📅 2022-yil 22-avgust · Markaziy bank hujjatlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 22 август · Марказий банк ҳужжатлари
Расмий матн. Расмий ҳужжат. Таҳририй изоҳлар киритилмаган.
📅 22 августа 2022 г. · Документы Центрального банка
Официальный текст. Официальный документ. Редакционные примечания не включены.
📅 22 August 2022 · Central Bank documents
Official text. Official document. Editorial notes are not included.
Ўзбекистон Республикаси Марказий банки бошқарувининг
қарори
Банк фаолиятига рухсат бериш тартиби ва шартлари тўғрисидаги низомга ўзгартириш ва қўшимчалар киритиш ҳақида
Ўзбекистон Республикасининг « Ўзбекистон Республикасининг Марказий банки тўғрисида »ги, « Банклар ва банк фаолияти тўғрисида »ги ва « Лицензиялаш, рухсат бериш ва хабардор қилиш тартиб-таомиллари тўғрисида »ги қонунлари ҳамда Ўзбекистон Республикаси Президентининг 2020 йил 24 августдаги ПФ-6044-сон « Лицензиялаш ва рухсат бериш тартиб-таомилларини тубдан такомиллаштириш чора-тадбирлари тўғрисида »ги, 2021 йил 23 мартдаги ПФ-6191-сон « Аҳоли ва тадбиркорлик субъектларига давлат хизматларидан фойдаланишда янада қулай шароитлар яратиш, бу борада бюрократик тўсиқларни қисқартириш бўйича қўшимча чора-тадбирлар тўғрисида »ги ва 2021 йил 24 июлдаги ПФ-6269-сон « Давлат хизматлари кўрсатиш инфратузилмасини такомиллаштириш ва аҳолининг давлат хизматларидан фойдаланиш имкониятларини кенгайтириш чора-тадбирлари тўғрисида »ги фармонларига мувофиқ Ўзбекистон Республикаси Марказий банки бошқаруви қарор қилади:
1. Ўзбекистон Республикаси Марказий банки бошқарувининг 2020 йил 25 майдаги 12/1-сон қарори (рўйхат рақами 3252, 2020 йил 30 июнь) (Қонун ҳужжатлари маълумотлари миллий базаси, 30.06.2020 й., 10/20/3252/1098-сон) билан тасдиқланган Банк фаолиятига рухсат бериш тартиби ва шартлари тўғрисидаги низомга иловага мувофиқ ўзгартириш ва қўшимчалар киритилсин.
2. Мазкур қарор расмий эълон қилинган кундан эътиборан кучга киради.
Ўзбекистон Республикаси Марказий банки бошқарувининг 2022 йил 22 августдаги 19/2-сон қарорига ИЛОВА
Банк фаолиятига рухсат бериш тартиби ва шартлари тўғрисидаги низомга киритилаётган ўзгартириш ва қўшимчалар
1. 20-бандда :
биринчи хатбоши қуйидаги таҳрирда баён этилсин:
«20. Банкни ташкил этишга доир дастлабки рухсатномани олиш учун ариза берувчи мазкур банднинг 1-кичик бандида кўрсатилган ҳужжат имзоланганидан кейин уч ойдан кечиктирмай Марказий банкка ушбу Низомнинг 1-иловасига мувофиқ шаклда ариза тақдим этади ва унга қуйидагиларни икки нусхада илова қилади:»;
1 ва 2-кичик бандлар қуйидаги таҳрирда баён этилсин:
«1) муассислар томонидан имзоланган таъсис шартномасини. Банк бир муассис томонидан таъсис этилган тақдирда, муассиснинг банкни таъсис этиш ҳақидаги якка тартибда қабул қилинган қарори тақдим этилади;
2) банк икки ва ундан ортиқ муассислар томонидан таъсис этилган ҳолларда таъсис йиғилишининг баённомасини. Баённома нусхалари банкнинг кузатув кенгаши раиси томонидан тасдиқланади;»;
9-кичик банд қуйидаги таҳрирда баён этилсин:
«9) банкнинг кузатув кенгаши ва бошқаруви аъзолари тўғрисида мазкур Низомнинг 107-банди 5 — 10-кичик бандларида кўрсатилган ҳужжатларни;».
2. Қуйидаги мазмундаги 20 1 ва 20 2 -бандлар билан тўлдирилсин:
«20 1 . Таъсис йиғилишининг баённомаси ва муассиснинг банкни таъсис этиш ҳақидаги якка тартибда қабул қилинган қарори банкни ташкил этиш, банкнинг устав капитали миқдорини белгилаш, банк уставини, ташкилий тузилмасини ва бизнес-режасини тасдиқлаш, банкнинг кузатув кенгаши ва бошқаруви аъзоларини сайлаш (тайинлаш) тўғрисидаги қарорларни ўз ичига олиши лозим.
20 2 . Таъсис шартномасининг ва муассиснинг банкни таъсис этиш ҳақидаги якка тартибда қабул қилинган қарорининг нусхалари, улардаги жисмоний шахсларнинг имзолари нотариус ёки нотариал ҳаракатларни амалга ошириш ҳуқуқига эга бўлган бошқа мансабдор шахс томонидан тасдиқланади.».
3. 22-бандда :
а) биринчи хатбоши «қуйидаги ҳужжатлар» деган сўзлардан кейин «икки нусхада» деган сўзлар билан тўлдирилсин;
б) 4-кичик бандда :
биринчи хатбошидаги «чет эл банки капитали монандлигининг» деган сўзлар «чет эл банки капиталининг» деган сўзлар билан алмаштирилсин;
иккинчи хатбошидаги «устав капиталининг» деган сўзлар «хусусий капиталнинг» деган сўзлар билан алмаштирилсин.
4. 23-банднинг биринчи хатбошиси «қуйидаги ҳужжатлар» деган сўзлардан кейин «икки нусхада» деган сўзлар билан тўлдирилсин.
5. 24-бандда :
биринчи хатбошидаги «уч» деган сўз «икки» деган сўз билан алмаштирилсин;
1 ва 2-кичик бандлар қуйидаги таҳрирда баён этилсин:
«1) муассислар томонидан имзоланган таъсис шартномасини. Банк бир муассис томонидан таъсис этилган тақдирда, муассиснинг банкни таъсис этиш ҳақидаги якка тартибда қабул қилинган қарори тақдим этилади;
2) банк икки ва ундан ортиқ муассислар томонидан таъсис этилган ҳолларда таъсис йиғилишининг баённомасини;»;
7 ва 8-кичик бандлар қуйидаги таҳрирда баён этилсин:
«7) капиталининг ва кредит рейтингининг мазкур Низомнинг 25-банди 2-кичик бандида келтирилган мезонларга мувофиқлигини тасдиқловчи ҳужжатни;
8) банкнинг кузатув кенгаши ва бошқаруви аъзолари тўғрисида мазкур Низомнинг 107-банди 5 — 10-кичик бандларида кўрсатилган ҳужжатларни;».
6. 25-банднинг 2-кичик банди биринчи хатбошиси қуйидаги таҳрирда баён этилсин:
«2) юқори капитал ва кредит рейтинги кўрсаткичларига эга бўлган чет эл банклари ва бошқа кредит ташкилотлари деганда капитали ва кредит рейтинги қуйидаги талабларга мувофиқ бўлган шахслар тушунилади:».
7. 28-бандда :
учинчи ва тўртинчи хатбошилар қуйидаги таҳрирда баён этилсин:
«банкнинг муҳим аҳамиятга эга ходимлари тўғрисида мазкур Низомнинг 107-банди 5 — 10-кичик бандларида кўрсатилган ҳужжатлар;
ташкил этилаётган банк жойлашган ердаги Марказий банк ҳудудий бош бошқармасининг банк бинолари, уларнинг муҳофаза қилиниши таъминланганлиги, ускуналар, ишларни ташкил этиш техника воситалари билан жиҳозланганлиги ва дастурий таъминотининг Марказий банк талабларига мувофиқлиги тўғрисидаги мазкур Низомнинг 4-иловасига мувофиқ шаклда берилган хулосаси;»;
бешинчи хатбошидан «(уч нусхада)» деган сўзлар чиқариб ташлансин;
қуйидаги мазмундаги еттинчи хатбоши билан тўлдирилсин:
«Мазкур банднинг учинчи — бешинчи хатбошиларида кўрсатилган ҳужжатлар икки нусхада тақдим этилади.».
8. I бўлимнинг 2-бобидаги 6-параграфнинг номи қуйидаги таҳрирда баён этилсин:
«6-§. Лицензияни қайта расмийлаштириш».
9. 30 , 31 , 101 , 109 , 140 , 151 ва 152-бандлар ўз кучини йўқотган деб топилсин.
10. 32-банд қуйидаги таҳрирда баён этилсин:
«32. Лицензияни қайта расмийлаштириш Ўзбекистон Республикасининг «Лицензиялаш, рухсат бериш ва хабардор қилиш тартиб-таомиллари тўғрисида»ги Қонунига мувофиқ амалга оширилади.».
11. I бўлимнинг 2-бобидаги 7-параграфнинг номи қуйидаги таҳрирда баён этилсин:
«7-§. Банкни давлат рўйхатидан ўтказиш ва лицензияни бериш, шунингдек лицензияни қайта расмийлаштириш учун тўлов».
12. 35-банд қуйидаги таҳрирда баён этилсин:
«35. Лицензияни қайта расмийлаштириш учун ушбу Низомнинг 33-бандида назарда тутилган йиғим суммасининг ярми ундирилади.».
13. 43-бандда :
а) 1-кичик бандда :
иккинчи хатбоши қуйидаги таҳрирда баён этилсин:
«норезидент бўлган жисмоний шахснинг фуқаролик паспорти нусхаси;»;
бешинчи хатбоши чиқариб ташлансин;
б) 2-кичик бандда :
иккинчи хатбоши «давлат рўйхатидан ўтказилганлиги тўғрисидаги гувоҳнома» деган сўзлардан кейин «(норезидент бўлган юридик шахслар учун)» деган сўзлар билан тўлдирилсин;
еттинчи хатбоши қуйидаги таҳрирда баён этилсин:
«охирги 3 йил учун, агар фаолият 3 йилдан кам муддатга амалга оширилган бўлса — амалда фаолият олиб борилган йиллар учун молиявий ҳисоботларнинг ишончлилиги ва бухгалтерия ҳисоби тўғрисидаги қонунчилик талабларига мувофиқлигини тасдиқловчи аудиторлик хулосаси нусхаси;»;
ўнинчи хатбоши қуйидаги таҳрирда баён этилсин:
«кузатув кенгаши ва ижро этувчи орган аъзоларининг мазкур Низомнинг 52-бандида белгиланган ишчанлик обрўси мезонига мувофиқлигини тасдиқловчи маълумотлар;»;
ўн биринчи хатбоши чиқариб ташлансин;
в) 3-кичик банднинг еттинчи хатбошиси қуйидаги таҳрирда баён этилсин:
«гуруҳ иштирокчиларининг молиявий ҳолати тўғрисидаги маълумотлар, шу жумладан ариза берувчининг охирги 3 йил учун консолидациялашган молиявий ҳисоботларининг ишончлилиги ва бухгалтерия ҳисоби тўғрисидаги қонунчилик талабларига мувофиқлигини тасдиқловчи аудиторлик хулосаси нусхаси (маълумот ариза топшириш санасига қадар 90 кундан кеч бўлмаган санага бўлиши лозим);»;
г) 5-кичик банднинг учинчи хатбошиси қуйидаги таҳрирда баён этилсин:
«капиталининг ва кредит рейтингининг мазкур Низомнинг 25-банди 2-кичик бандида кўрсатилган мезонларга мувофиқлигини тасдиқловчи ҳужжат;».
14. 45-банд «ҳадя тартибида» деган сўзлардан кейин «, суднинг қарорига асосан мулк ҳуқуқини олиш» деган сўзлар билан тўлдирилсин.
15. 52-банднинг 1-кичик банди учинчи хатбошисидаги «банкротлик» деган сўз «тўловга қобилиятсизлик» деган сўзлар билан алмаштирилсин.
16. 75-бандда :
биринчи хатбоши «Марказий банкка» деган сўзлардан кейин «қуйидагиларни тақдим этади» деган сўзлар билан тўлдирилсин;
учинчи хатбоши қуйидаги таҳрирда баён этилсин:
«банк акциялари уларни кейинчалик бекор қилиш шарти билан банк устав капиталини камайтириш учун сотиб олинганда банк акциядорлари умумий йиғилишининг қарорини, кейинчалик белгиланган тартибда қайта сотиш мақсадида сотиб олинганда — банк кузатув кенгашининг қарорини. Бунда қарорда банк томонидан ўз акцияларини сотиб олиш сабаблари кўрсатилади.».
17. 76-банд қуйидаги таҳрирда баён этилсин:
«76. Банк устав капиталини камайтириш мақсадида ўз акцияларини сотиб олишга доир дастлабки рухсатномани олгандан сўнг уставига банк устав капиталини камайтириш билан боғлиқ ўзгартиришларни киритади.».
18. 77-банднинг 3-кичик банди бешинчи хатбошиси қуйидаги таҳрирда баён этилсин:
«ички назорат ва (ёки) комплаенс назорат учун масъул бўлган таркибий бўлинма раҳбари;».
19. 84-бандда :
биринчи хатбошидаги «мувофиқлилигига» деган сўз «мувофиқлигига» деган сўз билан алмаштирилсин;
иккинчи хатбошидаги «сайланаётган» деган сўз «сайланган» деган сўз билан алмаштирилсин;
учинчи хатбоши қуйидаги таҳрирда баён этилсин:
«келишиб олинган кунидан бошлаб 12 ой мобайнида шу банкнинг ўзида ўша талаблар қўйилган бошқа лавозимга ёки ўзи эгаллаб турган лавозимга қайта сайланган ёки тайинланган раҳбарни;».
20. 88-банд қуйидаги таҳрирда баён этилсин:
«88. Марказий банк номзодни алоҳида баҳолайди ва унинг мазкур Низом талабларига мувофиқлигини жумладан асослантирилган мулоҳазадан фойдаланган ҳолда аниқлайди.».
21. 89-банддаги «қатъий назар» деган сўзлар «қатъи назар» деган сўзлар билан алмаштирилсин.
22. 90-бандда :
биринчи хатбошидаги «баҳолашга» деган сўз «баҳолашда» деган сўз билан алмаштирилсин;
ўн учинчи хатбоши қуйидаги таҳрирда баён этилсин:
«номзод ҳаракатлари ёки ҳаракатсизлиги оқибатида ўзи ҳозирда ёки илгари ижроия органи, кузатув кенгаши аъзоси бўлган ёхуд ҳал қилувчи эгаликка эга бўлган иштирокчиси (акциядори) сифатида ёки бошқа усулда назорат қилган ёки назорат қилаётган юридик шахсни тўловга қобилиятсизлик ва мажбурий ликвидация ҳолатига олиб келганлигини тасдиқловчи далилларнинг мавжуд эмаслиги;».
23. 94-бандда :
тўртинчи хатбоши «банк бошқаруви аъзолари учун» деган сўзлардан кейин «, бундан бошқарув раиси мустасно» деган сўзлар билан тўлдирилсин;
бешинчи хатбоши қуйидаги таҳрирда баён этилсин:
«банкнинг муҳим аҳамиятга эга ходимлари учун, бундан бош бухгалтер мустасно — банк ва (ёки) молия тизимида камида 5 йиллик иш тажрибасига, шу жумладан камида 3 йиллик раҳбарлик лавозимларида иш тажрибасига эга бўлиши;».
24. 100-банд қуйидаги таҳрирда баён этилсин:
«100. Номзод ташкилот фаолиятининг кўлами, хусусияти, миқёси ва мураккаблиги, шунингдек бажарилаётган касбий мажбуриятларнинг хусусияти ва мураккаблигидан келиб чиқиб, бир вақтнинг ўзида бир нечта молиявий ёки номолиявий ташкилотларда раҳбарлик лавозимларини эгаллаши, бошқа касбий мажбуриятларни бажариши мумкин. Бунда номзодга қуйидагилар тақиқланади:
бир вақтнинг ўзида беш ва ундан ортиқ юридик шахснинг кузатув кенгаши аъзоси бўлиши;
бир вақтнинг ўзида икки ва ундан ортиқ банкнинг кузатув кенгаши аъзоси бўлиши, бундан мазкур банклар бир банк гуруҳига тегишли бўлган ҳоллар мустасно;
банкнинг кузатув кенгаши аъзоси бўла туриб, бир вақтнинг ўзида мазкур банкнинг бошқаруви аъзоси ёки унинг шуъба ва тобе хўжалик жамиятларида бошқарув органлари аъзоси бўлиши ёхуд уларда меҳнат шартномаси (контракт) асосида ишлаши;
банкнинг бошқаруви аъзоси, муҳим аҳамиятга эга ходими, вақтинчалик бошқарувчиси ёки тугатиш комиссияси аъзоси бўла туриб, бир вақтнинг ўзида бошқа икки ва ундан ортиқ корхона ва ташкилотларда, шу жумладан давлат органларида меҳнат шартномаси (контракт) асосида ишлаши;
банкнинг бошқаруви аъзоси, муҳим аҳамиятга эга ходими, вақтинчалик бошқарувчиси ёки тугатиш комиссияси аъзоси бўла туриб, бир вақтнинг ўзида бошқа уч ва ундан ортиқ юридик шахснинг кузатув кенгаши аъзоси бўлиши.».
25. 107-банд қуйидаги таҳрирда баён этилсин:
«107. Банк номзодни келишиб олиш учун Марказий банкка қуйидагиларни тақдим этади:
1) банк бошқаруви раиси томонидан имзоланган ариза;
2) банк ваколатли органининг номзодни лавозимига сайлаш (тайинлаш) тўғрисидаги қароридан ёки бошқарув раисининг номзодни лавозимига тайинлаш тўғрисидаги буйруғидан кўчирма;
3) номзоднинг ҳуқуқ ва мажбуриятлари батафсил кўрсатилган ҳужжат нусхаси;
4) номзоднинг мазкур Низом талабларига мувофиқлигини аниқлаш учун банк томонидан ўтказилган дастлабки баҳолаш натижалари акс эттирилган ҳужжат;
5) мазкур Низомнинг 11-иловасига мувофиқ номзод томонидан тўлдирилган анкета;
6) номзоднинг мазкур Низомнинг 12-иловасига мувофиқ шаклдаги объективка-маълумотномаси;
7) норезидент бўлган жисмоний шахснинг фуқаролик паспорти нусхаси;
8) номзоднинг меҳнат тажрибасини тасдиқловчи ҳужжат нусхаси, бундан Ўзбекистон Республикасида тўпланган меҳнат тажрибасини тасдиқловчи ҳужжат нусхаси мустасно;
9) номзоднинг олий маълумотга эга эканлигини тасдиқловчи ҳужжат нусхаси, бундан Ўзбекистон Республикаси ҳудудида олинган олий маълумотни тасдиқловчи ҳужжат нусхаси мустасно;
10) номзод доимий яшаш жойига эга бўлган, 90 кундан ортиқ яшаган ёки яшаётган барча давлатларнинг (Ўзбекистон Республикасидан ташқари) масъул органлари томонидан сўнги 90 кун ичида берилган номзоднинг судланмаганлиги тўғрисидаги маълумотнома.».
26. 108-бандда :
а) биринчи хатбошидаги «ҳужжатлар билан бирга қуйидагиларни тақдим этади» деган сўзлар «ҳужжатларни ва қўшимча равишда қуйидагиларни тақдим этади» деган сўзлар билан алмаштирилсин;
б) 1-кичик бандда :
биринчи ва иккинчи хатбошилардан «тугатилаётган» деган сўзлар чиқариб ташлансин;
тўртинчи ва бешинчи хатбошилар қуйидаги таҳрирда баён этилсин:
«банкнинг кўчмас мулкига рақобатчи бўлган мулкка эгалик қилиши тўғрисида, агар тугатиш ёки вақтинчалик бошқарув жараёнида мазкур мулкни баҳолаш, тасарруф этиш ёки бошқариш кўзда тутилган бўлса;
тугатиш жараёнида банк тугатувчиси ёки вақтинчалик бошқарувчи вазифасини холис бажариш учун тўсқинлик қилувчи ҳар қандай молиявий ва ишбилармонлик манфаатлари ёки ҳолатлари тўғрисида;».
27. 115-банднинг иккинчи жумласи қуйидаги таҳрирда баён этилсин:
«Банк номзоднинг суҳбатда қатнашиш учун белгиланган кунда ва вақтда Марказий банкда ҳозир бўлишини ёки видеоконференц-алоқа тизимига уланишини таъминлаши лозим.».
28. 130 — 132-бандлар қуйидаги таҳрирда баён этилсин:
«130. Банклар Ўзбекистон Республикасида Марказий банкни хабардор қилган ҳолда филиаллар очиши мумкин.
Банк филиали банкнинг кузатув кенгаши қарорига мувофиқ очилади ва тугатилади ҳамда ўз фаолиятини банкка берилган лицензия ва банкнинг кузатув кенгаши томонидан тасдиқланган филиал тўғрисидаги низом асосида амалга оширади.
131. Банклар ўз филиалини очганлик ёки тугатганлик тўғрисида Марказий банкка мазкур Низомнинг тегишли равишда 132 ва 139-бандларида белгиланган тартибда хабарнома юбориши шарт.
Банк филиалини очганлик ёки тугатганлик тўғрисида Марказий банкни белгиланган тартибда хабардор қилмай амалга ошириладиган фаолият қонунга хилофдир.
132. Банк филиал очганда ҳамда мазкур Низомнинг 132 1 -бандида кўрсатилган талаблар ва шартларга риоя этган тақдирда Марказий банкка банк филиалини очганлик тўғрисида мазкур Низомнинг 13-иловасига мувофиқ шаклда ёзма хабарнома юборади ва унга қуйидаги ҳужжатларни илова қилади:
банк кузатув кенгашининг филиални очиш тўғрисидаги қарори;
филиал раҳбари ва бош бухгалтерининг мазкур Низомнинг тегишли равишда 134 1 ва 134 2 -бандларида кўрсатилган талабларга мувофиқлигини тасдиқловчи маълумотлар;
филиал жойлашган ердаги Марказий банк ҳудудий бош бошқармасининг филиал биноси, унинг муҳофаза қилиниши таъминланганлиги, ускуналар, ташкилий-техника воситалари билан жиҳозланганлиги ва дастурий таъминотининг Марказий банк талабларига мувофиқлиги тўғрисидаги мазкур Низомнинг 4-иловасига мувофиқ шаклда берилган хулосаси.».
29. Қуйидаги мазмундаги 132 1 -банд билан тўлдирилсин:
«132 1 . Банк филиалини очганлик тўғрисидаги хабарномани Марказий банкка юбориш учун банк қуйидаги талаблар ва шартларга риоя этиши лозим:
банкнинг барқарор молиявий ҳолатга эга бўлиши;
филиал раҳбари ва бош бухгалтерининг мазкур Низомнинг тегишли равишда 134 1 ва 134 2 -бандларида белгиланган малака талабларига мувофиқ бўлиши;
филиал биноси, унинг муҳофазаси таъминланиши, ускуналар, ташкилий-техника воситалари ва дастурий таъминот билан жиҳозланиши Марказий банк талабларига мувофиқ бўлиши.».
30. Қуйидаги мазмундаги 134 1 ва 134 2 -бандлар билан тўлдирилсин:
«134 1 . Филиал раҳбари қуйидаги талабларга мувофиқ бўлиши лозим:
молия-иқтисод йўналишида олий маълумотга эга бўлиши;
банк-молия соҳасида камида 5 йиллик иш тажрибасига, шу жумладан раҳбарлик лавозимларида камида 2 йиллик иш тажрибасига эга бўлиши;
иқтисодиёт соҳасидаги, бошқарув тартибига қарши жиноятлар ёхуд жиноий фаолиятдан олинган даромадларни легаллаштириш, терроризмни ва оммавий қирғин қуролларини тарқатишни молиялаштириш билан боғлиқ жиноятлар учун тугалланмаган ёки олиб ташланмаган судланганликка эга бўлмаслиги;
ижро органи аъзоси, кузатув кенгаши аъзоси ёки ҳал қилувчи эгаликка эга бўлган иштирокчи (акциядор) сифатида ёхуд бошқа усулда ўзи томонидан назорат қилинган юридик шахсни ҳаракатлари ёки ҳаракатсизлиги оқибатида тўловга қобилиятсизлик ва мажбурий ликвидация ҳолатига олиб келмаган бўлиши;
бир банкда раҳбарлик ёки моддий жавобгарлик билан боғлиқ лавозимларда бири иккинчисига бевосита бўйсуниб ёхуд унинг назорати остида ишловчи яқин қариндошлардан бири бўлмаслиги.
134 2 . Филиал бош бухгалтери қуйидаги талабларга мувофиқ бўлиши лозим:
молия-иқтисод йўналишида олий маълумотга эга бўлиши;
банк-молия соҳасида камида 5 йиллик иш тажрибасига, шу жумладан банкнинг бухгалтерия ҳисоби ва (ёки) молиявий ҳисоботни тузиш учун масъул бўлган таркибий бўлинмасида камида 2 йиллик иш тажрибасига эга бўлиши.».
31. 135-банд қуйидаги таҳрирда баён этилсин:
«135. Банк филиалининг жойлашган ерини (почта манзилини) ўзгартириш тўғрисида қарор қабул қилинганда банк мазкур банднинг учинчи хатбошисида кўрсатилган хулоса олинган санадан эътиборан 10 иш кунидан кечиктирмай Марказий банкка филиалнинг жойлашган ери (почта манзили) ўзгарганлиги тўғрисида ёзма хабарнома юборади. Хабарномага қуйидагилар илова қилинади:
банк филиалининг жойлашган ерини (почта манзилини) ўзгартириш ҳақидаги банк кузатув кенгашининг қарори. Бунда қарорда филиалнинг янги манзили кўрсатилиши лозим;
банк филиалининг янги биноси жойлашган ердаги Марказий банк ҳудудий бош бошқармасининг филиал биноси, унинг муҳофаза қилиниши таъминланганлиги, ускуналар, ташкилий-техника воситалари билан жиҳозланганлиги ва дастурий таъминотининг Марказий банк талабларига мувофиқлиги тўғрисидаги мазкур Низомнинг 4-иловасига мувофиқ шаклда берилган хулосаси;
филиал манзили ўзгаришининг банк омонатчилари ва кредиторларига таъсири тўғрисида ахборот.
Маъмурий-ҳудудий бирликлар (вилоятлар, туманлар, шаҳарлар), аҳоли пунктлари ва уларнинг таркибий қисмлари (маҳаллалар, шоҳкўчалар, кўчалар) номининг ўзгариши натижасида банк филиалининг почта манзили ўзгарганда банк тегишли ўзгаришлар содир бўлган санадан эътиборан 20 иш кунидан кечиктирмай Марказий банкка мазкур ўзгаришларни тасдиқловчи ҳужжатларни илова қилган ҳолда ёзма хабарнома юборади.».
32. 136-бандда :
биринчи хатбоши қуйидаги таҳрирда баён этилсин:
«136. Банк қуйидаги ҳолларда филиалининг жойлашган ерини (почта манзилини) ўзгартиришга ҳақли эмас:»;
иккинчи хатбоши чиқариб ташлансин;
учинчи ва тўртинчи хатбошилар тегишли равишда иккинчи ва учинчи хатбошилар деб ҳисоблансин;
иккинчи хатбоши қуйидаги таҳрирда баён этилсин:
«банк филиалининг янги биноси, унинг муҳофаза қилиниши таъминланганлиги, ускуналар, ташкилий-техника воситалари билан жиҳозланиши ва дастурий таъминоти Марказий банк талабларига номувофиқ бўлганда;».
33. Қуйидаги мазмундаги 136 1 -банд билан тўлдирилсин:
«136 1 . Банк филиалининг номи ўзгарганда банк филиал номини ўзгартириш тўғрисидаги кузатув кенгашининг қарори қабул қилинган санадан эътиборан 10 иш кунидан кечиктирмай Марказий банкка ушбу қарорни илова қилган ҳолда ёзма хабарнома юборади.».
34. 139-бандда :
биринчи хатбоши қуйидаги таҳрирда баён этилсин:
«139. Филиални тугатиш жараёни якунлангандан сўнг банк Марказий банкка қуйидагиларни илова қилган ҳолда банк филиалини тугатганлик тўғрисида ёзма хабарнома юборади:»;
иккинчи хатбоши чиқариб ташлансин;
учинчи — ўнинчи хатбошилар тегишли равишда иккинчи — тўққизинчи хатбошилар деб ҳисоблансин;
иккинчи хатбоши қуйидаги таҳрирда баён этилсин:
«филиални тугатиш комиссиясини тузиш ҳақидаги банкнинг ваколатли бошқарув органининг қарори;».
35. 143-банд қуйидаги таҳрирда баён этилсин:
«143. Марказий банк аризани мазкур Низомнинг 142-бандида кўрсатилган ҳужжатлар тўлиқ ҳажмда тақдим этилган кундан бошлаб 20 иш кунидан ошмаган муддатда кўриб чиқади.».
36. 156 — 159-бандлар қуйидаги таҳрирда баён этилсин:
«156. Банк хизматлари офислари Марказий банкни хабардор қилган ҳолда очилади.
157. Банк банк хизматлари офисини очганда ҳамда мазкур Низомнинг 158-бандида кўрсатилган талаблар ва шартларга риоя этган тақдирда Марказий банкка банк хизматлари офисини очганлик тўғрисида мазкур Низомнинг 13 1 -иловасига мувофиқ шаклда ёзма хабарнома юборади ва унга қуйидаги ҳужжатларни илова қилади:
банкнинг ваколатли бошқарув органининг банк хизматлари офисини очиш тўғрисидаги қарори;
банк хизматлари офиси жойлашган ердаги Марказий банк ҳудудий бош бошқармасининг банк хизматлари офисининг биноси, унинг муҳофаза қилиниши таъминланганлиги, ускуналар, ташкилий-техника воситалари билан жиҳозланганлиги ва дастурий таъминотининг Марказий банк талабларига мувофиқлиги тўғрисидаги мазкур Низомнинг 4-иловасига мувофиқ шаклда берилган хулосаси.
158. Банк хизматлари офисини очганлик тўғрисидаги хабарномани Марказий банкка юбориш учун банк қуйидаги талаблар ва шартларга риоя этиши лозим:
банкнинг барқарор молиявий ҳолатга эга бўлиши;
банк хизматлари офисининг биноси, унинг муҳофазаси таъминланиши, ускуналар, ташкилий-техника воситалари ва дастурий таъминот билан жиҳозланиши Марказий банк талабларига мувофиқ бўлиши.
159. Банк хизматлари офиси тугатилганда банк Марказий банкка қуйидагиларни илова қилган ҳолда банк хизматлари офисини тугатганлик тўғрисида ёзма хабарнома юборади:
банк хизматлари офисини тугатиш тўғрисидаги банкнинг ваколатли бошқарув органининг қарори;
банкнинг расмий веб-сайтида ёки бошқа оммавий ахборот воситаларида жойлаштирилган банк хизматлари офисининг тугатилиши ҳақидаги эълон нусхаси.».
37. 161 ва 162-бандлар қуйидаги таҳрирда баён этилсин:
«161. Банк хизматлари офисининг номи ўзгарганда банк банк хизматлари офисининг номини ўзгартириш ҳақидаги банк ваколатли органининг қарори қабул қилинган санадан эътиборан 10 иш кунидан кечиктирмай Марказий банкка ушбу қарорни илова қилган ҳолда ёзма хабарнома юборади.
162. Банк хизматлари офисининг жойлашган ерини (почта манзилини) ўзгартириш тўғрисида қарор қабул қилинганда банк мазкур банднинг учинчи хатбошисида кўрсатилган хулоса берилган санадан эътиборан 10 иш кунидан кечиктирмай Марказий банкка банк хизматлари офисининг жойлашган ери (почта манзили) ўзгарганлиги тўғрисида ёзма хабарнома юборади. Хабарномага қуйидагилар илова қилинади:
банк хизматлари офисининг жойлашган ерини (почта манзилини) ўзгартириш ҳақидаги банкнинг ваколатли органининг қарори. Бунда қарорда банк хизматлари офисининг янги манзили кўрсатилиши лозим;
банк хизматлари офиси жойлашган ердаги Марказий банк ҳудудий бош бошқармасининг банк хизматлари офисининг янги биноси, унинг муҳофаза қилиниши таъминланганлиги, ускуналар, ташкилий-техника воситалари билан жиҳозланганлиги ва дастурий таъминотининг Марказий банк талабларига мувофиқлиги тўғрисидаги мазкур Низомнинг 4-иловасига мувофиқ шаклда берилган хулосаси.
Маъмурий-ҳудудий бирликлар (вилоятлар, туманлар, шаҳарлар), аҳоли пунктлари ва уларнинг таркибий қисмлари (маҳаллалар, шоҳкўчалар, кўчалар) номининг ўзгариши натижасида банк хизматлари офисининг почта манзили ўзгарганда банк тегишли ўзгаришлар содир бўлган санадан эътиборан 20 иш кунидан кечиктирмай Марказий банкка мазкур ўзгаришларни тасдиқловчи ҳужжатларни илова қилган ҳолда ёзма хабарнома юборади.».
38. 195-банд қуйидаги таҳрирда баён этилсин:
«195. Марказий банк банкни қайта ташкил этишга доир рухсатномани бериш тўғрисидаги аризани, мазкур ариза барча зарур ҳужжатлар билан олинган кундан эътиборан 20 иш кунидан ошмаган муддатда кўриб чиқади. Банкни қайта ташкил этишга доир рухсатномани бериш тўғрисидаги аризани кўриб чиқиш учун Марказий банк томонидан йиғим ундирилмайди.».
39. 2-иловада :
«Паспорт маълумотлари» деган сўзлар «Шахсни тасдиқловчи ҳужжат маълумотлари» деган сўзлар билан алмаштирилсин;
«Серия ва рақами» деган сўзлар «Серияси (мавжуд бўлса) ва рақами» деган сўзлар билан алмаштирилсин.
40. 6-илованинг 1.6-банди қуйидаги таҳрирда баён этилсин:
«1.6. Шахсни тасдиқловчи ҳужжат: серияси (мавжуд бўлса) ____ рақами _________ ким томонидан берилгани __________________________ берилган санаси ____________ (бир нечта давлат фуқаролигига эга бўлганда, уларнинг барчаси томонидан берилган шахсни тасдиқловчи ҳужжатларнинг маълумотларини кўрсатинг)».
41. 11-илованинг 1.6-банди қуйидаги таҳрирда баён этилсин:
« 1.6. Шахсни тасдиқловчи ҳужжат маълумотлари (бир нечта давлат фуқаролигига эга бўлганда, уларнинг барчаси томонидан берилган шахсни тасдиқловчи ҳужжатларнинг маълумотларини кўрсатинг) Серияси (мавжуд бўлса) ва рақами Берилган сана Амал қилиш муддати Берган мамлакат Берган орган ».
42. 13-илова мазкур ўзгартириш ва қўшимчаларнинг 1-иловасига мувофиқ таҳрирда баён этилсин.
43. Мазкур ўзгартириш ва қўшимчаларнинг 2-иловасига мувофиқ таҳрирда 13 1 -илова билан тўлдирилсин.
Банк фаолиятига рухсат бериш тартиби ва шартлари тўғрисидаги низомга киритилаётган ўзгартириш ва қўшимчаларга 1-ИЛОВА
«Банк фаолиятига рухсат бериш тартиби ва шартлари тўғрисидаги низомга 13-ИЛОВА
Ўзбекистон Республикаси Марказий банки Банк филиалини очганлик тўғрисида ХАБАРНОМА _________________________________________________________________________ (банк номи) _____________________________________________ филиали очилганлиги тўғрисида хабардор қилади. Банк ушбу хабарномани юбориш орқали қуйидагиларни тасдиқлайди: 1) банкнинг барқарор молиявий ҳолатга* эга эканлигини; 2) филиал раҳбари ва бош бухгалтерининг малакаси Марказий банк томонидан белгиланган малака талабларига мувофиқлигини; 3) филиал биноси, унинг муҳофазаси таъминланиши, ускуналар, ташкилий-техника воситалари ва дастурий таъминот билан жиҳозланиши Марказий банк талабларига мувофиқлигини. * банкнинг барқарор молиявий ҳолати — банкнинг молиявий оқимлар мутаносиблигини, тўлов қобилиятини, ликвидлилиги ва рентабелли фаолиятини сақлаб туриш учун маблағларнинг етарлилигини, шунингдек барча пруденциал нормативлар банк томонидан бажарилишини ифодаловчи ҳолати. Филиал тўғрисидаги маълумотлар: Жойлашган ери/почта манзили ______________________________________________ (вилоят, шаҳар/туман, МФЙ/ШФЙ, кўча номи ва уй рақами кўрсатилади) Почта индекси ____________ Телефон _________________ Факс _______________ Хабарномага илова қилинган ҳужжатлар рўйхати ______ варақда: 1) ______________________________________________________________; 2) ______________________________________________________________; 3) ______________________________________________________________. «____» _________________ й. Бошқарув раиси _____________ (имзо) ».
Банк фаолиятига рухсат бериш тартиби ва шартлари тўғрисидаги низомга киритилаётган ўзгартириш ва қўшимчаларга 2-ИЛОВА
«Банк фаолиятига рухсат бериш тартиби ва шартлари тўғрисидаги низомга 13 1 -ИЛОВА
Ўзбекистон Республикаси Марказий банки Банк хизматлари офисини очганлик тўғрисида ХАБАРНОМА _________________________________________________________________________ (банк номи) ___________________________________________________________ банк хизматлари офиси очилганлиги тўғрисида хабардор қилади. Банк ушбу хабарномани юбориш орқали қуйидагиларни тасдиқлайди: 1) банкнинг барқарор молиявий ҳолатга* эга эканлигини; 2) банк хизматлари офиси биноси, унинг муҳофазаси таъминланиши, ускуналар, ташкилий-техника воситалари ва дастурий таъминот билан жиҳозланиши Марказий банк талабларига мувофиқлигини. * банкнинг барқарор молиявий ҳолати — банкнинг молиявий оқимлар мутаносиблигини, тўлов қобилиятини, ликвидлилиги ва рентабелли фаолиятини сақлаб туриш учун маблағларнинг етарлилигини, шунингдек барча пруденциал нормативлар банк томонидан бажарилишини ифодаловчи ҳолати. Банк хизматлари офиси тўғрисидаги маълумотлар: Жойлашган ери/почта манзили ______________________________________________ (вилоят, шаҳар/туман, МФЙ/ШФЙ, кўча номи ва уй рақами кўрсатилади) Почта индекси ____________ Телефон _________________ Факс _______________ Банк хизматлари офиси бириктирилган филиал номи ва коди:___________________ Хабарномага илова қилинган ҳужжатлар рўйхати ______ варақда: 1) ______________________________________________________________; 2) ______________________________________________________________; 3) ______________________________________________________________. «____» _________________ й. Бошқарув раиси _____________ (имзо) ».
Марказий банк раиси М. НУРМУРАТОВ
Тошкент ш.,
2022 йил 22 август,
19/2-сон
Oʻzbekiston Respublikasi Markaziy banki boshqaruvining
qarori
Bank faoliyatiga ruxsat berish tartibi va shartlari toʻgʻrisidagi nizomga oʻzgartirish va qoʻshimchalar kiritish haqida
Oʻzbekiston Respublikasining “ Oʻzbekiston Respublikasining Markaziy banki toʻgʻrisida ”gi, “ Banklar va bank faoliyati toʻgʻrisida ”gi va “ Litsenziyalash, ruxsat berish va xabardor qilish tartib-taomillari toʻgʻrisida ”gi qonunlari hamda Oʻzbekiston Respublikasi Prezidentining 2020-yil 24-avgustdagi PF-6044-son “ Litsenziyalash va ruxsat berish tartib-taomillarini tubdan takomillashtirish chora-tadbirlari toʻgʻrisida ”gi, 2021-yil 23-martdagi PF-6191-son “ Aholi va tadbirkorlik subyektlariga davlat xizmatlaridan foydalanishda yanada qulay sharoitlar yaratish, bu borada byurokratik toʻsiqlarni qisqartirish boʻyicha qoʻshimcha chora-tadbirlar toʻgʻrisida ”gi va 2021-yil 24-iyuldagi PF-6269-son “ Davlat xizmatlari koʻrsatish infratuzilmasini takomillashtirish va aholining davlat xizmatlaridan foydalanish imkoniyatlarini kengaytirish chora-tadbirlari toʻgʻrisida ”gi farmonlariga muvofiq Oʻzbekiston Respublikasi Markaziy banki boshqaruvi qaror qiladi:
1. Oʻzbekiston Respublikasi Markaziy banki boshqaruvining 2020-yil 25-maydagi 12/1-son qarori (roʻyxat raqami 3252, 2020-yil 30-iyun) (Qonun hujjatlari maʼlumotlari milliy bazasi, 30.06.2020-y., 10/20/3252/1098-son) bilan tasdiqlangan Bank faoliyatiga ruxsat berish tartibi va shartlari toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.
2. Mazkur qaror rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Markaziy banki boshqaruvining 2022-yil 22-avgustdagi 19/2-son qaroriga ILOVA
Bank faoliyatiga ruxsat berish tartibi va shartlari toʻgʻrisidagi nizomga kiritilayotgan oʻzgartirish va qoʻshimchalar
1. 20-bandda :
birinchi xatboshi quyidagi tahrirda bayon etilsin:
“20. Bankni tashkil etishga doir dastlabki ruxsatnomani olish uchun ariza beruvchi mazkur bandning 1-kichik bandida koʻrsatilgan hujjat imzolanganidan keyin uch oydan kechiktirmay Markaziy bankka ushbu Nizomning 1-ilovasiga muvofiq shaklda ariza taqdim etadi va unga quyidagilarni ikki nusxada ilova qiladi:”;
1 va 2-kichik bandlar quyidagi tahrirda bayon etilsin:
“1) muassislar tomonidan imzolangan taʼsis shartnomasini. Bank bir muassis tomonidan taʼsis etilgan taqdirda, muassisning bankni taʼsis etish haqidagi yakka tartibda qabul qilingan qarori taqdim etiladi;
2) bank ikki va undan ortiq muassislar tomonidan taʼsis etilgan hollarda taʼsis yigʻilishining bayonnomasini. Bayonnoma nusxalari bankning kuzatuv kengashi raisi tomonidan tasdiqlanadi;”;
9-kichik band quyidagi tahrirda bayon etilsin:
“9) bankning kuzatuv kengashi va boshqaruvi aʼzolari toʻgʻrisida mazkur Nizomning 107-bandi 5 — 10-kichik bandlarida koʻrsatilgan hujjatlarni;”.
2. Quyidagi mazmundagi 20 1 va 20 2 -bandlar bilan toʻldirilsin:
“20 1 . Taʼsis yigʻilishining bayonnomasi va muassisning bankni taʼsis etish haqidagi yakka tartibda qabul qilingan qarori bankni tashkil etish, bankning ustav kapitali miqdorini belgilash, bank ustavini, tashkiliy tuzilmasini va biznes-rejasini tasdiqlash, bankning kuzatuv kengashi va boshqaruvi aʼzolarini saylash (tayinlash) toʻgʻrisidagi qarorlarni oʻz ichiga olishi lozim.
20 2 . Taʼsis shartnomasining va muassisning bankni taʼsis etish haqidagi yakka tartibda qabul qilingan qarorining nusxalari, ulardagi jismoniy shaxslarning imzolari notarius yoki notarial harakatlarni amalga oshirish huquqiga ega boʻlgan boshqa mansabdor shaxs tomonidan tasdiqlanadi.”.
3. 22-bandda :
a) birinchi xatboshi “quyidagi hujjatlar” degan soʻzlardan keyin “ikki nusxada” degan soʻzlar bilan toʻldirilsin;
b) 4-kichik bandda :
birinchi xatboshidagi “chet el banki kapitali monandligining” degan soʻzlar “chet el banki kapitalining” degan soʻzlar bilan almashtirilsin;
ikkinchi xatboshidagi “ustav kapitalining” degan soʻzlar “xususiy kapitalning” degan soʻzlar bilan almashtirilsin.
4. 23-bandning birinchi xatboshisi “quyidagi hujjatlar” degan soʻzlardan keyin “ikki nusxada” degan soʻzlar bilan toʻldirilsin.
5. 24-bandda :
birinchi xatboshidagi “uch” degan soʻz “ikki” degan soʻz bilan almashtirilsin;
1 va 2-kichik bandlar quyidagi tahrirda bayon etilsin:
“1) muassislar tomonidan imzolangan taʼsis shartnomasini. Bank bir muassis tomonidan taʼsis etilgan taqdirda, muassisning bankni taʼsis etish haqidagi yakka tartibda qabul qilingan qarori taqdim etiladi;
2) bank ikki va undan ortiq muassislar tomonidan taʼsis etilgan hollarda taʼsis yigʻilishining bayonnomasini;”;
7 va 8-kichik bandlar quyidagi tahrirda bayon etilsin:
“7) kapitalining va kredit reytingining mazkur Nizomning 25-bandi 2-kichik bandida keltirilgan mezonlarga muvofiqligini tasdiqlovchi hujjatni;
8) bankning kuzatuv kengashi va boshqaruvi aʼzolari toʻgʻrisida mazkur Nizomning 107-bandi 5 — 10-kichik bandlarida koʻrsatilgan hujjatlarni;”.
6. 25-bandning 2-kichik bandi birinchi xatboshisi quyidagi tahrirda bayon etilsin:
“2) yuqori kapital va kredit reytingi koʻrsatkichlariga ega boʻlgan chet el banklari va boshqa kredit tashkilotlari deganda kapitali va kredit reytingi quyidagi talablarga muvofiq boʻlgan shaxslar tushuniladi:”.
7. 28-bandda :
uchinchi va toʻrtinchi xatboshilar quyidagi tahrirda bayon etilsin:
“bankning muhim ahamiyatga ega xodimlari toʻgʻrisida mazkur Nizomning 107-bandi 5 — 10-kichik bandlarida koʻrsatilgan hujjatlar;
tashkil etilayotgan bank joylashgan erdagi Markaziy bank hududiy bosh boshqarmasining bank binolari, ularning muhofaza qilinishi taʼminlanganligi, uskunalar, ishlarni tashkil etish texnika vositalari bilan jihozlanganligi va dasturiy taʼminotining Markaziy bank talablariga muvofiqligi toʻgʻrisidagi mazkur Nizomning 4-ilovasiga muvofiq shaklda berilgan xulosasi;”;
beshinchi xatboshidan “(uch nusxada)” degan soʻzlar chiqarib tashlansin;
quyidagi mazmundagi yettinchi xatboshi bilan toʻldirilsin:
“Mazkur bandning uchinchi — beshinchi xatboshilarida koʻrsatilgan hujjatlar ikki nusxada taqdim etiladi.”.
8. I boʻlimning 2-bobidagi 6-paragrafning nomi quyidagi tahrirda bayon etilsin:
“6-§. Litsenziyani qayta rasmiylashtirish”.
9. 30 , 31 , 101 , 109 , 140 , 151 va 152-bandlar oʻz kuchini yoʻqotgan deb topilsin.
10. 32-band quyidagi tahrirda bayon etilsin:
“32. Litsenziyani qayta rasmiylashtirish Oʻzbekiston Respublikasining “Litsenziyalash, ruxsat berish va xabardor qilish tartib-taomillari toʻgʻrisida”gi Qonuniga muvofiq amalga oshiriladi.”.
11. I boʻlimning 2-bobidagi 7-paragrafning nomi quyidagi tahrirda bayon etilsin:
“7-§. Bankni davlat roʻyxatidan oʻtkazish va litsenziyani berish, shuningdek litsenziyani qayta rasmiylashtirish uchun toʻlov”.
12. 35-band quyidagi tahrirda bayon etilsin:
“35. Litsenziyani qayta rasmiylashtirish uchun ushbu Nizomning 33-bandida nazarda tutilgan yigʻim summasining yarmi undiriladi.”.
13. 43-bandda :
a) 1-kichik bandda :
ikkinchi xatboshi quyidagi tahrirda bayon etilsin:
“norezident boʻlgan jismoniy shaxsning fuqarolik pasporti nusxasi;”;
beshinchi xatboshi chiqarib tashlansin;
b) 2-kichik bandda :
ikkinchi xatboshi “davlat roʻyxatidan oʻtkazilganligi toʻgʻrisidagi guvohnoma” degan soʻzlardan keyin “(norezident boʻlgan yuridik shaxslar uchun)” degan soʻzlar bilan toʻldirilsin;
yettinchi xatboshi quyidagi tahrirda bayon etilsin:
“oxirgi 3 yil uchun, agar faoliyat 3 yildan kam muddatga amalga oshirilgan boʻlsa — amalda faoliyat olib borilgan yillar uchun moliyaviy hisobotlarning ishonchliligi va buxgalteriya hisobi toʻgʻrisidagi qonunchilik talablariga muvofiqligini tasdiqlovchi auditorlik xulosasi nusxasi;”;
oʻninchi xatboshi quyidagi tahrirda bayon etilsin:
“kuzatuv kengashi va ijro etuvchi organ aʼzolarining mazkur Nizomning 52-bandida belgilangan ishchanlik obroʻsi mezoniga muvofiqligini tasdiqlovchi maʼlumotlar;”;
oʻn birinchi xatboshi chiqarib tashlansin;
v) 3-kichik bandning yettinchi xatboshisi quyidagi tahrirda bayon etilsin:
“guruh ishtirokchilarining moliyaviy holati toʻgʻrisidagi maʼlumotlar, shu jumladan ariza beruvchining oxirgi 3 yil uchun konsolidatsiyalashgan moliyaviy hisobotlarining ishonchliligi va buxgalteriya hisobi toʻgʻrisidagi qonunchilik talablariga muvofiqligini tasdiqlovchi auditorlik xulosasi nusxasi (maʼlumot ariza topshirish sanasiga qadar 90 kundan kech boʻlmagan sanaga boʻlishi lozim);”;
g) 5-kichik bandning uchinchi xatboshisi quyidagi tahrirda bayon etilsin:
“kapitalining va kredit reytingining mazkur Nizomning 25-bandi 2-kichik bandida koʻrsatilgan mezonlarga muvofiqligini tasdiqlovchi hujjat;”.
14. 45-band “hadya tartibida” degan soʻzlardan keyin “, sudning qaroriga asosan mulk huquqini olish” degan soʻzlar bilan toʻldirilsin.
15. 52-bandning 1-kichik bandi uchinchi xatboshisidagi “bankrotlik” degan soʻz “toʻlovga qobiliyatsizlik” degan soʻzlar bilan almashtirilsin.
16. 75-bandda :
birinchi xatboshi “Markaziy bankka” degan soʻzlardan keyin “quyidagilarni taqdim etadi” degan soʻzlar bilan toʻldirilsin;
uchinchi xatboshi quyidagi tahrirda bayon etilsin:
“bank aksiyalari ularni keyinchalik bekor qilish sharti bilan bank ustav kapitalini kamaytirish uchun sotib olinganda bank aksiyadorlari umumiy yigʻilishining qarorini, keyinchalik belgilangan tartibda qayta sotish maqsadida sotib olinganda — bank kuzatuv kengashining qarorini. Bunda qarorda bank tomonidan oʻz aksiyalarini sotib olish sabablari koʻrsatiladi.”.
17. 76-band quyidagi tahrirda bayon etilsin:
“76. Bank ustav kapitalini kamaytirish maqsadida oʻz aksiyalarini sotib olishga doir dastlabki ruxsatnomani olgandan soʻng ustaviga bank ustav kapitalini kamaytirish bilan bogʻliq oʻzgartirishlarni kiritadi.”.
18. 77-bandning 3-kichik bandi beshinchi xatboshisi quyidagi tahrirda bayon etilsin:
“ichki nazorat va (yoki) komplaens nazorat uchun masʼul boʻlgan tarkibiy boʻlinma rahbari;”.
19. 84-bandda :
birinchi xatboshidagi “muvofiqliligiga” degan soʻz “muvofiqligiga” degan soʻz bilan almashtirilsin;
ikkinchi xatboshidagi “saylanayotgan” degan soʻz “saylangan” degan soʻz bilan almashtirilsin;
uchinchi xatboshi quyidagi tahrirda bayon etilsin:
“kelishib olingan kunidan boshlab 12 oy mobaynida shu bankning oʻzida oʻsha talablar qoʻyilgan boshqa lavozimga yoki oʻzi egallab turgan lavozimga qayta saylangan yoki tayinlangan rahbarni;”.
20. 88-band quyidagi tahrirda bayon etilsin:
“88. Markaziy bank nomzodni alohida baholaydi va uning mazkur Nizom talablariga muvofiqligini jumladan asoslantirilgan mulohazadan foydalangan holda aniqlaydi.”.
21. 89-banddagi “qatʼiy nazar” degan soʻzlar “qatʼi nazar” degan soʻzlar bilan almashtirilsin.
22. 90-bandda :
birinchi xatboshidagi “baholashga” degan soʻz “baholashda” degan soʻz bilan almashtirilsin;
oʻn uchinchi xatboshi quyidagi tahrirda bayon etilsin:
“nomzod harakatlari yoki harakatsizligi oqibatida oʻzi hozirda yoki ilgari ijroiya organi, kuzatuv kengashi aʼzosi boʻlgan yoxud hal qiluvchi egalikka ega boʻlgan ishtirokchisi (aksiyadori) sifatida yoki boshqa usulda nazorat qilgan yoki nazorat qilayotgan yuridik shaxsni toʻlovga qobiliyatsizlik va majburiy likvidatsiya holatiga olib kelganligini tasdiqlovchi dalillarning mavjud emasligi;”.
23. 94-bandda :
toʻrtinchi xatboshi “bank boshqaruvi aʼzolari uchun” degan soʻzlardan keyin “, bundan boshqaruv raisi mustasno” degan soʻzlar bilan toʻldirilsin;
beshinchi xatboshi quyidagi tahrirda bayon etilsin:
“bankning muhim ahamiyatga ega xodimlari uchun, bundan bosh buxgalter mustasno — bank va (yoki) moliya tizimida kamida 5 yillik ish tajribasiga, shu jumladan kamida 3 yillik rahbarlik lavozimlarida ish tajribasiga ega boʻlishi;”.
24. 100-band quyidagi tahrirda bayon etilsin:
“100. Nomzod tashkilot faoliyatining koʻlami, xususiyati, miqyosi va murakkabligi, shuningdek bajarilayotgan kasbiy majburiyatlarning xususiyati va murakkabligidan kelib chiqib, bir vaqtning oʻzida bir nechta moliyaviy yoki nomoliyaviy tashkilotlarda rahbarlik lavozimlarini egallashi, boshqa kasbiy majburiyatlarni bajarishi mumkin. Bunda nomzodga quyidagilar taqiqlanadi:
bir vaqtning oʻzida besh va undan ortiq yuridik shaxsning kuzatuv kengashi aʼzosi boʻlishi;
bir vaqtning oʻzida ikki va undan ortiq bankning kuzatuv kengashi aʼzosi boʻlishi, bundan mazkur banklar bir bank guruhiga tegishli boʻlgan hollar mustasno;
bankning kuzatuv kengashi aʼzosi boʻla turib, bir vaqtning oʻzida mazkur bankning boshqaruvi aʼzosi yoki uning shuʼba va tobe xoʻjalik jamiyatlarida boshqaruv organlari aʼzosi boʻlishi yoxud ularda mehnat shartnomasi (kontrakt) asosida ishlashi;
bankning boshqaruvi aʼzosi, muhim ahamiyatga ega xodimi, vaqtinchalik boshqaruvchisi yoki tugatish komissiyasi aʼzosi boʻla turib, bir vaqtning oʻzida boshqa ikki va undan ortiq korxona va tashkilotlarda, shu jumladan davlat organlarida mehnat shartnomasi (kontrakt) asosida ishlashi;
bankning boshqaruvi aʼzosi, muhim ahamiyatga ega xodimi, vaqtinchalik boshqaruvchisi yoki tugatish komissiyasi aʼzosi boʻla turib, bir vaqtning oʻzida boshqa uch va undan ortiq yuridik shaxsning kuzatuv kengashi aʼzosi boʻlishi.”.
25. 107-band quyidagi tahrirda bayon etilsin:
“107. Bank nomzodni kelishib olish uchun Markaziy bankka quyidagilarni taqdim etadi:
1) bank boshqaruvi raisi tomonidan imzolangan ariza;
2) bank vakolatli organining nomzodni lavozimiga saylash (tayinlash) toʻgʻrisidagi qaroridan yoki boshqaruv raisining nomzodni lavozimiga tayinlash toʻgʻrisidagi buyrugʻidan koʻchirma;
3) nomzodning huquq va majburiyatlari batafsil koʻrsatilgan hujjat nusxasi;
4) nomzodning mazkur Nizom talablariga muvofiqligini aniqlash uchun bank tomonidan oʻtkazilgan dastlabki baholash natijalari aks ettirilgan hujjat;
5) mazkur Nizomning 11-ilovasiga muvofiq nomzod tomonidan toʻldirilgan anketa;
6) nomzodning mazkur Nizomning 12-ilovasiga muvofiq shakldagi obyektivka-maʼlumotnomasi;
7) norezident boʻlgan jismoniy shaxsning fuqarolik pasporti nusxasi;
8) nomzodning mehnat tajribasini tasdiqlovchi hujjat nusxasi, bundan Oʻzbekiston Respublikasida toʻplangan mehnat tajribasini tasdiqlovchi hujjat nusxasi mustasno;
9) nomzodning oliy maʼlumotga ega ekanligini tasdiqlovchi hujjat nusxasi, bundan Oʻzbekiston Respublikasi hududida olingan oliy maʼlumotni tasdiqlovchi hujjat nusxasi mustasno;
10) nomzod doimiy yashash joyiga ega boʻlgan, 90 kundan ortiq yashagan yoki yashayotgan barcha davlatlarning (Oʻzbekiston Respublikasidan tashqari) masʼul organlari tomonidan soʻngi 90 kun ichida berilgan nomzodning sudlanmaganligi toʻgʻrisidagi maʼlumotnoma.”.
26. 108-bandda :
a) birinchi xatboshidagi “hujjatlar bilan birga quyidagilarni taqdim etadi” degan soʻzlar “hujjatlarni va qoʻshimcha ravishda quyidagilarni taqdim etadi” degan soʻzlar bilan almashtirilsin;
b) 1-kichik bandda :
birinchi va ikkinchi xatboshilardan “tugatilayotgan” degan soʻzlar chiqarib tashlansin;
toʻrtinchi va beshinchi xatboshilar quyidagi tahrirda bayon etilsin:
“bankning koʻchmas mulkiga raqobatchi boʻlgan mulkka egalik qilishi toʻgʻrisida, agar tugatish yoki vaqtinchalik boshqaruv jarayonida mazkur mulkni baholash, tasarruf etish yoki boshqarish koʻzda tutilgan boʻlsa;
tugatish jarayonida bank tugatuvchisi yoki vaqtinchalik boshqaruvchi vazifasini xolis bajarish uchun toʻsqinlik qiluvchi har qanday moliyaviy va ishbilarmonlik manfaatlari yoki holatlari toʻgʻrisida;”.
27. 115-bandning ikkinchi jumlasi quyidagi tahrirda bayon etilsin:
“Bank nomzodning suhbatda qatnashish uchun belgilangan kunda va vaqtda Markaziy bankda hozir boʻlishini yoki videokonferens-aloqa tizimiga ulanishini taʼminlashi lozim.”.
28. 130 — 132-bandlar quyidagi tahrirda bayon etilsin:
“130. Banklar Oʻzbekiston Respublikasida Markaziy bankni xabardor qilgan holda filiallar ochishi mumkin.
Bank filiali bankning kuzatuv kengashi qaroriga muvofiq ochiladi va tugatiladi hamda oʻz faoliyatini bankka berilgan litsenziya va bankning kuzatuv kengashi tomonidan tasdiqlangan filial toʻgʻrisidagi nizom asosida amalga oshiradi.
131. Banklar oʻz filialini ochganlik yoki tugatganlik toʻgʻrisida Markaziy bankka mazkur Nizomning tegishli ravishda 132 va 139-bandlarida belgilangan tartibda xabarnoma yuborishi shart.
Bank filialini ochganlik yoki tugatganlik toʻgʻrisida Markaziy bankni belgilangan tartibda xabardor qilmay amalga oshiriladigan faoliyat qonunga xilofdir.
132. Bank filial ochganda hamda mazkur Nizomning 132 1 -bandida koʻrsatilgan talablar va shartlarga rioya etgan taqdirda Markaziy bankka bank filialini ochganlik toʻgʻrisida mazkur Nizomning 13-ilovasiga muvofiq shaklda yozma xabarnoma yuboradi va unga quyidagi hujjatlarni ilova qiladi:
bank kuzatuv kengashining filialni ochish toʻgʻrisidagi qarori;
filial rahbari va bosh buxgalterining mazkur Nizomning tegishli ravishda 134 1 va 134 2 -bandlarida koʻrsatilgan talablarga muvofiqligini tasdiqlovchi maʼlumotlar;
filial joylashgan erdagi Markaziy bank hududiy bosh boshqarmasining filial binosi, uning muhofaza qilinishi taʼminlanganligi, uskunalar, tashkiliy-texnika vositalari bilan jihozlanganligi va dasturiy taʼminotining Markaziy bank talablariga muvofiqligi toʻgʻrisidagi mazkur Nizomning 4-ilovasiga muvofiq shaklda berilgan xulosasi.”.
29. Quyidagi mazmundagi 132 1 -band bilan toʻldirilsin:
“132 1 . Bank filialini ochganlik toʻgʻrisidagi xabarnomani Markaziy bankka yuborish uchun bank quyidagi talablar va shartlarga rioya etishi lozim:
bankning barqaror moliyaviy holatga ega boʻlishi;
filial rahbari va bosh buxgalterining mazkur Nizomning tegishli ravishda 134 1 va 134 2 -bandlarida belgilangan malaka talablariga muvofiq boʻlishi;
filial binosi, uning muhofazasi taʼminlanishi, uskunalar, tashkiliy-texnika vositalari va dasturiy taʼminot bilan jihozlanishi Markaziy bank talablariga muvofiq boʻlishi.”.
30. Quyidagi mazmundagi 134 1 va 134 2 -bandlar bilan toʻldirilsin:
“134 1 . Filial rahbari quyidagi talablarga muvofiq boʻlishi lozim:
moliya-iqtisod yoʻnalishida oliy maʼlumotga ega boʻlishi;
bank-moliya sohasida kamida 5 yillik ish tajribasiga, shu jumladan rahbarlik lavozimlarida kamida 2 yillik ish tajribasiga ega boʻlishi;
iqtisodiyot sohasidagi, boshqaruv tartibiga qarshi jinoyatlar yoxud jinoiy faoliyatdan olingan daromadlarni legallashtirish, terrorizmni va ommaviy qirgʻin qurollarini tarqatishni moliyalashtirish bilan bogʻliq jinoyatlar uchun tugallanmagan yoki olib tashlanmagan sudlanganlikka ega boʻlmasligi;
ijro organi aʼzosi, kuzatuv kengashi aʼzosi yoki hal qiluvchi egalikka ega boʻlgan ishtirokchi (aksiyador) sifatida yoxud boshqa usulda oʻzi tomonidan nazorat qilingan yuridik shaxsni harakatlari yoki harakatsizligi oqibatida toʻlovga qobiliyatsizlik va majburiy likvidatsiya holatiga olib kelmagan boʻlishi;
bir bankda rahbarlik yoki moddiy javobgarlik bilan bogʻliq lavozimlarda biri ikkinchisiga bevosita boʻysunib yoxud uning nazorati ostida ishlovchi yaqin qarindoshlardan biri boʻlmasligi.
134 2 . Filial bosh buxgalteri quyidagi talablarga muvofiq boʻlishi lozim:
moliya-iqtisod yoʻnalishida oliy maʼlumotga ega boʻlishi;
bank-moliya sohasida kamida 5 yillik ish tajribasiga, shu jumladan bankning buxgalteriya hisobi va (yoki) moliyaviy hisobotni tuzish uchun masʼul boʻlgan tarkibiy boʻlinmasida kamida 2 yillik ish tajribasiga ega boʻlishi.”.
31. 135-band quyidagi tahrirda bayon etilsin:
“135. Bank filialining joylashgan erini (pochta manzilini) oʻzgartirish toʻgʻrisida qaror qabul qilinganda bank mazkur bandning uchinchi xatboshisida koʻrsatilgan xulosa olingan sanadan eʼtiboran 10 ish kunidan kechiktirmay Markaziy bankka filialning joylashgan eri (pochta manzili) oʻzgarganligi toʻgʻrisida yozma xabarnoma yuboradi. Xabarnomaga quyidagilar ilova qilinadi:
bank filialining joylashgan erini (pochta manzilini) oʻzgartirish haqidagi bank kuzatuv kengashining qarori. Bunda qarorda filialning yangi manzili koʻrsatilishi lozim;
bank filialining yangi binosi joylashgan erdagi Markaziy bank hududiy bosh boshqarmasining filial binosi, uning muhofaza qilinishi taʼminlanganligi, uskunalar, tashkiliy-texnika vositalari bilan jihozlanganligi va dasturiy taʼminotining Markaziy bank talablariga muvofiqligi toʻgʻrisidagi mazkur Nizomning 4-ilovasiga muvofiq shaklda berilgan xulosasi;
filial manzili oʻzgarishining bank omonatchilari va kreditorlariga taʼsiri toʻgʻrisida axborot.
Maʼmuriy-hududiy birliklar (viloyatlar, tumanlar, shaharlar), aholi punktlari va ularning tarkibiy qismlari (mahallalar, shohkoʻchalar, koʻchalar) nomining oʻzgarishi natijasida bank filialining pochta manzili oʻzgarganda bank tegishli oʻzgarishlar sodir boʻlgan sanadan eʼtiboran 20 ish kunidan kechiktirmay Markaziy bankka mazkur oʻzgarishlarni tasdiqlovchi hujjatlarni ilova qilgan holda yozma xabarnoma yuboradi.”.
32. 136-bandda :
birinchi xatboshi quyidagi tahrirda bayon etilsin:
“136. Bank quyidagi hollarda filialining joylashgan erini (pochta manzilini) oʻzgartirishga haqli emas:”;
ikkinchi xatboshi chiqarib tashlansin;
uchinchi va toʻrtinchi xatboshilar tegishli ravishda ikkinchi va uchinchi xatboshilar deb hisoblansin;
ikkinchi xatboshi quyidagi tahrirda bayon etilsin:
“bank filialining yangi binosi, uning muhofaza qilinishi taʼminlanganligi, uskunalar, tashkiliy-texnika vositalari bilan jihozlanishi va dasturiy taʼminoti Markaziy bank talablariga nomuvofiq boʻlganda;”.
33. Quyidagi mazmundagi 136 1 -band bilan toʻldirilsin:
“136 1 . Bank filialining nomi oʻzgarganda bank filial nomini oʻzgartirish toʻgʻrisidagi kuzatuv kengashining qarori qabul qilingan sanadan eʼtiboran 10 ish kunidan kechiktirmay Markaziy bankka ushbu qarorni ilova qilgan holda yozma xabarnoma yuboradi.”.
34. 139-bandda :
birinchi xatboshi quyidagi tahrirda bayon etilsin:
“139. Filialni tugatish jarayoni yakunlangandan soʻng bank Markaziy bankka quyidagilarni ilova qilgan holda bank filialini tugatganlik toʻgʻrisida yozma xabarnoma yuboradi:”;
ikkinchi xatboshi chiqarib tashlansin;
uchinchi — oʻninchi xatboshilar tegishli ravishda ikkinchi — toʻqqizinchi xatboshilar deb hisoblansin;
ikkinchi xatboshi quyidagi tahrirda bayon etilsin:
“filialni tugatish komissiyasini tuzish haqidagi bankning vakolatli boshqaruv organining qarori;”.
35. 143-band quyidagi tahrirda bayon etilsin:
“143. Markaziy bank arizani mazkur Nizomning 142-bandida koʻrsatilgan hujjatlar toʻliq hajmda taqdim etilgan kundan boshlab 20 ish kunidan oshmagan muddatda koʻrib chiqadi.”.
36. 156 — 159-bandlar quyidagi tahrirda bayon etilsin:
“156. Bank xizmatlari ofislari Markaziy bankni xabardor qilgan holda ochiladi.
157. Bank bank xizmatlari ofisini ochganda hamda mazkur Nizomning 158-bandida koʻrsatilgan talablar va shartlarga rioya etgan taqdirda Markaziy bankka bank xizmatlari ofisini ochganlik toʻgʻrisida mazkur Nizomning 13 1 -ilovasiga muvofiq shaklda yozma xabarnoma yuboradi va unga quyidagi hujjatlarni ilova qiladi:
bankning vakolatli boshqaruv organining bank xizmatlari ofisini ochish toʻgʻrisidagi qarori;
bank xizmatlari ofisi joylashgan erdagi Markaziy bank hududiy bosh boshqarmasining bank xizmatlari ofisining binosi, uning muhofaza qilinishi taʼminlanganligi, uskunalar, tashkiliy-texnika vositalari bilan jihozlanganligi va dasturiy taʼminotining Markaziy bank talablariga muvofiqligi toʻgʻrisidagi mazkur Nizomning 4-ilovasiga muvofiq shaklda berilgan xulosasi.
158. Bank xizmatlari ofisini ochganlik toʻgʻrisidagi xabarnomani Markaziy bankka yuborish uchun bank quyidagi talablar va shartlarga rioya etishi lozim:
bankning barqaror moliyaviy holatga ega boʻlishi;
bank xizmatlari ofisining binosi, uning muhofazasi taʼminlanishi, uskunalar, tashkiliy-texnika vositalari va dasturiy taʼminot bilan jihozlanishi Markaziy bank talablariga muvofiq boʻlishi.
159. Bank xizmatlari ofisi tugatilganda bank Markaziy bankka quyidagilarni ilova qilgan holda bank xizmatlari ofisini tugatganlik toʻgʻrisida yozma xabarnoma yuboradi:
bank xizmatlari ofisini tugatish toʻgʻrisidagi bankning vakolatli boshqaruv organining qarori;
bankning rasmiy veb-saytida yoki boshqa ommaviy axborot vositalarida joylashtirilgan bank xizmatlari ofisining tugatilishi haqidagi eʼlon nusxasi.”.
37. 161 va 162-bandlar quyidagi tahrirda bayon etilsin:
“161. Bank xizmatlari ofisining nomi oʻzgarganda bank bank xizmatlari ofisining nomini oʻzgartirish haqidagi bank vakolatli organining qarori qabul qilingan sanadan eʼtiboran 10 ish kunidan kechiktirmay Markaziy bankka ushbu qarorni ilova qilgan holda yozma xabarnoma yuboradi.
162. Bank xizmatlari ofisining joylashgan erini (pochta manzilini) oʻzgartirish toʻgʻrisida qaror qabul qilinganda bank mazkur bandning uchinchi xatboshisida koʻrsatilgan xulosa berilgan sanadan eʼtiboran 10 ish kunidan kechiktirmay Markaziy bankka bank xizmatlari ofisining joylashgan eri (pochta manzili) oʻzgarganligi toʻgʻrisida yozma xabarnoma yuboradi. Xabarnomaga quyidagilar ilova qilinadi:
bank xizmatlari ofisining joylashgan erini (pochta manzilini) oʻzgartirish haqidagi bankning vakolatli organining qarori. Bunda qarorda bank xizmatlari ofisining yangi manzili koʻrsatilishi lozim;
bank xizmatlari ofisi joylashgan erdagi Markaziy bank hududiy bosh boshqarmasining bank xizmatlari ofisining yangi binosi, uning muhofaza qilinishi taʼminlanganligi, uskunalar, tashkiliy-texnika vositalari bilan jihozlanganligi va dasturiy taʼminotining Markaziy bank talablariga muvofiqligi toʻgʻrisidagi mazkur Nizomning 4-ilovasiga muvofiq shaklda berilgan xulosasi.
Maʼmuriy-hududiy birliklar (viloyatlar, tumanlar, shaharlar), aholi punktlari va ularning tarkibiy qismlari (mahallalar, shohkoʻchalar, koʻchalar) nomining oʻzgarishi natijasida bank xizmatlari ofisining pochta manzili oʻzgarganda bank tegishli oʻzgarishlar sodir boʻlgan sanadan eʼtiboran 20 ish kunidan kechiktirmay Markaziy bankka mazkur oʻzgarishlarni tasdiqlovchi hujjatlarni ilova qilgan holda yozma xabarnoma yuboradi.”.
38. 195-band quyidagi tahrirda bayon etilsin:
“195. Markaziy bank bankni qayta tashkil etishga doir ruxsatnomani berish toʻgʻrisidagi arizani, mazkur ariza barcha zarur hujjatlar bilan olingan kundan eʼtiboran 20 ish kunidan oshmagan muddatda koʻrib chiqadi. Bankni qayta tashkil etishga doir ruxsatnomani berish toʻgʻrisidagi arizani koʻrib chiqish uchun Markaziy bank tomonidan yigʻim undirilmaydi.”.
39. 2-ilovada :
“Pasport maʼlumotlari” degan soʻzlar “Shaxsni tasdiqlovchi hujjat maʼlumotlari” degan soʻzlar bilan almashtirilsin;
“Seriya va raqami” degan soʻzlar “Seriyasi (mavjud boʻlsa) va raqami” degan soʻzlar bilan almashtirilsin.
40. 6-ilovaning 1.6-bandi quyidagi tahrirda bayon etilsin:
“1.6. Shaxsni tasdiqlovchi hujjat: seriyasi (mavjud boʻlsa) ____ raqami _________ kim tomonidan berilgani __________________________ berilgan sanasi ____________ (bir nechta davlat fuqaroligiga ega boʻlganda, ularning barchasi tomonidan berilgan shaxsni tasdiqlovchi hujjatlarning maʼlumotlarini koʻrsating)”.
41. 11-ilovaning 1.6-bandi quyidagi tahrirda bayon etilsin:
“ 1.6. Shaxsni tasdiqlovchi hujjat maʼlumotlari (bir nechta davlat fuqaroligiga ega boʻlganda, ularning barchasi tomonidan berilgan shaxsni tasdiqlovchi hujjatlarning maʼlumotlarini koʻrsating) Seriyasi (mavjud boʻlsa) va raqami Berilgan sana Amal qilish muddati Bergan mamlakat Bergan organ ”.
42. 13-ilova mazkur oʻzgartirish va qoʻshimchalarning 1-ilovasiga muvofiq tahrirda bayon etilsin.
43. Mazkur oʻzgartirish va qoʻshimchalarning 2-ilovasiga muvofiq tahrirda 13 1 -ilova bilan toʻldirilsin.
Bank faoliyatiga ruxsat berish tartibi va shartlari toʻgʻrisidagi nizomga kiritilayotgan oʻzgartirish va qoʻshimchalarga 1-ILOVA
“Bank faoliyatiga ruxsat berish tartibi va shartlari toʻgʻrisidagi nizomga 13-ILOVA
Oʻzbekiston Respublikasi Markaziy banki Bank filialini ochganlik toʻgʻrisida XABARNOMA _________________________________________________________________________ (bank n�mi) _____________________________________________ filiali ochilganligi toʻgʻrisida xabardor qiladi. Bank ushbu xabarnomani yuborish orqali quyidagilarni tasdiqlaydi: 1) bankning barqaror moliyaviy holatga* ega ekanligini; 2) filial rahbari va bosh buxgalterining malakasi Markaziy bank tomonidan belgilangan malaka talablariga muvofiqligini; 3) filial binosi, uning muhofazasi taʼminlanishi, uskunalar, tashkiliy-texnika vositalari va dasturiy taʼminot bilan jihozlanishi Markaziy bank talablariga muvofiqligini. * bankning barqaror moliyaviy holati — bankning moliyaviy oqimlar mutanosibligini, toʻlov qobiliyatini, likvidliligi va rentabelli faoliyatini saqlab turish uchun mablagʻlarning yetarliligini, shuningdek barcha prudensial normativlar bank tomonidan bajarilishini ifodalovchi holati. Filial toʻgʻrisidagi maʼlumotlar: Joylashgan eri/pochta manzili ______________________________________________ (viloyat, shahar/tuman, MFY/ShFY, koʻcha nomi va uy raqami koʻrsatiladi) Pochta indeksi ____________ Telefon _________________ Faks _______________ Xabarnomaga ilova qilingan hujjatlar roʻyxati ______ varaqda: 1) ______________________________________________________________; 2) ______________________________________________________________; 3) ______________________________________________________________. “____” _________________ y. Boshqaruv raisi _____________ (imzo) ”.
Bank faoliyatiga ruxsat berish tartibi va shartlari toʻgʻrisidagi nizomga kiritilayotgan oʻzgartirish va qoʻshimchalarga 2-ILOVA
“Bank faoliyatiga ruxsat berish tartibi va shartlari toʻgʻrisidagi nizomga 13 1 -ILOVA
Oʻzbekiston Respublikasi Markaziy banki Bank xizmatlari ofisini ochganlik toʻgʻrisida XABARNOMA _________________________________________________________________________ (bank nomi) ___________________________________________________________ bank xizmatlari ofisi ochilganligi toʻgʻrisida xabardor qiladi. Bank ushbu xabarnomani yuborish orqali quyidagilarni tasdiqlaydi: 1) bankning barqaror moliyaviy holatga* ega ekanligini; 2) bank xizmatlari ofisi binosi, uning muhofazasi taʼminlanishi, uskunalar, tashkiliy-texnika vositalari va dasturiy taʼminot bilan jihozlanishi Markaziy bank talablariga muvofiqligini. * bankning barqaror moliyaviy holati — bankning moliyaviy oqimlar mutanosibligini, toʻlov qobiliyatini, likvidliligi va rentabelli faoliyatini saqlab turish uchun mablagʻlarning yetarliligini, shuningdek barcha prudensial normativlar bank tomonidan bajarilishini ifodalovchi holati. Bank xizmatlari ofisi toʻgʻrisidagi maʼlumotlar: Joylashgan eri/pochta manzili ______________________________________________ (viloyat, shahar/tuman, MFY/ShFY, koʻcha nomi va uy raqami koʻrsatiladi) Pochta indeksi ____________ Telefon _________________ Faks _______________ Bank xizmatlari ofisi biriktirilgan filial nomi va kodi:___________________ Xabarnomaga ilova qilingan hujjatlar roʻyxati ______ varaqda: 1) ______________________________________________________________; 2) ______________________________________________________________; 3) ______________________________________________________________. “____” _________________ y. Boshqaruv raisi _____________ (imzo) ”.
Markaziy bank raisi M. NURMURATOV
Toshkent sh.,
2022-yil 22-avgust,
19/2-son