📅 2022-yil 30-avgust · Vazirlik va idoralar hujjatlari · Istiqbolli loyihalar milliy agentligi Moliya vazirligi Davlat soliq qoʻmitasi
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 30 август · Вазирлик ва идоралар ҳужжатлари · Истиқболли лойиҳалар миллий агентлиги Молия вазирлиги Давлат солиқ қўмитаси
Расмий матн. Расмий ҳужжат. Таҳририй изоҳлар киритилмаган.
📅 30 августа 2022 г. · Документы министерств и ведомств · Национального агентства перспективных проектов Министерства финансов Государственного налогового комитета
Официальный текст. Официальный документ. Редакционные примечания не включены.
📅 30 August 2022 · Ministry and agency documents · Istiqbolli loyihalar milliy agentligi Moliya vazirligi Davlat soliq qoʻmitasi
Official text. Official document. Editorial notes are not included.
Ўзбекистон Республикаси Истиқболли лойиҳалар миллий агентлиги Ўзбекистон Республикаси Молия вазирлиги Ўзбекистон Республикаси Давлат солиқ қўмитасининг
Қарори
НИЗОМ
Крипто-активлар айланмаси соҳасидаги фаолиятни амалга ошириш учун йиғимлар миқдорини белгилаш, уларни тўлаш ва тақсимлаш тартиби тўғрисидаги низомни тасдиқлаш ҳақида
Ўзбекистон Республикаси Президентининг 2018 йил 3 июлдаги ПҚ-3832-сон «Ўзбекистон Республикасида рақамли иқтисодиётни ва крипто-активлар айланмаси соҳасини ривожлантириш чора-тадбирлари тўғрисида»ги қарорига мувофиқ Ўзбекистон Республикаси Истиқболли лойиҳалар миллий агентлиги, Молия вазирлиги ва Давлат солиқ қўмитаси қарор қилади:
1. Крипто-активлар айланмаси соҳасидаги фаолиятни амалга ошириш учун йиғимлар миқдорини белгилаш, уларни тўлаш ва тақсимлаш тартиби тўғрисидаги низом иловага мувофиқ тасдиқлансин.
2. Мазкур қарор расмий эълон қилинган кундан эътиборан кучга киради.
Ўзбекистон Республикаси Истиқболли лойиҳалар миллий агентлигининг 2022 йил 30 августдаги 2-сон, Молия вазирлигининг 2022 йил 30 августдаги 45-сон, Давлат солиқ қўмитасининг 2022 йил 18 августдаги 2022-26-сон қарорига ИЛОВА
Крипто-активлар айланмаси соҳасидаги фаолиятни амалга ошириш учун йиғимлар миқдорини белгилаш, уларни тўлаш ва тақсимлаш тартиби тўғрисидаги
Мазкур Низом крипто-активлар айланмаси соҳасидаги фаолиятни амалга ошириш учун йиғимлар миқдорини, уларни тўлаш ва тақсимлаш тартибини белгилайди.
1-боб. Умумий қоидалар
1. Ўзбекистон Республикаси ҳудудида майнинг ва крипто-активлар айланмаси соҳасидаги хизматлар провайдерлари фаолиятини амалга оширувчи юридик шахслар (майнерлар ва хизматлар провайдерлари) томонидан ушбу фаолиятни амалга ошириш учун йиғимлар (бундан буён матнда йиғимлар деб юритилади) тўланади.
Қорақалпоғистон Республикаси ҳудудида ташкил этиладиган «Besqala Mining Valley» махсус майнинг зонаси резидентлари 2035 йил 1 январга қадар мазкур йиғимларни тўлашдан озод этилади.
2. Йиғимлар уларни тўлаш санасида амалда бўлган базавий ҳисоблаш миқдорига (бундан буён матнда БҲМ деб юритилади) нисбатан қуйидаги миқдорларда белгиланади:
а) майнинг фаолияти учун — БҲМнинг 10 баравари;
б) хизматлар провайдерлари бўйича:
крипто-биржа фаолияти учун — БҲМнинг 740 баравари;
майнинг-пул фаолияти учун — БҲМнинг 100 баравари;
крипто-депозитарий фаолияти учун — БҲМнинг 5 баравари;
крипто-дўкон фаолияти учун — БҲМнинг 185 баравари.
2-боб. Йиғимларни тўлаш ва тақсимлаш тартиби
3. Йиғимлар майнерлар ва хизматлар провайдерлари томонидан крипто-активлар айланмаси соҳасидаги фаолият билан шуғулланиш учун белгиланган тартибда лицензия ёки рухсат этиш хусусиятига эга ҳужжатни олган пайтдан эътиборан ҳар ойда тўланади.
Бунда, лицензия ёки рухсат этиш хусусиятига эга ҳужжат жорий ойнинг йигирманчи санасига қадар олинганда, йиғим ушбу ой учун тўлиқ миқдорда, лицензия ёки рухсат этиш хусусиятига эга ҳужжат жорий ойнинг йигирманчи санасидан кейин олинганда эса кейинги ойнинг биринчи санасидан бошлаб тўланади.
4. Крипто-активлар айланмаси соҳасидаги фаолият тўхтатиб турилганда ёки тугатилганда, йиғимни ҳисоблаб чиқариш кейинги ойнинг биринчи санасидан бошлаб тўхтатиб турилади.
5. Йиғимлар ҳар ойда олдиндан тўлов тарзида мазкур ойнинг ўнинчи санасига қадар Ўзбекистон Республикаси Истиқболли лойиҳалар агентлигининг (бундан буён матнда Агентлик деб юритилади) ғазна ҳисобварағига ўтказилади.
Бунда, мазкур Низомнинг 3-банди иккинчи хатбошисига мувофиқ лицензия ёки рухсат этиш хусусиятига эга ҳужжат ойнинг йигирманчи санасига қадар олинганда, йиғим ушбу ойнинг охирги санасига қадар, лицензия ёки рухсат этиш хусусиятига эга ҳужжат ойнинг йигирманчи санасидан кейин олинганда эса йиғим кейинги ойнинг ўнинчи санасига қадар тўланади.
6. Йиғимлар суммаси қуйидаги тартибда тақсимланади:
80 фоизи — Ўзбекистон Республикаси Давлат бюджетига ;
20 фоизи — Агентликнинг шахсий ғазна ҳисобварағига.
3-боб. Якуний қоида
7. Мазкур Низом талаблари бузилишида айбдор бўлган шахслар қонунчилик ҳужжатларига мувофиқ жавобгар бўладилар.
Директор Д. ЛИ
Молия вазири Т. ИШМЕТОВ
Давлат солиқ қўмитаси раиси Ш. КУДБИЕВ
Тошкент ш.,
2022 йил 30 август,
Тошкент ш.,
2022 йил 30 август,
Тошкент ш.,
2022 йил 18 август,
2-сон
45-сон
2022-26-сон
Oʻzbekiston Respublikasi Istiqbolli loyihalar milliy agentligi Oʻzbekiston Respublikasi Moliya vazirligi Oʻzbekiston Respublikasi Davlat soliq qoʻmitasining
Qarori
NIZOM
Kripto-aktivlar aylanmasi sohasidagi faoliyatni amalga oshirish uchun yigʻimlar miqdorini belgilash, ularni toʻlash va taqsimlash tartibi toʻgʻrisidagi nizomni tasdiqlash haqida
Oʻzbekiston Respublikasi Prezidentining 2018-yil 3-iyuldagi PQ-3832-son “Oʻzbekiston Respublikasida raqamli iqtisodiyotni va kripto-aktivlar aylanmasi sohasini rivojlantirish chora-tadbirlari toʻgʻrisida”gi qaroriga muvofiq Oʻzbekiston Respublikasi Istiqbolli loyihalar milliy agentligi, Moliya vazirligi va Davlat soliq qoʻmitasi qaror qiladi:
1. Kripto-aktivlar aylanmasi sohasidagi faoliyatni amalga oshirish uchun yigʻimlar miqdorini belgilash, ularni toʻlash va taqsimlash tartibi toʻgʻrisidagi nizom ilovaga muvofiq tasdiqlansin.
2. Mazkur qaror rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Istiqbolli loyihalar milliy agentligining 2022-yil 30-avgustdagi 2-son, Moliya vazirligining 2022-yil 30-avgustdagi 45-son, Davlat soliq qoʻmitasining 2022-yil 18-avgustdagi 2022-26-son qaroriga ILOVA
Kripto-aktivlar aylanmasi sohasidagi faoliyatni amalga oshirish uchun yigʻimlar miqdorini belgilash, ularni toʻlash va taqsimlash tartibi toʻgʻrisidagi
Mazkur Nizom kripto-aktivlar aylanmasi sohasidagi faoliyatni amalga oshirish uchun yigʻimlar miqdorini, ularni toʻlash va taqsimlash tartibini belgilaydi.
1-bob. Umumiy qoidalar
1. Oʻzbekiston Respublikasi hududida mayning va kripto-aktivlar aylanmasi sohasidagi xizmatlar provayderlari faoliyatini amalga oshiruvchi yuridik shaxslar (maynerlar va xizmatlar provayderlari) tomonidan ushbu faoliyatni amalga oshirish uchun yigʻimlar (bundan buyon matnda yigʻimlar deb yuritiladi) toʻlanadi.
Qoraqalpogʻiston Respublikasi hududida tashkil etiladigan “Besqala Mining Valley” maxsus mayning zonasi rezidentlari 2035-yil 1-yanvarga qadar mazkur yigʻimlarni toʻlashdan ozod etiladi.
2. Yigʻimlar ularni toʻlash sanasida amalda boʻlgan bazaviy hisoblash miqdoriga (bundan buyon matnda BHM deb yuritiladi) nisbatan quyidagi miqdorlarda belgilanadi:
a) mayning faoliyati uchun — BHMning 10 baravari;
b) xizmatlar provayderlari boʻyicha:
kripto-birja faoliyati uchun — BHMning 740 baravari;
mayning-pul faoliyati uchun — BHMning 100 baravari;
kripto-depozitariy faoliyati uchun — BHMning 5 baravari;
kripto-doʻkon faoliyati uchun — BHMning 185 baravari.
2-bob. Yigʻimlarni toʻlash va taqsimlash tartibi
3. Yigʻimlar maynerlar va xizmatlar provayderlari tomonidan kripto-aktivlar aylanmasi sohasidagi faoliyat bilan shugʻullanish uchun belgilangan tartibda litsenziya yoki ruxsat etish xususiyatiga ega hujjatni olgan paytdan eʼtiboran har oyda toʻlanadi.
Bunda, litsenziya yoki ruxsat etish xususiyatiga ega hujjat joriy oyning yigirmanchi sanasiga qadar olinganda, yigʻim ushbu oy uchun toʻliq miqdorda, litsenziya yoki ruxsat etish xususiyatiga ega hujjat joriy oyning yigirmanchi sanasidan keyin olinganda esa keyingi oyning birinchi sanasidan boshlab toʻlanadi.
4. Kripto-aktivlar aylanmasi sohasidagi faoliyat toʻxtatib turilganda yoki tugatilganda, yigʻimni hisoblab chiqarish keyingi oyning birinchi sanasidan boshlab toʻxtatib turiladi.
5. Yigʻimlar har oyda oldindan toʻlov tarzida mazkur oyning oʻninchi sanasiga qadar Oʻzbekiston Respublikasi Istiqbolli loyihalar agentligining (bundan buyon matnda Agentlik deb yuritiladi) gʻazna hisobvaragʻiga oʻtkaziladi.
Bunda, mazkur Nizomning 3-bandi ikkinchi xatboshisiga muvofiq litsenziya yoki ruxsat etish xususiyatiga ega hujjat oyning yigirmanchi sanasiga qadar olinganda, yigʻim ushbu oyning oxirgi sanasiga qadar, litsenziya yoki ruxsat etish xususiyatiga ega hujjat oyning yigirmanchi sanasidan keyin olinganda esa yigʻim keyingi oyning oʻninchi sanasiga qadar toʻlanadi.
6. Yigʻimlar summasi quyidagi tartibda taqsimlanadi:
80 foizi — Oʻzbekiston Respublikasi Davlat budjetiga ;
20 foizi — Agentlikning shaxsiy gʻazna hisobvaragʻiga.
3-bob. Yakuniy qoida
7. Mazkur Nizom talablari buzilishida aybdor boʻlgan shaxslar qonunchilik hujjatlariga muvofiq javobgar boʻladilar.
Direktor D. LI
Moliya vaziri T. ISHMETOV
Davlat soliq qoʻmitasi raisi Sh. KUDBIYEV
Toshkent sh.,
2022-yil 30-avgust,
Toshkent sh.,
2022-yil 30-avgust,
Toshkent sh.,
2022-yil 18-avgust,
2-son
45-son
2022-26-son
Национального агентства перспективных проектов Республики Узбекистан Министерства финансов Республики Узбекистан Государственного налогового комитета Республики Узбекистан
Постановление
ПОЛОЖЕНИЕ
Об утверждении Положения об установлении размеров сборов за осуществление деятельности в сфере оборота крипто-активов, порядке их уплаты и распределения
В соответствии с постановлением Президента Республики Узбекистан от 3 июля 2018 года № ПП-3832 «О мерах по развитию цифровой экономики и сферы оборота крипто-активов в Республике Узбекистан» Национальное агентство перспективных проектов, Министерство финансов и Государственный налоговый комитет Республики Узбекистан постановляют:
1. Утвердить Положение об установлении размеров сборов за осуществление деятельности в сфере оборота крипто-активов, порядке их уплаты и распределения согласно приложению .
2. Настоящее постановление вступает в силу со дня его официального опубликования.
ПРИЛОЖЕНИЕ к постановлению Национального агентства перспективных проектов Республики Узбекистан от 30 августа 2022 года № 2, Министерства финансов Республики Узбекистан от 30 августа 2022 года № 45, Государственного налогового комитета Республики Узбекистан от 18 августа 2022 года № 2022-26
об установлении размеров сборов за осуществление деятельности в сфере оборота крипто-активов, порядка их уплаты и распределения
Настоящее Положение устанавливает размеры сборов, уплачиваемых юридическими лицами за осуществление деятельности в сфере оборота крипто-активов , а также определяет порядок их уплаты и распределения.
Глава 1. Основные положения
1. Юридические лица, осуществляющие майнинг и деятельность провайдеров услуг в сфере оборота крипто-активов на территории Республики Узбекистан (майнеры и провайдеры услуг) за осуществление данного вида деятельности уплачивают сборы (далее — сборы).
Резиденты специальной майнинговой зоны «Besqala Mining Valley», создаваемой на территории Республики Каракалпакстан, освобождаются от уплаты указанных сборов до 1 января 2035 года.
2. Сборы устанавливаются в следующих размерах кратной базовой расчетной величины (далее — БРВ), действующей на дату уплаты:
а) для деятельности майнеров — 10-кратный размер БРВ;
б) по провайдерам услуг:
для деятельности крипто-биржи — 740-кратный размер БРВ;
для деятельности майнинг-пула — 100-кратный размер БРВ;
для деятельности крипто-депозитария — 5-кратный размер БРВ;
для деятельности крипто-магазина — 185-кратный размер БРВ.
Глава 2. Порядок уплаты и распределения сборов
3. Сборы уплачиваются майнерами и провайдерами услуг ежемесячно с момента получения в установленном порядке лицензии или документов разрешительного характера на осуществление деятельности в сфере оборота крипто-активов.
При этом, при получении лицензии или документов разрешительного характера до двадцатого числа текущего месяца сбор уплачивается в полном объеме за данный месяц, а при получении лицензии или документов разрешительного характера после двадцатого числа текущего месяца — с первого числа следующего месяца.
4. При приостановлении или прекращении деятельности в сфере оборота крипто-активов исчисление сбора приостанавливается с первого числа следующего месяца.
5. Сборы зачисляются на казначейские лицевые счета Национального агентства перспективных проектов Республики Узбекистан (далее — Агентство) ежемесячно в виде предоплаты до десятого числа текущего месяца.
При этом, в соответствии с абзацем вторым пункта 3 настоящего Положения при получении лицензии или документов разрешительного характера до двадцатого числа текущего месяца сбор уплачивается до последней даты данного месяца, а при получении лицензии или документов разрешительного характера после двадцатого числа месяца — до десятого числа следующего месяца.
6. Сумма сборов распределяется в следующем порядке:
80 процентов от суммы сбора — в Государственный бюджет Республики Узбекистан;
20 процентов от суммы сбора — на казначейские лицевые счета Агентства в коммерческом банке.
Глава 3. Заключительное положение
7. Лица, виновные в нарушении требований настоящего Положения, несут ответственность в порядке, установленном актами законодательства.
Директор Д. ЛИ
Министр финансов Т. ИШМЕТОВ
Председатель Государственного налогового комитета Ш. КУДБИЕВ
г. Ташкент,
30 августа 2022 г.,
г. Ташкент,
30 августа 2022 г.,
г. Ташкент,
18 августа 2022 г.,
№ 2
№ 45
№ 2022-26