📅 2022-yil 7-sentabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 7 сентябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 7 сентября 2022 г. · Указы Президента
Официальный текст. Официальный документ. Редакционные примечания не включены.
📅 7 September 2022 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ўзбекистон Республикасининг Тўғридан-тўғри инвестициялар жамғармаси фаолиятини такомиллаштириш чора-тадбирлари тўғрисида
Мамлакатда инвестиция муҳитининг жозибадорлигини янада ошириш, ҳудудларда тадбиркорлик фаолиятини ривожлантиришга кўмаклашиш ҳамда янги ташаббус ва лойиҳаларни молиялаштириш тизимини такомиллаштириш мақсадида:
1. «Ўзбекистон Республикасининг Тўғридан-тўғри инвестициялар жамғармасининг бошқарув компанияси» акциядорлик жамияти Ўзбекистон Республикаси Тикланиш ва тараққиёт жамғармаси маблағлари ҳисобидан шакллантириладиган дастлабки устав капитали 100 миллион АҚШ долларига тенг бўлган «Ўзбекистон Республикасининг Тўғридан-тўғри инвестициялар жамғармаси» масъулияти чекланган жамияти шаклидаги инвестиция компанияси (кейинги ўринларда — Инвестиция компанияси) сифатида қайта ташкил қилинсин.
Бунда, Инвестиция компаниясига 2022-2023 йилларда амалга ошириладиган лойиҳалар доирасида ҳамкор инвесторлар томонидан 200 миллион АҚШ доллари миқдорида қўшимча инвестициялар жалб қилинишини таъминлаш вазифаси юклатилсин.
2. Белгилансинки:
Инвестиция компаниясининг устав капитали келгусида инвесторлар билан лойиҳаларни ҳамкорликда амалга ошириш доирасида жалб қилинадиган қўшимча инвестицияларни ҳисобга олиб, босқичма-босқич 1 миллиард АҚШ долларига етказилади;
инвестициялар ва ташқи савдо вазири Инвестиция компаниясининг Кузатув кенгаши раиси ҳисобланади;
Инвестиция компанияси томонидан инвестициялар тижорат ташкилотларининг устав капиталида бозор қиймати бўйича ҳисобланган акцияларнинг (улушларнинг) 49 фоизигача улушида иштирок этиш, мол-мулк сотиб олиш, миллий ва хорижий валютада қарзлар бериш, шунингдек, қонунчиликда зид бўлмаган бошқа шаклларда амалга оширилади;
Инвестиция компанияси томонидан битта лойиҳа учун киритиладиган инвестицияларнинг максимал миқдори ушбу лойиҳа бўйича умумий инвестициялар ҳажмининг 49 фоизидан ошмаслиги лозим. Бунда, Инвестиция компаниясининг Ўзбекистон Республикаси Тикланиш ва тараққиёт жамғармаси маблағлари ҳисобидан шакллантириладиган инвестицияларининг битта лойиҳа учун максимал ҳажми 20 миллион доллардан ошмаслиги лозим;
Инвестиция компаниясининг Ўзбекистон Республикаси Тикланиш ва тараққиёт жамғармаси маблағлари ҳисобидан шакллантириладиган инвестициялари максимал ҳажмининг оширилишига йирик ва муҳим аҳамиятга эга инвестиция лойиҳалари бўйича Ўзбекистон Республикаси Президентининг розилиги билан йўл қўйилади;
Инвестиция компанияси томонидан инвестиция лойиҳаларини танлаш ва молиялаштириш ушбу лойиҳаларнинг молиявий жозибадорлиги ва самарадорлигидан келиб чиқиб, мустақил равишда инвестиция сиёсатида белгиланган мезон ва талабларни ҳисобга олган ҳолда амалга оширилади;
лойиҳаолди ишлари, шу жумладан лойиҳанинг техник-иқтисодий асослари ва лойиҳа-смета ҳужжатларини ишлаб чиқиш ҳамда лойиҳани молиялаштиришга тайёрлаш учун зарур бўлган бошқа турдаги экспертизадан ўтказиш харажатлари Инвестиция компаниясининг маблағлари ҳисобидан Кузатув кенгашининг қарорига асосан молиялаштирилади.
3. Инвестиция компанияси инвестицияларни қуйидаги усуллар билан жалб қилади:
кредит (қарз) олиш ва Инвестиция компаниясининг устав капиталига инвесторларнинг пул маблағларини жалб қилиш;
юридик шахсларни ташкил этиш ёки уларнинг устав фондларида (устав капиталида), шу жумладан мол-мулк сотиб олиш йўли билан иштирок этиш;
йирик институционал ва стратегик инвесторлар билан ҳамкорлик ўрнатиш, шу жумладан нуфузли халқаро молия марказларининг юрисдикцияларидан фойдаланиш;
қонун ҳужжатларига зид бўлмаган бошқа кўринишларда.
4. Инвестиция компаниясига ҳудудий лойиҳа гуруҳлари томонидан ишлаб чиқилган лойиҳаларни ўзининг инвестиция сиёсатида белгиланган мезон ва талабларни ҳисобга олган ҳолда танлаб олиб, ҳудудларда тадбиркорлар иштирокида ташкил этилган холдинг компаниялари орқали уларнинг 49 фоизгача бўлган қисмини молиялаштириш ҳуқуқи берилсин.
5. Инвестиция компаниясининг Кузатув кенгаши Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда икки ой муддатда 2022-2023 йилларда ҳудудий саноат зоналарини ташкил этиш бўйича лойиҳалар рўйхатини тасдиқласин.
Белгилансинки, Инвестиция компаниясига:
саноат ва инфратузилма объектларини яратиш бўйича лойиҳаларни молиялаштириш мақсадида бир лойиҳага инвестицияларнинг белгиланган ҳажми доирасида устав капиталида 100 фоиз иштирок этиш орқали операцион ташкилотларни ташкил этиш;
мустақил равишда ўз мол-мулкини, хўжалик юритувчи субъектларнинг устав капиталларидаги улуш ва акцияларини эркин ҳолда қонунчиликда хусусийлаштириш бўйича белгиланган тартибларни қўлламаган ҳолда сотиш ҳуқуқи берилади.
6. Инвестиция компаниясининг Кузатув кенгаши бир ой муддатда операцион ташкилотлар фаолиятини самарали ташкил этиш, шу жумладан лойиҳа гуруҳлари билан ўзаро ҳамкорлик қилиш ҳамда уларнинг лойиҳавий таклифларини молиялаштириш механизмини кўзда тутувчи Низомни тасдиқласин.
7. Инвестиция компанияси ва унинг операцион ташкилотларига белгиланган фойда солиғи ставкаси уч йил муддатга 50 фоизга камайтирилсин.
8. Ўзбекистон Республикаси Президентининг 2019 йил 17 январдаги «2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Фаол инвестициялар ва ижтимоий ривожланиш йили»да амалга оширишга оид давлат дастури тўғрисида»ги ПФ-5635-сон Фармони 7 — 9-бандлари ўз кучини йўқотган деб ҳисоблансин.
9. Мазкур Фармон ижросини назорат қилиш Бош вазир ўринбосари Ж.А. Ходжаев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 7 сентябрь,
ПФ-215-сон
Oʻzbekiston Respublikasi Prezidentining
Farmoni
Oʻzbekiston Respublikasining Toʻgʻridan-toʻgʻri investitsiyalar jamgʻarmasi faoliyatini takomillashtirish chora-tadbirlari toʻgʻrisida
Mamlakatda investitsiya muhitining jozibadorligini yanada oshirish, hududlarda tadbirkorlik faoliyatini rivojlantirishga koʻmaklashish hamda yangi tashabbus va loyihalarni moliyalashtirish tizimini takomillashtirish maqsadida:
1. “Oʻzbekiston Respublikasining Toʻgʻridan-toʻgʻri investitsiyalar jamgʻarmasining boshqaruv kompaniyasi” aksiyadorlik jamiyati Oʻzbekiston Respublikasi Tiklanish va taraqqiyot jamgʻarmasi mablagʻlari hisobidan shakllantiriladigan dastlabki ustav kapitali 100 million AQSh dollariga teng boʻlgan “Oʻzbekiston Respublikasining Toʻgʻridan-toʻgʻri investitsiyalar jamgʻarmasi” masʼuliyati cheklangan jamiyati shaklidagi investitsiya kompaniyasi (keyingi oʻrinlarda — Investitsiya kompaniyasi) sifatida qayta tashkil qilinsin.
Bunda, Investitsiya kompaniyasiga 2022-2023-yillarda amalga oshiriladigan loyihalar doirasida hamkor investorlar tomonidan 200 million AQSh dollari miqdorida qoʻshimcha investitsiyalar jalb qilinishini taʼminlash vazifasi yuklatilsin.
2. Belgilansinki:
Investitsiya kompaniyasining ustav kapitali kelgusida investorlar bilan loyihalarni hamkorlikda amalga oshirish doirasida jalb qilinadigan qoʻshimcha investitsiyalarni hisobga olib, bosqichma-bosqich 1 milliard AQSh dollariga yetkaziladi;
investitsiyalar va tashqi savdo vaziri Investitsiya kompaniyasining Kuzatuv kengashi raisi hisoblanadi;
Investitsiya kompaniyasi tomonidan investitsiyalar tijorat tashkilotlarining ustav kapitalida bozor qiymati boʻyicha hisoblangan aksiyalarning (ulushlarning) 49 foizigacha ulushida ishtirok etish, mol-mulk sotib olish, milliy va xorijiy valyutada qarzlar berish, shuningdek, qonunchilikda zid boʻlmagan boshqa shakllarda amalga oshiriladi;
Investitsiya kompaniyasi tomonidan bitta loyiha uchun kiritiladigan investitsiyalarning maksimal miqdori ushbu loyiha boʻyicha umumiy investitsiyalar hajmining 49 foizidan oshmasligi lozim. Bunda, Investitsiya kompaniyasining Oʻzbekiston Respublikasi Tiklanish va taraqqiyot jamgʻarmasi mablagʻlari hisobidan shakllantiriladigan investitsiyalarining bitta loyiha uchun maksimal hajmi 20 million dollardan oshmasligi lozim;
Investitsiya kompaniyasining Oʻzbekiston Respublikasi Tiklanish va taraqqiyot jamgʻarmasi mablagʻlari hisobidan shakllantiriladigan investitsiyalari maksimal hajmining oshirilishiga yirik va muhim ahamiyatga ega investitsiya loyihalari boʻyicha Oʻzbekiston Respublikasi Prezidentining roziligi bilan yoʻl qoʻyiladi;
Investitsiya kompaniyasi tomonidan investitsiya loyihalarini tanlash va moliyalashtirish ushbu loyihalarning moliyaviy jozibadorligi va samaradorligidan kelib chiqib, mustaqil ravishda investitsiya siyosatida belgilangan mezon va talablarni hisobga olgan holda amalga oshiriladi;
loyihaoldi ishlari, shu jumladan loyihaning texnik-iqtisodiy asoslari va loyiha-smeta hujjatlarini ishlab chiqish hamda loyihani moliyalashtirishga tayyorlash uchun zarur boʻlgan boshqa turdagi ekspertizadan oʻtkazish xarajatlari Investitsiya kompaniyasining mablagʻlari hisobidan Kuzatuv kengashining qaroriga asosan moliyalashtiriladi.
3. Investitsiya kompaniyasi investitsiyalarni quyidagi usullar bilan jalb qiladi:
kredit (qarz) olish va Investitsiya kompaniyasining ustav kapitaliga investorlarning pul mablagʻlarini jalb qilish;
yuridik shaxslarni tashkil etish yoki ularning ustav fondlarida (ustav kapitalida), shu jumladan mol-mulk sotib olish yoʻli bilan ishtirok etish;
yirik institutsional va strategik investorlar bilan hamkorlik oʻrnatish, shu jumladan nufuzli xalqaro moliya markazlarining yurisdiksiyalaridan foydalanish;
qonun hujjatlariga zid boʻlmagan boshqa koʻrinishlarda.
4. Investitsiya kompaniyasiga hududiy loyiha guruhlari tomonidan ishlab chiqilgan loyihalarni oʻzining investitsiya siyosatida belgilangan mezon va talablarni hisobga olgan holda tanlab olib, hududlarda tadbirkorlar ishtirokida tashkil etilgan xolding kompaniyalari orqali ularning 49 foizgacha boʻlgan qismini moliyalashtirish huquqi berilsin.
5. Investitsiya kompaniyasining Kuzatuv kengashi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda ikki oy muddatda 2022-2023-yillarda hududiy sanoat zonalarini tashkil etish boʻyicha loyihalar roʻyxatini tasdiqlasin.
Belgilansinki, Investitsiya kompaniyasiga:
sanoat va infratuzilma obyektlarini yaratish boʻyicha loyihalarni moliyalashtirish maqsadida bir loyihaga investitsiyalarning belgilangan hajmi doirasida ustav kapitalida 100 foiz ishtirok etish orqali operatsion tashkilotlarni tashkil etish;
mustaqil ravishda oʻz mol-mulkini, xoʻjalik yurituvchi subyektlarning ustav kapitallaridagi ulush va aksiyalarini erkin holda qonunchilikda xususiylashtirish boʻyicha belgilangan tartiblarni qoʻllamagan holda sotish huquqi beriladi.
6. Investitsiya kompaniyasining Kuzatuv kengashi bir oy muddatda operatsion tashkilotlar faoliyatini samarali tashkil etish, shu jumladan loyiha guruhlari bilan oʻzaro hamkorlik qilish hamda ularning loyihaviy takliflarini moliyalashtirish mexanizmini koʻzda tutuvchi Nizomni tasdiqlasin.
7. Investitsiya kompaniyasi va uning operatsion tashkilotlariga belgilangan foyda soligʻi stavkasi uch yil muddatga 50 foizga kamaytirilsin.
8. Oʻzbekiston Respublikasi Prezidentining 2019-yil 17-yanvardagi “2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid davlat dasturi toʻgʻrisida”gi PF-5635-son Farmoni 7 — 9-bandlari oʻz kuchini yoʻqotgan deb hisoblansin.
9. Mazkur Farmon ijrosini nazorat qilish Bosh vazir oʻrinbosari J.A. Xodjayev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 7-sentabr,
PF-215-son
Президента Республики Узбекистан
Указ
О мерах по совершенствованию деятельности Фонда прямых инвестиций Республики Узбекистан
В целях дальнейшего повышения привлекательности инвестиционного климата в стране, содействия развитию предпринимательской деятельности в регионах, а также совершенствования системы финансирования новых инициатив и проектов:
1. Преобразовать акционерное общество «Управляющая компания Фонда прямых инвестиций Республики Узбекистан» в инвестиционную компанию в форме общества с ограниченной ответственностью «Фонд прямых инвестиций Республики Узбекистан» (далее — Инвестиционная компания) с первоначальным уставным капиталом в эквиваленте 100 миллионов долларов США, формируемым за счет средств Фонда реконструкции и развития Республики Узбекистан.
При этом на Инвестиционную компанию в рамках реализуемых проектов в 2022-2023 годах возложить задачу по обеспечению привлечения дополнительных инвестиций в размере 200 миллионов долларов США со стороны инвесторов-партнеров.
2. Установить, что:
в дальнейшем уставный капитал Инвестиционной компании увеличится с учетом дополнительных инвестиций, привлекаемых вместе с инвесторами в рамках совместной реализации проектов, и будет поэтапно доведен до 1 миллиарда долларов;
министр инвестиций и внешней торговли является председателем Наблюдательного совета Инвестиционной компании;
инвестиции Инвестиционной компании осуществляются в форме долевого участия до 49 процентов, рассчитанных по рыночной стоимости акций (долей) в уставном капитале коммерческих организаций, приобретения имущества, предоставления займов в национальной и иностранной валюте, а также в иных формах, не противоречащих законодательству;
максимальная сумма инвестиций, вносимых Инвестиционной компанией для одного проекта, не должна превышать 49 процентов от общей суммы инвестиций по данному проекту. При этом инвестиции Инвестиционной компании, формируемые за счет средств Фонда реконструкции и развития Республики Узбекистан, для одного проекта не должны превышать 20 миллионов долларов;
превышение максимальной суммы инвестиций Инвестиционной компании, формируемых за счет средств Фонда реконструкции и развития Республики Узбекистан, по крупным и значимым инвестиционным проектам допускается с согласия Президента Республики Узбекистан;
отбор и финансирование инвестиционных проектов Инвестиционной компанией осуществляются самостоятельно, с учетом критериев и требований, установленных в инвестиционной политике, исходя из финансовой привлекательности и эффективности этих проектов;
расходы на предпроектные работы, включая технико-экономическое обоснование проекта и разработку проектно-сметной документации, а также другие виды экспертиз, необходимых для подготовки проекта к финансированию, финансируются на основании решения Наблюдательного совета за счет средств Инвестиционной компании.
3. Инвестиционная компания привлекает инвестиции посредством:
получения кредита (займа) и привлечения денежных средств инвесторов в уставный капитал Инвестиционной компании;
создания юридических лиц или долевого участия в их уставных фондах (уставном капитале), в том числе участия путем приобретения имущества;
налаживания сотрудничества с крупными институциональными и стратегическими инвесторами, в том числе используя юрисдикции авторитетных международных финансовых центров;
иных форм, не противоречащих актам законодательства.
4. Предоставить Инвестиционной компании право отбирать проекты, разработанные территориальными проектными группами, с учетом критериев и требований, установленных в ее инвестиционной политике, и финансировать из них часть до 49 процентов через холдинговые компании, созданные с участием предпринимателей в регионах.
5. Наблюдательному совету Инвестиционной компании совместно с Советом Министров Республики Каракалпакстан, хокимиятами областей и города Ташкента в двухмесячный срок утвердить перечень проектов по созданию территориальных промышленных зон на 2022-2023 годы.
Установить, что Инвестиционной компании предоставляется право на:
создание операционных организаций путем 100-процентного участия в уставном капитале в рамках установленного объема инвестиций на один проект с целью финансирования проектов по созданию объектов промышленности и инфраструктуры;
свободную реализацию своего имущества, доли и акций в уставных капиталах хозяйствующих субъектов в самостоятельном порядке без применения установленных по приватизации процедур законодательства.
6. Наблюдательному совету Инвестиционной компании в месячный срок утвердить Положение, предусматривающее механизм эффективной организации деятельности операционных организаций, в том числе взаимодействия с проектными группами и финансирования их проектных предложений.
7. Снизить Инвестиционной компании и ее операционным организациям фиксированную ставку налога на прибыль на 50 процентов сроком на три года.
8. Пункты 7 — 9 Указа Президента Республики Узбекистан от 17 января 2019 года № УП-5635 «О Государственной программе по реализации Стратегии действий по пяти приоритетным направлениям развития Республики Узбекистан на 2017 — 2021 годы в «Год активных инвестиций и социального развития» считать утратившими силу.
9. Контроль за исполнением настоящего Указа возложить на заместителя Премьер-министра Ж.А. Ходжаева.
Президент Республики Узбекистан Ш. МИРЗИЁЕВ
г. Ташкент,
7 сентября 2022 г.,
№ УП-215