📅 2022-yil 9-sentabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 9 сентябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 9 сентября 2022 г. · Указы Президента
Официальный текст. Официальный документ. Редакционные примечания не включены.
📅 9 September 2022 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Таъсирчан солиқ механизмини қўллаш натижасида ҳосил бўлган солиқ қарзини ҳисобдан чиқариш тўғрисида
Жорий йилнинг 22 август куни ўтказилган Ўзбекистон Республикаси Президентининг тадбиркорлар билан очиқ мулоқоти доирасида белгиланган устувор вазифалар ижросини таъминлаш, шунингдек, тадбиркорлик субъектларининг солиқ юкини камайтириш мақсадида:
1. Ўзбекистон Республикаси Президентининг 2022 йил 28 июндаги «Солиқ маъмуриятчилигини ислоҳ қилиш даврида бизнес учун қулай шарт-шароитлар яратиш чора-тадбирлари тўғрисида»ги ПФ-162-сон Фармонига мувофиқ 2022 йил 1 июлдан бўш турган бинолар, фойдаланилмаётган ишлаб чиқариш майдонлари, яшаш учун мўлжалланмаган иншоотлар, шунингдек, тугалланмаган қурилиш объектларига (фойдаланилмаётган объектлар) ҳамда ушбу объектлар билан банд бўлган ер участкаларига нисбатан мол-мулк солиғи ва ер солиғининг оширилган ставкаларини қўллаш, солиқ имтиёзлари ва преференцияларнинг амал қилишини тўхтатиш тартиби (таъсирчан солиқ механизми) бекор қилинганлиги маълумот учун қабул қилинсин.
2. Белгилансинки, фойдаланилмаётган объектлар мулкдорларига нисбатан оширилган ставкаларда қўлланилган таъсирчан солиқ механизми натижасида ҳосил бўлган мол-мулк солиғи ва ер солиғи бўйича:
мавжуд солиқ қарзи ҳисобдан чиқарилади;
солиқ қарзини ундириш билан боғлиқ суд ва ижро ишлари тугатилади.
3. Давлат солиқ қўмитаси ва Молия вазирлиги:
бир ой муддатда 2022 йил 1 июлдан мазкур Фармон кучга киргунга қадар бўлган даврда таъсирчан солиқ механизмини қўллаш натижасида ундирилган солиқ суммаларини келгуси тўловлар ҳисобига белгиланган тартибда тегишли объект мулкдорларига қайтарилишини таъминласин;
икки ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
4. Мазкур Фармоннинг ижросини самарали ташкил қилишга масъул ва шахсий жавобгар этиб молия вазири Т.А. Ишметов ва Давлат солиқ қўмитаси раиси Ш.Д. Кудбиев белгилансин.
Фармон ижросини назорат қилиш Бош вазир ўринбосари Ж.А. Қўчқоров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 9 сентябрь,
ПФ-218-сон
Oʻzbekiston Respublikasi Prezidentining
Farmoni
Taʼsirchan soliq mexanizmini qoʻllash natijasida hosil boʻlgan soliq qarzini hisobdan chiqarish toʻgʻrisida
Joriy yilning 22-avgust kuni oʻtkazilgan Oʻzbekiston Respublikasi Prezidentining tadbirkorlar bilan ochiq muloqoti doirasida belgilangan ustuvor vazifalar ijrosini taʼminlash, shuningdek, tadbirkorlik subyektlarining soliq yukini kamaytirish maqsadida:
1. Oʻzbekiston Respublikasi Prezidentining 2022-yil 28-iyundagi “Soliq maʼmuriyatchiligini isloh qilish davrida biznes uchun qulay shart-sharoitlar yaratish chora-tadbirlari toʻgʻrisida”gi PF-162-son Farmoniga muvofiq 2022-yil 1-iyuldan boʻsh turgan binolar, foydalanilmayotgan ishlab chiqarish maydonlari, yashash uchun moʻljallanmagan inshootlar, shuningdek, tugallanmagan qurilish obyektlariga (foydalanilmayotgan obyektlar) hamda ushbu obyektlar bilan band boʻlgan yer uchastkalariga nisbatan mol-mulk soligʻi va yer soligʻining oshirilgan stavkalarini qoʻllash, soliq imtiyozlari va preferensiyalarning amal qilishini toʻxtatish tartibi (taʼsirchan soliq mexanizmi) bekor qilinganligi maʼlumot uchun qabul qilinsin.
2. Belgilansinki, foydalanilmayotgan obyektlar mulkdorlariga nisbatan oshirilgan stavkalarda qoʻllanilgan taʼsirchan soliq mexanizmi natijasida hosil boʻlgan mol-mulk soligʻi va yer soligʻi boʻyicha:
mavjud soliq qarzi hisobdan chiqariladi;
soliq qarzini undirish bilan bogʻliq sud va ijro ishlari tugatiladi.
3. Davlat soliq qoʻmitasi va Moliya vazirligi:
bir oy muddatda 2022-yil 1-iyuldan mazkur Farmon kuchga kirgunga qadar boʻlgan davrda taʼsirchan soliq mexanizmini qoʻllash natijasida undirilgan soliq summalarini kelgusi toʻlovlar hisobiga belgilangan tartibda tegishli obyekt mulkdorlariga qaytarilishini taʼminlasin;
ikki oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
4. Mazkur Farmonning ijrosini samarali tashkil qilishga masʼul va shaxsiy javobgar etib moliya vaziri T.A. Ishmetov va Davlat soliq qoʻmitasi raisi Sh.D. Kudbiyev belgilansin.
Farmon ijrosini nazorat qilish Bosh vazir oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 9-sentabr,
PF-218-son
Президента Республики Узбекистан
Указ
О списании налоговой задолженности, возникшей в результате применения действенного налогового механизма
В целях обеспечения реализации приоритетных задач, определенных в рамках открытого диалога Президента Республики Узбекистан с предпринимателями, проведенного 22 августа текущего года, а также снижения налоговой нагрузки субъектов предпринимательства:
1. Принять к сведению, что в соответствии с Указом Президента Республики Узбекистан от 28 июня 2022 года № УП-162 «О мерах по созданию благоприятных условий для бизнеса в период реформирования налогового администрирования» с 1 июля 2022 года отменен порядок применения повышенных ставок налога на имущество и земельного налога, приостановления действия налоговых льгот и преференций (действенного налогового механизма) в отношении пустующих зданий, неиспользуемых производственных площадей, сооружений нежилого назначения, объектов незавершенного строительства (неиспользуемых объектов), а также земельных участков, занятых данными объектами.
2. Установить, что по налогу на имущество и земельному налогу, возникшим в результате действенного налогового механизма, примененного по повышенным ставкам в отношении собственников неиспользуемых объектов:
списывается имеющаяся налоговая задолженность;
прекращаются судебные и исполнительские дела, связанные с взысканием налоговой задолженности.
3. Государственному налоговому комитету и Министерству финансов:
в месячный срок обеспечить возврат в установленном порядке собственникам соответствующего объекта налоговых сумм, взысканных в результате применения действенного налогового механизма в период с 1 июля 2022 года до вступления в силу настоящего Указа, в счет предстоящих платежей;
в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.
4. Возложить на министра финансов Т.А. Ишметова и председателя Государственного налогового комитета Ш.Д. Кудбиева персональную ответственность за эффективную организацию исполнения настоящего Указа.
Контроль за исполнением настоящего Указа возложить на заместителя Премьер-министра Д.А. Кучкарова.
Президент Республики Узбекистан Ш. МИРЗИЁЕВ
г. Ташкент,
9 сентября 2022 г.,
№ УП-218