📅 2022-yil 22-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 22 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 22 сентября 2022 г. · Постановления Президента
Официальный текст. Официальный документ. Редакционные примечания не включены.
📅 22 September 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ипотека кредитидан фойдаланишда аҳолига қўшимча қулайликлар яратиш чора-тадбирлари тўғрисида
Уй-жой шароитини яхшилашга муҳтож аҳолини қўллаб-қувватлаш, ипотека кредити механизмларидан фойдаланиш амалиётини янада такомиллаштириш ва кенгайтириш мақсадида:
1. Шундай тартиб ўрнатилсинки, унга мувофиқ 2023 йил 1 январдан бошлаб дастлабки бадалнинг ва ипотека кредити бўйича фоизларнинг бир қисмини қоплаш учун субсидия берилган фуқароларнинг уй-жойларни сотиб олиш, қуриш ёки реконструкция қилиш учун олинган ипотека кредитларини ҳамда улар бўйича ҳисобланган фоизларни тўлаш учун йўналтирилган иш ҳақи ва бошқа даромадлари жисмоний шахслардан олинадиган даромад солиғига тортилмайди.
2. Белгилаб қўйилсинки:
мазкур қарорнинг 1-бандида кўзда тутилган имтиёз қарз олувчи ва бирга қарз олувчилар даромадининг бир солиқ даврида меҳнатга ҳақ тўлаш энг кам миқдорининг саксон бараваридан ошмаган қисмига татбиқ этилади;
2023 йилдан бошлаб ипотека кредити ҳисобига сотиб олинган, қурилган ва реконструкция қилинган мол-мулк унга бўлган ҳуқуқ давлат рўйхатидан ўтказилган санадан эътиборан ўттиз олти ой ичида бегоналаштирилганда, мазкур қарорнинг 1-бандида назарда тутилган даромадлар белгиланган тартибда солиққа тортилади.
3. 2022 йил 1 ноябрдан бошлаб, хусусий пудрат ташкилотлари томонидан тайёр ҳолда топшириш шартисиз қурилган уйлардаги квартираларни (хоналарга бўлинган ва пардоз ишларига тайёр) бирламчи уй-жой бозорида сотиб олиш учун ипотека кредитларини ажратишга ҳамда улар бўйича дастлабки бадалнинг ва ипотека кредити бўйича фоизларнинг бир қисмини қоплаш учун субсидия тўлашга рухсат берилсин.
4. 2021 йилда янги тартиб асосида ипотека кредитлари ажратишнинг мақсадли параметрлари доирасида берилган субсидия ажратиш тўғрисидаги хабарномаларнинг амал қилиш муддати 2022 йил 31 декабрга қадар узайтирилсин.
5. Иқтисодиёт ва молия вазирлигининг халқаро молия ташкилотларидан Давлат бюджетини қўллаб-қувватлаш учун жалб этилган маблағлар ҳисобидан «Ўзбекистон ипотекани қайта молиялаштириш компанияси» АЖга (кейинги ўринларда — Компания) тижорат банклари томонидан аҳолига берилган ёки бериладиган ипотека кредитларини қайта молиялаштириш учун 3 йил муддатга 12 фоиз ставкада ва фоиз тўловларини ҳар 6 ойда тўлаш шарти билан 300 миллиард сўмгача бюджет ссудасини ажратиш тўғрисидаги таклифи маъқуллансин.
Бунда, Компания томонидан:
ресурслар тижорат банкларига 1 фоиздан кўп бўлмаган миқдорда маржа қўлланилган ҳолда жойлаштирилади;
бюджет ссудасини қоплаб бериш учун қайтариладиган 300 миллиард сўмгача маблағлар Компаниянинг устав капиталидаги давлат улушини оширишга йўналтирилади.
6. Қорақалпоғистон Республикаси Вазирлар Кенгаши Раиси ва вилоятлар ҳокимлари йил якунига қадар:
уй-жойларни сотиб олиш ва ипотека кредитларини расмийлаштириш жараёнларида фуқароларга қўшимча қулайликлар яратиш мақсадида вилоятлар марказларида Тошкент шаҳри тажрибаси асосида ипотека марказларини ташкил этиш;
ипотека марказларида ҳудудда уй-жой қурилишини амалга ошираётган қурилиш-пудрат (девелопер) ташкилотларининг сотув офисларини, тижорат банкларининг банк бурчаги ва кассаларини ҳамда хусусий нотариал идораларни жойлаштириш чораларини кўрсин.
7. Вазирлар Маҳкамаси бир ҳафта муддатда аҳолига уй-жой сотиб олиш ёки якка тартибдаги уй-жойларни қуриш ва реконструкция қилиш учун субсидия ажратиш жараёнларини рақамлаштириш, шунингдек, ипотека кредити ажратиш тартибини соддалаштиришни назарда тутувчи қарорни қабул қилсин.
8. Иқтисодиёт ва молия вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
9. Мазкур қарорнинг ижросини самарали ташкил қилишга масъул ва шахсий жавобгар этиб иқтисодиёт ва молия вазирининг биринчи ўринбосари И.И. Норқулов белгилансин.
Қарор ижроси учун масъул идоралар фаолиятини мувофиқлаштириш ва назорат қилиш Бош вазир ўринбосари Ж.А. Қўчқоров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 22 сентябрь,
ПҚ-377-сон
Oʻzbekiston Respublikasi Prezidentining
Qarori
Ipoteka kreditidan foydalanishda aholiga qoʻshimcha qulayliklar yaratish chora-tadbirlari toʻgʻrisida
Uy-joy sharoitini yaxshilashga muhtoj aholini qoʻllab-quvvatlash, ipoteka krediti mexanizmlaridan foydalanish amaliyotini yanada takomillashtirish va kengaytirish maqsadida:
1. Shunday tartib oʻrnatilsinki, unga muvofiq 2023-yil 1-yanvardan boshlab dastlabki badalning va ipoteka krediti boʻyicha foizlarning bir qismini qoplash uchun subsidiya berilgan fuqarolarning uy-joylarni sotib olish, qurish yoki rekonstruksiya qilish uchun olingan ipoteka kreditlarini hamda ular boʻyicha hisoblangan foizlarni toʻlash uchun yoʻnaltirilgan ish haqi va boshqa daromadlari jismoniy shaxslardan olinadigan daromad soligʻiga tortilmaydi.
2. Belgilab qoʻyilsinki:
mazkur qarorning 1-bandida koʻzda tutilgan imtiyoz qarz oluvchi va birga qarz oluvchilar daromadining bir soliq davrida mehnatga haq toʻlash eng kam miqdorining sakson baravaridan oshmagan qismiga tatbiq etiladi;
2023-yildan boshlab ipoteka krediti hisobiga sotib olingan, qurilgan va rekonstruksiya qilingan mol-mulk unga boʻlgan huquq davlat roʻyxatidan oʻtkazilgan sanadan eʼtiboran oʻttiz olti oy ichida begonalashtirilganda, mazkur qarorning 1-bandida nazarda tutilgan daromadlar belgilangan tartibda soliqqa tortiladi.
3. 2022-yil 1-noyabrdan boshlab, xususiy pudrat tashkilotlari tomonidan tayyor holda topshirish shartisiz qurilgan uylardagi kvartiralarni (xonalarga boʻlingan va pardoz ishlariga tayyor) birlamchi uy-joy bozorida sotib olish uchun ipoteka kreditlarini ajratishga hamda ular boʻyicha dastlabki badalning va ipoteka krediti boʻyicha foizlarning bir qismini qoplash uchun subsidiya toʻlashga ruxsat berilsin.
4. 2021-yilda yangi tartib asosida ipoteka kreditlari ajratishning maqsadli parametrlari doirasida berilgan subsidiya ajratish toʻgʻrisidagi xabarnomalarning amal qilish muddati 2022-yil 31-dekabrga qadar uzaytirilsin.
5. Iqtisodiyot va moliya vazirligining xalqaro moliya tashkilotlaridan Davlat budjetini qoʻllab-quvvatlash uchun jalb etilgan mablagʻlar hisobidan “Oʻzbekiston ipotekani qayta moliyalashtirish kompaniyasi” AJga (keyingi oʻrinlarda — Kompaniya) tijorat banklari tomonidan aholiga berilgan yoki beriladigan ipoteka kreditlarini qayta moliyalashtirish uchun 3 yil muddatga 12 foiz stavkada va foiz toʻlovlarini har 6 oyda toʻlash sharti bilan 300 milliard soʻmgacha budjet ssudasini ajratish toʻgʻrisidagi taklifi maʼqullansin.
Bunda, Kompaniya tomonidan:
resurslar tijorat banklariga 1 foizdan koʻp boʻlmagan miqdorda marja qoʻllanilgan holda joylashtiriladi;
budjet ssudasini qoplab berish uchun qaytariladigan 300 milliard soʻmgacha mablagʻlar Kompaniyaning ustav kapitalidagi davlat ulushini oshirishga yoʻnaltiriladi.
6. Qoraqalpogʻiston Respublikasi Vazirlar Kengashi Raisi va viloyatlar hokimlari yil yakuniga qadar:
uy-joylarni sotib olish va ipoteka kreditlarini rasmiylashtirish jarayonlarida fuqarolarga qoʻshimcha qulayliklar yaratish maqsadida viloyatlar markazlarida Toshkent shahri tajribasi asosida ipoteka markazlarini tashkil etish;
ipoteka markazlarida hududda uy-joy qurilishini amalga oshirayotgan qurilish-pudrat (developer) tashkilotlarining sotuv ofislarini, tijorat banklarining bank burchagi va kassalarini hamda xususiy notarial idoralarni joylashtirish choralarini koʻrsin.
7. Vazirlar Mahkamasi bir hafta muddatda aholiga uy-joy sotib olish yoki yakka tartibdagi uy-joylarni qurish va rekonstruksiya qilish uchun subsidiya ajratish jarayonlarini raqamlashtirish, shuningdek, ipoteka krediti ajratish tartibini soddalashtirishni nazarda tutuvchi qarorni qabul qilsin.
8. Iqtisodiyot va moliya vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
9. Mazkur qarorning ijrosini samarali tashkil qilishga masʼul va shaxsiy javobgar etib iqtisodiyot va moliya vazirining birinchi oʻrinbosari I.I. Norqulov belgilansin.
Qaror ijrosi uchun masʼul idoralar faoliyatini muvofiqlashtirish va nazorat qilish Bosh vazir oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 22-sentabr,
PQ-377-son
Президента Республики Узбекистан
Постановление
О мерах по созданию дополнительных удобств населению при использовании ипотечных кредитов
В целях поддержки населения, нуждающегося в улучшении жилищных условий, дальнейшего совершенствования и расширения практики использования механизмов ипотечного кредитования:
1. Установить порядок, в соответствии с которым начиная с 1 января 2023 года заработная плата и другие доходы граждан, которым выдана субсидия на компенсацию части первоначального взноса и части процентов по ипотечному кредиту, направляемые на погашение ипотечных кредитов, полученных для приобретения, строительства или реконструкции жилья и начисленных на них процентов, не облагаются налогом на доход физических лиц.
2. Установить, что:
льгота, указанная в пункте 1 настоящего постановления, распространяется на заемщика и созаемщиков в части доходов, не превышающей восьмидесятикратного размера минимальной оплаты труда в течение одного налогового периода;
с 2023 года при отчуждении имущества, приобретенного, построенного или реконструированного за счет ипотечного кредита, в течение тридцати шести месяцев с даты государственной регистрации прав на имущество доходы, указанные в пункте 1 настоящего постановления, подлежат налогообложению в установленном порядке.
3. Разрешить начиная с 1 ноября 2022 года выделение ипотечных кредитов на приобретение на первичном рынке жилья квартир в домах, построенных частными подрядными организациями, без условия сдачи «под ключ» (разделенных на комнаты и подготовленных для отделочных работ), а также выплату субсидий на компенсацию части первоначального взноса и части процентов по ипотечному кредиту.
4. Продлить до 31 декабря 2022 года срок действия уведомлений о выделении субсидий, предоставленных в рамках целевых параметров выделения ипотечных кредитов в 2021 году в соответствии с новым порядком.
5. Одобрить предложение Министерства экономики и финансов о выделении АО «Компания по рефинансированию ипотеки Узбекистана» (далее — Компания) бюджетной ссуды до 300 миллиардов сумов за счет привлеченных средств международных финансовых организаций для поддержки Государственного бюджета сроком на 3 года по ставке 12 процентов с условием осуществления процентных платежей каждые 6 месяцев для рефинансирования ипотечных кредитов, выделенных или выделяемых коммерческими банками населению.
При этом:
ресурсы размещаются Компанией в коммерческих банках с маржей не более 1 процента;
средства, подлежащие возврату Компанией для погашения бюджетной ссуды в размере до 300 миллиардов сумов, направляются на увеличение доли государства в уставном капитале Компании.
6. Председателю Совета Министров Республики Каракалпакстан и хокимам областей до конца года принять меры по:
созданию ипотечных центров в областных центрах на основе опыта города Ташкента в целях создания дополнительных удобств гражданам в процессах приобретения жилья и оформления ипотечных кредитов;
размещению в ипотечных центрах офисов продаж строительно-подрядных организаций (девелоперов), осуществляющих строительство жилья в регионе, уголков и касс коммерческих банков, а также частных нотариальных контор.
7. Кабинету Министров в недельный срок принять решение , предусматривающее цифровизацию процессов выделения субсидии населению для приобретения жилья или строительства и реконструкции индивидуального жилья, а также упрощение порядка выделения ипотечных кредитов.
8. Министерству экономики и финансов совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
9. Возложить на первого заместителя министра экономики и финансов И.И. Норкулова персональную ответственность за эффективную организацию исполнения настоящего постановления.
Осуществление координации и контроля за деятельностью ведомств, ответственных за исполнение настоящего постановления, возложить на заместителя Премьер-министра Д.А. Кучкарова.
Президент Республики Узбекистан Ш. МИРЗИЁЕВ
г. Ташкент,
22 сентября 2022 г.,
№ ПП-377