📅 2022-yil 30-sentabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 30 сентябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 30 сентября 2022 г. · Постановления Кабинета Министров
Официальный текст. Официальный документ. Редакционные примечания не включены.
📅 30 September 2022 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Вазирлар Маҳкамасининг «Ўзбекистон Республикасининг Давлат чегараси орқали ўтказиш пунктларида чеГАРа, божхона, санитария-карантин, фитосанитария ва ветеринария назоратини ташкил этиш тартибини янада такомиллаштириш тўғрисида» 2019 йил 18 ноябрдаги 912-сон қарорига ўзгартиришлар ва қўшимча киритиш ҳақида
Сўнгги вақтларда автомобиль ўтказиш пунктлари тақиқланган товарларни Ўзбекистон Республикаси ҳудудига ноқонуний олиб кириш ҳамда республика орқали уларни транзит тарзда олиб ўтиш йўналишларидан бири сифатида сақланиб қолмоқда.
Бунда қонунбузарлар томонидан турли ҳийла-найранглар қўлланиши ҳамда транспорт воситасини кўрикдан ўтказиш вақти чекланганлиги автомобиль ўтказиш пунктида тақиқланган товарларни аниқлашда қийинчиликларни, шунингдек, тирбандликларни юзага келтирмоқда.
Ўзбекистон Республикасининг Давлат чегараси орқали ўтказиш пунктларида чегара, божхона, санитария-карантин, фитосанитария ва ветеринария назорати органлари фаолиятининг самарадорлигини янада ошириш, шунингдек, Давлат чегараси орқали товарлар ва транспорт воситалари ноқонуний кириб келишининг олдини олиш ва уларни кўрикдан ўтказишда Ўзбекистон Республикаси Давлат хавфсизлик хизмати Чегара қўшинлари ҳарбий хизматчиларини жалб этиш мақсадида Вазирлар Маҳкамаси қарор қилади:
1. Вазирлар Маҳкамасининг 2019 йил 18 ноябрдаги 912-сон қарори билан тасдиқланган Ўзбекистон Республикасининг Давлат чегараси орқали шахслар, транспорт воситалари ва товарларни ўтказиш пунктларида чегара, божхона, санитария-карантин, фитосанитария ва ветеринария назоратидан ўтказиш тартиби тўғрисидаги низомга иловага мувофиқ қуйидагиларни назарда тутувчи ўзгартиришлар ва қўшимча киритилсин:
«Чегара назорати» ва «чегара кўриги» тушунчаларига янада аниқлик киритилган таъриф бериш;
автомобиль ўтказиш пунктлари орқали ҳаракатланаётган автотранспорт воситалари ва юкларни кўрикдан божхона ва чегара назорати бўлинмалари билан ҳамкорликда ўтказиш;
автотранспорт воситалари ва юкларни кўрикдан ўтказишда чегара назорати бўлинмалари иштирокини таъминлаган ҳолда, чегара назоратини амалга ошириш учун сарфланадиган вақтни оптималлаштириш.
2. Ўзбекистон Республикаси Давлат хавфсизлик хизмати Чегара қўшинлари манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсин.
3. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари А.Ж. Раматов, Ўзбекистон Республикаси Давлат хавфсизлик хизмати раисининг ўринбосари — Чегара қўшинлари қўмондони С.Э. Хусанов ва Ўзбекистон Республикаси Давлат божхона қўмитаси раиси А.Ю. Мавлонов зиммасига юклансин.
Вазирлар Маҳкамасининг 2022 йил 30 сентябрдаги 555-сон қарорига ИЛОВА
Вазирлар Маҳкамасининг 2019 йил 18 ноябрдаги 912-сон қарори билан тасдиқланган Ўзбекистон Республикасининг Давлат чегараси орқали шахслар, транспорт воситалари ва товарларни ўтказиш пунктларида чегара, божхона, санитария-карантин, фитосанитария ва ветеринария назоратидан ўтказиш тартиби тўғрисидаги низомга киритилаётган ўзгартиришлар ва қўшимча
1. 2-бандда :
йигирманчи хатбоши қуйидаги таҳрирда баён этилсин:
«чегара назорати — Ўзбекистон Республикаси Давлат хавфсизлик хизмати Чегара қўшинлари чегара назорати бўлинмалари (кейинги ўринларда — чегара назорати бўлинмалари) томонидан Давлат чегарасини қўриқлаш ва ҳимоя қилиш, Давлат чегарасини ва ўтказиш пунктларидаги режимни бузиш ҳолатларининг олдини олиш мақсадида Давлат чегараси орқали ўтказиш пунктларида шахслар, транспорт воситалари ва товарларга нисбатан амалга ошириладиган комплекс тадбирлар»;
қуйидаги мазмундаги хатбоши билан тўлдирилсин:
«чегара кўриги — Ўзбекистон Республикаси Давлат хавфсизлик хизмати Чегара қўшинлари бўлинмалари томонидан транспорт воситалари ва товарларда назоратдан яширинган шахслар ёки Давлат чегараси орқали олиб ўтиш тақиқланган товарларни аниқлаш бўйича амалга ошириладиган комплекс тадбирлар мажмуи».
2. 18-банд қуйидаги таҳрирда баён этилсин:
«18. Транспорт воситалари ва товарлар техника хавфсизлигига риоя этилган ҳолда, ташувчи вакили ёки товарга ваколатли шахс ёхуд транспорт воситаси ҳайдовчиси (ҳаво, дарё кемаси экипажи, поезд бригадасининг аъзоси) иштирокида чегара ва божхона назоратидан ўтказилади ҳамда улар қўшма наряднинг талабига кўра кўздан кечириш қийин бўлган барча жойларни кўрсатиши шарт».
3. 30-бандда :
иккинчи хатбоши қуйидаги таҳрирда баён этилсин:
«автотранспорт воситалари ва (ёки) товарлар чегара ва (ёки) божхона кўригидан ўтказилганда»;
тўртинчи хатбоши қуйидаги таҳрирда баён этилсин:
«божхона органларига Ўзбекистон Республикасининг божхона чегараси орқали, шу жумладан, транзит шартларида ўтказиладиган автотранспорт воситалари ва товарлар бўйича транзит декларацияси олдиндан тақдим қилинмаган ҳолларда».
4. 36-банднинг «е» кичик банди қуйидаги таҳрирда баён этилсин:
«е) қўшма наряд томонидан ҳайдовчидан автотранспорт воситасида чегара ва божхона назоратидан яширинган шахслар ва товарлар, Ўзбекистон Республикаси ҳудудига олиб кириш ёки ҳудуди орқали транзит ташиш тақиқланган предметлар бор ёки йўқлиги сўралади. Шундан сўнг автотранспорт воситаси қўшма наряд томонидан кўрикдан (божхона мақсадлари учун божхона кўздан кечирувидан) ўтказилади».
5. 40-банднинг «д» кичик банди қуйидаги таҳрирда баён этилсин:
«д) қўшма наряд томонидан ҳайдовчидан автотранспорт воситасида чегара ва божхона назоратидан яширинган шахслар ва товарлар, Ўзбекистон Республикаси ҳудудига олиб кириш ёки ҳудуди орқали транзит ташиш тақиқланган предметлар бор ёки йўқлиги сўралади. Шундан сўнг автотранспорт воситаси қўшма наряд томонидан кўрикдан (божхона мақсадлари учун божхона кўздан кечирувидан) ўтказилади».
6. 2-иловада :
а) 2-босқич қуйидаги таҳрирда баён этилсин:
«2-босқич Чегара назорати 1. Ҳайдовчининг Давлат чегарасини кесиб ўтиш ҳуқуқини берувчи ҳужжатлари мавжудлигини текшириш. тўрт дақиқа 2. Ҳайдовчи ва транспорт воситасини чегара назоратидан ўтказиш. Божхона назоратига ажратилган вақт доирасида».
б) Изоҳнинг биринчи хатбошиси қуйидаги таҳрирда баён этилсин:
7. 3-иловада :
а) 4-босқич қуйидаги таҳрирда баён этилсин:
«4-босқич Чегара назорати 1. Ҳайдовчининг Давлат чегарасини кесиб ўтиш ҳуқуқини берувчи ҳужжатлари мавжудлигини текшириш. тўрт дақиқа 2. Ҳайдовчи ва транспорт воситасини чегара назоратидан ўтказиш. Божхона назоратига ажратилган вақт доирасида».
б) Изоҳнинг биринчи хатбошиси қуйидаги таҳрирда баён этилсин:
Ўзбекистон Республикасининг Бош вазири А. АРИПОВ
Тошкент ш.,
2022 йил 30 сентябрь,
555-сон
Oʻzbekiston Respublikasi Vazirlar Mahkamasining
qarori
Vazirlar Mahkamasining “Oʻzbekiston Respublikasining Davlat chegarasi orqali oʻtkazish punktlarida cheGARa, bojxona, sanitariya-karantin, fitosanitariya va veterinariya nazoratini tashkil etish tartibini yanada takomillashtirish toʻgʻrisida” 2019-yil 18-noyabrdagi 912-son qaroriga oʻzgartirishlar va qoʻshimcha kiritish haqida
Soʻnggi vaqtlarda avtomobil oʻtkazish punktlari taqiqlangan tovarlarni Oʻzbekiston Respublikasi hududiga noqonuniy olib kirish hamda respublika orqali ularni tranzit tarzda olib oʻtish yoʻnalishlaridan biri sifatida saqlanib qolmoqda.
Bunda qonunbuzarlar tomonidan turli hiyla-nayranglar qoʻllanishi hamda transport vositasini koʻrikdan oʻtkazish vaqti cheklanganligi avtomobil oʻtkazish punktida taqiqlangan tovarlarni aniqlashda qiyinchiliklarni, shuningdek, tirbandliklarni yuzaga keltirmoqda.
Oʻzbekiston Respublikasining Davlat chegarasi orqali oʻtkazish punktlarida chegara, bojxona, sanitariya-karantin, fitosanitariya va veterinariya nazorati organlari faoliyatining samaradorligini yanada oshirish, shuningdek, Davlat chegarasi orqali tovarlar va transport vositalari noqonuniy kirib kelishining oldini olish va ularni koʻrikdan oʻtkazishda Oʻzbekiston Respublikasi Davlat xavfsizlik xizmati Chegara qoʻshinlari harbiy xizmatchilarini jalb etish maqsadida Vazirlar Mahkamasi qaror qiladi:
1. Vazirlar Mahkamasining 2019-yil 18-noyabrdagi 912-son qarori bilan tasdiqlangan Oʻzbekiston Respublikasining Davlat chegarasi orqali shaxslar, transport vositalari va tovarlarni oʻtkazish punktlarida chegara, bojxona, sanitariya-karantin, fitosanitariya va veterinariya nazoratidan oʻtkazish tartibi toʻgʻrisidagi nizomga ilovaga muvofiq quyidagilarni nazarda tutuvchi oʻzgartirishlar va qoʻshimcha kiritilsin:
“Chegara nazorati” va “chegara koʻrigi” tushunchalariga yanada aniqlik kiritilgan taʼrif berish;
avtomobil oʻtkazish punktlari orqali harakatlanayotgan avtotransport vositalari va yuklarni koʻrikdan bojxona va chegara nazorati boʻlinmalari bilan hamkorlikda oʻtkazish;
avtotransport vositalari va yuklarni koʻrikdan oʻtkazishda chegara nazorati boʻlinmalari ishtirokini taʼminlagan holda, chegara nazoratini amalga oshirish uchun sarflanadigan vaqtni optimallashtirish.
2. Oʻzbekiston Respublikasi Davlat xavfsizlik xizmati Chegara qoʻshinlari manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov, Oʻzbekiston Respublikasi Davlat xavfsizlik xizmati raisining oʻrinbosari — Chegara qoʻshinlari qoʻmondoni S.E. Xusanov va Oʻzbekiston Respublikasi Davlat bojxona qoʻmitasi raisi A.Y. Mavlonov zimmasiga yuklansin.
Vazirlar Mahkamasining 2022-yil 30-sentabrdagi 555-son qaroriga ILOVA
Vazirlar Mahkamasining 2019-yil 18-noyabrdagi 912-son qarori bilan tasdiqlangan Oʻzbekiston Respublikasining Davlat chegarasi orqali shaxslar, transport vositalari va tovarlarni oʻtkazish punktlarida chegara, bojxona, sanitariya-karantin, fitosanitariya va veterinariya nazoratidan oʻtkazish tartibi toʻgʻrisidagi nizomga kiritilayotgan oʻzgartirishlar va qoʻshimcha
1. 2-bandda :
yigirmanchi xatboshi quyidagi tahrirda bayon etilsin:
“chegara nazorati — Oʻzbekiston Respublikasi Davlat xavfsizlik xizmati Chegara qoʻshinlari chegara nazorati boʻlinmalari (keyingi oʻrinlarda — chegara nazorati boʻlinmalari) tomonidan Davlat chegarasini qoʻriqlash va himoya qilish, Davlat chegarasini va oʻtkazish punktlaridagi rejimni buzish holatlarining oldini olish maqsadida Davlat chegarasi orqali oʻtkazish punktlarida shaxslar, transport vositalari va tovarlarga nisbatan amalga oshiriladigan kompleks tadbirlar”;
quyidagi mazmundagi xatboshi bilan toʻldirilsin:
“chegara koʻrigi — Oʻzbekiston Respublikasi Davlat xavfsizlik xizmati Chegara qoʻshinlari boʻlinmalari tomonidan transport vositalari va tovarlarda nazoratdan yashiringan shaxslar yoki Davlat chegarasi orqali olib oʻtish taqiqlangan tovarlarni aniqlash boʻyicha amalga oshiriladigan kompleks tadbirlar majmui”.
2. 18-band quyidagi tahrirda bayon etilsin:
“18. Transport vositalari va tovarlar texnika xavfsizligiga rioya etilgan holda, tashuvchi vakili yoki tovarga vakolatli shaxs yoxud transport vositasi haydovchisi (havo, daryo kemasi ekipaji, poyezd brigadasining aʼzosi) ishtirokida chegara va bojxona nazoratidan oʻtkaziladi hamda ular qoʻshma naryadning talabiga koʻra koʻzdan kechirish qiyin boʻlgan barcha joylarni koʻrsatishi shart”.
3. 30-bandda :
ikkinchi xatboshi quyidagi tahrirda bayon etilsin:
“avtotransport vositalari va (yoki) tovarlar chegara va (yoki) bojxona koʻrigidan oʻtkazilganda”;
toʻrtinchi xatboshi quyidagi tahrirda bayon etilsin:
“bojxona organlariga Oʻzbekiston Respublikasining bojxona chegarasi orqali, shu jumladan, tranzit shartlarida oʻtkaziladigan avtotransport vositalari va tovarlar boʻyicha tranzit deklaratsiyasi oldindan taqdim qilinmagan hollarda”.
4. 36-bandning “e” kichik bandi quyidagi tahrirda bayon etilsin:
“e) qoʻshma naryad tomonidan haydovchidan avtotransport vositasida chegara va bojxona nazoratidan yashiringan shaxslar va tovarlar, Oʻzbekiston Respublikasi hududiga olib kirish yoki hududi orqali tranzit tashish taqiqlangan predmetlar bor yoki yoʻqligi soʻraladi. Shundan soʻng avtotransport vositasi qoʻshma naryad tomonidan koʻrikdan (bojxona maqsadlari uchun bojxona koʻzdan kechiruvidan) oʻtkaziladi”.
5. 40-bandning “d” kichik bandi quyidagi tahrirda bayon etilsin:
“d) qoʻshma naryad tomonidan haydovchidan avtotransport vositasida chegara va bojxona nazoratidan yashiringan shaxslar va tovarlar, Oʻzbekiston Respublikasi hududiga olib kirish yoki hududi orqali tranzit tashish taqiqlangan predmetlar bor yoki yoʻqligi soʻraladi. Shundan soʻng avtotransport vositasi qoʻshma naryad tomonidan koʻrikdan (bojxona maqsadlari uchun bojxona koʻzdan kechiruvidan) oʻtkaziladi”.
6. 2-ilovada :
a) 2-bosqich quyidagi tahrirda bayon etilsin:
“2-bosqich Chegara nazorati 1. Haydovchining Davlat chegarasini kesib oʻtish huquqini beruvchi hujjatlari mavjudligini tekshirish. toʻrt daqiqa 2. Haydovchi va transport vositasini chegara nazoratidan oʻtkazish. Bojxona nazoratiga ajratilgan vaqt doirasida”.
b) Izohning birinchi xatboshisi quyidagi tahrirda bayon etilsin:
7. 3-ilovada :
a) 4-bosqich quyidagi tahrirda bayon etilsin:
“4-bosqich Chegara nazorati 1. Haydovchining Davlat chegarasini kesib oʻtish huquqini beruvchi hujjatlari mavjudligini tekshirish. toʻrt daqiqa 2. Haydovchi va transport vositasini chegara nazoratidan oʻtkazish. Bojxona nazoratiga ajratilgan vaqt doirasida”.
b) Izohning birinchi xatboshisi quyidagi tahrirda bayon etilsin:
Oʻzbekiston Respublikasining Bosh vaziri A. ARIPOV
Toshkent sh.,
2022-yil 30-sentabr,
555-son