📅 2022-yil 30-sentabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 30 сентябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 30 сентября 2022 г. · Указы Президента
Официальный текст. Официальный документ. Редакционные примечания не включены.
📅 30 September 2022 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Тадбиркорлик субъектларининг экспорт салоҳиятини янада кенгайтириш чора-тадбирлари тўғрисида
Ўзбекистон Республикаси Президентининг 2022 йил 28 январдаги «2022 — 2026 йилларга мўлжалланган Янги Ўзбекистоннинг тараққиёт стратегияси тўғрисида»ги ПФ-60-сон Фармони ҳамда Ўзбекистон Республикаси Президентининг тадбиркорлар билан 2022 йилдаги «очиқ мулоқоти»да белгиланган вазифаларни амалга ошириш, шунингдек, экспорт фаолиятини қўллаб-қувватлаш тизимини янада такомиллаштириш мақсадида:
1. Белгилансинки, 2022 йил 1 ноябрдан бошлаб:
бир экспорт шартномаси доирасида келиб тушмаган валюта суммаси экспортга юкланган жами маҳсулот нархининг 5 фоизидан ошмаган тақдирда муддати ўтган дебитор қарздорлик ҳисобланмайди ва тадбиркорлик субъектига нисбатан жарима қўлланилмайди. Ушбу норма 2022 йил 1 ноябрга қадар бўлган ҳолатларга ҳам татбиқ этилади;
қовун (ТИФ ТН коди 1207 70 000 0), канакунжут (ТИФ ТН коди 1207 30 000 0), хантал (ТИФ ТН кодлари 1207 50 100 0, 1207 50 900 0) ва махсар (ТИФ ТН коди 1207 60 000 0) уруғлари экспортига рухсат берилади.
2. Инвестициялар ва ташқи савдо вазирлигининг экспортчи корхоналарни очиқ танлов орқали саралаб, уларни етакчи экспортёрларга айлантириш ва ҳар томонлама қўллаб-қувватлаш бўйича «Янги Ўзбекистон — рақобатбардош маҳсулотлар юрти» дастурини (кейинги ўринларда — Дастур) амалга ошириш тўғрисидаги таклифи маъқуллансин.
Бунда, Дастур доирасида экспортчи корхоналарни саралаб олиш қуйидаги мезонлар асосида амалга оширилади:
экспортчи корхоналар юридик шахс сифатида рўйхатдан ўтган ҳамда камида сўнгги икки йил давомида фаолият юритаётган бўлиши;
охирги 12 ой мобайнида экспорт қилинган тайёр маҳсулот суммаси 1 миллион АҚШ долларидан ортиқ бўлиши;
умумий тушум ҳажмида экспортдан тушум улуши 30 фоиздан юқори бўлиши;
экспортга чиқарилаётган тайёр маҳсулотлар тури 2 тадан ортиқ бўлиши;
охирги 12 ой мобайнида экспорт географияси, қўшни давлатларни инобатга олмаган ҳолда, 2 та мамлакатдан ортиқ бўлиши;
охирги 12 ой мобайнида амалга оширилган экспорт ҳажмида муддати ўтган дебитор қарздорликнинг улуши 5 фоиздан кам бўлиши.
Инвестициялар ва ташқи савдо вазирлиги корхоналар рўйхати мазкур мезонларга мувофиқ Экспорт қилувчиларни қўллаб-қувватлаш ягона порталида (www.exportportali.uz) онлайн тартибда автоматик тарзда рейтинг асосида шакллантирилиши ва ҳар 6 ой мобайнида янгилаб борилишини таъминласин.
3. Қуйидагилар:
а) Дастурнинг босқичма-босқич 200 та (рейтинг асосида биринчи босқичда 50 та, 2023 йил 1 январдан бошлаб 100 та, 2023 йил 1 июлдан бошлаб 200 та) экспортчи корхоналарни қўшимча қўллаб-қувватлаш ва уларни рағбатлантириш орқали амалга оширилиши;
б) Дастурга киритилган экспортчи корхоналар:
экспорт ва унга тенглаштирилган операцияларни амалга оширганда ноль даражали қўшилган қиймат солиғи ставкаси қўлланилиши натижасида ҳосил бўлган солиқнинг ошиб кетган қисми уларнинг мурожаатига асосан тезлаштирилган тартибда 7 кун ичида тўлиқ қайтариб берилиши;
айланма маблағларини тўлдириш учун кредит олишида тижорат банкларига экспорт шартномаларини гаров таъминоти сифатида қабул қилиш тавсия этилиши;
Экспортни қўллаб-қувватлаш жамғармаси ҳисобидан экспортолди ва экспорт билан боғлиқ савдо операцияларини молиялаштириши учун охирги 12 ой мобайнида амалга оширилган экспорт ҳажмидан келиб чиққан ҳолда:
экспорт ҳажми 1 миллион доллардан 5 миллион долларгача бўлганда — 1 миллион долларгача;
экспорт ҳажми 5 миллион доллардан 10 миллион долларгача бўлганда — 2 миллион долларгача;
экспорт ҳажми 10 миллион доллардан 15 миллион долларгача бўлганда — 3 миллион долларгача;
экспорт ҳажми 15 миллион доллардан 20 миллион долларгача бўлганда — 4 миллион долларгача;
экспорт ҳажми 20 миллион доллардан ортиқ бўлганда — 5 миллион долларгача миқдорларда молиявий ресурслар ажратилиши;
битта халқаро стандартни жорий қилиш ва сертификатни олиши учун уларга 30 минг АҚШ долларидан кўп бўлмаган миқдорда молиявий ёрдам тақдим этилиши;
бизнес жараёнлар, экспорт ҳажмини ошириш ва маркетинг тадқиқотларини амалга ошириши учун хорижий маслаҳатчилар жалб қилиниши белгилаб қўйилсин.
4. Ташқи савдо, инвестициялар, маҳаллий саноатни ривожлантириш ва техник жиҳатдан тартибга солиш масалалари бўйича Ҳукумат комиссияси Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда 2022 йил 1 ноябрга қадар республиканинг ҳар бир ҳудудидан энг салоҳиятли 100 та маҳаллий корхонанинг ташқи бозорларга чиқишига йўл очиб бериш мақсадида «тадбиркордан — экспортёргача» тамойили асосида чора-тадбирлар дастурини ишлаб чиқиб тасдиқласин ҳамда унинг ижросини назорат қилиб борсин.
5. Ўзбекистон Республикаси Президентининг айрим ҳужжатларига иловага мувофиқ ўзгартиришлар киритилсин.
6. Инвестициялар ва ташқи савдо вазирлиги манфаатдор вазирлик ва идоралар билан биргаликда икки ой муддатда:
Ўзбекистон Республикасининг «Валютани тартибга солиш тўғрисида»ги Қонунига тегишли ўзгартириш ва қўшимчалар киритиш юзасидан таклифлар ишлаб чиқсин;
қонунчилик ҳужжатларига мазкур Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
7. Мазкур Фармоннинг ижросини назорат қилиш Бош вазир ўринбосари Ж.А. Ходжаев зиммасига юклансин.
Ўзбекистон Республикаси Президентининг 2022 йил 30 сентябрдаги ПФ-228-сон Фармонига ИЛОВА
Ўзбекистон Республикаси Президентининг айрим ҳужжатларига киритилаётган ўзгартиришлар
1. Ўзбекистон Республикаси Президентининг 2018 йил 29 ноябрдаги «Маҳаллий ишлаб чиқарувчиларнинг экспорт салоҳиятини янада рағбатлантириш чора-тадбирлари тўғрисида» ПФ-5587-сон Фармонининг 1-банди биринчи хатбошиси қуйидаги таҳрирда баён этилсин:
«1. Белгилаб қўйилсинки, товарлар (ишлар, хизматлар) экспорти, шунингдек божхона режимида қайта ишлаш маҳсулотлари реэкспортини, шу жумладан комиссионер (ишончли вакил) орқали амалга оширган юридик шахслар солиқ солинадиган базани:».
2. Ўзбекистон Республикаси Президентининг 2017 йил 3 ноябрдаги «Ташқи савдо фаолиятини янада эркинлаштириш ва тадбиркорлик субъектларини қўллаб-қувватлаш чора-тадбирлари тўғрисида» ПҚ-3351-сон қарори 1-банди б-кичик бандининг биринчи хатбошисидаги «ташкилотлардан ташқари» сўзлари «ташкилотлардан ташқари, «Ўзтрейд» ва «Ўзсаноатэкспорт» акциядорлик жамиятлари бундан мустасно» сўзлари билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 30 сентябрь,
ПФ-228-сон
Oʻzbekiston Respublikasi Prezidentining
Farmoni
Tadbirkorlik subyektlarining eksport salohiyatini yanada kengaytirish chora-tadbirlari toʻgʻrisida
Oʻzbekiston Respublikasi Prezidentining 2022-yil 28-yanvardagi “2022 — 2026-yillarga moʻljallangan Yangi Oʻzbekistonning taraqqiyot strategiyasi toʻgʻrisida”gi PF-60-son Farmoni hamda Oʻzbekiston Respublikasi Prezidentining tadbirkorlar bilan 2022-yildagi “ochiq muloqoti”da belgilangan vazifalarni amalga oshirish, shuningdek, eksport faoliyatini qoʻllab-quvvatlash tizimini yanada takomillashtirish maqsadida:
1. Belgilansinki, 2022-yil 1-noyabrdan boshlab:
bir eksport shartnomasi doirasida kelib tushmagan valyuta summasi eksportga yuklangan jami mahsulot narxining 5 foizidan oshmagan taqdirda muddati oʻtgan debitor qarzdorlik hisoblanmaydi va tadbirkorlik subyektiga nisbatan jarima qoʻllanilmaydi. Ushbu norma 2022-yil 1-noyabrga qadar boʻlgan holatlarga ham tatbiq etiladi;
qovun (TIF TN kodi 1207 70 000 0), kanakunjut (TIF TN kodi 1207 30 000 0), xantal (TIF TN kodlari 1207 50 100 0, 1207 50 900 0) va maxsar (TIF TN kodi 1207 60 000 0) urugʻlari eksportiga ruxsat beriladi.
2. Investitsiyalar va tashqi savdo vazirligining eksportchi korxonalarni ochiq tanlov orqali saralab, ularni yetakchi eksportyorlarga aylantirish va har tomonlama qoʻllab-quvvatlash boʻyicha “Yangi Oʻzbekiston — raqobatbardosh mahsulotlar yurti” dasturini (keyingi oʻrinlarda — Dastur) amalga oshirish toʻgʻrisidagi taklifi maʼqullansin.
Bunda, Dastur doirasida eksportchi korxonalarni saralab olish quyidagi mezonlar asosida amalga oshiriladi:
eksportchi korxonalar yuridik shaxs sifatida roʻyxatdan oʻtgan hamda kamida soʻnggi ikki yil davomida faoliyat yuritayotgan boʻlishi;
oxirgi 12 oy mobaynida eksport qilingan tayyor mahsulot summasi 1 million AQSh dollaridan ortiq boʻlishi;
umumiy tushum hajmida eksportdan tushum ulushi 30 foizdan yuqori boʻlishi;
eksportga chiqarilayotgan tayyor mahsulotlar turi 2 tadan ortiq boʻlishi;
oxirgi 12 oy mobaynida eksport geografiyasi, qoʻshni davlatlarni inobatga olmagan holda, 2 ta mamlakatdan ortiq boʻlishi;
oxirgi 12 oy mobaynida amalga oshirilgan eksport hajmida muddati oʻtgan debitor qarzdorlikning ulushi 5 foizdan kam boʻlishi.
Investitsiyalar va tashqi savdo vazirligi korxonalar roʻyxati mazkur mezonlarga muvofiq Eksport qiluvchilarni qoʻllab-quvvatlash yagona portalida (www.exportportali.uz) onlayn tartibda avtomatik tarzda reyting asosida shakllantirilishi va har 6 oy mobaynida yangilab borilishini taʼminlasin.
3. Quyidagilar:
a) Dasturning bosqichma-bosqich 200 ta (reyting asosida birinchi bosqichda 50 ta, 2023-yil 1-yanvardan boshlab 100 ta, 2023-yil 1-iyuldan boshlab 200 ta) eksportchi korxonalarni qoʻshimcha qoʻllab-quvvatlash va ularni ragʻbatlantirish orqali amalga oshirilishi;
b) Dasturga kiritilgan eksportchi korxonalar:
eksport va unga tenglashtirilgan operatsiyalarni amalga oshirganda nol darajali qoʻshilgan qiymat soligʻi stavkasi qoʻllanilishi natijasida hosil boʻlgan soliqning oshib ketgan qismi ularning murojaatiga asosan tezlashtirilgan tartibda 7 kun ichida toʻliq qaytarib berilishi;
aylanma mablagʻlarini toʻldirish uchun kredit olishida tijorat banklariga eksport shartnomalarini garov taʼminoti sifatida qabul qilish tavsiya etilishi;
Eksportni qoʻllab-quvvatlash jamgʻarmasi hisobidan eksportoldi va eksport bilan bogʻliq savdo operatsiyalarini moliyalashtirishi uchun oxirgi 12 oy mobaynida amalga oshirilgan eksport hajmidan kelib chiqqan holda:
eksport hajmi 1 million dollardan 5 million dollargacha boʻlganda — 1 million dollargacha;
eksport hajmi 5 million dollardan 10 million dollargacha boʻlganda — 2 million dollargacha;
eksport hajmi 10 million dollardan 15 million dollargacha boʻlganda — 3 million dollargacha;
eksport hajmi 15 million dollardan 20 million dollargacha boʻlganda — 4 million dollargacha;
eksport hajmi 20 million dollardan ortiq boʻlganda — 5 million dollargacha miqdorlarda moliyaviy resurslar ajratilishi;
bitta xalqaro standartni joriy qilish va sertifikatni olishi uchun ularga 30 ming AQSh dollaridan koʻp boʻlmagan miqdorda moliyaviy yordam taqdim etilishi;
biznes jarayonlar, eksport hajmini oshirish va marketing tadqiqotlarini amalga oshirishi uchun xorijiy maslahatchilar jalb qilinishi belgilab qoʻyilsin.
4. Tashqi savdo, investitsiyalar, mahalliy sanoatni rivojlantirish va texnik jihatdan tartibga solish masalalari boʻyicha Hukumat komissiyasi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda 2022-yil 1-noyabrga qadar respublikaning har bir hududidan eng salohiyatli 100 ta mahalliy korxonaning tashqi bozorlarga chiqishiga yoʻl ochib berish maqsadida “tadbirkordan — eksportyorgacha” tamoyili asosida chora-tadbirlar dasturini ishlab chiqib tasdiqlasin hamda uning ijrosini nazorat qilib borsin.
5. Oʻzbekiston Respublikasi Prezidentining ayrim hujjatlariga ilovaga muvofiq oʻzgartirishlar kiritilsin.
6. Investitsiyalar va tashqi savdo vazirligi manfaatdor vazirlik va idoralar bilan birgalikda ikki oy muddatda:
Oʻzbekiston Respublikasining “Valyutani tartibga solish toʻgʻrisida”gi Qonuniga tegishli oʻzgartirish va qoʻshimchalar kiritish yuzasidan takliflar ishlab chiqsin;
qonunchilik hujjatlariga mazkur Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
7. Mazkur Farmonning ijrosini nazorat qilish Bosh vazir oʻrinbosari J.A. Xodjayev zimmasiga yuklansin.
Oʻzbekiston Respublikasi Prezidentining 2022-yil 30-sentabrdagi PF-228-son Farmoniga ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirishlar
1. Oʻzbekiston Respublikasi Prezidentining 2018-yil 29-noyabrdagi “Mahalliy ishlab chiqaruvchilarning eksport salohiyatini yanada ragʻbatlantirish chora-tadbirlari toʻgʻrisida” PF-5587-son Farmonining 1-bandi birinchi xatboshisi quyidagi tahrirda bayon etilsin:
“1. Belgilab qoʻyilsinki, tovarlar (ishlar, xizmatlar) eksporti, shuningdek bojxona rejimida qayta ishlash mahsulotlari reeksportini, shu jumladan komissioner (ishonchli vakil) orqali amalga oshirgan yuridik shaxslar soliq solinadigan bazani:”.
2. Oʻzbekiston Respublikasi Prezidentining 2017-yil 3-noyabrdagi “Tashqi savdo faoliyatini yanada erkinlashtirish va tadbirkorlik subyektlarini qoʻllab-quvvatlash chora-tadbirlari toʻgʻrisida” PQ-3351-son qarori 1-bandi b-kichik bandining birinchi xatboshisidagi “tashkilotlardan tashqari” soʻzlari “tashkilotlardan tashqari, “Oʻztreyd” va “Oʻzsanoateksport” aksiyadorlik jamiyatlari bundan mustasno” soʻzlari bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 30-sentabr,
PF-228-son
Президента Республики Узбекистан
Указ
О мерах по дальнейшему расширению экспортного потенциала субъектов предпринимательства
В целях реализации задач, определенных в Указе Президента Республики Узбекистан от 28 января 2022 года № УП-60 «О Стратегии развития Нового Узбекистана на 2022 — 2026 годы» и открытом диалоге 2022 года Президента Республики Узбекистан с предпринимателями, а также дальнейшего совершенствования системы поддержки экспортной деятельности:
1. Установить, что с 1 ноября 2022 года:
в случае, если сумма валюты, не поступившая в рамках одного экспортного контракта, не превышает 5 процентов стоимости всей продукции, отгруженной на экспорт, она не рассматривается в качестве просроченной дебиторской задолженности и к субъекту предпринимательства штраф не применяется. Данная норма также применяется к случаям, имевшим место до 1 ноября 2022 года;
разрешается экспорт семян дыни (код по ТН ВЭД 1207 70 000 0), клещевины (код по ТН ВЭД 1207 30 000 0), горчицы (коды по ТН ВЭД 1207 50 100 0, 1207 50 900 0), сафлора (код по ТН ВЭД 1207 60 000 0).
2. Одобрить предложение Министерства инвестиций и внешней торговли о реализации Программы «Новый Узбекистан — страна конкурентоспособной продукции» (далее — Программа), направленной на отбор предприятий-экспортеров путем открытого конкурса, их превращение в ведущих экспортеров и всестороннюю поддержку.
При этом в рамках Программы отбор предприятий-экспортеров производится на основе следующих критериев:
предприятия-экспортеры должны быть зарегистрированы в качестве юридического лица и осуществлять деятельность в течение не менее двух последних лет;
сумма готовой продукции, экспортируемой в течение последних 12 месяцев, должна превышать 1 миллион долларов США;
доля поступлений от экспорта в общем объеме выручки должна превышать 30 процентов;
количество видов готовой продукции, направляемой на экспорт, должно быть более 2;
география экспорта в течение последних 12 месяцев, без учета соседних государств, должна включать более 2 стран;
в объеме экспорта, осуществленного в течение последних 12 месяцев, доля просроченной дебиторской задолженности должна составлять менее 5 процентов.
Министерству инвестиций и внешней торговли обеспечить автоматическое формирование в режиме онлайн на рейтинговой основе перечня предприятий на Едином портале поддержки экспортеров (www.exportportali.uz) в соответствии с вышеуказанными критериями и его регулярное обновление каждые 6 месяцев.
3. Определить, что:
а) Программа реализуется поэтапно путем дополнительной поддержки и стимулирования (на первом этапе на рейтинговой основе — 50, с 1 января 2023 года — 100, с 1 июля 2023 года — 200) 200 предприятий-экспортеров;
б) предприятиям-экспортерам, включенным в Программу:
на основании обращения предприятий полностью возвращается в ускоренном порядке в течение 7 дней превысившая часть налога, образовавшаяся в результате применения налога на добавленную стоимость по нулевой ставке, при осуществлении экспортных и приравненных к ним операций;
при получении кредита для пополнения оборотных средств коммерческим банкам рекомендуется принимать в залоговое обеспечение экспортные договоры;
за счет средств Фонда по поддержке экспорта исходя из объема экспорта, осуществленного в течение последних 12 месяцев для финансирования предэкспортных и экспортных торговых операций, предоставляется финансовая помощь в размере:
до 1 миллиона долларов — при объеме экспорта от 1 миллиона долларов до 5 миллионов долларов;
до 2 миллионов долларов — при объеме экспорта от 5 миллионов долларов до 10 миллионов долларов;
до 3 миллионов долларов — при объеме экспорта от 10 миллионов долларов до 15 миллионов долларов;
до 4 миллионов долларов — при объеме экспорта от 15 миллионов долларов до 20 миллионов долларов;
до 5 миллионов долларов — при объеме экспорта более 20 миллионов долларов;
предоставляется финансовая помощь в размере не более 30 тысяч долларов США для внедрения одного международного стандарта и получения сертификата;
привлекаются зарубежные консультанты по бизнес-процессам, повышению объема экспорта и проведению маркетинговых исследований.
4. Правительственной комиссии по вопросам внешней торговли, инвестиций, развития местной промышленности и технического регулирования совместно с Советом Министров Республики Каракалпакстан, хокимиятами областей и города Ташкента в срок до 1 ноября 2022 года в целях продвижения выхода на внешние рынки потенциальных 100 местных предприятий с каждого региона республики разработать и утвердить программу мер на основе принципа «от предпринимателя — до экспортера», а также установить контроль за ее исполнением.
5. Внести изменения в некоторые акты Президента Республики Узбекистан согласно приложению .
6. Министерству инвестиций и внешней торговли совместно с заинтересованными министерствами и ведомствами в двухмесячный срок:
разработать предложения о внесении соответствующих изменений и дополнений в Закон Республики Узбекистан «О валютном регулировании»;
внести предложения в Кабинет Министров об изменениях и дополнениях в акты законодательства, вытекающих из настоящего Указа.
7. Контроль за исполнением настоящего Указа возложить на заместителя Премьер-министра Ж.А. Ходжаева.
ПРИЛОЖЕНИЕ к Указу Президента Республики Узбекистан от 30 сентября 2022 года № УП-228
Изменения, вносимые в некоторые акты Президента Республики Узбекистан
1. Абзац первый пункта 1 Указа Президента Республики Узбекистан от 29 ноября 2018 года № УП-5587 «О мерах по дальнейшему стимулированию экспортного потенциала отечественных производителей» изложить в следующей редакции:
«1. Установить, что юридические лица, осуществляющие экспорт товаров (работ, услуг), а также реэкспорт продуктов переработки, в том числе через комиссионера (поверенного), уменьшают налогооблагаемую базу по:».
2. В абзаце первом подпункта «б» пункта 1 постановления Президента Республики Узбекистан от 3 ноября 2017 года № ПП-3351 «О мерах по дальнейшей либерализации внешнеторговой деятельности и поддержке субъектов предпринимательства» слова «более 50 процентов» заменить словами «более 50 процентов, за исключением акционерных обществ «Узтрейд» и «Узсаноатэкспорт»».
Президент Республики Узбекистан Ш. МИРЗИЁЕВ
г. Ташкент,
30 сентября 2022 г.,
№ УП-228