📅 2022-yil 31-avgust · Vazirlik va idoralar hujjatlari · Maktabgacha taʼlim vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 31 август · Вазирлик ва идоралар ҳужжатлари · Мактабгача таълим вазири
Расмий матн. Расмий ҳужжат. Таҳририй изоҳлар киритилмаган.
📅 31 августа 2022 г. · Документы министерств и ведомств · Министр дошкольного образования
Официальный текст. Официальный документ. Редакционные примечания не включены.
📅 31 August 2022 · Ministry and agency documents · Maktabgacha taʼlim vaziri
Official text. Official document. Editorial notes are not included.
Ўзбекистон Республикаси мактабгача таълим вазирининг
буйруғи
Давлат мактабгача таълим ташкилотларида қўшимча пуллик таълим-тарбия хизматлари кўрсатиш фаолиятини ташкил этиш тартиби тўғрисидаги низомга ўзгартиришлар киритиш ҳақида
Ўзбекистон Республикаси Президентининг 2022 йил 7 мартдаги ПФ-87-сон «Оила ва хотин-қизларни тизимли қўллаб-қувватлашга доир ишларни янада жадаллаштириш чора-тадбирлари тўғрисида»ги Фармонига мувофиқ буюраман:
1. Ўзбекистон Республикаси мактабгача таълим вазирининг 2018 йил 13 декабрдаги 3-мҳ-сон буйруғи (рўйхат рақами 3123, 2019 йил 18 январь) (Қонун ҳужжатлари маълумотлари миллий базаси, 18.01.2019 й., 10/19/3123/2504-сон) билан тасдиқланган Давлат мактабгача таълим ташкилотларида қўшимча пуллик таълим-тарбия хизматлари кўрсатиш фаолиятини ташкил этиш тартиби тўғрисидаги низомга иловага мувофиқ ўзгартиришлар киритилсин.
2. Мазкур буйруқ Ўзбекистон Республикаси Молия вазирлиги билан келишилган.
3. Мазкур буйруқ расмий эълон қилинган кундан эътиборан кучга киради.
Келишилди:
Ўзбекистон Республикаси мактабгача таълим вазирининг 2022 йил 31 августдаги 193-сон буйруғига ИЛОВА
Давлат мактабгача таълим ташкилотларида қўшимча пуллик таълим-тарбия хизматлари кўрсатиш фаолиятини ташкил этиш тартиби тўғрисидаги низомга киритилаётган ўзгартиришлар
1. 3-банд қуйидаги таҳрирда баён этилсин:
«3. Ўзбекистон Республикаси Президентининг 2018 йил 30 сентябрдаги ПҚ-3955-сон қарори билан тасдиқланган 2018-2019-йилларда мактабгача таълим тизимини янада такомиллаштиришга доир қўшимча чора-тадбирлар дастури ҳамда 2022 йил 7 мартдаги ПФ-87-сон «Оила ва хотин-қизларни тизимли қўллаб-қувватлашга доир ишларни янада жадаллаштириш чора-тадбирлари тўғрисида»ги Фармонига асосан мактабгача таълим ташкилотлари томонидан қуйидагилар бўйича қўшимча пуллик хизматлар кўрсатилиши мумкин:
дам олиш кунлари ва мактабгача таълим ташкилотида иш куни якунлангандан кейин болани парваришлаш, унга қараб туриш, уни ўқитиш;
мактабгача таълим ташкилотининг ўқув дастурдан ташқари спорт-соғломлаштириш (карате, таэквондо, сузиш, шахмат, шашка, гимнастика, массаж ва бошқалар) тўгараклари, бадиий-эстетик (хор, рақс, тасвирий санъат ва ҳоказолар) тўгараклар, фанлар бўйича тўгараклар (чет тиллари, математика, ақлий арифметика, мантиқ, информатика ва бошқалар);
тўлиқ қувват билан ишламаётган мактабгача таълим ташкилотларида 2 ёшдан 3 ёшгача бўлган болаларга мактабгача таълим ва тарбия хизматлари.».
2. 9-банд қуйидаги таҳрирда баён этилсин:
«9. Мактабгача таълим ташкилотида ташкил этилган қўшимча хизмат кўрсатувчи гуруҳларга 3 ёшдан 7 ёшгача бўлган болалар, тўлиқ қувват билан ишламаётган мактабгача таълим ташкилотларида 2 ёшдан 7 ёшгача бўлган болалар қабул қилиниши мумкин.».
Вазир А. ШИН
Молия вазири Т. ИШМЕТОВ
Тошкент ш.,
2022 йил 31 август,
2022 йил 29 август
193-сон
Oʻzbekiston Respublikasi maktabgacha taʼlim vazirining
buyrugʻi
Davlat maktabgacha taʼlim tashkilotlarida qoʻshimcha pullik taʼlim-tarbiya xizmatlari koʻrsatish faoliyatini tashkil etish tartibi toʻgʻrisidagi nizomga oʻzgartirishlar kiritish haqida
Oʻzbekiston Respublikasi Prezidentining 2022-yil 7-martdagi PF-87-son “Oila va xotin-qizlarni tizimli qoʻllab-quvvatlashga doir ishlarni yanada jadallashtirish chora-tadbirlari toʻgʻrisida”gi Farmoniga muvofiq buyuraman:
1. Oʻzbekiston Respublikasi maktabgacha taʼlim vazirining 2018-yil 13-dekabrdagi 3-mh-son buyrugʻi (roʻyxat raqami 3123, 2019-yil 18-yanvar) (Qonun hujjatlari maʼlumotlari milliy bazasi, 18.01.2019-y., 10/19/3123/2504-son) bilan tasdiqlangan Davlat maktabgacha taʼlim tashkilotlarida qoʻshimcha pullik taʼlim-tarbiya xizmatlari koʻrsatish faoliyatini tashkil etish tartibi toʻgʻrisidagi nizomga ilovaga muvofiq oʻzgartirishlar kiritilsin.
2. Mazkur buyruq Oʻzbekiston Respublikasi Moliya vazirligi bilan kelishilgan.
3. Mazkur buyruq rasmiy eʼlon qilingan kundan eʼtiboran kuchga kiradi.
Kelishildi:
Oʻzbekiston Respublikasi maktabgacha taʼlim vazirining 2022-yil 31-avgustdagi 193-son buyrugʻiga ILOVA
Davlat maktabgacha taʼlim tashkilotlarida qoʻshimcha pullik taʼlim-tarbiya xizmatlari koʻrsatish faoliyatini tashkil etish tartibi toʻgʻrisidagi nizomga kiritilayotgan oʻzgartirishlar
1. 3-band quyidagi tahrirda bayon etilsin:
“3. Oʻzbekiston Respublikasi Prezidentining 2018-yil 30-sentabrdagi PQ-3955-son qarori bilan tasdiqlangan 2018-2019-yillarda maktabgacha taʼlim tizimini yanada takomillashtirishga doir qoʻshimcha chora-tadbirlar dasturi hamda 2022-yil 7-martdagi PF-87-son “Oila va xotin-qizlarni tizimli qoʻllab-quvvatlashga doir ishlarni yanada jadallashtirish chora-tadbirlari toʻgʻrisida”gi Farmoniga asosan maktabgacha taʼlim tashkilotlari tomonidan quyidagilar boʻyicha qoʻshimcha pullik xizmatlar koʻrsatilishi mumkin:
dam olish kunlari va maktabgacha taʼlim tashkilotida ish kuni yakunlangandan keyin bolani parvarishlash, unga qarab turish, uni oʻqitish;
maktabgacha taʼlim tashkilotining oʻquv dasturdan tashqari sport-sogʻlomlashtirish (karate, taekvondo, suzish, shaxmat, shashka, gimnastika, massaj va boshqalar) toʻgaraklari, badiiy-estetik (xor, raqs, tasviriy sanʼat va hokazolar) toʻgaraklar, fanlar boʻyicha toʻgaraklar (chet tillari, matematika, aqliy arifmetika, mantiq, informatika va boshqalar);
toʻliq quvvat bilan ishlamayotgan maktabgacha taʼlim tashkilotlarida 2 yoshdan 3 yoshgacha boʻlgan bolalarga maktabgacha taʼlim va tarbiya xizmatlari.”.
2. 9-band quyidagi tahrirda bayon etilsin:
“9. Maktabgacha taʼlim tashkilotida tashkil etilgan qoʻshimcha xizmat koʻrsatuvchi guruhlarga 3 yoshdan 7 yoshgacha boʻlgan bolalar, toʻliq quvvat bilan ishlamayotgan maktabgacha taʼlim tashkilotlarida 2 yoshdan 7 yoshgacha boʻlgan bolalar qabul qilinishi mumkin.”.
Vazir A. ShIN
Moliya vaziri T. IShMETOV
Toshkent sh.,
2022-yil 31-avgust,
2022-yil 29-avgust
193-son