📅 2022-yil 5-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 5 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 5 октября 2022 г. · Постановления Кабинета Министров
Официальный текст. Официальный документ. Редакционные примечания не включены.
📅 5 October 2022 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
СХЕМАСИ
НИЗОМ
СХЕМАСИ
НИЗОМ
СХЕМАСИ
НИЗОМ
СХЕМАСИ
НИЗОМ
СХЕМАСИ
ТАРКИБИ
Опера ва балет санъатини тарғиб қилиш ва иқтидорли ижодкорларни рағбатлантириш чора-тадбирлари тўғрисида
Ўзбекистон Республикаси Президентининг «Опера ва балет санъатини янада ривожлантириш чора-тадбирлари тўғрисида» 2021 йил 27 декабрдаги ПҚ-64-сон қарори ижросини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Опера ва балет санъатини янада ривожлантириш чора-тадбирлари тўғрисида» 2021 йил 27 декабрдаги ПҚ-64-сон қарорига мувофиқ қуйидагилар:
опера ва балет санъати бўйича иқтидорли ёшларни излаб топиш, уларни юзага чиқариш ва рағбатлантириш тизимини жорий қилиш мақсадида ҳар йили анъанавий тарзда «Ёш вокал ижрочилари», «Ёш балет ижрочилари», «Дирижёр, режиссёр ва балетмейстерлар» республика кўрик-танловларини (кейинги ўринларда — республика кўрик танловлари);
миллий опера ва балет санъатини жаҳон миқёсида тарғиб қилиш, энг сара миллий ва классик асарлардан аҳолини баҳраманд этиш, хорижий театрлар билан ижодий алоқаларни янада мустаҳкамлаш учун Давлат бюджети ҳисобидан ҳар икки йилда Ҳалима Носирова номидаги халқаро ёш операчилар кўрик-танлови ҳамда «Тошкент баҳори» халқаро опера ва балет фестивалини ўтказиш;
республика кўрик-танловларининг Гран-при ва 1-ўрин ғолиблари мос таълим йўналишлари бўйича тегишли давлат олий таълим муассасаларининг бакалавриат қабул квотасига қўшимча давлат гранти асосида ўқишга қабул қилиниши белгиланганлиги маълумот учун қабул қилинсин.
2. Қуйидагилар:
Ҳалима Носирова номидаги халқаро ёш операчилар кўрик-танловини ташкил этиш ва ўтказиш тартиби тўғрисидаги низом 1-иловага ;
«Тошкент баҳори» халқаро опера ва балет фестивалини ташкил этиш ва ўтказиш тартиби тўғрисидаги низом 2-иловага ;
«Ёш вокал ижрочилари» республика кўрик-танловини ташкил этиш ва ўтказиш тартиби тўғрисидаги низом 3-иловага ;
«Ёш балет ижрочилари» республика кўрик-танловини ташкил этиш ва ўтказиш тартиби тўғрисидаги низом 4-иловага ;
«Дирижёр, режиссёр ва балетмейстерлар» республика кўрик-танловини ташкил этиш ва ўтказиш тартиби тўғрисидаги низом 5-иловага мувофиқ тасдиқлансин.
3. Ҳалима Носирова номидаги халқаро ёш операчилар кўрик-танлови ҳамда «Тошкент баҳори» халқаро опера ва балет фестивалига тайёргарлик кўриш ва ўтказиш бўйича ташкилий қўмита таркиби 6-иловага мувофиқ тасдиқлансин.
Ташкилий қўмитанинг асосий вазифалари этиб қуйидагилар белгилансин:
халқаро тадбирларга тайёргарлик кўриш ва ўтказиш бўйича чора-тадбирлар режасини ишлаб чиқиш ҳамда амалга оширилишини таъминлаш;
халқаро тадбирларни ўтказишнинг аниқ муддатларини белгилаш ва оммавий ахборот воситаларида эълон қилиш;
халқаро тадбирларнинг ҳакамлар ҳайъати таркибини шакллантириш, унинг иш тартибини тасдиқлаш, танловлар иштирокчиларининг ёш чегарасини белгилаш ва ҳакамлар ҳайъати таркибига киритилган мутахассислар иштирокини таъминлаш;
халқаро тадбирларга тайёргарлик кўриш ва уни ўтказиш билан боғлиқ харажатлар сметасини ишлаб чиқиш ва тасдиқлаш, меценатлик кўмаги, юридик ва жисмоний шахсларнинг ҳомийлик хайрияларини жалб этиш чораларини кўриш.
4. Алишер Навоий номидаги Ўзбекистон давлат академик катта театри директорига ушбу театрнинг бюджетдан ташқари маблағлари ҳисобидан мазкур қарорда белгиланган ва бошқа маданий тадбирларни юқори савияда ташкиллаштириш мақсадида қўшимча мутахассисларни жалб этишга рухсат берилсин.
5. Ўзбекистон Республикаси Маданият вазирлиги бошқа манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — туризм ва маданий мерос вазири А.А. Абдухакимов ҳамда Ўзбекистон Республикаси маданият вазири О.А. Назарбеков зиммасига юклансин.
Вазирлар Маҳкамасининг 2022 йил 5 октябрдаги 569-сон қарорига 1-ИЛОВА
Ҳалима Носирова номидаги халқаро ёш операчилар кўрик-танловини ташкил этиш ва ўтказиш тартиби тўғрисида
1-боб. Умумий қоидалар
1. Мазкур Низом Ҳалима Носирова номидаги халқаро ёш операчилар кўрик-танловини (кейинги ўринларда — танлов) ташкил этиш ва ўтказиш тартибини белгилайди.
2. Танлов қуйидагиларни назарда тутган ҳолда ўтказилади:
миллий опера санъатини янада ривожлантириш ва оммалаштириш;
турли хорижий давлатларнинг опера санъати вакиллари ижро маҳорати билан яқиндан танишиш ҳамда улар билан ижодий алоқаларни мустаҳкамлаш;
опера санъатидаги иқтидорли ёшларни кашф этиш ва қўллаб-қувватлаш;
хорижий давлатларнинг таниқли ижрочиларини жалб этиш орқали мамлакатимизда опера санъатини янада ривожлантириш;
Алишер Навоий номидаги Ўзбекистон давлат академик катта театри репертуарини ижодий ва сифат даражасини, театр ижодкорлари ижро маҳоратини янада яхшилаш;
Алишер Навоий номидаги Ўзбекистон давлат академик катта театри, Ўзбекистон давлат консерваториясида опера санъатининг етакчи намоёндалари иштирокида мастер-класслар ва семинарлар ташкил этиш.
3. Танлов 2023 йилдан бошлаб ҳар икки йилда бир маротаба октябрь ойида Тошкент шаҳрида ўтказилади.
Бунда, танловни ўтказишнинг аниқ муддати Ташкилий қўмита томонидан белгиланади ҳамда танлов бошланишидан уч ой аввал Ташкилий қўмита ишчи гуруҳи ҳисобланган Ўзбекистон Республикаси Маданият вазирлиги томонидан оммавий ахборот воситаларида эълон қилинади.
4. Танлов ижро дастури асосида ўтказилади.
5. Танловнинг ижро дастури ва танловда ижро этиладиган асарлар рўйхати Ўзбекистон Республикаси Маданият вазирлиги томонидан танлов бошланишидан камида уч ой олдин тасдиқланади.
6. Танлов Ўзбекистон Республикаси Маданият вазирлиги, Тошкент шаҳар ҳокимлиги ва Алишер Навоий номидаги Ўзбекистон давлат академик катта театри (кейинги ўринларда — ташкилотчилар) томонидан ташкил этилади ва ўтказилади.
7. Танловни ташкил этиш ва ўтказиш Ташкилий қўмита томонидан мувофиқлаштирилади.
2-боб. Танловда иштирок этиш шартлари
8. Танловда хорижий ва маҳаллий опера солистлари, халқаро танловлар совриндорлари иштирок этиши мумкин.
9. Танлов иштирокчиларининг ёши Ташкилий қўмита томонидан белгиланади.
10. Танлов саралаш ва якуний (финал) босқичдан иборат.
Саралаш босқичида иштирокчилар сони чекланмаган.
Саралаш босқичидан 12 нафар иштирокчи якуний (финал) босқичига ўтади.
Танловда олдинги танловлар совриндорларининг қайта иштирок этишига йўл қўйилмайди.
Саралаш босқичида тўртта асар (кенгайтирилган операдан ариялар, кантата ёки ораториялар (XVII-XVIII асрлар), ўзбек композиторлари асарларидан ариялар, ўз мамлакатлари халқ қўшиқлари («а-капелла» тарзида бўлиши мумкин), рус ва Европа композиторлари асарларидан ариялар) ижро этилади.
Якуний (финал) босқичида иккита асар (Европа композиторлари асарларидан кенгайтирилган ария (XIX-XX асрлар), рус композиторлари асарларидан кенгайтирилган ариялар, ўзбек композиторлари асарларидан ариялар) симфоник оркестр жўрлигида ижро этилади.
11. Барча тингловлар оммавий равишда ўтказилади. Барча асарлар ёддан, асл тилда ижро қилиниши шарт. Ҳар бир асар фақат битта босқичда ижро қилинади.
Ижро этиш тартиби қуръа ташлаш йўли билан белгиланади ва танлов якунига қадар ўзгармай қолади. Якуний (финал) босқичга саралаш босқичида қатнашган 12 нафардан ортиқ иштирокчи киритилмайди.
Ўринлар ва совринларни якуний тақсимлаш ҳакамлар ҳайъатининг якуний йиғилишида амалга оширилади.
Танловда иштирок этиш учун белгиланган муддатда Ташкилий қўмита томонидан белгиланадиган электрон манзилга қуйидаги ҳужжатларни илова қилган ҳолда ариза юбориш лозим:
маълумотнома (резюме);
ижодий биография;
ҳар бир босқич бўйича иштирокчининг тўлиқ ижро дастури.
12. Танлов дастурида эълон қилинган ишларни иштирокчилар томонидан алмаштиришга йўл қўйилмайди.
Танловда иштирок этишга рухсат берилган барча иштирокчилар танлов ўтказиладиган йилнинг 15 октябридан кечиктирмай танловга келиш санаси кўрсатилган таклифнома оладилар.
Керакли ҳужжатлар билан тўлиқ тўлдирилмаган ёки танлов ўтказиладиган йилнинг 15 сентябридан кейин юборилган аризалар қабул қилинмайди.
Танлов шартларига кўра, Ўзбекистон Республикаси Маданият вазирлиги томонидан тасдиқланадиган ижро дастурига асосан ўзбек опера композиторлари асарларидан ижро этилиши шарт.
Ташкилотчилар томонидан иштирокчиларга икки марта машқ қилиш ва саралаш босқичида чиқиш учун концертмейстерлар белгиланган тартибда бириктириб берилади.
Танлов ташкилотчиси танловда аудио ва видеоёзувларни ёзиб, кейинчалик қўшимча ҳақ тўламасдан улардан тижорат мақсадларида фойдаланиш ҳуқуқини ўзида сақлаб қолади.
Танлов ғолиблари якуний гала-концертида иштирок этишлари шарт.
13. Танловнинг барча иштирокчиларига етакчи опера театрлари вакиллари ва агентларини тинглаш, шунингдек, ҳакамлар ҳайъати аъзолари томонидан ўтказиладиган маҳорат дарслари (мастер класс)да қатнашиш имконияти берилади.
3-боб. Танлов иштирокчиларини баҳолаш ва ғолибларни тақдирлаш
14. Танлов иштирокчиларининг чиқишларини баҳолаш учун Ташкилий қўмита томонидан маҳаллий ва хорижий маданият ва санъат соҳасидаги 7 — 9 нафар етакчи мутахассислардан иборат ҳакамлар ҳайъати таркиби ҳамда унинг иш тартиби тасдиқланади.
Танловнинг ҳакамлар ҳайъатига етакчи опера яккахонлари, машҳур мусиқа ижрочилари, дирижёрлар, мусиқали театрлар директорлари ва бошқа мутахассислар вакиллари таклиф этилади.
Ҳакамлар ҳайъати аъзолари Ҳакамлар ҳайъати раисини сайлайди.
Ҳакамлар ҳайъати томонидан танлов иштирокчиларининг чиқишлари баҳолаш жараёнида жаҳонга машҳур бўлган композиторларнинг операларидан машҳур арияларини анъана ва усулларини тўғри ижро этилиши, асарда кўрсатилган ҳар битта ноталарни катта хатоликларга йўл қўймаган ҳолда ижро қилиниши, асарнинг мазмун ва моҳиятини тингловчига тўлиқ етказиб берилиши, юқори пардаларда куйланадиган ноталарни вокал санъати қоидаларига риоя қилиниши ва саҳна маданияти каби асосий мезонлари бўйича баҳоланади.
Танловнинг баҳолаш мезонларига кўра ҳар бир мезон бўйича максимал 100 баллик тизим асосида баҳоланади.
Ҳакамлар ҳайъати томонидан иштирокчиларга қўйилган баллар тенг бўлиб қолганда Ҳакамлар ҳайъати раисининг овози ҳал қилувчи ҳисобланади.
Танловнинг якуний натижалари ҳакамлар ҳайъатининг қарори билан расмийлаштирилади.
Иштирокчилар ҳакамлар ҳайъати қарори юзасидан танловнинг ҳар бир босқичи якуни бўйича бир кун муддатда ҳакамлар ҳайъати раиси номига апелляция шикояти (ариза) беришлари мумкин. Апелляция шикояти белгиланган тартибда рўйхатга олинади, бир кун муддатда кўриб чиқилиб, баённома билан расмийлаштирилади ва ўша куннинг ўзида эълон қилинади.
15. Танлов ғолиблари диплом, статуэтка ва қуйидаги миқдорларда пул мукофотлари билан тақдирланади:
1-ўрин учун — базавий ҳисоблаш миқдорининг 100 баравари миқдорида;
2-ўрин учун — базавий ҳисоблаш миқдорининг 70 баравари миқдорида;
3-ўрин учун — базавий ҳисоблаш миқдорининг 50 баравари миқдорида.
16. Ҳакамлар ҳайъати аъзолари ва мухлислар эътирофига сазовор бўлган «Ўзбек композиторлари асарини энг яхши ижро этганлик учун», Танловнинг энг ёш, энг иқтидорли иштирокчиси» «Ўз мамлакатлари халқ қўшиғини («а-капелла» тарзида ҳам бўлиши мумкин) энг яхши ижро этганлик учун» каби номинациялар ва бошқа номинациялар бўйича махсус диплом билан тақдирланадилар.
Ҳакамлар ҳайъати танловнинг энг яхши концертмейстерларининг (2 киши) ҳар бирига махсус диплом бериш ҳуқуқига эга.
4-боб. Танловни ташкил этиш ва ўтказишни молиялаштириш
17. Танловга тайёргарлик кўриш ва уни ўтказиш билан боғлиқ харажатлар Ташкилий қўмита томонидан ишлаб чиқилган ва белгиланган тартибда тасдиқланган смета асосида амалга оширилади.
18. Танловга тайёргарлик кўриш ва уни ўтказиш билан боғлиқ харажатлар республика бюджети маблағлари, меценатлик кўмаги, юридик ва жисмоний шахсларнинг ҳомийлик хайриялари ҳамда қонунчилик ҳужжатлари билан тақиқланмаган бошқа манбалар ҳисобидан қопланади.
19. Танлов ташкилотчилари томонидан иштирокчиларнинг қуйидаги харажатлари қопланади:
ҳакамлар ҳайъати аъзолари учун йўл харажатлари, меҳмонхона, овқатланиш, гонорар тўловлари;
танловнинг якуний (финал) босқичига ўтган иштирокчиларнинг танловдаги иштироки тугагунига қадар уларнинг меҳмонхона ва овқатланиш харажатлари.
Йўл, саралаш босқичидаги меҳмонхона ва овқатланиш харажатлари — иштирокчилар ҳисобидан қопланади.
5-боб. Якунловчи қоидалар
20. Ўзбекистон Республикасининг Солиқ кодексига мувофиқ хорижий иштирокчиларга бериладиган гонорар ва танлов ғолибларига бериладиган бир марталик пул мукофотлари жисмоний шахслардан олинадиган даромад солиғига тортилмайди, шунингдек, ижтимоий тўлов ва суғурта бадаллари бўйича солиққа солиш объекти ҳисобланмайди.
21. Танлов иштирокчиси бўлган чет эл фуқароси ўз тиббий суғуртасига эга бўлиши лозим.
«Ҳалима Носирова номидаги халқаро ёш операчилар кўрик-танловини ташкил этиш ва ўтказиш тартиби тўғрисида» низомга ИЛОВА
Ҳалима Носирова номидаги халқаро ёш операчилар кўрик-танловини ташкил этиш ва ўтказиш
Босқичлар Субъектлар Тадбирлар Муддатлар 1-босқич Ўзбекистон Республикаси Маданият вазирлиги Ҳалима Носирова номидаги халқаро ёш операчилар кўрик-танловини ўтказиш бўйича оммавий ахборот воситаларида эълон бериш Танлов бошланишидан уч ой аввал 2-босқич Ўзбекистон Республикаси Маданият вазирлиги Танловнинг ижро дастури ва танловда ижро этиладиган асарлар рўйхатини тасдиқлаш Танлов бошланишидан камида уч ой аввал 3-босқич Танлов иштирокчилари Танловда иштирок этиш учун белгиланган муддатга кадар керакли ҳужжатларни илова қилган ҳолда ариза юбориш. Танлов ўтказиладиган йилнинг 15 сентябрига қадар 4-босқич Ўзбекистон Республикаси Маданият вазирлиги Танловда иштирок этишга рухсат берилган барча иштирокчиларга белгиланган муддатдан кечиктирмай танловга келиш санаси кўрсатилган таклифнома юбориш. Танлов ўтказиладиган йилнинг 15 октябрига қадар 5-босқич Ўзбекистон Республикаси Маданият вазирлиги Танловни икки босқичда ўтказиш. Саралаш ва якуний (финал) босқич. Танлов ўтказиладиган йилнинг октябрь ойида 6-босқич Ўзбекистон Республикаси Маданият вазирлиги Танлов ғолибларини тантанали тадбирда тақдирлаш ҳамда оммавий ахборот воситаларида эълон қилиш Танлов ўтказиладиган йилнинг октябрь ойида
Вазирлар Маҳкамасининг 2022 йил 5 октябрдаги 569-сон қарорига 2-ИЛОВА
«Тошкент баҳори» халқаро опера ва балет фестивалини ташкил этиш ва ўтказиш тартиби тўғрисида
1-боб. Умумий қоидалар
1. Мазкур Низом «Тошкент баҳори» халқаро опера ва балет фестивалини (кейинги ўринларда — фестиваль) ташкил этиш ва ўтказиш тартибини белгилайди.
2. Фестиваль қуйидагиларни назарда тутган ҳолда ўтказилади:
фестивалнинг бетакрор руҳи ва қиёфасини, ўзига хослигини акс эттириш, халқлар ўртасида дўстлик ришталарини мустаҳкамлаш, дунё тинчлиги, халқлар ўртасида дўстлик ва аҳилликни кенг тарғиб этиш, мамлакатимиз опера ва балет санъатининг жаҳон ҳамжамиятидаги нуфузини янада ошириш, бой тарихий ва бетакрор маданиятимизни кенг тарғиб этиш;
опера ва балет санъатини ривожлантириш ва унинг аҳамиятини янада ошириш, ўзбек ҳамда бошқа халқларнинг опера ва балет санъати анъаналарини қамраб олиш, улар билан яқиндан илмий ва ижодий мулоқот ва ҳамкорлик қилиш;
ёш авлодни опера ва балет санъатига, айниқса, ўзбек миллий опера ва балетига бўлган қизиқишларини қаноатлантириш;
опера ва балет санъатининг анъаналарини асраш, маданий мулоқотни янада ривожлантириш, илмий ўрганиш ва изланишларни ҳамкорликда амалга ошириш, ўзаро тажриба алмашиш, давра суҳбатлари, тақдимот ва маҳорат дарсларини ташкил этиш.
3. Фестиваль 2022 йилдан бошлаб ҳар икки йилда бир маротаба апрель ойида Тошкент шаҳрида ўтказилади.
Бунда, унинг аниқ муддати Ташкилий қўмита томонидан тасдиқланади ҳамда Фестиваль бошланишидан бир ой олдин Ташкилий қўмита ишчи гуруҳи ҳисобланган Ўзбекистон Республикаси Маданият вазирлиги томонидан оммавий ахборот воситаларида эълон қилинади.
4. Фестиваль Ўзбекистон Республикаси Маданият вазирлиги, Тошкент шаҳар ҳокимлиги ва Алишер Навоий номидаги Ўзбекистон давлат академик катта театри (кейинги ўринларда — ташкилотчилар) томонидан ташкил этилади ва ўтказилади.
5. Фестивални ташкил этиш ва ўтказиш Ташкилий қўмита томонидан мувофиқлаштирилади.
2-боб. Фестивални ташкил этиш ва ўтказиш тартиби
6. Фестиваль ижро дастури ва унда ижро этиладиган саҳна асарлари рўйхати асосида ўтказилади.
7. Фестивалнинг ижро дастури ва унда ижро этиладиган саҳна асарлари рўйхати Ўзбекистон Республикаси Маданият вазирлиги томонидан фестиваль бошланишидан камида икки ой олдин тасдиқланади.
8. Фестиваль доирасида «Опера ва балетнинг бугуни ёшлар нигоҳида ва келажак истиқболлари» мавзуида илмий-амалий семинар, опера ва балет устозлари иштирокида «маҳорат дарслари» ташкил этилади.
9. Илмий-амалий семинар иштирокчилари маърузасининг тўла матни 3-4 бетдан ва тезислар 300 та сўздан кам бўлмаслиги ҳамда ижро дастури 15 дақиқадан ошмаслиги лозим.
10. Илмий-амалий семинарда иштирок этувчиларнинг рўйхати Ўзбекистон Республикаси Маданият вазирлиги томонидан аниқланиб, ушбу тадбир ўтказилишидан 10 кун олдин иштирокчиларга маълум қилинади.
11. Илмий-амалий семинарнинг ишчи тиллари этиб ўзбек, инглиз ва рус тиллари белгиланади.
12. Фестивалда мамлакатимизда ва хорижда ном қозонган таниқли дирижёрлар, опера ва балет артистлари, халқаро танловлар совриндорлари иштирок этади.
13. Фестиваль иштирокчилари ташкилотчиларга реклама материаллари, афишалар, DVD, аннотациялар, ижодий биографиялар тақдим этадилар.
3-боб. Фестивални молиялаштириш
14. Фестивалга тайёргарлик кўриш ва уни ўтказиш билан боғлиқ харажатлар Ташкилий қўмита томонидан ишлаб чиқилган ва белгиланган тартибда тасдиқланган смета асосида амалга оширилади.
15. Фестивалга тайёргарлик кўриш ва уни ўтказиш билан боғлиқ харажатлар республика бюджети маблағлари, меценатлик кўмаги, юридик ва жисмоний шахсларнинг ҳомийлик хайриялари ҳамда қонунчилик ҳужжатлари билан тақиқланмаган бошқа манбалар ҳисобидан қопланади.
16. Фестиваль хорижий иштирокчиларининг Тошкент шаҳрига келиб-кетиши, меҳмонхона, гонорар, овқатланиши ва ички транспорт билан боғлиқ харажатлар ташкилотчилар томонидан қопланади.
Бунда, хорижий иштирокчиларнинг ҳар бир аъзосига базавий ҳисоблаш миқдорининг 100 баравари миқдорида гонорар пули тўланади.
4-боб. Фестиваль иштирокчиларининг ҳуқуқ ва мажбуриятлари
17. Фестиваль иштирокчилари фестиваль ҳақида барча маълумотларга эга бўлишга ҳақли.
18. Фестиваль иштирокчилари:
ўз фаолияти тўғрисидаги маълумотларни (реклама материаллари, афишалар, DVD, аннотациялар, ижодий биографиялар) ўз вақтида тақдим этиши;
репетициялар ўтказиш жадвали ҳамда фестиваль кун тартибига қатъий риоя этиши шарт.
5-боб. Ташкилотчининг ҳуқуқ ва мажбуриятлари
19. Ташкилотчи қуйидаги ҳуқуқларга эга:
Фестиваль қатнашчиларининг ижроларини эфирга узатиш ҳамда бошқа ташкилотларга трансляция қилиш учун тақдим этиш;
Фестивални ўтказиш ва унинг якуни давомида тайёрланган барча турдаги аудио, видео, босма ва бошқа турдаги маҳсулотларни ишлаб чиқариш ва тарқатиш;
Фестивалда иштирок этаётган ижодкорлар томонидан Ташкилий қўмитага юбориладиган материаллардан реклама мақсадида фойдаланиш;
Фестивалга жаҳондаги етакчи соҳа мутахассислари ва санъат намоёндаларини жалб этиш.
20. Ташкилотчи:
Фестивални юқори савияда ташкил этиш ва ўтказиш учун чора-тадбирлар режаси лойиҳасини ишлаб чиқади;
Фестиваль хорижий иштирокчиларининг Тошкент шаҳрига келиб-кетиши, меҳмонхона, гонорар, овқатланиши ва ички транспорт билан боғлиқ харажатларини қоплайди;
Ташкилий қўмита томонидан ташкилотчилар зиммасига бошқа мажбуриятлар ҳам юкланиши мумкин.
6-боб. Якунловчи қоидалар
21. Ўзбекистон Республикасининг Солиқ кодексига мувофиқ хорижий иштирокчиларга бериладиган гонорар пули жисмоний шахслардан олинадиган даромад солиғига тортилмайди, шунингдек, ижтимоий тўлов ва суғурта бадаллари бўйича солиққа солиш объекти ҳисобланмайди.
22. Фестиваль иштирокчиси бўлган чет эл фуқароси ўз тиббий суғуртасига эга бўлиши лозим.
23. Давлат молиявий назорати инспекцияси фестивални ташкил этиш ва ўтказиш учун ажратилган бюджет маблағларининг мақсадли сарфланишини назорат қилади.
«Тошкент баҳори» халқаро опера ва балет фестивалини ташкил этиш ва ўтказиш тартиби тўғрисида» низомга ИЛОВА
«Тошкент баҳори» халқаро опера ва балет фестивалини ташкил этиш ва ўтказиш
Босқичлар Субъектлар Тадбирлар Муддатлар 1-босқич Ўзбекистон Республикаси Маданият вазирлиги «Тошкент баҳори» халқаро опера ва балет фестивалини ўтказиш бўйича оммавий ахборот воситаларида эълон бериш Фестиваль бошланишидан бир ой аввал 2-босқич Ўзбекистон Республикаси Маданият вазирлиги Фестивалнинг ижро дастури ва фестивалда ижро этиладиган асарлар рўйхатини тасдиқлаш Фестиваль бошланишидан камида икки ой аввал 3-босқич Фестиваль иштирокчилари Фестивалда иштирок этиш учун белгиланган муддатга қадар керакли ҳужжатларни илова қилган ҳолда ариза юбориш. Фестиваль бошланишидан камида икки ой аввал 4-босқич Ўзбекистон Республикаси Маданият вазирлиги Фестиваль доирасида «Опера ва балетнинг бугуни ёшлар нигоҳида ва келажак истиқболлари» мавзуида илмий-амалий семинар ўтказиш. Фестиваль ўтказиладиган йилнинг апрель ойида 5-босқич Ўзбекистон Республикаси Маданият вазирлиги Илмий-амалий семинарда иштирок этувчиларнинг рўйхатини ушбу тадбир ўтказилишидан 10 кун олдин иштирокчиларга маълум қилиш. Фестиваль ўтказиладиган йилнинг апрель ойида 6-босқич Ўзбекистон Республикаси Маданият вазирлиги Фестиваль ғолибларини тантанали тадбирда тақдирлаш ҳамда оммавий ахборот воситаларида эълон қилиш Фестиваль ўтказиладиган йилнинг апрель ойида
Вазирлар Маҳкамасининг 2022 йил 5 октябрдаги 569-сон қарорига 3-ИЛОВА
«Ёш вокал ижрочилари» республика кўрик-танловини ташкил этиш ва ўтказиш тартиби тўғрисида
1-боб. Умумий қоидалар
1. Ушбу Низом «Ёш вокал ижрочилари» республика кўрик-танловини (кейинги ўринларда — танлов) ўтказиш тартибини белгилайди.
2. Танлов қуйидагиларни назарда тутган ҳолда ўтказилади:
опера санъатини янада юксалтириш, моҳир ижрочиларни кашф этиш;
опера санъати ижрочиларининг маҳорати, истеъдоди ва қобилиятини намоён этиш, уларнинг ижрочилик кўникмаларини янада ривожлантириш;
опера санъати ижрочиларни юксак даражага кўтариш, миллий санъатимизни дунё саҳналарига олиб чиқиш, иқтидорли ёшларни рағбатлантириш ҳамда уларнинг ижодини кенг тарғиб қилиш;
опера санъати ижрочилигининг ижро имкониятларини ошириш ва уларнинг ўзига хос хусусиятлари билан оммани таништириш.
3. Танлов ижро дастури асосида ўтказилади.
4. Танловнинг ижро дастури ва танловда ижро этиладиган асарлар рўйхати Ўзбекистон Республикаси Маданият вазирлиги томонидан танлов бошланишидан камида бир ой олдин тасдиқланади.
Тасдиқланган ижро дастури ва танловда ижро этиладиган асарлар рўйхати:
Ўзбекистон Республикаси Маданият вазирлиги томонидан Қорақалпоғистон Республикаси Маданият вазирлиги, вилоятлар маданият бошқармалари ҳамда Тошкент шаҳар маданият бош бошқармасига беш кун муддатда;
Қорақалпоғистон Республикаси Маданият вазирлиги, вилоятлар маданият бошқармалари ҳамда Тошкент шаҳар маданият бош бошқармаси томонидан ижро дастури ва танловда ижро этиладиган асарлар рўйхати келиб тушгандан кейин уч кун муддатда болалар мусиқа ва санъат мактаблари, ихтисослаштирилган санъат ва маданият мактаблари, мактаб-интернатлар, мусиқа ва санъат коллежлари, олий таълим ташкилотлари, бадиий ва ижодий жамоаларга етказилади.
5. Танлов дастури тасдиқлангандан сўнг унга ўзгартириш ва қўшимчалар киритишга йўл қўйилмайди.
6. Танлов 2022 йилдан бошлаб ҳар йили бир марта февраль ойида Алишер Навоий номидаги Ўзбекистон давлат академик катта театри ва Ўзбекистон давлат консерваториясида ўтказилади.
7. Танловни ўтказишнинг аниқ санаси ва муддати Ўзбекистон Республикаси Маданият вазирлиги томонидан белгиланади ҳамда танлов бошланишидан бир ой олдин ишчи гуруҳ томонидан оммавий ахборот воситаларида эълон қилинади.
8. Ўзбекистон Республикаси Маданият вазирлиги, Алишер Навоий номидаги Ўзбекистон давлат академик катта театри ҳамда Ўзбекистон давлат консерваторияси танловни ташкил этиш ва ўтказиш бўйича масъул ҳисобланади.
2-боб. Танловда иштирок этиш шартлари
9. Танловда болалар мусиқа ва санъат мактаблари ўқитувчилари, ихтисослаштирилган санъат ва маданият мактаблари, мактаб-интернатлар, мусиқа ва санъат коллежлари, олий таълим ташкилотларининг талабалари, ўқитувчилари, бадиий ва ижодий жамоаларнинг ижрочилари иштирок этиши мумкин.
10. Танлов иштирокчиларининг ёши Ўзбекистон Республикаси Маданият вазирлиги томонидан белгиланади.
11. Танловда иштирок этишни истаган ижрочилар танлов бошланишидан ўттиз кун олдин Алишер Навоий номидаги Ўзбекистон давлат академик катта театрига қуйидаги ҳужжатларни тақдим этишлари лозим:
танловда иштирок этиш учун маълумотнома (резюме);
танловда иштирок этиш учун ижро дастури.
12. Ҳар йили белгиланган санадан кеч тақдим этиладиган ҳужжатлар қабул қилинмайди.
13. Иштирокчиларнинг танлов давомида асарларни ижро этиш навбати белгиланган тартибда қуръа ташлаш орқали аниқланади ва ушбу тартиб танлов якунига қадар сақлаб қолинади.
14. Асарлар ёддан ижро этилади.
3-боб. Танлов иштирокчиларини баҳолаш ва ғолибларни тақдирлаш
15. Танловни ўтказиш бўйича Ўзбекистон Республикаси маданият вазирининг буйруғи билан маданият ва санъат соҳасидаги 5 — 7 нафар етакчи мутахассислардан иборат ҳакамлар ҳайъати таркиби ҳамда унинг иш тартиби тасдиқланади.
16. Танлов саралаш ва якуний (финал) босқичдан иборат бўлади.
Танлов иштирокчилари қуйидаги мезонларга асосан баҳоланади:
ижро маҳорати;
профессионал тайёргарлиги;
репертуар савияси;
саҳна маданияти ва артистик маҳорати.
17. Танловнинг саралаш ва якуний босқичларида иштирокчиларнинг ижро маҳорати ҳакамлар ҳайъатининг ҳар бир аъзоси томонидан алоҳида тарзда 100 баллик тизим бўйича баҳоланади.
18. Танловнинг саралаш босқичида умумий балл натижаларига кўра энг юқори балл тўплаган 12 нафар иштирокчилар ҳакамлар ҳайъати қарорига асосан танловнинг якуний (финал) босқичига ўтказилади.
19. Танловнинг якуний (финал) босқичида асарлар оркестр жўрлигида ижро этилади.
20. Ҳакамлар ҳайъати томонидан иштирокчиларга қўйилган баллар тенг бўлиб қолганда, ҳакамлар ҳайъати раисининг овози ҳал қилувчи ҳисобланади.
21. Танловда энг кўп умумий балл тўплаган иштирокчилар орасидан ҳакамлар ҳайъати қарорига асосан танловнинг Гран-при, 1, 2, 3-ўрин совриндорлари аниқланади.
Ҳакамлар ҳайъати томонидан танлов иштирокчиларнинг натижалари тенг келиб қолган тақдирда 1, 2 ва 3-ўринлар учун белгиланган пул мукофотлари иштирокчилар ўртасида бўлиниши (Гран-придан ташқари) мумкин.
22. Иштирокчиларни баҳолашда ҳакамлар ҳайъати мустақилдир.
23. Танловнинг якуний натижалари ҳакамлар ҳайъатининг қарори билан расмийлаштирилади.
24. Иштирокчилар ҳакамлар ҳайъати қарори юзасидан танловнинг ҳар бир босқичи якуни бўйича бир кун муддатда ҳакамлар ҳайъати раиси номига апелляция шикояти (ариза) беришлари мумкин. Апелляция шикояти белгиланган тартибда рўйхатга олинади, бир кун муддатда кўриб чиқилиб, баённома билан расмийлаштирилади ва ўша куннинг ўзида эълон қилинади.
25. Танлов ғолиблари диплом, статуэтка ва қуйидаги миқдорларда пул мукофотлари билан тақдирланади:
Гран-при — базавий ҳисоблаш миқдорининг 50 баробари миқдорида;
1-ўрин — базавий ҳисоблаш миқдорининг 40 баробари миқдорида;
2-ўрин — базавий ҳисоблаш миқдорининг 30 баробари миқдорида;
3-ўрин — базавий ҳисоблаш миқдорининг 20 баробари миқдорида.
26. Танлов ғолиблари бўлган ўқувчи ва талабаларнинг ўқитувчи ва концертмейстерлари махсус диплом ҳамда эсдалик совғалари билан тақдирланади.
27. Танловнинг якуний босқичи иштирокчиларига «Ёш вокал ижрочилари» республика кўрик-танлови иштирокчиси дипломи берилади.
28. Танловнинг Гран-при ва 1-ўрин ғолиблари мос таълим йўналишлари бўйича тегишли давлат олий таълим муассасаларининг бакалавриат қабул квотасига қўшимча давлат гранти асосида ўқишга қабул қилинади.
Ушбу банднинг биринчи хатбошиси олий таълим муассасаларининг талабалари ва ўқитувчиларига нисбатан татбиқ этилмайди.
4-боб. Танловни ташкил этиш ва ўтказишни молиялаштириш
29. Танловни ташкил этиш ва ўтказиш билан боғлиқ харажатлар қуйидаги манбалар ҳисобидан амалга оширилади:
Алишер Навоий номидаги Ўзбекистон давлат академик катта театрининг Васийлик кенгаши томонидан ажратиладиган ҳомийлик хайриялари;
меценатлик кўмаги;
қонунчилик ҳужжатлари билан тақиқланмаган бошқа манбалар.
30. Танлов иштирокчиларининг танлов ўтказилиши белгиланган ҳудудга келиб-кетиш, меҳмонхона ва овқатланиш харажатлари уларни танловда иштирок этиш учун ўз маблағлари ёки юбораётган ташкилотнинг маблағлари ёхуд жисмоний ва юридик шахсларнинг ҳомийлик хайриялари ҳисобидан қопланади.
5-боб. Якунловчи қоида
31. Танловни ўтказиш жараёнлари бўйича келиб чиқадиган низолар қонунчилик ҳужжатларида белгиланган тартибда ҳал этилади.
«Ёш вокал ижрочилари» республика кўрик-танловини ташкил этиш ва ўтказиш тартиби тўғрисида» низомга ИЛОВА
«Ёш вокал ижрочилари» республика кўрик-танловини ташкил этиш ва ўтказиш
Босқичлар Субъектлар Тадбирлар Муддатлар 1-босқич Ўзбекистон Республикаси Маданият вазирлиги «Ёш вокал ижрочилари» республика кўрик-танловини ўтказиш бўйича оммавий ахборот воситаларида эълон бериш Танлов бошланишидан бир ой аввал 2-босқич Ўзбекистон Республикаси Маданият вазирлиги Танловнинг ижро дастури ва танловда ижро этиладиган асарлар рўйхатини тасдиқлаш Танлов бошланишидан камида бир ой аввал 3-босқич Танлов иштирокчилари Танловда иштирок этиш учун белгиланган муддатга кадар керакли ҳужжатларни илова қилган ҳолда ариза юбориш. Танлов ўтказиладиган йилнинг 20 февралига қадар 4-босқич Ўзбекистон Республикаси Маданият вазирлиги Танловни икки босқичда ўтказиш. Саралаш ва якуний (финал) босқич. Танлов ўтказиладиган йилнинг февраль ойида 5-босқич Ўзбекистон Республикаси Маданият вазирлиги Танлов ғолибларини тантанали тадбирда тақдирлаш ҳамда оммавий ахборот воситаларида эълон қилиш Танлов ўтказиладиган йилнинг февраль ойида
Вазирлар Маҳкамасининг 2022 йил 5 октябрдаги 569-сон қарорига 4-ИЛОВА
«Ёш балет ижрочилари» республика кўрик-танловини ташкил этиш ва ўтказиш тартиби тўғрисида
1-боб. Умумий қоидалар
1. Ушбу Низом «Ёш балет ижрочилари» республика кўрик-танловини (кейинги ўринларда — танлов) ўтказиш тартибини белгилайди.
2. Танлов қуйидагиларни назарда тутган ҳолда ўтказилади:
балет санъатини янада юксалтириш, моҳир ижрочиларни кашф этиш;
балет санъати ижрочиларининг маҳорати, истеъдоди ва қобилиятини намоён этиш, уларнинг ижрочилик кўникмаларини янада ривожлантириш;
балет санъати ижрочилигини юксак даражага кўтариш, миллий санъатимизни дунё саҳналарига олиб чиқиш, иқтидорли ёшларни рағбатлантириш ҳамда уларнинг ижодини кенг тарғиб қилиш;
балет санъати ижрочилигининг ижро имкониятларини ошириш ва уларнинг ўзига хос хусусиятлари билан оммани таништириш.
3. Танлов ижро дастури асосида ўтказилади.
4. Танловнинг ижро дастури ва танловда ижро этиладиган асарлар рўйхати Ўзбекистон Республикаси Маданият вазирлиги томонидан танлов бошланишидан камида уч ой олдин тасдиқланади.
Тасдиқланган ижро дастури ва танловда ижро этиладиган асарлар рўйхати:
Ўзбекистон Республикаси Маданият вазирлиги томонидан Қорақалпоғистон Республикаси Маданият вазирлиги, вилоятлар маданият бошқармалари ҳамда Тошкент шаҳар маданият бош бошқармасига беш кун муддатда;
Қорақалпоғистон Республикаси Маданият вазирлиги, вилоятлар маданият бошқармалари ҳамда Тошкент шаҳар маданият бош бошқармаси томонидан ижро дастури ва танловда ижро этиладиган асарлар рўйхати келиб тушгандан кейин уч кун муддатда болалар мусиқа ва санъат мактаблар, ихтисослаштирилган санъат ва маданият мактаблар, мактаб-интернатлар, мусиқа ва санъат коллежлари, олий таълим ташкилотлар, бадиий ва ижодий жамоаларга етказилади.
5. Танлов дастури тасдиқлангандан сўнг унга ўзгартириш ва қўшимчалар киритилиши мумкин.
6. Танлов 2022 йилдан бошлаб ҳар йили бир марта апрель ойида Алишер Навоий номидаги Ўзбекистон давлат академик катта театри ва Ўзбекистон давлат хореография академиясида ўтказилади.
7. Танловни ўтказишнинг аниқ санаси ва муддати Ўзбекистон Республикаси Маданият вазирлиги томонидан белгиланади ҳамда ушбу танловлар бошланишидан уч ой олдин оммавий ахборот воситаларида эълон қилинади.
8. Ўзбекистон Республикаси Маданият вазирлиги, Алишер Навоий номидаги Ўзбекистон давлат академик катта театри ҳамда Ўзбекистон давлат хореография академияси танловни ташкил этиш ва ўтказиш бўйича масъул ҳисобланади.
2-боб. Танловда иштирок этиш шартлари
9. Танловда болалар мусиқа ва санъат мактаблари ўқитувчилари, ихтисослаштирилган санъат ва маданият мактаблари, мактаб интернатлари, мусиқа ва санъат коллежлари, олий таълим ташкилотларининг талабалари, ўқитувчилари, бадиий ва ижодий жамоаларнинг ижрочилари иштирок этиши мумкин.
10. Танловда 15 ёшдан 25 ёшгача бўлган ижодкорлар иштирок этишлари мумкин.
11. Танловда иштирок этишни истаган ижрочилар танлов бошланишидан ўттиз кун олдин Алишер Навоий номидаги Ўзбекистон давлат академик катта театрига қуйидаги ҳужжатларни тақдим этишлари лозим:
танловда иштирок этиш учун маълумотнома (резюме);
танловда иштирок этиш учун ижро дастури.
12. Ҳар йили 20 февралдан кеч тақдим этиладиган ҳужжатлар қабул қилинмайди.
13. Иштирокчиларнинг танлов давомида асарларни ижро этиш навбати белгиланган тартибда қуръа ташлаш орқали аниқланади ва ушбу тартиб танлов якунига қадар сақлаб қолинади.
3-боб. Танлов иштирокчиларини баҳолаш ва ғолибларни тақдирлаш
14. Танловни ўтказиш бўйича Ўзбекистон Республикаси маданият вазирининг буйруғи билан маданият ва санъат соҳасидаги 5 — 7 нафар етакчи мутахассислардан иборат ҳакамлар ҳайъати таркиби ҳамда унинг иш тартиби тасдиқланади.
15. Танлов саралаш ва якуний (финал) босқичдан иборат бўлади.
Танлов иштирокчилари қуйидаги мезонларга асосан баҳоланади:
ижро маҳорати;
профессионал тайёргарлиги;
репертуар савияси;
саҳна маданияти ва артистик маҳорати.
16. Танловнинг босқичларида иштирокчиларнинг ижро маҳорати ҳакамлар ҳайъатининг ҳар бир аъзоси томонидан алоҳида тарзда 100 баллик тизим бўйича баҳоланади.
17. Танловнинг саралаш босқичида умумий балл натижаларига кўра энг юқори балл тўплаган иштирокчиларнинг 40 фоизи ҳакамлар ҳайъати қарорига асосан танловнинг якуний босқичига ўтказилади.
18. Ҳакамлар ҳайъати томонидан иштирокчиларга қўйилган баллар тенг бўлиб қолганда, ҳакамлар ҳайъати раисининг овози ҳал қилувчи ҳисобланади.
19. Танловда энг кўп умумий балл тўплаган иштирокчилар орасидан ҳакамлар ҳайъати қарорига асосан танловнинг 1, 2, 3-ўрин совриндорлари аниқланади.
Ҳакамлар ҳайъати томонидан танлов иштирокчиларнинг натижалари тенг келиб қолган тақдирда 1, 2 ва 3-ўринлар учун белгиланган пул мукофотлари иштирокчилар ўртасида бўлиниши мумкин.
20. Иштирокчиларни баҳолашда ҳакамлар ҳайъати мустақилдир.
21. Танловнинг якуний натижалари ҳакамлар ҳайъатининг қарори билан расмийлаштирилади.
22. Иштирокчилар ҳакамлар ҳайъати қарори юзасидан танловнинг ҳар бир босқичи якуни бўйича бир кун муддатда ҳакамлар ҳайъати раиси номига апелляция шикояти (ариза) беришлари мумкин. Апелляция шикояти белгиланган тартибда рўйхатга олинади, бир кун муддатда кўриб чиқилиб, баённома билан расмийлаштирилади ва ўша куннинг ўзида эълон қилинади.
23. Танлов ғолиблари диплом, статуэтка ва қуйидаги миқдорларда пул мукофотлари билан тақдирланади:
1-ўрин — базавий ҳисоблаш миқдорининг 40 баробари миқдорида;
2-ўрин — базавий ҳисоблаш миқдорининг 30 баробари миқдорида;
3-ўрин — базавий ҳисоблаш миқдорининг 20 баробари миқдорида.
24. Танлов ғолиблари бўлган ўқувчи ва талабаларнинг ўқитувчилари махсус диплом ҳамда эсдалик совғалари билан тақдирланади.
25. Танловнинг якуний босқичи иштирокчиларига «Ёш балет ижрочилари» республика кўрик-танлови иштирокчиси дипломи берилади.
26. Танловнинг 1-ўрин ғолиби мос таълим йўналишлари бўйича тегишли давлат олий таълим муассасаларининг бакалавриат қабул квотасига қўшимча давлат гранти асосида ўқишга қабул қилинади.
Ушбу банднинг биринчи хатбошиси олий таълим муассасаларининг талабалари ва ўқитувчиларига нисбатан татбиқ этилмайди.
4-боб. Танловни ташкил этиш ва ўтказишни молиялаштириш
27. Танловни ташкил этиш ва ўтказиш билан боғлиқ харажатлар қуйидаги манбалар ҳисобидан амалга оширилади:
Алишер Навоий номидаги Ўзбекистон давлат академик катта театрининг Васийлик кенгаши томонидан ажратиладиган ҳомийлик хайриялари;
меценатлик кўмаги;
қонунчилик ҳужжатлари билан тақиқланмаган бошқа манбалар.
28. Танлов иштирокчиларининг танлов ўтказилиши белгиланган ҳудудга келиб-кетиш, меҳмонхона ва овқатланиш харажатлари уларни танловда иштирок этиш учун ўз маблағлари ёки юбораётган ташкилотнинг маблағлари ёхуд жисмоний ва юридик шахсларнинг ҳомийлик хайриялари ҳисобидан қопланади.
5-боб. Якунловчи қоида
29. Танловни ўтказиш жараёнлари бўйича келиб чиқадиган низолар қонунчилик ҳужжатларида белгиланган тартибда ҳал этилади.
«Ёш балет ижрочилари» республика кўрик-танловини ташкил этиш ва ўтказиш тартиби тўғрисида» низомга ИЛОВА
«Ёш балет ижрочилари» республика кўрик-танловини ташкил этиш ва ўтказиш
Босқичлар Субъектлар Тадбирлар Муддатлар 1-босқич Ўзбекистон Республикаси Маданият вазирлиги «Ёш балет ижрочилари» республика кўрик-танловини ўтказиш бўйича оммавий ахборот воситаларида эълон бериш Танлов бошланишидан уч ой аввал 2-босқич Ўзбекистон Республикаси Маданият вазирлиги Танловнинг ижро дастури ва танловда ижро этиладиган асарлар рўйхатини тасдиқлаш Танлов бошланишидан камида уч ой аввал 3-босқич Танлов иштирокчилари Танловда иштирок этиш учун белгиланган муддатга қадар керакли ҳужжатларни илова қилган ҳолда ариза юбориш. Танлов ўтказиладиган йилнинг 20 февралига қадар 4-босқич Ўзбекистон Республикаси Маданият вазирлиги Танловни икки босқичда ўтказиш. Саралаш ва якуний (финал) босқич. Танлов ўтказиладиган йилнинг апрель ойида 5-босқич Ўзбекистон Республикаси Маданият вазирлиги Танлов ғолибларини тантанали тадбирда тақдирлаш ҳамда оммавий ахборот воситаларида эълон қилиш Танлов ўтказиладиган йилнинг апрель ойида
Вазирлар Маҳкамасининг 2022 йил 5 октябрдаги 569-сон қарорига 5-ИЛОВА
«Дирижёр, режиссёр ва балетмейстерлар» республика кўрик-танловини ташкил этиш ва ўтказиш тартиби тўғрисида
1-боб. Умумий қоидалар
1. Ушбу Низом «Дирижёр, режиссёр ва балетмейстерлар» республика кўрик-танловини (кейинги ўринларда — танлов) ўтказиш тартибини белгилайди.
2. Танлов қуйидагиларни назарда тутган ҳолда ўтказилади:
опера ва балет санъатини янада юксалтириш, дирижёр, режиссёр ва балетмейстерларни кашф этиш;
дирижёр, режиссёр ва балетмейстерларнинг маҳорати, истеъдоди ва қобилиятини намоён этиш, уларнинг ижрочилик кўникмаларини янада ривожлантириш;
дирижёр, режиссёр ва балетмейстерларни юксак даражага кўтариш, миллий санъатимизни дунё саҳналарига олиб чиқиш, иқтидорли ёшларни рағбатлантириш ҳамда уларнинг ижодини кенг тарғиб қилиш;
дирижёр, режиссёр ва балетмейстерларнинг ижро имкониятларини ошириш ва уларнинг ўзига хос хусусиятлари билан оммани таништириш.
3. Танлов ижро дастури ва ижро этиладиган асарлар асосида ўтказилади.
4. Танловнинг ижро дастури ва танловда ижро этиладиган асарлар рўйхати Ўзбекистон Республикаси Маданият вазирлиги томонидан танлов бошланишидан камида уч ой олдин тасдиқланади.
Тасдиқланган ижро дастури ва танловда ижро этиладиган асарлар рўйхати:
Ўзбекистон Республикаси Маданият вазирлиги томонидан Қорақалпоғистон Республикаси Маданият вазирлиги, вилоятлар маданият бошқармалари ҳамда Тошкент шаҳар маданият бош бошқармасига беш кун муддатда;
Қорақалпоғистон Республикаси Маданият вазирлиги, вилоятлар маданият бошқармалари ҳамда Тошкент шаҳар маданият бош бошқармаси томонидан ижро дастури ва танловда ижро этиладиган асарлар рўйхати келиб тушгандан кейин уч кун муддатда болалар мусиқа ва санъат мактаблар, ихтисослаштирилган санъат ва маданият мактаблар, мактаб-интернатлар, мусиқа ва санъат коллежлари, олий таълим ташкилотлар, бадиий ва ижодий жамоаларга етказилади.
5. Танлов дастури тасдиқлангандан сўнг унга ўзгартириш ва қўшимчалар киритишга йўл қўйилмайди.
6. Танлов 2022 йилдан бошлаб ҳар йили бир марта июнь ойида Алишер Навоий номидаги Ўзбекистон давлат академик катта театрида ўтказилади.
7. Танловни ўтказишнинг аниқ санаси ва муддати Ўзбекистон Республикаси Маданият вазирлиги томонидан белгиланади ҳамда ушбу танлов бошланишидан уч ой олдин ишчи гуруҳ томонидан оммавий ахборот воситаларида эълон қилинади.
8. Ўзбекистон Республикаси Маданият вазирлиги, Алишер Навоий номидаги Ўзбекистон давлат академик катта театри, Ўзбекистон давлат консерваторияси, Ўзбекистон давлат хореография академияси танловни ташкил этиш ва ўтказиш бўйича масъул ҳисобланади.
2-боб. Танловда иштирок этиш шартлари
9. Танловда болалар мусиқа ва санъат мактаблари ўқитувчилари, ихтисослаштирилган санъат ва маданият мактаблари, мактаб интернатлари, мусиқа ва санъат коллежлари, олий таълим ташкилотларининг талабалари, ўқитувчилари, бадиий ва ижодий жамоаларнинг ижрочилари иштирок этиши мумкин.
10. Танлов иштирокчиларининг ёши Ўзбекистон Республикаси Маданият вазирлиги томонидан белгиланади.
11. Танловда иштирок этишни истаган ижрочилар танлов бошланишидан ўттиз кун олдин Алишер Навоий номидаги Ўзбекистон давлат академик катта театрига қуйидаги ҳужжатларни тақдим этишлари лозим:
танловда иштирок этиш учун маълумотнома (резюме);
танловда иштирок этиш учун ижро дастури.
12. Ҳар йили белгиланган санадан кеч тақдим этиладиган ҳужжатлар қабул қилинмайди.
13. Иштирокчиларнинг танлов давомида асарларни ижро этиш навбати белгиланган тартибда қуръа ташлаш орқали аниқланади ва ушбу тартиб танлов якунига қадар сақлаб қолинади.
14. Асарлар ёддан ижро этилади ҳамда намойиш этилади.
15. Танлов қуйидаги 3 та йўналиш (номинация) бўйича ўтказилади:
дирижёрлик йўналиши;
режиссёрлик йўналиши;
балетмейстерлик йўналиши.
3-боб. Танлов иштирокчиларини баҳолаш ва ғолибларни тақдирлаш
16. Танловни ўтказиш бўйича Ўзбекистон Республикаси маданият вазирининг буйруғи билан маданият ва санъат соҳасидаги 7 — 9 нафар етакчи мутахассислардан иборат ҳакамлар ҳайъати таркиби ҳамда унинг иш тартиби тасдиқланади.
17. Танлов саралаш ва якуний босқичдан иборат бўлади.
Танлов иштирокчилари қуйидаги мезонларга асосан баҳоланади:
профессионал тайёргарлиги;
репертуар савияси;
бадиий дид билан ёндашуви;
саҳна маданияти ва артистик маҳорати.
18. Танловнинг босқичларида иштирокчиларнинг маҳоратлари ҳакамлар ҳайъатининг ҳар бир аъзоси томонидан алоҳида тарзда 100 баллик тизим бўйича баҳоланади.
19. Танловнинг саралаш босқичида умумий балл натижаларига кўра энг юқори балл тўплаган иштирокчиларнинг 40 фоизи ҳакамлар ҳайъати қарорига асосан танловнинг якуний босқичига ўтказилади.
20. Танловнинг якуний босқичида асарлар оркестр жўрлигида ижро этилади.
21. Ҳакамлар ҳайъати томонидан иштирокчиларга қўйилган баллар тенг бўлиб қолганда, ҳакамлар ҳайъати раисининг овози ҳал қилувчи ҳисобланади.
22. Танловда энг кўп умумий балл тўплаган иштирокчилар орасидан ҳакамлар ҳайъати қарорига асосан ҳар бир йўналиш (номинация) бўйича танловнинг 1, 2, 3-ўрин соҳиби аниқланади.
Ҳакамлар ҳайъати томонидан танлов иштирокчиларнинг натижалари ҳар бир йўналиш (номинация) бўйича тенг келиб қолган тақдирда 1, 2 ва 3-ўринлар учун белгиланган пул мукофотлари иштирокчилар ўртасида бўлиниши мумкин.
23. Иштирокчиларни баҳолашда ҳакамлар ҳайъати мустақилдир.
24. Танловнинг якуний натижалари ҳакамлар ҳайъатининг қарори билан расмийлаштирилади.
25. Иштирокчилар ҳакамлар ҳайъати қарори юзасидан танловнинг ҳар бир босқичи якуни бўйича бир кун муддатда ҳакамлар ҳайъати раиси номига апелляция шикояти (ариза) беришлари мумкин. Апелляция шикояти белгиланган тартибда рўйхатга олинади, бир кун муддатда кўриб чиқилиб, баённома билан расмийлаштирилади ва ўша куннинг ўзида эълон қилинади.
26. Танлов ғолиблари ҳар бир йўналиш бўйича диплом, статуэтка ва қуйидаги миқдорларда пул мукофотлари билан тақдирланади:
1-ўрин — базавий ҳисоблаш миқдорининг 40 баробари миқдорида;
2-ўрин — базавий ҳисоблаш миқдорининг 30 баробари миқдорида;
3-ўрин — базавий ҳисоблаш миқдорининг 20 баробари миқдорида.
27. Танлов ғолиблари бўлган ўқувчи ва талабаларнинг ўқитувчилари махсус диплом ҳамда эсдалик совғалари билан тақдирланади.
28. Танловнинг якуний босқичи иштирокчиларига «Дирижёр, режиссёр ва балетмейстерлар» республика кўрик-танлови иштирокчиси дипломи берилади.
29. Танловнинг 1-ўрин ғолиби мос таълим йўналишлари бўйича тегишли давлат олий таълим муассасаларининг бакалавриат қабул квотасига қўшимча давлат гранти асосида ўқишга қабул қилинади.
Ушбу банднинг биринчи хатбошиси олий таълим муассасаларининг талабалари ва ўқитувчиларига нисбатан татбиқ этилмайди.
4-боб. Танловни ташкил этиш ва ўтказишни молиялаштириш
30. Танловни ташкил этиш ва ўтказиш билан боғлиқ харажатлар қуйидаги манбалар ҳисобидан амалга оширилади:
Алишер Навоий номидаги Ўзбекистон давлат академик катта театрининг Васийлик кенгаши томонидан ажратиладиган ҳомийлик хайриялари;
меценатлик кўмаги;
қонунчилик ҳужжатлари билан тақиқланмаган бошқа манбалар.
31. Танлов иштирокчиларининг танлов ўтказилиши белгиланган ҳудудга келиб-кетиш, меҳмонхона ва овқатланиш харажатлари уларни танловда иштирок этиш учун ўз маблағлари ёки юбораётган ташкилотнинг маблағлари ёхуд жисмоний ва юридик шахсларнинг ҳомийлик хайриялари ҳисобидан қопланади.
5-боб. Якунловчи қоида
32. Танловни ўтказиш жараёнлари бўйича келиб чиқадиган низолар қонунчилик ҳужжатларида белгиланган тартибда ҳал этилади.
«Дирижёр, режиссёр ва балетмейстерлар» республика кўрик-танловини ташкил этиш ва ўтказиш тартиби тўғрисида» низомга ИЛОВА
«Дирижёр, режиссёр ва балетмейстерлар» республика кўрик-танловини ташкил этиш ва ўтказиш
Босқичлар Субъектлар Тадбирлар Муддатлар 1-босқич Ўзбекистон Республикаси Маданият вазирлиги «Дирижёр, режиссёр ва балетмейстерлар» республика кўрик-танловини ўтказиш бўйича оммавий ахборот воситаларида эълон бериш Танлов бошланишидан уч ой аввал 2-босқич Ўзбекистон Республикаси Маданият вазирлиги Танловнинг ижро дастури ва танловда ижро этиладиган асарлар рўйхатини тасдиқлаш Танлов бошланишидан камида уч ой аввал 3-босқич Танлов иштирокчилари Танловда иштирок этиш учун белгиланган муддатга қадар керакли ҳужжатларни илова қилган ҳолда ариза юбориш. Танлов ўтказиладиган йилнинг 20 февралига қадар 4-босқич Ўзбекистон Республикаси Маданият вазирлиги Танловни икки босқичда ўтказиш. Саралаш ва якуний (финал) босқич. Танлов ўтказиладиган йилнинг июнь ойида 5-босқич Ўзбекистон Республикаси Маданият вазирлиги Танлов ғолибларини тантанали тадбирда тақдирлаш ҳамда оммавий ахборот воситаларида эълон қилиш Танлов ўтказиладиган йилнинг июнь ойида
Вазирлар Маҳкамасининг 2022 йил 5 октябрдаги 569-сон қарорига 6-ИЛОВА
Ҳалима Носирова номидаги халқаро ёш операчилар кўрик-танлови ҳамда «Тошкент баҳори» халқаро опера ва балет фестивалига тайёргарлик кўриш ва ўтказиш бўйича ташкилий қўмита
1. А.А. Абдухакимов — Ўзбекистон Республикаси Бош вазирининг ўринбосари — туризм ва маданий мерос вазири, Ташкилий қўмита раиси 2. О.А. Назарбеков — маданият вазири, Ташкилий қўмита раиси ўринбосари 3. Ж.А. Артикходжаев — Тошкент шаҳар ҳокими 4. Б.С. Юлдашев — Фанлар академияси президенти 5. Г.Г. Фазилов — ташқи ишлар вазири ўринбосари 6. А.Д. Хаджаев — Ўзбекистон Миллий телерадиокомпанияси раиси 7. А.К. Кучимов — Ўзбекистон Миллий ахборот агентлиги бош директори 8. Ё. Ахмедов — Театр арбоблари уюшмаси раиси 9. Р.Б. Усмонов — Алишер Навоий номидаги Ўзбекистон давлат академик катта театри директори, Ташкилий қўмита котиби
Ўзбекистон Республикасининг Бош вазири А. АРИПОВ
Тошкент ш.,
2022 йил 5 октябрь,
569-сон
Oʻzbekiston Respublikasi Vazirlar Mahkamasining
qarori
NIZOM
SXEMASI
NIZOM
SXEMASI
NIZOM
SXEMASI
NIZOM
SXEMASI
NIZOM
SXEMASI
TARKIBI
Opera va balet sanʼatini targʻib qilish va iqtidorli ijodkorlarni ragʻbatlantirish chora-tadbirlari toʻgʻrisida
Oʻzbekiston Respublikasi Prezidentining “Opera va balet sanʼatini yanada rivojlantirish chora-tadbirlari toʻgʻrisida” 2021-yil 27-dekabrdagi PQ-64-son qarori ijrosini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Opera va balet sanʼatini yanada rivojlantirish chora-tadbirlari toʻgʻrisida” 2021-yil 27-dekabrdagi PQ-64-son qaroriga muvofiq quyidagilar:
opera va balet sanʼati boʻyicha iqtidorli yoshlarni izlab topish, ularni yuzaga chiqarish va ragʻbatlantirish tizimini joriy qilish maqsadida har yili anʼanaviy tarzda “Yosh vokal ijrochilari”, “Yosh balet ijrochilari”, “Dirijor, rejissor va baletmeysterlar” respublika koʻrik-tanlovlarini (keyingi oʻrinlarda — respublika koʻrik tanlovlari);
milliy opera va balet sanʼatini jahon miqyosida targʻib qilish, eng sara milliy va klassik asarlardan aholini bahramand etish, xorijiy teatrlar bilan ijodiy aloqalarni yanada mustahkamlash uchun Davlat budjeti hisobidan har ikki yilda Halima Nosirova nomidagi xalqaro yosh operachilar koʻrik-tanlovi hamda “Toshkent bahori” xalqaro opera va balet festivalini oʻtkazish;
respublika koʻrik-tanlovlarining Gran-pri va 1-oʻrin gʻoliblari mos taʼlim yoʻnalishlari boʻyicha tegishli davlat oliy taʼlim muassasalarining bakalavriat qabul kvotasiga qoʻshimcha davlat granti asosida oʻqishga qabul qilinishi belgilanganligi maʼlumot uchun qabul qilinsin.
2. Quyidagilar:
Halima Nosirova nomidagi xalqaro yosh operachilar koʻrik-tanlovini tashkil etish va oʻtkazish tartibi toʻgʻrisidagi nizom 1-ilovaga ;
“Toshkent bahori” xalqaro opera va balet festivalini tashkil etish va oʻtkazish tartibi toʻgʻrisidagi nizom 2-ilovaga ;
“Yosh vokal ijrochilari” respublika koʻrik-tanlovini tashkil etish va oʻtkazish tartibi toʻgʻrisidagi nizom 3-ilovaga ;
“Yosh balet ijrochilari” respublika koʻrik-tanlovini tashkil etish va oʻtkazish tartibi toʻgʻrisidagi nizom 4-ilovaga ;
“Dirijor, rejissor va baletmeysterlar” respublika koʻrik-tanlovini tashkil etish va oʻtkazish tartibi toʻgʻrisidagi nizom 5-ilovaga muvofiq tasdiqlansin.
3. Halima Nosirova nomidagi xalqaro yosh operachilar koʻrik-tanlovi hamda “Toshkent bahori” xalqaro opera va balet festivaliga tayyorgarlik koʻrish va oʻtkazish boʻyicha tashkiliy qoʻmita tarkibi 6-ilovaga muvofiq tasdiqlansin.
Tashkiliy qoʻmitaning asosiy vazifalari etib quyidagilar belgilansin:
xalqaro tadbirlarga tayyorgarlik koʻrish va oʻtkazish boʻyicha chora-tadbirlar rejasini ishlab chiqish hamda amalga oshirilishini taʼminlash;
xalqaro tadbirlarni oʻtkazishning aniq muddatlarini belgilash va ommaviy axborot vositalarida eʼlon qilish;
xalqaro tadbirlarning hakamlar hayʼati tarkibini shakllantirish, uning ish tartibini tasdiqlash, tanlovlar ishtirokchilarining yosh chegarasini belgilash va hakamlar hayʼati tarkibiga kiritilgan mutaxassislar ishtirokini taʼminlash;
xalqaro tadbirlarga tayyorgarlik koʻrish va uni oʻtkazish bilan bogʻliq xarajatlar smetasini ishlab chiqish va tasdiqlash, metsenatlik koʻmagi, yuridik va jismoniy shaxslarning homiylik xayriyalarini jalb etish choralarini koʻrish.
4. Alisher Navoiy nomidagi Oʻzbekiston davlat akademik katta teatri direktoriga ushbu teatrning budjetdan tashqari mablagʻlari hisobidan mazkur qarorda belgilangan va boshqa madaniy tadbirlarni yuqori saviyada tashkillashtirish maqsadida qoʻshimcha mutaxassislarni jalb etishga ruxsat berilsin.
5. Oʻzbekiston Respublikasi Madaniyat vazirligi boshqa manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — turizm va madaniy meros vaziri A.A. Abduxakimov hamda Oʻzbekiston Respublikasi madaniyat vaziri O.A. Nazarbekov zimmasiga yuklansin.
Vazirlar Mahkamasining 2022-yil 5-oktabrdagi 569-son qaroriga 1-ILOVA
Halima Nosirova nomidagi xalqaro yosh operachilar koʻrik-tanlovini tashkil etish va oʻtkazish tartibi toʻgʻrisida
1-bob. Umumiy qoidalar
1. Mazkur Nizom Halima Nosirova nomidagi xalqaro yosh operachilar koʻrik-tanlovini (keyingi oʻrinlarda — tanlov) tashkil etish va oʻtkazish tartibini belgilaydi.
2. Tanlov quyidagilarni nazarda tutgan holda oʻtkaziladi:
milliy opera sanʼatini yanada rivojlantirish va ommalashtirish;
turli xorijiy davlatlarning opera sanʼati vakillari ijro mahorati bilan yaqindan tanishish hamda ular bilan ijodiy aloqalarni mustahkamlash;
opera sanʼatidagi iqtidorli yoshlarni kashf etish va qoʻllab-quvvatlash;
xorijiy davlatlarning taniqli ijrochilarini jalb etish orqali mamlakatimizda opera sanʼatini yanada rivojlantirish;
Alisher Navoiy nomidagi Oʻzbekiston davlat akademik katta teatri repertuarini ijodiy va sifat darajasini, teatr ijodkorlari ijro mahoratini yanada yaxshilash;
Alisher Navoiy nomidagi Oʻzbekiston davlat akademik katta teatri, Oʻzbekiston davlat konservatoriyasida opera sanʼatining yetakchi namoyondalari ishtirokida master-klasslar va seminarlar tashkil etish.
3. Tanlov 2023-yildan boshlab har ikki yilda bir marotaba oktabr oyida Toshkent shahrida oʻtkaziladi.
Bunda, tanlovni oʻtkazishning aniq muddati Tashkiliy qoʻmita tomonidan belgilanadi hamda tanlov boshlanishidan uch oy avval Tashkiliy qoʻmita ishchi guruhi hisoblangan Oʻzbekiston Respublikasi Madaniyat vazirligi tomonidan ommaviy axborot vositalarida eʼlon qilinadi.
4. Tanlov ijro dasturi asosida oʻtkaziladi.
5. Tanlovning ijro dasturi va tanlovda ijro etiladigan asarlar roʻyxati Oʻzbekiston Respublikasi Madaniyat vazirligi tomonidan tanlov boshlanishidan kamida uch oy oldin tasdiqlanadi.
6. Tanlov Oʻzbekiston Respublikasi Madaniyat vazirligi, Toshkent shahar hokimligi va Alisher Navoiy nomidagi Oʻzbekiston davlat akademik katta teatri (keyingi oʻrinlarda — tashkilotchilar) tomonidan tashkil etiladi va oʻtkaziladi.
7. Tanlovni tashkil etish va oʻtkazish Tashkiliy qoʻmita tomonidan muvofiqlashtiriladi.
2-bob. Tanlovda ishtirok etish shartlari
8. Tanlovda xorijiy va mahalliy opera solistlari, xalqaro tanlovlar sovrindorlari ishtirok etishi mumkin.
9. Tanlov ishtirokchilarining yoshi Tashkiliy qoʻmita tomonidan belgilanadi.
10. Tanlov saralash va yakuniy (final) bosqichdan iborat.
Saralash bosqichida ishtirokchilar soni cheklanmagan.
Saralash bosqichidan 12 nafar ishtirokchi yakuniy (final) bosqichiga oʻtadi.
Tanlovda oldingi tanlovlar sovrindorlarining qayta ishtirok etishiga yoʻl qoʻyilmaydi.
Saralash bosqichida toʻrtta asar (kengaytirilgan operadan ariyalar, kantata yoki oratoriyalar (XVII-XVIII asrlar), oʻzbek kompozitorlari asarlaridan ariyalar, oʻz mamlakatlari xalq qoʻshiqlari (“a-kapella” tarzida boʻlishi mumkin), rus va Yevropa kompozitorlari asarlaridan ariyalar) ijro etiladi.
Yakuniy (final) bosqichida ikkita asar (Yevropa kompozitorlari asarlaridan kengaytirilgan ariya (XIX-XX asrlar), rus kompozitorlari asarlaridan kengaytirilgan ariyalar, oʻzbek kompozitorlari asarlaridan ariyalar) simfonik orkestr joʻrligida ijro etiladi.
11. Barcha tinglovlar ommaviy ravishda oʻtkaziladi. Barcha asarlar yoddan, asl tilda ijro qilinishi shart. Har bir asar faqat bitta bosqichda ijro qilinadi.
Ijro etish tartibi qurʼa tashlash yoʻli bilan belgilanadi va tanlov yakuniga qadar oʻzgarmay qoladi. Yakuniy (final) bosqichga saralash bosqichida qatnashgan 12 nafardan ortiq ishtirokchi kiritilmaydi.
Oʻrinlar va sovrinlarni yakuniy taqsimlash hakamlar hayʼatining yakuniy yigʻilishida amalga oshiriladi.
Tanlovda ishtirok etish uchun belgilangan muddatda Tashkiliy qoʻmita tomonidan belgilanadigan elektron manzilga quyidagi hujjatlarni ilova qilgan holda ariza yuborish lozim:
maʼlumotnoma (rezyume);
ijodiy biografiya;
har bir bosqich boʻyicha ishtirokchining toʻliq ijro dasturi.
12. Tanlov dasturida eʼlon qilingan ishlarni ishtirokchilar tomonidan almashtirishga yoʻl qoʻyilmaydi.
Tanlovda ishtirok etishga ruxsat berilgan barcha ishtirokchilar tanlov oʻtkaziladigan yilning 15-oktabridan kechiktirmay tanlovga kelish sanasi koʻrsatilgan taklifnoma oladilar.
Kerakli hujjatlar bilan toʻliq toʻldirilmagan yoki tanlov oʻtkaziladigan yilning 15-sentabridan keyin yuborilgan arizalar qabul qilinmaydi.
Tanlov shartlariga koʻra, Oʻzbekiston Respublikasi Madaniyat vazirligi tomonidan tasdiqlanadigan ijro dasturiga asosan oʻzbek opera kompozitorlari asarlaridan ijro etilishi shart.
Tashkilotchilar tomonidan ishtirokchilarga ikki marta mashq qilish va saralash bosqichida chiqish uchun konsertmeysterlar belgilangan tartibda biriktirib beriladi.
Tanlov tashkilotchisi tanlovda audio va videoyozuvlarni yozib, keyinchalik qoʻshimcha haq toʻlamasdan ulardan tijorat maqsadlarida foydalanish huquqini oʻzida saqlab qoladi.
Tanlov gʻoliblari yakuniy gala-konsertida ishtirok etishlari shart.
13. Tanlovning barcha ishtirokchilariga yetakchi opera teatrlari vakillari va agentlarini tinglash, shuningdek, hakamlar hayʼati aʼzolari tomonidan oʻtkaziladigan mahorat darslari (master klass)da qatnashish imkoniyati beriladi.
3-bob. Tanlov ishtirokchilarini baholash va gʻoliblarni taqdirlash
14. Tanlov ishtirokchilarining chiqishlarini baholash uchun Tashkiliy qoʻmita tomonidan mahalliy va xorijiy madaniyat va sanʼat sohasidagi 7 — 9 nafar yetakchi mutaxassislardan iborat hakamlar hayʼati tarkibi hamda uning ish tartibi tasdiqlanadi.
Tanlovning hakamlar hayʼatiga yetakchi opera yakkaxonlari, mashhur musiqa ijrochilari, dirijorlar, musiqali teatrlar direktorlari va boshqa mutaxassislar vakillari taklif etiladi.
Hakamlar hayʼati aʼzolari Hakamlar hayʼati raisini saylaydi.
Hakamlar hayʼati tomonidan tanlov ishtirokchilarining chiqishlari baholash jarayonida jahonga mashhur boʻlgan kompozitorlarning operalaridan mashhur ariyalarini anʼana va usullarini toʻgʻri ijro etilishi, asarda koʻrsatilgan har bitta notalarni katta xatoliklarga yoʻl qoʻymagan holda ijro qilinishi, asarning mazmun va mohiyatini tinglovchiga toʻliq yetkazib berilishi, yuqori pardalarda kuylanadigan notalarni vokal sanʼati qoidalariga rioya qilinishi va sahna madaniyati kabi asosiy mezonlari boʻyicha baholanadi.
Tanlovning baholash mezonlariga koʻra har bir mezon boʻyicha maksimal 100 ballik tizim asosida baholanadi.
Hakamlar hayʼati tomonidan ishtirokchilarga qoʻyilgan ballar teng boʻlib qolganda Hakamlar hayʼati raisining ovozi hal qiluvchi hisoblanadi.
Tanlovning yakuniy natijalari hakamlar hayʼatining qarori bilan rasmiylashtiriladi.
Ishtirokchilar hakamlar hayʼati qarori yuzasidan tanlovning har bir bosqichi yakuni boʻyicha bir kun muddatda hakamlar hayʼati raisi nomiga apellyatsiya shikoyati (ariza) berishlari mumkin. Apellyatsiya shikoyati belgilangan tartibda roʻyxatga olinadi, bir kun muddatda koʻrib chiqilib, bayonnoma bilan rasmiylashtiriladi va oʻsha kunning oʻzida eʼlon qilinadi.
15. Tanlov gʻoliblari diplom, statuetka va quyidagi miqdorlarda pul mukofotlari bilan taqdirlanadi:
1-oʻrin uchun — bazaviy hisoblash miqdorining 100 baravari miqdorida;
2-oʻrin uchun — bazaviy hisoblash miqdorining 70 baravari miqdorida;
3-oʻrin uchun — bazaviy hisoblash miqdorining 50 baravari miqdorida.
16. Hakamlar hayʼati aʼzolari va muxlislar eʼtirofiga sazovor boʻlgan “Oʻzbek kompozitorlari asarini eng yaxshi ijro etganlik uchun”, Tanlovning eng yosh, eng iqtidorli ishtirokchisi” “Oʻz mamlakatlari xalq qoʻshigʻini (“a-kapella” tarzida ham boʻlishi mumkin) eng yaxshi ijro etganlik uchun” kabi nominatsiyalar va boshqa nominatsiyalar boʻyicha maxsus diplom bilan taqdirlanadilar.
Hakamlar hayʼati tanlovning eng yaxshi konsertmeysterlarining (2 kishi) har biriga maxsus diplom berish huquqiga ega.
4-bob. Tanlovni tashkil etish va oʻtkazishni moliyalashtirish
17. Tanlovga tayyorgarlik koʻrish va uni oʻtkazish bilan bogʻliq xarajatlar Tashkiliy qoʻmita tomonidan ishlab chiqilgan va belgilangan tartibda tasdiqlangan smeta asosida amalga oshiriladi.
18. Tanlovga tayyorgarlik koʻrish va uni oʻtkazish bilan bogʻliq xarajatlar respublika budjeti mablagʻlari, metsenatlik koʻmagi, yuridik va jismoniy shaxslarning homiylik xayriyalari hamda qonunchilik hujjatlari bilan taqiqlanmagan boshqa manbalar hisobidan qoplanadi.
19. Tanlov tashkilotchilari tomonidan ishtirokchilarning quyidagi xarajatlari qoplanadi:
hakamlar hayʼati aʼzolari uchun yoʻl xarajatlari, mehmonxona, ovqatlanish, gonorar toʻlovlari;
tanlovning yakuniy (final) bosqichiga oʻtgan ishtirokchilarning tanlovdagi ishtiroki tugaguniga qadar ularning mehmonxona va ovqatlanish xarajatlari.
Yoʻl, saralash bosqichidagi mehmonxona va ovqatlanish xarajatlari — ishtirokchilar hisobidan qoplanadi.
5-bob. Yakunlovchi qoidalar
20. Oʻzbekiston Respublikasining Soliq kodeksiga muvofiq xorijiy ishtirokchilarga beriladigan gonorar va tanlov gʻoliblariga beriladigan bir martalik pul mukofotlari jismoniy shaxslardan olinadigan daromad soligʻiga tortilmaydi, shuningdek, ijtimoiy toʻlov va sugʻurta badallari boʻyicha soliqqa solish obyekti hisoblanmaydi.
21. Tanlov ishtirokchisi boʻlgan chet el fuqarosi oʻz tibbiy sugʻurtasiga ega boʻlishi lozim.
“Halima Nosirova nomidagi xalqaro yosh operachilar koʻrik-tanlovini tashkil etish va oʻtkazish tartibi toʻgʻrisida” nizomga ILOVA
Halima Nosirova nomidagi xalqaro yosh operachilar koʻrik-tanlovini tashkil etish va oʻtkazish
Bosqichlar Subyektlar Tadbirlar Muddatlar 1-bosqich Oʻzbekiston Respublikasi Madaniyat vazirligi Halima Nosirova nomidagi xalqaro yosh operachilar koʻrik-tanlovini oʻtkazish boʻyicha ommaviy axborot vositalarida eʼlon berish Tanlov boshlanishidan uch oy avval 2-bosqich Oʻzbekiston Respublikasi Madaniyat vazirligi Tanlovning ijro dasturi va tanlovda ijro etiladigan asarlar roʻyxatini tasdiqlash Tanlov boshlanishidan kamida uch oy avval 3-bosqich Tanlov ishtirokchilari Tanlovda ishtirok etish uchun belgilangan muddatga kadar kerakli hujjatlarni ilova qilgan holda ariza yuborish. Tanlov oʻtkaziladigan yilning 15-sentabriga qadar 4-bosqich Oʻzbekiston Respublikasi Madaniyat vazirligi Tanlovda ishtirok etishga ruxsat berilgan barcha ishtirokchilarga belgilangan muddatdan kechiktirmay tanlovga kelish sanasi koʻrsatilgan taklifnoma yuborish. Tanlov oʻtkaziladigan yilning 15-oktabriga qadar 5-bosqich Oʻzbekiston Respublikasi Madaniyat vazirligi Tanlovni ikki bosqichda oʻtkazish. Saralash va yakuniy (final) bosqich. Tanlov oʻtkaziladigan yilning oktabr oyida 6-bosqich Oʻzbekiston Respublikasi Madaniyat vazirligi Tanlov gʻoliblarini tantanali tadbirda taqdirlash hamda ommaviy axborot vositalarida eʼlon qilish Tanlov oʻtkaziladigan yilning oktabr oyida
Vazirlar Mahkamasining 2022-yil 5-oktabrdagi 569-son qaroriga 2-ILOVA
“Toshkent bahori” xalqaro opera va balet festivalini tashkil etish va oʻtkazish tartibi toʻgʻrisida
1-bob. Umumiy qoidalar
1. Mazkur Nizom “Toshkent bahori” xalqaro opera va balet festivalini (keyingi oʻrinlarda — festival) tashkil etish va oʻtkazish tartibini belgilaydi.
2. Festival quyidagilarni nazarda tutgan holda oʻtkaziladi:
festivalning betakror ruhi va qiyofasini, oʻziga xosligini aks ettirish, xalqlar oʻrtasida doʻstlik rishtalarini mustahkamlash, dunyo tinchligi, xalqlar oʻrtasida doʻstlik va ahillikni keng targʻib etish, mamlakatimiz opera va balet sanʼatining jahon hamjamiyatidagi nufuzini yanada oshirish, boy tarixiy va betakror madaniyatimizni keng targʻib etish;
opera va balet sanʼatini rivojlantirish va uning ahamiyatini yanada oshirish, oʻzbek hamda boshqa xalqlarning opera va balet sanʼati anʼanalarini qamrab olish, ular bilan yaqindan ilmiy va ijodiy muloqot va hamkorlik qilish;
yosh avlodni opera va balet sanʼatiga, ayniqsa, oʻzbek milliy opera va baletiga boʻlgan qiziqishlarini qanoatlantirish;
opera va balet sanʼatining anʼanalarini asrash, madaniy muloqotni yanada rivojlantirish, ilmiy oʻrganish va izlanishlarni hamkorlikda amalga oshirish, oʻzaro tajriba almashish, davra suhbatlari, taqdimot va mahorat darslarini tashkil etish.
3. Festival 2022-yildan boshlab har ikki yilda bir marotaba aprel oyida Toshkent shahrida oʻtkaziladi.
Bunda, uning aniq muddati Tashkiliy qoʻmita tomonidan tasdiqlanadi hamda Festival boshlanishidan bir oy oldin Tashkiliy qoʻmita ishchi guruhi hisoblangan Oʻzbekiston Respublikasi Madaniyat vazirligi tomonidan ommaviy axborot vositalarida eʼlon qilinadi.
4. Festival Oʻzbekiston Respublikasi Madaniyat vazirligi, Toshkent shahar hokimligi va Alisher Navoiy nomidagi Oʻzbekiston davlat akademik katta teatri (keyingi oʻrinlarda — tashkilotchilar) tomonidan tashkil etiladi va oʻtkaziladi.
5. Festivalni tashkil etish va oʻtkazish Tashkiliy qoʻmita tomonidan muvofiqlashtiriladi.
2-bob. Festivalni tashkil etish va oʻtkazish tartibi
6. Festival ijro dasturi va unda ijro etiladigan sahna asarlari roʻyxati asosida oʻtkaziladi.
7. Festivalning ijro dasturi va unda ijro etiladigan sahna asarlari roʻyxati Oʻzbekiston Respublikasi Madaniyat vazirligi tomonidan festival boshlanishidan kamida ikki oy oldin tasdiqlanadi.
8. Festival doirasida “Opera va baletning buguni yoshlar nigohida va kelajak istiqbollari” mavzuyida ilmiy-amaliy seminar, opera va balet ustozlari ishtirokida “mahorat darslari” tashkil etiladi.
9. Ilmiy-amaliy seminar ishtirokchilari maʼruzasining toʻla matni 3-4 betdan va tezislar 300 ta soʻzdan kam boʻlmasligi hamda ijro dasturi 15 daqiqadan oshmasligi lozim.
10. Ilmiy-amaliy seminarda ishtirok etuvchilarning roʻyxati Oʻzbekiston Respublikasi Madaniyat vazirligi tomonidan aniqlanib, ushbu tadbir oʻtkazilishidan 10 kun oldin ishtirokchilarga maʼlum qilinadi.
11. Ilmiy-amaliy seminarning ishchi tillari etib oʻzbek, ingliz va rus tillari belgilanadi.
12. Festivalda mamlakatimizda va xorijda nom qozongan taniqli dirijorlar, opera va balet artistlari, xalqaro tanlovlar sovrindorlari ishtirok etadi.
13. Festival ishtirokchilari tashkilotchilarga reklama materiallari, afishalar, DVD, annotatsiyalar, ijodiy biografiyalar taqdim etadilar.
3-bob. Festivalni moliyalashtirish
14. Festivalga tayyorgarlik koʻrish va uni oʻtkazish bilan bogʻliq xarajatlar Tashkiliy qoʻmita tomonidan ishlab chiqilgan va belgilangan tartibda tasdiqlangan smeta asosida amalga oshiriladi.
15. Festivalga tayyorgarlik koʻrish va uni oʻtkazish bilan bogʻliq xarajatlar respublika budjeti mablagʻlari, metsenatlik koʻmagi, yuridik va jismoniy shaxslarning homiylik xayriyalari hamda qonunchilik hujjatlari bilan taqiqlanmagan boshqa manbalar hisobidan qoplanadi.
16. Festival xorijiy ishtirokchilarining Toshkent shahriga kelib-ketishi, mehmonxona, gonorar, ovqatlanishi va ichki transport bilan bogʻliq xarajatlar tashkilotchilar tomonidan qoplanadi.
Bunda, xorijiy ishtirokchilarning har bir aʼzosiga bazaviy hisoblash miqdorining 100 baravari miqdorida gonorar puli toʻlanadi.
4-bob. Festival ishtirokchilarining huquq va majburiyatlari
17. Festival ishtirokchilari festival haqida barcha maʼlumotlarga ega boʻlishga haqli.
18. Festival ishtirokchilari:
oʻz faoliyati toʻgʻrisidagi maʼlumotlarni (reklama materiallari, afishalar, DVD, annotatsiyalar, ijodiy biografiyalar) oʻz vaqtida taqdim etishi;
repetitsiyalar oʻtkazish jadvali hamda festival kun tartibiga qatʼiy rioya etishi shart.
5-bob. Tashkilotchining huquq va majburiyatlari
19. Tashkilotchi quyidagi huquqlarga ega:
Festival qatnashchilarining ijrolarini efirga uzatish hamda boshqa tashkilotlarga translyatsiya qilish uchun taqdim etish;
Festivalni oʻtkazish va uning yakuni davomida tayyorlangan barcha turdagi audio, video, bosma va boshqa turdagi mahsulotlarni ishlab chiqarish va tarqatish;
Festivalda ishtirok etayotgan ijodkorlar tomonidan Tashkiliy qoʻmitaga yuboriladigan materiallardan reklama maqsadida foydalanish;
Festivalga jahondagi yetakchi soha mutaxassislari va sanʼat namoyondalarini jalb etish.
20. Tashkilotchi:
Festivalni yuqori saviyada tashkil etish va oʻtkazish uchun chora-tadbirlar rejasi loyihasini ishlab chiqadi;
Festival xorijiy ishtirokchilarining Toshkent shahriga kelib-ketishi, mehmonxona, gonorar, ovqatlanishi va ichki transport bilan bogʻliq xarajatlarini qoplaydi;
Tashkiliy qoʻmita tomonidan tashkilotchilar zimmasiga boshqa majburiyatlar ham yuklanishi mumkin.
6-bob. Yakunlovchi qoidalar
21. Oʻzbekiston Respublikasining Soliq kodeksiga muvofiq xorijiy ishtirokchilarga beriladigan gonorar puli jismoniy shaxslardan olinadigan daromad soligʻiga tortilmaydi, shuningdek, ijtimoiy toʻlov va sugʻurta badallari boʻyicha soliqqa solish obyekti hisoblanmaydi.
22. Festival ishtirokchisi boʻlgan chet el fuqarosi oʻz tibbiy sugʻurtasiga ega boʻlishi lozim.
23. Davlat moliyaviy nazorati inspeksiyasi festivalni tashkil etish va oʻtkazish uchun ajratilgan budjet mablagʻlarining maqsadli sarflanishini nazorat qiladi.
“Toshkent bahori” xalqaro opera va balet festivalini tashkil etish va oʻtkazish tartibi toʻgʻrisida” nizomga ILOVA
“Toshkent bahori” xalqaro opera va balet festivalini tashkil etish va oʻtkazish
Bosqichlar Subyektlar Tadbirlar Muddatlar 1-bosqich Oʻzbekiston Respublikasi Madaniyat vazirligi “Toshkent bahori” xalqaro opera va balet festivalini oʻtkazish boʻyicha ommaviy axborot vositalarida eʼlon berish Festival boshlanishidan bir oy avval 2-bosqich Oʻzbekiston Respublikasi Madaniyat vazirligi Festivalning ijro dasturi va festivalda ijro etiladigan asarlar roʻyxatini tasdiqlash Festival boshlanishidan kamida ikki oy avval 3-bosqich Festival ishtirokchilari Festivalda ishtirok etish uchun belgilangan muddatga qadar kerakli hujjatlarni ilova qilgan holda ariza yuborish. Festival boshlanishidan kamida ikki oy avval 4-bosqich Oʻzbekiston Respublikasi Madaniyat vazirligi Festival doirasida “Opera va baletning buguni yoshlar nigohida va kelajak istiqbollari” mavzuyida ilmiy-amaliy seminar oʻtkazish. Festival oʻtkaziladigan yilning aprel oyida 5-bosqich Oʻzbekiston Respublikasi Madaniyat vazirligi Ilmiy-amaliy seminarda ishtirok etuvchilarning roʻyxatini ushbu tadbir oʻtkazilishidan 10 kun oldin ishtirokchilarga maʼlum qilish. Festival oʻtkaziladigan yilning aprel oyida 6-bosqich Oʻzbekiston Respublikasi Madaniyat vazirligi Festival gʻoliblarini tantanali tadbirda taqdirlash hamda ommaviy axborot vositalarida eʼlon qilish Festival oʻtkaziladigan yilning aprel oyida
Vazirlar Mahkamasining 2022-yil 5-oktabrdagi 569-son qaroriga 3-ILOVA
“Yosh vokal ijrochilari” respublika koʻrik-tanlovini tashkil etish va oʻtkazish tartibi toʻgʻrisida
1-bob. Umumiy qoidalar
1. Ushbu Nizom “Yosh vokal ijrochilari” respublika koʻrik-tanlovini (keyingi oʻrinlarda — tanlov) oʻtkazish tartibini belgilaydi.
2. Tanlov quyidagilarni nazarda tutgan holda oʻtkaziladi:
opera sanʼatini yanada yuksaltirish, mohir ijrochilarni kashf etish;
opera sanʼati ijrochilarining mahorati, isteʼdodi va qobiliyatini namoyon etish, ularning ijrochilik koʻnikmalarini yanada rivojlantirish;
opera sanʼati ijrochilarni yuksak darajaga koʻtarish, milliy sanʼatimizni dunyo sahnalariga olib chiqish, iqtidorli yoshlarni ragʻbatlantirish hamda ularning ijodini keng targʻib qilish;
opera sanʼati ijrochiligining ijro imkoniyatlarini oshirish va ularning oʻziga xos xususiyatlari bilan ommani tanishtirish.
3. Tanlov ijro dasturi asosida oʻtkaziladi.
4. Tanlovning ijro dasturi va tanlovda ijro etiladigan asarlar roʻyxati Oʻzbekiston Respublikasi Madaniyat vazirligi tomonidan tanlov boshlanishidan kamida bir oy oldin tasdiqlanadi.
Tasdiqlangan ijro dasturi va tanlovda ijro etiladigan asarlar roʻyxati:
Oʻzbekiston Respublikasi Madaniyat vazirligi tomonidan Qoraqalpogʻiston Respublikasi Madaniyat vazirligi, viloyatlar madaniyat boshqarmalari hamda Toshkent shahar madaniyat bosh boshqarmasiga besh kun muddatda;
Qoraqalpogʻiston Respublikasi Madaniyat vazirligi, viloyatlar madaniyat boshqarmalari hamda Toshkent shahar madaniyat bosh boshqarmasi tomonidan ijro dasturi va tanlovda ijro etiladigan asarlar roʻyxati kelib tushgandan keyin uch kun muddatda bolalar musiqa va sanʼat maktablari, ixtisoslashtirilgan sanʼat va madaniyat maktablari, maktab-internatlar, musiqa va sanʼat kollejlari, oliy taʼlim tashkilotlari, badiiy va ijodiy jamoalarga yetkaziladi.
5. Tanlov dasturi tasdiqlangandan soʻng unga oʻzgartirish va qoʻshimchalar kiritishga yoʻl qoʻyilmaydi.
6. Tanlov 2022-yildan boshlab har yili bir marta fevral oyida Alisher Navoiy nomidagi Oʻzbekiston davlat akademik katta teatri va Oʻzbekiston davlat konservatoriyasida oʻtkaziladi.
7. Tanlovni oʻtkazishning aniq sanasi va muddati Oʻzbekiston Respublikasi Madaniyat vazirligi tomonidan belgilanadi hamda tanlov boshlanishidan bir oy oldin ishchi guruh tomonidan ommaviy axborot vositalarida eʼlon qilinadi.
8. Oʻzbekiston Respublikasi Madaniyat vazirligi, Alisher Navoiy nomidagi Oʻzbekiston davlat akademik katta teatri hamda Oʻzbekiston davlat konservatoriyasi tanlovni tashkil etish va oʻtkazish boʻyicha masʼul hisoblanadi.
2-bob. Tanlovda ishtirok etish shartlari
9. Tanlovda bolalar musiqa va sanʼat maktablari oʻqituvchilari, ixtisoslashtirilgan sanʼat va madaniyat maktablari, maktab-internatlar, musiqa va sanʼat kollejlari, oliy taʼlim tashkilotlarining talabalari, oʻqituvchilari, badiiy va ijodiy jamoalarning ijrochilari ishtirok etishi mumkin.
10. Tanlov ishtirokchilarining yoshi Oʻzbekiston Respublikasi Madaniyat vazirligi tomonidan belgilanadi.
11. Tanlovda ishtirok etishni istagan ijrochilar tanlov boshlanishidan oʻttiz kun oldin Alisher Navoiy nomidagi Oʻzbekiston davlat akademik katta teatriga quyidagi hujjatlarni taqdim etishlari lozim:
tanlovda ishtirok etish uchun maʼlumotnoma (rezyume);
tanlovda ishtirok etish uchun ijro dasturi.
12. Har yili belgilangan sanadan kech taqdim etiladigan hujjatlar qabul qilinmaydi.
13. Ishtirokchilarning tanlov davomida asarlarni ijro etish navbati belgilangan tartibda qurʼa tashlash orqali aniqlanadi va ushbu tartib tanlov yakuniga qadar saqlab qolinadi.
14. Asarlar yoddan ijro etiladi.
3-bob. Tanlov ishtirokchilarini baholash va gʻoliblarni taqdirlash
15. Tanlovni oʻtkazish boʻyicha Oʻzbekiston Respublikasi madaniyat vazirining buyrugʻi bilan madaniyat va sanʼat sohasidagi 5 — 7 nafar yetakchi mutaxassislardan iborat hakamlar hayʼati tarkibi hamda uning ish tartibi tasdiqlanadi.
16. Tanlov saralash va yakuniy (final) bosqichdan iborat boʻladi.
Tanlov ishtirokchilari quyidagi mezonlarga asosan baholanadi:
ijro mahorati;
professional tayyorgarligi;
repertuar saviyasi;
sahna madaniyati va artistik mahorati.
17. Tanlovning saralash va yakuniy bosqichlarida ishtirokchilarning ijro mahorati hakamlar hayʼatining har bir aʼzosi tomonidan alohida tarzda 100 ballik tizim boʻyicha baholanadi.
18. Tanlovning saralash bosqichida umumiy ball natijalariga koʻra eng yuqori ball toʻplagan 12 nafar ishtirokchilar hakamlar hayʼati qaroriga asosan tanlovning yakuniy (final) bosqichiga oʻtkaziladi.
19. Tanlovning yakuniy (final) bosqichida asarlar orkestr joʻrligida ijro etiladi.
20. Hakamlar hayʼati tomonidan ishtirokchilarga qoʻyilgan ballar teng boʻlib qolganda, hakamlar hayʼati raisining ovozi hal qiluvchi hisoblanadi.
21. Tanlovda eng koʻp umumiy ball toʻplagan ishtirokchilar orasidan hakamlar hayʼati qaroriga asosan tanlovning Gran-pri, 1, 2, 3-oʻrin sovrindorlari aniqlanadi.
Hakamlar hayʼati tomonidan tanlov ishtirokchilarning natijalari teng kelib qolgan taqdirda 1, 2 va 3-oʻrinlar uchun belgilangan pul mukofotlari ishtirokchilar oʻrtasida boʻlinishi (Gran-pridan tashqari) mumkin.
22. Ishtirokchilarni baholashda hakamlar hayʼati mustaqildir.
23. Tanlovning yakuniy natijalari hakamlar hayʼatining qarori bilan rasmiylashtiriladi.
24. Ishtirokchilar hakamlar hayʼati qarori yuzasidan tanlovning har bir bosqichi yakuni boʻyicha bir kun muddatda hakamlar hayʼati raisi nomiga apellyatsiya shikoyati (ariza) berishlari mumkin. Apellyatsiya shikoyati belgilangan tartibda roʻyxatga olinadi, bir kun muddatda koʻrib chiqilib, bayonnoma bilan rasmiylashtiriladi va oʻsha kunning oʻzida eʼlon qilinadi.
25. Tanlov gʻoliblari diplom, statuetka va quyidagi miqdorlarda pul mukofotlari bilan taqdirlanadi:
Gran-pri — bazaviy hisoblash miqdorining 50 barobari miqdorida;
1-oʻrin — bazaviy hisoblash miqdorining 40 barobari miqdorida;
2-oʻrin — bazaviy hisoblash miqdorining 30 barobari miqdorida;
3-oʻrin — bazaviy hisoblash miqdorining 20 barobari miqdorida.
26. Tanlov gʻoliblari boʻlgan oʻquvchi va talabalarning oʻqituvchi va konsertmeysterlari maxsus diplom hamda esdalik sovgʻalari bilan taqdirlanadi.
27. Tanlovning yakuniy bosqichi ishtirokchilariga “Yosh vokal ijrochilari” respublika koʻrik-tanlovi ishtirokchisi diplomi beriladi.
28. Tanlovning Gran-pri va 1-oʻrin gʻoliblari mos taʼlim yoʻnalishlari boʻyicha tegishli davlat oliy taʼlim muassasalarining bakalavriat qabul kvotasiga qoʻshimcha davlat granti asosida oʻqishga qabul qilinadi.
Ushbu bandning birinchi xatboshisi oliy taʼlim muassasalarining talabalari va oʻqituvchilariga nisbatan tatbiq etilmaydi.
4-bob. Tanlovni tashkil etish va oʻtkazishni moliyalashtirish
29. Tanlovni tashkil etish va oʻtkazish bilan bogʻliq xarajatlar quyidagi manbalar hisobidan amalga oshiriladi:
Alisher Navoiy nomidagi Oʻzbekiston davlat akademik katta teatrining Vasiylik kengashi tomonidan ajratiladigan homiylik xayriyalari;
metsenatlik koʻmagi;
qonunchilik hujjatlari bilan taqiqlanmagan boshqa manbalar.
30. Tanlov ishtirokchilarining tanlov oʻtkazilishi belgilangan hududga kelib-ketish, mehmonxona va ovqatlanish xarajatlari ularni tanlovda ishtirok etish uchun oʻz mablagʻlari yoki yuborayotgan tashkilotning mablagʻlari yoxud jismoniy va yuridik shaxslarning homiylik xayriyalari hisobidan qoplanadi.
5-bob. Yakunlovchi qoida
31. Tanlovni oʻtkazish jarayonlari boʻyicha kelib chiqadigan nizolar qonunchilik hujjatlarida belgilangan tartibda hal etiladi.
“Yosh vokal ijrochilari” respublika koʻrik-tanlovini tashkil etish va oʻtkazish tartibi toʻgʻrisida” nizomga ILOVA
“Yosh vokal ijrochilari” respublika koʻrik-tanlovini tashkil etish va oʻtkazish
Bosqichlar Subyektlar Tadbirlar Muddatlar 1-bosqich Oʻzbekiston Respublikasi Madaniyat vazirligi “Yosh vokal ijrochilari” respublika koʻrik-tanlovini oʻtkazish boʻyicha ommaviy axborot vositalarida eʼlon berish Tanlov boshlanishidan bir oy avval 2-bosqich Oʻzbekiston Respublikasi Madaniyat vazirligi Tanlovning ijro dasturi va tanlovda ijro etiladigan asarlar roʻyxatini tasdiqlash Tanlov boshlanishidan kamida bir oy avval 3-bosqich Tanlov ishtirokchilari Tanlovda ishtirok etish uchun belgilangan muddatga kadar kerakli hujjatlarni ilova qilgan holda ariza yuborish. Tanlov oʻtkaziladigan yilning 20-fevraliga qadar 4-bosqich Oʻzbekiston Respublikasi Madaniyat vazirligi Tanlovni ikki bosqichda oʻtkazish. Saralash va yakuniy (final) bosqich. Tanlov oʻtkaziladigan yilning fevral oyida 5-bosqich Oʻzbekiston Respublikasi Madaniyat vazirligi Tanlov gʻoliblarini tantanali tadbirda taqdirlash hamda ommaviy axborot vositalarida eʼlon qilish Tanlov oʻtkaziladigan yilning fevral oyida
Vazirlar Mahkamasining 2022-yil 5-oktabrdagi 569-son qaroriga 4-ILOVA
“Yosh balet ijrochilari” respublika koʻrik-tanlovini tashkil etish va oʻtkazish tartibi toʻgʻrisida
1-bob. Umumiy qoidalar
1. Ushbu Nizom “Yosh balet ijrochilari” respublika koʻrik-tanlovini (keyingi oʻrinlarda — tanlov) oʻtkazish tartibini belgilaydi.
2. Tanlov quyidagilarni nazarda tutgan holda oʻtkaziladi:
balet sanʼatini yanada yuksaltirish, mohir ijrochilarni kashf etish;
balet sanʼati ijrochilarining mahorati, isteʼdodi va qobiliyatini namoyon etish, ularning ijrochilik koʻnikmalarini yanada rivojlantirish;
balet sanʼati ijrochiligini yuksak darajaga koʻtarish, milliy sanʼatimizni dunyo sahnalariga olib chiqish, iqtidorli yoshlarni ragʻbatlantirish hamda ularning ijodini keng targʻib qilish;
balet sanʼati ijrochiligining ijro imkoniyatlarini oshirish va ularning oʻziga xos xususiyatlari bilan ommani tanishtirish.
3. Tanlov ijro dasturi asosida oʻtkaziladi.
4. Tanlovning ijro dasturi va tanlovda ijro etiladigan asarlar roʻyxati Oʻzbekiston Respublikasi Madaniyat vazirligi tomonidan tanlov boshlanishidan kamida uch oy oldin tasdiqlanadi.
Tasdiqlangan ijro dasturi va tanlovda ijro etiladigan asarlar roʻyxati:
Oʻzbekiston Respublikasi Madaniyat vazirligi tomonidan Qoraqalpogʻiston Respublikasi Madaniyat vazirligi, viloyatlar madaniyat boshqarmalari hamda Toshkent shahar madaniyat bosh boshqarmasiga besh kun muddatda;
Qoraqalpogʻiston Respublikasi Madaniyat vazirligi, viloyatlar madaniyat boshqarmalari hamda Toshkent shahar madaniyat bosh boshqarmasi tomonidan ijro dasturi va tanlovda ijro etiladigan asarlar roʻyxati kelib tushgandan keyin uch kun muddatda bolalar musiqa va sanʼat maktablar, ixtisoslashtirilgan sanʼat va madaniyat maktablar, maktab-internatlar, musiqa va sanʼat kollejlari, oliy taʼlim tashkilotlar, badiiy va ijodiy jamoalarga yetkaziladi.
5. Tanlov dasturi tasdiqlangandan soʻng unga oʻzgartirish va qoʻshimchalar kiritilishi mumkin.
6. Tanlov 2022-yildan boshlab har yili bir marta aprel oyida Alisher Navoiy nomidagi Oʻzbekiston davlat akademik katta teatri va Oʻzbekiston davlat xoreografiya akademiyasida oʻtkaziladi.
7. Tanlovni oʻtkazishning aniq sanasi va muddati Oʻzbekiston Respublikasi Madaniyat vazirligi tomonidan belgilanadi hamda ushbu tanlovlar boshlanishidan uch oy oldin ommaviy axborot vositalarida eʼlon qilinadi.
8. Oʻzbekiston Respublikasi Madaniyat vazirligi, Alisher Navoiy nomidagi Oʻzbekiston davlat akademik katta teatri hamda Oʻzbekiston davlat xoreografiya akademiyasi tanlovni tashkil etish va oʻtkazish boʻyicha masʼul hisoblanadi.
2-bob. Tanlovda ishtirok etish shartlari
9. Tanlovda bolalar musiqa va sanʼat maktablari oʻqituvchilari, ixtisoslashtirilgan sanʼat va madaniyat maktablari, maktab internatlari, musiqa va sanʼat kollejlari, oliy taʼlim tashkilotlarining talabalari, oʻqituvchilari, badiiy va ijodiy jamoalarning ijrochilari ishtirok etishi mumkin.
10. Tanlovda 15 yoshdan 25 yoshgacha boʻlgan ijodkorlar ishtirok etishlari mumkin.
11. Tanlovda ishtirok etishni istagan ijrochilar tanlov boshlanishidan oʻttiz kun oldin Alisher Navoiy nomidagi Oʻzbekiston davlat akademik katta teatriga quyidagi hujjatlarni taqdim etishlari lozim:
tanlovda ishtirok etish uchun maʼlumotnoma (rezyume);
tanlovda ishtirok etish uchun ijro dasturi.
12. Har yili 20-fevraldan kech taqdim etiladigan hujjatlar qabul qilinmaydi.
13. Ishtirokchilarning tanlov davomida asarlarni ijro etish navbati belgilangan tartibda qurʼa tashlash orqali aniqlanadi va ushbu tartib tanlov yakuniga qadar saqlab qolinadi.
3-bob. Tanlov ishtirokchilarini baholash va gʻoliblarni taqdirlash
14. Tanlovni oʻtkazish boʻyicha Oʻzbekiston Respublikasi madaniyat vazirining buyrugʻi bilan madaniyat va sanʼat sohasidagi 5 — 7 nafar yetakchi mutaxassislardan iborat hakamlar hayʼati tarkibi hamda uning ish tartibi tasdiqlanadi.
15. Tanlov saralash va yakuniy (final) bosqichdan iborat boʻladi.
Tanlov ishtirokchilari quyidagi mezonlarga asosan baholanadi:
ijro mahorati;
professional tayyorgarligi;
repertuar saviyasi;
sahna madaniyati va artistik mahorati.
16. Tanlovning bosqichlarida ishtirokchilarning ijro mahorati hakamlar hayʼatining har bir aʼzosi tomonidan alohida tarzda 100 ballik tizim boʻyicha baholanadi.
17. Tanlovning saralash bosqichida umumiy ball natijalariga koʻra eng yuqori ball toʻplagan ishtirokchilarning 40 foizi hakamlar hayʼati qaroriga asosan tanlovning yakuniy bosqichiga oʻtkaziladi.
18. Hakamlar hayʼati tomonidan ishtirokchilarga qoʻyilgan ballar teng boʻlib qolganda, hakamlar hayʼati raisining ovozi hal qiluvchi hisoblanadi.
19. Tanlovda eng koʻp umumiy ball toʻplagan ishtirokchilar orasidan hakamlar hayʼati qaroriga asosan tanlovning 1, 2, 3-oʻrin sovrindorlari aniqlanadi.
Hakamlar hayʼati tomonidan tanlov ishtirokchilarning natijalari teng kelib qolgan taqdirda 1, 2 va 3-oʻrinlar uchun belgilangan pul mukofotlari ishtirokchilar oʻrtasida boʻlinishi mumkin.
20. Ishtirokchilarni baholashda hakamlar hayʼati mustaqildir.
21. Tanlovning yakuniy natijalari hakamlar hayʼatining qarori bilan rasmiylashtiriladi.
22. Ishtirokchilar hakamlar hayʼati qarori yuzasidan tanlovning har bir bosqichi yakuni boʻyicha bir kun muddatda hakamlar hayʼati raisi nomiga apellyatsiya shikoyati (ariza) berishlari mumkin. Apellyatsiya shikoyati belgilangan tartibda roʻyxatga olinadi, bir kun muddatda koʻrib chiqilib, bayonnoma bilan rasmiylashtiriladi va oʻsha kunning oʻzida eʼlon qilinadi.
23. Tanlov gʻoliblari diplom, statuetka va quyidagi miqdorlarda pul mukofotlari bilan taqdirlanadi:
1-oʻrin — bazaviy hisoblash miqdorining 40 barobari miqdorida;
2-oʻrin — bazaviy hisoblash miqdorining 30 barobari miqdorida;
3-oʻrin — bazaviy hisoblash miqdorining 20 barobari miqdorida.
24. Tanlov gʻoliblari boʻlgan oʻquvchi va talabalarning oʻqituvchilari maxsus diplom hamda esdalik sovgʻalari bilan taqdirlanadi.
25. Tanlovning yakuniy bosqichi ishtirokchilariga “Yosh balet ijrochilari” respublika koʻrik-tanlovi ishtirokchisi diplomi beriladi.
26. Tanlovning 1-oʻrin gʻolibi mos taʼlim yoʻnalishlari boʻyicha tegishli davlat oliy taʼlim muassasalarining bakalavriat qabul kvotasiga qoʻshimcha davlat granti asosida oʻqishga qabul qilinadi.
Ushbu bandning birinchi xatboshisi oliy taʼlim muassasalarining talabalari va oʻqituvchilariga nisbatan tatbiq etilmaydi.
4-bob. Tanlovni tashkil etish va oʻtkazishni moliyalashtirish
27. Tanlovni tashkil etish va oʻtkazish bilan bogʻliq xarajatlar quyidagi manbalar hisobidan amalga oshiriladi:
Alisher Navoiy nomidagi Oʻzbekiston davlat akademik katta teatrining Vasiylik kengashi tomonidan ajratiladigan homiylik xayriyalari;
metsenatlik koʻmagi;
qonunchilik hujjatlari bilan taqiqlanmagan boshqa manbalar.
28. Tanlov ishtirokchilarining tanlov oʻtkazilishi belgilangan hududga kelib-ketish, mehmonxona va ovqatlanish xarajatlari ularni tanlovda ishtirok etish uchun oʻz mablagʻlari yoki yuborayotgan tashkilotning mablagʻlari yoxud jismoniy va yuridik shaxslarning homiylik xayriyalari hisobidan qoplanadi.
5-bob. Yakunlovchi qoida
29. Tanlovni oʻtkazish jarayonlari boʻyicha kelib chiqadigan nizolar qonunchilik hujjatlarida belgilangan tartibda hal etiladi.
“Yosh balet ijrochilari” respublika koʻrik-tanlovini tashkil etish va oʻtkazish tartibi toʻgʻrisida” nizomga ILOVA
“Yosh balet ijrochilari” respublika koʻrik-tanlovini tashkil etish va oʻtkazish
Bosqichlar Subyektlar Tadbirlar Muddatlar 1-bosqich Oʻzbekiston Respublikasi Madaniyat vazirligi “Yosh balet ijrochilari” respublika koʻrik-tanlovini oʻtkazish boʻyicha ommaviy axborot vositalarida eʼlon berish Tanlov boshlanishidan uch oy avval 2-bosqich Oʻzbekiston Respublikasi Madaniyat vazirligi Tanlovning ijro dasturi va tanlovda ijro etiladigan asarlar roʻyxatini tasdiqlash Tanlov boshlanishidan kamida uch oy avval 3-bosqich Tanlov ishtirokchilari Tanlovda ishtirok etish uchun belgilangan muddatga qadar kerakli hujjatlarni ilova qilgan holda ariza yuborish. Tanlov oʻtkaziladigan yilning 20-fevraliga qadar 4-bosqich Oʻzbekiston Respublikasi Madaniyat vazirligi Tanlovni ikki bosqichda oʻtkazish. Saralash va yakuniy (final) bosqich. Tanlov oʻtkaziladigan yilning aprel oyida 5-bosqich Oʻzbekiston Respublikasi Madaniyat vazirligi Tanlov gʻoliblarini tantanali tadbirda taqdirlash hamda ommaviy axborot vositalarida eʼlon qilish Tanlov oʻtkaziladigan yilning aprel oyida
Vazirlar Mahkamasining 2022-yil 5-oktabrdagi 569-son qaroriga 5-ILOVA
“Dirijor, rejissor va baletmeysterlar” respublika koʻrik-tanlovini tashkil etish va oʻtkazish tartibi toʻgʻrisida
1-bob. Umumiy qoidalar
1. Ushbu Nizom “Dirijor, rejissor va baletmeysterlar” respublika koʻrik-tanlovini (keyingi oʻrinlarda — tanlov) oʻtkazish tartibini belgilaydi.
2. Tanlov quyidagilarni nazarda tutgan holda oʻtkaziladi:
opera va balet sanʼatini yanada yuksaltirish, dirijor, rejissor va baletmeysterlarni kashf etish;
dirijor, rejissor va baletmeysterlarning mahorati, isteʼdodi va qobiliyatini namoyon etish, ularning ijrochilik koʻnikmalarini yanada rivojlantirish;
dirijor, rejissor va baletmeysterlarni yuksak darajaga koʻtarish, milliy sanʼatimizni dunyo sahnalariga olib chiqish, iqtidorli yoshlarni ragʻbatlantirish hamda ularning ijodini keng targʻib qilish;
dirijor, rejissor va baletmeysterlarning ijro imkoniyatlarini oshirish va ularning oʻziga xos xususiyatlari bilan ommani tanishtirish.
3. Tanlov ijro dasturi va ijro etiladigan asarlar asosida oʻtkaziladi.
4. Tanlovning ijro dasturi va tanlovda ijro etiladigan asarlar roʻyxati Oʻzbekiston Respublikasi Madaniyat vazirligi tomonidan tanlov boshlanishidan kamida uch oy oldin tasdiqlanadi.
Tasdiqlangan ijro dasturi va tanlovda ijro etiladigan asarlar roʻyxati:
Oʻzbekiston Respublikasi Madaniyat vazirligi tomonidan Qoraqalpogʻiston Respublikasi Madaniyat vazirligi, viloyatlar madaniyat boshqarmalari hamda Toshkent shahar madaniyat bosh boshqarmasiga besh kun muddatda;
Qoraqalpogʻiston Respublikasi Madaniyat vazirligi, viloyatlar madaniyat boshqarmalari hamda Toshkent shahar madaniyat bosh boshqarmasi tomonidan ijro dasturi va tanlovda ijro etiladigan asarlar roʻyxati kelib tushgandan keyin uch kun muddatda bolalar musiqa va sanʼat maktablar, ixtisoslashtirilgan sanʼat va madaniyat maktablar, maktab-internatlar, musiqa va sanʼat kollejlari, oliy taʼlim tashkilotlar, badiiy va ijodiy jamoalarga yetkaziladi.
5. Tanlov dasturi tasdiqlangandan soʻng unga oʻzgartirish va qoʻshimchalar kiritishga yoʻl qoʻyilmaydi.
6. Tanlov 2022-yildan boshlab har yili bir marta iyun oyida Alisher Navoiy nomidagi Oʻzbekiston davlat akademik katta teatrida oʻtkaziladi.
7. Tanlovni oʻtkazishning aniq sanasi va muddati Oʻzbekiston Respublikasi Madaniyat vazirligi tomonidan belgilanadi hamda ushbu tanlov boshlanishidan uch oy oldin ishchi guruh tomonidan ommaviy axborot vositalarida eʼlon qilinadi.
8. Oʻzbekiston Respublikasi Madaniyat vazirligi, Alisher Navoiy nomidagi Oʻzbekiston davlat akademik katta teatri, Oʻzbekiston davlat konservatoriyasi, Oʻzbekiston davlat xoreografiya akademiyasi tanlovni tashkil etish va oʻtkazish boʻyicha masʼul hisoblanadi.
2-bob. Tanlovda ishtirok etish shartlari
9. Tanlovda bolalar musiqa va sanʼat maktablari oʻqituvchilari, ixtisoslashtirilgan sanʼat va madaniyat maktablari, maktab internatlari, musiqa va sanʼat kollejlari, oliy taʼlim tashkilotlarining talabalari, oʻqituvchilari, badiiy va ijodiy jamoalarning ijrochilari ishtirok etishi mumkin.
10. Tanlov ishtirokchilarining yoshi Oʻzbekiston Respublikasi Madaniyat vazirligi tomonidan belgilanadi.
11. Tanlovda ishtirok etishni istagan ijrochilar tanlov boshlanishidan oʻttiz kun oldin Alisher Navoiy nomidagi Oʻzbekiston davlat akademik katta teatriga quyidagi hujjatlarni taqdim etishlari lozim:
tanlovda ishtirok etish uchun maʼlumotnoma (rezyume);
tanlovda ishtirok etish uchun ijro dasturi.
12. Har yili belgilangan sanadan kech taqdim etiladigan hujjatlar qabul qilinmaydi.
13. Ishtirokchilarning tanlov davomida asarlarni ijro etish navbati belgilangan tartibda qurʼa tashlash orqali aniqlanadi va ushbu tartib tanlov yakuniga qadar saqlab qolinadi.
14. Asarlar yoddan ijro etiladi hamda namoyish etiladi.
15. Tanlov quyidagi 3 ta yoʻnalish (nominatsiya) boʻyicha oʻtkaziladi:
dirijorlik yoʻnalishi;
rejissorlik yoʻnalishi;
baletmeysterlik yoʻnalishi.
3-bob. Tanlov ishtirokchilarini baholash va gʻoliblarni taqdirlash
16. Tanlovni oʻtkazish boʻyicha Oʻzbekiston Respublikasi madaniyat vazirining buyrugʻi bilan madaniyat va sanʼat sohasidagi 7 — 9 nafar yetakchi mutaxassislardan iborat hakamlar hayʼati tarkibi hamda uning ish tartibi tasdiqlanadi.
17. Tanlov saralash va yakuniy bosqichdan iborat boʻladi.
Tanlov ishtirokchilari quyidagi mezonlarga asosan baholanadi:
professional tayyorgarligi;
repertuar saviyasi;
badiiy did bilan yondashuvi;
sahna madaniyati va artistik mahorati.
18. Tanlovning bosqichlarida ishtirokchilarning mahoratlari hakamlar hayʼatining har bir aʼzosi tomonidan alohida tarzda 100 ballik tizim boʻyicha baholanadi.
19. Tanlovning saralash bosqichida umumiy ball natijalariga koʻra eng yuqori ball toʻplagan ishtirokchilarning 40 foizi hakamlar hayʼati qaroriga asosan tanlovning yakuniy bosqichiga oʻtkaziladi.
20. Tanlovning yakuniy bosqichida asarlar orkestr joʻrligida ijro etiladi.
21. Hakamlar hayʼati tomonidan ishtirokchilarga qoʻyilgan ballar teng boʻlib qolganda, hakamlar hayʼati raisining ovozi hal qiluvchi hisoblanadi.
22. Tanlovda eng koʻp umumiy ball toʻplagan ishtirokchilar orasidan hakamlar hayʼati qaroriga asosan har bir yoʻnalish (nominatsiya) boʻyicha tanlovning 1, 2, 3-oʻrin sohibi aniqlanadi.
Hakamlar hayʼati tomonidan tanlov ishtirokchilarning natijalari har bir yoʻnalish (nominatsiya) boʻyicha teng kelib qolgan taqdirda 1, 2 va 3-oʻrinlar uchun belgilangan pul mukofotlari ishtirokchilar oʻrtasida boʻlinishi mumkin.
23. Ishtirokchilarni baholashda hakamlar hayʼati mustaqildir.
24. Tanlovning yakuniy natijalari hakamlar hayʼatining qarori bilan rasmiylashtiriladi.
25. Ishtirokchilar hakamlar hayʼati qarori yuzasidan tanlovning har bir bosqichi yakuni boʻyicha bir kun muddatda hakamlar hayʼati raisi nomiga apellyatsiya shikoyati (ariza) berishlari mumkin. Apellyatsiya shikoyati belgilangan tartibda roʻyxatga olinadi, bir kun muddatda koʻrib chiqilib, bayonnoma bilan rasmiylashtiriladi va oʻsha kunning oʻzida eʼlon qilinadi.
26. Tanlov gʻoliblari har bir yoʻnalish boʻyicha diplom, statuetka va quyidagi miqdorlarda pul mukofotlari bilan taqdirlanadi:
1-oʻrin — bazaviy hisoblash miqdorining 40 barobari miqdorida;
2-oʻrin — bazaviy hisoblash miqdorining 30 barobari miqdorida;
3-oʻrin — bazaviy hisoblash miqdorining 20 barobari miqdorida.
27. Tanlov gʻoliblari boʻlgan oʻquvchi va talabalarning oʻqituvchilari maxsus diplom hamda esdalik sovgʻalari bilan taqdirlanadi.
28. Tanlovning yakuniy bosqichi ishtirokchilariga “Dirijor, rejissor va baletmeysterlar” respublika koʻrik-tanlovi ishtirokchisi diplomi beriladi.
29. Tanlovning 1-oʻrin gʻolibi mos taʼlim yoʻnalishlari boʻyicha tegishli davlat oliy taʼlim muassasalarining bakalavriat qabul kvotasiga qoʻshimcha davlat granti asosida oʻqishga qabul qilinadi.
Ushbu bandning birinchi xatboshisi oliy taʼlim muassasalarining talabalari va oʻqituvchilariga nisbatan tatbiq etilmaydi.
4-bob. Tanlovni tashkil etish va oʻtkazishni moliyalashtirish
30. Tanlovni tashkil etish va oʻtkazish bilan bogʻliq xarajatlar quyidagi manbalar hisobidan amalga oshiriladi:
Alisher Navoiy nomidagi Oʻzbekiston davlat akademik katta teatrining Vasiylik kengashi tomonidan ajratiladigan homiylik xayriyalari;
metsenatlik koʻmagi;
qonunchilik hujjatlari bilan taqiqlanmagan boshqa manbalar.
31. Tanlov ishtirokchilarining tanlov oʻtkazilishi belgilangan hududga kelib-ketish, mehmonxona va ovqatlanish xarajatlari ularni tanlovda ishtirok etish uchun oʻz mablagʻlari yoki yuborayotgan tashkilotning mablagʻlari yoxud jismoniy va yuridik shaxslarning homiylik xayriyalari hisobidan qoplanadi.
5-bob. Yakunlovchi qoida
32. Tanlovni oʻtkazish jarayonlari boʻyicha kelib chiqadigan nizolar qonunchilik hujjatlarida belgilangan tartibda hal etiladi.
“Dirijor, rejissor va baletmeysterlar” respublika koʻrik-tanlovini tashkil etish va oʻtkazish tartibi toʻgʻrisida” nizomga ILOVA
“Dirijor, rejissor va baletmeysterlar” respublika koʻrik-tanlovini tashkil etish va oʻtkazish
Bosqichlar Subyektlar Tadbirlar Muddatlar 1-bosqich Oʻzbekiston Respublikasi Madaniyat vazirligi “Dirijor, rejissor va baletmeysterlar” respublika koʻrik-tanlovini oʻtkazish boʻyicha ommaviy axborot vositalarida eʼlon berish Tanlov boshlanishidan uch oy avval 2-bosqich Oʻzbekiston Respublikasi Madaniyat vazirligi Tanlovning ijro dasturi va tanlovda ijro etiladigan asarlar roʻyxatini tasdiqlash Tanlov boshlanishidan kamida uch oy avval 3-bosqich Tanlov ishtirokchilari Tanlovda ishtirok etish uchun belgilangan muddatga qadar kerakli hujjatlarni ilova qilgan holda ariza yuborish. Tanlov oʻtkaziladigan yilning 20-fevraliga qadar 4-bosqich Oʻzbekiston Respublikasi Madaniyat vazirligi Tanlovni ikki bosqichda oʻtkazish. Saralash va yakuniy (final) bosqich. Tanlov oʻtkaziladigan yilning iyun oyida 5-bosqich Oʻzbekiston Respublikasi Madaniyat vazirligi Tanlov gʻoliblarini tantanali tadbirda taqdirlash hamda ommaviy axborot vositalarida eʼlon qilish Tanlov oʻtkaziladigan yilning iyun oyida
Vazirlar Mahkamasining 2022-yil 5-oktabrdagi 569-son qaroriga 6-ILOVA
Halima Nosirova nomidagi xalqaro yosh operachilar koʻrik-tanlovi hamda “Toshkent bahori” xalqaro opera va balet festivaliga tayyorgarlik koʻrish va oʻtkazish boʻyicha tashkiliy qoʻmita
1. A.A. Abduxakimov — Oʻzbekiston Respublikasi Bosh vazirining oʻrinbosari — turizm va madaniy meros vaziri, Tashkiliy qoʻmita raisi 2. O.A. Nazarbekov — madaniyat vaziri, Tashkiliy qoʻmita raisi oʻrinbosari 3. J.A. Artikxodjayev — Toshkent shahar hokimi 4. B.S. Yuldashev — Fanlar akademiyasi prezidenti 5. G.G. Fazilov — tashqi ishlar vaziri oʻrinbosari 6. A.D. Xadjayev — Oʻzbekiston Milliy teleradiokompaniyasi raisi 7. A.K. Kuchimov — Oʻzbekiston Milliy axborot agentligi bosh direktori 8. Yo. Axmedov — Teatr arboblari uyushmasi raisi 9. R.B. Usmonov — Alisher Navoiy nomidagi Oʻzbekiston davlat akademik katta teatri direktori, Tashkiliy qoʻmita kotibi
Oʻzbekiston Respublikasining Bosh vaziri A. ARIPOV
Toshkent sh.,
2022-yil 5-oktabr,
569-son