📅 2022-yil 8-sentabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 8 сентябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 8 сентября 2022 г. · Указы Президента
Официальный текст. Официальный документ. Редакционные примечания не включены.
📅 8 September 2022 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
ТУЗИЛМАСИ
Стратегик ислоҳотларни жадаллаштиришнинг қўшимча чора-тадбирлари тўғрисида
Сўнгги йилларда мамлакатимизда давлат ва жамиятнинг турли соҳалари ислоҳ қилиниб, улар доирасида давлат бошқаруви тизимини такомиллаштириш, бизнес муҳитини яхшилаш, иқтисодиёт тармоқларини трансформация ва модернизация қилиш, ҳудудларни ижтимоий-иқтисодий ривожлантириш, шунингдек, ташқи савдо, солиқ ва молия сиёсатини либераллаштириш бўйича аниқ чоралар кўрилди.
Шу билан бирга, бугунги кунда жаҳондаги тез ўзгарувчан сиёсий-иқтисодий вазият миллий иқтисодиётнинг барқарор ривожланишини таъминлаш, маҳаллий ишлаб чиқарувчиларнинг ташқи бозорлардаги рақобатбардошлигини ошириш, аҳолининг яшаш шароитларини янада яхшилаш ва инсон капиталини юксалтириш бўйича янги йўналишларда таъсирчан ислоҳотларни амалга оширишни тақозо этмоқда.
2022 — 2026 йилларга мўлжалланган Янги Ўзбекистоннинг тараққиёт стратегиясини амалга оширишни самарали ташкил этиш, ислоҳотларнинг узвийлигини таъминлаш орқали уларни амалга оширишда ягона ёндашувларни шакллантириш ва жорий этиш мақсадида:
1. Ўзбекистон Республикаси Стратегик ривожланиш агентлиги негизида Ўзбекистон Республикаси Президенти ҳузуридаги Стратегик ривожланиш ва ислоҳотлар агентлиги (кейинги ўринларда — Агентлик) ташкил этилсин.
2. Қуйидагилар Агентликнинг асосий вазифалари этиб белгилансин:
мамлакатда стратегик режалаштириш тизимини мувофиқлаштириш, стратегик режалаштириш ҳужжатлари лойиҳалари ишлаб чиқилишини ва уларнинг амалга оширилишини тартибга солиш;
ижтимоий соҳа, иқтисодиёт ва бошқа аҳамиятга эга бўлган йўналишларда яқин ва узоқ хориж мамлакатларида амалга оширилаётган ислоҳотлар, таркибий ўзгаришлар ва илгари сурилаётган ташаббусларни (шу жумладан, хорижий давлатлар раҳбарларининг чиқишлари ва нутқларини) ўрганишни ташкил қилиш, мамлакатимиздаги ишларнинг жорий ҳолатини таҳлил қилган ҳолда уларни Ўзбекистон шароитида имплементация қилиш бўйича таклифларни ишлаб чиқиш, мазкур масалалар бўйича форумлар ва бошқа тадбирларни ўтказиб бориш;
маҳаллий ва хорижий экспертларни жалб этган ҳолда алоҳида соҳа ва тармоқларни ислоҳ қилиш бўйича таклифлар ишлаб чиқиш, уларнинг амалга оширилишини ташкил этиш;
ҳудудларда очиқ мулоқотлар доирасида аҳолининг, шунингдек, тадбиркорлик субъектларининг билдирган фикр ва мулоҳазалари асосида ижтимоий-иқтисодий ривожлантириш, фойдаланилмаётган имкониятларни ишга солиш ҳамда фуқароларни қийнаётган муаммоларни ҳал этиш чоралари юзасидан таклиф ва ташаббусларни ишлаб чиқиш;
давлат органлари ва ташкилотлари томонидан таркибий ислоҳотларни амалга ошириш учун малакали хорижий консультант ва экспертларни, шу жумладан, халқаро молия институтлари ва хорижий ҳукумат молия ташкилотларини ҳамда консалтинг компанияларини жалб этиш жараёнини мувофиқлаштириш.
9. Белгилаб қўйилсинки:
Агентлик директори мақоми, моддий таъминоти, тиббий ва транспорт хизмати кўрсатиш шарт-шароитларига кўра Ўзбекистон Республикаси Президентининг маслаҳатчиси ўринбосарига тенглаштирилади;
Агентлик директорининг ўринбосарлари мақоми, моддий таъминоти, тиббий ва транспорт хизмати кўрсатиш шарт-шароитларига кўра Ўзбекистон Республикаси Президенти Администрацияси шўъбаси мудирига тенглаштирилади, шунингдек, Ўзбекистон Республикаси Президенти Администрацияси раҳбари томонидан лавозимга тайинланади ва лавозимидан озод этилади;
Агентлик бошқарув ходимлари Ўзбекистон Республикаси Президентининг стратегик ривожланиш бўйича маслаҳатчиси билан келишилган ҳолда, Агентлик директори томонидан лавозимга тайинланади ва лавозимидан озод этилади;
Агентлик ходимларига Ўзбекистон Республикаси Президенти Администрацияси ходимлари учун белгиланган меҳнатга ҳақ тўлаш разрядлари ва иш ҳақи миқдорлари татбиқ этилади.
10. Ўзбекистон Республикаси Стратегик ривожланиш агентлигини қўллаб-қувватлаш жамғармаси Агентликка ўтказилсин ва Ўзбекистон Республикаси Президенти ҳузуридаги Стратегик ислоҳотлар агентлигини қўллаб-қувватлаш жамғармаси (кейинги ўринларда — Жамғарма) этиб қайта номлансин.
Белгилансинки:
Жамғарма маблағлари Ўзбекистон Республикаси Президенти Администрацияси билан келишилган ҳолда тасарруф этилади;
Жамғарма маблағларини шакллантириш ва улардан фойдаланиш тартиби Ўзбекистон Республикаси Президентининг ёрдамчиси томонидан белгиланади.
11. Белгилаб қўйилсинки Давлат бюджети маблағлари, Жамғарма маблағлари, Агентликнинг бюджетдан ташқари маблағлари, вақтинча бўш маблағларни тижорат банклари депозитларига жойлаштиришдан олинган даромадлар, шунингдек, қонунчиликда тақиқланмаган бошқа манбалар Агентлик фаолиятини молиялаштириш манбалари ҳисобланади.
12. Белгилансинки, Агентлик ўз вазифаларини амалга оширишда қуйидаги ҳуқуқлардан фойдаланади:
ислоҳотлар йўналишлари бўйича лойиҳа гуруҳларини (офисларини) ташкил этиш, консалтинг ташкилотларини жалб этиш ҳамда малакали хорижий мутахассисларни ишга қабул қилиш ва уларга иш ҳақини миллий ёки чет эл валютасида тўлаш;
давлат органлари ва ташкилотлари, хўжалик бирлашмалари мутахассислари, фуқаролик жамияти институтлари вакиллари, илмий-тадқиқот институтлари ходимлари, шунингдек, маҳаллий ва хорижий олимлар ҳамда мутахассисларни шартнома асосида тадқиқот ва таҳлил олиб бориш ишларига жалб қилиш;
халқаро молия институтлари, халқаро ташкилотлар ва экспертлар билан ҳамкорлик бўйича ва бошқа шартномаларни тузиш;
давлат органлари ва ташкилотларидан зарур статистик, таҳлилий ҳамда бошқа маълумотларни сўраш ва олиш;
давлат органлари ва ташкилотларининг электрон ахборот тизимларидан бепул фойдаланиш ҳамда ушбу тизимларни Агентликнинг электрон тизимларига интеграция қилиш.
13. Агентлик Тошкент шаҳри, Ислом Каримов кўчаси, 43-уйдаги Ўзбекистон Республикаси Президенти Администрациясининг биносида жойлаштирилсин.
14. Агентлик:
бир ой муддатда Агентлик тўғрисидаги низомни, харажатлар сметасини, Агентлик ходимларининг меҳнатга ҳақ тўлаш шартларини, шунингдек, Агентлик ҳамда у томонидан ташкил этиладиган лойиҳа офислари фаолиятини молиялаштириш манбаларини Ўзбекистон Республикаси Президенти Администрацияси раҳбарига тасдиқлаш учун киритсин;
икки ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида таклифларни киритсин.
15. Ўзбекистон Республикаси Президентининг 2018 йил 16 октябрдаги «Ўзбекистон Республикаси Президенти Администрациясининг раҳбар ходимлари, мутахассислари ва хизматчиларини моддий рағбатлантириш ва меҳнатига ҳақ тўлаш тизимини такомиллаштириш чора-тадбирлари тўғрисида»ги ПҚ-3976-сон қарорига 3-иловага * мувофиқ ўзгартириш ва қўшимча киритилсин.
16. Мазкур Фармоннинг ижросини назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президентининг ёрдамчиси А.Ю. Магрупов зиммасига юклансин.
Ўзбекистон Республикаси Президентининг 2022 йил 8 сентябрдаги ПФ-216-сон Фармонига 2-ИЛОВА
Ўзбекистон Республикаси Президенти ҳузуридаги Стратегик ислоҳотлар агентлигининг
Кенгаш Директор Директор ўринбосари 2 Хорижий экспертлар, консультантлар ва маслаҳатчилар билан ҳамкорлик қилиш гуруҳи 4 Илғор хорижий тажриба ва рейтингларни ўрганиш асосида муҳим ташаббусларни ишлаб чиқиш гуруҳи 4 Амалга оширилаётган ислоҳотлар самарадорлигини баҳолаш ва мониторинг қилиш гуруҳи 4 Илмий ташкилотлар билан ҳамкорлик қилиш асосида муҳим ташаббусларни ишлаб чиқиш гуруҳи 2 Халқаро ва хорижий ташкилот ва институтлар билан ҳамкорлик қилиш асосида муҳим ташаббусларни ишлаб чиқиш гуруҳи 3 Лойиҳа бошқаруви гуруҳлари
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 8 сентябрь,
ПФ-216-сон
Oʻzbekiston Respublikasi Prezidentining
Farmoni
TUZILMASI
Strategik islohotlarni jadallashtirishning qoʻshimcha chora-tadbirlari toʻgʻrisida
Soʻnggi yillarda mamlakatimizda davlat va jamiyatning turli sohalari isloh qilinib, ular doirasida davlat boshqaruvi tizimini takomillashtirish, biznes muhitini yaxshilash, iqtisodiyot tarmoqlarini transformatsiya va modernizatsiya qilish, hududlarni ijtimoiy-iqtisodiy rivojlantirish, shuningdek, tashqi savdo, soliq va moliya siyosatini liberallashtirish boʻyicha aniq choralar koʻrildi.
Shu bilan birga, bugungi kunda jahondagi tez oʻzgaruvchan siyosiy-iqtisodiy vaziyat milliy iqtisodiyotning barqaror rivojlanishini taʼminlash, mahalliy ishlab chiqaruvchilarning tashqi bozorlardagi raqobatbardoshligini oshirish, aholining yashash sharoitlarini yanada yaxshilash va inson kapitalini yuksaltirish boʻyicha yangi yoʻnalishlarda taʼsirchan islohotlarni amalga oshirishni taqozo etmoqda.
2022 — 2026-yillarga moʻljallangan Yangi Oʻzbekistonning taraqqiyot strategiyasini amalga oshirishni samarali tashkil etish, islohotlarning uzviyligini taʼminlash orqali ularni amalga oshirishda yagona yondashuvlarni shakllantirish va joriy etish maqsadida:
1. Oʻzbekiston Respublikasi Strategik rivojlanish agentligi negizida Oʻzbekiston Respublikasi Prezidenti huzuridagi Strategik rivojlanish va islohotlar agentligi (keyingi oʻrinlarda — Agentlik) tashkil etilsin.
2. Quyidagilar Agentlikning asosiy vazifalari etib belgilansin:
mamlakatda strategik rejalashtirish tizimini muvofiqlashtirish, strategik rejalashtirish hujjatlari loyihalari ishlab chiqilishini va ularning amalga oshirilishini tartibga solish;
ijtimoiy soha, iqtisodiyot va boshqa ahamiyatga ega boʻlgan yoʻnalishlarda yaqin va uzoq xorij mamlakatlarida amalga oshirilayotgan islohotlar, tarkibiy oʻzgarishlar va ilgari surilayotgan tashabbuslarni (shu jumladan, xorijiy davlatlar rahbarlarining chiqishlari va nutqlarini) oʻrganishni tashkil qilish, mamlakatimizdagi ishlarning joriy holatini tahlil qilgan holda ularni Oʻzbekiston sharoitida implementatsiya qilish boʻyicha takliflarni ishlab chiqish, mazkur masalalar boʻyicha forumlar va boshqa tadbirlarni oʻtkazib borish;
mahalliy va xorijiy ekspertlarni jalb etgan holda alohida soha va tarmoqlarni isloh qilish boʻyicha takliflar ishlab chiqish, ularning amalga oshirilishini tashkil etish;
hududlarda ochiq muloqotlar doirasida aholining, shuningdek, tadbirkorlik subyektlarining bildirgan fikr va mulohazalari asosida ijtimoiy-iqtisodiy rivojlantirish, foydalanilmayotgan imkoniyatlarni ishga solish hamda fuqarolarni qiynayotgan muammolarni hal etish choralari yuzasidan taklif va tashabbuslarni ishlab chiqish;
davlat organlari va tashkilotlari tomonidan tarkibiy islohotlarni amalga oshirish uchun malakali xorijiy konsultant va ekspertlarni, shu jumladan, xalqaro moliya institutlari va xorijiy hukumat moliya tashkilotlarini hamda konsalting kompaniyalarini jalb etish jarayonini muvofiqlashtirish.
9. Belgilab qoʻyilsinki:
Agentlik direktori maqomi, moddiy taʼminoti, tibbiy va transport xizmati koʻrsatish shart-sharoitlariga koʻra Oʻzbekiston Respublikasi Prezidentining maslahatchisi oʻrinbosariga tenglashtiriladi;
Agentlik direktorining oʻrinbosarlari maqomi, moddiy taʼminoti, tibbiy va transport xizmati koʻrsatish shart-sharoitlariga koʻra Oʻzbekiston Respublikasi Prezidenti Administratsiyasi shoʻbasi mudiriga tenglashtiriladi, shuningdek, Oʻzbekiston Respublikasi Prezidenti Administratsiyasi rahbari tomonidan lavozimga tayinlanadi va lavozimidan ozod etiladi;
Agentlik boshqaruv xodimlari Oʻzbekiston Respublikasi Prezidentining strategik rivojlanish boʻyicha maslahatchisi bilan kelishilgan holda, Agentlik direktori tomonidan lavozimga tayinlanadi va lavozimidan ozod etiladi;
Agentlik xodimlariga Oʻzbekiston Respublikasi Prezidenti Administratsiyasi xodimlari uchun belgilangan mehnatga haq toʻlash razryadlari va ish haqi miqdorlari tatbiq etiladi.
10. Oʻzbekiston Respublikasi Strategik rivojlanish agentligini qoʻllab-quvvatlash jamgʻarmasi Agentlikka oʻtkazilsin va Oʻzbekiston Respublikasi Prezidenti huzuridagi Strategik islohotlar agentligini qoʻllab-quvvatlash jamgʻarmasi (keyingi oʻrinlarda — Jamgʻarma) etib qayta nomlansin.
Belgilansinki:
Jamgʻarma mablagʻlari Oʻzbekiston Respublikasi Prezidenti Administratsiyasi bilan kelishilgan holda tasarruf etiladi;
Jamgʻarma mablagʻlarini shakllantirish va ulardan foydalanish tartibi Oʻzbekiston Respublikasi Prezidentining yordamchisi tomonidan belgilanadi.
11. Belgilab qoʻyilsinki Davlat budjeti mablagʻlari, Jamgʻarma mablagʻlari, Agentlikning budjetdan tashqari mablagʻlari, vaqtincha boʻsh mablagʻlarni tijorat banklari depozitlariga joylashtirishdan olingan daromadlar, shuningdek, qonunchilikda taqiqlanmagan boshqa manbalar Agentlik faoliyatini moliyalashtirish manbalari hisoblanadi.
12. Belgilansinki, Agentlik oʻz vazifalarini amalga oshirishda quyidagi huquqlardan foydalanadi:
islohotlar yoʻnalishlari boʻyicha loyiha guruhlarini (ofislarini) tashkil etish, konsalting tashkilotlarini jalb etish hamda malakali xorijiy mutaxassislarni ishga qabul qilish va ularga ish haqini milliy yoki chet el valyutasida toʻlash;
davlat organlari va tashkilotlari, xoʻjalik birlashmalari mutaxassislari, fuqarolik jamiyati institutlari vakillari, ilmiy-tadqiqot institutlari xodimlari, shuningdek, mahalliy va xorijiy olimlar hamda mutaxassislarni shartnoma asosida tadqiqot va tahlil olib borish ishlariga jalb qilish;
xalqaro moliya institutlari, xalqaro tashkilotlar va ekspertlar bilan hamkorlik boʻyicha va boshqa shartnomalarni tuzish;
davlat organlari va tashkilotlaridan zarur statistik, tahliliy hamda boshqa maʼlumotlarni soʻrash va olish;
davlat organlari va tashkilotlarining elektron axborot tizimlaridan bepul foydalanish hamda ushbu tizimlarni Agentlikning elektron tizimlariga integratsiya qilish.
13. Agentlik Toshkent shahri, Islom Karimov koʻchasi, 43-uydagi Oʻzbekiston Respublikasi Prezidenti Administratsiyasining binosida joylashtirilsin.
14. Agentlik:
bir oy muddatda Agentlik toʻgʻrisidagi nizomni, xarajatlar smetasini, Agentlik xodimlarining mehnatga haq toʻlash shartlarini, shuningdek, Agentlik hamda u tomonidan tashkil etiladigan loyiha ofislari faoliyatini moliyalashtirish manbalarini Oʻzbekiston Respublikasi Prezidenti Administratsiyasi rahbariga tasdiqlash uchun kiritsin;
ikki oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida takliflarni kiritsin.
15. Oʻzbekiston Respublikasi Prezidentining 2018-yil 16-oktabrdagi “Oʻzbekiston Respublikasi Prezidenti Administratsiyasining rahbar xodimlari, mutaxassislari va xizmatchilarini moddiy ragʻbatlantirish va mehnatiga haq toʻlash tizimini takomillashtirish chora-tadbirlari toʻgʻrisida”gi PQ-3976-son qaroriga 3-ilovaga * muvofiq oʻzgartirish va qoʻshimcha kiritilsin.
16. Mazkur Farmonning ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidentining yordamchisi A.Yu. Magrupov zimmasiga yuklansin.
Oʻzbekiston Respublikasi Prezidentining 2022-yil 8-sentabrdagi PF-216-son Farmoniga 2-ILOVA
Oʻzbekiston Respublikasi Prezidenti huzuridagi Strategik islohotlar agentligining
Kengash Direktor Direktor oʻrinbosari 2 Xorijiy ekspertlar, konsultantlar va maslahatchilar bilan hamkorlik qilish guruhi 4 Ilgʻor xorijiy tajriba va reytinglarni oʻrganish asosida muhim tashabbuslarni ishlab chiqish guruhi 4 Amalga oshirilayotgan islohotlar samaradorligini baholash va monitoring qilish guruhi 4 Ilmiy tashkilotlar bilan hamkorlik qilish asosida muhim tashabbuslarni ishlab chiqish guruhi 2 Xalqaro va xorijiy tashkilot va institutlar bilan hamkorlik qilish asosida muhim tashabbuslarni ishlab chiqish guruhi 3 Loyiha boshqaruvi guruhlari
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 8-sentabr,
PF-216-son
Президента Республики Узбекистан
Указ
СТРУКТУРА
О дополнительных мерах по ускорению стратегических реформ
В последние годы в нашей стране реформируются различные сферы государства и общества, в рамках чего приняты конкретные меры по совершенствованию системы государственного управления, улучшению бизнес-среды, трансформации и модернизации отраслей экономики, социально-экономическому развитию регионов, а также либерализации внешней торговли, налоговой и финансовой политики.
Вместе с тем стремительно меняющаяся в настоящее время политико-экономическая ситуация в мире требует реализации действенных реформ в новых направлениях по обеспечению устойчивого развития национальной экономики, повышению конкурентоспособности отечественных производителей на внешних рынках, дальнейшему улучшению условий жизни населения и росту человеческого капитала.
В целях эффективной организации реализации Стратегии развития Нового Узбекистана на 2022 — 2026 годы, формирования и внедрения единых подходов в осуществлении реформ посредством обеспечения их последовательности:
1. Создать Агентство стратегического развития и реформ при Президенте Республики Узбекистан (далее — Агентство) на базе Агентства стратегического развития Республики Узбекистан.
2. Определить основными задачами Агентства:
координацию системы стратегического планирования, регулирование разработки проектов документов стратегического планирования в стране и их реализации;
организацию изучения осуществляемых реформ, структурных преобразований и выдвигаемых инициатив в социальной сфере, экономике и прочих значимых направлениях в странах ближнего и дальнего зарубежья (включая выступления и речи руководителей зарубежных государств), разработку предложений по их имплементации в условиях Узбекистана с анализом текущего состояния работ в нашей стране, проведение форумов и иных мероприятий по данным вопросам;
разработку и организацию реализации предложений о реформировании отдельных сфер и отраслей с привлечением отечественных и зарубежных экспертов;
разработку на основе мнений и предложений населения и субъектов предпринимательства в рамках открытых диалогов предложений и инициатив по мерам социально-экономического развития, задействования неиспользованных возможностей в регионах, а также решения волнующих граждан проблем;
координацию процесса привлечения государственными органами и организациями квалифицированных зарубежных консультантов и экспертов, в том числе международных финансовых институтов, зарубежных правительственных финансовых организаций и консалтинговых компаний, к осуществлению структурных преобразований.
9. Установить, что:
директор Агентства по статусу, условиям материального обеспечения, медицинского и транспортного обслуживания приравнивается к заместителю советника Президента Республики Узбекистан, назначается на должность и освобождается от должности Президентом Республики Узбекистан по представлению советника Президента Республики Узбекистан по стратегическому развитию;
заместители директора Агентства по своему статусу, материальному обеспечению, условиям медицинского и транспортного обслуживания приравниваются к заведующему сектором Администрации Президента Республики Узбекистан, а также назначаются на должность и освобождаются от должности руководителем Администрации Президента Республики Узбекистан;
управленческий персонал Агентства назначается на должность и освобождается от должности директором Агентства по согласованию с советником Президента Республики Узбекистан по стратегическому развитию;
к работникам Агентства применяются разряды оплаты труда и размеры заработной платы, установленные для работников Администрации Президента Республики Узбекистан.
10. Перевести Фонд поддержки Агентства стратегического развития Республики Узбекистан в ведение Агентства и переименовать его в Фонд поддержки Агентства стратегических реформ при Президенте Республики Узбекистан (далее — Фонд).
Установить, что:
распоряжение средствами Фонда осуществляется по согласованию с Администрацией Президента Республики Узбекистан;
порядок формирования и использования средств Фонда определяется помощником Президента Республики Узбекистан.
11. Определить, что источниками финансирования деятельности Агентства являются средства Государственного бюджета, средства Фонда, внебюджетные средства Агентства, доходы, полученные от размещения временных свободных средств на депозитах коммерческих банков, а также иные источники, не запрещенные законодательством.
12. Установить, что Агентство при осуществлении своих задач имеет право на:
создание проектных групп (офисов) по направлениям реформ, привлечение консалтинговых организаций, прием на работу квалифицированных зарубежных специалистов и выплату им заработной платы в национальной или иностранной валюте;
привлечение на договорной основе специалистов государственных органов и организаций, хозяйственных объединений, представителей институтов гражданского общества, работников научно-исследовательских институтов, а также отечественных и зарубежных ученых и специалистов к работе по проведению исследований и анализа;
заключение договоров о сотрудничестве с международными финансовыми институтами, международными организациями и экспертами и иных договоров;
запрос и получение у государственных органов и организаций необходимых статистических, аналитических и других данных;
бесплатный доступ к электронным информационным системам государственных органов и организаций, а также интеграцию данных систем с электронными системами Агентства.
13. Разместить Агентство в здании Администрации Президента Республики Узбекистан по адресу: город Ташкент, улица Ислама Каримова, 43.
14. Агентству:
в месячный срок внести руководителю Администрации Президента Республики Узбекистан на утверждение положение об Агентстве, смету расходов, условия оплаты труда работников Агентства, а также источники финансирования деятельности Агентства и создаваемых им проектных офисов;
в двухмесячный срок внести предложения об изменениях и дополнениях в акты законодательства, вытекающих из настоящего Указа.
15. Внести изменение и дополнение в постановление Президента Республики Узбекистан от 16 октября 2018 года № ПП-3976 «О мерах по совершенствованию системы оплаты труда и материального стимулирования руководящих работников, специалистов и служащих Администрации Президента Республики Узбекистан» согласно приложению № 3 * .
16. Контроль за исполнением настоящего Указа возложить на Премьер-министра Республики Узбекистан А.Н. Арипова и помощника Президента Республики Узбекистан А.Ю. Магрупова.
ПРИЛОЖЕНИЕ № 2 к Указу Президента Республики Узбекистан от 8 сентября 2022 года № УП-216
Агентства стратегических реформ при Президенте Республики Узбекистан
Совет Директор Заместитель директора 2 Группа взаимодействия с зарубежными экспертами, консультантами и советниками 4 Группа выработки важных инициатив на основе изучения передового зарубежного опыта и рейтингов 4 Группа оценки и мониторинга эффективности реализуемых реформ 4 Группа выработки важных инициатив на основе взаимодействия с научными организациями 2 Группа выработки важных инициатив на основе взаимодействия с международными и зарубежными организациями и институтами 3 Группы проектного управления
Президент Республики Узбекистан Ш. МИРЗИЁЕВ
г. Ташкент,
8 сентября 2022 г.,
№ УП-216