📅 2022-yil 19-sentabr · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 19 сентябрь · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 19 сентября 2022 г. · Законы и кодексы
Официальный текст. Официальный документ. Редакционные примечания не включены.
📅 19 September 2022 · Laws and codes
Official text. Official document. Editorial notes are not included.
Ўзбекистон Республикасининг Қонуни
«Фуқароларнинг давлат пенсия таъминоти тўғрисида»ги Ўзбекистон Республикаси Қонунига ўзгартишлар киритиш ҳақида
Қонунчилик палатаси томонидан 2022 йил 15 июлда қабул қилинган Сенат томонидан 2022 йил 13 сентябрда маъқулланган
Сўнгги йилларда мамлакатимизда инсон қадрини улуғлашга йўналтирилган ижтимоий ҳимоя сиёсати доирасида изчил ислоҳотлар амалга оширилмоқда.
Ушбу ислоҳотлар доирасида пенсия тизимини такомиллаштиришга, пенсиялар миқдорини мунтазам ошириб боришга алоҳида аҳамият қаратилмоқда. Жумладан, фуқароларнинг оворагарчилигини бартараф этиш, бюрократик тўсиқларни қисқартириш, шунингдек қонунчилик базасини такомиллаштириш мақсадида фуқаронинг 2005 йил 1 январдан аввалги давр учун иш стажи шахснинг меҳнат дафтарчасидаги мавжуд ёзувлар асосида, ҳеч қандай тасдиқловчи ҳужжатлар талаб этилмасдан белгиланиши, пенсия ва нафақалар фуқаронинг хоҳишига кўра рўйхатга олинган доимий яшаш ёки вақтинча турган жойи бўйича тайинланиши ва тўланиши, уч йил ва ундан аввал тайинланган, қайта ҳисобланган пенсияларнинг текширилишига йўл қўйилмаслиги ҳамда аёлларга пенсия ҳисоблашда уларнинг болани парваришлаш таътилида бўлиш вақтидаги қўшиб ҳисобланадиган иш стажи даври икки баробарга, яъни уч йилдан олти йилга оширилганлиги пенсия тизими ислоҳотидаги муҳим қадамлар бўлди.
Шу билан бирга, Янги Ўзбекистоннинг тараққиёт стратегияси доирасида давлат пенсия таъминоти тизимини такомиллаштириш ҳамда фуқароларнинг пенсия миқдорлари мамлакатнинг иқтисодий кўрсаткичларига мувофиқ изчил ошириб борилишини таъминлаш устувор вазифа сифатида белгиланган.
Ушбу Қонунда ёшга доир, ногиронлик ҳамда боқувчисини йўқотганлик пенсияларини ҳисоблаб чиқариш учун қабул қилинадиган ўртача ойлик иш ҳақининг энг кўп миқдорини пенсияни ҳисоблаш базавий миқдорининг ўн баробаридан ўн икки баробаригача ошириш назарда тутилмоқда.
Қонунда таклиф этилаётган янги нормалар пенсионерларнинг моддий фаровонлигини янада оширишга ва ижтимоий адолат принципларини мустаҳкамлашга хизмат қилади.
1-модда. Ўзбекистон Республикасининг 1993 йил 3 сентябрда қабул қилинган «Фуқароларнинг давлат пенсия таъминоти тўғрисида»ги 938-XII-сонли Қонунига (Ўзбекистон Республикаси Олий Кенгашининг Ахборотномаси, 1993 йил, № 9, 338-модда; Ўзбекистон Республикаси Олий Мажлисининг Ахборотномаси, 1995 йил, № 12, 269-модда; 1997 йил, № 4-5, 126-модда; 1998 йил, № 9, 181-модда; 1999 йил, № 5, 112-модда; 2001 йил, № 5, 89-модда; 2002 йил, № 4-5, 74-модда; Ўзбекистон Республикаси Олий Мажлиси палаталарининг Ахборотномаси, 2005 йил, № 5, 152-модда; 2007 йил, № 12, 590, 608-моддалар; 2008 йил, № 12, 640-модда; 2010 йил, № 5, 178-модда, № 9, 334-модда, № 12, 472-модда; 2012 йил, № 1, 4-модда; 2013 йил, № 10, 263-модда; 2014 йил, № 12, 341-модда; 2016 йил, № 4, 125-модда, № 12, 383, 384-моддалар; 2018 йил, № 1, 1-модда, № 10, 676-модда, № 12, 783-модда; 2019 йил, № 5, 265-модда, № 8, 469-модда, № 9, 592-модда, № 11, 792-модда, № 12, 880-модда; 2020 йил, № 11, 652-модда; 2021 йил, 4-сонга илова, № 10, 973-модда; 2022 йил, № 2, 79-модда, № 5, 464-модда) қуйидаги ўзгартишлар киритилсин:
1) 27-модданинг иккинчи қисмидаги «ўн» деган сўз «ўн икки» деган сўзлар билан алмаштирилсин;
2) 31-модданинг олтинчи қисмидаги «ўн» деган сўз «ўн икки» деган сўзлар билан алмаштирилсин;
3) 66-модданинг учинчи қисмидаги «Аҳолини иш билан таъминлашга кўмаклашувчи жамғарма» деган сўзлар «Ўзбекистон Республикаси Бандликка кўмаклашиш давлат жамғармаси» деган сўзлар билан алмаштирилсин.
2-модда. Ўзбекистон Республикаси Молия вазирлиги, Адлия вазирлиги ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
3-модда. Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
давлат бошқаруви органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.
4-модда. Ушбу Қонун расмий эълон қилинган кундан эътиборан кучга киради.
Ушбу Қонун 1-моддасининг 1 ва 2-бандлари 2023 йил 1 январдан эътиборан амалга киритилади.
Ўзбекистон Республикасининг Президенти Ш. МИРЗИЁЕВ
Тошкент ш.,
2022 йил 19 сентябрь,
ЎРҚ-791-сон
Oʻzbekiston Respublikasining Qonuni
“Fuqarolarning davlat pensiya taʼminoti toʻgʻrisida”gi Oʻzbekiston Respublikasi Qonuniga oʻzgartishlar kiritish haqida
Qonunchilik palatasi tomonidan 2022-yil 15-iyulda qabul qilingan Senat tomonidan 2022-yil 13-sentabrda maʼqullangan
Soʻnggi yillarda mamlakatimizda inson qadrini ulugʻlashga yoʻnaltirilgan ijtimoiy himoya siyosati doirasida izchil islohotlar amalga oshirilmoqda.
Ushbu islohotlar doirasida pensiya tizimini takomillashtirishga, pensiyalar miqdorini muntazam oshirib borishga alohida ahamiyat qaratilmoqda. Jumladan, fuqarolarning ovoragarchiligini bartaraf etish, byurokratik toʻsiqlarni qisqartirish, shuningdek qonunchilik bazasini takomillashtirish maqsadida fuqaroning 2005-yil 1-yanvardan avvalgi davr uchun ish staji shaxsning mehnat daftarchasidagi mavjud yozuvlar asosida, hech qanday tasdiqlovchi hujjatlar talab etilmasdan belgilanishi, pensiya va nafaqalar fuqaroning xohishiga koʻra roʻyxatga olingan doimiy yashash yoki vaqtincha turgan joyi boʻyicha tayinlanishi va toʻlanishi, uch yil va undan avval tayinlangan, qayta hisoblangan pensiyalarning tekshirilishiga yoʻl qoʻyilmasligi hamda ayollarga pensiya hisoblashda ularning bolani parvarishlash taʼtilida boʻlish vaqtidagi qoʻshib hisoblanadigan ish staji davri ikki barobarga, yaʼni uch yildan olti yilga oshirilganligi pensiya tizimi islohotidagi muhim qadamlar boʻldi.
Shu bilan birga, Yangi Oʻzbekistonning taraqqiyot strategiyasi doirasida davlat pensiya taʼminoti tizimini takomillashtirish hamda fuqarolarning pensiya miqdorlari mamlakatning iqtisodiy koʻrsatkichlariga muvofiq izchil oshirib borilishini taʼminlash ustuvor vazifa sifatida belgilangan.
Ushbu Qonunda yoshga doir, nogironlik hamda boquvchisini yoʻqotganlik pensiyalarini hisoblab chiqarish uchun qabul qilinadigan oʻrtacha oylik ish haqining eng koʻp miqdorini pensiyani hisoblash bazaviy miqdorining oʻn barobaridan oʻn ikki barobarigacha oshirish nazarda tutilmoqda.
Qonunda taklif etilayotgan yangi normalar pensionerlarning moddiy farovonligini yanada oshirishga va ijtimoiy adolat prinsiplarini mustahkamlashga xizmat qiladi.
1-modda. Oʻzbekiston Respublikasining 1993-yil 3-sentabrda qabul qilingan “Fuqarolarning davlat pensiya taʼminoti toʻgʻrisida”gi 938-XII-sonli Qonuniga (Oʻzbekiston Respublikasi Oliy Kengashining Axborotnomasi, 1993-yil, № 9, 338-modda; Oʻzbekiston Respublikasi Oliy Majlisining Axborotnomasi, 1995-yil, № 12, 269-modda; 1997-yil, № 4-5, 126-modda; 1998-yil, № 9, 181-modda; 1999-yil, № 5, 112-modda; 2001-yil, № 5, 89-modda; 2002-yil, № 4-5, 74-modda; Oʻzbekiston Respublikasi Oliy Majlisi palatalarining Axborotnomasi, 2005-yil, № 5, 152-modda; 2007-yil, № 12, 590, 608-moddalar; 2008-yil, № 12, 640-modda; 2010-yil, № 5, 178-modda, № 9, 334-modda, № 12, 472-modda; 2012-yil, № 1, 4-modda; 2013-yil, № 10, 263-modda; 2014-yil, № 12, 341-modda; 2016-yil, № 4, 125-modda, № 12, 383, 384-moddalar; 2018-yil, № 1, 1-modda, № 10, 676-modda, № 12, 783-modda; 2019-yil, № 5, 265-modda, № 8, 469-modda, № 9, 592-modda, № 11, 792-modda, № 12, 880-modda; 2020-yil, № 11, 652-modda; 2021-yil, 4-songa ilova, № 10, 973-modda; 2022-yil, № 2, 79-modda, № 5, 464-modda) quyidagi oʻzgartishlar kiritilsin:
1) 27-moddaning ikkinchi qismidagi “oʻn” degan soʻz “oʻn ikki” degan soʻzlar bilan almashtirilsin;
2) 31-moddaning oltinchi qismidagi “oʻn” degan soʻz “oʻn ikki” degan soʻzlar bilan almashtirilsin;
3) 66-moddaning uchinchi qismidagi “Aholini ish bilan taʼminlashga koʻmaklashuvchi jamgʻarma” degan soʻzlar “Oʻzbekiston Respublikasi Bandlikka koʻmaklashish davlat jamgʻarmasi” degan soʻzlar bilan almashtirilsin.
2-modda. Oʻzbekiston Respublikasi Moliya vazirligi, Adliya vazirligi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
3-modda. Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.
4-modda. Ushbu Qonun rasmiy eʼlon qilingan kundan eʼtiboran kuchga kiradi.
Ushbu Qonun 1-moddasining 1 va 2-bandlari 2023-yil 1-yanvardan eʼtiboran amalga kiritiladi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2022-yil 19-sentabr,
OʻRQ-791-son
Закон Республики Узбекистан
О внесении изменений в Закон Республики Узбекистан «О государственном пенсионном обеспечении граждан»
Принят Законодательной палатой 15 июля 2022 года Одобрен Сенатом 13 сентября 2022 года
В последние годы в нашей стране в рамках политики социальной защиты, направленной на возвышение человеческого достоинства, осуществляются последовательные реформы.
В ходе данных реформ особое внимание уделяется совершенствованию пенсионной системы, регулярному увеличению размеров пенсий. В частности, в целях устранения излишней волокиты для граждан, уменьшения бюрократических барьеров, а также совершенствования законодательной базы важным шагом в реформировании пенсионной системы стало определение трудового стажа граждан за период до 1 января 2005 года на основе имеющихся записей в трудовой книжке лица без истребования каких-либо подтверждающих документов, назначение и выплата пенсий и пособий по желанию гражданина по месту постоянной регистрации или месту временного пребывания, недопущение проверки пенсий, назначенных, пересчитанных за три года и ранее, а также при начислении пенсий женщинам удвоение стажа работы, в течение которого они находятся в отпуске по уходу за ребенком, то есть с трех лет до шести лет.
Вместе с тем в качестве приоритетной задачи в рамках Стратегии развития Нового Узбекистана определено совершенствование системы государственного пенсионного обеспечения и обеспечение последовательного повышения размеров пенсий граждан в соответствии с экономическими показателями страны.
Настоящим Законом предусматривается увеличение максимального размера среднемесячной заработной платы, принимаемой для исчисления пенсий по возрасту, по инвалидности и по случаю потери кормильца, с десятикратного до двенадцатикратного размера базовой величины исчисления пенсии.
Предлагаемые законом новые нормы послужат дальнейшему повышению материального благосостояния пенсионеров и укреплению принципов социальной справедливости.
Статья 1. Внести в Закон Республики Узбекистан от 3 сентября 1993 года № 938-XII «О государственном пенсионном обеспечении граждан» (Ведомости Верховного Совета Республики Узбекистан, 1993 г., № 9, ст. 338; Ведомости Олий Мажлиса Республики Узбекистан, 1995 г., № 12, ст. 269; 1997 г., № 4-5, ст. 126; 1998 г., № 9, ст. 181; 1999 г., № 5, ст. 112; 2001 г., № 5, ст. 89; 2002 г., № 4-5, ст. 74; Ведомости палат Олий Мажлиса Республики Узбекистан, 2005 г., № 5, ст. 152; 2007 г., № 12, ст.ст. 590, 608; 2008 г., № 12, ст. 640; 2010 г., № 5, ст. 178, № 9, ст. 334, № 12, ст. 472; 2012 г., № 1, ст. 4; 2013 г., № 10, ст. 263; 2014 г., № 12, ст. 341; 2016 г., № 4, ст. 125, № 12, ст.ст. 383, 384; 2018 г., № 1, ст. 1, № 10, ст. 676, № 12, ст. 783; 2019 г., № 5, ст. 265, № 8, ст. 469, № 9, ст. 592, № 11, ст. 792, № 12, ст. 880; 2020 г., № 11, ст. 652; 2021 г., приложение к № 4, № 10, ст. 973; 2022 г., № 2, ст. 79, № 5, ст. 464) следующие изменения:
1) в части второй статьи 27 слово «десятикратного» заменить словом «двенадцатикратного»;
2) в части шестой статьи 31 слово «десятикратного» заменить словом «двенадцатикратного»;
3) в части третьей статьи 66 слова «Фонда содействия занятости населения» заменить словами «Государственного фонда содействия занятости Республики Узбекистан».
Статья 2. Министерству финансов, Министерству юстиции Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.
Статья 3. Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену органами государственного управления их нормативно-правовых актов, противоречащих настоящему Закону.
Статья 4. Настоящий Закон вступает в силу со дня его официального опубликования.
Пункты 1 и 2 статьи 1 настоящего Закона вводятся в действие с 1 января 2023 года.
Президент Республики Узбекистан Ш. МИРЗИЁЕВ
г. Ташкент,
19 сентября 2022 г.,
№ ЗРУ-791