UzbekAI

Ўзбекистон Республикаси Вазирлар Маҳкамасининг

қарори

МАЪМУРИЙ РЕГЛАМЕНТИ

СХЕМАСИ

СЎРОВНОМА

Шаҳар йўловчилар транспортида айрим тоифадаги фуқароларга бепул юриш ҳуқуқини берувчи имтиёзли транспорт карталарини бериш юзасидан давлат хизматлари кўрсатишнинг маъмурий регламентини тасдиқлаш тўғрисида

Ўзбекистон Республикаси Президентининг «Аҳоли ва тадбиркорлик субъектларига давлат хизматларидан фойдаланишда янада қулай шароитлар яратиш, бу борада бюрократик тўсиқларни қисқартириш бўйича қўшимча чора-тадбирлар тўғрисида» 2021 йил 23 мартдаги ПФ-6191-сон Фармонига мувофиқ, шаҳар йўловчилар транспортидан бепул фойдаланишни янада такомиллаштириш ҳамда шаҳар йўловчилар транспортида (йўналишли ва йўналишсиз таксидан ташқари) (кейинги ўринларда — шаҳар йўловчилар транспорти) бепул юриш ҳуқуқини берувчи имтиёзли транспорт карталарини жорий қилиш мақсадида Вазирлар Маҳкамаси қарор қилади:

1. Қуйидагилар:

а) Ўзбекистон Республикасининг «Шаҳар йўловчилар транспортидан бепул фойдаланишни тартибга солиш тўғрисида» Қонунига мувофиқ қуйидаги тоифадаги фуқароларга шаҳар йўловчилар транспортидан (таксидан ташқари) бепул фойдаланиш ҳуқуқи берилганлиги:

1941 — 1945 йиллардаги уруш қатнашчилари жумласидан бўлмиш ҳарбий хизматчилар;

1941 — 1945 йиллардаги уруш ногиронлари ва урушнинг I гуруҳ ногиронига ҳамроҳлик қилувчи шахс;

1941 — 1945 йиллардаги уруш даврида фронт ортида фидокорона меҳнати ва бенуқсон ҳарбий хизмати учун орден ва медаллар билан тақдирланган шахслар;

Афғонистон Республикасида ва бошқа мамлакатларнинг ҳудудидаги жанговар ҳаракатларда қатнашган собиқ байналминалчи жангчилар жумласидан бўлмиш фуқаролар;

ҳақиқий муддатли ҳарбий хизматни ўтаётган ҳарбий хизматчилар ва контракт бўйича оддий аскарлар ҳамда сержантлар таркибидаги ҳарбий хизматчилар;

Чернобиль АЭС ҳалокати оқибатида нурланиш касаллигига чалинган ва уни бошдан кечирган шахслар;

ногиронлиги бўлган кўзи ожиз шахслар ва ногиронлиги бўлган кўзи ожиз шахсга сафарларда ҳамроҳлик қилувчи шахс;

ўзгалар парваришига муҳтож кексалар ва ногиронлиги бўлган шахслар, шунингдек уларни кузатувчи шахс;

б) Вазирлар Маҳкамасининг «Умумий фойдаланиладиган транспортда йўловчи ташишда йўлкира ҳақини тўлашнинг автоматлаштирилган тизимини жорий этиш тўғрисида» 2019 йил 25 ноябрдаги 948-сон қарорига мувофиқ:

умумий фойдаланиладиган транспортда йўловчи ташиш учун йўлкира ҳақини тўлашнинг автоматлаштирилган тизими жорий этилганлиги;

Тошкент, Самарқанд, Урганч ва Қарши шаҳарларидаги жамоат транспорти ҳаракат таркиби 3 107 дона стационар валидаторлар билан жиҳозланганлиги ва 555 минг дона транспорт карталари муомалага чиқарилганлиги;

йўлкира ҳақини тўлашнинг автоматлаштирилган тизими мобил иловаси фойдаланувчилари сони 320 минг нафарга етганлиги маълумот учун қабул қилинсин.

2. Транспорт вазирлиги, Адлия вазирлиги ва Молия вазирлигининг шаҳар йўловчилар транспортида (йўналишли ва йўналишсиз таксидан ташқари) айрим тоифадаги фуқароларга бепул юриш ҳуқуқини берувчи имтиёзли транспорт карталарини жорий этиш тўғрисидаги таклифи маъқуллансин.

3. Шаҳар йўловчилар транспортида (йўналишли ва йўналишсиз таксидан ташқари) айрим тоифадаги фуқароларга бепул юриш ҳуқуқини берувчи имтиёзли транспорт карталарини бериш юзасидан давлат хизматлари кўрсатишнинг маъмурий регламенти иловага мувофиқ тасдиқлансин.

4. Шундай тартиб ўрнатилсинки, унга кўра:

а) шаҳар йўловчилар транспортида айрим тоифадаги фуқароларга бепул юриш ҳуқуқини берувчи имтиёзли транспорт карталари берилиши Қорақалпоғистон Республикаси Транспорт вазирлиги, вилоятлар ва Тошкент шаҳар транспорт бошқармалари ҳамда Ягона интерактив давлат хизматлари портали (кейинги ўринларда — ЯИДХП) орқали амалга оширилади;

б) шаҳар йўловчилар транспортида айрим тоифадаги фуқароларга бепул юриш ҳуқуқини берувчи имтиёзли транспорт карталарини бериш босқичма-босқич:

Тошкент ва Самарқанд шаҳарларида — 2023 йил 1 январдан бошлаб;

республиканинг барча шаҳарларида — 2023 йил 1 майдан бошлаб амалга оширилади;

в) эски намунада берилган шаҳар йўловчилар транспортида (таксидан ташқари) айрим тоифадаги фуқароларга бепул юриш ҳуқуқини берувчи ягона гувоҳномалар 2023 йил 1 сентябрга қадар ўз кучини сақлаб қолади.

5. Молия вазирлиги ҳузуридаги бюджетдан ташқари Пенсия жамғармаси, Мудофаа вазирлиги, Ички ишлар вазирлиги, Фавқулодда вазиятлар вазирлиги, Давлат хавфсизлик хизмати 2022 йил 1 ноябрга қадар ушбу қарор 1-бандининг «а» кичик бандида кўрсатилган тоифадаги шахслар бўйича маълумотлар базасини яратсин.

6. Ахборот технологиялари ва коммуникацияларини ривожлантириш вазирлиги:

а) Адлия вазирлиги ва Транспорт вазирлиги билан биргаликда 2023 йил 1 январдан:

ушбу қарорга мувофиқ давлат хизматлари ЯИДХП орқали жорий этилишини таъминласин;

ЯИДХПда давлат хизматлари кўрсатилишининг ҳар бир босқичида мурожаатлар кўриб чиқилишини кузатиб бориш тартибини жорий этсин;

б) 2022 йил 1 декабрга қадар Молия вазирлиги ҳузуридаги бюджетдан ташқари Пенсия жамғармаси, Мудофаа вазирлиги, Ички ишлар вазирлиги, Фавқулодда вазиятлар вазирлиги, Давлат хавфсизлик хизмати ҳамда Ўзбекистон Республикаси Президенти ҳузуридаги Ижтимоий ҳимоя миллий агентлигининг тегишли ахборот тизимлари Ягона интерактив давлат хизматлари порталига ҳамда Транспорт вазирлиги ахборот тизимига интеграция қилинишини таъминласин.

7. Транспорт вазирлиги:

Тошкент ва Самарқанд шаҳарларида — 2023 йил 1 январдан, республиканинг барча шаҳарларида — 2023 йил 1 майдан босқичма-босқич шаҳар йўловчилар транспортида айрим тоифадаги фуқароларга бепул юриш ҳуқуқини берувчи имтиёзли транспорт карталарини ўрнатилган тартибда расмийлаштириб, эгаларига топширишни таъминласин;

имтиёзли транспорт карталарини тайёрлаш ва эгасига етказиб бериш билан боғлиқ харажатларни Транспорт вазирлиги ҳузуридаги Транспорт ва логистикани ривожлантириш жамғармаси маблағлари ҳисобидан амалга оширсин;

Молия вазирлиги, Халқ таълими вазирлиги ҳамда Олий ва ўрта-махсус таълим вазирлиги билан биргаликда уч ой муддатда имтиёзли юриш ҳуқуқига эга бўлган йўловчиларга (пенсионерлар, ногиронлиги бўлган шахслар, ўқувчилар ва талабалар) шаҳар йўловчилар транспортида (йўналишли ва йўналишсиз таксидан ташқари) имтиёзли юриш ҳуқуқини берувчи имтиёзли транспорт карталарини бериш тартибини такомиллаштириш юзасидан Вазирлар Маҳкамасига таклиф киритсин.

8. Адлия вазирлиги ва унинг ҳудудий бошқармалари ушбу қарор талаблари ижроси бўйича давлат органлари ва бошқа ташкилотларнинг фаолияти устидан, шу жумладан, ЯИДХП орқали доимий назорат ўрнатсин ва мониторинг олиб борсин.

9. Транспорт вазирлиги бошқа манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсин.

10. Мазкур қарорнинг ижросини назорат қилиш Ўзбекистон Республикаси Бош вазирининг биринчи ўринбосари А.Ж. Раматов, Ўзбекистон Республикаси транспорт вазири И.Р. Махкамов ҳамда Ўзбекистон Республикаси адлия вазири Р.Қ. Давлетов зиммасига юклансин.

Вазирлар Маҳкамасининг 2022 йил 16 сентябрдаги 507-сон қарорига ИЛОВА

Шаҳар йўловчилар транспортида (йўналишли ва йўналишсиз таксидан ташқари) айрим тоифадаги фуқароларга бепул юриш ҳуқуқини берувчи имтиёзли транспорт карталарини бериш юзасидан давлат хизматлари кўрсатишнинг

1-боб. Умумий қоидалар

1. Мазкур Регламент шаҳар йўловчилар транспортида (йўналишли ва йўналишсиз таксидан ташқари) (кейинги ўринларда — шаҳар йўловчилар транспорти) айрим тоифадаги фуқароларга бепул юриш ҳуқуқини берувчи имтиёзли транспорт карталарини бериш юзасидан давлат хизматлари кўрсатиш тартибини белгилайди.

2. Ушбу Регламентда қуйидаги тушунчалардан фойдаланилади:

мурожаат қилувчи — имтиёзли транспорт картасини олиш учун мурожаат этган жисмоний шахс;

имтиёзли транспорт картаси — шаҳар йўловчилар транспортда (йўналишли ва йўналишсиз таксидан ташқари) автоматлаштирилган тўлов тизими оператори маълумотлар базасида рўйхатга олинган йўловчига бепул юриш ҳуқуқини кафолатлайдиган, транспортдан фойдаланиш сони ва бир транспортдан бошқасига чиқиш сони чекланмайдиган шахсийлаштирилган транспорт картаси;

имтиёзли транспорт карталари реестри — имтиёзли транспорт карталарини бериш бўйича маълумотлар электрон тарзда шакллантириладиган база.

3. Имтиёзли транспорт картаси эгаси Ўзбекистон Республикасининг барча ҳудудларида шаҳар йўловчилар транспортида бепул юриш ҳуқуқига эга.

4. Қуйидаги шахсларга имтиёзли транспорт картаси тақдим этилади:

1941 — 1945 йиллардаги уруш қатнашчилари жумласидан бўлмиш ҳарбий хизматчилар;

1941 — 1945 йиллардаги уруш ногиронлари;

Чернобиль АЭС ҳалокати оқибатида нурланиш касаллигига чалинган ва уни бошдан кечирган шахслар;

ногиронлиги бўлган кўзи ожиз шахслар;

ўзгалар парваришига муҳтож кексалар ва ногиронлиги бўлган шахслар, шунингдек уларни кузатувчи шахс.

5. Ҳақиқий муддатли ҳарбий хизматни ўтаётган ҳарбий хизматчиларга ва контракт бўйича оддий аскарлар ҳамда сержантлар таркибидаги ҳарбий хизматчиларга имтиёзли транспорт карталари берилмайди. Улар ҳарбий гувоҳномаси ёки контракт асосида хизмат қилувчининг шахсий гувоҳномасини кўрсатган тақдирда шаҳар йўловчилар транспортида бепул юриш ҳуқуқидан фойдаланади.

6. 1941 — 1945 йиллардаги уруш I гуруҳ ногиронларига ва ногиронлиги бўлган кўзи ожиз шахсларга бериладиган имтиёзли транспорт картаси уларга сафарларда ҳамроҳлик қилувчи бир шахсга ҳам шаҳар йўловчилар транспортидан бепул фойдаланиш ҳуқуқини беради.

7. Давлат хизматлари Қорақалпоғистон Республикаси Транспорт вазирлиги, вилоятлар ва Тошкент шаҳар транспорт бошқармалари (кейинги ўринларда — ваколатли орган) томонидан ёки Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали кўрсатилади.

8. Шаҳар йўловчилар транспортида айрим тоифадаги фуқароларга бепул юриш ҳуқуқини берувчи имтиёзли транспорт карталарини бериш юзасидан давлат хизматлари кўрсатилганлиги учун йиғим ундирилмайди.

9. Имтиёзли транспорт картаси чекланмаган муддатга берилади.

10. Имтиёзли транспорт картасини бошқа шахсларга бериш тақиқланади.

2-боб. Давлат хизмати кўрсатиш тартиби

11. Давлат хизматлари кўрсатиш ушбу Регламентга 1-иловага мувофиқ схема бўйича амалга оширилади.

12. Мурожаат қилувчи давлат хизматларидан фойдаланиш учун ваколатли органга ўзи ёки у ваколат берган шахс келиб мурожаат этади ёхуд давлат хизматидан электрон тарзда фойдаланиш учун ЯИДХПда рўйхатдан ўтади.

13. Мурожаат қилувчи ўзи ёки у ваколат берган шахс келиб мурожаат қилган тақдирда, ваколатли орган ходими мурожаат қилувчининг номидан ЯИДХП орқали мурожаат этган тақдирда мустақил равишда ушбу Регламентга 2-иловага мувофиқ шаклдаги сўровномани электрон тарзда тўлдиради.

14. Сўровнома тўлдирилгандан сўнг мурожаат қилувчи маълумотларнинг тўғрилигини текшириб, сўровномани тасдиқлайди.

Мурожаат қилувчи томонидан сўровномани ЭРИ билан тасдиқлаш талаб этилмайди.

15. Мурожаат қилувчи томонидан сўровномада нотўғри маълумотларнинг кўрсатилиши ёки уни тасдиқлашнинг рад этилиши давлат хизматлари кўрсатишни рад этиш учун асос ҳисобланади.

16. Мурожаат қилувчи давлат хизматларини кўрсатишнинг ҳар қандай босқичида улардан фойдаланишдан бош тортиш ҳуқуқига эга. Мурожаат қилувчи давлат хизматидан фойдаланишдан бош тортганда унинг сўровномаси кўриб чиқилмасдан қолдирилади.

17. Ваколатли орган сўровнома олинганидан сўнг шаҳар йўловчилар транспортида бепул юриш ҳуқуқини берувчи имтиёзли транспорт картасини олиш учун мурожаат қилган шахс мазкур Регламентнинг 4-бандида назарда тутилган тоифага киришини Молия вазирлиги ҳузуридаги бюджетдан ташқари Пенсия жамғармаси, Мудофаа вазирлиги, Ички ишлар вазирлиги, Фавқулодда вазиятлар вазирлиги, Давлат хавфсизлик хизмати ҳамда Ўзбекистон Республикаси Президенти ҳузуридаги Ижтимоий ҳимоя миллий агентлигининг ахборот тизимлари орқали ўрганади.

18. Ваколатли орган томонидан икки иш куни мобайнида мурожаат қилган шахснинг маълумотларини ўрганиш натижасига кўра имтиёзли транспорт картасини бериш ёки унинг берилишини рад этиш ҳақида қарор қабул қилинади ҳамда бу ҳақидаги маълумот мурожаат қилувчига ёки ЯИДХПга юборилади. Имтиёзли транспорт картасини бериш рад этилган тақдирда маълумотда рад этиш сабаблари кўрсатилади.

19. Ваколатли орган имтиёзли транспорт картасини бериш ҳақида қарор қабул қилганидан сўнг бир иш куни ичида имтиёзли транспорт картасини расмийлаштиради ҳамда уни ваколатли шахснинг ЭРИси билан тасдиқлаб, мурожаат қилувчига топширилганлиги маълум қилинадиган буюртма хат орқали юборади.

3-боб. Имтиёзли транспорт картасининг дубликатини бериш, алмаштириш ва уни бекор қилиш

20. Имтиёзли транспорт картаси эгаси имтиёзли транспорт картаси йўқолган тақдирда, уни автоматлаштирилган тўлов тизими оператори маълумотлар базасидан рўйхатдан чиқариш учун дарҳол имтиёзли транспорт картасини берган ваколатли органга, шу жумладан ЯИДХП орқали мурожаат қилиши лозим.

21. Имтиёзли транспорт картаси йўқолган ёки яроқсиз ҳолга келган тақдирда, мурожаат қилувчига бепул асосда бошқа имтиёзли транспорт картаси берилади. Бунда, имтиёзли транспорт картаси яроқсиз ҳолга келган тақдирда, имтиёзли транспорт картаси эгаси уни ваколатли органга топшириши лозим.

22. Имтиёзли транспорт картаси сохта ҳужжатлар тақдим этган ҳолда олинганлиги аниқланганда бекор қилинади ва автоматлаштирилган тўлов тизими оператори маълумотлар базасидан рўйхатдан чиқарилади.

4-боб. Имтиёзли транспорт карталари реестри

23. Транспорт вазирлиги белгиланган тартибда имтиёзли транспорт карталари реестрини юритади.

Имтиёзли транспорт карталари реестрида қуйидагилар кўрсатилиши керак:

фуқаронинг фамилияси, исми ва отасининг исми;

фуқаронинг турар жой манзили;

фуқаролик паспортининг серияси (идентификацияловчи ID-картасининг серияси) ва рақами, жисмоний шахснинг шахсий идентификация рақами (ЖШШИР);

берилган имтиёзли транспорт картасининг серияси ва рақами;

фуқаронинг мазкур Регламентнинг 4-бандида назарда тутилган шахслар тоифасига киришини тасдиқловчи ҳужжат тури ва рақами.

5-боб. Шаҳар йўловчилар транспортида (йўналишли ва йўналишсиз таксидан ташқари) бепул юриш ҳуқуқига эга бўлган шахсларнинг рўйхатини хатловдан ўтказиш

24. Ваколатли орган томонидан шаҳар йўловчилар транспортида бепул юриш ҳуқуқига эга бўлган шахслар рўйхати ҳар чоракда бир марта хатловдан ўтказилади.

25. Ваколатли орган имтиёзли транспорт карталари реестридан чиқиб кетган шахсларни аниқлаш мақсадида ахборот тизимлари орқали Молия вазирлиги ҳузуридаги бюджетдан ташқари Пенсия жамғармаси, Мудофаа вазирлиги, Ички ишлар вазирлиги, Фавқулодда вазиятлар вазирлиги, Давлат хавфсизлик хизмати ҳамда Ўзбекистон Республикаси Президенти ҳузуридаги Ижтимоий ҳимоя миллий агентлигининг мазкур Регламентнинг 4-бандида назарда тутилган шахслар тўғрисидаги маълумотларини ўрганади.

26. Ўрганиш натижалари бўйича имтиёзли транспорт карталари реестрига тегишли ўзгартиришлар киритилади.

27. Имтиёзли транспорт карталари реестридан чиқиб кетган шахсларнинг имтиёзли транспорт карталари автоматлаштирилган тўлов тизими оператори маълумотлар базасидан рўйхатдан чиқарилади.

6-боб. Якуний қоидалар

28. Ваколатли орган ўз фаолиятини амалга ошириши натижасида олинган маълумотларнинг сир сақланишини таъминлайди.

29. Мурожаат қилувчилар давлат органлари ва бошқа ташкилотлар ходимларининг хатти-ҳаракатлари юзасидан қонунчилик ҳужжатларида белгиланган тартибда шикоят қилиши мумкин.

30. Мазкур Регламент талаблари бузилишида айбдор бўлган шахслар қонунчилик ҳужжатларида белгиланган тартибда жавобгар бўлади.

Шаҳар йўловчилар транспортида (йўналишли ва йўналишсиз таксидан ташқари) айрим тоифадаги фуқароларга бепул юриш ҳуқуқини берувчи имтиёзли транспорт карталарини бериш бўйича давлат хизматлари кўрсатиш

Босқичлар Субъектлар Механизм Муддатлар 1-босқич Мурожаат қилувчи ёки у ваколат берган шахс 1. Имтиёзли транспорт картасини олиш учун Қорақалпоғистон Республикаси Транспорт вазирлиги, вилоятлар ва Тошкент шаҳар транспорт бошқармаларига (кейинги ўринларда — ваколатли орган) келиб мурожаат қилади. 1. Хоҳишига кўра 2. ЯИДХПда рўйхатдан ўтади ва сўровнома шаклини тўлдиради. 2. Мурожаат қилинганда 2-босқич Ваколатли орган 1. Имтиёзли транспорт картасини олиш учун мурожаат қилган шахс тегишли тоифага кириши тўғрисидаги маълумотларни Молия вазирлиги ҳузуридаги бюджетдан ташқари Пенсия жамғармаси, Мудофаа вазирлиги, Ички ишлар вазирлиги, Фавқулодда вазиятлар вазирлиги, Давлат хавфсизлик хизмати ҳамда Ўзбекистон Республикаси Президенти ҳузуридаги Ижтимоий ҳимоя миллий агентлигининг ахборот тизимлари орқали ўрганади. 2. Ўрганиш натижасига асосан имтиёзли транспорт картасини бериш ёки уни рад этиш ҳақида қарор қабул қилади ҳамда бу ҳақидаги маълумотни мурожаат қилувчига ёки ЯИДХПга электрон тарзда юборади. Имтиёзли транспорт картасини бериш рад этилган тақдирда, маълумотда рад этиш сабабларини кўрсатади. Сўровнома тушганидан сўнг 2 иш куни мобайнида 3-босқич Ваколатли орган Имтиёзли транспорт картасини расмийлаштиради ҳамда уни мурожаат қилувчига топширилганлиги маълум қилинадиган буюртма хат орқали юборади. Қарор қабул қилинганидан сўнг 1 иш куни мобайнида

I. Мурожаат қилувчи тўғрисидаги маълумотлар 1. Шаҳар йўловчилар транспортидан (йўналишли ва йўналишсиз таксидан ташқари) бепул фойдаланиш ҳуқуқига эга бўлган шахслар тоифалари 1941 — 1945 йиллардаги уруш қатнашчилари жумласидан бўлмиш ҳарбий хизматчилар 1941 — 1945 йиллардаги уруш ногиронлари ва урушнинг I гуруҳ ногиронига ҳамроҳлик қилувчи шахс 1941 — 1945 йиллардаги уруш даврида фронт ортида фидокорона меҳнати ва бенуқсон ҳарбий хизмати учун орден ва медаллар билан тақдирланган шахслар Афғонистон Республикасида ва бошқа мамлакатларнинг ҳудудидаги жанговар ҳаракатларда қатнашган собиқ байналмилалчи жангчилар жумласидан бўлмиш фуқаролар Чернобиль АЭС ҳалокати оқибатида нурланиш касаллигига чалинган ва уни бошдан кечирган шахслар ногиронлиги бўлган кўзи ожиз шахслар ва ногиронлиги бўлган кўзи ожиз шахсга сафарларда ҳамроҳлик қилувчи шахс 2. Фамилияси: 3. Исми: 4. Отасининг исми: (мавжуд бўлса) 5. Туғилган санаси: 6. Паспорт ёки идентификацияловчи ID-картаси серияси ва рақами: 7. Жисмоний шахснинг идентификацион рақами (ЖШШИР) 8. Манзил: 9. Телефон рақами: 10. Электрон почта манзили (мавжуд бўлса): II. Мурожаат ваколатли шахс томонидан берилганида тўлдирилади 1. Фамилияси: 2. Исми: 3. Отасининг исми: (мавжуд бўлса) 4. Туғилган санаси: 5. Паспорт ёки идентификацияловчи ID-картаси серияси ва рақами: 6. Телефон рақами: 7. Электрон почта манзили (мавжуд бўлса):

Ўзбекистон Республикасининг Бош вазири А. АРИПОВ

Тошкент ш.,

2022 йил 16 сентябрь,

507-сон

(Қонунчилик маълумотлари миллий базаси, 16.09.2022 й., 09/22/507/0829-сон; 12.03.2024 й., 09/24/123/0201-сон; 01.03.2025 й., 09/25/125/0203-сон)

lex.uz

Oʻzbekiston Respublikasi Vazirlar Mahkamasining

qarori

MAʼMURIY REGLAMENTI

SXEMASI

SOʻROVNOMA

Shahar yoʻlovchilar transportida ayrim toifadagi fuqarolarga bepul yurish huquqini beruvchi imtiyozli transport kartalarini berish yuzasidan davlat xizmatlari koʻrsatishning maʼmuriy reglamentini tasdiqlash toʻgʻrisida

Oʻzbekiston Respublikasi Prezidentining “Aholi va tadbirkorlik subyektlariga davlat xizmatlaridan foydalanishda yanada qulay sharoitlar yaratish, bu borada byurokratik toʻsiqlarni qisqartirish boʻyicha qoʻshimcha chora-tadbirlar toʻgʻrisida” 2021-yil 23-martdagi PF-6191-son Farmoniga muvofiq, shahar yoʻlovchilar transportidan bepul foydalanishni yanada takomillashtirish hamda shahar yoʻlovchilar transportida (yoʻnalishli va yoʻnalishsiz taksidan tashqari) (keyingi oʻrinlarda — shahar yoʻlovchilar transporti) bepul yurish huquqini beruvchi imtiyozli transport kartalarini joriy qilish maqsadida Vazirlar Mahkamasi qaror qiladi:

1. Quyidagilar:

a) Oʻzbekiston Respublikasining “Shahar yoʻlovchilar transportidan bepul foydalanishni tartibga solish toʻgʻrisida” Qonuniga muvofiq quyidagi toifadagi fuqarolarga shahar yoʻlovchilar transportidan (taksidan tashqari) bepul foydalanish huquqi berilganligi:

1941 — 1945-yillardagi urush qatnashchilari jumlasidan boʻlmish harbiy xizmatchilar;

1941 — 1945-yillardagi urush nogironlari va urushning I guruh nogironiga hamrohlik qiluvchi shaxs;

1941 — 1945-yillardagi urush davrida front ortida fidokorona mehnati va benuqson harbiy xizmati uchun orden va medallar bilan taqdirlangan shaxslar;

Afgʻoniston Respublikasida va boshqa mamlakatlarning hududidagi jangovar harakatlarda qatnashgan sobiq baynalminalchi jangchilar jumlasidan boʻlmish fuqarolar;

haqiqiy muddatli harbiy xizmatni oʻtayotgan harbiy xizmatchilar va kontrakt boʻyicha oddiy askarlar hamda serjantlar tarkibidagi harbiy xizmatchilar;

Chernobil AES halokati oqibatida nurlanish kasalligiga chalingan va uni boshdan kechirgan shaxslar;

nogironligi boʻlgan koʻzi ojiz shaxslar va nogironligi boʻlgan koʻzi ojiz shaxsga safarlarda hamrohlik qiluvchi shaxs;

oʻzgalar parvarishiga muhtoj keksalar va nogironligi boʻlgan shaxslar, shuningdek ularni kuzatuvchi shaxs;

b) Vazirlar Mahkamasining “Umumiy foydalaniladigan transportda yoʻlovchi tashishda yoʻlkira haqini toʻlashning avtomatlashtirilgan tizimini joriy etish toʻgʻrisida” 2019-yil 25-noyabrdagi 948-son qaroriga muvofiq:

umumiy foydalaniladigan transportda yoʻlovchi tashish uchun yoʻlkira haqini toʻlashning avtomatlashtirilgan tizimi joriy etilganligi;

Toshkent, Samarqand, Urganch va Qarshi shaharlaridagi jamoat transporti harakat tarkibi 3 107 dona statsionar validatorlar bilan jihozlanganligi va 555 ming dona transport kartalari muomalaga chiqarilganligi;

yoʻlkira haqini toʻlashning avtomatlashtirilgan tizimi mobil ilovasi foydalanuvchilari soni 320 ming nafarga yetganligi maʼlumot uchun qabul qilinsin.

2. Transport vazirligi, Adliya vazirligi va Moliya vazirligining shahar yoʻlovchilar transportida (yoʻnalishli va yoʻnalishsiz taksidan tashqari) ayrim toifadagi fuqarolarga bepul yurish huquqini beruvchi imtiyozli transport kartalarini joriy etish toʻgʻrisidagi taklifi maʼqullansin.

3. Shahar yoʻlovchilar transportida (yoʻnalishli va yoʻnalishsiz taksidan tashqari) ayrim toifadagi fuqarolarga bepul yurish huquqini beruvchi imtiyozli transport kartalarini berish yuzasidan davlat xizmatlari koʻrsatishning maʼmuriy reglamenti ilovaga muvofiq tasdiqlansin.

4. Shunday tartib oʻrnatilsinki, unga koʻra:

a) shahar yoʻlovchilar transportida ayrim toifadagi fuqarolarga bepul yurish huquqini beruvchi imtiyozli transport kartalari berilishi Qoraqalpogʻiston Respublikasi Transport vazirligi, viloyatlar va Toshkent shahar transport boshqarmalari hamda Yagona interaktiv davlat xizmatlari portali (keyingi oʻrinlarda — YIDXP) orqali amalga oshiriladi;

b) shahar yoʻlovchilar transportida ayrim toifadagi fuqarolarga bepul yurish huquqini beruvchi imtiyozli transport kartalarini berish bosqichma-bosqich:

Toshkent va Samarqand shaharlarida — 2023-yil 1-yanvardan boshlab;

respublikaning barcha shaharlarida — 2023-yil 1-maydan boshlab amalga oshiriladi;

v) eski namunada berilgan shahar yoʻlovchilar transportida (taksidan tashqari) ayrim toifadagi fuqarolarga bepul yurish huquqini beruvchi yagona guvohnomalar 2023-yil 1-sentabrga qadar oʻz kuchini saqlab qoladi.

5. Moliya vazirligi huzuridagi budjetdan tashqari Pensiya jamgʻarmasi, Mudofaa vazirligi, Ichki ishlar vazirligi, Favqulodda vaziyatlar vazirligi, Davlat xavfsizlik xizmati 2022-yil 1-noyabrga qadar ushbu qaror 1-bandining “a” kichik bandida koʻrsatilgan toifadagi shaxslar boʻyicha maʼlumotlar bazasini yaratsin.

6. Axborot texnologiyalari va kommunikatsiyalarini rivojlantirish vazirligi:

a) Adliya vazirligi va Transport vazirligi bilan birgalikda 2023-yil 1-yanvardan:

ushbu qarorga muvofiq davlat xizmatlari YIDXP orqali joriy etilishini taʼminlasin;

YIDXPda davlat xizmatlari koʻrsatilishining har bir bosqichida murojaatlar koʻrib chiqilishini kuzatib borish tartibini joriy etsin;

b) 2022-yil 1-dekabrga qadar Moliya vazirligi huzuridagi budjetdan tashqari Pensiya jamgʻarmasi, Mudofaa vazirligi, Ichki ishlar vazirligi, Favqulodda vaziyatlar vazirligi, Davlat xavfsizlik xizmati hamda Oʻzbekiston Respublikasi Prezidenti huzuridagi Ijtimoiy himoya milliy agentligining tegishli axborot tizimlari Yagona interaktiv davlat xizmatlari portaliga hamda Transport vazirligi axborot tizimiga integratsiya qilinishini taʼminlasin.

7. Transport vazirligi:

Toshkent va Samarqand shaharlarida — 2023-yil 1-yanvardan, respublikaning barcha shaharlarida — 2023-yil 1-maydan bosqichma-bosqich shahar yoʻlovchilar transportida ayrim toifadagi fuqarolarga bepul yurish huquqini beruvchi imtiyozli transport kartalarini oʻrnatilgan tartibda rasmiylashtirib, egalariga topshirishni taʼminlasin;

imtiyozli transport kartalarini tayyorlash va egasiga yetkazib berish bilan bogʻliq xarajatlarni Transport vazirligi huzuridagi Transport va logistikani rivojlantirish jamgʻarmasi mablagʻlari hisobidan amalga oshirsin;

Moliya vazirligi, Xalq taʼlimi vazirligi hamda Oliy va oʻrta-maxsus taʼlim vazirligi bilan birgalikda uch oy muddatda imtiyozli yurish huquqiga ega boʻlgan yoʻlovchilarga (pensionerlar, nogironligi boʻlgan shaxslar, oʻquvchilar va talabalar) shahar yoʻlovchilar transportida (yoʻnalishli va yoʻnalishsiz taksidan tashqari) imtiyozli yurish huquqini beruvchi imtiyozli transport kartalarini berish tartibini takomillashtirish yuzasidan Vazirlar Mahkamasiga taklif kiritsin.

8. Adliya vazirligi va uning hududiy boshqarmalari ushbu qaror talablari ijrosi boʻyicha davlat organlari va boshqa tashkilotlarning faoliyati ustidan, shu jumladan, YIDXP orqali doimiy nazorat oʻrnatsin va monitoring olib borsin.

9. Transport vazirligi boshqa manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

10. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov, Oʻzbekiston Respublikasi transport vaziri I.R. Maxkamov hamda Oʻzbekiston Respublikasi adliya vaziri R.Q. Davletov zimmasiga yuklansin.

Vazirlar Mahkamasining 2022-yil 16-sentabrdagi 507-son qaroriga ILOVA

Shahar yoʻlovchilar transportida (yoʻnalishli va yoʻnalishsiz taksidan tashqari) ayrim toifadagi fuqarolarga bepul yurish huquqini beruvchi imtiyozli transport kartalarini berish yuzasidan davlat xizmatlari koʻrsatishning

1-bob. Umumiy qoidalar

1. Mazkur Reglament shahar yoʻlovchilar transportida (yoʻnalishli va yoʻnalishsiz taksidan tashqari) (keyingi oʻrinlarda — shahar yoʻlovchilar transporti) ayrim toifadagi fuqarolarga bepul yurish huquqini beruvchi imtiyozli transport kartalarini berish yuzasidan davlat xizmatlari koʻrsatish tartibini belgilaydi.

2. Ushbu Reglamentda quyidagi tushunchalardan foydalaniladi:

murojaat qiluvchi — imtiyozli transport kartasini olish uchun murojaat etgan jismoniy shaxs;

imtiyozli transport kartasi — shahar yoʻlovchilar transportda (yoʻnalishli va yoʻnalishsiz taksidan tashqari) avtomatlashtirilgan toʻlov tizimi operatori maʼlumotlar bazasida roʻyxatga olingan yoʻlovchiga bepul yurish huquqini kafolatlaydigan, transportdan foydalanish soni va bir transportdan boshqasiga chiqish soni cheklanmaydigan shaxsiylashtirilgan transport kartasi;

imtiyozli transport kartalari reyestri — imtiyozli transport kartalarini berish boʻyicha maʼlumotlar elektron tarzda shakllantiriladigan baza.

3. Imtiyozli transport kartasi egasi Oʻzbekiston Respublikasining barcha hududlarida shahar yoʻlovchilar transportida bepul yurish huquqiga ega.

4. Quyidagi shaxslarga imtiyozli transport kartasi taqdim etiladi:

1941 — 1945-yillardagi urush qatnashchilari jumlasidan boʻlmish harbiy xizmatchilar;

1941 — 1945-yillardagi urush nogironlari;

1941 — 1945-yillardagi urush davrida front ortida fidokorona mehnati va benuqson harbiy xizmati uchun orden va medallar bilan taqdirlangan shaxslar;

Afgʻoniston Respublikasida va boshqa mamlakatlarning hududidagi jangovar harakatlarda qatnashgan sobiq baynalminalchi jangchilar jumlasidan boʻlmish fuqarolar;

haqiqiy muddatli harbiy xizmatni oʻtayotgan harbiy xizmatchilar va kontrakt boʻyicha oddiy askarlar hamda serjantlar tarkibidagi harbiy xizmatchilar;

Chernobil AES halokati oqibatida nurlanish kasalligiga chalingan va uni boshdan kechirgan shaxslar;

nogironligi boʻlgan koʻzi ojiz shaxslar;

oʻzgalar parvarishiga muhtoj keksalar va nogironligi boʻlgan shaxslar, shuningdek ularni kuzatuvchi shaxs.

5. Haqiqiy muddatli harbiy xizmatni oʻtayotgan harbiy xizmatchilarga va kontrakt boʻyicha oddiy askarlar hamda serjantlar tarkibidagi harbiy xizmatchilarga imtiyozli transport kartalari berilmaydi. Ular harbiy guvohnomasi yoki kontrakt asosida xizmat qiluvchining shaxsiy guvohnomasini koʻrsatgan taqdirda shahar yoʻlovchilar transportida bepul yurish huquqidan foydalanadi.

6. 1941 — 1945-yillardagi urush I guruh nogironlariga va nogironligi boʻlgan koʻzi ojiz shaxslarga beriladigan imtiyozli transport kartasi ularga safarlarda hamrohlik qiluvchi bir shaxsga ham shahar yoʻlovchilar transportidan bepul foydalanish huquqini beradi.

7. Davlat xizmatlari Qoraqalpogʻiston Respublikasi Transport vazirligi, viloyatlar va Toshkent shahar transport boshqarmalari (keyingi oʻrinlarda — vakolatli organ) tomonidan yoki Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali koʻrsatiladi.

8. Shahar yoʻlovchilar transportida ayrim toifadagi fuqarolarga bepul yurish huquqini beruvchi imtiyozli transport kartalarini berish yuzasidan davlat xizmatlari koʻrsatilganligi uchun yigʻim undirilmaydi.

9. Imtiyozli transport kartasi cheklanmagan muddatga beriladi.

10. Imtiyozli transport kartasini boshqa shaxslarga berish taqiqlanadi.

2-bob. Davlat xizmati koʻrsatish tartibi

11. Davlat xizmatlari koʻrsatish ushbu Reglamentga 1-ilovaga muvofiq sxema boʻyicha amalga oshiriladi.

12. Murojaat qiluvchi davlat xizmatlaridan foydalanish uchun vakolatli organga oʻzi yoki u vakolat bergan shaxs kelib murojaat etadi yoxud davlat xizmatidan elektron tarzda foydalanish uchun YIDXPda roʻyxatdan oʻtadi.

13. Murojaat qiluvchi oʻzi yoki u vakolat bergan shaxs kelib murojaat qilgan taqdirda, vakolatli organ xodimi murojaat qiluvchining nomidan YIDXP orqali murojaat etgan taqdirda mustaqil ravishda ushbu Reglamentga 2-ilovaga muvofiq shakldagi soʻrovnomani elektron tarzda toʻldiradi.

14. Soʻrovnoma toʻldirilgandan soʻng murojaat qiluvchi maʼlumotlarning toʻgʻriligini tekshirib, soʻrovnomani tasdiqlaydi.

Murojaat qiluvchi tomonidan soʻrovnomani ERI bilan tasdiqlash talab etilmaydi.

15. Murojaat qiluvchi tomonidan soʻrovnomada notoʻgʻri maʼlumotlarning koʻrsatilishi yoki uni tasdiqlashning rad etilishi davlat xizmatlari koʻrsatishni rad etish uchun asos hisoblanadi.

16. Murojaat qiluvchi davlat xizmatlarini koʻrsatishning har qanday bosqichida ulardan foydalanishdan bosh tortish huquqiga ega. Murojaat qiluvchi davlat xizmatidan foydalanishdan bosh tortganda uning soʻrovnomasi koʻrib chiqilmasdan qoldiriladi.

17. Vakolatli organ soʻrovnoma olinganidan soʻng shahar yoʻlovchilar transportida bepul yurish huquqini beruvchi imtiyozli transport kartasini olish uchun murojaat qilgan shaxs mazkur Reglamentning 4-bandida nazarda tutilgan toifaga kirishini Moliya vazirligi huzuridagi budjetdan tashqari Pensiya jamgʻarmasi, Mudofaa vazirligi, Ichki ishlar vazirligi, Favqulodda vaziyatlar vazirligi, Davlat xavfsizlik xizmati hamda Oʻzbekiston Respublikasi Prezidenti huzuridagi Ijtimoiy himoya milliy agentligining axborot tizimlari orqali oʻrganadi.

18. Vakolatli organ tomonidan ikki ish kuni mobaynida murojaat qilgan shaxsning maʼlumotlarini oʻrganish natijasiga koʻra imtiyozli transport kartasini berish yoki uning berilishini rad etish haqida qaror qabul qilinadi hamda bu haqidagi maʼlumot murojaat qiluvchiga yoki YIDXPga yuboriladi. Imtiyozli transport kartasini berish rad etilgan taqdirda maʼlumotda rad etish sabablari koʻrsatiladi.

19. Vakolatli organ imtiyozli transport kartasini berish haqida qaror qabul qilganidan soʻng bir ish kuni ichida imtiyozli transport kartasini rasmiylashtiradi hamda uni vakolatli shaxsning ERIsi bilan tasdiqlab, murojaat qiluvchiga topshirilganligi maʼlum qilinadigan buyurtma xat orqali yuboradi.

3-bob. Imtiyozli transport kartasining dublikatini berish, almashtirish va uni bekor qilish

20. Imtiyozli transport kartasi egasi imtiyozli transport kartasi yoʻqolgan taqdirda, uni avtomatlashtirilgan toʻlov tizimi operatori maʼlumotlar bazasidan roʻyxatdan chiqarish uchun darhol imtiyozli transport kartasini bergan vakolatli organga, shu jumladan YIDXP orqali murojaat qilishi lozim.

21. Imtiyozli transport kartasi yoʻqolgan yoki yaroqsiz holga kelgan taqdirda, murojaat qiluvchiga bepul asosda boshqa imtiyozli transport kartasi beriladi. Bunda, imtiyozli transport kartasi yaroqsiz holga kelgan taqdirda, imtiyozli transport kartasi egasi uni vakolatli organga topshirishi lozim.

22. Imtiyozli transport kartasi soxta hujjatlar taqdim etgan holda olinganligi aniqlanganda bekor qilinadi va avtomatlashtirilgan toʻlov tizimi operatori maʼlumotlar bazasidan roʻyxatdan chiqariladi.

4-bob. Imtiyozli transport kartalari reyestri

23. Transport vazirligi belgilangan tartibda imtiyozli transport kartalari reyestrini yuritadi.

Imtiyozli transport kartalari reyestrida quyidagilar koʻrsatilishi kerak:

fuqaroning familiyasi, ismi va otasining ismi;

fuqaroning turar joy manzili;

fuqarolik pasportining seriyasi (identifikatsiyalovchi ID-kartasining seriyasi) va raqami, jismoniy shaxsning shaxsiy identifikatsiya raqami (JSHSHIR);

berilgan imtiyozli transport kartasining seriyasi va raqami;

fuqaroning mazkur Reglamentning 4-bandida nazarda tutilgan shaxslar toifasiga kirishini tasdiqlovchi hujjat turi va raqami.

5-bob. Shahar yoʻlovchilar transportida (yoʻnalishli va yoʻnalishsiz taksidan tashqari) bepul yurish huquqiga ega boʻlgan shaxslarning roʻyxatini xatlovdan oʻtkazish

24. Vakolatli organ tomonidan shahar yoʻlovchilar transportida bepul yurish huquqiga ega boʻlgan shaxslar roʻyxati har chorakda bir marta xatlovdan oʻtkaziladi.

25. Vakolatli organ imtiyozli transport kartalari reyestridan chiqib ketgan shaxslarni aniqlash maqsadida axborot tizimlari orqali Moliya vazirligi huzuridagi budjetdan tashqari Pensiya jamgʻarmasi, Mudofaa vazirligi, Ichki ishlar vazirligi, Favqulodda vaziyatlar vazirligi, Davlat xavfsizlik xizmati hamda Oʻzbekiston Respublikasi Prezidenti huzuridagi Ijtimoiy himoya milliy agentligining mazkur Reglamentning 4-bandida nazarda tutilgan shaxslar toʻgʻrisidagi maʼlumotlarini oʻrganadi.

26. Oʻrganish natijalari boʻyicha imtiyozli transport kartalari reyestriga tegishli oʻzgartirishlar kiritiladi.

27. Imtiyozli transport kartalari reyestridan chiqib ketgan shaxslarning imtiyozli transport kartalari avtomatlashtirilgan toʻlov tizimi operatori maʼlumotlar bazasidan roʻyxatdan chiqariladi.

6-bob. Yakuniy qoidalar

28. Vakolatli organ oʻz faoliyatini amalga oshirishi natijasida olingan maʼlumotlarning sir saqlanishini taʼminlaydi.

29. Murojaat qiluvchilar davlat organlari va boshqa tashkilotlar xodimlarining xatti-harakatlari yuzasidan qonunchilik hujjatlarida belgilangan tartibda shikoyat qilishi mumkin.

30. Mazkur Reglament talablari buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladi.

Bosqichlar Subyektlar Mexanizm Muddatlar 1-bosqich Murojaat qiluvchi yoki u vakolat bergan shaxs 1. Imtiyozli transport kartasini olish uchun Qoraqalpogʻiston Respublikasi Transport vazirligi, viloyatlar va Toshkent shahar transport boshqarmalariga (keyingi oʻrinlarda — vakolatli organ) kelib murojaat qiladi. 1. Xohishiga koʻra 2. YIDXPda roʻyxatdan oʻtadi va soʻrovnoma shaklini toʻldiradi. 2. Murojaat qilinganda 2-bosqich Vakolatli organ 1. Imtiyozli transport kartasini olish uchun murojaat qilgan shaxs tegishli toifaga kirishi toʻgʻrisidagi maʼlumotlarni Moliya vazirligi huzuridagi budjetdan tashqari Pensiya jamgʻarmasi, Mudofaa vazirligi, Ichki ishlar vazirligi, Favqulodda vaziyatlar vazirligi, Davlat xavfsizlik xizmati hamda Oʻzbekiston Respublikasi Prezidenti huzuridagi Ijtimoiy himoya milliy agentligining axborot tizimlari orqali oʻrganadi. 2. Oʻrganish natijasiga asosan imtiyozli transport kartasini berish yoki uni rad etish haqida qaror qabul qiladi hamda bu haqidagi maʼlumotni murojaat qiluvchiga yoki YIDXPga elektron tarzda yuboradi. Imtiyozli transport kartasini berish rad etilgan taqdirda, maʼlumotda rad etish sabablarini koʻrsatadi. Soʻrovnoma tushganidan soʻng 2 ish kuni mobaynida 3-bosqich Vakolatli organ Imtiyozli transport kartasini rasmiylashtiradi hamda uni murojaat qiluvchiga topshirilganligi maʼlum qilinadigan buyurtma xat orqali yuboradi. Qaror qabul qilinganidan soʻng 1 ish kuni mobaynida

Shahar yoʻlovchilar transportida (yoʻnalishli va yoʻnalishsiz taksidan tashqari) ayrim toifadagi fuqarolarga bepul yurish huquqini beruvchi imtiyozli transport kartalarini berish boʻyicha

I. Murojaat qiluvchi toʻgʻrisidagi maʼlumotlar 1. Shahar yoʻlovchilar transportidan (yoʻnalishli va yoʻnalishsiz taksidan tashqari) bepul foydalanish huquqiga ega boʻlgan shaxslar toifalari 1941 — 1945-yillardagi urush qatnashchilari jumlasidan boʻlmish harbiy xizmatchilar 1941 — 1945-yillardagi urush nogironlari va urushning I guruh nogironiga hamrohlik qiluvchi shaxs 1941 — 1945-yillardagi urush davrida front ortida fidokorona mehnati va benuqson harbiy xizmati uchun orden va medallar bilan taqdirlangan shaxslar Afgʻoniston Respublikasida va boshqa mamlakatlarning hududidagi jangovar harakatlarda qatnashgan sobiq baynalmilalchi jangchilar jumlasidan boʻlmish fuqarolar Chernobil AES halokati oqibatida nurlanish kasalligiga chalingan va uni boshdan kechirgan shaxslar nogironligi boʻlgan koʻzi ojiz shaxslar va nogironligi boʻlgan koʻzi ojiz shaxsga safarlarda hamrohlik qiluvchi shaxs 2. Familiyasi: 3. Ismi: 4. Otasining ismi: (mavjud boʻlsa) 5. Tugʻilgan sanasi: 6. Pasport yoki identifikatsiyalovchi ID-kartasi seriyasi va raqami: 7. Jismoniy shaxsning identifikatsion raqami (JSHSHIR) 8. Manzil: 9. Telefon raqami: 10. Elektron pochta manzili (mavjud boʻlsa): II. Murojaat vakolatli shaxs tomonidan berilganida toʻldiriladi 1. Familiyasi: 2. Ismi: 3. Otasining ismi: (mavjud boʻlsa) 4. Tugʻilgan sanasi: 5. Pasport yoki identifikatsiyalovchi ID-kartasi seriyasi va raqami: 6. Telefon raqami: 7. Elektron pochta manzili (mavjud boʻlsa):

Oʻzbekiston Respublikasining Bosh vaziri A. ARIPOV

Toshkent sh.,

2022-yil 16-sentabr,

507-son

(Qonunchilik maʼlumotlari milliy bazasi, 16.09.2022-y., 09/22/507/0829-son; 12.03.2024-y., 09/24/123/0201-son; 01.03.2025-y., 09/25/125/0203-son)

lex.uz