📅 2022-yil 28-iyul · Vazirlik va idoralar hujjatlari · Davlat bojxona qoʻmitasi
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 28 июль · Вазирлик ва идоралар ҳужжатлари · Давлат божхона қўмитаси
Расмий матн. Расмий ҳужжат. Таҳририй изоҳлар киритилмаган.
📅 28 июля 2022 г. · Документы министерств и ведомств · Государственного таможенного комитета
Официальный текст. Официальный документ. Редакционные примечания не включены.
📅 28 July 2022 · Ministry and agency documents · Davlat bojxona qoʻmitasi
Official text. Official document. Editorial notes are not included.
Ўзбекистон Республикаси Давлат божхона қўмитасининг
Қарори
Божхона қиймати декларациясини тўлдириш тартиби тўғрисидаги йўриқномага ўзгартириш ва қўшимчалар киритиш ҳақида
Ўзбекистон Республикасининг Божхона кодекси , Ўзбекистон Республикаси Президентининг 2022 йил 27 апрелдаги ПФ-122-сон «Божхона маъмуриятчилигини янада такомиллаштиришга доир қўшимча чора-тадбирлар тўғрисида»ги Фармони ва Ўзбекистон Республикаси Вазирлар Маҳкамасининг 2022 йил 6 апрелдаги 160-сон «Ўзбекистон Республикаси божхона ҳудудига олиб кириладиган товарнинг божхона қийматини аниқлаш тартиби тўғрисидаги низомни тасдиқлаш ҳақида»ги қарорига мувофиқ Ўзбекистон Республикаси Давлат божхона қўмитаси қарор қилади:
1. Ўзбекистон Республикаси Давлат божхона қўмитасининг 2017 йил 8 февралдаги 01-02/8-4-сон қарори (рўйхат рақами 2868, 2017 йил 14 март) (Ўзбекистон Республикаси қонун ҳужжатлари тўплами, 2017 й., 11-сон, 176-модда) билан тасдиқланган Божхона қиймати декларациясини тўлдириш тартиби тўғрисидаги йўриқномага иловага мувофиқ ўзгартириш ва қўшимчалар киритилсин.
2. Мазкур қарор Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакили ва Ўзбекистон Савдо-саноат палатаси билан келишилган.
3. Мазкур қарор расмий эълон қилинган кундан эътиборан кучга киради.
Келишилди:
Ўзбекистон Республикаси Давлат божхона қўмитасининг 2022 йил 28 июлдаги 8/02-22-26-сон қарорига ИЛОВА
Божхона қиймати декларациясини тўлдириш тартиби тўғрисидаги йўриқномага киритилаётган ўзгартириш ва қўшимчалар
1. 17-бандда :
а) 5-кичик бандда :
учинчи хатбоши қуйидаги таҳрирда баён этилсин:
«Божхона қиймати 2 ва 3-усуллар бўйича аниқланганда, мазкур графа тўлдирилмайди. Бунда, божхона қийматини 2 ва 3-усуллар бўйича аниқлаш учун фойдаланилган ахборот манбалари 20-графада кўрсатилади.»;
тўртинчи — еттинчи хатбошилар чиқариб ташлансин;
саккизинчи — йигирманчи хатбошилар тегишли равишда тўртинчи — ўн олтинчи хатбошилар деб ҳисоблансин;
ўн бешинчи хатбоши қуйидаги таҳрирда баён этилсин:
«Божхона қиймати 1-усул асосидаги 6-усул бўйича аниқланганда, божхона қийматини аниқлашда фойдаланилган ҳужжатлар кўрсатилади.».
б) 30-кичик бандда :
иккинчи хатбоши қуйидаги таҳрирда баён этилсин:
«Мазкур графада божхона қийматини 2 ва 3-усуллар ҳамда ушбу усуллар асосидаги 6-усул бўйича аниқлаш учун фойдаланиладиган ахборот манбалари кўрсатилади.».
ўнинчи — ўн олтинчи хатбошилар чиқариб ташлансин;
ўн еттинчи — йигирма учинчи хатбошилар тегишли равишда ўнинчи — ўн олтинчи хатбошилар деб ҳисоблансин;
ўнинчи хатбошидаги «бошқа ахборот манбаларидан» деган сўзлар «муқобил манбалардан» деган сўзлар билан алмаштирилсин;
ўн иккинчи хатбошидаги «ахборот манбаси (масалан, интернет сайти номи ва ҳ.к.)» деган сўзлар «муқобил манба» деган сўзлар билан алмаштирилсин;
қуйидаги мазмундаги ўн еттинчи хатбоши билан тўлдирилсин:
«Муқобил манба сифатида ишлаб чиқарувчи корхоналар ёки етказиб берувчиларнинг расмий эълон қилинадиган маълумотномалари, бюллетенлари, биржа котировкалари, прайс-варақлардан, улар уюшмалари ёки бирлашмаларининг йиғма нарх маълумотномаларидан, товарларни ишлаб чиқарувчи хорижий компаниялар ваколатхоналарининг, уларнинг расмий рўйхатдан ўтказилган дилерлари ёки дистрибьюторларининг маълумотларидан, давлатлараро маълумот алмашинуви йўлга қўйилган давлатлардан олинган нарх маълумотлари, баҳолаш фаолияти тўғрисидаги қонун ҳужжатларида назарда тутилган тартибдаги баҳолаш ҳисоботлари, ички бозорни ўрганиш далолатномалари, шунингдек, нархлар конъюнктурасини холис шакллантирадиган умумий фойдаланиладиган нарх тўғрисидаги маълумотларнинг бошқа ишончли манбалари қабул қилиниши мумкин.».
2. 18-банднинг 44-кичик банди қуйидаги таҳрирда баён этилсин:
«44) «Қўшимча маълумотлар» графаси.
Мазкур графада божхона қийматини 4-усул асосидаги 6-усул бўйича аниқлаш учун Ўзбекистон Республикаси Вазирлар Маҳкамасининг 2022 йил 6 апрелдаги 160-сон қарори билан тасдиқланган Ўзбекистон Республикаси божхона ҳудудига олиб кириладиган товарнинг божхона қийматини аниқлаш тартиби тўғрисидаги низомга мувофиқ фойдаланилган математик ҳисоб-китоб кўрсатилади.».
3. 3-иловада :
а) 1-бандда :
«в» кичик банд қуйидаги таҳрирда баён этилсин:
«в) божхона органлари қўллайдиган хавфни бошқариш тизими томонидан ўрта ёки юқори кўрсаткичга эга хавф даражаси аниқланган ҳолларда, агар маълум қилинган божхона қиймати охирги тўқсон календарь кун ичида олиб кирилиб, 1-усулда қабул қилинган товарнинг божхона қийматидан паст бўлса*:
жўнатувчи мамлакат божхона декларацияси**;
баҳоланаётган товарни етказиб берилишига алоқадор бўлган учинчи шахслар билан контрактлар***;
баҳоланаётган товарни етказиб берилишига алоқадор бўлган учинчи шахслар учун тўлов ҳисоблари***.
* Агар тўқсон календарь кун ичида айнан бир хил ёки ўхшаш товарлар 1-усулда олиб кирилганлиги тўғрисида маълумотлар мавжуд бўлмаса, бир юз саксон календарь кун ичида ушбу усулда олиб кирилган айнан бир хил ёки ўхшаш товарларнинг божхона қиймати солиштириш учун қўлланилиши мумкин.
** Агар жўнатувчи мамлакат божхона юк декларациясида товарнинг божхона қиймати кўрсатилмаган бўлса ёки ушбу мамлакатнинг қонунчилик ҳужжатларида товарни олиб чиқишда божхона декларациясини расмийлаштириш назарда тутилмаган бўлса, у ҳолда божхона юк декларацияси ўрнига жўнатувчи мамлакатнинг божхона органлари томонидан тасдиқланган товарнинг қийматини акс эттирувчи бошқа ҳужжат тақдим этилиши мумкин.
*** Агар бундай ҳужжатларни тақдим этишнинг имконияти мавжуд бўлмаса, сотувчи ёки сотиб олувчининг ёзма тушунтиришлари, шу жумладан бундай ҳужжатлар тўғрисидаги маълумотлар қабул қилиниши мумкин.»;
қуйидаги мазмундаги «г» кичик банд билан тўлдирилсин:
«г) битим тарафларининг ўзаро боғлиқлиги олиб кириладиган товарлар билан тузилган битим қийматига таъсир қилмаганлигини тасдиқлаш мақсадида ихтиёрий равишда:
айнан бир хил ёки ўхшаш товарлар сотувчи билан ўзаро боғлиқ бўлмаган сотиб олувчиларга Ўзбекистон Республикаси божхона ҳудудига олиб кириш учун сотилганда, унинг қийматини тасдиқловчи ҳужжатлар;
божхона қиймати 4 ёки 5-усуллар билан аниқланган айнан бир хил ёки ўхшаш товарларнинг божхона қийматини тасдиқловчи ҳужжатлар;
сотувчининг Ўзбекистон Республикасидан бошқа мамлакатларга юборилган айнан бир хил товарлар тўғрисидаги маълумотлар.»;
б) 2-бандда :
«а» кичик банди «божхона декларацияси» деган сўзлардан кейин «рўйхат рақами ва унга тегишли товар тартиб рақами» деган сўзлар билан тўлдирилсин;
«б» кичик банди қуйидаги таҳрирда баён этилсин:
«б) қийматга тузатишлар киритиш амалга оширилиши лозим бўлган ҳолларда товарни Ўзбекистон Республикаси божхона ҳудудига олиб кириладиган жойга етказиб берилгунга қадар қилинадиган харажатларни тасдиқловчи ҳужжат ва маълумотлар****.
**** Мазкур ҳужжатлар товарнинг етказиб бериш шарти, транспорт тури ёки географик манзилларда фарқ бўлганда, тақдим қилиниши мумкин.
Масалан:
етказиб бериш шарти учун EXW ва CIP фарқи;
транспорт тури учун ҳаво транспорти ва автотранспорт фарқи.
Агар ушбу маълумотлар бир хил ёки миқдорий жиҳатдан бир-бирига яқин бўлса, шунингдек, 2 ёки 3-усулни қўллаш учун асос бўлган божхона қиймати божхона органи томонидан тақдим этилса, мазкур ҳужжатлар тақдим қилинмаслиги мумкин.».
Раис А. МАВЛОНОВ
Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил Д. КАСИМОВ
Савдо-саноат палатаси раиси Д. ВАХАБОВ
Тошкент ш.,
2022 йил 28 июль,
2022 йил 22 июль
2022 йил 15 июль
8/02-22-26-сон
Oʻzbekiston Respublikasi Davlat bojxona qoʻmitasining
Qarori
Bojxona qiymati deklaratsiyasini toʻldirish tartibi toʻgʻrisidagi yoʻriqnomaga oʻzgartirish va qoʻshimchalar kiritish haqida
Oʻzbekiston Respublikasining Bojxona kodeksi , Oʻzbekiston Respublikasi Prezidentining 2022-yil 27-apreldagi PF-122-son “Bojxona maʼmuriyatchiligini yanada takomillashtirishga doir qoʻshimcha chora-tadbirlar toʻgʻrisida”gi Farmoni va Oʻzbekiston Respublikasi Vazirlar Mahkamasining 2022-yil 6-apreldagi 160-son “Oʻzbekiston Respublikasi bojxona hududiga olib kiriladigan tovarning bojxona qiymatini aniqlash tartibi toʻgʻrisidagi nizomni tasdiqlash haqida”gi qaroriga muvofiq Oʻzbekiston Respublikasi Davlat bojxona qoʻmitasi qaror qiladi:
1. Oʻzbekiston Respublikasi Davlat bojxona qoʻmitasining 2017-yil 8-fevraldagi 01-02/8-4-son qarori (roʻyxat raqami 2868, 2017-yil 14-mart) (Oʻzbekiston Respublikasi qonun hujjatlari toʻplami, 2017-y., 11-son, 176-modda) bilan tasdiqlangan Bojxona qiymati deklaratsiyasini toʻldirish tartibi toʻgʻrisidagi yoʻriqnomaga ilovaga muvofiq oʻzgartirish va qoʻshimchalar kiritilsin.
2. Mazkur qaror Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakili va Oʻzbekiston Savdo-sanoat palatasi bilan kelishilgan.
3. Mazkur qaror rasmiy eʼlon qilingan kundan eʼtiboran kuchga kiradi.
Kelishildi:
Oʻzbekiston Respublikasi Davlat bojxona qoʻmitasining 2022-yil 28-iyuldagi 8/02-22-26-son qaroriga ILOVA
Bojxona qiymati deklaratsiyasini toʻldirish tartibi toʻgʻrisidagi yoʻriqnomaga kiritilayotgan oʻzgartirish va qoʻshimchalar
1. 17-bandda :
a) 5-kichik bandda :
uchinchi xatboshi quyidagi tahrirda bayon etilsin:
“Bojxona qiymati 2 va 3-usullar boʻyicha aniqlanganda, mazkur grafa toʻldirilmaydi. Bunda, bojxona qiymatini 2 va 3-usullar boʻyicha aniqlash uchun foydalanilgan axborot manbalari 20-grafada koʻrsatiladi.”;
toʻrtinchi — yettinchi xatboshilar chiqarib tashlansin;
sakkizinchi — yigirmanchi xatboshilar tegishli ravishda toʻrtinchi — oʻn oltinchi xatboshilar deb hisoblansin;
oʻn beshinchi xatboshi quyidagi tahrirda bayon etilsin:
“Bojxona qiymati 1-usul asosidagi 6-usul boʻyicha aniqlanganda, bojxona qiymatini aniqlashda foydalanilgan hujjatlar koʻrsatiladi.”.
b) 30-kichik bandda :
ikkinchi xatboshi quyidagi tahrirda bayon etilsin:
“Mazkur grafada bojxona qiymatini 2 va 3-usullar hamda ushbu usullar asosidagi 6-usul boʻyicha aniqlash uchun foydalaniladigan axborot manbalari koʻrsatiladi.”.
oʻninchi — oʻn oltinchi xatboshilar chiqarib tashlansin;
oʻn yettinchi — yigirma uchinchi xatboshilar tegishli ravishda oʻninchi — oʻn oltinchi xatboshilar deb hisoblansin;
oʻninchi xatboshidagi “boshqa axborot manbalaridan” degan soʻzlar “muqobil manbalardan” degan soʻzlar bilan almashtirilsin;
oʻn ikkinchi xatboshidagi “axborot manbasi (masalan, internet sayti nomi va h.k.)” degan soʻzlar “muqobil manba” degan soʻzlar bilan almashtirilsin;
quyidagi mazmundagi oʻn yettinchi xatboshi bilan toʻldirilsin:
“Muqobil manba sifatida ishlab chiqaruvchi korxonalar yoki yetkazib beruvchilarning rasmiy eʼlon qilinadigan maʼlumotnomalari, byulletenlari, birja kotirovkalari, prays-varaqlardan, ular uyushmalari yoki birlashmalarining yigʻma narx maʼlumotnomalaridan, tovarlarni ishlab chiqaruvchi xorijiy kompaniyalar vakolatxonalarining, ularning rasmiy roʻyxatdan oʻtkazilgan dilerlari yoki distribyutorlarining maʼlumotlaridan, davlatlararo maʼlumot almashinuvi yoʻlga qoʻyilgan davlatlardan olingan narx maʼlumotlari, baholash faoliyati toʻgʻrisidagi qonun hujjatlarida nazarda tutilgan tartibdagi baholash hisobotlari, ichki bozorni oʻrganish dalolatnomalari, shuningdek, narxlar konyunkturasini xolis shakllantiradigan umumiy foydalaniladigan narx toʻgʻrisidagi maʼlumotlarning boshqa ishonchli manbalari qabul qilinishi mumkin.”.
2. 18-bandning 44-kichik bandi quyidagi tahrirda bayon etilsin:
“44) “Qoʻshimcha maʼlumotlar” grafasi.
Mazkur grafada bojxona qiymatini 4-usul asosidagi 6-usul boʻyicha aniqlash uchun Oʻzbekiston Respublikasi Vazirlar Mahkamasining 2022-yil 6-apreldagi 160-son qarori bilan tasdiqlangan Oʻzbekiston Respublikasi bojxona hududiga olib kiriladigan tovarning bojxona qiymatini aniqlash tartibi toʻgʻrisidagi nizomga muvofiq foydalanilgan matematik hisob-kitob koʻrsatiladi.”.
3. 3-ilovada :
a) 1-bandda :
“v” kichik band quyidagi tahrirda bayon etilsin:
“v) bojxona organlari qoʻllaydigan xavfni boshqarish tizimi tomonidan oʻrta yoki yuqori koʻrsatkichga ega xavf darajasi aniqlangan hollarda, agar maʼlum qilingan bojxona qiymati oxirgi toʻqson kalendar kun ichida olib kirilib, 1-usulda qabul qilingan tovarning bojxona qiymatidan past boʻlsa*:
joʻnatuvchi mamlakat bojxona deklaratsiyasi**;
baholanayotgan tovarni yetkazib berilishiga aloqador boʻlgan uchinchi shaxslar bilan kontraktlar***;
baholanayotgan tovarni yetkazib berilishiga aloqador boʻlgan uchinchi shaxslar uchun toʻlov hisoblari***.
* Agar toʻqson kalendar kun ichida aynan bir xil yoki oʻxshash tovarlar 1-usulda olib kirilganligi toʻgʻrisida maʼlumotlar mavjud boʻlmasa, bir yuz sakson kalendar kun ichida ushbu usulda olib kirilgan aynan bir xil yoki oʻxshash tovarlarning bojxona qiymati solishtirish uchun qoʻllanilishi mumkin.
** Agar joʻnatuvchi mamlakat bojxona yuk deklaratsiyasida tovarning bojxona qiymati koʻrsatilmagan boʻlsa yoki ushbu mamlakatning qonunchilik hujjatlarida tovarni olib chiqishda bojxona deklaratsiyasini rasmiylashtirish nazarda tutilmagan boʻlsa, u holda bojxona yuk deklaratsiyasi oʻrniga joʻnatuvchi mamlakatning bojxona organlari tomonidan tasdiqlangan tovarning qiymatini aks ettiruvchi boshqa hujjat taqdim etilishi mumkin.
*** Agar bunday hujjatlarni taqdim etishning imkoniyati mavjud boʻlmasa, sotuvchi yoki sotib oluvchining yozma tushuntirishlari, shu jumladan bunday hujjatlar toʻgʻrisidagi maʼlumotlar qabul qilinishi mumkin.”;
quyidagi mazmundagi “g” kichik band bilan toʻldirilsin:
“g) bitim taraflarining oʻzaro bogʻliqligi olib kiriladigan tovarlar bilan tuzilgan bitim qiymatiga taʼsir qilmaganligini tasdiqlash maqsadida ixtiyoriy ravishda:
aynan bir xil yoki oʻxshash tovarlar sotuvchi bilan oʻzaro bogʻliq boʻlmagan sotib oluvchilarga Oʻzbekiston Respublikasi bojxona hududiga olib kirish uchun sotilganda, uning qiymatini tasdiqlovchi hujjatlar;
bojxona qiymati 4 yoki 5-usullar bilan aniqlangan aynan bir xil yoki oʻxshash tovarlarning bojxona qiymatini tasdiqlovchi hujjatlar;
sotuvchining Oʻzbekiston Respublikasidan boshqa mamlakatlarga yuborilgan aynan bir xil tovarlar toʻgʻrisidagi maʼlumotlar.”;
b) 2-bandda :
“a” kichik bandi “bojxona deklaratsiyasi” degan soʻzlardan keyin “roʻyxat raqami va unga tegishli tovar tartib raqami” degan soʻzlar bilan toʻldirilsin;
“b” kichik bandi quyidagi tahrirda bayon etilsin:
“b) qiymatga tuzatishlar kiritish amalga oshirilishi lozim boʻlgan hollarda tovarni Oʻzbekiston Respublikasi bojxona hududiga olib kiriladigan joyga yetkazib berilgunga qadar qilinadigan xarajatlarni tasdiqlovchi hujjat va maʼlumotlar****.
**** Mazkur hujjatlar tovarning yetkazib berish sharti, transport turi yoki geografik manzillarda farq boʻlganda, taqdim qilinishi mumkin.
Masalan:
yetkazib berish sharti uchun EXW va CIP farqi;
transport turi uchun havo transporti va avtotransport farqi.
Agar ushbu maʼlumotlar bir xil yoki miqdoriy jihatdan bir-biriga yaqin boʻlsa, shuningdek, 2 yoki 3-usulni qoʻllash uchun asos boʻlgan bojxona qiymati bojxona organi tomonidan taqdim etilsa, mazkur hujjatlar taqdim qilinmasligi mumkin.”.
Rais A. MAVLONOV
Tadbirkorlik subyektlarining huquqlari va qonuniy manfaatlarini himoya qilish boʻyicha vakil D. KASIMOV
Savdo-sanoat palatasi raisi D. VAXABOV
Toshkent sh.,
2022-yil 28-iyul,
2022-yil 22-iyul
2022-yil 15-iyul
8/02-22-26-son
Государственного таможенного комитета Республики Узбекистан
Постановление
О внесении изменений и дополнений в Инструкцию о порядке заполнения декларации таможенной стоимости
В соответствии с Таможенным кодексом Республики Узбекистан, Указом Президента Республики Узбекистан от 27 апреля 2022 года № УП-122 «О дополнительных мерах по дальнейшему совершенствованию таможенного администрирования» и постановлением Кабинета Министров Республики Узбекистан от 06.04.2022 г. № 160 «Об утверждении Положения о порядке определения таможенной стоимости товаров, ввозимых на таможенную территорию Республики Узбекистан» Государственный таможенный комитет Республики Узбекистан постановляет:
1. Внести изменения и дополнения в Инструкцию о порядке заполнения декларации таможенной стоимости, утвержденную постановлением Государственного таможенного комитета Республики Узбекистан от 8 февраля 2017 года № 01-02/8-4 (рег. № 2868 от 14 марта 2017 года) (Собрание законодательства Республики Узбекистан, 2017 г., № 11, ст. 176), согласно приложению .
2. Настоящее постановление согласовано с Уполномоченным при Президенте Республики Узбекистан по защите прав и законных интересов субъектов предпринимательства и Торгово-промышленной палатой Узбекистана.
3. Настоящее постановление вступает в силу со дня официального опубликования.
Согласовано:
ПРИЛОЖЕНИЕ к постановлению Государственного таможенного комитета Республики Узбекистан от 28 июля 2022 года № 8/02-22-26
Изменения и дополнения, вносимые в Инструкцию о порядке заполнения декларации таможенной стоимости
1. В пункте 17 :
а) в подпункте 5 :
абзац третий изложить в следующей редакции:
«При определении таможенной стоимости по методам 2 и 3 данная графа не заполняется. При этом, источники ценовой информации, используемые для определения таможенной стоимости по методам 2 и 3, указываются в графе 20.»;
абзацы четвертый — седьмой исключить;
абзацы восьмой — двадцатый считать соответственно абзацами четвертый — шестнадцатый;
абзац пятнадцатый изложить в следующей редакции:
«При определении таможенной стоимости по методу 6 на основе метода 1 указываются документы, которые используются при определении таможенной стоимости.»;
б) в подпункте 30 :
абзац второй изложить в следующей редакции:
«В данной графе указываются источники информации, используемые для определения таможенной стоимости по методам 2 и 3, а также по методу 6 на основе данных методов.»;
абзацы десятый — шестнадцатый исключить;
абзацы семнадцатый — двадцать третий считать соответственно абзацами десятый — шестнадцатый;
в абзаце десятый слова «другие источники информации» заменить словами «альтернативные источники»;
в абзаце двенадцатый слова «источник информации (к примеру название интернет сайта и т.п.)» заменить словами «альтернативный источник»;
дополнить абзацем семнадцатым следующего содержания:
«В качестве альтернативных источников может быть использована информация из официально издаваемых справочников, бюллетеней, биржевых котировок, прайс-листов производителей или поставщиков, сводных прайс-справочников их ассоциаций или объединений, информации представительств иностранных компаний-производителей товаров, их официально зарегистрированных дилеров или дистрибьюторов, стран, где налажен межгосударственный информационный обмен получения ценовых данных, отчетов об оценке в порядке, установленном законодательством об оценочной деятельности, акты исследования внутреннего рынка, а также может включать другие надежные источники общей информации о ценах, которые объективно формируют ценовую ситуацию.».
2. Подпункт 44 пункта 18 изложить в следующей редакции:
«44) графа «Дополнительные данные».
В данной графе указывается математический расчет, использованный для определения таможенной стоимости по методу 6 на основе метода 4, в соответствии с положением о порядке определения таможенной стоимости товаров, ввозимых на таможенную территорию Республики Узбекистан, утвержденного постановлением Кабинета Министров Республики Узбекистан от 06.04.2022 г. № 160.».
3. В приложение № 3 :
а) в пункте 1 :
подпункт «в» изложить в следующей редакции:
«в) в случаях выявления среднего или высокого показателя уровня риска системой управления рисками, применяемой таможенными органами, если заявленная таможенная стоимость будет ниже принятой по методу 1 таможенной стоимости товара, ввезенного в течение последних девяноста календарных дней*:
таможенная декларация страны отправления**;
контракты с третьими лицами, имеющие отношение к поставке оцениваемого товара***;
выставленные третьими лицами, имеющими отношение к поставке оцениваемого товара, счета оплаты***.
* При отсутствии сведений о ввозе идентичных или аналогичных товаров по методу 1 в течение девяноста календарных дней, для сравнения может быть использована таможенная стоимость идентичных или аналогичных товаров, ввезенных по методу 1 в течение ста восьмидесяти календарных дней.
** Если в таможенной декларации страны отправления не указана таможенная стоимость товара или законодательством этой страны не предусмотрено оформление таможенной декларации при вывозе товара, то взамен таможенной декларации может предоставляться иной документ, содержащий сведения о стоимости товара, заверенный таможенными органами страны отправления.
*** В случае невозможности представления таких документов, могут быть приняты письменные пояснения покупателя или продавца, включающие в себя сведения о таких документах.»;
дополнить подпунктом «г» следующего содержания:
«г) документы, которые могут быть представлены добровольно в целях подтверждения того, что между сторонами сделки нет взаимозависимости:
документы, подтверждающие стоимость идентичных или аналогичных товаров при реализации покупателям, не связанным с продавцом, для ввоза на таможенную территорию Республики Узбекистан;
документы, подтверждающие таможенную стоимость идентичных или аналогичных товаров, определяемую методами 4 или 5;
сведения об идентичных товарах, отгружаемых продавцом в другие страны, кроме Республики Узбекистан.»;
б) в пункте 2 :
в подпункте «а» после слов «в обязательном порядке» дополнить словами «регистрационный номер таможенной декларации и соответствующий порядковый номер товара»;
подпункт «б» изложить в следующей редакции:
«б) в случаях необходимости осуществления корректировки документы и сведения, подтверждающие расходы по доставке товара на место его ввоза на таможенную территорию Республики Узбекистан****.
**** Эти документы могут быть предоставлены в случае различий в условиях доставки товара, виде транспорта или географическом адресе.
Например:
разница между условиями EXW и CIP;
разница между воздушным транспортом и автотранспортом для вида транспорта.
Данные документы могут не предоставляться в случаях, если эти данные совпадают или количественно близки друг к другу, а также при предоставлении таможенными органами таможенной стоимости для применения методов 2 или 3».
Председатель А. МАВЛОНОВ
Уполномоченный по защите прав и законных интересов субъектов предпринимательства Д. КАСИМОВ
Председатель Торгово-промышленной палаты Д. ВАХАБОВ
г. Ташкент,
28 июля 2022 г.,
2022 года 22 июля
2022 года 15 июля
№ 8/02-22-26