📅 2022-yil 29-sentabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 29 сентябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 29 сентября 2022 г. · Постановления Кабинета Министров
Официальный текст. Официальный документ. Редакционные примечания не включены.
📅 29 September 2022 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ПАСПОРТИ
Космик фаолият соҳасида лицензиялаш тартиб-таомиллари такомиллаштирилиши муносабати билан Вазирлар Маҳкамасининг 2022 йил 21 февралдаги 80-сон қарори билан тасдиқланган Махсус электрон тизим орқали айрим фаолият турларини лицензиялаш тартиби тўғрисида ягона низомга ўзгартириш ва қўшимча киритиш ҳақида
Сўнгги йилларда дунёнинг етакчи ва кўплаб ривожланаётган давлатлари томонидан космик фазони тинчлик мақсадларида тадқиқ этиш, тижорий космик фаолиятни қўллаб-қувватлаш ҳамда космик хизматлар бозорини ривожлантиришга алоҳида эътибор қаратилмоқда.
Мазкур йўналишларда мамлакатимизда космик фаолиятнинг алоҳида турларини лицензиялаш тизимини либераллаштириш ҳамда институционал ислоҳ қилишнинг янги босқичини бошлаш учун мустаҳкам ҳуқуқий асос яратиш борасида изчил чора-тадбирлар амалга оширилмоқда.
«Лицензиялаш, рухсат бериш ва хабардор қилиш тартиб-таомиллари тўғрисида»ги Ўзбекистон Республикасининг Қонуни ҳамда Ўзбекистон Республикаси Президентининг «Лицензиялаш ва рухсат бериш тартиб-таомилларини тубдан такомиллаштириш чора-тадбирлари тўғрисида» 2020 йил 24 августдаги ПФ-6044-сон Фармонига мувофиқ Вазирлар Маҳкамаси қарор қилади:
1. Вазирлар Маҳкамасининг 2022 йил 21 февралдаги 80-сон қарори билан тасдиқланган Махсус электрон тизим орқали айрим фаолият турларини лицензиялаш тартиби тўғрисида ягона низомга қуйидагиларни ўз ичига олган космик технологияларни қўлловчи ташкилотларнинг фаолиятини лицензиялаш паспортини тасдиқлашни назарда тутувчи ўзгартириш ва қўшимча иловага мувофиқ киритилсин:
илмий-тадқиқот ва тажриба конструкторлик ишлари, лойиҳа-конструкторлик ва технологик ишланмалар, космик техниканинг синов, тажриба ва тижорат намуналарини тайёрлаш ҳамда синовдан ўтказиш;
охирги истеъмолчиларга космик хизматларни кўрсатиш;
лицензия олиш бўйича ариза бериш, тўланадиган йиғим миқдори, аризани кўриб чиқиш муддати, лицензия олишга оид талаб ва шартларни белгилаш.
2. Мазкур қарорнинг бажарилишини назорат қилиш Вазирлар Маҳкамаси ҳузуридаги Космик тадқиқотлар ва технологиялар агентлиги бош директори в.б. Ш.М. Кадиров зиммасига ҳамда Вазирлар Маҳкамасининг IT-технологиялар, телекоммуникациялар ва илмий фаолиятни ривожлантириш масалалари департаментига юклансин.
Вазирлар Маҳкамасининг 2022 йил 29 сентябрдаги 549-сон қарорига ИЛОВА
Вазирлар Маҳкамасининг 2022 йил 21 февралдаги 80-сон қарори билан тасдиқланган Махсус электрон тизим орқали айрим фаолият турларини лицензиялаш тартиби тўғрисида ягона низомга киритилаётган ўзгартириш ва қўшимча
1. 1-банднинг учинчи хатбошисидаги «32» рақами «33» рақами билан алмаштирилсин.
2. Қуйидаги мазмундаги 33-илова билан тўлдирилсин:
«Махсус электрон тизим орқали айрим фаолият турларини лицензиялаш тартиби тўғрисидаги ягона низомга 33-ИЛОВА
Космик технологияларни қўлловчи ташкилотларнинг фаолиятини лицензиялаш
1. Лицензия номи: Космик технологияларни қўлловчи ташкилотларнинг фаолияти учун лицензия 2. Лицензияланадиган фаолиятнинг кичик турлари: а) илмий-тадқиқот ва тажриба конструкторлик ишлари, лойиҳа-конструкторлик ва технологик ишланмалар*, космик техниканинг синов, тажриба ва тижорат намуналарини тайёрлаш ҳамда синовдан ўтказиш; б) охирги истеъмолчиларга космик хизматлар кўрсатиш. 3. Ариза берувчилар тоифаси: юридик шахс 4. Лицензияловчи орган: Вазирлар Маҳкамаси ҳузуридаги Космик тадқиқотлар ва технологиялар агентлиги 5. Лицензияни олиш учун тақдим қилинадиган ҳужжатлар: Ариза. Аризада қуйидаги маълумотлар кўрсатилади: а) юридик шахснинг номи ва ташкилий-ҳуқуқий шакли, жойлашган жойи; б) фаолиятни амалга ошириш жойи, банк муассасасининг номи ва банкдаги ҳисобварағи, телефон рақами, СТИР, электрон почта манзили; в) керакли лицензия тоифасини, унинг кичик турини ва янги лицензия олиш, қайта расмийлаштириш, ўзгартириш, узайтириш мақсадини танлаш; г) лицензия талабгорининг лицензия талаблари ва шартларига риоя қилишга розилиги. 6. Аризани кўриб чиқиш учун тўланадиган йиғим миқдори: базавий ҳисоблаш миқдорининг бир баравари миқдорида 7. Лицензия берилганлиги учун давлат божи миқдори: мавжуд эмас 8. Аризани кўриб чиқиш муддатлари: 20 иш куни 9. Лицензия талаблари ва шартлари: а) лицензиат томонидан космик тадқиқотлар ва технологиялар соҳасидаги қонунчилик ҳужжатларига риоя этилиши; б) хизматлар кўрсатиш шартлари, тарифлар ва ахборот маълумотларини расмий веб-сайтларида жойлаштириш; в) умумдавлат вазифаларини ҳал этиш учун космик соҳани ривожлантиришнинг миллий дастурларини амалга оширишда иштирок этиш. 10. Лицензия беришда келишиладиган органлар: мавжуд эмас 11. Лицензиянинг амал қилиш муддати: чекланмаган 12. Изоҳ. Охирги истеъмолчиларга космик хизматлар кўрсатиш лицензиянинг ушбу кичик турида охирги истеъмолчиларга йўлдошли алоқа ва йўлдошли навигация хизматларини кўрсатиш назарда тутилмайди. * технологик ишланмалар сунъий йўлдош аппаратлари ва уларнинг бутловчи қисмларини ишлаб чиқаришни ўз ичига олади. ».
Ўзбекистон Республикасининг Бош вазири А. АРИПОВ
Тошкент ш.,
2022 йил 29 сентябрь,
549-сон
Oʻzbekiston Respublikasi Vazirlar Mahkamasining
qarori
PASPORTI
Kosmik faoliyat sohasida litsenziyalash tartib-taomillari takomillashtirilishi munosabati bilan Vazirlar Mahkamasining 2022-yil 21-fevraldagi 80-son qarori bilan tasdiqlangan Maxsus elektron tizim orqali ayrim faoliyat turlarini litsenziyalash tartibi toʻgʻrisida yagona nizomga oʻzgartirish va qoʻshimcha kiritish haqida
Soʻnggi yillarda dunyoning yetakchi va koʻplab rivojlanayotgan davlatlari tomonidan kosmik fazoni tinchlik maqsadlarida tadqiq etish, tijoriy kosmik faoliyatni qoʻllab-quvvatlash hamda kosmik xizmatlar bozorini rivojlantirishga alohida eʼtibor qaratilmoqda.
Mazkur yoʻnalishlarda mamlakatimizda kosmik faoliyatning alohida turlarini litsenziyalash tizimini liberallashtirish hamda institutsional isloh qilishning yangi bosqichini boshlash uchun mustahkam huquqiy asos yaratish borasida izchil chora-tadbirlar amalga oshirilmoqda.
“Litsenziyalash, ruxsat berish va xabardor qilish tartib-taomillari toʻgʻrisida”gi Oʻzbekiston Respublikasining Qonuni hamda Oʻzbekiston Respublikasi Prezidentining “Litsenziyalash va ruxsat berish tartib-taomillarini tubdan takomillashtirish chora-tadbirlari toʻgʻrisida” 2020-yil 24-avgustdagi PF-6044-son Farmoniga muvofiq Vazirlar Mahkamasi qaror qiladi:
1. Vazirlar Mahkamasining 2022-yil 21-fevraldagi 80-son qarori bilan tasdiqlangan Maxsus elektron tizim orqali ayrim faoliyat turlarini litsenziyalash tartibi toʻgʻrisida yagona nizomga quyidagilarni oʻz ichiga olgan kosmik texnologiyalarni qoʻllovchi tashkilotlarning faoliyatini litsenziyalash pasportini tasdiqlashni nazarda tutuvchi oʻzgartirish va qoʻshimcha ilovaga muvofiq kiritilsin:
ilmiy-tadqiqot va tajriba konstruktorlik ishlari, loyiha-konstruktorlik va texnologik ishlanmalar, kosmik texnikaning sinov, tajriba va tijorat namunalarini tayyorlash hamda sinovdan oʻtkazish;
oxirgi isteʼmolchilarga kosmik xizmatlarni koʻrsatish;
litsenziya olish boʻyicha ariza berish, toʻlanadigan yigʻim miqdori, arizani koʻrib chiqish muddati, litsenziya olishga oid talab va shartlarni belgilash.
2. Mazkur qarorning bajarilishini nazorat qilish Vazirlar Mahkamasi huzuridagi Kosmik tadqiqotlar va texnologiyalar agentligi bosh direktori v.b. Sh.M. Kadirov zimmasiga hamda Vazirlar Mahkamasining IT-texnologiyalar, telekommunikatsiyalar va ilmiy faoliyatni rivojlantirish masalalari departamentiga yuklansin.
Vazirlar Mahkamasining 2022-yil 29-sentabrdagi 549-son qaroriga ILOVA
Vazirlar Mahkamasining 2022-yil 21-fevraldagi 80-son qarori bilan tasdiqlangan Maxsus elektron tizim orqali ayrim faoliyat turlarini litsenziyalash tartibi toʻgʻrisida yagona nizomga kiritilayotgan oʻzgartirish va qoʻshimcha
1. 1-bandning uchinchi xatboshisidagi “32” raqami “33” raqami bilan almashtirilsin.
2. Quyidagi mazmundagi 33-ilova bilan toʻldirilsin:
“Maxsus elektron tizim orqali ayrim faoliyat turlarini litsenziyalash tartibi toʻgʻrisidagi yagona nizomga 33-ILOVA
Kosmik texnologiyalarni qoʻllovchi tashkilotlarning faoliyatini litsenziyalash
1. Litsenziya nomi: Kosmik texnologiyalarni qoʻllovchi tashkilotlarning faoliyati uchun litsenziya 2. Litsenziyalanadigan faoliyatning kichik turlari: a) ilmiy-tadqiqot va tajriba konstruktorlik ishlari, loyiha-konstruktorlik va texnologik ishlanmalar*, kosmik texnikaning sinov, tajriba va tijorat namunalarini tayyorlash hamda sinovdan oʻtkazish; b) oxirgi isteʼmolchilarga kosmik xizmatlar koʻrsatish. 3. Ariza beruvchilar toifasi: yuridik shaxs 4. Litsenziyalovchi organ: Vazirlar Mahkamasi huzuridagi Kosmik tadqiqotlar va texnologiyalar agentligi 5. Litsenziyani olish uchun taqdim qilinadigan hujjatlar: Ariza. Arizada quyidagi maʼlumotlar koʻrsatiladi: a) yuridik shaxsning nomi va tashkiliy-huquqiy shakli, joylashgan joyi; b) faoliyatni amalga oshirish joyi, bank muassasasining nomi va bankdagi hisobvaragʻi, telefon raqami, STIR, elektron pochta manzili; v) kerakli litsenziya toifasini, uning kichik turini va yangi litsenziya olish, qayta rasmiylashtirish, oʻzgartirish, uzaytirish maqsadini tanlash; g) litsenziya talabgorining litsenziya talablari va shartlariga rioya qilishga roziligi. 6. Arizani koʻrib chiqish uchun toʻlanadigan yigʻim miqdori: bazaviy hisoblash miqdorining bir baravari miqdorida 7. Litsenziya berilganligi uchun davlat boji miqdori: mavjud emas 8. Arizani koʻrib chiqish muddatlari: 20 ish kuni 9. Litsenziya talablari va shartlari: a) litsenziat tomonidan kosmik tadqiqotlar va texnologiyalar sohasidagi qonunchilik hujjatlariga rioya etilishi; b) xizmatlar koʻrsatish shartlari, tariflar va axborot maʼlumotlarini rasmiy veb-saytlarida joylashtirish; v) umumdavlat vazifalarini hal etish uchun kosmik sohani rivojlantirishning milliy dasturlarini amalga oshirishda ishtirok etish. 10. Litsenziya berishda kelishiladigan organlar: mavjud emas 11. Litsenziyaning amal qilish muddati: cheklanmagan 12. Izoh. Oxirgi isteʼmolchilarga kosmik xizmatlar koʻrsatish litsenziyaning ushbu kichik turida oxirgi isteʼmolchilarga yoʻldoshli aloqa va yoʻldoshli navigatsiya xizmatlarini koʻrsatish nazarda tutilmaydi. * texnologik ishlanmalar sunʼiy yoʻldosh apparatlari va ularning butlovchi qismlarini ishlab chiqarishni oʻz ichiga oladi. ”.
Oʻzbekiston Respublikasining Bosh vaziri A. ARIPOV
Toshkent sh.,
2022-yil 29-sentabr,
549-son