📅 2022-yil 27-sentabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 27 сентябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 27 сентября 2022 г. · Постановления Кабинета Министров
Официальный текст. Официальный документ. Редакционные примечания не включены.
📅 27 September 2022 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
ТАВСИФИ
ТАВСИФИ
СХЕМАСИ
НИЗОМ
ТАВСИФИ
ТАВСИФИ
СХЕМАСИ
«Ўзбекистон Республикаси ветеринария фидойиси» ва «Ўзбекистон Республикаси чорвачилик фидокори» кўкрак нишонлари тўғрисидаги низомларни тасдиқлаш ҳақида
Ўзбекистон Республикаси Президентининг «Ўзбекистон Республикасида чорвачилик соҳаси ва унинг тармоқларини ривожлантириш бўйича 2022 — 2026 йилларга мўлжалланган дастурни тасдиқлаш тўғрисида» 2022 йил 8 февралдаги ПҚ-120-сон қарорига мувофиқ, шунингдек, чорва моллари бош сонини барқарор кўпайтиришни таъминлаш, наслчилик ишлари ва ветеринария хизматларини кўрсатиш сифатини янада ошириш, эпизоотик осойишталик ва озиқ-овқат маҳсулотлари хавфсизлигини таъминлаш, озиқа базасини мустаҳкамлаш ва чорвачилик маҳсулотларини саноат усулида ишлаб чиқаришда фидойилик кўрсатаётган ходимларни муносиб рағбатлантириш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Ўзбекистон Республикасида чорвачилик соҳаси ва унинг тармоқларини ривожлантириш бўйича 2022 — 2026 йилларга мўлжалланган дастурни тасдиқлаш тўғрисида» 2022 йил 8 февралдаги ПҚ-120-сон қарори билан «Ветеринария фидойиси» ва «Чорвачилик фидокори» кўкрак нишонлари таъсис этилганлиги маълумот учун қабул қилинсин.
2. Қуйидагилар:
«Ўзбекистон Республикаси ветеринария фидойиси» кўкрак нишони тўғрисидаги низом 1-иловага мувофиқ;
«Ўзбекистон Республикаси ветеринария фидойиси» кўкрак нишони ва унинг гувоҳномаси тавсифлари 1а ва 1б-иловаларга мувофиқ;
«Ўзбекистон Республикаси чорвачилик фидокори» кўкрак нишони тўғрисидаги низом 2-иловага мувофиқ;
«Ўзбекистон Республикаси чорвачилик фидокори» кўкрак нишони ва унинг гувоҳномаси тавсифлари 2а ва 2б-иловаларга мувофиқ тасдиқлансин.
3. Ўзбекистон Республикаси Марказий банкининг «Давлат белгиси» давлат унитар корхонаси Қишлоқ хўжалиги вазирлиги ҳузуридаги Ветеринария ва чорвачиликни ривожлантириш қўмитасининг буюртмасига асосан «Ўзбекистон Республикаси Ветеринария фидойиси» ва «Ўзбекистон Республикаси Чорвачилик фидокори» кўкрак нишонлари ҳамда уларнинг гувоҳномалари белгиланган тартибда тайёрланишини таъминласин.
4. «Ўзбекистон Республикаси Ветеринария фидойиси» ва «Ўзбекистон Республикаси Чорвачилик фидокори» кўкрак нишонлари ва уларнинг гувоҳномаларини тайёрлаш ҳамда мукофотланганларни тақдирлаш билан боғлиқ харажатлар Ўзбекистон Республикаси Қишлоқ хўжалиги вазирлиги ҳузуридаги Ветеринария ва чорвачиликни ривожлантириш қўмитасининг Ветеринария хизмати ва чорвачиликни ривожлантириш жамғармаси маблағлари ҳисобидан қопланиши инобатга олинсин.
5. Мазкур қарорнинг бажарилишини назорат қилиш Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича ўринбосари Ш.М. Ғаниев зиммасига юклансин.
Вазирлар Маҳкамасининг 2022 йил 27 сентябрдаги 526-сон қарорига 1-ИЛОВА
«Ўзбекистон Республикаси ветеринария фидойиси» кўкрак нишони тўғрисида
1-боб. Умумий қоидалар
1. Ушбу Низом «Ўзбекистон Республикаси ветеринария фидойиси» кўкрак нишони (кейинги ўринларда — кўкрак нишони) билан тақдирлаш тартибини белгилайди.
2. Кўкрак нишони билан мамлакатимиз ветеринария соҳасини ривожлантириш, ветеринария назоратини кучайтириш ва ветеринария хизматлари сифатини ошириш, ҳайвонларнинг соғлиғини ҳимоя қилишни самарали ташкил этиш, эпизоотик осойишталик, озиқ-овқат маҳсулотлари хавфсизлигини таъминлаш, соҳага оид илм-фан ютуқларини амалиётга жорий этиш ҳамда замонавий технологиялардан самарали фойдаланишга муносиб ҳисса қўшган Ўзбекистон Республикаси фуқаролари тақдирланади.
3. Кўкрак нишони билан тақдирлаш ушбу Низомга иловада келтирилган схема бўйича амалга оширилади.
2-боб. Кўкрак нишони билан тақдирлаш учун ҳужжатларни тақдим этиш ва кўриб чиқиш
4. Давлат органлари ва ташкилотлари, шунингдек, нодавлат нотижорат ташкилотлари кўкрак нишони билан тақдирлаш учун номзодлар бўйича таклифларни Ўзбекистон Республикаси Қишлоқ хўжалиги вазирлиги ҳузуридаги Ветеринария ва чорвачиликни ривожлантириш қўмитасига (кейинги ўринларда — Қўмита) ҳар йили 1 июлга қадар тақдим этади.
Номзод бўйича тақдим этилган таклифга номзод ҳақида маълумотнома, унинг сўнгги уч йил давомида ветеринария соҳасини ривожлантириш борасида амалга оширган ишлари акс эттирилган тавсифнома илова қилинади.
5. Кўкрак нишони билан тақдирлашга оид таклифларни кўриб чиқиш учун Қўмита раиси томонидан беш нафардан иборат таркибда комиссия (кейинги ўринларда — Комиссия) ташкил этилади.
6. Комиссия таркиби ва Комиссия тўғрисидаги низом Қўмита раиси томонидан тасдиқланади.
7. Ўзбекистон Республикаси Қишлоқ хўжалиги вазирлиги ҳузуридаги Ветеринария ва чорвачиликни ривожлантириш қўмитаси кадрлар бўлими Комиссиянинг ишчи органи ҳисобланади.
8. Комиссия томонидан номзодларни кўриб чиқишда қуйидагилар инобатга олинади:
номзодларнинг мамлакатимизда ветеринария назоратини кучайтириш ва ветеринария хизматлари сифатини ошириш, ҳайвонларнинг соғлиғини ҳимоя қилишни самарали ташкил этиш муҳитини мустаҳкамлаш мақсадида амалга оширган фаолияти;
хорижий мамлакатлар билан ветеринария ва чорвачилик соҳаси бўйича ҳар тарафлама ҳамкорликни ривожлантириш борасидаги фаолияти;
эпизоотик осойишталик, озиқ-овқат маҳсулотлари хавфсизлигини таъминлашга, соҳага оид илм-фан ютуқларини амалиётга жорий этишга, замонавий технологиялардан самарали фойдаланишга муносиб ҳисса қўшганлиги.
9. Комиссия томонидан номзодларнинг ҳужжатлари ҳар томонлама ўрганилиб, ҳар йили 1 августга қадар энг муносиб номзодлар бўйича якуний хулоса қабул қилинади.
3-боб. Кўкрак нишони билан тақдирлаш тартиби
10. Комиссия хулосаси асосида Қўмита раисининг кўкрак нишони билан тақдирлаш тўғрисидаги буйруғи ҳар йили 20 августга қадар чиқарилади.
11. Кўкрак нишони ҳар йили 1 сентябрь — Мустақиллик байрами арафасида Қўмита раиси (ёки унинг топшириғига мувофиқ бошқа масъул шахслар) томонидан тантанали тарзда топширилади.
12. Кўкрак нишони билан тақдирланганларга базавий ҳисоблаш миқдорининг тўрт баравари миқдорида бир йўла тўланадиган пул мукофоти ёки эсдалик совғалари берилади.
Бир йўла тўланадиган пул мукофоти ёки эсдалик совғалари Қўмитанинг Ветеринария хизмати ва чорвачиликни ривожлантириш жамғармаси маблағлари ҳисобидан молиялаштирилади.
13. Кўкрак нишони билан тақдирлаш, истисно тариқасида, Қўмита раиси буйруғига асосан алоҳида ҳолатларда ҳам амалга оширилиши мумкин.
14. Кўкрак нишони билан тақдирланганлар рўйхати Қўмитанинг Интернет жаҳон ахборот тармоғидаги расмий веб-сайтида ва бошқа оммавий ахборот воситаларида эълон қилинади.
15. Бир шахс кўкрак нишони билан бир марта мукофотланади.
16. Кўкрак нишони давлат мукофотларидан кейин кўкракнинг чап томонига тақилади.
4-боб. Якунловчи қоидалар
17. Қўмита ушбу Низомга мувофиқ кўкрак нишонига тавсия этилган номзодлар ҳужжатларининг холис кўриб чиқилиши учун бевосита масъулдир.
18. Мазкур Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.
Вазирлар Маҳкамасининг 2022 йил 27 сентябрдаги 526-сон қарорига 1а-ИЛОВА
«Ўзбекистон Республикаси Ветеринария фидойиси» кўкрак нишонининг
«Ўзбекистон Республикаси Ветеринария фидойиси» кўкрак нишони (кейинги ўринларда — кўкрак нишони) диаметри 34 миллиметрли доира шаклида бўлиб, мис қотишмасидан тайёрланади.
Кўкрак нишонининг марказида зарҳал ва оқ рангларда Ўзбекистон Республикаси ветеринария рамзи тасвири акс эттирилган.
Кўкрак нишонининг айланаси бўйлаб зарҳал ҳошия билан ўралган доира ичида кўк рангли эмаль фонида юқори қисмида «OʻZBEKISTON RESPUBLIKASI», пастки қисмида «VETERINARIYA FIDOYISI» сўзлари ёзилган. Уларни икки ён томондаги оқ рангда тасвирланган саккиз бурчакли юлдуз ажратиб туради. Ҳарфларнинг баландлиги 2,5 миллиметр, ёзувлар зарҳалланган.
Кўкрак нишоннинг орқа томонида Ўзбекистон Республикасининг Давлат герби тасвирланган ҳамда айлана бўйлаб «SOНADAGI KOʻP YILLIK FIDOKORONA MEНNATLARI UCНUN» сўзлари ёзилган.
Кўкрак нишонининг қалинлиги 2,5 миллиметр. Тасвирлар ва ёзувлар қабариқдир. Кўкрак нишони олд ва орқа томонларининг четлари қавариқ доира билан ўралган.
Кўкрак нишони ҳалқа ва илмоқчалар ёрдамида тўғри тўрт бурчак шаклидаги қадағичга уланган. Қадағичнинг эни — 26 миллиметр, бўйи — 17 миллиметрдан иборат.
Қадағич эни 22 миллиметрли кўк рангдаги шойи лента билан қопланган бўлиб, лентанинг ўнг тарафидан эни 1,75 миллиметрли оқ рангдаги 2 та ёнма — ён йўллар туширилган.
Қадағичнинг орқа томонига кўкрак нишонини кийимга тақиб қўйиш учун тўғноғич кўринишидаги мослама ўрнатилган.
Вазирлар Маҳкамасининг 2022 йил 27 сентябрдаги 526-сон қарорига 1б-ИЛОВА
«Ўзбекистон Республикаси ветеринария фидойиси» кўкрак нишони гувоҳномасининг
«Ўзбекистон Республикаси ветеринария фидойиси» кўкрак нишони гувоҳномаси (кейинги ўринларда — гувоҳнома) 160 х 110 миллиметр ўлчамдаги китобча шаклида бўлиб, 240 г/кв.м. қалинликдаги офсет қоғоздан тайёрланади.
Гувоҳноманинг ташқи томони (биринчи ва тўртинчи бетлари) кўк рангда бўлиб, плёнка билан қопланган.
Гувоҳноманинг биринчи бети эни 7,5 миллиметрли, ички бурчаклари айлана шаклида бўлган тўқ кўк рангли ҳошия билан ўралган.
Гувоҳноманинг юқори чеккасидан (биринчи бети) 35 миллиметр пастда, марказда оралиги 3,5 миллиметрли уч сатрдан иборат матн жойлашган. Биринчи сатрда «OʻZBEKIST0N RESPUBLIKASI», иккинчи сатрда «VETERINARIYA FIDOYISI» (катта ҳарфларда, «Times new Roman Bolt» шрифти, 14 кегль), учинчи сатрда «koʻkrak nishoni» («Times new Roman Bolt» шрифти, 14 кегль) сўзлари ёзилган. Ундан 6 миллиметр пастда «GUVOНNOMASI» (катта ҳарфларда, «Times new Roman Bolt» шрифти, 17 кегль) сўзи ёзилган.
Ёзувлар зарҳал рангда акс эттирилган.
Гувоҳноманинг ички томони (иккинчи ва учинчи бетлари) «Тангир» тасвири туширилган оч ҳаво рангда бўлиб, офсет усулида чоп этилган.
Ички томонининг чап қисмида (иккинчи бети), марказда кўкрак нишонининг аслига тенг ўлчамдаги рангли тасвири акс эттирилган.
Гувоҳноманинг ички ўнг томони (учинчи бети) юқори чеккасидан 8 миллиметр пастда, марказда 15 миллиметрли чизиқ ва «-sonli guvohnoma» («Times new Roman Bolt» шрифти, 10 кегль) сўзи жойлашган.
Ундан 10 миллиметр пастда мукофотланган шахснинг фамилияси, исми ва отасининг исмини қайд этиш учун оралиги 8 миллиметрли учта чизиқ тортилган.
Пастки чизиқдан 6 миллиметр қуйида, марказда оралиғи 2 миллиметрли тўрт сатрдан иборат матн жойлашган. Биринчи сатрда «Oʻzbekiston Respublikasi», иккинчи сатрда «Qishloq xoʻjaligi vazirligi huzuridagi», учинчи сатрда «Veterinariya va chorvachilikni» ва тўртинчи сатрда «rivojlantirish qoʻmitasi raisining» («Times new Roman Bolt» шрифти, 10 кегль) сўзлари ёзилган
Ундан 5 миллиметр пастда оралиғи 4 миллиметр бўлган икки сатрдан иборат матн жойлашган. Биринчи сатрда «20___ у. «___» ________dagi», иккинчи сатрда «____-sonli buyrugʻiga asosan» («Times new Roman Bolt» шрифти, 10 кегль) сўзлари ёзилган.
Ундан 5 миллиметр пастда, марказда оралиғи 5 миллиметрли уч сатрдан иборат матн жойлашган. Биринчи сатрда «OʻZBEKIST0N RESPUBLIKASI», иккинчи сатрда «VETERINARIYА FIDOYISI» (катта ҳарфларда, «Times new Roman Bolt» шрифти, 12 кегль), учинчи сатрда «koʻkrak nishoni bilan mukofotlandi» («Times new Roman Bolt» шрифти, 10 кегль) сўзлари ёзилган.
Сўнгги сўзлардан 9 миллиметр пастда, чап томонда «RAIS» (катта ҳарфларда, «Times new Roman Bolt» шрифти, 10 кегль) сўзи ёзилган.
«Ўзбекистон Республикаси ветеринария фидойиси» кўкрак нишони тўғрисидаги низомга ИЛОВА
«Ўзбекистон Республикаси ветеринария фидойиси» кўкрак нишони билан тақдирлаш
Босқичлар Субъектлар Тадбирлар Бажариш муддатлари 1-босқич Давлат органлари ва ташкилотлари, нодавлат нотижорат ташкилотлари «Ўзбекистон Республикаси ветеринария фидойиси» кўкрак нишони (кейинги ўринларда — кўкрак нишони) билан тақдирлаш бўйича таклифларни Ўзбекистон Республикаси Қишлоқ хўжалиги вазирлиги ҳузуридаги Ветеринария ва чорвачиликни ривожлантириш қўмитасига (кейинги ўринларда — Қўмита) тақдим этади. Ҳар йили 1 июлга қадар 2-босқич Кўкрак нишони билан тақдирлашга оид таклифларни кўриб чиқиш бўйича комиссия Кўкрак нишони билан тақдирлаш бўйича номзодлар ҳақидаги тегишли ҳужжатларни ўрганиб чиқади ва якуний хулосани қабул қилади. Ҳар йили 1 августга қадар 3-босқич Қўмита Кўкрак нишони билан тақдирлаш тўғрисида Қўмита раисининг буйруғини чиқаради. Ҳар йили 20 августга қадар 4-босқич Қўмита Кўкрак нишони билан тақдирлайди. Ҳар йили 1 сентябрь — Мустақиллик байрами арафасида
Вазирлар Маҳкамасининг 2022 йил 27 сентябрдаги 526-сон қарорига 2-ИЛОВА
«Ўзбекистон Республикаси чорвачилик фидокори» кўкрак нишони тўғрисида
1-боб. Умумий қоидалар
1. Ушбу Низом «Ўзбекистон Республикаси чорвачилик фидокори» кўкрак нишони (кейинги ўринларда — кўкрак нишони) билан тақдирлаш тартибини белгилайди.
2. Кўкрак нишони билан мамлакатимиз чорвачилигини ва унинг барча тармоқларини барқарор ривожлантириш, чорва молларининг наслини яхшилаш, озиқа базасини мустаҳкамлаш, наслчилик йўналишидаги чорвачилик хўжаликлари фаолиятини ҳамда чорвачилик маҳсулотларини етиштиришда йирик тадбиркорлик субъектлари кўпайтирилиши, наслчилик-селекция ишларини юритишнинг илмий асосланган инновацион услубларини жорий этиш, сунъий уруғлантиришни тизимли ташкил этиш, соҳага оид илм-фан ютуқларини амалиётга жорий этиб, замонавий технологиялардан самарали фойдаланишга муносиб ҳисса қўшган Ўзбекистон Республикаси фуқаролари тақдирланади.
3. Кўкрак нишони билан тақдирлаш тартиби мазкур Низомга иловада келтирилган схема бўйича амалга оширилади.
2-боб. Кўкрак нишони билан тақдирлаш учун ҳужжатларни тақдим этиш ва кўриб чиқиш
4. Давлат органлари ва ташкилотлари, шунингдек, нодавлат нотижорат ташкилотлари кўкрак нишони билан тақдирлаш учун номзодлар бўйича таклифларни Ўзбекистон Республикаси Қишлоқ хўжалиги вазирлиги ҳузуридаги Ветеринария ва чорвачиликни ривожлантириш қўмитасига (кейинги ўринларда — Қўмита) ҳар йили 1 июлга қадар тақдим этади.
Номзод бўйича тақдим этилган таклифга номзод ҳақида маълумотнома, унинг сўнгги уч йил давомида чорвачилик ва унинг барча тармоқлари, шу жумладан, наслчилик соҳасини ривожлантириш борасида амалга оширган ишлари акс эттирилган тавсифнома илова қилинади.
5. Кўкрак нишони билан тақдирлашга оид таклифларни кўриб чиқиш учун Қўмита раиси томонидан беш нафардан иборат таркибда комиссия (кейинги ўринларда — Комиссия) ташкил этилади.
6. Комиссия таркиби ва Комиссия тўғрисидаги низом Қўмита раиси томонидан тасдиқланади.
7. Кадрлар бўлими Комиссиянинг ишчи органи ҳисобланади.
8. Комиссия томонидан номзодларни кўриб чиқишда қуйидагилар инобатга олинади:
номзодларнинг мамлакатимизда йирик ва майда шохли чорва моллари бош сонини кўпайтириш, озиқа базасини мустаҳкамлаш, наслчилик ишларини яхшилаш ҳамда соҳага инновацион ишланмаларни жорий қилиш борасидаги фаолияти;
хорижий мамлакатлар билан чорвачилик соҳаси бўйича ҳар тарафлама ҳамкорликни ривожлантириш борасидаги фаолияти;
эпизоотик осойишталик, озиқ-овқат маҳсулотлари хавфсизлигини таъминлаш, соҳага оид илм-фан ютуқларини амалиётга жорий этишга, замонавий технологиялардан самарали фойдаланишга муносиб ҳисса қўшганлиги.
9. Комиссия томонидан номзодларнинг ҳужжатлари ўрганилиб, ҳар йили 1 августга қадар энг муносиб номзодлар бўйича якуний хулоса қабул қилинади.
3-боб. Кўкрак нишони билан тақдирлаш тартиби
10. Комиссия хулосаси асосида Қўмита раисининг кўкрак нишони билан тақдирлаш тўғрисидаги буйруғи ҳар йили 20 августга қадар чиқарилади.
11. Кўкрак нишони ҳар йили 1 сентябрь — Мустақиллик байрами арафасида Қўмита раиси (ёки унинг топшириғига мувофиқ бошқа масъул шахслар) томонидан тантанали тарзда топширилади.
12. Кўкрак нишони билан тақдирланганларга базавий ҳисоблаш миқдорининг тўрт баравари миқдорида бир йўла тўланадиган пул мукофоти ёки эсдалик совғалари берилади.
Бир йўла тўланадиган пул мукофоти ёки эсдалик совғалари Қўмитанинг Ветеринария хизмати ва чорвачиликни ривожлантириш жамғармаси маблағлари ҳисобидан тўланади.
13. Кўкрак нишони билан тақдирлаш, истисно тариқасида, Қўмита раиси буйруғига асосан алоҳида ҳолатларда ҳам амалга оширилиши мумкин.
14. Кўкрак нишони билан тақдирланганлар рўйхати Қўмитанинг Интернет жаҳон ахборот тармоғидаги расмий веб-сайтида ва бошқа оммавий ахборот воситаларида эълон қилинади.
15. Бир шахс кўкрак нишони билан бир марта мукофотланади.
16. Кўкрак нишони давлат мукофотларидан кейин кўкракнинг чап томонига тақилади.
4-боб. Якунловчи қоидалар
17. Қўмита ушбу Низомга мувофиқ кўкрак нишонига тавсия этилган номзодлар ҳужжатларининг холис кўриб чиқилиши учун бевосита масъулдир.
18. Мазкур Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.
Вазирлар Маҳкамасининг 2022 йил 27 сентябрдаги 526-сон қарорига 2а-ИЛОВА
«Ўзбекистон Республикаси Чорвачилик фидокори» кўкрак нишонининг
«Ўзбекистон Республикаси чорвачилик фидокори» кўкрак нишони (кейинги ўринларда — кўкрак нишони) диаметри 34 миллиметрли доира шаклида бўлиб, мис қотишмасидан тайёрланади.
Кўкрак нишонининг олд томони марказида, атрофида чорва молларига меҳр билан ёндашаётган ва улардан завқланиб ўтирган чорвадор композицияси зарҳал рангда тасвирланган. Тасвирлар қавариқ бўлиб, тилла рангда акс эттирилган.
Кўкрак нишонининг айланаси бўйлаб зарҳал ҳошия билан ўралган доира ичида яшил рангли эмаль фонида юқори қисмида «OʻZBEKISTON RESPUBLIKASI», пастки қисмида «CНORVACНILIK FIDOKORI» сўзлари ёзилган. Уларни икки ён томондаги оқ рангда тасвирланган саккиз бурчакли юлдуз ажратиб туради. Ҳарфларнинг баландлиги 2,5 миллиметр, ёзувлар зарҳалланган.
Кўкрак нишоннинг орқа томонида Ўзбекистон Республикасининг Давлат герби тасвирланган ҳамда айлана бўйлаб «SOНADAGI KOʻP YILLIK FIDOKORONA MEНNATLARI UCНUN» сўзлари ёзилган.
Кўкрак нишонининг қалинлиги 2,5 миллиметр. Тасвирлар ва ёзувлар қабариқдир. Кўкрак нишони олд ва орқа томонларининг четлари қавариқ доира билан ўралган.
Кўкрак нишони ҳалқа ва илмоқчалар ёрдамида тўғри тўрт бурчак шаклидаги қадағичга уланган. Қадағичнинг эни — 26 миллиметр, бўйи — 17 миллиметрдан иборат.
Қадағич эни 22 миллиметрли яшил рангдаги шойи лента билан қопланган бўлиб, лентанинг ўнг тарафидан эни 1,75 миллиметрли оқ рангдаги 2 та ёнма ён йўллар туширилган.
Қадағичнинг орқа томонига кўкрак нишонини кийимга тақиб қўйиш учун тўғноғич кўринишидаги мослама ўрнатилган.
Вазирлар Маҳкамасининг 2022 йил 27 сентябрдаги 526-сон қарорига 2б-ИЛОВА
«Ўзбекистон Республикаси чорвачилик фидокори» кўкрак нишони гувоҳномасининг
«Ўзбекистон Республикаси чорвачилик фидокори» кўкрак нишони гувоҳномаси (кейинги ўринларда — гувоҳнома) 160х110 миллиметр ўлчамдаги китобча шаклида бўлиб, 240 г/кв.м. қалинликдаги офсет қоғоздан тайёрланади.
Гувоҳноманинг ташқи томони (биринчи ва тўртинчи бетлари) яшил рангда бўлиб, плёнка билан қопланган.
Гувоҳноманинг биринчи бети эни 7,5 миллиметрли, ички бурчаклари айлана шаклида бўлган тўқ яшил рангли ҳошия билан ўралган.
Гувоҳноманинг юқори чеккасидан (биринчи бети) 35 миллиметр пастда, марказда оралиги 3,5 миллиметрли уч сатрдан иборат матн жойлашган. Биринчи сатрда «OʻZBEKISTON RESPUBLIKASI», иккинчи сатрда «CНORVACНILIK FIDOKORI» (катта ҳарфларда, «Times new Roman Bolt» шрифти, 14 кегль), учинчи сатрда «koʻkrak nishoni» («Times new Roman Bolt» шрифти, 14 кегль) сўзлари ёзилган. Ундан 6 миллиметр пастда «GUVOНNOMASI» (катта ҳарфларда, «Times new Roman Bolt» шрифти, 17 кегль) сўзи ёзилган.
Ёзувлар зарҳал рангда акс эттирилган.
Гувоҳноманинг ички томони (иккинчи ва учинчи бетлари) «Тангир» тасвири туширилган оч ҳаво рангда бўлиб, офсет усулида чоп этилган.
Ички томонининг чап қисмида (иккинчи бети), марказда кўкрак нишонининг аслига тенг ўлчамдаги рангли тасвири акс эттирилган.
Гувоҳноманинг ички ўнг томони (учинчи бети) юқори чеккасидан 8 миллиметр пастда, марказда 15 миллиметрли чизиқ ва «-sonli guvohnoma» («Times new Roman Bolt» шрифти, 10 кегль) сўзи жойлашган.
Ундан 10 миллиметр пастда мукофотланган шахснинг фамилияси, исми ва отасининг исмини қайд этиш учун оралиги 8 миллиметрли учта чизиқ тортилган.
Пастки чизиқдан 6 миллиметр қуйида, марказда оралиғи 2 миллиметрли тўрт сатрдан иборат матн жойлашган. Биринчи сатрда «Oʻzbekiston Respublikasi», иккинчи сатрда «Qishloq xoʻjaligi vazirligi huzuridagi», учинчи сатрда «Veterinariya va chorvachilikni» ва тўртинчи сатрда «rivojlantirish qoʻmitasi» («Times new Roman Bolt» шрифти, 10 кегль) сўзлари ёзилган.
Ундан 5 миллиметр пастда оралиғи 4 миллиметр бўлган икки сатрдан иборат матн жойлашган. Биринчи сатрда «20___ у. «___» ________dagi», иккинчи сатрда «_____-sonli buyrugʻiga asosan» («Times new Roman Bolt» шрифти, 10 кегль) сўзлари ёзилган.
Ундан 5 миллиметр пастда, марказда оралиғи 5 миллиметрли уч сатрдан иборат матн жойлашган. Биринчи сатрда «OʻZBEKISTON RESPUBLIKASI», иккинчи сатрда «CНORVACНILIK FIDOKORI» (катта ҳарфларда, «Times new Roman Bolt» шрифти, 12 кегль), учинчи сатрда «koʻkrak nishoni bilan mukofotlandi» («Times new Roman Bolt» шрифти, 10 кегль) сўзлари ёзилган.
Сўнгги сўзлардан 9 миллиметр пастда, чап томонда «RAIS» (катта ҳарфларда, «Times new Roman Bolt» шрифти, 10 кегль) сўзи ёзилган.
«Ўзбекистон Республикаси чорвачилик фидокори» кўкрак нишони тўғрисидаги низомга ИЛОВА
«Ўзбекистон Республикаси чорвачилик фидокори» кўкрак нишони билан тақдирлаш
Босқичлар Субъектлар Тадбирлар Бажариш муддатлари 1-босқич Давлат органлари ва ташкилотлари, нодавлат нотижорат ташкилотлари «Ўзбекистон Республикаси чорвачилик фидокори» кўкрак нишони (кейинги ўринларда — кўкрак нишони) билан тақдирлаш бўйича таклифларни Ўзбекистон Республикаси Қишлоқ хўжалиги вазирлиги ҳузуридаги Ветеринария ва чорвачиликни ривожлантириш қўмитасига (кейинги ўринларда — Қўмита) тақдим этади. Ҳар йили 1 июлга қадар 2-босқич Кўкрак нишони билан тақдирлашга оид таклифларни кўриб чиқиш бўйича комиссия Кўкрак нишони билан тақдирлаш бўйича номзодлар ҳақидаги тегишли ҳужжатларни ўрганиб чиқади ва якуний хулосани қабул қилади. Ҳар йили 1 августга қадар 3-босқич Қўмита Кўкрак нишони билан тақдирлаш тўғрисида Қўмита раисининг буйруғини чиқаради. Ҳар йили 20 августга қадар 4-босқич Қўмита Кўкрак нишони билан тақдирлайди. Ҳар йили 1 сентябрь — Мустақиллик байрами арафасида
Ўзбекистон Республикасининг Бош вазири А. АРИПОВ
Тошкент ш.,
2022 йил 27 сентябрь,
526-сон
Oʻzbekiston Respublikasi Vazirlar Mahkamasining
qarori
NIZOM
TAVSIFI
TAVSIFI
SXEMASI
NIZOM
TAVSIFI
TAVSIFI
SXEMASI
“Oʻzbekiston Respublikasi veterinariya fidoyisi” va “Oʻzbekiston Respublikasi chorvachilik fidokori” koʻkrak nishonlari toʻgʻrisidagi nizomlarni tasdiqlash haqida
Oʻzbekiston Respublikasi Prezidentining “Oʻzbekiston Respublikasida chorvachilik sohasi va uning tarmoqlarini rivojlantirish boʻyicha 2022 — 2026-yillarga moʻljallangan dasturni tasdiqlash toʻgʻrisida” 2022-yil 8-fevraldagi PQ-120-son qaroriga muvofiq, shuningdek, chorva mollari bosh sonini barqaror koʻpaytirishni taʼminlash, naslchilik ishlari va veterinariya xizmatlarini koʻrsatish sifatini yanada oshirish, epizootik osoyishtalik va oziq-ovqat mahsulotlari xavfsizligini taʼminlash, oziqa bazasini mustahkamlash va chorvachilik mahsulotlarini sanoat usulida ishlab chiqarishda fidoyilik koʻrsatayotgan xodimlarni munosib ragʻbatlantirish maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Oʻzbekiston Respublikasida chorvachilik sohasi va uning tarmoqlarini rivojlantirish boʻyicha 2022 — 2026-yillarga moʻljallangan dasturni tasdiqlash toʻgʻrisida” 2022-yil 8-fevraldagi PQ-120-son qarori bilan “Veterinariya fidoyisi” va “Chorvachilik fidokori” koʻkrak nishonlari taʼsis etilganligi maʼlumot uchun qabul qilinsin.
2. Quyidagilar:
“Oʻzbekiston Respublikasi veterinariya fidoyisi” koʻkrak nishoni toʻgʻrisidagi nizom 1-ilovaga muvofiq;
“Oʻzbekiston Respublikasi veterinariya fidoyisi” koʻkrak nishoni va uning guvohnomasi tavsiflari 1a va 1b-ilovalarga muvofiq;
“Oʻzbekiston Respublikasi chorvachilik fidokori” koʻkrak nishoni toʻgʻrisidagi nizom 2-ilovaga muvofiq;
“Oʻzbekiston Respublikasi chorvachilik fidokori” koʻkrak nishoni va uning guvohnomasi tavsiflari 2a va 2b-ilovalarga muvofiq tasdiqlansin.
3. Oʻzbekiston Respublikasi Markaziy bankining “Davlat belgisi” davlat unitar korxonasi Qishloq xoʻjaligi vazirligi huzuridagi Veterinariya va chorvachilikni rivojlantirish qoʻmitasining buyurtmasiga asosan “Oʻzbekiston Respublikasi Veterinariya fidoyisi” va “Oʻzbekiston Respublikasi Chorvachilik fidokori” koʻkrak nishonlari hamda ularning guvohnomalari belgilangan tartibda tayyorlanishini taʼminlasin.
4. “Oʻzbekiston Respublikasi Veterinariya fidoyisi” va “Oʻzbekiston Respublikasi Chorvachilik fidokori” koʻkrak nishonlari va ularning guvohnomalarini tayyorlash hamda mukofotlanganlarni taqdirlash bilan bogʻliq xarajatlar Oʻzbekiston Respublikasi Qishloq xoʻjaligi vazirligi huzuridagi Veterinariya va chorvachilikni rivojlantirish qoʻmitasining Veterinariya xizmati va chorvachilikni rivojlantirish jamgʻarmasi mablagʻlari hisobidan qoplanishi inobatga olinsin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari Sh.M. Gʻaniyev zimmasiga yuklansin.
Vazirlar Mahkamasining 2022-yil 27-sentabrdagi 526-son qaroriga 1-ILOVA
“Oʻzbekiston Respublikasi veterinariya fidoyisi” koʻkrak nishoni toʻgʻrisida
1-bob. Umumiy qoidalar
1. Ushbu Nizom “Oʻzbekiston Respublikasi veterinariya fidoyisi” koʻkrak nishoni (keyingi oʻrinlarda — koʻkrak nishoni) bilan taqdirlash tartibini belgilaydi.
2. Koʻkrak nishoni bilan mamlakatimiz veterinariya sohasini rivojlantirish, veterinariya nazoratini kuchaytirish va veterinariya xizmatlari sifatini oshirish, hayvonlarning sogʻligʻini himoya qilishni samarali tashkil etish, epizootik osoyishtalik, oziq-ovqat mahsulotlari xavfsizligini taʼminlash, sohaga oid ilm-fan yutuqlarini amaliyotga joriy etish hamda zamonaviy texnologiyalardan samarali foydalanishga munosib hissa qoʻshgan Oʻzbekiston Respublikasi fuqarolari taqdirlanadi.
3. Koʻkrak nishoni bilan taqdirlash ushbu Nizomga ilovada keltirilgan sxema boʻyicha amalga oshiriladi.
2-bob. Koʻkrak nishoni bilan taqdirlash uchun hujjatlarni taqdim etish va koʻrib chiqish
4. Davlat organlari va tashkilotlari, shuningdek, nodavlat notijorat tashkilotlari koʻkrak nishoni bilan taqdirlash uchun nomzodlar boʻyicha takliflarni Oʻzbekiston Respublikasi Qishloq xoʻjaligi vazirligi huzuridagi Veterinariya va chorvachilikni rivojlantirish qoʻmitasiga (keyingi oʻrinlarda — Qoʻmita) har yili 1-iyulga qadar taqdim etadi.
Nomzod boʻyicha taqdim etilgan taklifga nomzod haqida maʼlumotnoma, uning soʻnggi uch yil davomida veterinariya sohasini rivojlantirish borasida amalga oshirgan ishlari aks ettirilgan tavsifnoma ilova qilinadi.
5. Koʻkrak nishoni bilan taqdirlashga oid takliflarni koʻrib chiqish uchun Qoʻmita raisi tomonidan besh nafardan iborat tarkibda komissiya (keyingi oʻrinlarda — Komissiya) tashkil etiladi.
6. Komissiya tarkibi va Komissiya toʻgʻrisidagi nizom Qoʻmita raisi tomonidan tasdiqlanadi.
7. Oʻzbekiston Respublikasi Qishloq xoʻjaligi vazirligi huzuridagi Veterinariya va chorvachilikni rivojlantirish qoʻmitasi kadrlar boʻlimi Komissiyaning ishchi organi hisoblanadi.
8. Komissiya tomonidan nomzodlarni koʻrib chiqishda quyidagilar inobatga olinadi:
nomzodlarning mamlakatimizda veterinariya nazoratini kuchaytirish va veterinariya xizmatlari sifatini oshirish, hayvonlarning sogʻligʻini himoya qilishni samarali tashkil etish muhitini mustahkamlash maqsadida amalga oshirgan faoliyati;
xorijiy mamlakatlar bilan veterinariya va chorvachilik sohasi boʻyicha har taraflama hamkorlikni rivojlantirish borasidagi faoliyati;
epizootik osoyishtalik, oziq-ovqat mahsulotlari xavfsizligini taʼminlashga, sohaga oid ilm-fan yutuqlarini amaliyotga joriy etishga, zamonaviy texnologiyalardan samarali foydalanishga munosib hissa qoʻshganligi.
9. Komissiya tomonidan nomzodlarning hujjatlari har tomonlama oʻrganilib, har yili 1-avgustga qadar eng munosib nomzodlar boʻyicha yakuniy xulosa qabul qilinadi.
3-bob. Koʻkrak nishoni bilan taqdirlash tartibi
10. Komissiya xulosasi asosida Qoʻmita raisining koʻkrak nishoni bilan taqdirlash toʻgʻrisidagi buyrugʻi har yili 20-avgustga qadar chiqariladi.
11. Koʻkrak nishoni har yili 1-sentabr — Mustaqillik bayrami arafasida Qoʻmita raisi (yoki uning topshirigʻiga muvofiq boshqa masʼul shaxslar) tomonidan tantanali tarzda topshiriladi.
12. Koʻkrak nishoni bilan taqdirlanganlarga bazaviy hisoblash miqdorining toʻrt baravari miqdorida bir yoʻla toʻlanadigan pul mukofoti yoki esdalik sovgʻalari beriladi.
Bir yoʻla toʻlanadigan pul mukofoti yoki esdalik sovgʻalari Qoʻmitaning Veterinariya xizmati va chorvachilikni rivojlantirish jamgʻarmasi mablagʻlari hisobidan moliyalashtiriladi.
13. Koʻkrak nishoni bilan taqdirlash, istisno tariqasida, Qoʻmita raisi buyrugʻiga asosan alohida holatlarda ham amalga oshirilishi mumkin.
14. Koʻkrak nishoni bilan taqdirlanganlar roʻyxati Qoʻmitaning Internet jahon axborot tarmogʻidagi rasmiy veb-saytida va boshqa ommaviy axborot vositalarida eʼlon qilinadi.
15. Bir shaxs koʻkrak nishoni bilan bir marta mukofotlanadi.
16. Koʻkrak nishoni davlat mukofotlaridan keyin koʻkrakning chap tomoniga taqiladi.
4-bob. Yakunlovchi qoidalar
17. Qoʻmita ushbu Nizomga muvofiq koʻkrak nishoniga tavsiya etilgan nomzodlar hujjatlarining xolis koʻrib chiqilishi uchun bevosita masʼuldir.
18. Mazkur Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.
Vazirlar Mahkamasining 2022-yil 27-sentabrdagi 526-son qaroriga 1a-ILOVA
“Oʻzbekiston Respublikasi Veterinariya fidoyisi” koʻkrak nishonining
“Oʻzbekiston Respublikasi Veterinariya fidoyisi” koʻkrak nishoni (keyingi oʻrinlarda — koʻkrak nishoni) diametri 34 millimetrli doira shaklida boʻlib, mis qotishmasidan tayyorlanadi.
Koʻkrak nishonining markazida zarhal va oq ranglarda Oʻzbekiston Respublikasi veterinariya ramzi tasviri aks ettirilgan.
Koʻkrak nishonining aylanasi boʻylab zarhal hoshiya bilan oʻralgan doira ichida koʻk rangli emal fonida yuqori qismida “OʻZBEKISTON RESPUBLIKASI”, pastki qismida “VETERINARIYA FIDOYISI” soʻzlari yozilgan. Ularni ikki yon tomondagi oq rangda tasvirlangan sakkiz burchakli yulduz ajratib turadi. Harflarning balandligi 2,5 millimetr, yozuvlar zarhallangan.
Koʻkrak nishonning orqa tomonida Oʻzbekiston Respublikasining Davlat gerbi tasvirlangan hamda aylana boʻylab “SONADAGI KOʻP YILLIK FIDOKORONA MENNATLARI UCNUN” soʻzlari yozilgan.
Koʻkrak nishonining qalinligi 2,5 millimetr. Tasvirlar va yozuvlar qabariqdir. Koʻkrak nishoni old va orqa tomonlarining chetlari qavariq doira bilan oʻralgan.
Koʻkrak nishoni halqa va ilmoqchalar yordamida toʻgʻri toʻrt burchak shaklidagi qadagʻichga ulangan. Qadagʻichning eni — 26 millimetr, boʻyi — 17 millimetrdan iborat.
Qadagʻich eni 22 millimetrli koʻk rangdagi shoyi lenta bilan qoplangan boʻlib, lentaning oʻng tarafidan eni 1,75 millimetrli oq rangdagi 2 ta yonma — yon yoʻllar tushirilgan.
Qadagʻichning orqa tomoniga koʻkrak nishonini kiyimga taqib qoʻyish uchun toʻgʻnogʻich koʻrinishidagi moslama oʻrnatilgan.
Vazirlar Mahkamasining 2022-yil 27-sentabrdagi 526-son qaroriga 1b-ILOVA
“Oʻzbekiston Respublikasi veterinariya fidoyisi” koʻkrak nishoni guvohnomasining
“Oʻzbekiston Respublikasi veterinariya fidoyisi” koʻkrak nishoni guvohnomasi (keyingi oʻrinlarda — guvohnoma) 160 x 110 millimetr oʻlchamdagi kitobcha shaklida boʻlib, 240 g/kv.m. qalinlikdagi ofset qogʻozdan tayyorlanadi.
Guvohnomaning tashqi tomoni (birinchi va toʻrtinchi betlari) koʻk rangda boʻlib, plyonka bilan qoplangan.
Guvohnomaning birinchi beti eni 7,5 millimetrli, ichki burchaklari aylana shaklida boʻlgan toʻq koʻk rangli hoshiya bilan oʻralgan.
Guvohnomaning yuqori chekkasidan (birinchi beti) 35 millimetr pastda, markazda oraligi 3,5 millimetrli uch satrdan iborat matn joylashgan. Birinchi satrda “OʻZBEKIST0N RESPUBLIKASI”, ikkinchi satrda “VETERINARIYA FIDOYISI” (katta harflarda, “Times new Roman Bolt” shrifti, 14 kegl), uchinchi satrda “koʻkrak nishoni” (“Times new Roman Bolt” shrifti, 14 kegl) soʻzlari yozilgan. Undan 6 millimetr pastda “GUVONNOMASI” (katta harflarda, “Times new Roman Bolt” shrifti, 17 kegl) soʻzi yozilgan.
Yozuvlar zarhal rangda aks ettirilgan.
Guvohnomaning ichki tomoni (ikkinchi va uchinchi betlari) “Tangir” tasviri tushirilgan och havo rangda boʻlib, ofset usulida chop etilgan.
Ichki tomonining chap qismida (ikkinchi beti), markazda koʻkrak nishonining asliga teng oʻlchamdagi rangli tasviri aks ettirilgan.
Guvohnomaning ichki oʻng tomoni (uchinchi beti) yuqori chekkasidan 8 millimetr pastda, markazda 15 millimetrli chiziq va “-sonli guvohnoma” (“Times new Roman Bolt” shrifti, 10 kegl) soʻzi joylashgan.
Undan 10 millimetr pastda mukofotlangan shaxsning familiyasi, ismi va otasining ismini qayd etish uchun oraligi 8 millimetrli uchta chiziq tortilgan.
Pastki chiziqdan 6 millimetr quyida, markazda oraligʻi 2 millimetrli toʻrt satrdan iborat matn joylashgan. Birinchi satrda “Oʻzbekiston Respublikasi”, ikkinchi satrda “Qishloq xoʻjaligi vazirligi huzuridagi”, uchinchi satrda “Veterinariya va chorvachilikni” va toʻrtinchi satrda “rivojlantirish qoʻmitasi raisining” (“Times new Roman Bolt” shrifti, 10 kegl) soʻzlari yozilgan
Undan 5 millimetr pastda oraligʻi 4 millimetr boʻlgan ikki satrdan iborat matn joylashgan. Birinchi satrda “20___ u. “___” ________dagi”, ikkinchi satrda “____-sonli buyrugʻiga asosan” (“Times new Roman Bolt” shrifti, 10 kegl) soʻzlari yozilgan.
Undan 5 millimetr pastda, markazda oraligʻi 5 millimetrli uch satrdan iborat matn joylashgan. Birinchi satrda “OʻZBEKIST0N RESPUBLIKASI”, ikkinchi satrda “VETERINARIYA FIDOYISI” (katta harflarda, “Times new Roman Bolt” shrifti, 12 kegl), uchinchi satrda “koʻkrak nishoni bilan mukofotlandi” (“Times new Roman Bolt” shrifti, 10 kegl) soʻzlari yozilgan.
Soʻnggi soʻzlardan 9 millimetr pastda, chap tomonda “RAIS” (katta harflarda, “Times new Roman Bolt” shrifti, 10 kegl) soʻzi yozilgan.
“Oʻzbekiston Respublikasi veterinariya fidoyisi” koʻkrak nishoni toʻgʻrisidagi nizomga ILOVA
“Oʻzbekiston Respublikasi veterinariya fidoyisi” koʻkrak nishoni bilan taqdirlash
Bosqichlar Subyektlar Tadbirlar Bajarish muddatlari 1-bosqich Davlat organlari va tashkilotlari, nodavlat notijorat tashkilotlari “Oʻzbekiston Respublikasi veterinariya fidoyisi” koʻkrak nishoni (keyingi oʻrinlarda — koʻkrak nishoni) bilan taqdirlash boʻyicha takliflarni Oʻzbekiston Respublikasi Qishloq xoʻjaligi vazirligi huzuridagi Veterinariya va chorvachilikni rivojlantirish qoʻmitasiga (keyingi oʻrinlarda — Qoʻmita) taqdim etadi. Har yili 1-iyulga qadar 2-bosqich Koʻkrak nishoni bilan taqdirlashga oid takliflarni koʻrib chiqish boʻyicha komissiya Koʻkrak nishoni bilan taqdirlash boʻyicha nomzodlar haqidagi tegishli hujjatlarni oʻrganib chiqadi va yakuniy xulosani qabul qiladi. Har yili 1-avgustga qadar 3-bosqich Qoʻmita Koʻkrak nishoni bilan taqdirlash toʻgʻrisida Qoʻmita raisining buyrugʻini chiqaradi. Har yili 20-avgustga qadar 4-bosqich Qoʻmita Koʻkrak nishoni bilan taqdirlaydi. Har yili 1-sentabr — Mustaqillik bayrami arafasida
Vazirlar Mahkamasining 2022-yil 27-sentabrdagi 526-son qaroriga 2-ILOVA
“Oʻzbekiston Respublikasi chorvachilik fidokori” koʻkrak nishoni toʻgʻrisida
1-bob. Umumiy qoidalar
1. Ushbu Nizom “Oʻzbekiston Respublikasi chorvachilik fidokori” koʻkrak nishoni (keyingi oʻrinlarda — koʻkrak nishoni) bilan taqdirlash tartibini belgilaydi.
2. Koʻkrak nishoni bilan mamlakatimiz chorvachiligini va uning barcha tarmoqlarini barqaror rivojlantirish, chorva mollarining naslini yaxshilash, oziqa bazasini mustahkamlash, naslchilik yoʻnalishidagi chorvachilik xoʻjaliklari faoliyatini hamda chorvachilik mahsulotlarini yetishtirishda yirik tadbirkorlik subyektlari koʻpaytirilishi, naslchilik-seleksiya ishlarini yuritishning ilmiy asoslangan innovatsion uslublarini joriy etish, sunʼiy urugʻlantirishni tizimli tashkil etish, sohaga oid ilm-fan yutuqlarini amaliyotga joriy etib, zamonaviy texnologiyalardan samarali foydalanishga munosib hissa qoʻshgan Oʻzbekiston Respublikasi fuqarolari taqdirlanadi.
3. Koʻkrak nishoni bilan taqdirlash tartibi mazkur Nizomga ilovada keltirilgan sxema boʻyicha amalga oshiriladi.
2-bob. Koʻkrak nishoni bilan taqdirlash uchun hujjatlarni taqdim etish va koʻrib chiqish
4. Davlat organlari va tashkilotlari, shuningdek, nodavlat notijorat tashkilotlari koʻkrak nishoni bilan taqdirlash uchun nomzodlar boʻyicha takliflarni Oʻzbekiston Respublikasi Qishloq xoʻjaligi vazirligi huzuridagi Veterinariya va chorvachilikni rivojlantirish qoʻmitasiga (keyingi oʻrinlarda — Qoʻmita) har yili 1-iyulga qadar taqdim etadi.
Nomzod boʻyicha taqdim etilgan taklifga nomzod haqida maʼlumotnoma, uning soʻnggi uch yil davomida chorvachilik va uning barcha tarmoqlari, shu jumladan, naslchilik sohasini rivojlantirish borasida amalga oshirgan ishlari aks ettirilgan tavsifnoma ilova qilinadi.
5. Koʻkrak nishoni bilan taqdirlashga oid takliflarni koʻrib chiqish uchun Qoʻmita raisi tomonidan besh nafardan iborat tarkibda komissiya (keyingi oʻrinlarda — Komissiya) tashkil etiladi.
6. Komissiya tarkibi va Komissiya toʻgʻrisidagi nizom Qoʻmita raisi tomonidan tasdiqlanadi.
7. Kadrlar boʻlimi Komissiyaning ishchi organi hisoblanadi.
8. Komissiya tomonidan nomzodlarni koʻrib chiqishda quyidagilar inobatga olinadi:
nomzodlarning mamlakatimizda yirik va mayda shoxli chorva mollari bosh sonini koʻpaytirish, oziqa bazasini mustahkamlash, naslchilik ishlarini yaxshilash hamda sohaga innovatsion ishlanmalarni joriy qilish borasidagi faoliyati;
xorijiy mamlakatlar bilan chorvachilik sohasi boʻyicha har taraflama hamkorlikni rivojlantirish borasidagi faoliyati;
epizootik osoyishtalik, oziq-ovqat mahsulotlari xavfsizligini taʼminlash, sohaga oid ilm-fan yutuqlarini amaliyotga joriy etishga, zamonaviy texnologiyalardan samarali foydalanishga munosib hissa qoʻshganligi.
9. Komissiya tomonidan nomzodlarning hujjatlari oʻrganilib, har yili 1-avgustga qadar eng munosib nomzodlar boʻyicha yakuniy xulosa qabul qilinadi.
3-bob. Koʻkrak nishoni bilan taqdirlash tartibi
10. Komissiya xulosasi asosida Qoʻmita raisining koʻkrak nishoni bilan taqdirlash toʻgʻrisidagi buyrugʻi har yili 20-avgustga qadar chiqariladi.
11. Koʻkrak nishoni har yili 1-sentabr — Mustaqillik bayrami arafasida Qoʻmita raisi (yoki uning topshirigʻiga muvofiq boshqa masʼul shaxslar) tomonidan tantanali tarzda topshiriladi.
12. Koʻkrak nishoni bilan taqdirlanganlarga bazaviy hisoblash miqdorining toʻrt baravari miqdorida bir yoʻla toʻlanadigan pul mukofoti yoki esdalik sovgʻalari beriladi.
Bir yoʻla toʻlanadigan pul mukofoti yoki esdalik sovgʻalari Qoʻmitaning Veterinariya xizmati va chorvachilikni rivojlantirish jamgʻarmasi mablagʻlari hisobidan toʻlanadi.
13. Koʻkrak nishoni bilan taqdirlash, istisno tariqasida, Qoʻmita raisi buyrugʻiga asosan alohida holatlarda ham amalga oshirilishi mumkin.
14. Koʻkrak nishoni bilan taqdirlanganlar roʻyxati Qoʻmitaning Internet jahon axborot tarmogʻidagi rasmiy veb-saytida va boshqa ommaviy axborot vositalarida eʼlon qilinadi.
15. Bir shaxs koʻkrak nishoni bilan bir marta mukofotlanadi.
16. Koʻkrak nishoni davlat mukofotlaridan keyin koʻkrakning chap tomoniga taqiladi.
4-bob. Yakunlovchi qoidalar
17. Qoʻmita ushbu Nizomga muvofiq koʻkrak nishoniga tavsiya etilgan nomzodlar hujjatlarining xolis koʻrib chiqilishi uchun bevosita masʼuldir.
18. Mazkur Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.
Vazirlar Mahkamasining 2022-yil 27-sentabrdagi 526-son qaroriga 2a-ILOVA
“Oʻzbekiston Respublikasi Chorvachilik fidokori” koʻkrak nishonining
“Oʻzbekiston Respublikasi chorvachilik fidokori” koʻkrak nishoni (keyingi oʻrinlarda — koʻkrak nishoni) diametri 34 millimetrli doira shaklida boʻlib, mis qotishmasidan tayyorlanadi.
Koʻkrak nishonining old tomoni markazida, atrofida chorva mollariga mehr bilan yondashayotgan va ulardan zavqlanib oʻtirgan chorvador kompozitsiyasi zarhal rangda tasvirlangan. Tasvirlar qavariq boʻlib, tilla rangda aks ettirilgan.
Koʻkrak nishonining aylanasi boʻylab zarhal hoshiya bilan oʻralgan doira ichida yashil rangli emal fonida yuqori qismida “OʻZBEKISTON RESPUBLIKASI”, pastki qismida “CNORVACNILIK FIDOKORI” soʻzlari yozilgan. Ularni ikki yon tomondagi oq rangda tasvirlangan sakkiz burchakli yulduz ajratib turadi. Harflarning balandligi 2,5 millimetr, yozuvlar zarhallangan.
Koʻkrak nishonning orqa tomonida Oʻzbekiston Respublikasining Davlat gerbi tasvirlangan hamda aylana boʻylab “SONADAGI KOʻP YILLIK FIDOKORONA MENNATLARI UCNUN” soʻzlari yozilgan.
Koʻkrak nishonining qalinligi 2,5 millimetr. Tasvirlar va yozuvlar qabariqdir. Koʻkrak nishoni old va orqa tomonlarining chetlari qavariq doira bilan oʻralgan.
Koʻkrak nishoni halqa va ilmoqchalar yordamida toʻgʻri toʻrt burchak shaklidagi qadagʻichga ulangan. Qadagʻichning eni — 26 millimetr, boʻyi — 17 millimetrdan iborat.
Qadagʻich eni 22 millimetrli yashil rangdagi shoyi lenta bilan qoplangan boʻlib, lentaning oʻng tarafidan eni 1,75 millimetrli oq rangdagi 2 ta yonma yon yoʻllar tushirilgan.
Qadagʻichning orqa tomoniga koʻkrak nishonini kiyimga taqib qoʻyish uchun toʻgʻnogʻich koʻrinishidagi moslama oʻrnatilgan.
Vazirlar Mahkamasining 2022-yil 27-sentabrdagi 526-son qaroriga 2b-ILOVA
“Oʻzbekiston Respublikasi chorvachilik fidokori” koʻkrak nishoni guvohnomasining
“Oʻzbekiston Respublikasi chorvachilik fidokori” koʻkrak nishoni guvohnomasi (keyingi oʻrinlarda — guvohnoma) 160x110 millimetr oʻlchamdagi kitobcha shaklida boʻlib, 240 g/kv.m. qalinlikdagi ofset qogʻozdan tayyorlanadi.
Guvohnomaning tashqi tomoni (birinchi va toʻrtinchi betlari) yashil rangda boʻlib, plyonka bilan qoplangan.
Guvohnomaning birinchi beti eni 7,5 millimetrli, ichki burchaklari aylana shaklida boʻlgan toʻq yashil rangli hoshiya bilan oʻralgan.
Guvohnomaning yuqori chekkasidan (birinchi beti) 35 millimetr pastda, markazda oraligi 3,5 millimetrli uch satrdan iborat matn joylashgan. Birinchi satrda “OʻZBEKISTON RESPUBLIKASI”, ikkinchi satrda “CNORVACNILIK FIDOKORI” (katta harflarda, “Times new Roman Bolt” shrifti, 14 kegl), uchinchi satrda “koʻkrak nishoni” (“Times new Roman Bolt” shrifti, 14 kegl) soʻzlari yozilgan. Undan 6 millimetr pastda “GUVONNOMASI” (katta harflarda, “Times new Roman Bolt” shrifti, 17 kegl) soʻzi yozilgan.
Yozuvlar zarhal rangda aks ettirilgan.
Guvohnomaning ichki tomoni (ikkinchi va uchinchi betlari) “Tangir” tasviri tushirilgan och havo rangda boʻlib, ofset usulida chop etilgan.
Ichki tomonining chap qismida (ikkinchi beti), markazda koʻkrak nishonining asliga teng oʻlchamdagi rangli tasviri aks ettirilgan.
Guvohnomaning ichki oʻng tomoni (uchinchi beti) yuqori chekkasidan 8 millimetr pastda, markazda 15 millimetrli chiziq va “-sonli guvohnoma” (“Times new Roman Bolt” shrifti, 10 kegl) soʻzi joylashgan.
Undan 10 millimetr pastda mukofotlangan shaxsning familiyasi, ismi va otasining ismini qayd etish uchun oraligi 8 millimetrli uchta chiziq tortilgan.
Pastki chiziqdan 6 millimetr quyida, markazda oraligʻi 2 millimetrli toʻrt satrdan iborat matn joylashgan. Birinchi satrda “Oʻzbekiston Respublikasi”, ikkinchi satrda “Qishloq xoʻjaligi vazirligi huzuridagi”, uchinchi satrda “Veterinariya va chorvachilikni” va toʻrtinchi satrda “rivojlantirish qoʻmitasi” (“Times new Roman Bolt” shrifti, 10 kegl) soʻzlari yozilgan.
Undan 5 millimetr pastda oraligʻi 4 millimetr boʻlgan ikki satrdan iborat matn joylashgan. Birinchi satrda “20___ u. “___” ________dagi”, ikkinchi satrda “_____-sonli buyrugʻiga asosan” (“Times new Roman Bolt” shrifti, 10 kegl) soʻzlari yozilgan.
Undan 5 millimetr pastda, markazda oraligʻi 5 millimetrli uch satrdan iborat matn joylashgan. Birinchi satrda “OʻZBEKISTON RESPUBLIKASI”, ikkinchi satrda “CNORVACNILIK FIDOKORI” (katta harflarda, “Times new Roman Bolt” shrifti, 12 kegl), uchinchi satrda “koʻkrak nishoni bilan mukofotlandi” (“Times new Roman Bolt” shrifti, 10 kegl) soʻzlari yozilgan.
Soʻnggi soʻzlardan 9 millimetr pastda, chap tomonda “RAIS” (katta harflarda, “Times new Roman Bolt” shrifti, 10 kegl) soʻzi yozilgan.
“Oʻzbekiston Respublikasi chorvachilik fidokori” koʻkrak nishoni toʻgʻrisidagi nizomga ILOVA
“Oʻzbekiston Respublikasi chorvachilik fidokori” koʻkrak nishoni bilan taqdirlash
Bosqichlar Subyektlar Tadbirlar Bajarish muddatlari 1-bosqich Davlat organlari va tashkilotlari, nodavlat notijorat tashkilotlari “Oʻzbekiston Respublikasi chorvachilik fidokori” koʻkrak nishoni (keyingi oʻrinlarda — koʻkrak nishoni) bilan taqdirlash boʻyicha takliflarni Oʻzbekiston Respublikasi Qishloq xoʻjaligi vazirligi huzuridagi Veterinariya va chorvachilikni rivojlantirish qoʻmitasiga (keyingi oʻrinlarda — Qoʻmita) taqdim etadi. Har yili 1-iyulga qadar 2-bosqich Koʻkrak nishoni bilan taqdirlashga oid takliflarni koʻrib chiqish boʻyicha komissiya Koʻkrak nishoni bilan taqdirlash boʻyicha nomzodlar haqidagi tegishli hujjatlarni oʻrganib chiqadi va yakuniy xulosani qabul qiladi. Har yili 1-avgustga qadar 3-bosqich Qoʻmita Koʻkrak nishoni bilan taqdirlash toʻgʻrisida Qoʻmita raisining buyrugʻini chiqaradi. Har yili 20-avgustga qadar 4-bosqich Qoʻmita Koʻkrak nishoni bilan taqdirlaydi. Har yili 1-sentabr — Mustaqillik bayrami arafasida
Oʻzbekiston Respublikasining Bosh vaziri A. ARIPOV
Toshkent sh.,
2022-yil 27-sentabr,
526-son