻlmagan boshqa hollarda.

71. Tranzit deklaratsiyasini qaytarib olish zarurati yuzaga kelganda, deklarant bojxona organiga yozma yoki elektron shaklda murojaat qiladi. Murojaatda qaytarib olish zarur boʻlgan tranzit deklaratsiyasining roʻyxat raqami, uni qaytarib olishning sabablari qayd etiladi.

72. Tranzit deklaratsiyasini qaytarib olish boʻyicha taqdim etilgan murojaat bojxona organi tomonidan mazkur Nizomning 67-bandida nazarda tutilgan muddatlarda koʻrib chiqiladi.

73. Bojxona organi murojaatni koʻrib chiqib, tranzit deklaratsiyasini qaytarib olishni mazkur Nizomning 70-bandiga muvofiq asosli deb topsa, tranzit deklaratsiyasi “E-Tranzit” AATda bir ish kuni ichida qaytariladi.

74. Bojxona organi murojaatni koʻrib chiqish natijasi boʻyicha tranzit deklaratsiyasiga oʻzgartirish va (yoki) qoʻshimcha kiritish, uni qaytarib olish uchun mazkur Nizomning 70-bandiga muvofiq asoslar mavjud emas deb topsa, tranzit deklaratsiyasiga oʻzgartirish va (yoki) qoʻshimcha kiritishni, uni qaytarib olishni rad etadi. Bunday holatlarda rad etishning asoslangan sabablari yozma yoki elektron shaklda maʼlum qilinadi.

2-§. Bojxona organi tashabbusi bilan tranzit deklaratsiyasiga oʻzgartirish va qoʻshimcha kiritish, uni bekor qilish

75 Qabul qilingan va rasmiylashtirilgan tranzit deklaratsiyalariga oʻzgartirish va (yoki) qoʻshimcha kiritish bojxona organining talabi asosida mazkur Nizomning 63-bandida tutilgan hollarda amalga oshiriladi.

76. Mazkur Nizomning 64-bandi uchinchi va toʻrtinchi xatboshilarida nazarda tutilgan hollarda bojxona organi tashabbusi bilan tranzit deklaratsiyasiga oʻzgartirish va (yoki) qoʻshimcha kiritish, uni bekor qilish taqiqlanadi.

77. Bojxona organi tomonidan aniqlangan tranzit deklaratsiyasidagi xato va (yoki) kamchiliklarni bartaraf etish zarur boʻlganda, bojxona organi deklarant yoki deklaratsiyalovchi shaxsni xabardor qiladi hamda “E-Tranzit” AATda tranzit deklaratsiyasini oʻzgartirish imkoniyati yaratiladi.

78. Deklarant yoki deklaratsiyalovchi shaxs oʻz xohishiga koʻra tranzit deklaratsiyasiga oʻzgartirish va (yoki) qoʻshimcha kiritish uchun quyidagilardan birini amalga oshiradi:

qabul qilingan tranzit deklaratsiyasidagi maʼlumotlarga bojxona organi tomonidan yozma shaklda xabardor etilgan kundan eʼtiboran bir ish kuni ichida, rasmiylashtirilgan tranzit deklaratsiyasiga besh kun ichida “E-Tranzit” AAT orqali oʻzgartirish va (yoki) qoʻshimchalar kiritadi;

deklarant yoki deklaratsiyalovchi shaxsda tranzit deklaratsiyasiga “E-Tranzit” AAT orqali oʻzgartirish va (yoki) qoʻshimcha kiritish imkoni boʻlmaganda, bojxona organiga mazkur Nizomning 3-ilovasiga muvofiq tuzatish kiritish varagʻini qabul qilingan tranzit deklaratsiyasi boʻyicha bojxona organi tomonidan yozma shaklda xabardor etilgan kundan eʼtiboran bir ish kuni ichida, rasmiylashtirilgan tranzit deklaratsiyasi boʻyicha besh kun ichida taqdim etadi.

Tuzatish kiritish varagʻida tranzit deklaratsiyasining bojxona organida roʻyxatga olingan raqami, oʻzgartirish va (yoki) qoʻshimcha kiritish lozim boʻlgan grafa va maydonlar, ularga kiritiladigan tuzatishlar bilan bogʻliq maʼlumotlar koʻrsatiladi hamda uni taqdim etgan shaxs tomonidan imzolanadi.

Agar deklarant yoki deklaratsiyalovchi shaxs tranzit deklaratsiyasiga oʻzgartirish va (yoki) qoʻshimcha kiritish uchun zarurat yoʻq deb hisoblasa, bu haqda yozma yoki elektron shaklda bojxona organiga oʻzining asoslantirilgan xatini mazkur bandning ikkinchi xatboshisida nazarda tutilgan muddat ichida taqdim etishi lozim.

79. Tuzatish kiritish varagʻi taqdim etilgandan soʻng, bojxona organi tomonidan “E-Tranzit” AATda tranzit deklaratsiyasi maʼlumotlariga oʻzgartirish va (yoki) qoʻshimcha kiritiladi. Bunda, tuzatish kiritish varagʻi tranzit deklaratsiyasiga ilova tarzda biriktiriladi.

80. Bojxona organi talabi bilan tranzit deklaratsiyasi boʻyicha tovar va transport vositasi bilan bogʻliq qonunchilikda belgilangan hujjatlarni taqdim etish zarurati yuzaga kelganda, deklaratsiyalovchi shaxs hujjat nusxalarini axborot almashish tizimi orqali taqdim etadi, bundan “E-arxiv” interaktiv xizmati orqali taqdim etilgan hujjatlar mustasno.

Agar deklarant yoki deklaratsiyalovchi shaxs bojxona organi tomonidan talab etilgan hujjatlarni taqdim etish uchun zarurat yoʻq deb hisoblasa, bu haqda yozma yoki elektron shaklda bojxona organiga oʻzining asoslantirilgan xatini taqdim etishi mumkin.

81. Bojxona organi taqdim etilgan hujjatni axborot almashish tizimi orqali qabul qilib oladi, bundan talab etilmagan (asossiz taqdim etilgan) yoki sifatsiz (xira, boʻyalgan, tushunarsiz va h.k.) hujjatlar yoxud “E-arxiv” interaktiv xizmati orqali taqdim etilgan mustasno.

82. Tranzit deklaratsiyasi bojxona organi tashabbusi bilan quyidagi hollarda bekor qilinadi:

qabul qilingan tranzit deklaratsiyasiga belgilangan muddatda deklaratsiyalovchi shaxs tomonidan “E-Tranzit” AAT orqali oʻzgartirish va (yoki) qoʻshimcha kiritilmasa;

qabul qilingan tranzit deklaratsiyasiga belgilangan muddatda deklarant tomonidan tuzatish kiritish varagʻi taqdim etilmasa;

bitta tovar yuzasidan takroran bir nechta tranzit deklaratsiyasi roʻyxatga olingan holat tasdiqlanganda;

transport vositalari olib kirilgan chegara bojxona nazorat zonasini tark etmasdan qaytarib olib chiqib ketilganda.

V boʻlim. Yakuniy qoidalar

83. Bitta tovar yuzasidan takroran qabul qilingan tranzit deklaratsiyasini bekor qilish yoki qaytarib olishda nisbatan xavf darajalari past boʻlgan tranzit deklaratsiyalari bekor qilinadi yoki qaytariladi.

Agar bitta tovar yuzasidan qabul qilingan tranzit deklaratsiyalarining xavf darajalari bir xil boʻlsa, ularning roʻyxatga olingan vaqti boʻyicha oxirgilari bekor qilinadi yoki qaytariladi.

84. “E-Tranzit” AATda foydalanuvchilarga qulaylik yaratish uchun mazkur Nizomda nazarda tutilmagan qoʻshimcha imkoniyatlar yoki maʼlumotlar joriy etilishi mumkin, bundan deklarant yoki deklaratsiyalovchi shaxslardan ushbu Nizomda belgilanmagan qoʻshimcha hujjat va maʼlumotlarni talab etish bilan bogʻliq boʻlgan hollar mustasno.

85. Deklarant yoki deklaratsiyalovchi shaxs bojxona organining tranzit deklaratsiyasini rasmiylashtirish, unga oʻzgartirish va (yoki) qoʻshimcha kiritish, qaytarib olish yoki bekor qilish boʻyicha harakatlaridan norozi boʻlgan taqdirda, yuqori turuvchi bojxona organiga yoki sudga shikoyat qilishga haqli.

86. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javobgarlikka tortiladilar.

Tranzit deklaratsiyasini toʻldirish, rasmiylashtirish, unga oʻzgartirish va qoʻshimcha kiritish, uni qaytarib olish hamda bekor qilish tartibi toʻgʻrisidagi nizomga 1-ILOVA

Tranzit deklaratsiyasini toʻldirish, rasmiylashtirish, unga oʻzgartirish va qoʻshimcha kiritish, uni qaytarib olish hamda bekor qilish tartibi toʻgʻrisidagi nizomga 2-ILOVA

Tranzit deklaratsiyasini toʻldirish, rasmiylashtirish, unga oʻzgartirish va qoʻshimcha kiritish, uni qaytarib olish hamda bekor qilish tartibi toʻgʻrisidagi nizomga 3-ILOVA

Tuzatish kiritish varagʻi

Tranzit deklaratsiyasining tartib raqami 99999/99.99.9999/9999999

Tranzit deklaratsiyasi grafasi/Tizimdagi maydon Tovarning tartib raqami * Avvalgi maʼlumot Yangi maʼlumot 18-grafa (Davlat raqami) 30M789KV 01M789KV 15-grafa (Joʻnatuvchi mamlakat) 398 643 31-grafa (Miqdori) 2 560 56 3-maydon “Yuk tashish boshlangan mamlakat”. 643 398

Deklarant/deklaratsiyalovchi shaxs ______________________ ___________ (F.I.O) (imzo) Telefon raqami ___________________________________ Sana ___________________________________ (kun, oy, yil)

Rais A. MAVLONOV

Oʻzbekiston Savdo-sanoat palatasi Raisi D. VAXABOV

Toshkent sh.,

2022-yil 22-iyul,

2022-yil 29-iyun

12/02-22-22-son

(Qonunchilik maʼlumotlari milliy bazasi, 31.08.2022-y., 10/22/3382/0796-son; 22.10.2024-y., 10/24/3382-1/0837-son)

lex.uz