📅 2022-yil 6-sentabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 6 сентябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 6 сентября 2022 г. · Постановления Кабинета Министров
Официальный текст. Официальный документ. Редакционные примечания не включены.
📅 6 September 2022 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Аҳолининг ичимлик сув таъминоти ва оқова сув хизматлари билан таъминланганлик даражасини ошириш бўйича қўшимча чора-тадбирлар белгиланганлиги муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида
Республика бўйича ичимлик ва оқова сув тизимидаги истеъмолчиларнинг сувни ҳисобга олиш приборларини ўрнатиш бўйича бир қатор ишлар амалга оширилмоқда.
Шу билан бирга, истеъмолчилар томонидан истеъмол қилинган сув сарфи харажатларини назорат қилиш, улардан оқилона ва самарали фойдаланиш бўйича маълумотларни ўз вақтида шакллантириш учун сув ҳисоблагичларнинг масофадан маълумот узатувчи замонавий технологияларини жорий этиш талаб этилади.
Шунингдек, ичимлик ва оқова сувни чиқариш хизматлари юзасидан дебитор қарздорликни кескин камайтириш мақсадида юридик шахс бўлган истеъмолчининг банкдаги ҳисобварағига тўлов талабномасини қўйиш йўли билан амалга ошириш зарур.
Ичимлик сув таъминоти ва оқова сув хизматлари сифатини яхшилаш ҳамда аҳолига қулай шарт-шароитлар яратиш мақсадида, шунингдек, Ўзбекистон Республикаси Президентининг «Аҳолининг ичимлик сув таъминоти ва оқова сув хизматлари билан таъминланганлик даражасини ошириш бўйича қўшимча чора-тадбирлар тўғрисида» 2022 йил 24 майдаги ПҚ-257-сон қарорига мувофиқ Вазирлар Маҳкамаси қарор қилади:
1. Ўзбекистон Республикаси Ҳукуматининг иловага мувофиқ айрим қарорларига қуйидагиларни назарда тутувчи ўзгартириш ва қўшимчалар киритилсин:
ҳудудий ичимлик сув таъминоти ташкилотлари маблағлари ҳисобидан аҳолининг қиёслаш муддати тугаган ҳисобга олиш асбобларини янгисига алмаштириш;
юридик шахс бўлган ва юридик шахс ташкил этмасдан тадбиркорлик фаолиятини амалга оширувчи истеъмолчилар томонидан масофадан маълумот узатувчи замонавий сув ҳисоблагичлар ўрнатилиши;
масофадан маълумот узатувчи замонавий сув ҳисоблагичларни ўрнатмаган истеъмолчиларга ҳисобга олиш асбоблари билан таъминланмаган истеъмолчилар сифатида ҳисоб-китобни амалга ошириш;
ичимлик ва иссиқ сувни ҳисобга олиш ускунасини (ҳисоблагични) қиёслашдан ўтказиш;
истеъмолчининг ихтиёрига кўра ҳудудий ичимлик сув таъминоти ташкилоти билан тўғридан-тўғри шартнома тузиш ва сувни ҳисобга олиш асбобларини муҳрлаш;
юридик шахс бўлган истеъмолчиларнинг сув таъминоти ва оқова сувни чиқариш хизматлари юзасидан дебитор қарздорлигини ундириш чорасини кўриш;
давлат ижтимоий буюртма асосида ташкил қилинган ичимлик сув таъминоти корхоналарининг электрон реестрини юритиш ҳамда уларга методик ва амалий ёрдам кўрсатиш;
ер ости чучук сув ресурслари камайиб кетаётган ҳудудларнинг рўйхатини тасдиқлаш.
2. Ўзбекистон Республикаси Уй-жой коммунал хизмат кўрсатиш вазирлиги бошқа манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
3. Мазкур қарорнинг бажарилишини назорат қилиш Ўзбекистон Республикаси Бош вазирнинг биринчи ўринбосари А.Ж. Раматов зиммасига юклансин.
Вазирлар Маҳкамасининг 2022 йил 6 сентябрдаги 496-сон қарорига ИЛОВА
Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Вазирлар Маҳкамасининг 2014 йил 15 июлдаги 194-сон қарори билан тасдиқланган Истеъмолчиларга сув таъминоти ва оқова сувни чиқариш хизматлари кўрсатиш қоидаларида :
а) 65-бандда :
қуйидаги мазмундаги иккинчи хатбоши билан тўлдирилсин:
«Аҳолига қиёслаш муддати тугаган сувни ҳисобга олиш асбобларини янгисига алмаштириш ИСКХ ташкилотининг маблағлари ҳисобидан амалга оширилади»;
иккинчи ва учинчи хатбошилар тегишлича учинчи ва тўртинчи хатбошилар деб ҳисоблансин;
б) қуйидаги мазмундаги 86 1 -банд билан тўлдирилсин:
«86 1 . Юридик шахс бўлган ва юридик шахс ташкил этмасдан тадбиркорлик фаолиятини амалга оширувчи истеъмолчилар томонидан ИСКХ ташкилотига масофадан маълумот узатувчи замонавий сув ҳисоблагичлар ўрнатилиши талаб этилади.
ИСКХ ташкилоти томонидан камида 30 календарь кун аввал ёзма равишда огоҳлантиргандан сўнг масофадан маълумот узатувчи замонавий сув ҳисоблагичларни ўрнатмаган юридик шахс бўлган ва юридик шахс ташкил этмасдан тадбиркорлик фаолиятини амалга оширувчи истеъмолчиларга сув таъминоти ва оқова сувни чиқариш хизматлари учун сувни ҳисобга олиш асбоблари билан таъминланмаган истеъмолчилар сифатида ҳисоб-китоб амалга оширилади»;
в) куйидаги мазмундаги 109 1 -банд билан тўлдирилсин:
«109 1 . II ва III гуруҳ истеъмолчиларнинг сув таъминоти ва оқова сувни чиқариш хизматлари юзасидан дебитор қарздорлиги бўйича ўзаро ҳисоб-китобларни солиштириш далолатномаси имзоланган тақдирда, қарзни ундириш истеъмолчининг банкдаги ҳисобварағига тўлов талабномасини қўйиш йўли билан амалга оширилади».
3. Вазирлар Маҳкамасининг 2018 йил 31 мартдаги 256-сон қарори билан тасдиқланган Юридик ва жисмоний шахсларни сув таъминоти ва сувни чиқариб ташлаш тармоқларига улаш бўйича давлат хизматлари кўрсатишнинг маъмурий регламентининг 8-банди қуйидаги мазмундаги хатбоши билан тўлдирилсин:
«Ичимлик сув таъминоти объектлари фойдаланишга тайёр ҳолда топширилган тақдирда (ўлчаш воситалари ўрнатилиб, ичимлик сув уй ҳўжалигигача етказилган тақдирда), истеъмолчининг ихтиёрига кўра СҚКХ билан тўғридан-тўғри шартнома тузиш ва сувни ҳисобга олиш приборини пломбалаш амалга оширилади».
Ўзбекистон Республикасининг Бош вазири А. АРИПОВ
Тошкент ш.,
2022 йил 6 сентябрь,
496-сон
Oʻzbekiston Respublikasi Vazirlar Mahkamasining
qarori
Aholining ichimlik suv taʼminoti va oqova suv xizmatlari bilan taʼminlanganlik darajasini oshirish boʻyicha qoʻshimcha chora-tadbirlar belgilanganligi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida
Respublika boʻyicha ichimlik va oqova suv tizimidagi isteʼmolchilarning suvni hisobga olish priborlarini oʻrnatish boʻyicha bir qator ishlar amalga oshirilmoqda.
Shu bilan birga, isteʼmolchilar tomonidan isteʼmol qilingan suv sarfi xarajatlarini nazorat qilish, ulardan oqilona va samarali foydalanish boʻyicha maʼlumotlarni oʻz vaqtida shakllantirish uchun suv hisoblagichlarning masofadan maʼlumot uzatuvchi zamonaviy texnologiyalarini joriy etish talab etiladi.
Shuningdek, ichimlik va oqova suvni chiqarish xizmatlari yuzasidan debitor qarzdorlikni keskin kamaytirish maqsadida yuridik shaxs boʻlgan isteʼmolchining bankdagi hisobvaragʻiga toʻlov talabnomasini qoʻyish yoʻli bilan amalga oshirish zarur.
Ichimlik suv taʼminoti va oqova suv xizmatlari sifatini yaxshilash hamda aholiga qulay shart-sharoitlar yaratish maqsadida, shuningdek, Oʻzbekiston Respublikasi Prezidentining “Aholining ichimlik suv taʼminoti va oqova suv xizmatlari bilan taʼminlanganlik darajasini oshirish boʻyicha qoʻshimcha chora-tadbirlar toʻgʻrisida” 2022-yil 24-maydagi PQ-257-son qaroriga muvofiq Vazirlar Mahkamasi qaror qiladi:
1. Oʻzbekiston Respublikasi Hukumatining ilovaga muvofiq ayrim qarorlariga quyidagilarni nazarda tutuvchi oʻzgartirish va qoʻshimchalar kiritilsin:
hududiy ichimlik suv taʼminoti tashkilotlari mablagʻlari hisobidan aholining qiyoslash muddati tugagan hisobga olish asboblarini yangisiga almashtirish;
yuridik shaxs boʻlgan va yuridik shaxs tashkil etmasdan tadbirkorlik faoliyatini amalga oshiruvchi isteʼmolchilar tomonidan masofadan maʼlumot uzatuvchi zamonaviy suv hisoblagichlar oʻrnatilishi;
masofadan maʼlumot uzatuvchi zamonaviy suv hisoblagichlarni oʻrnatmagan isteʼmolchilarga hisobga olish asboblari bilan taʼminlanmagan isteʼmolchilar sifatida hisob-kitobni amalga oshirish;
ichimlik va issiq suvni hisobga olish uskunasini (hisoblagichni) qiyoslashdan oʻtkazish;
isteʼmolchining ixtiyoriga koʻra hududiy ichimlik suv taʼminoti tashkiloti bilan toʻgʻridan-toʻgʻri shartnoma tuzish va suvni hisobga olish asboblarini muhrlash;
yuridik shaxs boʻlgan isteʼmolchilarning suv taʼminoti va oqova suvni chiqarish xizmatlari yuzasidan debitor qarzdorligini undirish chorasini koʻrish;
davlat ijtimoiy buyurtma asosida tashkil qilingan ichimlik suv taʼminoti korxonalarining elektron reyestrini yuritish hamda ularga metodik va amaliy yordam koʻrsatish;
yer osti chuchuk suv resurslari kamayib ketayotgan hududlarning roʻyxatini tasdiqlash.
2. Oʻzbekiston Respublikasi Uy-joy kommunal xizmat koʻrsatish vazirligi boshqa manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
3. Mazkur qarorning bajarilishini nazorat qilish Oʻzbekiston Respublikasi Bosh vazirning birinchi oʻrinbosari A.J. Ramatov zimmasiga yuklansin.
Vazirlar Mahkamasining 2022-yil 6-sentabrdagi 496-son qaroriga ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining 2014-yil 15-iyuldagi 194-son qarori bilan tasdiqlangan Isteʼmolchilarga suv taʼminoti va oqova suvni chiqarish xizmatlari koʻrsatish qoidalarida :
a) 65-bandda :
quyidagi mazmundagi ikkinchi xatboshi bilan toʻldirilsin:
“Aholiga qiyoslash muddati tugagan suvni hisobga olish asboblarini yangisiga almashtirish ISKX tashkilotining mablagʻlari hisobidan amalga oshiriladi”;
ikkinchi va uchinchi xatboshilar tegishlicha uchinchi va toʻrtinchi xatboshilar deb hisoblansin;
b) quyidagi mazmundagi 86 1 -band bilan toʻldirilsin:
“86 1 . Yuridik shaxs boʻlgan va yuridik shaxs tashkil etmasdan tadbirkorlik faoliyatini amalga oshiruvchi isteʼmolchilar tomonidan ISKX tashkilotiga masofadan maʼlumot uzatuvchi zamonaviy suv hisoblagichlar oʻrnatilishi talab etiladi.
ISKX tashkiloti tomonidan kamida 30 kalendar kun avval yozma ravishda ogohlantirgandan soʻng masofadan maʼlumot uzatuvchi zamonaviy suv hisoblagichlarni oʻrnatmagan yuridik shaxs boʻlgan va yuridik shaxs tashkil etmasdan tadbirkorlik faoliyatini amalga oshiruvchi isteʼmolchilarga suv taʼminoti va oqova suvni chiqarish xizmatlari uchun suvni hisobga olish asboblari bilan taʼminlanmagan isteʼmolchilar sifatida hisob-kitob amalga oshiriladi”;
v) kuyidagi mazmundagi 109 1 -band bilan toʻldirilsin:
“109 1 . II va III guruh isteʼmolchilarning suv taʼminoti va oqova suvni chiqarish xizmatlari yuzasidan debitor qarzdorligi boʻyicha oʻzaro hisob-kitoblarni solishtirish dalolatnomasi imzolangan taqdirda, qarzni undirish isteʼmolchining bankdagi hisobvaragʻiga toʻlov talabnomasini qoʻyish yoʻli bilan amalga oshiriladi”.
3. Vazirlar Mahkamasining 2018-yil 31-martdagi 256-son qarori bilan tasdiqlangan Yuridik va jismoniy shaxslarni suv taʼminoti va suvni chiqarib tashlash tarmoqlariga ulash boʻyicha davlat xizmatlari koʻrsatishning maʼmuriy reglamentining 8-bandi quyidagi mazmundagi xatboshi bilan toʻldirilsin:
“Ichimlik suv taʼminoti obyektlari foydalanishga tayyor holda topshirilgan taqdirda (oʻlchash vositalari oʻrnatilib, ichimlik suv uy hoʻjaligigacha yetkazilgan taqdirda), isteʼmolchining ixtiyoriga koʻra SQKX bilan toʻgʻridan-toʻgʻri shartnoma tuzish va suvni hisobga olish priborini plombalash amalga oshiriladi”.
Oʻzbekiston Respublikasining Bosh vaziri A. ARIPOV
Toshkent sh.,
2022-yil 6-sentabr,
496-son