📅 2022-yil 23-avgust · Markaziy bank hujjatlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 23 август · Марказий банк ҳужжатлари
Расмий матн. Расмий ҳужжат. Таҳририй изоҳлар киритилмаган.
📅 23 августа 2022 г. · Документы Центрального банка
Официальный текст. Официальный документ. Редакционные примечания не включены.
📅 23 August 2022 · Central Bank documents
Official text. Official document. Editorial notes are not included.
Ўзбекистон Республикаси Марказий банки бошқарувининг
қарори
«Қарз олувчи жисмоний шахсларнинг кредитлар (микроқарзлар) бўйича қарз юкини ҳисоблаш тартиби, қарз юкининг рухсат этилган миқдори, шунингдек қарз юки ўсишини чеклаш тўғрисидаги низомни тасдиқлаш ҳақида»ги қарорга ўзгартиришлар киритиш тўғрисида
Ўзбекистон Республикасининг « Ўзбекистон Республикасининг Марказий банки тўғрисида »ги ва « Нобанк кредит ташкилотлари ва микромолиялаштириш фаолияти тўғрисида »ги қонунларига мувофиқ Ўзбекистон Республикаси Марказий банки бошқаруви қарор қилади:
1. Ўзбекистон Республикаси Марказий банки бошқарувининг 2019 йил 28 сентябрдаги 24/5-сон «Қарз олувчи жисмоний шахсларнинг кредитлар (микроқарзлар) бўйича қарз юкини ҳисоблаш тартиби, қарз юкининг рухсат этилган миқдори, шунингдек қарз юки ўсишини чеклаш тўғрисидаги низомни тасдиқлаш ҳақида»ги қарорига (рўйхат рақами 3205, 2019 йил 19 декабрь) (Қонун ҳужжатлари маълумотлари миллий базаси, 2019 й., 10/19/3205/4177-сон) иловага мувофиқ ўзгартиришлар киритилсин.
2. Мазкур қарор Ўзбекистон Республикаси Савдо-саноат палатаси билан келишилган.
3. Мазкур қарор расмий эълон қилинган кундан эътиборан уч ойдан кейин кучга киради.
Келишилди:
Ўзбекистон Республикаси Марказий банки бошқарувининг 2022 йил 23 августдаги 19/11-сон қарорига ИЛОВА
«Қарз олувчи жисмоний шахсларнинг кредитлар (микроқарзлар) бўйича қарз юкини ҳисоблаш тартиби, қарз юкининг рухсат этилган миқдори, шунингдек қарз юки ўсишини чеклаш тўғрисидаги низомни тасдиқлаш ҳақида»ги қарорга киритилаётган ўзгартиришлар
1. Қарорда :
а) номи қуйидаги таҳрирда баён этилсин:
«Қарз олувчи жисмоний шахсларнинг қарз юкини тартибга солиш тўғрисидаги низомни тасдиқлаш ҳақида»;
б) муқаддимадаги «Микрокредит ташкилотлари тўғрисида»ги» деган сўзлар «Нобанк кредит ташкилотлари ва микромолиялаштириш фаолияти тўғрисида»ги» деган сўзлар билан алмаштирилсин;
в) 1-банд қуйидаги таҳрирда баён этилсин:
«Қарз олувчи жисмоний шахсларнинг қарз юкини тартибга солиш тўғрисидаги низом иловага мувофиқ тасдиқлансин.»;
2. Низомда :
а) номи қуйидаги таҳрирда баён этилсин:
«Қарз олувчи жисмоний шахсларнинг қарз юкини тартибга солиш тўғрисидаги низом»;
б) муқаддима қуйидаги таҳрирда баён этилсин:
«Мазкур Низом қарз олувчи жисмоний шахсларга микроқарзлар ажратилаётганда қарз юкини ҳисоблаш тартибини, қарз юкининг рухсат этилган миқдорини, шунингдек кредитлар ва микроқарзлар бўйича кунлик энг юқори фоиз ставкаларини белгилайди.»;
в) 1-бандда :
иккинчи хатбошидан «кредит ёки» деган сўзлар чиқариб ташлансин;
учинчи хатбошидаги «ёки» деган сўз «ва/ёки» деган сўзлар билан алмаштирилсин;
тўртинчи хатбоши қуйидаги таҳрирда баён этилсин:
«қарз берувчи — банк, микромолия ташкилоти, ломбард ва микромолия ташкилоти фаолиятини амалга оширувчи тўлов ташкилоти;»;
г) 2-банд қуйидаги таҳрирда баён этилсин:
«2. Қарз юки кўрсаткичи ҳар бир қарз олувчига қарз берувчи томонидан микроқарз ажратишда унинг суммаси ва қарз олувчининг амалдаги кредит (микроқарз) шартномалари бўйича асосий қарз қолдиғи йиғиндиси базавий ҳисоблаш миқдорининг 50 бараваридан ошганда ҳисобланади.»;
д) 4-банднинг иккинчи ва учинчи хатбошилари ҳамда 6-банддаги «кредит (микроқарз)» деган сўзлар «микроқарз» деган сўз билан алмаштирилсин;
е) 7-банднинг иккинчи хатбошисидаги «кредит (миқроқарз)» деган сўзлар «микроқарз» деган сўз билан алмаштирилсин;
ж) 8-банд қуйидаги таҳрирда баён этилсин:
«8. Қарз берувчи қарз олувчининг ўртача ойлик даромадларини аниқлашда қарз олувчи томонидан тақдим этилган ва/ёки ўзи кредит бюродан ёки бошқа манбалардан мустақил равишда олган маълумотлардан фойдаланади.»;
з) 9-банд қуйидаги таҳрирда баён этилсин:
«9. Қарз берувчи қарз олувчи ва биргаликда қарз олувчининг ўртача ойлик даромадларини аниқлашда қуйидаги тасдиқловчи ҳужжатлар ва маълумотлардан фойдаланиш ҳуқуқига эга:
иш берувчи томонидан тасдиқланган иш ҳақи тўғрисидаги маълумотлардан;
пенсия миқдори тўғрисидаги маълумотлардан;
фуқароларнинг жамғариб бориладиган пенсия бадаллари тўғрисидаги маълумотлардан;
қарз олувчининг банк ҳисобварақларига тушган даромадлари тўғрисидаги маълумотлардан;
тўланган солиқлар тўғрисидаги маълумотлардан;
фоизлар, дивидендлар, мол-мулкни ижарага беришдан олинган даромадлар тўғрисидаги маълумотлардан.
Бунда, қарз берувчи мазкур бандда келтирилган ҳужжатлар билан чекланмасдан бошқа маълумотлардан фойдаланиши мумкин.»;
и) 10-банддаги «кредитлар (микроқарзлар)» деган сўзлар «микроқарзлар» деган сўз билан алмаштирилсин;
к) 11-банддаги «кредит (микроқарз)» деган сўзлар «кредит ва микроқарз» деган сўзлар билан алмаштирилсин.
Марказий банк раиси М. НУРМУРАТОВ
Ўзбекистон Савдо-саноат палатаси раиси Д. ВАХАБОВ
Тошкент ш.,
2022 йил 23 август,
2022 йил 18 август
19/11-сон
Oʻzbekiston Respublikasi Markaziy banki boshqaruvining
qarori
“Qarz oluvchi jismoniy shaxslarning kreditlar (mikroqarzlar) boʻyicha qarz yukini hisoblash tartibi, qarz yukining ruxsat etilgan miqdori, shuningdek qarz yuki oʻsishini cheklash toʻgʻrisidagi nizomni tasdiqlash haqida”gi qarorga oʻzgartirishlar kiritish toʻgʻrisida
Oʻzbekiston Respublikasining “ Oʻzbekiston Respublikasining Markaziy banki toʻgʻrisida ”gi va “ Nobank kredit tashkilotlari va mikromoliyalashtirish faoliyati toʻgʻrisida ”gi qonunlariga muvofiq Oʻzbekiston Respublikasi Markaziy banki boshqaruvi qaror qiladi:
1. Oʻzbekiston Respublikasi Markaziy banki boshqaruvining 2019-yil 28-sentabrdagi 24/5-son “Qarz oluvchi jismoniy shaxslarning kreditlar (mikroqarzlar) boʻyicha qarz yukini hisoblash tartibi, qarz yukining ruxsat etilgan miqdori, shuningdek qarz yuki oʻsishini cheklash toʻgʻrisidagi nizomni tasdiqlash haqida”gi qaroriga (roʻyxat raqami 3205, 2019-yil 19-dekabr) (Qonun hujjatlari maʼlumotlari milliy bazasi, 2019-y., 10/19/3205/4177-son) ilovaga muvofiq oʻzgartirishlar kiritilsin.
2. Mazkur qaror Oʻzbekiston Respublikasi Savdo-sanoat palatasi bilan kelishilgan.
3. Mazkur qaror rasmiy eʼlon qilingan kundan eʼtiboran uch oydan keyin kuchga kiradi.
Kelishildi:
Oʻzbekiston Respublikasi Markaziy banki boshqaruvining 2022-yil 23-avgustdagi 19/11-son qaroriga ILOVA
“Qarz oluvchi jismoniy shaxslarning kreditlar (mikroqarzlar) boʻyicha qarz yukini hisoblash tartibi, qarz yukining ruxsat etilgan miqdori, shuningdek qarz yuki oʻsishini cheklash toʻgʻrisidagi nizomni tasdiqlash haqida”gi qarorga kiritilayotgan oʻzgartirishlar
1. Qarorda :
a) nomi quyidagi tahrirda bayon etilsin:
“Qarz oluvchi jismoniy shaxslarning qarz yukini tartibga solish toʻgʻrisidagi nizomni tasdiqlash haqida”;
b) muqaddimadagi “Mikrokredit tashkilotlari toʻgʻrisida”gi” degan soʻzlar “Nobank kredit tashkilotlari va mikromoliyalashtirish faoliyati toʻgʻrisida”gi” degan soʻzlar bilan almashtirilsin;
v) 1-band quyidagi tahrirda bayon etilsin:
“Qarz oluvchi jismoniy shaxslarning qarz yukini tartibga solish toʻgʻrisidagi nizom ilovaga muvofiq tasdiqlansin.”;
2. Nizomda :
a) nomi quyidagi tahrirda bayon etilsin:
“Qarz oluvchi jismoniy shaxslarning qarz yukini tartibga solish toʻgʻrisidagi nizom”;
b) muqaddima quyidagi tahrirda bayon etilsin:
“Mazkur Nizom qarz oluvchi jismoniy shaxslarga mikroqarzlar ajratilayotganda qarz yukini hisoblash tartibini, qarz yukining ruxsat etilgan miqdorini, shuningdek kreditlar va mikroqarzlar boʻyicha kunlik eng yuqori foiz stavkalarini belgilaydi.”;
v) 1-bandda :
ikkinchi xatboshidan “kredit yoki” degan soʻzlar chiqarib tashlansin;
uchinchi xatboshidagi “yoki” degan soʻz “va/yoki” degan soʻzlar bilan almashtirilsin;
toʻrtinchi xatboshi quyidagi tahrirda bayon etilsin:
“qarz beruvchi — bank, mikromoliya tashkiloti, lombard va mikromoliya tashkiloti faoliyatini amalga oshiruvchi toʻlov tashkiloti;”;
g) 2-band quyidagi tahrirda bayon etilsin:
“2. Qarz yuki koʻrsatkichi har bir qarz oluvchiga qarz beruvchi tomonidan mikroqarz ajratishda uning summasi va qarz oluvchining amaldagi kredit (mikroqarz) shartnomalari boʻyicha asosiy qarz qoldigʻi yigʻindisi bazaviy hisoblash miqdorining 50 baravaridan oshganda hisoblanadi.”;
d) 4-bandning ikkinchi va uchinchi xatboshilari hamda 6-banddagi “kredit (mikroqarz)” degan soʻzlar “mikroqarz” degan soʻz bilan almashtirilsin;
e) 7-bandning ikkinchi xatboshisidagi “kredit (miqroqarz)” degan soʻzlar “mikroqarz” degan soʻz bilan almashtirilsin;
j) 8-band quyidagi tahrirda bayon etilsin:
“8. Qarz beruvchi qarz oluvchining oʻrtacha oylik daromadlarini aniqlashda qarz oluvchi tomonidan taqdim etilgan va/yoki oʻzi kredit byurodan yoki boshqa manbalardan mustaqil ravishda olgan maʼlumotlardan foydalanadi.”;
z) 9-band quyidagi tahrirda bayon etilsin:
“9. Qarz beruvchi qarz oluvchi va birgalikda qarz oluvchining oʻrtacha oylik daromadlarini aniqlashda quyidagi tasdiqlovchi hujjatlar va maʼlumotlardan foydalanish huquqiga ega:
ish beruvchi tomonidan tasdiqlangan ish haqi toʻgʻrisidagi maʼlumotlardan;
pensiya miqdori toʻgʻrisidagi maʼlumotlardan;
fuqarolarning jamgʻarib boriladigan pensiya badallari toʻgʻrisidagi maʼlumotlardan;
qarz oluvchining bank hisobvaraqlariga tushgan daromadlari toʻgʻrisidagi maʼlumotlardan;
toʻlangan soliqlar toʻgʻrisidagi maʼlumotlardan;
foizlar, dividendlar, mol-mulkni ijaraga berishdan olingan daromadlar toʻgʻrisidagi maʼlumotlardan.
Bunda, qarz beruvchi mazkur bandda keltirilgan hujjatlar bilan cheklanmasdan boshqa maʼlumotlardan foydalanishi mumkin.”;
i) 10-banddagi “kreditlar (mikroqarzlar)” degan soʻzlar “mikroqarzlar” degan soʻz bilan almashtirilsin;
k) 11-banddagi “kredit (mikroqarz)” degan soʻzlar “kredit va mikroqarz” degan soʻzlar bilan almashtirilsin.
Markaziy bank raisi M. NURMURATOV
Oʻzbekiston Savdo-sanoat palatasi raisi D. VAXABOV
Toshkent sh.,
2022-yil 23-avgust,
2022-yil 18-avgust
19/11-son